Ayeyarwady Sown Ye

23/04/2024

သံတွဲမြို့နယ်၊ စရုတ်ရွာဟောင်းတွင် AA နှင့် စစ်တပ်တို့ ဖြစ်ပွားခဲ့သော တိုက်ပွဲအတွင်း စစ်သား ၃၀ ကျော်သေဆုံး

ရန်ကုန်၊ ဧပြီ ၂၃

ရခိုင်ပြည်နယ်၊ သံတွဲမြို့နယ်၊ စရုတ်ရွာဟောင်းတွင် ရခိုင့်တပ်တော် -AA နှင့် အကြမ်းဖက် စစ်တပ် တို့ ဖြစ်ပွားခဲ့သော တိုက်ပွဲ အတွင်း အကြမ်းဖက် စစ်သား ၃၀ ကျော် သေဆုံးခဲ့ကြောင်း ဒေသနေပြည်သူများက ရန်ကုန်ခေတ်သစ်သတင်းဌာထံသို့ ပြောကြားသည်။

ယမန်နေ့ ဧပြီလ ၂၂ ရက် နံနက် ၆ နာရီခန့်က သံတွဲမြို့နှင့် ၁၀ မိုင်ခန့်အကွာရှိ စရုတ်ရွာဟောင်းတွင် ရခိုင့်တပ်တော် - AA နှင့် အကြမ်းဖက်စစ်တပ်တို့ကြား တိုက်ပွဲဖြစ်ခဲ့ရာ မိနစ် ၃၀ ခန့်ကြာမြင့်ခဲ့ပြီး အကြမ်းဖက် စစ်တပ်ဘက်မှ စစ်သား ၃၀ ကျော်သေဆုံးခဲ့ကြောင်း၊ ယင်းတိုက်ပွဲအတွင်း အကြမ်းဖက် စစ်ကောင်စီ၏ ရေတပ်မှ လက်နက်ကြီးများဖြင့် ပစ်ခတ်တိုက်ခိုက်ခဲ့သည့်အပြင် မွန်းတည့် ၁၂ နာရီ ခန့်၌ သံတွဲမြို့နယ်၊ ရွှေလှံတံတားအကျော် ဒေါ်မြရွာဟောင်းကို ဂျက်တိုက်လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း သိရသည်။

“မနေ့က တိုက်ပွဲမှာ စစ်သား ၃၀ ကျော်သေတယ်၊ သံတွဲနဲ့ရွှေလှေကြား သံတွဲကနေ ၁၀ မိုင်ခန့် အကွာ ကွေ့ချောင်းတဖက်ကမ်း စရုတ်ဆိုတဲ့ရွာဟောင်းမှာဖြစ်တာ။ လက်နက်ကြီးသံနဲ့ အတွဲ လိုက် ပစ်တဲ့အသံတွေ ၅ မိုင်ဝန်းကျင်က အတိုင်းသားကြားနေရတယ်။ နေ့လည် ၁၂ နာရီလောက်မှာ ရွှေလှေတံတားအကျော်မှာရှိတဲ့ ဒေါ်မြရွာဟောင်းဘက်မှာ ဂျက်တိုက်လယာဉ်နဲ့ လာပြီး ဗုံးကျဲခဲ့ တယ်” ဟု ဒေသနေပြည်သူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

အကြမ်းဖက် စစ်တပ်မှ စစ်သားများသည် ငပလီ အခြေစိုက် ခမရ ၅၆၆ တပ်ရင်းမှ အကြမ်းဖက် စစ်သားများဖြစ်ပြီး ယနေ့ ဧပြီလ ၂၃ ရက် နံနက်ပိုင်းကလည်း တပ်မ ၅၅ မှ အကြမ်းဖက်စစ်သား ၆၀ ခန့်အင်အားဖြည့် တင်းထားကြောင်း သိရသည်။

ယနေ့ ဧပြီလ ၂၃ ရက် နံနက် ၁၀ နာရီကျော်ကလည်း ငပလီဘက်သို့ အကြမ်းဖက်စစ်ကောင်စီတပ် က လေယာဉ် ၂ စီးဖြင့် လာရောက် ဗုံးကျဲမှုရှိခဲ့ပြီး လက်နက်ကြီးပစ်ခတ်သံများလည်းကြား နေရ ကြောင်း၊ ယင်းတိုက်ပွဲကြောင့် ဒေသနေပြည်သူများမှာ စစ်ဘေးလွတ်ရာ ရွှေလှေကျေးရွာဘုန်းကြီး ကျောင်းအတွင်း၌ ခိုလှုံ နေကြကြောင်း သိရသည်။

23/04/2024

ဒု စစ်ခေါင်းဆောင် စိုးဝင်း နေကောင်းကျန်းမာသည်ဟု ဗိုလ်ချုပ် ဇော်မင်းထွန်းက နှစ်ကြိမ်ပြောသော်လည်း စစ်ကောင်.....

23/04/2024

ရေတာရှည်တွင် စစ်ကြောင်းက ကလေးတဦးအပါ ၈ ဦးကို ပစ်သတ်

ဧရာဝတီ၊ ဧပြီ ၂၃ ၊ ၂၀၂၄

ပဲခူးတိုင်း၊ ရေတာရှည်မြို့နယ်၊ ဆွာမြို့အရှေ့ဘက်ရှိ ရွာသစ်ကျေးရွာနှင့် ပိတောက်ကုန်းကျေးရွာများကို တောင်ပိုင်းတိုင်း စစ်ဌာနချုပ်(တပခ) လက်အောက်ခံ စစ်တပ်က ဝင်ရောက်၍ သံဃာတပါးနှင့် ကလေးတဦးအပါအဝင် အရပ်သားပြည်သူ ၈ ဦးကို သတ်ဖြတ်ခဲ့ကြောင်း ဒေသခံများထံမှ သိရသည်။

ရွာသစ်ကျေးရွာမှ ဒေသခံ ၄ ဦး၊ ပိတောက်ကုန်းကျေးရွာမှ သံဃာတပါးနှင့် ဒေသခံ ၃ ဦးတို့ဖြစ်ပြီး ဖမ်းဆီးခံထားရသည့် ဒေသခံများလည်းရှိကြောင်း သိရသည်။

ရေတာရှည်မြို့နယ်ပြည်သူ့ကာကွယ်ရေးအဖွဲ့ သတင်းနှင့် ပြန်ကြားရေးတာဝန်ခံက “တိုက်ပွဲဖြစ်လို့ သတ်ဖြတ်တာမျိုး မဟုတ်ဘူးဗျ၊ စစ်ကြောင်းရှေ့မှာ ချေမှုန်းရေးပါတော့ မြင်မြင်ရာမှန်သမျှ ပစ်ပြီး ဝင်လာကြတာ၊ အဲဒီအချိန်မှာ ချေမှုန်းရေးနဲ့ တိုက်ရိုက်တွေ့တဲ့သူမှန်သမျှ ပစ်သတ်တာ”ဟု ပြောသည်။

ပြီးခဲ့သည့် ဧပြီ ၁၃ ရက်မှစ၍ ခင်တန်း၊ ကိုးတန်း၊ ဆွာရွာမ၊ ထန်းပင်ကုန်း၊ ပိတောက်ကုန်းစသည့် ဆွာမြို့အရှေ့ဘက်ရှိ ကျေးရွာများတွင် ထိတွေ့တိုက်ပွဲနှင့် ပစ်ခတ်မှုများဖြစ်ပွားခဲ့သော်လည်း စစ်ကောင်စီက ပြန်လည်ဆုတ်ခွာသွားခြင်းမရှိဘဲ ကျေးရွာများအတွင်း အထိုင်ချတပ်စွဲပြီး ဒေသခံများအား ဖမ်းဆီး သတ်ဖြတ်နေခြင်းဟု သိရသည်။

၎င်းက ဆက်လက်၍ “စစ်ကြောင်းစဝင်တုန်းကတော့ အင်အား ၂၀၀ လောက် ပါတာ၊ တိုက်ပွဲတွေ ဖြစ်နေတော့ အင်အားတွေ ထပ်ဖြည့်ပြီး ရှေ့ဆက်တိုးနေတာမျိုးပေါ့၊ လက်ရှိမှာတော့ ပိတောက်ကုန်းနဲ့ ရေတာရှည်လေးရွာတွေဘက်မှာ အင်အား ၄၀၀ လောက်နဲ့ ဖြန့်ထားတယ်လို့ သိရတယ်၊ ပြီးတော့ ပတ်ဝန်းကျင်ရွာတွေကို လက်နက်ကြီးတွေနဲ့လည်း ပစ်နေတာတွေ ရှိတယ်”ဟုပြောသည်။

ဧပြီ ၁၇ ရက်တွင် ဆွာမြို့အရှေ့ဘက်ခြမ်းသို့ ဝင်ရောက်လာသော စစ်ကြောင်းနှင့် ပြည်သူ့ကာကွယ်ရေး ပူးပေါင်းတပ်ဖွဲ့များ ဆွာရွာမအနီး တိုက်ပွဲ ဖြစ်ပွားခဲ့ပြီး ကာကွယ်ရေးပူးပေါင်းတပ်ဖွဲ့များမှ ၄ ဦးသေဆုံး၊ ၈ ဦးဒဏ်ရာရခဲ့ကာ စစ်ကောင်စီဘက်မှ ၃၀ ကျော်သေဆုံး၍ ၂၀ ကျော် ဒဏ်ရာရခဲ့ကြောင်း၊ ပိတောက်ကုန်းတိုက်ပွဲတွင်လည်း စစ်ကောင်စီဘက်မှ ထိခိုက်သေဆုံးမှုများ ရှိခဲ့ကြောင်း သိရသည်။

အဆိုပါ တိုက်ပွဲနှင့် ပတ်သက်၍ စစ်ကောင်စီဘက်က သတင်းထုတ်ပြန်ခြင်းမရှိသလို စစ်တပ်အနေဖြင့် အရပ်သားများကို သတ်ဖြတ်လေ့မရှိဟု ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ငြင်းဆိုလေ့ရှိသည်။





စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။

Support The Irrawaddy: https://bit.ly/3btQYpR

23/04/2024

22/04/2024

လုံခြုံရေးကိစ္စ ဆွေးနွေးရန် စစ်ကောင်စီအဖွဲ့ဝင်များ ရုရှားသွား

ဧရာဝတီ၊ ဧပြီ ၂၂၊ ၂၀၂၄

လုံခြုံရေးကိစ္စများ ဆွေးနွေးရန် စစ်ကောင်စီ၏ ဗိုလ်ချုပ်ကြီးမိုးအောင် ဦးဆောင်သော ကိုယ်စားလှယ်အဖွဲ့ ယမန်နေ့တွင် ရုရှားနိုင်ငံသို့ သွားရောက်ခဲ့ကြောင်း ယနေ့ထုတ် စစ်ကောင်စီအာဘော် မီဒီယာများ၌ ဖော်ပြသည်။

၁၂ ကြိမ်မြောက် လုံခြုံရေးကိစ္စရပ်များဆိုင်ရာ အဆင့်မြင့်အရာရှိကြီးများ အစည်းအဝေးနှင့် ဆက်စပ်အစည်းအဝေးကို ဧပြီ ၂၃ ရက်မှ ၂၆အထိ ရုရှားနိုင်ငံ စိန့်ပီတာစဘတ်မြို့၌ ကျင်းပမည်ဖြစ်ပြီး ရုရှားနိုင်ငံ လုံခြုံရေးကောင်စီအတွင်းရေးမှူး H.E.Mr. Nikolai Patrushev ၏ ဖိတ်ကြားချက်အရ သွားရောက်ခြင်းဖြစ်ကြောင်း၊ အဆိုပါ ကိုယ်စားလှယ်အဖွဲ့ကို အမျိုးသားလုံခြုံရေးဆိုင်ရာ အကြံပေးပုဂ္ဂိုလ် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး ဝန်ကြီးဌာန (၄)၊ ပြည်ထောင်စုဝန်ကြီး၊ ဗိုလ်ချုပ်ကြီး မိုးအောင်က ဦးဆောင်ကြောင်း ရေးသားထားသည်။

၂၀၂၁ ခုနှစ် ဖေဖော်ဝါရီ ၁ ရက် စစ်တပ်အာဏာသိမ်းပြီးနောက် စစ်ကောင်စီသည် ရုရှားနိုင်ငံနှင့် ပူးပေါင်းဆောင်ရွက်မှုများကို သိသိသာသာ တိုးမြှင့်လုပ်ဆောင်လာနေခြင်းဖြစ်သည်။

မတ်လ ၂၁ရက်တွင်လည်း ရုရှား-မြန်မာ ကာကွယ်ရေးဝန်ကြီးဌာနများအကြား ၂၀၂၄ခုနှစ်အတွင်း အကောင်အထည်ဖော်ဆောင်ရွက်မည့် စစ်ဘက်ဆိုင်ရာ ပူးပေါင်းဆောင်ရွက်ရေးအစီအစဉ်အရ ဥပဒေဆိုင်ရာ ညှိနှိုင်းဆွေးနွေးပွဲကို နေပြည်တော်ရှိ ဂျက်စမင်ဟိုတယ်၌ ပြုလုပ်ခဲ့ကြသည်။

ထို့ပြင် မတ်လ ၂၇ ရက်( တပ်မတော်နေ့)ကလည်း စစ်ခေါင်းဆောင်သည် မကြာသေးမီက ပြဋ္ဌာန်းထားသော သီရိသီဟကျော်နှင့် သီရိသူရကျော်ဘွဲ့တံဆိပ်များကို စစ်ဘက်ဆိုင်ရာကိစ္စရပ်များ၌ ပူးပေါင်းဆောင်ရွက်ခဲ့သော ရုရှားစစ်တပ်ဘက်မှ လူပုဂ္ဂိုလ် ၂၇ ဦးကို ပထမဆုံးအကြိမ် ချီးမြှင့်ခဲ့သေးသည်။

ဓာတ်ပုံ - Global New Light of Myanmar




စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။

Support The Irrawaddy: https://bit.ly/3btQYpR

22/04/2024

Are world leaders turning a blind eye?
Photo-crd

22/04/2024

လက်ဖက်ခြောက်ကျကျ
လေးသောက်ဖို့စောင့်နေတာ
ကိုကွာ တောက်😡

22/04/2024

22/04/2024

မြဝတီ စစ်ဘေးရှောင်တွေကို မဲဆောက်ရုံးက ထမင်းဘူး (၂,၀၀၀) နေ့စဉ် လှူပေးနေသလို တစ်ချို့ အလှူရှင်တွေလဲ နီးစပ်ရာ လိုက်ကူနေကြတယ်ကြားတော့ မြန်မာပြည်သူတွေကိုယ်စား ကျေးဇူးတင်ပါတယ်နော်🙏

22/04/2024

ရန်ကုန်လေဆိပ်တွင် ပြည်ပ ထွက်ခွာမည့် CDM ဝန်ထမ်း ၂ ဦးကို ဖမ်းဆီးရရှိပြီးနောက် CDM ဝန်ထမ်းများကို နိုင်ငံကူးလက်မှတ် လာရောက်လုပ်သည့် အဆင့်တွင် ဖမ်းဆီးရန် စစ်ကောင်စီက လျှို့ဝှက် ညွှန်ကြား

ရန်ကုန်၊ ဧပြီ ၁၈

ရန်ကုန်အပြည်ပြည်ဆိုင်ရာ လေဆိပ်တွင် ပြည်ပ ထွက်ခွာမည့် CDM ဝန်ထမ်း ၂ ဦးကို ဖမ်းဆီးရရှိပြီးနောက် CDM ဝန်ထမ်းများကို နိုင်ငံကူးလက်မှတ် ထုတ်မပေးရန်၊ CDM ဝန်ထမ်းများစာရင်း ထပ်မံ ပြုစု၍ ပေးပို့ရန်၊ နိုင်ငံကူးလက်မှတ် လုပ်သည့်အဆင့်တွင် CDM ဝန်ထမ်းများကို ဖမ်းဆီးရန် စစ်ကောင်စီက လျှို့ ဝှက် ညွှန်ကြားထားကြောင်း သိရှိရသည်။

မတ်လ ၂၆ ရက်နေ့ ရန်ကုန် အပြည်ပြည်ဆိုင်ရာ လေဆိပ်တွင် ပြည်ပ ထွက်ခွာမည့် CDM ပြုလုပ်ထားသော ဝန်ထမ်း ၂ ဦးကို အကြမ်းဖက် စစ်တပ်က ဖမ်းဆီး ရရှိခဲ့ကြောင်း၊ CDM ဝန်ထမ်းများအနေဖြင့် ပြည်ပကို ထွက်ခွာရန် အတွက် နိုင်ငံကူးလက်မှတ် Passport လာရောက် လျှောက်ထားစဉ် ၎င်းတို့ တာဝန်ထမ်းဆောင်ခဲ့သော ရုံး၊ ဌာနတာဝန်များကို ဖော်ပြခြင်း မရှိဘဲ မှီခို/ကျောင်းသားဟု စာရင်းရေးသွင်း လျှောက်ထားလျက်ရှိကြောင်း၊ ထို့ကြောင့် CDM ဝန်ထမ်းများကို နိုင်ငံကူးလက်မှတ်လာရောက်သည့် အဆင့်တွင်ပင် ဖမ်းဆီးနိုင်ရေး ဆောင်ရွက်ရန် စစ်ကောင်စီ လျှို့ဝှက် ညွှန်ကြားထားကြောင်း သိရှိရသည်။

CDM ဝန်ထမ်းများကို နိုင်ငံကူးလက်မှတ် လာရောက် လုပ်သည်နှင့် ဖမ်းဆီးရန် ညွှန်ကြားချက်ကို စစ်ကောင်စီက မတ်လ ၃၀ ရက်နေ့တွင် စာအမှတ်၊ ၁၅၈ (၁)/၈/ကောင်စီရုံးဖြင့် လျှို့ဝှက် ညွှန်ကြားခဲ့ကြောင်း သိရှိရသည်။

သို့ဖြစ်၍ CDM ဝန်ထမ်းများ Passport ပြုလုပ်သည့် အဆင့်တွင် ဖမ်းဆီး ရမိရေး အတွက် ဝန်ကြီးဌာနများက CDM ပြုလုပ်ခဲ့သော ဝန်ထမ်းများ၏ အမည်စာရင်းနှင့် ကိုယ်ရေး အချက် အလက်များကို ဧပြီလ ၁၈ ရက်နေ့တွင် ထပ်မံစုဆောင်းပေးပို့ ထားရှိရန် စစ်ကောင်စီက လျှို့ဝှက် ညွှန်ကြားခဲ့ကြောင်း သိရှိရသည်။

" စစ်တပ်နဲ့ ငြိစွန်းထားသူတွေက လေဆိပ်မှာ စစ်တပ်နဲ့ရဲကို အနည်း ဆုံး သိန်း ၅၀ ကနေ သိန်း ၁၀၀ အထိပေးပြီး ပြည်ပ ထွက်လို့ရတာတွေလည်းရှိပါတယ်။ နောက်တစ်ခါ ဘယ်သူပဲဖြစ်ဖြစ်၊ ဘာနဲ့ပဲ ငြိနေ ငြိနေ နိုင်ငံကူးလက်မှတ်လုပ်ရင် အနည်း ဆုံး သိန်း ၄၀ လောက်ပေးရင်လည်း ရနေပါတယ်။ အဲဒီမှာ လုပ်စားဂွင်ကြီးလိုဖြစ်နေတာ။ လေဆိပ်မှာ တာဝန်ကျတဲ့ ရဲ၊ စစ်တပ်၊ အကောက်ခွန်၊ လ၀က အကုန် သူဌေးတွေ ဖြစ်နေကြပြီ။ စစ်တပ်က အဲဒီလို စာတွေ ထုတ်လေ၊ လေဆိပ် တာဝန်ကျ စစ်ကောင်စီတပ်ဖွဲ့ဝင်တွေ သူဌေးဖြစ်လေပေါ့။ ဘာပဲလုပ်ချင် လုပ်ချင် ငွေပေးရင် အကုန်ရပါတယ်" ဟု ရန်ကုန်တိုင်းစစ်ကောင်စီနှင့်နီးစပ်သော သတင်းရင်းမြစ်က ပြောဆိုသည်။

22/04/2024

သား အိမ်မပြန်ဘူးလားမေးတော့
အိမ်ကမီးလောင်သွားပြီ တဲ့🥺

13/04/2024

မန္တလေးက သင်္ကြန်ရေကစားမဏ္ဍပ်တွေမှာ ပျူတွေကို လက်နက်ထုတ်ပေးပြီး လုံခြုံရေးအစောင့်ချထား၊

တေဇ/MFP ၊ ဧပြီ - ၁၃

မန္တလေးမြို့က သင်္ကြန်ရေကစားမဏ္ဍပ်တွေမှာ စစ်အုပ်စုက သူတို့ လက်သပ်မွေးထားတဲ့ ပြည်သူ့စစ် အမည်ခံ ပျူတွေကို လက်နက်ထုတ်ပေးကာ လုံခြုံရေးအစောင့် ချထားတယ်လို့ မြို့ခံတွေက MFP ကို ပြောပါတယ်။

မန္တလေးမြို့၊ ချမ်းမြသာစည်မြို့နယ်၊ (၇၃)လမ်းနဲ့ (၁၀၅)လမ်းမှာ အာဏာသိမ်း စစ်အုပ်စုနဲ့ New Star Light ကုမ္မဏီတို့ ပူးပေါင်း ဆောက်လုပ်ထားတဲ့ မင်္ဂလာမန္တလေး သင်္ကြန် ရေကစား မဏ္ဍပ်မှာ ကာဘိုင်သေနတ် ကိုင်ထားတဲ့ ပျူတွေ အင်အားရာဂဥန်းနီးပါး အစောင့်ချထားတာ တွေ့ရတယ်လို့ ဒေသခံ တစ်ဦးက ပြောပါတယ်။

“မင်္ဂလာမန္တလေး သင်္ကြန်မဏ္ဏပ်မှာ ပြည်သူ့စစ် ယူနီဖောင်း ဝတ်ထားသူတွေ လုံခြုံရေး ယူထားပါတယ်။ စစ်သားအချို့လည်း ပါပါတယ်။ ကာဘိုင်သေနတ်များ ကိုင်ထားပါတယ်။ အင်အား များတယ်။ အတော်များတယ်၊ အရပ်ဝတ်တွေနဲ့ရော။ အကုန်ပေါင်းရင် ရာဂဏန်း နီးနီးရှိတယ်” လို့ မြို့ခံက ဆိုပါတယ်။

အဲ့ဒီ ရေစားကစားမဏ္ဍပ် ရှေ့မှာသာမက မန္တလာသီရိ ဘောလုံးကွင်းအရှေ့ (၆၈)လမ်းတလျှောက်နဲ့ လေယာဉ်ကွင်းဟောင်း ဘက်မှာပါ လက်နက်ကိုင်ထားတဲ့ ပျူတွေ တွေ့ရပြီး လမ်းသွားလမ်းလာ ပြည်သူကို တားဆီးစစ်ဆေးတာတွေလည်း လုပ်နေတယ်လို့ ဆိုပါတယ်။

ဒါ့အပြင် အဲ့ဒီ သင်္ကြန်ရေကစားမဏ္ဍပ်မှာ ဂျန်မာ ခေါ် ရေဒီယိုလှိုင်းဖြတ်စက်တွေ တပ်ထားတယ်လို့ ဆိုပါတယ်။

တချိန်တည်းမှာပဲ မန္တလေးစျေးချိုနဲ့ ကျုံးဘေးက ရေကစားမဏ္ဍပ်တွေမှာလည်း အစောင့်ချထားတဲ့ စစ်အုပ်စု လက်နက်ကိုင်တွေ တွေ့ရပြီး ပျူတွေ ဖြစ်မယ်လို့ မြို့ခံတွေက ပြောပါတယ်။

မန္တလေးမြို့က မင်္ဂလာမန္တလေး သင်္ကြန်ရေကစားမဏ္ဍပ် ဖွင့်ပွဲ လုပ်နေစဉ်/Photo – စစ်အုပ်စု