03/28/2024
Ka nu in kan innhnen tei hnenah, "Ciite nan nei maw? Kan cii a cem i" tin avun dil. Kan ciibawm ahcun ciite a khat in aum lai ruangah a thupten ka nu hnenah, "Nu, cii cu kan nei lai si" ka ti. Ka nu in, "Ka thei ko. Kan innhnen tei hi an harsa tuk. Sumpai an nei lo ruangah thil in ra dil theu. Kei khalin thil lolam tete ka va dil ve theu. Hitin thil ka va dil tikah an hnangam ding, kan tul zet ah an ruat aw dingih kan nel aw vivo ding. Neta khalah an tulhai mi cu in hmaisong loten in ra dil ngam ding" tin in simfiang cu ka lung a fim dukdi.
