Kinobek

11/04/2022

20asr boshlari va oʻrtalaridagi Amerika Hollywood kinolari, rasmlari, asarlarini kuzatib shunga etibor berdim: Ilgari AQSHda ham Oq tanli (White People) amerikanlarda ham oila madaniyati yuksak, oʻz madaniyati, qadriyatlariga rioya qiladigan jamiyat tasvirlangan. Dasturxon oldida butun oila yegʻilib jam boʻlgan. Katta oiladan iborat boʻlgan, oilada Dodasi, Buvisi ham boʻlgan, oʻz diniy odatlariga amal qiluvchi, Erkak kishi boshqaruvidagi Patriarxal oila tasvirlangandi.

Usha davrdagi kinolarni hozirgi Hollywood kinolaridagi Amerikalik oq tanli oilalarni hayoti bilan solishtirib ham boʻlmaydi. Hozir Oq tanli Amerikalik oilani chamasi shunday tasvirlashadi: Eridan ajrashgan "Mat odinochka" ayol va uni 1 yoki 2 nafar farzandi. Butunlay Feminismga asoslangan "oila". Oila ham emas qandaydir klub. Farzandlari Onasini bir tiyinga ham olmaydigan qilib koʻrsatadi. Bolani tarbiyalashga esa vaqt yoʻq. Ayol kunu tun ishda. Ajrashmagan Oq tanli oila tasvirlansa ham (bu juda nodir holatda boʻladi, negadir 95% kinoda Oq tanli Amerikalik oila ajrashgan boʻladi) Erni qandaydir landavur, yoki oila masulyatini eplay olmaydigan erkak qilib tasvirlashadi. Oʻzi yaxshilab qarasa Hollywoodda faqat Qora tanli oilada Ota onasi ham bor qilib koʻrsatishadi.

Eski Amerikan kinolarida esa qandaydir oila madaniyati sogʻlomroq tasvirlangan. Bolalar ota onasini hurmat qiladi, ularga quloq soladi. Uyda Erkak kishi rahbar, ayoli esa farzand tarbiyasi bilan shugʻullanadi.

Oq tanli Amerikaliklar shu yillar orasida aslida koʻp narsani yoqotishgandek, eng asosiysi oila madaniyatini... Davlatini ham yoʻqotishni boshlashmoqda.

©Khamidoff Bobur

P.S. Ogʻriqli mavzu. Kino tarbiya vositasi emas va yana shunga oʻxshash fikrlarni ijodkorlar tinimsiz takrorlashadi. Buni koʻproq rejissyorlarning himoya qobigʻiga oʻxshataman. Izohlayman, men tomoshabob (pul uchun) boʻlishi uchun yengilroq(bachkanaroq) film oldim va bilamanki, fikri tiniqroq insonlar buni tanqid qiladi. Va men kino tarbiya vositasi emas, tarbiya uyda beriladi degan shior bilan goʻyoki oʻzimni oliy sanʼatni tushunuvchi inson qilib koʻrsatib, ularni ahmoqqa chiqara boshlayman.

Kinoni oilaga, jamiyatga va boringki butun millatga toʻgʻridan-toʻgʻri taʼsiri bor. Bu taʼsir siz oʻylagandan ham yuqoriroq. Izohlayman, qaynona-kelin muammosi bizda azaldan bor lekin qachon davlat darajasigacha chiqib, deyarli har 3 oiladan bittasida shu muammo koʻtariladigan boʻldi? Qachonki, filmlarimizda yoppasiga qaynona-kelin janjali koʻrsatila boshlaganda. Qachon ajrashishlar soni oldingi yillarga nisbatan ikki-uch barobarga oshdi? Qachonki, ayni temada bir qancha valakida filmlar koʻpayganda.

Kinoda teskari targʻibot nisbatan ommaga koʻproq taʼsir oʻtkazadi. Agar jamiyatdagi biror muammoga qarshi insonlar xulosa chiqarishi uchun filmlar yaratilishni boshlagan boʻlsa, ayni shu muammoni teskari usulda targʻibotiga ham sabab boʻlaveradi.

Qanday qilib? Masalan, giyohvandlikni oxiri qanchalik ayanchli boʻlishini koʻrsatish uchun, uning kayf berishini ham kamida shu darajada tasvirlashga toʻgʻri keladi.

Yana bir misol oʻlaroq fakt keltiraman: bitta Poʻlat Alamdar obrazi bilan butun boshli turk erkaklariga, umuman millatiga taʼsir oʻtkazdi. Zamonaviy musulmon turk erkagi, davlat doimo aybsizligi, amaldorlar aybdorligi, millatni sevish, har qanday vaziyatda politsiyani oʻldirmaslik, unga boʻysunish va yana shunga oʻxshash bir qancha gʻoyalar aholiga toʻgʻridan-toʻgʻri turk qahramoni misolida singdirildi va soʻngi oʻn yillikda qay darajada oʻzgarishiga sabab boʻldi. Bizda esa soʻngi 2 yildan beri inkubatordan chiqayotgan seriallarimiz, doimiy ravishda oila muammosiga urgʻu berishmoqda va bizni(Oʻzbeklarni) ichimizdan, ayni oila atalmish tarixan eng yuksak va Oʻzbek millarining eng asosiy oʻzagidan xarob qilishga toʻgʻridan-toʻgʻri xizmat qilmoqda.

P.S.S. Haqiqiy Oʻzbeklarni bu usulda xarob qilish, bizga sevimli boʻlgan "Kelinlar qoʻzgʻoloni" filmi orqali boshlangan edi va hozirga qadar jadal rivojlanmoqda afsuski.

Kinobek

08/04/2022

"Garry Potter" filmi qahramonlarining haqiqiy qiyofalari.

Reddit platformasi foydalanuvchisi sunʼiy intellekt yordamida qahramonlarning haqiqiy qiyofalarini yaratdi. Qahramonlar qiyofasi muallif Joann Roulingning "Garry Potter" kitobida tasvirlangani asosida yaratilgan.

Kinobek
t.me/kinobekuz

06/04/2022

"Betmen" 2021
Rejissyor: Met Rivz

3 mart kuni katta ekranlarga chiqqan film, 1 oyning o'zida 700 million $dan oshiq soqqa yigʻishga ulguribdi. Syujet qiziqarli va shu bilan birgalikda qora dramadan iborat boʻlib naq 3 soat davom etadi.

"Joker"(2019) filmi orqali bizga Jokerning haqiqiy asliyati va uni bu ahvolga olib kelgan sabablar koʻrsatilgan boʻlsa, mazkur film orqali esa Betmen shaxsiyati toʻlaligicha ochib berilgan.

Nolan tomonidan yaratilgan trilogiyani koʻpchiligimiz koʻrganmiz. Unda nisbatan qahramon shaxsiyatidagi ijobiy tomonlar koʻrsatilib, Betmenning asl haqiqatidan qisqa-qisqa signallar berilgan xolos.

Met Rivz esa nisbatan toʻgʻri yondashishga harakat qilgan va Betmenning murakkab shaxsiyati bilan birgalikda asl haqiqatini anchagina dadil koʻrsatishga harakat qilgan.

9/10

"Betmen uchun!" Nega aynan Betmenga? Ueynlar oilasining siri nimada? Bularning barchasi aslida nimani anglatadi? Film haqida keyinchalik batafsil va chuqurroq gaplashamiz.

Oʻzi filmni koʻrdingizmi?

Kinobek

28/03/2022

So'ngi voqealar haqida qisqacha)

23/02/2022

Killian Myorfining "Oppengeymer" obrazidagi ilk surati namoyish etildi.

Bir qarashdaku o'xshatmaysiz lekin, ko'rinishidan rolga mutlaq mosligini ko'ramiz. Kasting mutaxasislariga qoyil qolishimiz kerakmi yoki grim ustalariga?! Balki, gap Nolanning tanlovidadir?...

Kinobek

20/02/2022

"Batman" filmining premyerasiga ham oz fursat qoldi...

Xabarlarga qaraganda bir necha oy oldin kinotanqidchilar uchun filmning yopiq premyerasi boʻlib oʻtgan. Albatta, hech qanday maʼlumot tashqariga chiqarilmagan, lekin shunga qaramasdan bir necha tanqidchilar qisqa boʻlsada film haqida tariflar keltirishibdi. Fikrlarning asosiy mazmuni shunday: Betman haqidagi eng ogʻir drama, Robert Pattinson ideal Betman, Ogʻir syujet, film shunchaki shedevr va yana shu kabi fikrlar...

Albatta, soʻngi xulosani filmni koʻrgandan soʻng aytamiz, ungacha esa filmdan qisqa lavhani koʻrishingiz mumkin. Ogʻir musiqalar, atmosfera, ichki holati notinch qahramonlar, koʻrinmas lekin mavjud boʻlgan xavf(qoʻrqinch) va "Super qahramon" filmlarida deyarli kam uchraydigan ommaning ayanchli ohangda qichqirishi(bu kabi qichqiriqlar asosan Horror janrida koʻproq uchraydi) kabi bir qancha omillar aniq aytib turibdiki, filmda biz uchun yaxshigina yangiliklar bor.

Film premyerasi 3 mart kuni boʻlib oʻtadi.

03/02/2022

Ritsar Rodjer Dikkens!

Kuni kecha Dikkens Kinematografiyaga qo'shgan hissasi uchun ritsar unvoni bilan taqdirlandi. Haqli!

Kinoda yaxshi ijodkorlar juda ko'p lekin afsonalar kam! Rodjer tog'o haqiqatdan ritsarlarcha kinoga hizmat qildi va kinoda o'z uslubini o'chmas qilib yozishga ham ulgurdi.

Haqiqiy Afsona!

Kinobek

31/01/2022

Baron Xarkonnen

Arrakesning oldingi hukumdorlaridan biri Vladimir Xarkonnen obrazini yaratish jarayoni. Ijodkorlarga qoyil qolmasdan iloj yoq, eng mayda detallargacha e'tibor berilgan.

Aktyor: Stellen Skarsgard
Rejissyor: Deni Vilnyov
Grim ustasi: Donald Movad

Kinobek

15/01/2022

O'sha biratni taniydiganlar bormi? Kino haqida ham she'r yozdiraylik)

Kinobek

29/12/2021

"Yuqoriga qaramang"

Kinoni koʻrib boʻlgandan keyin, film haqida xayol surib titrlarni ham oxirigacha koʻrib tugatib qoʻyibman.

Anchadan beri juda ogʻriqli mavzular haqida bunaqa yengil filmni koʻrmagan edim. Montaj, muhit, atmosfera, rang va musiqalar hammasi birlashib qanaqadir yangi filmcha koʻrgandek boʻldim, nihoyat. Anchadan beri bunaqa hissiyot boʻlmagan edi.

Bir safar mualliflik filmlarimiz dramasiz oʻladi degan post yozgan edim. Oʻsha postdagi fikrlarni shu film bilan toʻldirsa boʻladi. Tushunyapsizmi, muammolarga har doim ham drama bilan yondashilmaydi. Kinochi tomoshabinni his eta bilishi kerak va muammolarni tomoshabin xohlaganday yetkazish imkoni ham bor. Mashhur aktyorlar jamoasi, komediya, chiroyli sahnalar, musiqalar, rang-baranglik va fantastika! Hozirgi tomoshabin koʻradigan va rejissyor aytmoqchi bo'lgan muammoni aniq yetkaza oladigan film. Dramasiz koʻrsatish kerak deganda ayni shu narsani tushuntirishga biroz qiynalgan edim. Hozir juda ogʻir davrda yashayapmiz, odamlar kinolardagi qahramonlar qiyinchiliklarini koʻrishdan charchashgandek va ayni shu sababli ham soʻngida qahramonlar gʻalaba qozonadigan, komiks filmlar, tomoshabinlarni koʻproq jalb qilmoqda. Tomoshabin faqat shu filmlardagina g'alaba hissini tuymoqda, xolos.

•Tomoshabinni ayblash rejissyor uchun faqatgina uyat deb hisoblayman. Ha, saviyamiz, tanlovlarimiz biroz oʻzgargan boʻlishi mumkin, lekin rejissyor Adam MakKey singari tomoshabin xohishini topib, u orqali oʻz fikrlarini ayta olish ham bir isteʼdod, aslida. Maʼlumotlarga qaraganda film Netflix platformasida premyeradan so'ngi 3 kun ichida Amerikaliklar tomonidan koʻrilgan eng yaxshi filmlar ichida 2 oʻrin egallagani bunga yaqqol misol boʻlsa kerak.

Film yengil, tomoshabob, qiziqarli, komediya va fantastikani oʻzida birlashtirgan boʻlib, filmda uzluksiz jiddiy dramatik sahna deyarli yoq. Ortiqcha yigʻi yoki tomoshabin hissiyotlaridan foydalanadigan sahnalar ham. Lekin, Lekin, siz film tomoshasi davomida juda ham ogʻriqli muammolarni his etib turasiz. Bu muammolar hozirda sizning atrofingizda boʻlayotganini ham. Shu sirkda siz ham ishtirok etayotganingizni bilib turasiz. Oʻzimizni-oʻzimiz aldayotganimiz-u, "osmonga qaramaslik" yechim emasligini bilsakda, Lekin, bari-bir minbarlardagi insonlarga qarata "bizni aldanglar" degandek hayqirib qoʻllab-quvvatlayveramiz. Nega, chunki, biz 20 yillar oldin Wachovskiylar aytgan haqiqiy Matritsa ichiga toʻla kirib boʻldik va bu yerda oʻzimizni erkin his etamiz. Bu bizga yoqadi va biz buni bilsakda undan tashqariga chiqishni xohlamaymiz. Qul boʻlsak nima qilibdi, zato "erkin"miz deya, ular bergan "imkoniyat"lardan imkoni boricha foydalanish bilan ovoramiz.

Film qahramonlaridek meni ham bu gapimni jiddiy qabul qilmasangiz-da bari-bir aytaman, "kometa" yaqin, biz esa hali ham "tomosha"lar bilan ovoramiz.

Filmda koʻrsatilgani singari "tomoshachi omi xalq" va "tentak"(dovdir) sifat olimlar yashagan yurtni xuddi oʻzlaridek rahbarlar boshqaradi!

8.8/10

Kinobek

28/12/2021

Odamlar aytyapti....

Siz nima deysiz?

Kinobek

18/12/2021

"O'rgimchak odam: uyga yo'l yoq" filmini tomoshabin va kino tanqidchilar yuqori baholamoqda:

IMDb 9.2/10 (9 o'rin, Top 250);

Kinopoisk 8.7/10 (6 o'rin, Top 250);

Rottem Tomatoes 99% 4.9/5;

KINOBEK 8.6/10 (kottalani qatoriga qo'shib qoyilik o'zimizni ham😁)

P.S. Albatta, bu raqamlar vaqt o'tgan sari o'zgarib boraveradi. Ko'proq tomoshabinlar ko'rishi, ovoz beruvchilar sonini oshiradi va bu o'z-o'zidan reyting natijalariga ta'sir qiladi. (katta ehtimol pasayishiga)

Kinobek

17/12/2021

Bugun bundan yaxshiroq rasm ko'rmadim))

P.S. Gap aktrisaning oyog'idan ushlab yugurayotgan Chenning Tatumda emas, balki aravani boshqarayotgan qo'ng'ir sochli Bred Pittda))

"Затерянный город Д" (2022)

Kinobek

16/12/2021

"O'rgimchak odam: uyga yo'l yoq"

Film Marvel studiyasi tomonidan yaratilgan eng yaxshi 3 filmdan biri, shubhasiz.

Qisqacha aytadigan bo'lsak haqiqiy komiks film. Drama, komediya, chiroyli sahnalar va qiziqarli syujet. Ha, kamchiliklar yetarli, lekin drama bilan bog'langan syujet bu kamchiliklarni anchagina yopib ketgan.

Taxminimcha, film 2021 yilning eng kassabop filmi bo'lishga asosiy davogar("Matritsa"ning muvaffaqiyatidan qatiiy nazar).

8.6/10

Kinobek

28/11/2021

"Gran-pri yoxud Uzbekkino, omadsizga kuldi omad!" filmi haqida

Barcha Uzbekkino ijodkorlarini Belorussiyada qoʻlga kiritilgan Gran-pri bilan tabriklayman lekin xalqimizni tabriklamayman!)

Ajoyib! Bu mukofot bizlarga qanchalik shart, zarur boʻlishi bilan birgalikda, biz bunga mutlaq loyiq ham edik. Mana haqiqat bari bir yuzaga chiqadi! Qani endi oʻsha negativchi rejissyorlar, tanqidchilar, kinoni tushunmaydigan pessimistlar qani sizlar? Qilgan mehnatimiz uchun haqli mukofot! deyishayotgan boʻlsa kerak Uzbekkinoʻdagilar😂

Ha haqiqatdan ajoyib, sharmandali festival, bir tiyinga qimmat filmlar va soʻngida "oliy" mukofot! Qoyil, hattoki "Parazitlar"(2019) filmi ham Oskar taqdirlash marosimiga gʻalaba qozonishini bunchalik aniq bilib bormagan boʻlsa kerak)

Men film mukofotga haqli yoki nohaqligi xususida gapirmayapman. Bu umuman boshqa mavzu, bir necha oy oldin festivalga chaqirishmagan yoki chaqirishgan bo'lsa, ularga quloq solmasdan bormagan, qaysidir ma'noda ular ishidan norozi bo'lgan rejissyordan, shunchaki ko'z yumib endi "ochko" uchun foydalanishayotgandek, gap faqatgina qarsakbozlik va ochko uchun oʻtib ketgan butun boshli yil haqida. Shuncha yosh kino ijodkorlar qanchadan qancha mukofotlar yutishganda, yoshlarga eʼtibor deb hech boʻlmasa "choynak-piyola" bermagan Uzbekkino, oʻtgan yilgi filmni oddiy gʻalabasini koʻtar-koʻtar qilayotgani hayratlanarli. Yosh ijodkorlar gʻalaba qilgan festivallar oddiy saviyasi past festivallar-u, Belorusniki Oskar darajasidami?) Kulgim qistaydida...

Shunchaki tasavvur qilamiz, xayolot: qaysidir postsovet davlatida yashaymiz, Biz Toshkent kino Festivalining bosh hakamlarimiz, festivalda ishtirok etayotgan filmlar juda koʻp, lekin shular orasidan Belarus kino ijodkorlari tomonidan Toshkentda suratga olingan film eʼtiborimizni tortadi. Bu kino qanaqa boʻlishidan qatʼiy nazar bizning yurtda suratga olingan axir, yana kim, eski doʻstlarimiz. Yurtimizda shunaqa kino pavilyonlar borligini koʻrishsin va yana kelishsin,toʻgʻrimi? ularga beramiz... - Axir Eron filmi bundan yaxshiroq-ku, keyin odamlarga nima deymiz... - E shuni ham oʻylaysanmi qanaqa hududda yashashimizni bilmaysanmi, bu yerda hamma narsaning iloji bor, boʻldi gapni koʻpaytirmanglar, hali oshga borishimiz kerak...😉

Postsovet hududidagi har qanday festival va musobaqalar natijasi men uchun har doim shubhali boʻlib koʻrinaveradi, ayniqsa, "148" yildan beri bir odam rahbar bo'lib ishlagan davlat boʻlsa. IMHO

Uzbekkinoni: mana ishlayapmiz, yutyapmiz, "omad"li yil boʻldi, bizni tanqid qilayotganlar, shunchaki bizni koʻra olishmaydilar, mana tushunganlar bizni tan olishyapti uslubida gapirib, yana bir yil ura-urachilik bilan yakunlayotganliklari afsuski achinarli. Koʻrinishidan chiroyli, lekin kinoni yoʻq qilish uchun eng foydali yil!

Bu post orqali, Ikkiyuzlamachilik, koʻzboʻyamachilik va sharmandali oʻtdan 2021 yil bilan Uzbekkinoni tabriklagan xolda, haqiqiy kinoning qabri juda chuqur kovlanayotganini eslatib oʻtmoqchiman xolos)

Disertga:
Jurnalist: - prezident islohotlari haqida nima deya olasiz?
Lyuk Besson: - ....(uzoq pauza), savolni qaytaring...

Axmoqlar!

t.me/kinobekuz

🚩 Kino Yangiliklar 🚩 Kino Тaxlillar 🚩 Kino Рremyeralar 🚩 Kinoga oid barcha so'ngi yangiliklar bizning kanalda! Savol, taklif hamda ijodiy hamkorlik uchun

28/11/2021

Rejissyor Ridli Skot tomonidan suratga olingan "Soʻngi duel" filmi omadsizlikka uchradi.

2021 yilning eng kutilgan va mashhur aktyorlar jamoasidan tashkil topgan film kutilgan natijani bermadi. Gap shundaki, umumiy foydasi 100mln$ boʻlgan tumanda, film 27mln$ pul ishladi xolos.

Mutaxassislar buni daxshatli omadsizlik deb atashayotgan boʻlsa, Ridli Skotning oʻzi shunday izohlagan: Men omadsizlikka sabab boʻluvchi hech qanday kamchilik koʻrmayapman. Biz ssenariy, voqealar va hatto marketing ishlarini ham shunga moslab(foydaga) chuqur oʻylab qilganmiz. Studiyaning reklama ishlaridan ham koʻnglim toʻq.

Bugun biz mana shu ahmoq telefonlar tomonidan tarbiyalangan insonlar bilan ishlashga majburmiz. Agar ularga telefon orqali maʼlumot bermasang, hech vaqoni oʻrganishmaydi" deya qoʻshimcha qilgan rejissyor.

Filmni koʻrdingizmi? Fikringiz qanday?

Kinobek

23/11/2021

"House of Gucci"

Shunday filmlar yaratiladiki, ularning muvaffaqiyatidan qatiy nazar kinematografik yutuqlari uchun ham ko'rging keladi. Masalan, ijrolar, grim, kiyimlar va montaj, musiqa, rejissyor yoki operator ishlari uchun. Guchchilar uyi filmi ham yuqoridagi kriteriyalardan bir nechtasiga javob bo'la oladi deb o'ylayman, buni film treyleridan ham ko'rishimiz mumkin.

Rejissyor Ridli Skot va uning doimiy jamoasi, bosh rollarda Al Pachino, Adam Drayver, Jared Leto va Ledy Gaga. Bir qarashda daxshatli ijodiy tarkib, lekin filmda grim, kiyimlar, montaj va ranglar ham ajoyib ekani ko'rinib turibdi. Taxminimcha, tijoriy va mualliflik kino uslublarining o'rtasi bo'lish bilan birgalikda, yaxshigina foyda va mukofotlarga ham ega chiqishi mumkin.

Ha, albatta bu faqatgina taxmin xolos, barchasi bir necha kundan so'ng bo'lib o'tadigan premyerada aniq bo'ladi. Balki, ko'rgandan so'ng yaxshigina tanqid qilarmiz, lekin nima bo'lganda ham kutishga arzigulik filmlardan biri deb o'ylayapman...

Kinobek

16/11/2021

Deniel Redkliff boshchiligidagi “Garri Potter” filmining aktyorlar jamoasi “Falsafa toshi” filmining 20 yilligi sharafiga HBO Max'da yig‘ilishadi.

Aktyorlar yoqimli xotiralar bilan o‘rtoqlashadigan maxsus epizodning premyerasi kelasi yilning 1 yanvarida bo‘lib o‘tadi. Unda asosan aktyorlar jamoasi suratga olish va boshqa jarayonlardagi eng qiziqarli voqea hamda holatlarni eslashadi.

Barchamizga qadrli bo'lgan bu film qahramonlarining hikoyalari yangi yil uchun ajoyib sovg'a bo'lishi shubhasiz, lekin bu film haqidagi filmdan oldin barcha qismlarni boshqattan ko'rib chiqishimiz kerakka o'xshaydi...

t.me/kinobekuz

16/11/2021

Rejissyor Ridli Skotning Marvel studiyasi haqidagi fikrlari dunyoning har bir burchagida muhokamalarga sabab boʻlmoqda.

Bu fikrlar rus va ingliz tilidagi auditoriyalarda ham qizgʻin fikrlar toʻqnashuvini keltirib chiqarmoqda.

Bir narsani tushunishimiz kerak, bu kino sanoatini oʻzgartiradigan qaror emas, shunchaki shaxsiy fikr xolos. Ha, rejissyorning fikrlarida haqiqatdan jon bor deb hisoblayman, lekin kinoning asil maqsadi nima degan savolga javob beradigan bo'lsak unda Marvel filmlarini hech qanaqasiga yomon filmlar deya olmaymiz.

Sababi tomoshabin kino koʻrish vaqtida dam olishi, baʼzi narsalardan chalgʻishi yoki zavq olishi ham kinoning asosiy vazifalariga kiradi va bu kabi filmlar ayni vazifalarni toʻla bajarmoqda.

Asosan "Karusel" syujetga ega boʻlgan bu filmlarda tomoshabin ortiqcha hech narsani oʻylamaydi, yaʼni oddiy qahramon atrofida muammo paydo boʻladi va u bu muammoni hal qiladi. Shundan soʻng "Super" qahramonga aylanadi. Bu syujet shakliy oʻzgarishsiz deyarli studiyaning barcha filmlarida takrorlanadi(aylanadi) va tomoshabin ham film yakuni haqida deyarli biladi ham. Bu esa uni ortiqcha oʻyga toldirmasdan kutgan umidi(taxmini) amalga oshishini kutadi va bu amalga oshadi. Tomoshabinni esa hayotda amalga oshmaydigan koʻplab muammolari boʻladi va u yaxshi biladiki koʻp maqsadlarini amalga oshirishga deyarli umid yoq. Bu esa jamiyat uchun juda xavfli.

Shu sababli bu kabi filmlarni koʻrish davomida, voqealar yakuniga nisbatan qilgan umidlari amalga oshgan tomoshabinda, hayotiy maqsadlarni ham amalga oshirish umidi paydo boʻladi. Ha, bu "havoyi" umid paydo boʻlishi. Ammo, umuman umidsiz yurgan insondan koʻra, imkonsiz muammolari boʻla turib, umidli(havoyi boʻlsada) inson anchagina yaxshi deb oʻylayman.

Bu kabi filmlar kino sanoatiga zarar keltirmoqda degan fikrlarga ham ishonish qiyin, sababi 2019 yilda ekranlarga chiqqan "Joker" filmi 3 uch soat davom etadigan ogʻir dramatik syujetdan iborat boʻlishiga qaramasdan 1mlrd$ dovonni katta tezlikda bosib oʻtdi.

Biz koʻpincha kinoning muhimligini aytayapmiz va tomoshabin uni tushunishga majburdek qarayapmiz. Agar tushunmasa ularni ayblayapmiz, lekin bir narsani tushuning kino tomoshabin uchun yaratiladi va tomoshabin hal qiladi kino qanchalik yaxshi yoki yomonligini, kinochilar emas.

Kim nima desa desin, lekin bir narsa aniq: tomoshabin kinoga emas, kino tomoshabinga xizmat qilishi kerak, tamom. Juda koʻp savollarga qisqa va aniq javob shu.

t.me/kinobekuz

14/11/2021

Kechagi rassom(Inkuzart)ni qalamichalik duxʼingiz yoq

Ayni shu rassomning Uzavto monopoliyasi haqida chizgan rasmi bilan xalq orasida eʼtibor qozonibgina qolmasdan, davlat va monopolchini oddiy rasm bilan nokdaun holatiga tushirdi. Zarba shu darajada qattiq ediki, oʻziga kelgan monopolchi zudlik bilan qarshi hujumga oʻtdi va masala rasmni yoʻqqilishgacha yetib bordi. Tushunyapsizmi bu kino yoki video rolik emas shunchaki, mahallani bir chetida chizilgan oddiygina rasm, xolos...

Bir intervyuda taniqli rejissyorlarimizdan biri aytyapti: agar hozir uylar buzilishi yoki uzavto monopoliyasi haqida kino olsangiz sizga javob berib aytaman, xalq sizni olqishlaydi, bittada eʼtiborga tushasiz, bu esa menga kerak emas...

Yondashuv qanchalik darajada ahmoqona-a? Esh*tib nima deyishni ham bilmay qolasan, bahonani zoʻrligidan. Bu gapira olmasligimiz uning gaplari toʻgʻriligida emas, yondashuvni "dohiyonaligida". Rejissyorimiz xalqni qiynayotgan muammoni oʻz yoʻnalishida boʻlsa ham tanqid qilib imkoni boricha hal qilish uchun bir gʻishtni boshqa gʻisht ustiga qoʻyishni emas, balki, bu ishni qilsam xalq "eʼtibori" uchun qilgan boʻlaman menga bu kerak emas(axir men "dohiy" rejissyorman-ku) va yana oʻzidan "men faqat kino uchun ijod qilaman" ohangida prototip yasab olganida...

Oddiygina rasmi bilan shu darajada taʼsir oʻtkazmoqda bu rassom. Yaxshi kinoning taʼsiri qay darajada boʻlishini esa yaxshi bilasiz...

Intervyularda xalq dardida yonayotgan va imkon berilmayotgan "bechora"lar, amalda imkoni boʻla turib hech boʻlmasa rivoyatlardagi "Chumoli" misoli boʻlsa ham qaysi tarafda ekanligini bildirib qoʻyishga "duxi" yetmaydigan dohiy kinochilarimiz bor...

Odamlar va tashkilotlardan ayb izlayverishadi(ha, muammolar haqiqatdan bor) lekin, shu narsalarni oʻzgartirishga amaliy harakat qila olishmaydi. Biri aybni yozuvchilar sayozlashib ketganiga toʻnkasa, ikkinchisi rahbarga toʻnkaydi, xuddiki rahbar ssenariy yozish payti ruchkasini, syomka payti kamerasini olib qoʻyayotgandek. Ruchka qoʻlingizda, jamoa ixtiyoringizda, bilimingiz boshingizda, muammoyingiz esa qisqacha aytganda nafsingizda.

Gʻoya soʻrasangiz bu "Oʻzbekning dardi" haqida degan havoyi gaplardan boshlashadi lekin ayni paytda xalq dardini yengillatishga xizmat qiladigan bir ish qilishmaydi. Soʻngi yillarda yaratilgan filmlar haqida gap ketsa bu xalqimiz qahramonligi deya jar solishadi lekin eʼtibor bering bir dona boʻlsa ham xalqni ruhlantiradigan, hech boʻlmaganda ozgina motivatsiya beradigan film topolmaysiz. Shakliy tarafdan qarasangiz filmlardagi barcha qahramon oʻzbeklar soʻngida omadsizlikka uchraydi hatto gʻalaba qozonsada.

Filmlardan xulosa chiqarsak, shunday boʻladi: hayot qiyinchiliklardan iborat faqat va faqat sabr qil Ey Oʻzbek, sabr qil. Bosh koʻtarma, boʻysun, chegaradan chiqma, ota bobongni oʻldirgan bosqinchiga qarshi kurashma balki ular bilan doʻst boʻl. Ey bugungi Oʻzbek shunday xulosa qil svet, gaz, suv, qiyinchilik va nohaqliklar boʻladimi, barchasiga sabr qil, och qolsang yoki oʻz mulkingdan ajralsang ham kurashma sabr qil, mana ota bobong shunday qilgan... Tariximiz haqida hikoya qiluvchi bu kabi qahramonlik filmlarimiz negadir zararimizga ishlayotgandek koʻrinaveradi...

Men rejissyorlarimizni bilimsizlikda ayblamayapman, aksincha, tanqidiy yoki nimanidir oʻzgartira oladigan filmlarni yaratishga faqatgina ularda tajriba va salohiyat bordek, yana kim biladi deysiz...

Ammo, barchasida shior birdek koʻrinmoqda men sizlarga tegmayman, sizlar ham menga tegmanglar, lekin "tarmoqlardagi izohlarda otdushi xalq dardi, kino rivoji va nohaqliklar uchun kurash olib boraman, xavotir olmanglar" - deyotgandek...

P.S. Oʻylaymanda, bitta kinoga ajratilayotgan pulni shu rassom bolaga berishsa monopolchini yoptiradigan darajadagi rasm chizsa kerak-a)...

t.me/kinobekuz

13/11/2021

"Inkuzart" tahallusi bilan ijod qiladigan rassomni ko'pchiligingiz taniysiz.

Nega eslayapman, sababi shundaki, bizga Tarkovskiy va kino SAN'ATI to'g'risida vaz aytadigan, bari-bir kino aslida nima ekanligini tushunmasligimizni aytishayotgan ba'zi bir yosh rejissyor do'stlarimizni o'zlari ishlagan qisqa metrajli filmlarini yoki ijtimoiy roliklarini ko'rib, shunday fikr kelyapti: shuncha yil o'qib haqiqiy kino nima ekanligini tushunib, bari-bir tomoshabinni aybdorga chiqarib, men kinoda o'qiganman meni o'qiganlarim to'g'ri hayoli bilan yurib, harajat qilib olgan kino(rolik)laringizdan ko'ra, shu rassomni Street Art'i insonlarga va jamiyatimizga ko'proq ta'sir o'tkazmoqda...

Shunchaki, nimadir o'ylayotganda sinopsizni o'qiganda, ha yaxshi kino chiqadi mana bunaqa g'oya tashlayapmiz deb o'ylasangiz kerak, lekin ishoning juda ham oddiy yondashyapsizlar, ha g'oya yaxshi lekin "kuch"i yoq, ayni o'sha g'oya bo'yicha odamlarga ta'siri yoq. Bunaqa qilsangizlar unaqa bo'ladi yoki manabuni qadiriga yetish kerak u bunaqa ishlar qilyapti degan yuzaki va deyarli kino sohasida o'qimasdan ham yaratish mumkin bo'lgan video roliklar.

Tarkovskiy yoki Bergmanni taniydigan "rejissyor"ning ishlari emas bu...

Yo gapirganingiz kabi ishlang yoki gapirmang)

Kinobek

10/11/2021

Katta ehtimol filmlarni kinematografik yutuqlari emas, balki, g'oyaviy yutug'i uning muvaffaqiyatini belgilab beradi!!!

Ha, bizda yaxshi kino olish uchun har taraflama sharoit va imkoniyat deyarli yo'q, buni meni o'zim ham ko'p ta'kidlayman lekin, lekin, bu bizning faqatgina eng katta bahonamiz, xolos.

Eng katta muammoyimiz esa qolip, qo'rquv va nafs, tamom!

t.me/kinobekuz

06/11/2021

Ba'zida Sirli, Murakkab, Cheksizdek...

Kinoni nima uchun yaxshi ko'rasiz?

t.me/kinobekuz

05/11/2021

"Bir kuni Changda"
"Chang street bo'risi"
"Changda yuguruvchi 2049"
"Karib dengizi Changlari"
"Changman"
"Changlar qiroli"
"Chang 007"
"Qasoskorlar: Chang davri"
"Changdan qochish" (rej: Frenk Darabont)
"Ozod Chango"
"Dunyo Virus Inson Chang"))
"Chang qo'riqchilari"
"Changsteller"
"Changda yolg'iz"
"Otamdan qolgan changlar"
"Changlar o'yini"
"Changboy"
"The Chang"
"Chang yo'li durdonasi" Toshkent 2021 (bu festival lekin)
"Chang Ferrariga qarshi"
"Changyurak"
"Chang odam"
"So'ngi Chang"
"Toshkent Chang shahri"

Bu filmlarni ko'rganmisiz???🤔😁😉

Ro'yxatni davom ettiringchi... 👀

t.me/kinobekuz

03/11/2021

Agar mashhur rejissyorlar boshqa kasbni egallashsa, qaysi kasblar ularga mos boʻladi?

Kristofer Nolan - fizik
Martin Scorseze - gangster
Ves Anderson - arxitektor
Maykl Bey - buzish boʻyicha mutaxassis
Aka-uka Russolar - ixtisoslashgan park egalari
Kventin Tarantino - oyoq masaji terapevti

t.me/kinobekuz

27/10/2021

25/10/2021

Shunday filmlar borki...

Bu falsafa yoki sirli emas, bu mukammal kinolar emas, bu chuqur psixologik qarashlar ham emas, bu faqat insonning eng oddiy va toza tuygʻulari haqida gapiradigan kinolar! Qayta-qayta koʻrgim, odamlarga tavsiya qilgim kelaveradi.

Bu kabi film rejissyorlari oʻrniga oʻzingni qoʻyib koʻrar ekansan hech bir mukofot, mutaxassislar eʼtibori yoki uzundan-uzun olqishlar ham kerak emasdek, faqatgina sen koʻrsatmoqchi boʻlgan haqiqiy insoniy tuygʻularni tomoshabin his etsa bas...

Bu kabi filmlarni koʻrganimda juda chuqur oʻyga tolaman, bilamanki, bu eng yaxshi kino emas, lekin eng yaxshi narsalar haqida soʻzlayotgan toza kinolar. Bunaqa filmlar juda ham koʻp aslida, lekin negadir kam gapiramiz ular haqida. Faqat bizni hayratlantira olgan filmlargagina eʼtibor beraveramiz.

"Soʻngi samuray" ana shunday filmlardan biri. Haqiqiy erkaklik gʻururi, or-nomus, vatanga boʻlgan muhabbat, doʻstlik, qahramonlik, ayol iffati, erkakning oila va vatan oldidagi burchlari yana cheksiz davom ettirish mumkin boʻlgan tuygʻular haqida hikoya qiladi. Bu film haqida soatlab gapirishim mumkin lekin his qilgan narsalarni faqatgina koʻrib tushunishingiz mumkin.

Bugungi qilayotgan ishlarimiz, tashvish va gʻamlarimizga qarab, juda ham kichkina narsalarga oʻralashib qolgandekmiz, baʼzida kichik qutiga tiqilib qolgandek qoʻl-oyoqlarimni qimirlata olmayotgan nafas olishim qiyinlashayotgandek boʻlaman.

Biz inson ekanligimizni unutib, hayot yoʻllarimizda hayvonlarcha raqobatlashayotgandek tuyiladi. Aslida juda ham katta ishlarga qodirmiz, ammo boʻyin egmaymiz, esh*tmaymiz va his qilmay qoʻyganmiz. Faqat oʻz orzularimiz va gʻalabamiz uchun nima qilish haqida oʻylaymiz.

Insoniylik hamda samimiyligimiz yoʻqolib bormoqda va hozirgi davrda shunaqa yashash kerakdek tutyapmiz oʻzimizni. E, gapirsak gap juda koʻp, lekin ayni shu narsalarga amal qilishim...

Qisqasi koʻrishni tavsiya qilaman: https://t.me/kinobekfilm/59 👈

Kinobek

24/10/2021

Savol berishmoqda izohlarda:
Misol keltira olasizmi shunday filmlardan? Yaʼni "bir xil", "zerikarli" lardan
Jasur
(Bir kun oldingi post izohida)

Soʻngi yillarda yaratilgan deyarli koʻplab qisqa metrajlar! Toʻliq metrajli filmlarga keladigan boʻlsak, "Oʻtov", "Faridaning ikki ming qoʻshigi" yana "Afgʻon"ni ham qoʻshsa boʻladi(esimga tushganlari) Bu filmlar faqat misol tariqasida...

Fikrimni umumiyroq tushuntirishga harakat qilaman

Men gʻoyaviy oʻxshashlik haqida umuman gapirmayapman, gʻoya taraflama keskin farq qiluvchi boshqa olam bu filmlar. Aytmoqchi boʻlganim shaklan va yondashuv, uslub jihatidan bir xillik bor. Yaʼni musiqa, kadrlar, yaxshi va yomon qahramonlar ijrosi, umuman syujet rivojlanishida ham oʻxshashliklar bor. Yuqorida sanab oʻtilgan filmlar yomon deyilmayapti, bu filmlar sanoqli yaxshi filmlarimizdan biri va shu sababli ham bu filmlarni misol qilyapman(xontaxtalar misol oʻrnida ham ishlatib boʻlmaydi).

Masalan, Lars Fon Trier, Stenli Kubrik, Hichkok deyarli bir xil psixologik drama, triller janrlarida ijod qilishida lekin muhit umuman oʻzgacha va umuman oʻxshashsiz. Yana Martin Skorseze va Tarantinoni olaylik, ular ham mualliflik filmlari ishlashadi asosan kriminal janrda lekin ularniki ham keskin farq qiladi bir biridan. Tarantino va Fon Trier yoki Vilnyovani solishtiring? bularning mualliflik filmlarini solishtirish umuman mantiqsiz koʻrinadi to'g'rimi, ayni shu xilma xillik haqida gapirayapman.

Biznikilar misol tariqasida aytadigan boʻlsak faqat Fon Trier uslubida, uning yondashuvi va aktyorlari ijrosida qotib qolishgan, Tarantino yoki Kichkok uslubida ham ishlab ko'rish kerakdir deyapman xolos (bu degani Tarantino singari qonli kriminal yoki Kichkok singari ujas filmlar yaratish kerak degani emas) faqatgina yondashuv va janrni oʻzgartirish haqida gap ketmoqda.

Ha, bizning muhit boʻlgandan keyin tasvirlash bir xil boʻladida deyishingiz mumkin, lekin yuqorida sanab oʻtgan rejissyorlarimizni ham bir xil davr va makonga mos filmlari ham oʻxshamaydida bir-biriga.

Postda u mazmundagi filmlarni ishlamang demayapman, xilma-xil boshqacha uslubda ham ishlab koʻrishga harakat qiling demoqchiman. Bir xil qolipda film yarataverish...

Yuqoridagi postda Eron filmlarini misol keltirganim, ularni yomon bo'lmaydi demoqchi emasman(ular yangi kino davrida o'z uslublarini olib kira olgan kam sonli davlatlardan biri va bunga mutlaqo haqli ham, ba'zi filmlari hatto Gollyvud filmlaridanda murakkab va yuqoriroq turadi ham), bu uslubga oshiq bo'lib qolish va faqat shunaqa filmlar yaratishga intilish...

O'zi sanoqligina yaxshi rejissyorlarimiz bor, hozirgi sharoitda boshqacharoq yondashuvda faqat ular film yarata olishadigandek, lekin ulardan buni talab qilish biroz g'alatidek negadir, shu sababli "yangi" rejissyorlarga nisbatan aytilgan gaplardir...

Qisqaroq yozishga harakat qildim, lekin bari bir fikrimni tushuntira olmagandekman.

P.S. Postda "zerikarli" soʻzi yoki shu maʼnoni keltiradigan ibora ishlatilmadi umuman, nima nazarda tutilganini tushunmadim toʻgʻrisi)