Самарқанд вилоят маъмурий суди

06/05/2024

09/04/2024

Самарқанд вилоят ҳамда туманлараро маъмурий суди томонидан 2024 йил 1-чораги мобайнида давлат органлари ва ташкилотлари, уларнинг мансабдор шахсларининг ноқонуний чиқарилганлиги учун бекор қилинган қарорлари тўғрисида маълумот
Ўзбекистон Республикаси Президентининг 2023 йил 27 ноябрдаги “Коррупцияга қарши курашиш тизимини янада такомиллаштириш ҳамда давлат органлари ва ташкилотлари фаолияти устидан жамоатчилик назорати тизими самарадорлигини ошириш чора-тадбирлари тўғрисида”ги Фармони билан Коррупцияга қарши курашиш бўйича 2023-2024 йилларга мўлжалланган давлат дастури тасдиқланган бўлиб, унга кўра маъмурий тартиб-таомиллар соҳасида коррупциянинг олдини олиш борасида суд органлари зиммасига муҳим вазифа юклатилган.
Хусусан, судлар томонидан давлат органлари ва ташкилотларнинг, уларнинг мансабдор шахсларининг бекор қилинган ноқонуний қарорлари тўғрисидаги маълумотларни жамоатчилик учун очиқлигини таъминлашга оид чора-тадбирлар ташкил қилиш, судлар томонидан давлат органлари ва ташкилотларининг мансабдор шахсларининг ноқонуний чиқарилганлиги учун бекор қилинган қарорлари тўғрисидаги маълумотларни судларнинг расмий веб сайтларида ва Telegram–каналларида эълон қилиб бориш белгиланган.
Самарқанд туманлараро маъмурий суди томонидан 2024 йил 1-чораги мобайнида давлат органлари ва ташкилотлари, уларнинг мансабдор шахсларининг чиқарган қарорларини ҳақиқий эмас деб топиш билан боғлиқ жами 125 та иш кўрилган бўлиб, шундан 30 та иш бўйича аризачилар қаноатлантирилган,
77 таси рад этилган, 11 таси кўрмасдан қолдирилган ҳамда 7 таси бўйича иш юритишдан тугатилган.
Суд мажлисларида аниқланган ва мансабдор шахслар (жавобгар) томонидан йўл қўйилган хато ва камчиликларни бартараф этиш ҳамда келгусида бундай ҳолатларга йўл қўйишнинг олдини олиш мақсадида мазкур тоифадаги кўриб тамомланган ишлар юзасидан жами 5 та хусусий ажримлар чиқарилиб, тегишли давлат органларига муҳокама қилиш учун юборилган.

27/03/2024

"Коррупция - миллий хавфсизликнинг тахдиди" мавзусида давра сухбати бўлиб ўтди.
Жорий йилнинг 27 март куни Ўзбекистон Республикаси Қуролли кучлари кичик мутахассисларни тайёрлаш марказида Самарқанд вилоят маъмурий судининг судьяси С.Юсупов ҳамда Самарқанд ҳарбий судининг раиси Б.Ахмедовлар ҳамкорлигида "Коррупция - миллий хавфсизликнинг тахдиди" мавзусида давра сухбати бўлиб ўтди.
Давра сухбатида вилоят маъмурий судининг судя С.Юсупов томонидан ҳаётий мисоллар келтирилиб, ходимлар орасида тамагирлик иллатларига бефарқликни олдини олиш, ҳалол ва пок ишлаш, салбий ҳолатларга йўл қўйилишининг олдини олиш мақсадида тегишли тушунтиришлар берилди. Шу билан бирга, ўтказилган давра сухбатида қонунларга риоя қиладиган ҳар бир шахс қонун ҳимоясида еканлиги таъкидланди.
Шунингдек давра сухбатида марказ ходимлари ўзларини қизитирган савволар юзасидан етарлича жавоблар олишди.

13/09/2023

Самарқандлик судьялар Маҳмудхўжа Беҳбудийнинг уй-музейига ташриф буюришди

13/09/2023

Самарқанд вилоят маъмурий суди раисининг 2023 йил 30 августдаги судьяларни солиқ қонунчилигини амалиётда қўллашдаги малакаларини ошириш ишларни ташкил этиш ҳақидаги 35-сонли буйруғи ижросини таъминлаш мақсадида ўқув семинари ташкил этилди. Ўқув семинарида Самарқанд Иқтисодиёт ва Сервис институти профессори Уразов Комил Бахрамович томонидан Самарқанд вилоят маъмурий суди судьялари ва туманлараро судининг судьяларига “Солиққа оид низоларни кўришда солиқ кодекси, солиқ қонунчилигига оид бошқа норматив ҳуқуқий ҳужжатларни амалиётда қўллаш” мавзусида батафсил тушунтиришлар берилди.

22/07/2023

22/07/2023

“Korrupsiya - taraqqiyotga tahdid”
Samarqand viloyat maʻmuriy sudining sudyasi S.Soliev hamda Samarqand tumanlararo maʻmuriy sudining sudyalari A.Suyarov va B.Ablahatovlar tomonidan Samarqand viloyat o'simliklar karantini va himoyasi boshqarmasida “Korrupsiya - taraqqiyotga tahdid” mavzusida soha xodimlari o'rtasida davra suhbati bo'lib o'tdi.
Davra suhbatida yig'ilganlarga soha mutaxassislari tomonidan mamlakatimizda amalga oshirilayotgan sud-huquq islohotlari, fuqarolarni huquq va erkinliklarini ishonchli himoya qilish borasida sud hokimiyatini tutgan o'rni hamda korrupsiyani barvaqt oldini olish masalalari haqida qisqacha to'xtalib o'tildi.

O'zbekiston Respublikasining Jinoyat Kodeksida ham shu kabi jinoyatlarni sodir etgan shaxslarga nisbatan qo'llaniladigan bir qator moddalar mavjud bo'lib, amaliyotda shaxslar tomonidan Jinoyat Kodeksining hokimiyat yoki mansab vakolatini suiisteʻmol qilish (JK 205), hokimiyat yoki mansab vakolati doirasidan chetga chiqish (JK 206), mansabga sovuqqonlik bilan qarash (JK 207), hokimiyat harakatsizligi (JK 208), mansab soxtakorligi (JK 209), pora olish (JK 210), pora berish (JK 211), pora olish-berishda vositachilik qilish (JK 212), davlat organining, davlat ishtirokidagi tashkilotning yoki fuqarolar o'zini boshqarish organining xizmatchisini pora evaziga og'dirib olish (JK 213), davlat organi, davlat ishtirokidagi tashkilotning yoki fuqarolar o'zini boshqarish organining xizmatchisining qonunga xilof ravishda moddiy qimmatliklarni olishi yoki mulkiy manfaatdor bo'lishi (JK 214) moddalarida nazarda tutilgan jinoyatlar ko'proq sodir etishi kuzatilmoqda deydi - viloyat maʻmuriy sudining sudyasi S.Soliev.
Bundan tashqari, mamlakatimizda korrupsiyani engish, hokimyat amaldorlarining halol ishlashini taʻminlash, bozor iqtisodiyotini yanada rivojlantirish, tadbirkorlar oldida turgan byurokratik to'siqlarni olib tashlash, xalqqa va tadbirkorlik faoliyatiga halal berayotgan sunʻiy to'siqlarni bartaraf etish maqsadida bir qator qonun va qonun osti hujjatlari qabul qilinganligi taʻkidlandi. Jumladan, O'zbekiston Respublikasining 2017 yil 3 yanvardagi “Korrupsiyaga qarshi kurashish to'g'risida” gi qonuni, O'zbekiston Respublikasi Prezidentining 2019 yil 27 maydagi “O'zbekiston Respublikasida korrupsiyaga qarshi kurashish tizimini yanada takomillashtirish chora tadbirlari to'g'risida” gi PF-5729-sonli va 2020 yil 29 iyundagi “O'zbekiston Respublikasida korrupsiyaga qarshi kurashish tizimini takomillashtirish bo'yicha qo'shimcha chora tadbirlari to'g'risida” gi farmonlari borasida ham tushunchalar berib o'tildi.
Shuningdek, soha mutasaddilari tomonidan, iqtisodiyotni yanada o'stirish, xalq farovonligini oshirish, mamlakatda investisiya muhitini yaxshilash borasidagi strategik vazifalarni hal etish korrupsiyaga qarshi kurashish sohasida davlat siyosatining samarali amalga oshirilishini taʻminlash hamda korrupsiya ko'rinishlarining sabab va shart-sharoitlarini bartaraf etish bo'yicha yangi tizimli choralar haqida ham ishtirokchilar xabardor etildi.

Bir so'z bilan aytganda, ayni paytda mamlakatimizda jinoyatchilik va korrupsiyaga qarshi kurashishning barcha huquqiy asoslari yaratilgan. Faqat bu jarayonda aholining huquqiy onggi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish hamda bu borada har O'zbekiston Respublikasi fuqarosidan hushyorlik va masʻuliyat talab etiladi.

12/05/2023

Ўзбекистон Республикаси Олий суди, Судьялар олий кенгаши ҳамда Судьялар олий кенгаши хузуридаги Судьялар олий мактаби томонидан
2023 йилнинг май ойида тасдиқланган Режа-жадвал асосида ҳокимликлар масъул хоким ўринбосарлари, ҳуқуқшунослари ва ҳалқ депутатлари маҳаллий Кенгашлари масъул ходимларининг ер билан боғлиқ маъмурий масалаларни хал этиш бўйича билм ва малакасини ошириш, жумладан, Ўзбекистон Республикаси Президентининг 2021 йил 9 июндаги ПФ-6243-сонли фармони, “Мамурий-тартиб таомиллар тўғрисида”ги Қонун ва ер масалаларига оид бошқа қонун хужжатлари талабларини ўргатиш мақсадида масофавий(онлайн) қисқа муддатли ўқув курслари ўтказилиши режалаштирилган.
Шу муносабат билан, Қорақалпоғистон Республикаси, Тошкент шаҳар ва вилоят маъмурий судлари конфренц-залларида маъмурий суд судьялари ҳамда ҳокимликлар масъул ҳоким ўринбосарлари, ҳуқуқшунослар ва ҳалқ депутатлари маҳаллий Кенгашлари масъул ходимлари семинар машғулотларида иштирок этишмоқда.

05/04/2023

Бугун Самарқанд шаҳар “Намозгоҳ” МФЙ мажлислар залида Самарқанд вилоят маъмурий судининг судьялари Солиев Санжар Юсуфович ва Юсупов Салохиддин Сирожитдиновичлар томонидан маҳалла фуқаролари ўртасида янгиланаётган Конституциявий қонун лойиҳаси ва “Референдум тўғрисида”ги қонуннинг мазмун-моҳияти тўғрисида батафсил тушунтиришлар берилиб, жорий йил 30 апрель куни ўтказилиши режалаштирилган Референдумга иштирок этиш ҳар бир фуқаронинг конституциявий бурчи эканлигини таъкидлаб ўтишни.