Jicho la ujasiriamali

10/09/2024

NZI HATUI KWENYE CHUNGU CHA MOTO
"The boiling pot, flies come not".

Rafiki yangu salamu! Leo njoo tutete jambo kubwa, watu waliofanikiwa ni wasomaji wazuri wa vitabu. Hawasomi vitabu wanavyovipenda tu, bali husoma vitabu hasa vile vigumu kuvielewa na havisomwi na watu wengi. Kwa kuwa umejitoa kufanikiwa wekeza kwenye kusoma vitabu. Kumbuka siyo wote wanaosoma vitabu wanafanikiwa bali wote waliofanikiwa wanasoma vitabu. Baada ya utangulizi naomba twende tujifunze kauli hiyo iliyowahi kutumiwa sana na moja ya waasisi na mwandishi wa Taifa la Marekani bwana Benjamin Franklin karne ya 18.

Nzi hatui kwenye chungu cha moto, ni kauli inayosadifu maisha yetu leo. Tupo kwenye ulimwengu wa mvurugo,kelele nyingi na ushindani. Watu wanahangaika na ushindani kwenye biashara, vyeo, na hata fursa. Ajira zimekuwa haba, watu kukicha wanahitimu pasipo kujua wapi wanakwenda. Elimu imekuwa ikiwaahidi mafanikio makubwa na wakitoka shuleni wanagundua walikuwa wanatapeliwa. Biashara zinaanza na kufa, zinakabiliwa na ushindani mkali. Watu wanaigana kila leo. Kwenye muziki usiseme. Kauli za anawaibia nyota ndo zimepewa kipaumbele.

Jamii imehamia kwenye kuwasema vibaya watu wanaofanikiwa, waliotajirika wanaitwa Freemasons kwamba wamepata utajiri kwa njia za kutoa kafara za damu, watu waliofanikiwa kupanda vyeo wanasemwa wametoa rushwa ya ngono, wengine ndugu na maboss, ukiajiriwa watasema kuna namna umefanya. Shule zikifaulisha sana zinasemwa wameiba mitihani. Mafelia wana kelele nyingi. Wengine wanatoa shuhuda za uwongo ili tu kuihadaa jamii, mara nimetumia mafuta ya upako sasa ninauza laki tano kwa siku, ila nyie. Nilikuwa sivuni mazao ya kutosha tangu nianze kutumia maji haya ya mtume sasa navuna gunia nyingi. Kuna mmoja kaibuka na sauti mbaya k**a Kamera chura, anadai mwimbaji aliyefariki wa Zabron Singers alikuwa Freemasons. Watu wanahadaika kirahisi sana.

Kauli ya Benjamin Franklin inatuambia ili ufanikiwe kuudhibiti ushindani hakikisha unakuwa chungu cha moto. Nzi ni wapinzani wako, washindani wako au marafiki wanaokupotezea muda wa kufokasi na malengo yako. Ukiwa chungu cha moto hakuna nzi atatua. Kwenye makala ya "TAI HA

10/09/2024

08/09/2024

*HOMEWORK 3:* Siku njema huonekana asubuhi. Kabla hujakumbilia simu au kuanza kuwaza foleni au kazi/biashara itengeneze siku yako. Jitamkie mema kwamba itakuwa siku njema, kazi itaenda vizuri, wateja watajaa kwenye biashara yako, utakutana na watu watakaokuvusha kwenye hatua nyingine ya maisha, utakuwa na furaha na amani siku nzima.
—-
Kumbuka siku yako ikienda ndivyo sivyo usikate tamaa. Rudi nyumbani, jiambie sitakata tamaa, kesho nitainuka tena, mimi ni mshindi na kadhalika. Asubuhi ya kesho nyingine Jitamkie tena mema mpaka ubongo, moyo na mwili wako uzoee uchanya huo!

27/08/2024

Tumia ulichonacho, kupata ambacho huna.

Kutoka mezani kwa Kocha,

Rafiki yangu mpendwa,

Huwa kuna usemi wa Kiswahili kwamba Mungu akikupa kilema, hakunyimi mwendo.

Ukweli ni kwamba kila mtu kuna vitu ambavyo amekosa ili kuweza kufika kule anakotaka kufika.
Hiyo ni hali ambayo ipo kwa kila mtu.

Lakini uzuri ni kwamba pamoja na kukosa vitu ambavyo tunavitaka sana, huwa kuna vingine tunavyokuwa navyo, tena kwa wingi.

Ni hivyo tunavyokuwa navyo ndiyo tunaweza kuvitumia kupata vile ambavyo hatuna.
Hivyo ndivyo ilivyo mara zote.

Unaweza kupata chochote unachotaka, lakini ni k**a tu utatumia vizuri vile ulivyonavyo sasa.

Unapokuwa unaanza biashara, au biashara yako ikiwa chini, kila kitu kinakuwa kigumu na hakuna matokeo.

Unakuwa huna ujuzi sahihi unaohitaji, huna fedha kwa ajili ya mtaji na kuna watu sahihi ambao wanaweza kukusaidia.
Kwa kifupi ni unakuwa huna maisha.

Lakini kuna kitu kimoja unachokuwa nacho kwa wingi, MUDA.
Unakuwa na muda mwingi ambao ukiweza kuutumia vizuri, utakupa hivyo vingine vyote. Muda utakupa maisha.

Unaweza kutumia muda wako kujenga ujuzi sahihi unaohitaji kuwa nao ili biashara ipige hatua. Hakuna cha kukukwamisha kwenye hilo, maana ujuzi unapatikana bure kabisa, ni wewe tu.

Kadiri unavyojenga ujuzi wako, ndivyo kipato chako pia kinavyoongezeka. Hapo unaanza kupata pesa. Na ukiendelea kujenga ujuzi mkubwa zaidi unakuza kipato chako zaidi.

Ukiwa na pesa unaweza kuwavutia watu sahihi kuja kwako, ambao watakusaidia kwenye mengi unayohitaji.

Rafiki, k**a unakosa vyote kwenye mafanikio, anza kutumia muda wako vizuri, kujenga ujuzi utakaokulipa sana kisha utaweza kujenga koneksheni sahihi.

Itashangaza sana k**a utakuwa huna vyote unavyotaka na huna muda pia.
Hapo utakuwa umeamua kuwa na maisha duni milele.
Hata k**a unakosa kila kitu, basi hakikisha muda wako huukosi, maana huo ndiyo mkombozi sahihi kwako.

27/08/2024

3526; Utateseka sana mpaka utakapokubali hili.

Kutoka mezani kwa Kocha,

Rafiki yangu mpendwa,

Kwenye biashara na ujasiriamali, watu wamekuwa wanateseka sana kwa sababu moja tu; hawapo tayari kufanya ambacho hawapendi kufanya.

Wakati mafanikio kwenye kila eneo la maisha yanataka mtu uwe tayari kufanya yale usiyopenda kufanya.
Maana hayo ndiyo wengine pia hawapendi kuyafanya.
Na kwa kuwa wengi hawapendi kuyafanya, thamani yake inakuwa kubwa.

Tukirudi kwenye biashara na ujasiriamali, watu wapo tayari kuweka fedha zao walizotafuta kwa jasho kwenye biashara.
Wapo tayari kwenda mbali zaidi na kukopa fedha ambazo watalipa kwa gharama.

Watakazana kuandaa bidhaa au huduma wanazouza.
Halafu watakaa kusubiri wateja waje.
Na wateja hawaji.
Wanaishia kulalamika kwamba biashara ni ngumu.

Biashara inakuwaje ngumu wakati hakuna hata watu ambao umewakera?
Unataka uonekane mstaarabu siyo, hutaki kuwa msumbufu kwa watu.
Na ndiyo maana utateseka sana.

K**a hutaki kuteseka kwenye biashara na ujasiriamali, PIGA KELELE SANA.
Yaani PIGA KELELEEEEE.
Sauti haijatosha, PIGA KELELEEEEEE

K**a siku inapita na hakuna watu uliowakera kwa kuitangaza biashara yako, huitangazi vya kutosha.

Najua utasema ukipiga kelele sana, ukiwasumbua watu, watachukia na kuacha kununua.
Na mimi nakuambia k**a mteja amekataa kununua kwa sababu unapiga kelele sana, asingenunua hata usingepiga kelele.
Hivyo PIGA KELELEEEEE.

Wateja sahihi watafurahia kelele zako, watanunua hata k**a hawataki, kwa kuheshimu kelele zako.

Na watakaokataa kununua kwa sababu ya kelele zako, watakutangaza vizuri sana.
Kwa hiyo piga KELELEEEE.

Unaogopa kupiga kelele ni bangi unauza?
Hebu PIGA KELELEEEE.

Unaweza kuwa na bidhaa bora sana.
Unaweza kuwa na huduma ya kipekee kabisa.
Lakini k**a hutapenda sana kupiga kelele,
Utaishia kulalamika mambo ni magumu.
PIGA KELELEEE...
Ndiyo namna pekee ya kutoboa kwenye biashara na ujasiriamali.

27/08/2024

K**a wakati wowote ule utaamua kuamka na kuanza mwendo, maisha yatafunguka sana kwako.
Lakini k**a utasubiri mpaka uwe na hamasa ndiyo ufanye, kamwe hutaweza kuanza.

Hamasa huwa ni zao la kufanya k**a ambavyo kufanya pia ni zao la hamasa.
Hivyo kila unapokuwa na wasiwasi wa aina yoyote ile, anza kufanya kitu chochote kile.
Kila unapojiona huna hamasa, anzisha mwendo wowote ule.
Kwa kuwa kwenye mwendo, utaweza kubadili hali yako kutoka kutokuwa na hamasa mpaka kuwa na hamasa.

Usisubiri mpaka uwe na hamasa ndiyo ufanye yale uliyopanga kufanya.
Badala yake anza kufanya na hilo litakujengea hamasa ya kuendelea kufanya.

K**a ilivyo kwa kanuni ya mwendo, kitu kilichosimama huwa kinaendelea kusimama na kilicho kwenye mwendo huwa kinaendelea na mwendo.
Usikubali kusimama kwa sababu yoyote ile.
Mara zote endelea kuwa kwenye mwendo, hilo litajenga hamasa kubwa kwako itakayoendelea kukusukuma kuwa bora zaidi ya ambavyo upo sasa.

26/08/2024

Unaporuhusu mjadala kwako binafsi iwapo ufanye kitu au usifanye, kwa sehemu kubwa hutakifanya.
Mafanikio yanajengwa pale unapofikia ngazi ya kufanya kitu bila ya kuwa na mjadala wa aina yoyote ile.
Inapohitajika kufanya, unafanya, kwa haraka na uhakika bila mjadala wala kufikiria.
Ukiweza kufikia ngazi hiyo ya ufanyaji, hakuna kinachoweza kukuzuia kufanikiwa.

Bado hatujafikia ngazi ambayo unaweza kujenga mafanikio makubwa kwenye maisha yako bila kufanya.
Hivyo weka kipaumbele kikubwa kwenye kufanya.
Ni kupitia kufanya ndiyo unaweza kuzalisha matokeo yoyote yale unayoyataka kwenye maisha yako.

Ni vitu gani umeshafikia ngazi ya kufanya kila siku bila mjadala? Karibu ushirikishe kwenye maoni hapo chini.
Kwangu mimi AKIBA na kuamka Asubuhi saa tisa kamili ni namba moja.
K**a bado hujawa na kitu ambacho umeshaweza kufanya kwa aina hiyo, kipi ambacho ungependa kufanya kila siku bila ya mjadala? Shirikisha na uweke mpango wako wa kuhakikisha unaweza kukifanya kila siku bila ya mjadala.

24/08/2024

*MTAZAMO 09: UVUMILIVU*
Wanaofanikiwa ni watu wasiokata tamaa kirahisi kwani wao huwaza KUJENGA utajiri. Wanaelewa ujenzi huo sio swala la siku moja bali ni mchakato. Hivyo, wako tayari kujitoa mhanga, kuvumilia changamoto wanazokutana nazo na, kuwekeza fedha na muda leo ili waweze kufikia kwenye mafanikio wanayotaka.

23/08/2024

Believe

22/08/2024

*MTAZAMO 08: KUONGEZA MAARIFA*
Wanaofanikiwa wanajua elimu haina mwisho au wanahitaji elimu zaidi ya ile inayotolewa darasani ili waweze kufanikiwa au kuongeza kipato . Wako tayari kuwekeza kwenye kuongeza maarifa, ujuzi na kujiboresha kwenye maeneo wanayopwaya kwa kutumia njia mbalimbali k**a kupitia makosa waliyofanya nyuma, kwa kutumia wengine waliofanikiwa tayari, vitabu, kuhudhuria semina n.k.
———
*Team, uwekezaji wa kwanza utakaokuletea mafanikio makubwa na endelevu ni kuwekeza kwako wewe mwenyewe.Unakua k**a mgodi uliopo ndani yako unaotoa vito vya thamani/maarifa. Maarifa ni pesa.*

21/08/2024

*MTAZAMO 06: UTULIVU WA AKILI*
Wanaofanikiwa hudhibiti mawazo na hisia zao ili wawe na utulivu wa akili wanapofanya maamuzi ya kifedha. Hawafanyi maamuzi ya pupa kwasababu tuu wameambiwa biashara/uwekezaji fulani unalipa au utapata faida maradufu au wameona wengine wanafanikiwa. Huhakikisha wana utulivu wa ndani na taarifa/maarifa ya kutosha kabla ya kufanya maamuzi ili kuzuia upotevu wa pesa💵💵💵!

20/08/2024

*MTAZAMO 05. MAWAZO MAKUBWA*
Wanaofanikiwa wanawaza mambo makubwa. Hata k**a hali waliyopo ni tofauti au wanapitia changamoto bado wanawaza mafanikio wanayotamani kuyafikia. Wanawaza kipato kikubwa zaidi ya wanachopata sasa, wanawaza biashara kubwa zaidi ya wanayofanya sasa, wanawaza uwekezaji mkubwa zaidi ya wanaofanya sasa n.k.
——
*Kusudia kuwa mkubwa kwa kuwaza makubwa mpaka ubongo wako uzoee na usione shida kuamua na kufanya vitu vikubwa.*

19/08/2024

Kuelewa Msingi wa Uwekezaji: Hatua ya Kwanza Katika Kujenga Utamaduni wa Uwekezaji

**1. Uwekezaji ni Nini?**
Uwekezaji ni kitendo cha kutumia pesa zako au rasilimali kwa lengo la kuziongeza thamani yake kwa muda. Hii inaweza kufanywa kwa kununua mali, hisa, au hata kuanzisha biashara.

**2. Umuhimu wa Elimu ya Msingi ya Uwekezaji**
Kabla ya kuanza safari yako ya uwekezaji, ni muhimu kuelewa dhana za msingi k**a vile faida, hasara, hatari, na mseto wa uwekezaji. Hii inakusaidia kufanya maamuzi ya busara na kuepuka hasara zisizo za lazima.

**3. Mseto wa Uwekezaji**
Mseto unahusu kuwekeza katika mali tofauti ili kupunguza hatari. Kwa mfano, badala ya kuwekeza pesa zako zote katika hisa za kampuni moja, unaweza kuwekeza katika sekta tofauti au bidhaa nyingine k**a vile ardhi au bondi.

**4. Kuvumilia Hatari**
Kila aina ya uwekezaji ina kiwango chake cha hatari. Ni muhimu kujua kiasi cha hatari unachoweza kuvumilia kabla ya kuwekeza. Kwa mfano, hisa zinaweza kuwa na faida kubwa lakini pia zina hatari kubwa zaidi ikilinganishwa na bondi ambazo ni salama zaidi lakini na faida ndogo.

**5. Kuwa na Lengo la Kuwekeza**
Ni muhimu kuwa na lengo la wazi kwa nini unawekeza. Hii inaweza kuwa kwa ajili ya kustaafu, kuanzisha biashara, au hata kwa ajili ya elimu ya watoto wako. Malengo yako yatakusaidia kuamua aina ya uwekezaji unaofaa kwako.

**6. Kujifunza Mambo Mapya**
Soko la uwekezaji linabadilika kila wakati. Hivyo, ni muhimu kujifunza na kujua habari mpya kuhusu masoko, uchumi, na teknolojia ili uweze kuboresha mikakati yako ya uwekezaji.

**7. Uvumilivu ni Muhimu**
Uwekezaji ni safari ya muda mrefu. Mafanikio ya kweli yanapatikana kwa kuwa na subira na kuepuka kufanya maamuzi ya haraka wakati soko linapobadilika.

**8. Kuanza Mapema**
Muda ni kipengele muhimu katika uwekezaji. Kuanzia uwekezaji mapema kunaweza kusaidia kuongeza faida kutokana na nguvu ya riba inayoongezeka kwa muda.

Kujenga utamaduni wa uwekezaji kunahitaji kujifunza na kuelewa mambo ya msingi. Kwa elimu sahihi, unaweza kufanya maamuzi mazuri na kujenga mustakabali mzuri wa kifedha.

17/08/2024

*MTAZAMO 04: KUONGEZA KIPATO*
Wanaofanikiwa hufikiria zaidi kuongeza kipato zaidi ya kuweka tuu akiba ambayo haizai na inaliwa na makato. Wanaofanikiwa wanawekeza kwenye vitega uchumi au mali zinaongezeka thamani kwa ajili ya kipato zaidi. Mfano; Biashara- Mazao ya chakula, miti, real estate, hisa, vipande, hati fungani.

16/08/2024

Look here

15/08/2024

Fine

15/08/2024

Akili na Jitihada.

Kutoka mezani kwa Kocha,

Rafiki yangu mpendwa,

Watu huwa wanasema ili kufanikiwa unapaswa kufanya kazi kwa akili (work smart) na siyo kufanya kazi kwa juhudi kubwa (work hard).

Hivyo huwa ni vitu rahisi kusema kwa nadharia, lakini inapokuja kwenye uhalisia mambo huwa ni tofauti kabisa.

Kwenye uhalisia inadhihirika kwamba pamoja na kutumia akili nyingi, bado jitihada kubwa zinahitajika kwenye kukamilisha majukumu mbalimbali.

Mafanikio ya mtu yanategemea sana;
1. Msukumo wa ndani anaokuwa nao mtu kwenye kupiga hatua kubwa. Hili huwa haliwezi kuigwa wala kufundishwa.
2. Kuwa na nguvu ya kuweza kuweka juhudi ili kupata kile ambacho mtu anakitaka.
3. Mtazamo chanya juu ya mtu mwenyewe, kile anachofanya na maisha kwa ujumla.
4. Maamuzi sahihi kwenye mambo mbalimbali, hayo yanasaidia kuamua vyema kwenye mambo mengi.
5. Imani kali juu ya kile ambacho mtu anataka kupata au kufikia, kuamini kwamba inawezekana.
6. Mapenzi ya dhati kwenye kile ambacho mtu anafanya, ambayo yanapelekea mtu awe na shauku kwenye ufanyaji.

Unaona hapo jinsi ambavyo akili ni sehemu ndogo tu ya mafanikio. Sehemu kubwa imebebwa na jitihada ambazo mtu anapaswa kuziweka.

Badala ya kujidanganya kwamba unafanya kazi kwa akili na siyo nguvu, kubali kufanya kazi kwa akili nyingi na jitihada kubwa sana.
Yote mawili yanahitajika kwa pamoja na muingiliano mkubwa ili mtu aweze kupata mafanikio makubwa.

Rafiki, umekuwa unatumiaje akili na jitihada kwa pamoja ili kujijengea mafanikio makubwa unayotaka kufikia?
Karibu ushirikishe kwenye maoni hapo chini ili uweze kutumia yote kwa pamoja kwa manufaa.

13/08/2024

KILA MTU ANA SAFARI YAKE YA UWEKEZAJI:

Unapoingia kwenye safari ya uwekezaji ujue ni safari yako, na huna haja ya kushindana na wengine wenye safari zao. Ikiwa safari yako ni kutoka Dar es salaam kweda Shinyanga hutajisumbua na wasafiri wengine ambao safari zao zinaishia Morogoro. Kila uliyepanda naye kwenye basi ana kituo chake maalumu, akifika atashuka na wewe utapaswa kuendele mbele. Huwezi kuanza kulalamika kwanini wengine wanashuka huku wewe ukiendelea na safari.

Hiyo ni safari yako na unatakiwa uikubali jinsi ilivyo. Kwenye safari hiyo wengine wanaenda kwenye biashara, wengine msibani, wengine kusalimia, wengine kufanya uhalifu nk. Hivyo kila mtu kwenye safari ya uwekezaji ana sababu zake za kuingia huko.

Hivyo jikubali jinsi ulivyo kwenye uwekezaji wako na ujue hauko kwenye mashindano ya riadha ambayo mshindi ni yule anayefika kituo cha mwisho. Leo unaweza kuanza safari yako kwa kujenga chumba kimoja. Na kwa kadri ya muda ukaongeza vyumba vingine  na ukayafikia mafanikio yako.

Kumbuka kwenye mfano wetu wa basi yule abiria mwenzako wa Morogoro atawahi kushuka ukilinganisha na wewe wa Shinyanga. Yawezekana Abiria wa Morogoro aliwahi kushuka lakini anaelekea msibani. Wewe unaendele na safari yako,lakini huko unaenda kuwekeza kwenye uchimbaji wa dhahabu.

Kumbuka zote hizi zilikuwa safari, lakini kila mmoja alikuwa na maandalizi tofauti kulingana na umbali wa safari , na kile anachokifuata huko. Mwekezaji mwenye malengo ya muda mfupi ni tofauti na yule mwenye malengo ya muda mrefu.

Hivyo rafiki yangu ni muhimu ukakubaliana na kuthamini tofauti hizo. Mwekezaji anayenunua ardhi na kuiuza, fedha yake itarudi haraka kuliko wewe ambaye unawekeza kwenye majengo ya kukodisha. Usiache kujenga majengo yako baada ya kumwona rafiki yako kauza viwanya vyake na kupata faida ya haraka.

Kila mtu aliyoko kwenye uwekezaji ana upekee wake na njia yake ya kufikia mafanikio. Kushindana na wengine ni kutaka kukosa furaha.  Kulazimisha kushuka Morogoro ni kukata tamaa na kujipoteza.

Hivyo Jifunze kupitia safari ya kwenda Shinyanga. Aliyeshuka Morogoro amewahi kufika, lakini haimaanishi kuwa wewe unayeenda Shinyanga safari yako haina thamani tena , au hautafika. Jibu hapa

13/08/2024

*PLEASE SOMA HAPA*
**************
Mtazamo wa fedha ni MAWAZO unayowaza na HISIA/IMANI unazobeba ambazo zinapelekea maamuzi/tabia zako unazofanya kwenye kutengeneza, kutumia, kutunza na kuongeza fedha.
—-
Hivyo, taarifa hasi au chanya tulizozisikia tangu tukiwa wadogo kuhusu fedha huenda kutengeneza mawazo, hisia na maamuzi ambayo ndio VYANZO VYA MAFANIKIO.
——
Kiufupi, binadamu ana ulimwengu wa ndani na nje. Ndani ndio kuna ROHO na NAFSI (mawazo, hisia na maamuzi) na nje kuna MWILI.
*****
Wengi hatujui hili lakini ulimwengu wa ndani ndio unaotengeneza ulimwengu wa nje. Yaani chochote (kwenye eneo lolote la maisha yako)unachokiona nje yako kizuri au kibaya jua kimeanzia ndani yako.Nje ni matokeo. Kwa mfano; Huna akiba (Matokeo) sababu ni huenda automatically huwa UNAWAZA kutumia kwanza kabla ya kuweka akiba
*****
HUWEZI KUFANIKIWA ZAIDI YA UNAVYOWAZA NA KUTENDA.Hivyo, ili kufanikiwa unatakiwa kuboresha unavyowaza, hisi na kutenda(kuamua) . Unaboresha kwa kuingiza taarifa mpya (chanya na za kitajiri).
——
Success leaves clues. Pata taarifa jinsi watu wanaofanikiwa kifedha huwaza na kutenda kwenye kutengeneza, kutunza na kuongeza kipato, namna sahihi ya kutafuta mafanikio,n.k halafu anza kufanyia kazi hizo taarifa.
—-
UNAPOFANYA TOFAUTI , UTAANZA KUPATA MATOKEO TOFAUTI na utapiga hatua.
—-
Je, mtazamo wa wanaofanikiwa ukoje?
——
*Siku zinazokuja tutajifunza mitazamo mbalimbali ya wanaofanikiwa✋*

05/08/2024

Hawawezi kufanya k**a wewe.

Kutoka mezani kwa Kocha,

Rafiki yangu mpendwa,
Kitu kimoja ambacho kimekuwa kinawapa watu hofu kwenye safari ya mafanikio ni kuigwa na wengine.

Watu hukazana kuficha mawazo yao na kuwa na siri kali kwenye yale wanayofanya kwa kuhofia wengine wakijua watawaiga na kuleta ushindani mkali kwao.

Ni kweli kwamba kuna watu wengi watakuiga kwenye kile unachofanya, hasa pale kitakapoonyesha mafanikio.
Lakini hilo halipaswi kukusumbua hata kidogo.

Kwa sababu watu wanaoiga, huwa wanakwama mahali pamoja, wanakuwa wameona kitu kwa nje ila uhalisia wa ndani hawaujui.

Wakiona kwa nje wanadhani ni rahisi.
Mpaka wanapoingia kufanya ndiyo wanagundua jinsi ilivyo vigumu kufanya kitu husika.

Na hata ikiwa rahisi kufanya, bado kunakuwa na changamoto nyingine, wanakuwa hawana msukumo mkubwa ndani yao wa kufanya.

Wanajikuta wakifanya tu kwa sababu ya kile walichoona kwa nje, lakini msukumo wa ndani wanakuwa hawana.

Hivyo wanapokutana na magumu na changamoto, ambavyo ni sehemu ya safari, huwa hawadumu kwa muda mrefu.

Lakini wewe ambaye kitu kimeanzia ndani yako kweli, unakuwa na msukumo mkubwa wa kukifanya.
Hata unapokutana na magumu na changamoto, unaendelea kufanya mpaka unayavuka na kufanikiwa.

Hili linakupa masomo makubwa mawili kuhusu mafanikio;

Moja ni kamwe usiige yale wanayofanya wengine. Badala yake anzia ndani yako mwenyewe. Unapoiga unakuwa na msukumo wa nje ambao hauna nguvu. Ila inapoanzia ndani yako, unakuwa na msukumo wa ndani wenye nguvu ya kuvuka kila changamoto.

Mbili ni wapuuze wale wanaokuiga, usihangaike hata kujua wanafanyaje, jua tu kwamba hawatadumu kwa muda mrefu. Na hata wakidumu, bado hilo halipaswi kukusumbua, kwa sababu wewe unaendelea kuwa bora kwenye hicho unachofanya.

Tambua kwamba hayupo anayeweza kufanya kile unachofanya k**a unavyokifanya wewe.
Hivyo ushindi wa uhakika ni kuwa wewe kwenye kila unachofanya, kwa kuwa hakuna aliye k**a wewe.

Rafiki, ni kwa namna gani umechagua kuwa wewe kwenye kile unachofanya sasa ili usisumbuliwe na wanaokuiga?
Shirikisha kwenye maoni hapo chini ili uweze kuwa wewe na kujitofautisha na wengine wote, kitu kitakachokuhakikishia mafanikio makubwa.

02/08/2024

Uwekezaji wa hatifungani (bonds) ni mchakato wa kununua hati za deni ambazo hutolewa na serikali, kampuni, au taasisi nyingine ili kukusanya fedha. Hatifungani hutoa ahadi ya kulipa riba kwa muda fulani na kurudisha kiasi cha msingi (principal) baada ya muda uliowekwa kumalizika (maturity date). Hivi ni baadhi ya vipengele muhimu vya hatifungani:Kiwango cha Riba: Ni kiasi cha riba ambacho mlipaji atatoa kwa mwekezaji mara kwa mara hadi muda wa hatifungani utakapoisha.Muda wa Kukomaa (Maturity): Ni kipindi ambacho baada yake, kiasi kilichowekezwa (principal) kitarejeshwa kwa mwekezaji.Bei ya Soko: Hii ni thamani ya hatifungani inavyouzwa katika soko la pili (secondary market), na inaweza kubadilika kulingana na viwango vya riba na mahitaji ya soko.Hatari: K**a aina yoyote ya uwekezaji, kuna hatari zinazohusiana na hatifungani, k**a vile hatari ya riba (interest rate risk), hatari ya kutokulipwa (credit risk), na hatari ya mfumuko wa bei (inflation risk).Hatifungani zinachukuliwa kuwa uwekezaji salama zaidi kuliko hisa (stocks), ingawa hazina uwezo wa kutoa faida kubwa kwa muda mfupi. Zinatoa mapato ya kawaida kwa njia ya riba, na zinafaa kwa wawekezaji wanaotafuta uhakika wa mapato na ulinzi wa mtaji.

01/08/2024

NMB
Jan to June 2024 Performance
Financial Statements Analysis
30..7.2024

1. Price Earning Ratio (PER), measuring whether a share is expensive or cheap (if PER is supply.

9. Deposits TZS 8.89T up by 7% and loan up by 23% to 8.12T. Demand for products is so high close to supply, making it one.of the very.profitable business with assured customers

10. Loan to Asset 63% hence more pruductive income generating.assets are dominated in core business

11. Earning assets to total asset