Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Forca Humanista Balibo "FHB", Bobonaro, Dili.
10/12/2022
Ksolok Aniversáriu Forsa Humanista Timor-Leste (FHTL)
Aniversáriu lori esperansa foun iha luta Umanizmu hodi hakerek istoria foun.
Tinan naruk ita la'o hamotuk iha vizaun no misaun ida, iha prosesu luta terus no susar mak ita hasoru hamotuk hodi kesi ita nia espíritu humanidade ba malu. Aniversáriu FHTL halo ita sai forsa, konsistensia no optimista hodi simu konsekuénsia ba kualker saida de'it iha prosesu lutu hodi hatur loloos ezisténsia umanu/a nian liu husi tane malu, servi malu, fo valór ba malu hodi tane a'as dignidade ema ni'an.
Aniversáriu FHTL ita haksolok ho domin tanba ema moris husi domin no objetivu loloos moris mak domin tanba ne'e ema iha valór no dignidade hanesan la iha diskriminasaun, explorasaun no intimidasaun husi materiál.
Revolusaun ne'e hatudu loloos domin ba ema kbi'it la'ek sira, ne'ebé hasoru situasaun reál husi sistema a'at ne'ebé halo intimidasaun no explorasaun ba ema kbi'it la'ek sira.
Simu palavara de ordem husi murak doben "A Luta Continua" nune'e ita hotu unifika ita nia forsa liu husi asaun ba luta kolektivu, Luta liu husi edukasaun populár ho esperitu voluntáriu hodi forma umanu/a hotu iha sosiedade ne'ebé nakonu ho dutrina humanizmu/humanista (fó valor no tanes a'as dignidade umanu/a nian) iha rai sagradu ne'ebé hari'i husi ruin no ran nia leten.
Buat hotu ita sakrafika uituan ka barak ho meus oin-oin atu liberta ema hotu. Ita hili edukasaun populár dalan ida ne'ebé fó valór no tane a'as dignidade ema nian. Ita hotu konsiente no kompremitidu ba ita nia an katak prontu husik buat hotu ba libertasaun totál povu maubere ho palavar de ordem katak "sira mate voluntariu ba libertasaun patria no ita moris kontinua servisu voluntariu ba libertasaun povu"
Ho nune'e ita forsa liu tan iha aniversáriu FHTL ho palavra de ordem A Luta Continua.
Ita seidauk to'o ka atinje ita nia visaun loloos tanba ne'e ita kontinua
Luta Naruk
Vida narauk
Ita konsistensia
Ita manan no atinje ita nia vizaun
Iha Humanista liu dalan edukasaun popular.
Salam humanizmu 🌞🌞
Saudasoens no domin hako'ak bo'ot ba Ran Maluk humanista iha 12 Municipio no RAEOA.
