Panda - K Revolution

03/09/2023

မန္တလေးတွင် မီးလောင်မှုကြောင့် နေအိမ်(၉)လုံး မီးလောင်ဆုံးရှုံး
https://www.youtube.com/TachileikNewsAgency/?sub_confirmation=1
* * * * *

မန္တလေး၊ မဟာအောင်မြေမြို့နယ် စိန်ပန်း နေပူရွာရပ်ကွက် လမ်း ၄၁-၄၂ လမ်းကြား၊ ၉၀-၉၁ ကြားတွင် ယနေ့ ၂၀၂၃ခုနှစ် မတ်လ(၁၀)ရက်နေ့ နံနက်(၂)နာရီခွဲဝန်းကျင်အချိန်က စပြီး နံနက်(၃)နာရီအချိန်အထိ နေအိမ်မီးလောင်မှုဖြစ်ပွားရာက လူနေအိမ် (၉)လုံး မီးလောင်ဆုံးရှုံးခဲ့ရကြောင်း သိရသည်။

မီးလောင်ရာသို့ Level (1) ယာဉ်အုပ်စုများ ထွက်ခွာငြှိမ်းသတ်ရာ နံနက်(၂)နာရီ (၅၅)မိနစ်တွင် မီးထိန်းနိုင်ခဲ့ပြီး နံနက်(၃)နာရီတွင် မီးငြိမ်းသွားခြင်း ဖြစ်ကြောင်း သိရသည်။

မီးလောင်ရသည့် အကြောင်းအရင်းကို စစ်ဆေးနေဆဲဖြစ်ကြောင်း သိရသည်။


Photo: Than Htay

01/18/2023

မင်းကွန်း တိုက်နယ်ဒေသရှိ ကျေးရွာတစ်ရွာကို စစ်ကောင်စီတပ်က ဝင်ရောက်စီးနင်းပြီး ပြောက်ကျားရဲဘော်တစ်ဦးနှင့် အမျိုးသား ၁ ဦးအား သတ်ဖြတ်သွား

💫 ဇန်နဝါရီ ၁၈၊ ၂၀၂၃ 💫

စစ်ကိုင်းနှင့် မတ္တရာမြို့နယ်အကြားရှိ မင်းကွန်းတိုက်နယ်ဒေသ ကျေးရွာတစ်ရွာကို စစ်ကောင်စီတပ်မှ စစ်ကြောင်းထိုး စီးနင်းကာ မီးရှို့ဖျက်ဆီးခဲ့တာကြောင့် တော်လှန်ရေး ရဲဘော်တစ်ဦးကျဆုံးကာ အရပ်သားတစ်ဦးလည်း မီးရှို့ သတ်ဖြတ်ခံခဲ့ရကြောင်း ကောင်းကင်တော်လှန်ရေးအင်အားစုမှ ထုတ်ပြန်ထားသည်။

မင်းကင်းတိုက်နယ် ထုံးဘိုကျေးရွာ အတွင်းရှိ နဂါးနီပြောက်ကျားတပ်ဖွဲ့စခန်းကို ယမန်နေ့ ဇန်နဝါရီ ၁၇ ရက်နေ့ မနက်ပိုင်းမှာ စစ်ကောင်စီတပ်မှ အင် အား ၅၀ ခန့်ဖြင့် ကင်းပုန်းဝပ်ကာ ဝင်ရောက်စီးနင်းပြီးနောက် ကျေးရွာအား မီးရှို့ဖျက်ဆီးခဲ့တာပဲ ဖြစ် သည်။

ဆက်လက်ဖတ်ရှုရန် 👇👇

01/16/2023

ကန့်ဘလူမှာ ကလေးသုံးဦး အပါအဝင် NLD ပါတီဝင်မိသားစု ရှစ်ဦး သတ်ဖြတ်ခံရ
~~~~~
■ စစ်ကိုင်းတိုင်း၊ ကန့်ဘလူမြို့နယ်၊ ငါးမြောင်ရွာမှာ ဇန်နဝါရီလ ၁၄ ရက် မနက်အစောပိုင်းက ကလေးငယ် သုံးဦး အပါအဝင် အမျိုးသားဒီမိုကရေစီအဖွဲ့ချုပ်ပါတီ (NLD) ပါတီဝင် မိသားဝင် ရှစ်ဦး သတ်ဖြတ်ခံလိုက်ရတယ်လို့ ကန့်ဘလူ ဒေသခံတွေက RFA ကို ပြောပါတယ်။

အာဏာမသိမ်းခင် NLD ပါတီ ရပ်ကျေးရုံးစိုက်ခဲ့တဲ့အိမ်က မိသားစုဝင်အားလုံး သတ်ဖြတ်ခံလိုက်ရတာလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက ပြောပါတယ်။

“သူတို့က အရင်တုန်းက NLD ပါတီ ရပ်ကျေးရုံးစိုက်ထားတဲ့ အိမ်ဖြစ်ပါတယ်။ မနက်နှစ်နာရီဝန်းကျင်လောက် ဖြစ်သွားတာ။ သူတို့ကို ဓားတွေနဲ့ထိုးတယ်။ လည်ပင်းကို ဓားနဲ့လှီးတယ်။ ရက်ရက်စက်စက်ကို လုပ်သွားတာ”

သေဆုံးသူတွေဟာ အသက် ၇၀ အရွယ် ဦးကျော်လှိုင်၊ အသက် ၆၅ နှစ်ရွယ် ဒေါ်လှညွှန့်၊ အသက် ၄၀ အရွယ် ဒေါ်နှင်းမြလှိုင်၊ အသက် ၃၇ နှစ်အရွယ် ကိုတင်မျိုးဝင်း၊ အသက် ၃၇ အရွယ် ဒေါ်နှင်းမြခိုင်၊ အသက် ၁၅ နှစ်အရွယ် မစုမြစံ၊ အသက် ၁၂ နှစ်အရွယ် သိမ့်ရွှေဘုံစံနဲ့ အသက်ငါးနှစ်အရွယ် မောင်ခန့်ဇေယျာဖြိုးတ့ို ဖြစ်ပါတယ်။

ဒီသတ်ဖြတ်မှုကို စစ်အာဏာသိမ်းမှုထောက်ခံတဲ့ ပျူစောထီးအဖွဲ့တွေက ပြုလုပ်တာလို့ ဒေသခံတွေက ပြောပါတယ်။

အိမ်ခြေ ၇၀ နီးပါးလောက်ရှိတဲ့ ငါးမြောင်ကျေးရွာဟာ စစ်ကောင်စီတပ် ထောက်ခံသူများပြီး စစ်ကောင်စီတပ်နဲ့ ပျူစောထီးအဖွဲ့တွေ မကြာခဏ ဝင်ရောက်တည်းခိုလေ့ရှိတယ်လို့ ဆိုပါတယ်။

ဒါပေမဲ့ စစ်ကောင်စီအတွက် ဝါဒဖြန့်ချိရေးလုပ်နေတဲ့ တယ်လီဂရမ်ချန်နယ်တွေကတော့ ဒီမိသားစုကို ပျူစောထီးတွေ သတ်ဖြတ်တာမဟုတ်ဘူးလို့ ရေးသားနေပါတယ်။

ဒီဖြစ်စဉ်နဲ့ပတ်သက်လို့ စစ်ကိုင်းတိုင်း စစ်ကောင်စီပြောရေးဆိုခွင့်ရှိသူ ဦးအေးလှိုင်ကို RFA က ဇန်နဝါရီလ ၁၅ ရက်မှာ တယ်လီဖုန်းနဲ့ဆက်သွယ်ခဲ့ပေမယ့် လက်ခံဖြေကြားတာ မရှိပါဘူး။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ ဇန်နဝါရီလ ၁၃ ရက် ထုတ်ပြန်ချက်အရ စစ်တပ်က အာဏာသိမ်းပြီးနောက် NLD ပါတီဝင်တွေ အပါအဝင် နယ်ပယ်အသီးသီးက လူပုဂ္ဂိုလ်၂,၇၃၄ သေဆုံးခဲ့ပါတယ်။
_________

စစ်ကိုင်းတိုင်း၊ ကန့်ဘလူမြို့တွင် စစ်ကောင်စီတပ်ဖွဲ့ဝင်တချို့အား ၂၀၂၁ ခုနှစ် ဧပြီလ ၅ ရက်နေ့က တွေ့ရစဉ်။ (Photo: Citizen Journalist)

01/16/2023

ပြန်ဖြန့်ပါ ထောက်ပို့များကို စစ်ကောင်စီမှ အောက်ပါ ဖုန်းနံပါတ်များဖြင့် လိုက်နေပါတယ်

အလှူခံဖုန်းနံပါတ် အသစ်တွေ စစ်ခွေးများဘက်က စတင် လိုက်နေပါတယ်ဟု ကိုကို ဖရဲသီး 🍉 Hlaing Info သို့ ပေးပို့လာပါသည်။

09 791555264
09 251241207
09 5215622
09 5385614
09 2057920
09 787549812
09 250062266
09 795611909
09 973280725
09 5280426
09 777531631
09 444022846
09 799716810
09 56380604
09 402522041
09 5640989
09 420173749
09 450062946
09 448013849
09 254065779
09 798670013
09 453174883
09 5136695
09 777542622
09 255754459
09 250637762
09 452214638
09 951377447
09 5503347
09 5408995
09776755835
09 5405426
09 400448426
09 420988886
09 795845555
09 760139925
09 5058436
09 420078790
09 444004216
09 975796145
09959586348
09 420028616
09 250163635
09 43057938
09 776236380
09 794463778
09 777894429
09 953326077
09 974732253
09 797206536
09 250980071
09 796892206
09 966751068
သတင်းကျယ်ပြန့်ရန် အရေးကြီးလို့ ပြန်ဖြန့်ပါ

01/15/2023

📣◼"ကယ်တင်ရှင်မရှာ တို့ကျေးရွာ သပိတ် ”✊✊✊

ကယ်တင်ရှင်မရှာ တို့ကျေးရွာ သပိတ် အကြမ်းဖက် စစ်အာဏာရှင် စစ်အာဏာရှင်ဆန့်ကျင်ရေး လှုပ်ရှားမှု ပြုလုပ်။

ဇန်နဝါရီ ၁၅ ရက် | ဓာတ်ပုံ©CJ

01/15/2023

ကလေးမြို့ပင်မသပိတ်အင်အားစုက စစ်အာဏာရှင်ဆန့်ကျင်ရေး ဆန္ဒပြ

ဇန်နဝါရီလ ၁၅ ရက်

စစ်ကိုင်းတိုင်း၊ ကလေးမြို့က ဒေသခံပြည်သူတွေစုပေါင်းပါဝင်တဲ့ ကလေးမြို့ပင်မသပိတ်အင်အားစုဟာ ဒီကနေ့ (ဇန်နဝါရီလ ၁၅ရက်)မှာ "တရားမဝင်တဲ့ ရွေးကောက်ပွဲ လူထုအားနဲ့တိုက်ဖျက်ကြ" စာတန်းကိုင်ဆောင်ပြီး စစ်အာဏာရှင်ဆန့်ကျင်ရေး ဆန္ဒပြခဲ့ကြပါတယ်။

CB - Hlaing Info

01/15/2023

📣◼"စစ်အာဏာရှင်ဆန့်ကျင်ရေး ကျေးလက်သူပုန်စာစဥ် ဖြန့်ဝေ ”✊✊✊

ယင်းမာပင်နယ်တွင် စစ်အာဏာရှင်ဆန့်ကျင်ရေး ကျေးလက်သူပုန်စာစဥ် ဖြန့်ဝေ ကာ အကြမ်းဖက် စစ်အာဏာရှင် စစ်အာဏာရှင်ဆန့်ကျင်ရေးလှုပ်ရှားမှု ပြုလုပ်။

ဇန်နဝါရီ ၁၅ ရက် | ဓာတ်ပုံ©CJ

01/13/2023

မိုင်းလိုက်ဖော်တဲ့စစ်အုပ်စု မိုင်းဆွဲခံရပြီး ၂ ဦးသေဆုံး

📍 Z Fighter January 13 📍

မကွေးတိုင်း၊ ပေါက်မြို့နယ်၊ ကုက္ကိုစုပျူစောထီးရွာက ပျူစောထီးတွေနဲ့ ကပစ ၂၄ က စစ်သားတွေဟာ ကင်းပတ်ရင်း မိုင်းတွေလိုက်ဖော်နေချိန် ဇန်နဝါရီလ ၁၂ ရက်မနေ့ကနေလယ်ပိုင်းက တိုက်မိုင်းမိတဲ့အပြင် မိုင်းခွဲတိုက်ခိုက်တာကိုပါ ခဲ့ရတယ်လို့ သိရပါတယ်။[ MyayLatt Athan ][ Z-F ]

Read more >>>
https://telegra.ph/Z-F-048-PL-01-13-12

01/13/2023

ပျူစောထီးအဖွဲ့ ဖွဲ့ရန် ငြင်းဆန်သော အရာတော်မြို့နယ် ကြံ့ဖွတ်ဥက္ကဋ္ဌ၊ လွှတ်တော်အမတ်ဟောင်း ကျော်မြင့်နှင့် သားတို့ကို ပျူစောထီး အဖွဲ့က သတ် ဖြတ်၊ သားဖြစ်သူက PDF ထောက်ပို့ လုပ်သည်ဟု ပေါ်ပေါက်ပြီးနောက် ၂ ဦး စလုံး အသတ်ခံရ

🌐 Z Fighter January 13 🌐

စစ်ကိုင်းတိုင်း၊ အရာတော်မြို့နယ်၊ ကျောက်ပြောက်ရွာတွင် နေထိုင်သည့် ကြံ့ဖွတ်ပါတီမြို့နယ်ဥက္ကဋ္ဌ၊ ၂၀၁၀ ရွေးကောက်ပွဲ လွှတ်တော်ကိုယ်စားလှယ်ဟောင်း ကျော်မြင့်နှင့် သားဖြစ်သူတို့ကို ပျူစောထီးအဖွဲ့က သတ်ဖြတ်သွားကြောင်း ဒေသခံပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။[Khit Thit Media][Z-F]

ဆက်လက်ဖတ်ရှုရန် >>
https://telegra.ph/Z-F-028-KC-B-Eikyarkway-B-01-13-6

ဓာတ်ပုံ- အရာတော်မြို့နယ်မှ ကြံ့ဖွတ်ဥက္ကဋ္ဌ ဦးကျော်မြင့်။

01/13/2023

အမိုးနီးယားဓာတ်ငွေ့ယိုစိမ့်မှုကြောင့် ပြောင်းရွှေ့ခဲ့ရသည့်ပြည်သူများ နာရီ (၂၀) ကျော်သည်အထိ အိမ်မပြန်နိုင်သေး

ရန်ကုန်၊ ဇန်နဝါရီ (၁၃)
လူငယ့်ခေတ်

ရန်ကုန်၊ လှိုင်မြို့နယ်အတွင်းရှိ ရေခဲစက်ရုံတစ်ရုံမှ အမိုးနီးယားဓာတ်ငွေ့ယိုစိမ့်မှုဖြစ်စဉ်တွင် ယနေ့ညနေပိုင်းထိ အနံ့မပျောက်သေးသည့်အတွက် စက်ရုံအနီးရှိပြည်သူများ ခေတ္တပြောင်းရွှေ့နေထိုင်နေရဆဲဖြစ်ကြောင်း ၎င်းတို့ထံမှ သိရသည်။

“အနံ့ကအခုထိမပျောက်သေးတော့ အိမ်မပြန်ဘဲ ရှောင်နေကြရတဲ့သူတွေရှိတယ်။ ကျွန်တော်တို့လည်း အခုထိမပြန်ရသေးဘူး။ လူနာတင်ကား (၅) စီးလောက်ကတော့ အရန်သင့်စောင့်နေတယ်” ဟု ရေခဲစက်အနီးနေထိုင်သည့် အမျိုးသားတစ်ဦးက ယနေ့ ဇန်နဝါရီ ၁၃ ရက်၊ မွန်းလွဲ (၂) နာရီခွဲခန့်တွင် လူငယ့်ခေတ်သို့ ပြောသည်။

အမိုးနီးယားဓာတ်ငွေ့ယိုစိမ့်မှုကြောင့် သက်ကြီးရွယ်အိုများ၊ ကလေးသူငယ်များ မူးဝေ၊ အော့အန်ခြင်း၊ အသက်ရှူကြပ်ခြင်းများဖြစ်ပေါ်ခဲ့သဖြင့် ရန်ကုန်ဆေးရုံကြီးနှင့် အင်းစိန်ဆေးရုံကြီးသို့ လူနာအယောက် (၃၀) ခန့် တင်ပို့ခဲ့ရကြောင်း သွားရောက်ကူညီခဲ့သည့် လူမှုကူညီရေးအသင်းအဖွဲ့ဝင်များက ဆိုကြသည်။

“အဓိက လူကြီးပေါ့။ သက်ကြီးရွယ်အိုတွေနဲ့ကလေးတွေဖြစ်တာ။ လူလတ်ပိုင်းတွေကသိပ်မဖြစ်ဘူး။ မူးတာဘာ ညာတော့ရှိတာပေါ့နော်။ ခံနိုင်ရည်အားချင်းကွာတော့ လူလတ်ပိုင်းတွေကဆေးရုံတက်ရတဲ့သူသိပ်မရှိဘူး။ တစ်ချို့ လည်းဆေးရုံပြန်ဆင်းသွားကြပြီ” ဟု လူမှုကူညီရေးအဖွဲ့ဝင်တစ်ဦးက လူငယ့်ခေတ်သို့ ပြောသည်။

လှိုင်မြို့နယ်၊ အမှတ် (၁၃) ရပ်ကွက်၊ အုတ်ကျင်းဘူတာရုံလမ်းရှိ ရတနာစုကုမ္ပဏီပိုင်ရေခဲစက်တွင် ယမန်နေ့ ဇန်နဝါရီလ (၁၂) ရက်၊ ည (၉) နာရီဝန်းကျင်က အမိုးနီးယားဓာတ်ငွေ့ယိုစိမ့်မှုဖြစ်ပေါ်ခဲ့ပြီးနောက် အဆိုပါရေခဲစက်အနီးနေထိုင်သူများ ပြောင်းရွှေ့ခဲ့ကြခြင်းဖြစ်သည်။

ထိုကဲ့သို့ ဓာတ်ငွေ့ယိုစိမ့်မှုနှင့်ပတ်သက်၍ အရေးယူမှုများ၊ ရပ်ကွက်နေပြည်သူများ၏ ထိခိုက်မှုအခြေအနေများနှင့် စက်ရုံ၏တာဝန်ယူမှုတာဝန်ခံမှုအခြေအနေများကိုမူ အသေးစိတ်မသိရသေးပေ။

အမိုးနီးယားဓာတ်ငွေ့ကို ရှုရှိုက်မိလျှင် (သို့) ထိခိုက်မိလျှင် ထိတွေ့မှုပုံစံများပေါ်မူတည်၍ ပမာဏအလိုက် အမျိုးမျိုးထိခိုက်နိုင်ကာ အသက်သေဆုံးသည်အထိ ဖြစ်ပေါ်နိုင်သည်။

ယနေ့ညနေပိုင်းတွင်မူ အဆိုပါဓာတ်ငွေ့ရှုမိသူ (၂၀) ကျော်အနက် (၃) ဦးမှာ သေဆုံးသွားပြီဖြစ်ကြောင်းလည်း အတည်မပြုနိုင်သည့် သတင်းများထွက်ပေါ်နေသည်။

ဓာတ်ပုံ - ယမန်နေ့က ဓာတ်ငွေ့ယိုစိမ့်ချိန် စက်ရုံအနီးရှိပြည်သူများကိုတွေ့ရစဉ်


💤

01/13/2023

ဒီပဲယင်း 📌

January13.23/Fri
# # # # # # # # # # # # #
3:00PM
# # # # # #
စစ်​ကြောင်း(၁)
~~
ဒီပဲယင်း ကံပြားမှ ထွက်သော စစ်ခွေးများ ရေဦးနယ်
အောင်သာရွာမှ မူးဆုံနှင့်ရွာမိဿာရွာဘက်သို့ လက်နက်ကြီး/ငယ်ဖြင့် ပစ်ခတ်​ပြီး
အောင်သာရွာမှ မူးဆုံဘက်သို့ ရောက်ရှိနေပြီး မူးဆုံတောင်ဘက်ခြမ်းရှိ အိမ်များကို
မီးစရှို့နေတယ်လို့ သတင်းရရှိပါသည်။

စစ်​ကြောင်း(၂)
~~
ဒီပဲယင်းမြို့
​လေသာဘုန်းကြီး‌ကျောင်းမှ ထွက်လာ စစ်‌ခွေးများ‌ ရေဦးနယ် ကြည်ကုန်းရွာမှတစ်ဆင့် ဇီးကုန်းရွာဘုန်းကြီးကျောင်းအတွင်းသို့ ရောက်​နေတယ်လို့သတင်းရရှိပါသည်။
(ဓါးစာခံ+စခပေါင်း အင်းအား[၁၀၀]ခန့် ရှိတယ်လို့လဲ သိရ။

01/11/2023

ဇေယျာတိုင်းရဲ့ ၅/ သပိတ် စစ်ကြောင်း ဖက်ဆစ် စစ်တပ် ချေမှုန်းရေး ချီတက် သပိတ်မှောက်

ရန်ကုန်၊ ဇန်နဝါရီ ၁၁

ဇေယျာတိုင်းရဲ့ ၅/ သပိတ် စစ်ကြောင်း ဦးဆောင်ကာ ယနေ့ ဇန်နဝါရီလ ၁၁ ရက်နေ့တွင် ဖက်ဆစ် စစ်တပ် ချေမှုန်းရေး ချီတက် သပိတ်မှောက်ခဲ့ကြောင်း သိရသည်။

01/11/2023

ကလေးမြို့ ပင်မသပိတ် အင်အားစုများ စစ်အာဏာရှင် တော်လှန်ရေး ညသပိတ် ပြုလုပ်

ရန်ကုန်၊ ဇန်နဝါရီ ၁၁

ကလေးမြို့ ပင်မသပိတ် အင်အားစုများ ဦးဆောင်ကာ ယနေ့ ဇန်နဝါရီလ ၁၁ ရက်နေ့တွင် စစ်အာဏာရှင် တော်လှန်ရေး ညသပိတ် ပြုလုပ်ခဲ့ကြောင်း သိရသည်။

01/08/2023

🛑 ၂၀၂၃ မှာ စကစရဲ့ အကြီးမားဆုံး ရွှေ့ကွက်တခုက ရွေးကောက်ပွဲ လုပ်ဖို့ ဖြစ်တယ်။ ဒါကို သူတို့ရဲ့ တခုသော ထွက်ပေါက် အနေနဲ့ အသည်းအသန် ကြိုးစားနေကြတယ်။ အခုလည်း ထွေအုပ်၊ အုပ်ကြီးတွေ အသေအချာပြန်ခံပြီး လူစာရင်း ကောက်ဖို့ ကြိုးစားနေတယ်။ ဒီတနင်္လာ (၀၉/၀၁/၂၃) ကနေပြီး လကုန်အထိ သုံးပတ်တိတိ "နိုင်ငံအတွင်း လူစာရင်း မှန်ကန်ရေး" ဆိုတဲ့ ခေါင်းစဥ်နဲ့ တအိမ်တက်ဆင်း စာရင်း လိုက်ကောက်မယ်လို့ သိရတယ်။
ပြောရရင် ဒါဟာ သူတို့ရဲ့ "အတုအယောင် ရွေးကောက်ပွဲ"​အတွက် ပထမဆုံး ခြေလှမ်းပါ။ သူတို့ဘက်က တကွက် ရွှေ့ရင် ကျနော်တို့ဘက်ကလည်း ရှေ့သုံးလေးကွက်ကို ကြိုစဥ်းစားပြီး ပြန်ရွှေ့မှ ရမယ်။ တနိုင်ငံလုံးလို့ ပြောပေမဲ့ သူတို့ ထိန်းချုပ်လို့ ရနိုင်တဲ့ မြို့ကြီး၊ မြို့ငယ်တွေ၊ ရွာတွေ မှာပဲ ကောက်လို့ ရမှာ။ ဒီတော့ အဲဒီနေရာက လူတွေ အနေနဲ့ ဒီလူစာရင်း ကောက်တာကို တတ်နိုင်သလောက် ကန့်လန့်တိုက်ဖို့ လိုတယ်။
ဥပမာ နေ့လည်ဘက် လိုက်ကောက်ရင် "လမ်းထိပ်လောက်မှာ စကောက် နေပြီ" လို့ ကြားတာနဲ့ အိမ်တံခါးပိတ်ပြီး အပြင်ထွက်သွားနေလိုက်ပါ။ အဲလိုထွက်ဖို့ အချိန်မရလိုက်ရင်လည်း အိမ်မှာ ကလေးရှိရင် လူကြီးတွေ မရှိဘူး ပြောခိုင်းတာတို့၊ လူစာရင်း အမှန် မပေးဘဲ လျှော့ပြော၊ ပိုပြော တာမျိုးတို့ လုပ်နိုင်တယ်။ သန်းခေါင်စာရင်း တောင်းကြည့်ရင်တောင် အသိမ်းလွန်လို့ ရှာနေတယ် ဆိုပြီး နာရီဝက်လောက် အချိန်ဆွဲထားတာမျိုးပေါ့။ သူတို့ လုပ်မဲ့ အလုပ် ကြန့်ကြာအောင်၊ အထ မမြောက်အောင် လုပ်ဖို့ က နယ်မြေခံ ပြည်သူပြည်သားတိုင်းမှာ တာဝန်ရှိတယ်။
လူစာရင်း လိုက်ကောက်တာဟာ မဲစာရင်း တခုတည်း ပြုစုဖို့ မဟုတ်ပါဘူး။ တလရ အင်အားစုတွေ ဘယ်လောက် ရှိနေသလဲ သိချင်လို့ စာရင်းလုပ်တာလည်း ဖြစ်တယ်။ pdf, ldf အင်အား ခန့်မှန်းစာရင်းလည်း သိချင်တယ်။ ပတ်စပို့တွေ ထုတ်မပေးဘူး ဆိုတာလည်း ဒီစာရင်းတွေ ကောက်လို့ရအောင် ပိတ်ပြီး ကောက်တဲ့သဘော ရှိတယ်။
နောက်ဆုံး သန်းခေါင်စာရင်းလို ညဘက် ကာဖျူးအချိန် တအိမ်တက်ဆင်း လိုက်ကောက်ရင်တောင် သူတို့ကို ဆိုက်ကို နည်းနည်းတော့ သုံးလိုက်ပါ။ "ငါ့အိမ်ပေါ်က ဆင်းသွား ပြီးရော" လူစာရင်း လွယ်လွယ် မပေးလိုက်ပါနဲ့။ ကြန့်ကြာအောင် လုပ်တာမျိုး၊ ရွံတဲ့အကြည့်နဲ့ စာရင်း ကောက်တဲ့လူကို ကြည့်နေတာမျိုး၊ နတ်ဝင်ပူး လိုက်တာမျိုး။ နည်းမျိုးစုံ၊ သဏ္ဍန်မျိုးစုံနဲ့ တော်လှန် နိုင်ပါတယ်။ ဉာဏ်ရှိသလို မပူးပေါင်းဘဲ လူစာရင်းကောက်တာကို တော်လှန်ပါ။
အတွင်းအပြင် တက်ညီလက်ညီ တော်လှန်မှ အောင်မြင်မှာပါ။ တလရ တရပ်မှာ စစ်ချည်းတိုက်နေလို့ မရပါဘူး။ "နင်တို့ အာဏာ လက်မခံဘူး၊ ဖီဆန်တယ်" လို့ ပြနေသေးသရွှေ့ တလရ ရှိနေဦးမှာပါ။ ဒီအကြိမ်ဟာ စကစ နဲ့ ထိန်းချုပ်နယ်မြေက လူထု ၂၀၂၃မှာ ပထမဆုံး အကြိမ် ထိပ်တိုက် ပြန်တွေ့တဲ့ပွဲပါ။ ဒီပွဲကို တတ်နိုင်သလောက် အစွမ်းပြပေးကြပါ လို့ တိုက်တွန်းချင်ပါတယ်။

AKMoe

Send a message to learn more

01/08/2023

ဆောင်းတွင်ရောက်နေပေမယ့် တနင်္သာရီတိုင်းမှာ မိုးရွာနိုင်တယ်လို့ မိုးဇလသတိပေး

ဇန်နဝါရီလ ၈ ရက်

ဆောင်းရာသီရောက်နေပေမယ့် တနင်္သာရီတိုင်းမှာ ဇန်နဝါရီလ ၈ ရက်နေ့အတွက် မိုးရွာနိုင်တယ်လို့ စစ်ကောင်စီလက်အောက်ခံ မိုးလေဝသနဲ့ ဇလဗေဒညွှန်ကြားမှု ဦးစီးဌာနက ဇန်နဝါရီလ ၇ ရက်နေ့က ညပိုင်းက သတင်းထုတ်ပြန်ထားပါတယ်။

တနင်္သာရီတိုင်းမှာ နေရာကွက်ကျား မိုးအနည်းငယ်ထစ်ချုန်းရွာနိုင်ပြီး ရွာနိုင်နှုန်း ၆၀ ရာခိုင်နှုန်းရှိတယ်လို့ ဆိုပါတယ်။

မြန်မာ့ပင်လယ်ပြင်မှာတော့ လှိုင်းအသင့်အတင့်ရှိနိုင်ပြီး လှိုင်းအမြင့်ပေဟာ မြန်မာ့ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တို့မှာ ၄ ပေကနေ ၆ ပေအထိ ရှိနိုင်မယ်လို့ ခန့်မှန်းထားပါတယ်။

နေပြည်တော်၊ ချင်းပြည်နယ်၊ ရခိုင်ပြည်နယ်နဲ့ ကယားပြည်နယ်တို့မှာတော့ အများအားဖြင့် သာယာနိုင်ပြီး ကျန်တိုင်းနဲ့ ပြည်နယ်တွေမှာ တိမ်းအသင့်အတင့်ရှိနိုင်တယ်လို့ ဆိုပါတယ်။

AYAT

01/08/2023

လုပ်ကြံခံရသည့် ALP မှ စစ်ဦးစီးချုပ်နှင့် တပ်မှူး ၂ဦးတို့၏ ဈာပနသို့ ANCနှင့် AASYC တို့က ဝမ်းနည်းကြောင်းသဝဏ်လွှာပေးပို့
=============================

နိရဥ္စရာ| ဇန်နဝါရီ ၈ ၊၂ဝ၂၃

ရခိုင်ပြည်နယ်၊ စစ်တွေမြို့တွင် ပြီးခဲ့သည့်ရက်ပိုင်းက လုပ်ကြံခံလိုက်ရသည့် ရခိုင်ပြည်လွတ်မြောက်ရေးပါတီ/ရခိုင်ပြည်လွတ်မြောက်ရေးတပ်မတော်(ALP/ALA)မှ စစ်ဦးစီးချုပ်နှင့် တပ်မှူး ၂ ဦးတို့၏စျာပနသို့ ရခိုင်ပြည်အမျိုးသား ကောင်စီ (ANC) နှင့် ရခိုင်ပြည်လုံးဆိုင်ရာ ကျောင်းသားနှင့်လူငယ်များ အစည်းအရုံး (AASYC) တို့က ယနေ့တွင် ဝမ်းနည်းကြောင်း သဝဏ်လွှာ အသီးသီးပေးပို့ခဲ့ကြသည်။

လုပ်ကြံခံရ၍ကျဆုံးသွားသူတို့၏ ကျန်ရစ်သူ မိသားစုဝင်များ၊ ALP/ALA တပ်ဖွဲ့ဝင်များနှင့်အတူ ထပ်တူဝမ်းနည်း ကြေကွဲရသည်ဟု ရခိုင်ပြည်လုံးဆိုင်ရာကျောင်းသားနှင့် လူငယ်များအစည်းအရုံး (AASYC)က ယနေ့ ဇန်နဝါရီ ၈ ရက်တွင် ပေးပို့သည့် ဝမ်းနည်းကြောင်းသဝဏ်လွှာတွင် ဖော်ပြထားသည်။

အပြည့်အစုံ 👇👇👇

Send a message to learn more

01/08/2023

ဆားလင်းကြီး၊ မိုးကြိုးပြင်ကျေးရွာကို ယနေ့ နံနက်ပိုင်း စစ်တပ်က အကြောင်း မဲ့ မီးတင်ရှို့(ရုပ်/သံ)

ရန်ကုန်၊ ဇန်နဝါရီ ၈

စစ်ကိုင်းတိုင်း၊ ဆားလင်းကြီးမြို့နယ်အတွင်းရှိ ကျေးရွာများကို တိုက်ပွဲဖြစ်ပွား ခြင်းမရှိဘဲ စစ်တပ်က အကြောင်း မဲ့ မီးရှို့ဖျက် ဆီး နေပြီး ပြည်သူများ ထွက် ပြေးတိမ်း ရှောင်နေရကြောင်း ဒေသပြည်သူများက ရန်ကုန်ခေတ် သစ်သတင်း ဌာနထံသို့ ပြောဆိုကြသည်။

ဇန်နဝါရီလ ၅ ရက်နေ့ညနေပိုင်းမှစတင်၍ ဆားလင်းကြီးမြို့ပေါ်မှ စစ်ကောင်စီ တပ်က ခြေလျင်စစ်ကြောင်းထိုးလာပြီး ဘင်္ကါး၊ ဖောင်းကတာကျေးရွာ / တ / လ / မ ကျေးရွာ၊ ကျောက်ဖြူတိုင်ကျေးရွာများကို မီးရှို့ဖျက်ဆီးခဲ့ကြောင်း၊ဇန်န ဝါရီ လ ၈ ရက်နေ့ နံနက် ၈ နာရီအချိန်တွင် မိုးကြိုးပြင်ကျေးရွာကို မီးရှို့ ဖျက် ဆီး လျက်ရှိကြောင်း သိရှိရသည်။

" မနေ့ မနက်ပိုင်းမှာ စစ်ခွေးတွေက မိုးကြိုးပြင်ကျေးရွာကို ရောက်လာပြီး ညအိပ် နားတယ်။ အခု ဒီမနက် ၇ နာရီ ၄၅ မိနစ်အချိန်မှာ မိုးကြိုးပြင်ရွာကို မီးစတင်ရှို့ပါတယ်။ မိုးကြိုးပြင်မြောက်ရွာက မနှစ် ဇွန်လလယ်တုန်းက နေ အိမ် ၈၆ လုံးခန့် မီးရှို့ဖျက်ဆီးခံခဲ့ရပါတယ်။ အခုတစ်ခါ ဒုတိယအကြိမ် မီးထပ် ရှို့ခံရတာပါ။ ပြည်သူတွေကတော့ ထွက်ပြေး တိမ်းရှောင်နေရပါတယ်" ဟု ဒေသပြည်သူတစ်ဦးက ပြောသည်။

ဆားလင်းကြီးမြို့နယ်တွင် စစ်တပ်က မီးတင်ရှို့နေရာတွင် တိုက်ပွဲဖြစ်ပွားခြင်း မရှိဘဲ အကြောင်းမဲ့ ကျေးရွာများကို မီးတင်ရှို့နေခြင်းဖြစ်ကြောင်း သိရှိရသည်။

01/08/2023

လွန်ခဲ့တဲ့တစ်ပတ်က ဖမ်းဆီးခံခဲ့ရတဲ့ ဝင်းကဖော်ရွာသား ၃ ဦး ပြန်မလွတ်သေး

🛑Z Fighter January 08🛑

သရက်ချောင်းမြို့နယ်၊ ညောင်ဇင်ရွာ ဘုန်းကြီးကျောင်းအနီး ဖမ်းဆီးခံခဲ့ရတဲ့ ဝင်းကဖော်ရွာသား ၃ ဦးကို စစ်တပ်က ဒီကနေ့ထိ ပြန်မလွှတ်ပေးသေးဘူးလို့ သိရပါတယ်။

ယခုလ ၁ ရက်နေ့က ရွာခံတွေက ဦးမဲဒို လို့ ခေါ်တဲ့ အသက် ၃၈ နှစ်အရွယ် အမျိုးသားတစ်ဦး၊ ကိုနောင်လို့ ခေါ်တဲ့ အသက် ၂၅ ဝန်းကျင်အရွယ်အမျိုးသားနဲ့ ကိုနိုင်ဇော်လင်း တို့ဟာ ဆိုင်တစ်ဆိုင်မှာရှိနေစဥ် အဖမ်းခံလိုက်ရတာပါ။[The Tanintharyi Times][Z_F]

Read more >> https://telegra.ph/Z-SG--04--SGA--Daisy-01-08-27

01/08/2023

စစ်ကိုင်းတိုင်းအတွင်း စစ်ဘေးရှောင် ကလေးငယ်များအတွက် S&C အဖွဲ့က ၄ ကျောင်းမြောက် စာသင်ကျောင်းဖွင့်လှစ်

🛑Z Fighter January 08🛑

စစ်ကိုင်းတိုင်းအတွင်းရှိ စစ်ဘေးရှောင် ကလေးငယ်များအတွက် S&C မီးဘေး စစ်ဘေး ပညာရေးစောင့်ရှောက်မှု အဖွဲ့မှ ၄ ကျောင်းမြောက် စာသင်ကျောင်း ဖွင့်လှစ်ခဲ့ကြောင်း သိရသည်။

S&C မီးဘေး စစ်ဘေး ပညာရေးစောင့်ရှောက်မှု အဖွဲ့မှ စစ်ရှောင် စာသင်ကျောင်း ၆ ကျောင်းဖွင့်လှစ်မည်ဖြစ်ပြီး လက်ရှိချိန်တွင် စာသင်ကျောင်း ၄ ကျောင်းကို ဖွင့်လှစ်နိုင်ခဲ့ပြီး ကျန်ရှိနေသော စာသင်ကျောင်း ၂ ကျောင်းသည် ကျောင်းသားဦးရေ များပြားသောကြောင့် အလှူရှင်ပြည်သူများ၏ လှူဒါန်းမှုများ လိုအပ်လျက်ရှိ​ကာ S&C မီးဘေး စစ်ဘေး ပညာရေးစောင့်ရှောက်မှု အဖွဲ့၏ page ( comment box တွင်ဖော်ပြထား ) သို့ ဆက်သွယ်လှူတန်းနိုင်ကြောင်း သိရသည်။[Khit Thit Media][Z_F]

01/07/2023

ရဲနှစ်ဦးကို အိပ်ဆေးခပ်ထန်းရည်တိုက်ကာ လက်နက်နှင့်ကျည် သိမ်းယူ
မကွေးတိုင်း မြိုင်မြို့တွင် ဒေသခံအမျိုးသမီးနှစ်ဦးက လုပ်ကြံခဲ့ခြင်းဖြစ်
—-------------------------------------------------------
မကွေးတိုင်း မြိုင်မြို့တွင် (ဇန်နဝါရီ ၃) ရက်နေ့က ထန်းရည်ဆိုင်ရောက်လာသော ရဲနှစ်ဦးကို ဒေသခံ အမျိုးသမီးနှစ်ဦးက အိပ် ဆေးခပ်တိုက်ကာ သေနတ်နှင့် ကျည်ဆန်များ သိမ်းယူခဲ့သည်။ မြို့မရဲစခန်းနှင့် ၇ ဖာလုံအကွာရှိ ထန်းရည်ဆိုင်သို့ လက်နက်အပြည့်အစုံဖြင့် ရောက်လာသည့် ရဲနှစ်ဦးမှာ တပ်ကြပ် မြတ်စိုးကျော်နှင့် ရဲတပ်သားမျိုးမင်းတို့ဖြစ်သည်ဟု သိရသည်။

ထိုရဲနှစ်ဦးထံမှ G3 သေနတ်တစ်လက်၊ ကျည်ဘောက်တစ်ခု၊ ကျည်ဆန် ၁၇ တောင့်၊ ဖုန်းနှစ်လုံးနှင့် ဓား တစ်ချောင်းတို့ သိမ်းဆည်းနိုင်ခဲ့သည့် မြိုင် PDF အဖွဲ့မှ တပ်ရင်းမှူးတစ်ဦးဖြစ်သူ ဗိုလ်လက်ယာက ပြောသည်။

“သေစေတဲ့ဆေးတော့ မဟုတ်ဘူး။ အိပ်တဲ့ဆေး။ မိန်းကလေးနှစ်ယောက်ပါ သောက်တယ်။ ထန်းရည်၊ ဘာညာ သောက်ထားတော့ ဆေးအရှိန်နဲ့ အန်တာပြုတာရှိတယ်။ ပြီးရင် အိပ်သွားတာ။ ရဲတွေ အိပ်သွားတဲ့ အချိန်မှာ သေနတ်ယူလာတာ။ နောက်တစ်ယောက်က သေနတ်ကို လည်ပင်းပတ်ထားလို့ မရခဲ့ဘူး” ဟု ၎င်းက ပြောသည်။

လက်ရှိတွင် အမျိုးသမီးနှစ်ဦးမှာ ဆေးအဆိပ်သင့်ကာ ဆေးကုသမှုခံယူလျက်ရှိကာ အခြေနေကောင်းမွန် လာပြီဟု တော်လှန်ရေးအဖွဲ့ဘက်က ဆိုသည်။ အထက်ပါဖြစ်စဉ်နှင့်ပတ်သက်၍ စစ်ကောင်စီက နှုတ်ဆိတ်နေဆဲဖြစ်သည်။

သတင်း - မောင်ရွှေဝါ/ Myanmar Now
ဓာတ်ပုံ - ပေးပို့


#ဒီပဲယင်းမြို့ကသတင်းတစ်ချို့

01/07/2023

စစ်ကိုင်း - မုံရွာလမ်းမှာ ဒီမနက်ပိုင်း စစ်ကားတန်းကို လေးနေရာမှာ ဖောက်ခွဲ တိုက်ခိုက်၊
စကစ ရှစ်ယောက် သေဟုဆို၊

MFP ၊ ဇန်နဝါရီ - ၇

စစ်ကိုင်းမြို့ တပ်မ(၃၃)ထဲက ထွက်လာပြီး မုံရွာဘက် ဦးတည်မောင်းနှင်လာတဲ့ စစ်ကားတန်းကို ဒီမနက်ပိုင်း မြင်းမူနယ် နေရာ လေးနေရာမှာ ပဒေသာမိုင်းတွေနဲ့ ဖောက်ခွဲ တိုက်ခိုက်ခဲ့ရာ စကစ ရှစ်ယောက် ထိခိုက် သေဆုံးတယ်လို့ တိုက်ခိုက်မှု လုပ်ဆောင်ခဲ့တဲ့ ဒေသကာကွယ်ရေး တပ်ဖွဲ့တွေက ထုတ်ပြန်ပါတယ်။

ဒီနေ့ ဇန်နဝါရီ(၇)ရက် မနက်(၄)နာရီခွဲက စစ်ကိုင်း - မုံရွာလမ်းအတိုင်း၊ မုံရွာဘက် မောင်းနှင်လာတဲ့ စစ်ကားအကြီး နှစ်စီးကို မြင်းမူနယ်၊ ဂွေးပင်တောနှင့် ရေပိုးစားရွာကြား ပဒေသာမိုင်း ငါးလုံးတွဲနဲ့ ဖောက်ခွဲတိုက်ခိုက်ခဲ့ရာ ဒုတိယမြောက်ကားကို ထိမှန်ခဲ့ကြောင်းနှင့် မိနစ်ပိုင်းအကြာမှာ နောက်ထပ် မိုင်းငါးလုံးနဲ့ ထပ်မံဖောက်ခွဲခဲ့ရာ စကစ သုံးယောက် သေပြီး အများအပြား ထိခိုက်ဒဏ်ရာ ရသွားတယ်လို့ မုံရွာခရိုင် အမှတ်(၁၁)တပ်ရင်း - People's Defence Force - South Monywa က ဖာ်ပြပါတယ်။

စစ်အုပ်စုက တရစပ် ရမ်းသမ်း ပစ်ခတ်ပေမယ့် ရဲဘော်တွေ အထိအခိုက်မရှိ အောင်မြင်စွာ ဆုတ်ခွာနိုင်ခဲ့တယ်လို့ PDF South Monywa ဆိုပါတယ်။

အဲ့ဒီနောက် မနက် (၆)နာရီ ဝန်းကျင်မှာလည်း အဲ့ဒီ စစ်ကားနှစ်စီးကို မြင်းမူမြို့နှင့် ဝမ်းပြည့်ရွာကြားမှာ People's Army To Fight Dictatorship (PAFD) - တပ်ခွဲ DK PDF(MMU)၊ People's Knight Defense Force Myinmu (PKDF-MMU)၊ TAUNGTHA People Defense Force (TTAPDF)၊ D.B.B.F – MMU စတဲ့ မဟာမိတ်တွေ ပူးပေါင်းပြီး အထူး ပြုလုပ်ထားတဲ့ ပြင်းအားမြင့် မိုင်းနဲ့ နှစ်ကြိမ် ဖောက်ခွဲ တိုက်ခိုက်ခဲ့တယ်လို့ PAFD က ထုတ်ပြန်ပါတယ်။

“စစ်ခွေးကားများကို တော်လှန်ရေး ရဲဘော်များ၏ မိုင်းဆွဲ တိုက်ခိုက်မှု့ကြောင့် ငါးဦး သေးဆုံးပြီး အများအပြား ဒဏ်ရာရရှိခဲ့ပါသည်။ ထိုတိုက်ခိုက်မှုကြောင့် စစ်ခွေးများမှ အပြင်းအထန် ပြန်လည် ပစ်ခတ်ခဲ့သော်လည်း တော်လှန်ရေး ရဲဘော်များမှာ အထိအခိုက်မရှိ အောင်မြင်စွာ ဆုတ်ခွာ နိုင်ခဲ့ပါသည်” လို့ PAFD က ဆိုပါတယ်။

စစ်အုပ်စုကို အရှိန်မြင့် ဆက်လက် တိုက်ခိုက်နိုင်ဖို့ လက်နက်ခဲယမ်းဖိုးတွေ လိုအပ်နေပြီး အလှူခံကမ်ပိန်းတွေမှာ ပူးပေါင်းပါ၀င် လှူဒါန်းပေးကြဖို့ People's Army To Fight Dictatorship (PAFD) နှင့် People's Defence Force - South Monywa အပါအ၀င် ဒေသကာကွယ်ရေး တပ်ဖွဲ့တွေက တိုက်တွန်းပါတယ်။

ဇန်နဝါရီ(၄)ရက် လွတ်လပ်ရေးနေ့က စစ်ကိုင်း - မုံရွာလမ်း၊ ဝမ်းပြည့်ရွာအနီးမှာ ခိုးရာပါ ပစ္စည်းသယ် စစ်ကားတန်းကို Zamani Rvolution Force/MMU Myaung နှင့် စစ်ကိုင်းခရိုင်တပ်ရင်း(၁) Nway Oo Takhon PDF တို့ ပူးပေါင်းပြီး မိုင်းဆွဲ တိုက်ခိုက်ခဲ့စဉ်/Photo – Zamani Rvolution Force

#မန္တလေး #စစ်ကိုင်း #မုံရွာ #အညာ

01/07/2023

ပုသိမ်အကျဉ်းထောင်ဆူပူမှု ရဲတပ်ဖွဲ့၏ပစ်ခတ်မှုကြောင့် PDF ဟောင်း ကိုဝေယံဖြိုးသေဆုံးပြီး ၆၄ ဦးဒဏ်ရာရ

ဇန်ဝါရီ ၇

ဧရာဝတီတိုင်း၊ ပုသိမ်အကျဉ်းထောင်တွင် ဇန်နဝါရီလ ၆ရက်က ဖြစ်ပွားခဲ့တဲ့ ထောင်တွင်းအဓိကရုဏ်းအတွင်း ရဲတပ်ဖွဲ့၏ ပစ်ခတ်မှုကြောင့် အသက် ၃၅ နှစ်အရွယ်PDF ဟောင်း ကိုဝေယံဖြိုးကျဆုံးခဲ့ရပြီး ၆၃ဦးဒဏ်ရာရရှိခဲ့တယ်လို့ သိရပါတယ်။

“ နိုင်ငံရေးအကျဉ်းသားကိုဝေယံဖြိုး သေနတ်၃ချက်ဒဏ်ရာဖြင့် ပွဲချင်းပြီးသေဆုံးပြီး ကိုဖိုးလပြည့်၊ ကိုဝင်းမင်းထက်၊ ကိုစိုးယုကျော်၊ ကိုဝေဇော်လတ်၊ ကိုအောင်ထွန်းမြင့်၊ ကိုကျော်ရဲအောင်၊ ကိုရဲသွေးနီတို့အပါအဝင် နိုင်/ကျင်း ၁၃ စစ်တပ်ရဲ့ ရိုက်နှက်မှု၊ သေနတ်နဲ့ပစ်ခတ်မှုတို့ကြောင့် အသက်အန္တရာယ် စိုးရိမ်ရတဲ့အခြေအနေရှိပြီး ပုသိမ်ဆေးရုံကြီးတွင် အတွင်းလူနာအဖြစ် ဆေးကုသနေရပါတယ်။

စစ်တပ်ရဲ့ ရိုက်နှက်မှုကြောင့် အခြားအကျဉ်းသားပေါင်း ၆၄ ဦးအထိ ဒဏ်ရာရရှိထားတယ်”လို့ အကျဉ်းသားဟောင်းတစ်ဦးကဆိုပါတယ်။

ကျဆုံးသွားခဲ့သူ နိုင်ငံရေးအကျဉ်းသား ကိုဝေယံဖြိုးဟာ Pathein Western Defense Force PWDF တပ်ဖွဲ့ဝင်ဟောင်း တစ်ဦးဖြစ်ပြီးပြီးခဲ့တဲ့၂၀၂၂ ခုနှစ်၊ ဇွန်လအတွင်းက ပန်းတနော်မြို့နယ်တွင် ဖမ်းဆီးခံခဲ့ရကာ အနောက်တောင်တိုင်းစစ်ဌာနချုပ်အတွင်းရှိ စစ်ကြောရေးစခန်းမှာ ၃ လကြာအထိ နှိပ်စက်ညှဉ်းပန်းစစ်ဆေးခံခဲ့ရသူဖြစ်တယ်လို့ သိရပါတယ်။

ပြီးခဲ့တဲ့ဇန်နဝါရီ၅ရက်နေ့က ပုသိမ်အကျဉ်းထောင်မှာ ထောင်တာ၀န်ရှိသူများက နိုင်ငံရေးအကျဉ်းသား ၈ ဦးကို အချုပ်ဆောင်အတွင်းမှ ခေါ်ထုတ်ကာ နာရီပေါင်းများစွာ ကြာတဲ့အထိ ရိုက်နှက်ညှဉ်ပန်းနှိပ်စက်ခဲ့တာနဲ့ပတ်သက်ပြီး ဇန်နဝါရီလ ၆ ရက်မှာထောင်တွင်းဆူမှု ဖြစ်ပွားခဲ့တာကြောင့် ထောင်တွင်းသို့ ဝင်ရောက်၍ သေနတ်ဖြင့် ပစ်ခတ်ဖြိုခွင်းရာမှ ကိုဝေယံဖြိုးထိမှန်၍ သေဆုံးခဲ့ခြင်းဖြစ်တယ်လို့ ပုသိမ်ထောင်နှင့် နီးစပ်သူများထံမှ သိရပါတယ်။

အဲ့ဒီအဓိကရုဏ်းဖြစ်စဉ်မှာ ရဲတပ်ဖွဲ့ရဲ့ပစ်ခတ်မှုကြောင့် နိုင်ငံရေးအကျဉ်းသား ကိုဝေယံဖြိုး ကျဆုံးခဲ့သလို အခြားအကျဉ်းသားပေါင်း ၆၄ ဦး ဒဏ်ရာရရှိခဲ့ပြီး ဒဏ်ရာပြင်းထန်သူအကျဉ်းသား ၁၃ ဦးကို ပုသိမ်ဆေးရုံကြီးမှာ အတွင်းလူနာအဖြစ် ဆေးကုသမှုခံယူနေပြီး အကျဉ်းသား ၄ ဦးမှာ သေနတ်ဒဏ်ရာကြောင့် အသက်အန္တရာယ်စိုးရိမ်ရတဲ့အခြေအနေရှိတယ်လို့လည်း သိရပါတယ်။

အဲ့ဒီပုသိမ်ထောင် ဆူပူမှုနဲ့ပတ်သက်ပြီး အကျဉ်းသားတစ်ဦးသေဆုံးပြီး ၆၃ ဦးဒဏ်ရာ ရရှိထားတယ်လို့လည်းစစ်ကောင်စီဘက်ကကြေညာလိုက်ပါတယ်။

အဲ့ဒီထုတ်ပြန်ချက်မှာတော့ အကျဉ်းသား ၇၀ လောက်ကနေ ဆူပူမှု ပြုလုပ်တဲ့ အတွက် ခရိုင်ရဲတွေ ဝင်ရောက် လူစုခွဲ ခဲ့ရပြီး အချုပ်သား အချင်းချင်း ရိုက်နှက်မှုကြောင့် အကျဉ်းသားတဦး သေဆုံးသွားပြီး ဖြစ်စဉ်အတွင်း အကျဉ်းသား ၆၃ ဦး ဒဏ်ရာရကာ ရဲနဲ့ ထောင်ဝန်ထမ်း ၁၁ ဦးလည်း ဒဏ်ရာရရှိခဲ့တယ်လို့ စစ်ကောင်စီကထုတ်ပြန်ပါတယ်။

ဒါ့အပြင်အကျဉ်းသား တဦးဆီကနေ ကီးပတ်ဖုန်း ၁ လုံး ရှာဖွေ သိမ်းဆည်းမိကြောင်းနဲ့ အရေးယူဖို့ ဆောင်ရွက်နေတယ်လို့ လည်း ဆိုထားပါသေးတယ်။

01/07/2023

ကန့်ဘလူမြို့နယ်မှ စစ်ရှောင်ပြည်သူများ မြွေပွေးအန္တရာယ် ကြုံတွေ့နေရ

7 January 2023 - Kachinwaves

စစ်ကိုင်းတိုင်း ကန့်ဘလူမြို့နယ်တွင် ပြီးခဲ့သည့် ဒီဇင်ဘာတစ်လအတွင်း စစ်ဘေးရှောင်ပြည်သူ ၅ ဦး မြွေပွေးကိုက်ခံရပြီး ၁ ဦးသေဆုံးခဲ့သလို ယခုနှစ် ဇန်နဝါရီလ ၂ ရက်နေ့တွင်လည်း အမျိုးသမီးတစ်ဦး ထပ်မံ အကိုက်ခံရကြောင်း သိရသည်။

ရွာအတွင်း စစ်ကောင်စီတပ်များ ဝင်ရောက်လာ၍ တောထဲသို့ထွက်ပြေး တိမ်းရှောင်ကြရာတွင် အကိုက်ခံရခြင်းဖြစ်ပြီး နိုဝင်ဘာလတွင်လည်း မြွေကိုက်ခံရသူ ၆ ဦးရှိခဲ့သည်ဟု ကျွန်းလှတက်ကြွလှုပ်ရှားသူများအဖွဲ့မှ သတင်းနှင့်ပြန်ကြားရေး တာဝန်ခံက ပြောသည်။ မြွေဆိပ်ဖြေဆေးနှင့် ဆေးဝါးများ လိုအပ်နေကြောင်း ၎င်းတာဝန်ခံက ပြောသည်။

“အချိတ်အဆက်မရလို့ စာရင်းထဲမထည့်ရသေးတဲ့ လူနာတွေရှိပါသေးတယ်။ အဓိကတော့ ကျွမ်းကျင်ဆေး ဝန်ထမ်း၊ ဒုတိယတော့ ဆေးဝါးပေါ့ လတ်တလော ကိုးထောင်ဘို့၊ ချပ်သင်း တိုက်နယ်တွေဘက်က ကျွမ်းကျင်ဆေးဝန်ထမ်း မရှိတာ၊ ရှိတဲ့သူနဲ့ လုပ်နေရတာ”ဟု ပြောသည်။

စစ်ကောင်စီ၏ ဖမ်းဆီးခြင်း ခံရမည်ကိုစိုးရိမ်သည့်အတွက် ဆေးရုံသို့သွားရောက် ကုသရန်လည်း ခက်ခဲနေပြီး ဆေးဝါးများလိုအပ်နေသလို ကုသပေးမည့် ကျွမ်းကျင်ဆေးဝန်ထမ်းများလည်း လိုအပ်နေကြောင်း ဆက်ပြောပါသည်။

“မလွယ်တာ မြို့ပေါ်တက်ကုဖို့ဆိုတာ စကစ နယ်မြေတွေမှာ ကိုးထောင်ဘို့၊ ချပ်သင်းတိုက်နယ်ကဆို ကုပေးဖို့ မပြောနဲ့ ဖမ်းခံရမှာတောင် ပူရပါတယ်။ ကျွန်တော်တို့က ဆေးဝယ်လှူပေးတာလောက်နဲ့ ကျွမ်းကျင်ဆရာဝန်ရဖို့ ကြိုးစားနေရပါတယ်”ဟု ဆိုသည်။

၎င်းကန့်ဘလူမြို့နယ်တွင် ပြီးခဲ့သည့် ဒီဇင်ဘာလ တစ်လအတွင်း စစ်ကောင်စီ၏ မီးရှို့ဖျက်ဆီးမှုကြောင့် ကျေးရွာ ၉ ရွာမှ နေအိမ်ပေါင်း ၂၃၃ လုံး မီးလောင်ပျက်စီးခဲ့ကြောင်း သိရသည်။ ထို့အပြင် အသက် ၁၄ နှစ်အရွယ် ကျောင်းသားမောင်သုတဇော် ပစ်သတ်ခံရသလို ဂါးဂလော်ကျေးရွာမှ ဒေသခံ ၄ ဦးလည်း သတ်ဖြတ်ခံခဲ့ရကြောင်း ကျွန်းလှတက်ကြွလှုပ်ရှားသူများအဖွဲ့က ထုတ်ပြန်ထားသည်။

01/07/2023

ဆင်ခြေဆင်လက်များ
ကာတွန်း - Tasharbu

01/07/2023

ဒီပဲယင်း စိုင်ပြင်မြို့ပေါ်က စျေးဆိုင်နှင့် နေအိမ်တွေကို စစ်အုပ်စုက အနိုင်ကျင့် လုယက် မီးရှို့ ဖျက်ဆီး၊

MFP ၊ ဇန်နဝါရီ - ၆

စစ်ကိုင်းတိုင်း ဒီပဲယင်းမြို့နယ်၊ စိုင်ပြင်မြို့ အမှတ်(၅)ရပ်ကွက်က နေအိမ်တွေနှင့် စိုင်ပြင်မြို့မစျေးကြီးက စျေးဆိုင်တွေကို ဇန်နဝါရီ(၅)ရက် နေ့လည်ပိုင်းမှာ စစ်အုပ်စုက စီးနင်းလုယက် မီးရှို့ဖျက်ဆီးခဲ့တယ်လို့ ဒေသခံတွေက ပြောပါတယ်။

ဇန်နဝါရီ(၅)ရက် နေ့လည်(၂)နာရီအချိန် စိုင်ပြင်ရဲစခန်းထဲက စစ်အုပ်စုဟာ လမ်းသွားလမ်းလာတွေကို သေနတ်နဲ့ လိုက်လံပစ်ခတ်ပြီး ပြည်သူ(၅၀)ကျော်ကို ဖမ်းဆီး ရိုက်နှက်ကာ ရဲစခန်းထဲ ခေါ်သွင်းပြီး ငွေညှစ်ကာ တချို့ကို ပြန်လွှတ်ပေးခဲ့သလို နေအိမ်နှင့် စျေးဆိုင်တွေကို ဆက်လက် လုယက် မီးရှို့ဖျက်ဆီးတာလို့ ဒေသခံတွေက ဆိုပါတယ်။

စစ်အုပ်စုဟာ စိုင်ပြင်မြို့ လမ်းပေါ် သွားလာနေတဲ့ ပြည်သူတွေကို ထင်တိုင်းကျဲ ရမ်းကားပစ်ခတ် ဖမ်းဆီး ငွေညှစ်ပြီးနောက် နေ့လည်(၃)နာရီကနေ ည(၇)နာရီကျော်အထိ စိုင်ပြင်မြို့ စျေးအနီးက စျေးဆိုင်နှင့် အမှတ်(၅)ရပ်ကွက်က နေအိမ်တွေကို လုယက် မီးရှို့ဖျက်ဆီးခဲ့တာလို့ ဆိုပါတယ်။

နေအိမ်နှင့် စျေးဆိုင်ခန်း (၁၀)လုံးထက်မနည်း မီးလောင်ပြာကျတယ်လို့ သတင်းကြားပေမယ့် ဖုန်းနှင့် အင်တာနက်လိုင်းတွေ ဖြတ်တောက်ခံထားရတဲ့အပြင် ဒေသတွင်း စစ်အုပ်စုက နှစ်ဖွဲ့သုံးဖွဲ့ခွဲပြီး ရွာစဉ်ပတ်မွှေနေလို့ ထွက်ပြေးနေရတာကြောင့် အသေးစိတ် အခြေအနေတွေ မသိရသေးဘူးလို့ MFP ရဲ့ သတင်းရင်းမြစ်က ပြောပါတယ်။

က်ရှိမှာ စစ်အုပ်စုက စိုင်ပြင်မြို့အနီးက မန်းကျည်းစောက်ရွာ အပါအ၀င် ဒီပဲယင်းနယ် အနောက်ခြမ်းက ကြည်ရွာ၊ ဘုရားထွက်ရွာ၊ ဆပ်ပြာကျင်း စတဲ့ ရွာတွေကို ဆက်လက် စီးနင်းလုယက် သောင်းကျန်းနေတယ်လို့ ဆိုပါတယ်။

ဒီပဲယင်းမြို့နယ်၊ စိုင်ပြင်မြို့ မြို့မစျေးကြီးက စျေးဆိုင်ခန်းနှင့် အမှတ်(၅)ရပ်ကွက် နေအိမ်တွေကို စစ်အုပ်စုက လက်နက်အားကိုးနဲ့ အနိုင်ကျင့် လုယက် ဖျက်ဆီး မီးရှို့သွားစဉ်/Photo – နဂါးဒီပဲယင်း

#မန္တလေး #စစ်ကိုင်း #အညာ #ဒီပဲယင်း #စိုင်ပြင်

01/07/2023

မြ၀တီမြို့ ကြာအင်းဆိပ်ကြီး တွင် စစ်ကောင်စီတပ်တွေ လေယာဥ်နှင့် အချင်းချင်းဗုံးမှားကြဲ

ဇန်နဝါရီလ ( ) ရက် ၂၀၂၃

ပြီးခဲ့သည့် ဇန်နဝါရီလ (၄ ) ရက်နေ့က မြ၀တီမြို့ကြာအင်းဆိပ်ကြီးတိုက်ပွဲမှာ စစ်ကောင်စီတပ် ခလရ (၂၈၄ ) တပ်ကို PDF တွေ၀င်သိမ်းတုန်း ပစ်ကူလာပေးတဲ့ လေတပ်က ကောင်တွေကို အရှေ့တောင်ပိုင်းတိုင်း စစ်ဌာနချုပ်က အကောင်ကြီးတကောင်က စက်နဲ့ လှမ်းပေါက်တယ် အဲ့ ခလရ ၂၈၄ တပ်ထဲမှာ ​ေ×ာက်သွေးသားတော်စပ်တဲ့ကောင်တွေ ငါတို့ ​ေxာက်မျိုးတွေ တကောင်မှမပါဘူးဆိုပြီး လှမ်းပြောလို့ အချင်းချင်း လေယာဥ်နဲ့ ဗုံးကျဲချလို့ တတပ်လုံး ကျရတာပါဟု တပ်နှင့် နီးစပ်သူ တဦးမှ အခုလို တပ်တွင်း ဖုံးကွယ်ထားတဲ့ အ​ဖြစ်မှန်ပြောပြခဲ့သည်။

-K Revolution

01/07/2023

အာဏာရှင် မလိုလား မြတ်ဗုဒ္ဓ သားတော်များ သပိတ် အင်အားစုမှ စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်

📍 Z Fighter January 07 📍

အာဏာရှင် မလိုလား မြတ်ဗုဒ္ဓ သားတော်များ သပိတ် အင်အားစုမှ သံဃာတော်များ ဦးဆောင်ကာ ယနေ့ ဇန်နဝါရီလ ၇ ရက်နေ့တွင် စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။

အဆိုပါ လှုပ်ရှားမှုကို "အဓမ္မကိုရင်ဆိုင်ပြီး ဓမ္မကိုရအောင်ပြန်ယူဖို့ စိတ်ဓာတ်တွေမြင့်နေမှရမယ် စိတ်ဓာတ်တွေနိမ့်နေသ၍ ယုတ်ညံ့သူတွေပိုဒုက္ခပေးနေဦးမှာပဲ" စာတန်းများ ကိုင်ဆောင်ကာ ပြုလုပ်ခဲ့ကြောင်း သိရသည်။
[ Khit Thit Media ][ Z-F ]

01/07/2023

စစ်ကြောင်းထိုးမှုကြောင့် ကျွန်းလှဒေသခံ ၂၅၀၀ ခန့် ထွက်ပြေးနေရ

📍 Z Fighter January 07 📍

စစ်ကိုင်းတိုင်း၊ ကျွန်းလှမြို့နယ်အတွင်းရှိ ထန်းပင်ကုန်းနှင့် ကြာတကန် ကျေးရွာများကို စစ်ကောင်စီတပ်များ စစ်ကြောင်းထိုးမှုကြောင့် ဒေသခံ ၂၅၀၀ ခန့် ဘေးလွတ်ရာ ထွက်ပြေးတိမ်းရှောင်နေရကြောင်း သိရသည်။[ The Irrawaddy ][ Z-F ]

Read more >>>
https://telegra.ph/Z-F-048-PL-01-07-10

ပုံစာ - ကျွန်းလှမြို့နယ်အတွင်းက စစ်ဘေးရှောင်များ (ပုံဟောင်း) / ကန့်ဘလူဒေသတွင်း သတင်းမီဒီယာ