Duwun Lifestyle

25/06/2024

စားသုံးသူတွေနဲ့ အမြဲစည်းကားနေတဲ့ လှည်းတန်းစိန်ဂေဟာ ကုန်တိုက်ရှေ့က ကိုပုရစ်ဆိုင်လေးပါ။

ကိုပုရစ်ရဲ့ ပုရစ်ကြော်တွေက လတ်ဆတ်ပြီး အရသာကောင်းတာကြောင့် ရန်ကုန်တွင်းမှာတင်မဟုတ်ဘဲ နိုင်ငံခြားထိ လူသိများပါတယ်။ ဒါဆိုရင် ဒီပုရစ်ကြော်တွေက ဘာကြောင့်နာမည်ကြီးတာလဲ၊ ကိုပုရစ်ရဲ့ လျှို့ဝှက်ချက်တွေက ဘာတွေလဲဆိုတာကို လေ့လာကြည့်လိုက်ရအောင်နော်...

#လှည်းတန်းကိုပုရစ် #ပုရစ်ကြော်

ပုရစ်ကြော်ကြိုက်သူတွေအတွက် လူသိများပြီးစား ကောင်းလှတဲ့ဆိုင်လေးနဲ့မိတ်ဆက်ပေးချင်ပါတယ်။ Keep reading.

24/06/2024

ချဉ်ချဉ်စပ်စပ် ကချင်ငါးခေါင်းမျှစ်ချဉ်ဟင်းနဲ့ နာမည်ကြီးတဲ့ "မွှေး" ထမင်းဆိုင်လေးပါ။

မျှစ်ဖူးနုနုလေးကို ဝက်နံရိုးနဲ့ အချိန်အကြာကြီးပြုတ်ထားပြီး ငါးခေါင်း၊ ဝက်စတူး၊ ဝက်သည်း၊ ကြက်သည်းကြက်မြစ်၊ ငါးဖယ် စတဲ့ အသားအစုံ ထည့်ချက်ထားတဲ့ ဒီဆိုင်ရဲ့ ငါးခေါင်းမျှစ်ချဉ်ဟင်း ပူပူလေးကိုတော့ စားဖူးသူတိုင်း အရမ်းကြိုက်ကြပါတယ်။ နှစ် ၂၀ ကျော်နေပြီဖြစ်တဲ့ ဒီထမင်းဆိုင်လေးမှာ ဟင်းတွေလည်း အမယ်စုံရနိုင်ပြီး ကချင်ဒေသခံတွေရဲ့ လက်ရာစစ်စစ်ကို စားရမှာပါ။ ကချင်ချက်အပြင် ဗမာချက် ဟင်းလျာတွေလည်းရနိုင်ပြီး လိပ်စာကတော့ စာဂလမ်းနဲ့ (၁၉) လမ်းထောင့် တောင်ဥက္ကလာပမြို့နယ်မှာ ရှိပါတယ်။

#မွှေးထမင်းဆိုင် #ကချင်ငါးခေါင်းမျှစ်ချဉ်

24/06/2024

အူရီဒူးမြန်မာရဲ့ Internship Program 2024 အတွက် လျှောက်လွှာလက်ခံတဲ့ နောက်ဆုံးရက်ကို ဇွန်လ (၃၀) ရက်နေ့အထိ တိုးမြှင့်ပေးလိုက်ပြီလို့ သိရပါတယ်။

လူငယ်တွေအတွက် အခွင့်အလမ်းကောင်းတွေ ယူဆောင်လာတဲ့ ဒီ Internship Program မှာ ရွေးချယ်ခံရသူတွေဟာဆိုရင် ဌာနကြီး (၈) ခုမှာ ဝင်ရောက်လုပ်ကိုင်ရင်း လုပ်ငန်းအတွေ့အကြုံတွေ ရရှိကြမှာဖြစ်ပါတယ်။ လျှောက်ထားလိုသူတွေအနေနဲ့ ဒီလင့်ခ် https://internship2024.ooredoo.com.mm/ ကနေတစ်ဆင့် လျှောက်ထားနိုင်သလို [email protected] ကိုလည်း လိုအပ်တဲ့အချက်အလက်တွေ တိုက်ရိုက်ပေးပို့ပြီး လျှောက်ထားနိုင်တယ်လို့ သိရပါတယ်။

23/06/2024

ကလေးသဘာဝအတိုင်း ပျော်ပျော်ပါးပါး စာသင်ပြီး ကစားနိုင်စေမယ့် သဘာဝစာသင်ခန်းလေးတစ်ခု...

နည်းပညာတိုးတက်လာတဲ့ အခုလိုခေတ်အခါမှာ ကလေးတွေကို ဖုန်းတွေ၊ Tablet တွေနဲ့ပဲ အချိန်ကုန်စေတာမျိုး မဟုတ်ဘဲ သဘာဝနဲ့အတူ လွတ်လွတ်လပ်လပ် ကစားကြစေဖို့ ဒီစာသင်ခန်းလေးကို ဖန်တီးပေးထားတာပါ။ ဒီမှာတက်နေတဲ့ ကလေးတွေဟာ ဘက်စုံဖွံ့ဖြိုးမှု၊ စိတ်ပိုင်းဆိုင်ရာနဲ့ လူမှုဆက်ဆံရေးတွေမှာ တိုးတက်လာကြတာကို တွေ့မြင်ရတယ်လို့ တည်ထောင်သူ ဆရာမ ဒေါ်မာနွယ်အေးက ဆိုပါတယ်။ ဒီစာသင်ခန်းလေးမှာတော့ အသက် ၂ နှစ်အရွယ်က စတင်လက်ခံပြီး လိပ်စာကတော့ အမှတ် ၆၈/၂ ဦးမောင်မောင်ခြံလမ်း၊ လှိုင်မြို့နယ်မှာပါ။

#သဘာဝစာသင်ခန်း

22/06/2024

ဈေးနည်းနည်းနဲ့ ထမင်းဟင်း ဝဝလင်လင်စားရမယ့် "လက်ဆုံ" ပုံစားထမင်းဆိုင်လေးပါ။

ဒီဆိုင်လေးမှာ ထမင်းတစ်ခါပြင်ကို (၂၂၀၀) ကျပ်ကျသင့်ပြီး အသားဟင်း၊ အရံဟင်း၊ အရည်သောက်နဲ့ ငါးပိရည် တို့စရာတို့ အစုံအလင် ပါဝင်ပါတယ်။ ဒီဆိုင်က ဈေးတန်လွန်းလို့ စားသုံးသူတွေက တစ်ခါတစ်လေ ပိုက်ဆံပိုပေးသွားကြတဲ့အပြင် ဈေးတက်ပါဆိုပြီး အမြဲပြောကြတယ်လို့ ဆိုင်ရှင်ကဆိုပါတယ်။ ဒီလို ဈေးလည်းတန်ပြီး ထမင်းနဲ့ ဟင်းတွေလည်း များများထည့်ပေးတဲ့ ပုံစားထမင်းဆိုင်လေးရဲ့ လိပ်စာကတော့ ပြည်လမ်းမပေါ်၊ မြေနီကုန်းမီးပွိုင့်အနီး Red Hill Tower ဘေးက ဆန်းသီရိလမ်းသွယ်ထဲမှာရှိပြီး တနင်္ဂနွေနဲ့ အစိုးရရုံပိတ်ရက်တွေဆို ဆိုင်ပိတ်ပါတယ်။

#ထမင်းဆိုင် #လက်ဆုံ

21/06/2024

၁၀၀ တန် တုတ်ထိုးဆိုင်ရှင်ဟာဆိုရင် ကင်ဆာဖြစ်နေတဲ့ မိခင်ကို တုတ်ထိုးရောင်းရငွေနဲ့ ဆေးကုပေးနေတာပါ။

အခုလို ကုန်ဈေးနှုန်းတွေ တက်နေချိန်မှာ လူတန်းစားမရွေး စားနိုင်အောင် ၁၀၀ ကျပ်တန် တုတ်ထိုးအစုံကို လုပ်ရောင်းဖြစ်တယ်လို့ သိရပါတယ်။ တုတ်ထိုးချောင်းလေးတွေကို စီစီရီရီ ညီနေအောင် ထားပေးထားပြီး အချဉ်ရည်ကိုလည်း အချိုမှုန့်မသုံးဘဲ သန့်သန့်ရှင်းရှင်း ဖျော်ပေးထားတာပါ။ တုတ်ထိုးအမျိုးအစားလည်း စုံစုံလင်လင်ရတဲ့ ဒီဆိုင်လေးရဲ့လိပ်စာကတော့ မရမ်းကုန်းမြို့နယ်၊ သမိုင်းမြို့ဟောင်း ၇ လမ်းနဲ့ ၈ လမ်းကြား၊ အလောင်းဘုရားလမ်းမပေါ်၊ ပဌာန်းဓမ္မာရုံအရှေ့ မှာရှိပါတယ်။

#၁၀၀တန်တုတ်ထိုး

21/06/2024

ဆိုင်သက်တမ်း နှစ် ၃၀ နီးပါး ရှိပြီး ဈေးတန်၊ လက်ရာကောင်းတဲ့ ရွှေညာသူထမင်းဆိုင်လေး

ဒီထမင်းဆိုင်လေးကို ပုဂံညောင်ဦးမြို့နယ်၊ စဥ့်ကူက ဒေသခံတွေဖွင့်လှစ်ထားတာဖြစ်ပြီး အညာချက်လက်ရာ ထမင်းဆိုင်ကောင်းကောင်းလေး ရှာနေသူတွေ အကြိုက်တွေ့စေမှာပါ။ လမ်းဘေးလက်ဖက်သုပ်ဆိုင်လေးနဲ့ စတင်ခဲ့တဲ့ ဆိုင်လေးဟာ အခုဆိုရင် ဝန်ထမ်းအယောက် (၂၀) နဲ့ အဝစား ထမင်းဆိုင်လေးဖြစ်နေပါပြီ။ ဒီလို ရွှေညာသူထမင်းဆိုင်လေးဖြစ်လာဖို့ ဘယ်လိုရုန်းကန်ကြိုးစားခဲ့ရလဲဆိုတဲ့ အကြောင်းအရာလေးတွေကို အခုလိုပဲ တင်ဆက်ပေးလိုက်ရပါတယ်။

#ရွှေညာသူ #မြန်မာထမင်းဆိုင်

undefined Keep reading.

20/06/2024

ငါးကို ယိုးဒယားစတိုင် ဆားတွေနဲ့ပဲ အုံထားပြီးကင်တဲ့ ဆားအုံးငါးကင်ဆိုင်လေး (ဗီဒီယို - https://www.facebook.com/duwun.lifestyle/videos/933191931820334/)

ဒီငါးကင်ဆိုင်နာမည်လေးကတော့ "ပါဖောင်" လို့ခေါ်ပါတယ်။ ငါးကို ဆီ၊ အရသာမှုန့် ဘာမှမထည့်ဘဲ ဆားနဲ့ပဲအုံပြီး ကင်ထားတာဖြစ်လို့ သဘာဝငါးအရသာ ချိုချိုမွှေးမွှေးလေး စားရမှာပါ။ ငါးရဲ့အကြေးခွံ၊ အရေခွံရှိနေတာကြောင့် ဆားတွေက ငါးအသားထဲကိုမဝင်ဘဲ အငွေ့အသက်လေးလောက်ပဲ ပါပါတယ်။ ငါးက ဖောင်းဖောင်းလေးဖြစ်နေရင် ပိုစားကောင်းပြီးတာကြောင့် မီးအေးအေးလေးနဲ့ ကင်ရတယ်လို့ သိရပါတယ်။ ဆိုင်ရှင်က အစားအသောက်ဝါသနာပါသူ ဖြစ်တာကြောင့် ဒီဆိုင်လေးဖွင့်ဖို့ အကြံရခဲ့တယ်လို့ ဆိုပါတယ်။ ဒီလို ဆားအုံးငါးကင်ကို မြည်းစမ်းကြည့်ချင်ကြမယ့် Duwun ပရိသတ်တို့အတွက် ဆိုင်လိပ်စာကတော့ စင်္ကာပူသံရုံးအနီး၊ ဓမ္မစေတီလမ်းမပေါ်၊ ဗဟန်းမြို့နယ်မှာ ရှိပါတယ်။

#ဆားအုံးငါးကင် #ပါဖောင်

20/06/2024

တောင်ကိုရီးယားနိုင်ငံကို အလည်အပတ်သွားမယ်ဆိုရင် ဘယ်နေရာတွေကို သွားကြည့်ကြမလဲ?

တစ်သက်မမေ့နိုင်စရာ အမှတ်တရတွေကို ဖန်တီးပေးနိုင်တဲ့ ကိုရီးယားခရီးစဉ်လေးဖြစ်စေဖို့ ဆိုးလ်မြို့တစ်ခွင်က သွားလည်သင့်တဲ့ နာမည်ကြီးနေရာတွေ၊ လူစည်ကားပြီး အချက်အချာကျတဲ့နေရာတွေအကြောင်း မိတ်ဆက်ပေးလိုက်ရပါတယ်။

#ဆိုးလ်မြို့

အစားအသောက်ချစ်သူ၊ ဈေးဝယ်သူ၊ ဒါမှမဟုတ် ခရီးစဉ်အသစ်အဆန်းတွေကို နှစ်ခြိုက်သူဆိုရင်တော့ ဆိုးလ်မြို့ခရီးစဉ်က ...

19/06/2024

အမဲဦးနှောက်စလို့ အမဲအူကြမ်း၊ အမဲလျှာ၊ အမဲအသည်း စတဲ့ဟင်းလျာတွေနဲ့ တိုရှည်၊ ပူရီ၊ ချာပါတီတွေပါရနိုင်မယ့် ဆိုင်လေး

"ရွှေတမာ" လို့ခေါ်တဲ့ ဒီထမင်းကြော်ဆိုင်လေးမှာတော့ ဈေးတန်ပြီး အမဲသားဟင်းလျာမျိုးစုံ ရနိုင်ပါတယ်။ ဒီလို အသားဟင်းတွေကို တစ်နေ့စာတစ်နေ့ပဲ ချက်ရောင်းလို့ သန့်ရှင်းပြီး မဆလာနံ့သင်းသင်းလေးနဲ့ စားရမှာပါ။ ဈေးနှုန်းတွေအနေနဲ့လည်း အအသားဟင်းအလွတ်တစ်ပွဲကို (၁၅၀၀) ကျပ်သာကျသင့်ပြီး တိုရှည်၊ ပူရီနဲ့ ချာပါတီတွေကတော့ တစ်ပွဲ (၁၀၀၀) ကျပ်ပါ။ ဆိုင်လေးကတော့ ၂၃ လမ်းနဲ့ ၂၄ လမ်းကြား၊ မဟာဗန္ဓုလလမ်းမပေါ်မှာ ရှိပါတယ်။

#အမဲသား

17/06/2024

မွှေးမွှေးလေးမုန့်ဟင်းခါးဆိုင်မှာတော့ မုန့်ဟင်းခါးအိုးကြီးကို မနက်တစ်အိုး၊ ညတစ်အိုး ချက်ရတဲ့အထိ အမြဲ လူကြိတ်ကြိတ်တိုးနေတာပါ။

စားသုံးသူတွေက ဒီဆိုင်ရဲ့ မုန့်ဟင်းခါးကို အခြားမုန့်ဟင်းခါးတွေထက် ပိုပြီးကြိုက်တယ်လို့ ပြောကြပါတယ်။ ညနေ ၅ နာရီကျော် ဆိုင်စဖွင့်ချိန်ဆိုရင် စားသုံးသူတွေက မဖွင့်ခင်တည်းက စောင့်နေကြပါပြီ။ လူမျိုးဘာသာမရွေး စားလို့ရပြီး ပါဝင်ပစ္စည်းတွေကိုလည်း မခိုဘဲ အရသာကိုအမြဲထိန်းထားတယ်လို့ ဆိုင်ရှင်ကဆိုပါတယ်။ လိပ်စာကတော့ မရမ်းကုန်းမြို့နယ်၊ သမိုင်း (၁) ရပ်ကွက်၊ အလောင်းဘုရားလမ်းမပေါ်၊ ၅ လမ်းထိပ်မှာပါ။

#မွှေးမွှေးလေးမုန့်ဟင်းခါး

16/06/2024

လေယာဉ်တစ်ခါမှ မစီးဖူးသူတွေအနေနဲ့ လေယာဉ်ဆိပ်ရောက်တဲ့အခါ ယောင်လည်လည်မဖြစ်စေဖို့ ဘာတွေလုပ်ရမလဲ?

တစ်ယောက်တည်း ခရီးသွားတာဖြစ်စေ၊ မိသားစုနဲ့ သွားရင်ဖြစ်စေ လေဆိပ်မှာ ဘာစလုပ်ရမှန်းမသိအောင် တွေဝေမနေဘဲ အဆင်ပြေ ချောမွေ့လွယ်ကူကြစေဖို့ လမ်းညွှန်ပေးလိုက်ပါတယ်။

တစ်ယောက်တည်းသွားတာပဲဖြစ်ဖြစ်၊ မိသားစုနဲ့ သွားတာပဲဖြစ်ဖြစ် လေဆိပ်ထဲမှာ ယောင်လည်လည်မဖြစ်အောင် ဒီအချက်တွေလ....

15/06/2024

စားဖူးသူတိုင်း ကြိုက်နှစ်သက်ကြပြီး ကချင်အစားအစာ အရသာကောင်းတဲ့ ရှမ်း၊ ကချင်ဆိုင်လေးနဲ့ မိတ်ဆက်ပေးပါရစေ။ (ဗီဒီယို - https://www.facebook.com/duwun.lifestyle/videos/417338924250499/)

ဆိုင်နာမည်ကတော့ Simple လို့ခေါ်ပြီး စမ်းချောင်းမြို့နယ်၊ မြေနီကုန်း Spirits နောက်က ပဒုမ္မာလမ်းနဲ့ မင်္ဂလာလမ်းထောင့်မှာရှိတာပါ။ ဒီဆိုင်လေးကို ရန်ကုန်နဲ့ ကချင်ပြည်နယ်က သူငယ်ချင်း (၅) ယောက်စုပြီး အမှတ်တရအနေနဲ့ ဖွင့်ထားတယ်လို့ သိရပါတယ်။ ၂၀၁၇ လောက်တည်းက ဖွင့်ခဲ့တာဖြစ်ပြီး အခက်အခဲတွေ၊ မရောင်းရတဲ့နေ့ရက်တွေကို ဖြတ်ကျော်ရင်း အခုဆိုဆိုင်သက်တမ်း ၇ နှစ်လောက် ရှိနေပါပြီ။ ဒီဆိုင်မှာ ကချင်စာကောင်းကောင်းရနိုင်ပြီး မီနူးတွေအနေနဲ့ (၆၀) ကျော်ရှိပါတယ်။ ဟင်းပွဲတွေကိုလည်း ကချင်စားဖိုးမှူးတွေကပဲ ချက်ပြုတ်ပေးတယ်လို့ သိရပါတယ်။ ဒီဆိုင်ရဲ့လက်ရာကို တိုင်းရင်းသားတွေက ပိုပြီးကြိုက်နှစ်သက်ကြသလို Foreigner တွေကလည်း မကြာခဏ လာစားကြတယ်လို့ ဆိုပါတယ်။

ဒီဆိုင်လေးမှာတော့ ကချင်စာအပြင် ရှမ်းစာတွေလည်း စုံလင်လို့ တိုင်းရင်းသာရိုးရာအစားအစာ ကြိုက်နှစ်သက်ကြတဲ့ Duwun ပရိသတ်တို့အတွက် တင်ဆက်ပေးလိုက်ပါတယ်။


#ရှမ်းကချင်ဆိုင် #ကချင်အစားအစာ

14/06/2024

ကျန်းမာရေးနဲ့ညီညွတ်အောင် ချက်ထားတဲ့ မုန့်ဟင်းခါးကိုမှ စားသုံးချင်သူတွေအတွက် စုဇာဇာမုန့်ဟင်းခါးဆိုင်လေး

မြေပဲအရသာ စိမ့်စိမ့်လေးရစေတဲ့ ဒီမုန့်ဟင်းခါးကိုတော့ ဟင်းချိုမှုန့်တွေမသုံးဘဲ ငါးနဲ့ ကြက်သွန်နီတို့ရဲ့ သဘာဝအချိုအရသာနဲ့ ချက်ပြုတ်ထားတာပါ။ ဒီလို သဘာဝအရသာမုန့်ဟင်းခါးကို အားပေးကြတဲ့စားသုံးသူတွေ များလာတာကြောင့် အခုဆို နောက်ထပ်ဆိုင်ခွဲထပ်ဖွင့်ဖို့ စီစဥ်နေပြီလို့ သိရပါတယ်။ မြန်မာ့စောင်းပညာရှင် ဒေါက်တာစုဇာဇာရဲ့ မုန့်ဟင်းခါးဆိုင်ဖွင့်ဖြစ်ပုံအကြောင်းလေးကိုတော့ အောက်က လင့်ခ်မှာ ဆက်လက်ဖတ်ရှုနိုင်ပါတယ်။

#စုဇာဇာမုန့်ဟင်းခါး

ကျန်းမာရေးနဲ့ညီညွတ်အောင်ချက်ပြုတ်ထားတဲ့ မုန့်ဟင်းခါးကိုစားသုံးချင်သူတွေအတွက် ရွေးချယ်သင့်တဲ့ မုန့်ဟင်း...

13/06/2024

ခရီးသွားချစ်သူတွေအနေနဲ့ မိုးရာသီမှာ ဘယ်လို အထာကျကျခရီးသွားကြမလဲ?

မိုးတွင်းမှာ ခရီးသွားမယ်ဆိုရင် ဘာတွေလိုအပ်မလဲ၊ ခရီးသွားရသကို အပြည့်အဝခံစားဖို့ ဘာတွေပြင်ဆင်ထားရမလဲဆိုတာကို တင်ဆက်ပေးလိုက်ရပါတယ်။

မိုးတွင်းမှာ ခရီးသွားဖို့ စဉ်းစားနေကြတဲ့သူတွေ ဒါတွေကို ကြိုပြင်ထားပါ။ Keep reading.

12/06/2024

မုန့်ဖတ်သားကအစ နူးနူးညံ့ညံ့လေးနဲ့ ဆိမ့်ပြီး စားကောင်းလှတဲ့ ခိုတောင်မုန့်တီဆိုင်လေးနဲ့ မိတ်ဆက်ပေးပါရစေ။

ဒီဆိုင်က ခိုတောင်မုန့်တီကို စားဖူးသူတိုင်း ကြိုက်နှစ်သက်ကြလွန်းလို့ ရန်ကုန်မြို့တွင်း မြို့နယ်အသီးသီးက တကူးတက လာဝယ်စားကြပါတယ်။ မုန့်ဖတ်၊ ပိတ်ဆွယ်နဲ့ ပဲမှုန့်တွေကို စစ်ကိုင်းကနေပဲ မှာယူပြီး အသုံးအဆောင်ပစ္စည်လေးတွေကအစ စစ်ကိုင်းဒေသ ပုံစံအတိုင်းလေးပဲ လုပ်ထားတာပါ။ ဒီဆိုင်မှာ ခိုတောင်မုန့်တီတစ်မျိုးပဲ ရောင်းတာဖြစ်ပြီးတော့ တွဲဖက်စားစရာ အသား (၄) မျိုးရှိပါတယ်။ ဆိုင်လေးကတော့ ဗဟန်း (၃) လမ်းထဲမှာရှိပြီး မနက် (၆) နာရီကနေ ညနေ (၅) နာရီကျော်အထိဖွင့်ပါတယ်။

#ကြည်နု #ခိုတောင်မုန့်တီ

12/06/2024

foodpanda ကမိတ်ဆက်လိုက်တဲ့ (၂၅၀၀) ကျပ်ကစတဲ့ “သက်သက်သာသာတစ်ယောက်စာ” မီနူးအသစ်

ဒီမီနူးအသစ်မှာဆိုရင် ကောင်းကြိုက် ဒံပေါက်၊ မင်းလမ်းမုန့်တီ၊ သဲလေးကော်ဖီ၊ သင့်စိတ်ကြိုက်စားဖွယ်စုံ၊ နိုင်ငံကျော် အရီးတောင်းလက်ဖက်၊ နိုင်ဇော်(ထမင်းပေါင်း) စတဲ့ စားသောက်ဆိုင်မျိုးစုံက ပြင်ဆင်ပေးထားတဲ့ (၂၅၀၀) ကျပ်ကစတဲ့ တစ်နပ်စာကို ပို့ဆောင်ခ ၂၅၀ ကျပ်နဲ့ မှာယူနိုင်မယ်လို့ သိရပါတယ်။ ဒီမီနူးက တစ်ကိုယ်တည်းသမားတွေအတွက် ဈေးသက်သာပြီး လွယ်လွယ်ကူကူ မှာယူနိုင်ဖို့ ရည်ရွယ်ထားတာဖြစ်ပြီး လူတစ်ယောက်စာအတွက် တစ်နပ်စာ လုံလုံလောက်လောက် စားသုံးနိုင်မှာပါ။


#သက်သက်သာသာတစ်ယောက်စာ

11/06/2024

အွန်လိုင်းမှာစရောင်းရင်း နာမည်ရသွားပြီး အောင်မြင်လာခဲ့တဲ့ မစုစုလကျ်ာရဲ့ မော်လမြိုင်ဖက်ထမင်းပေါင်းဆိုင်လေးပါ။ (ဗီဒီယို - https://www.facebook.com/watch/?v=1121195179304093)

ဒီလုပ်ငန်းလေးကို ကိုဗစ်ကာလ အလုပ်တွေနားထားချိန်မှာ မိသားစုနဲ့အတူ ဖက်ထမင်းလုပ်စားရင်း အွန်လိုင်းမှာရောင်းကြည့်ဖို့ အကြံလေးရလာခဲ့တာပါ။ စရောင်းတည်းက လက်ရာကောင်းပြီး သပ်ရပ်တဲ့ ထုပ်ပိုးမှုကြောင့် တစ်ဆင့်စကားတစ်ဆင့်နဲ့ အမှာများခဲ့တယ်လို့ သိရပါတယ်။ မစုစုလကျ်ာရဲ့ အိမ်ချက်ဖက်ထမင်းပေါင်းလေးက သန့်ရှင်းမှုနဲ့လက်ရာကို ဦးစားပေးထားလို့ လူကြိုက်လည်းများပြီး တစ်နေ့ကို ပွဲရာချီရောင်းနေရတာပါ။ ဖက်ထမင်းနဲ့ အဓိကတွဲစားရတဲ့ ကြက်သွန်နှစ်ကို ကလေးရောလူကြီးပါ ကြိုက်ကြပြီး ဖက်ထမင်းကို အသားဟင်းအစုံ၊ ပုစွန်၊ အသည်းအမြစ်တို့နဲ့ ရနိုင်ပါတယ်။ ဖက်ထမင်းတစ်ပွဲကို ၄၅၀၀ ကနေ ၆၀၀၀ ဝန်းကျင်ရှိပြီး အော်ဒါမှာယူချင်တယ်ဆိုရင်တော့ 0943068339 ကိုဆက်သွယ်နိုင်သလို ၁၂၃၇၊ မြေညီထပ်၊ သီရိလမ်း၊ မေတ္တာညွှန့်ရပ်ကွက်၊ တာမွေမြို့နယ်က အိမ်ဆိုင်လေးမှာဆိုင်ထိုင်စားလို့လည်းရပါတယ်။

#မော်လမြိုင်ဖက်ထမင်းပေါင်း

10/06/2024

ပုရစ်တွေကို သေချာသန့်စင်ပြီး လတ်လတ်ဆတ်ဆတ် ကြော်ရောင်းလို့ အရမ်းရောင်းကောင်းတဲ့ လှည်းတန်းကိုပုရစ်ဆိုင်လေးပါ။

တစ်ရက်ကို ပုရစ်ကြော် အကောင်ရေ (၅,၀၀၀) လောက်ရောင်းရပြီး ရန်ကုန်မြို့တွင်းမှာသာမက ပြည်ပက မြန်မာလူမျိုးအထိပါ နာမည်ကြီးပါတယ်။ အရသာရှိအောင် ပုရစ်တွေကို ချင်း၊ ကြက်သွန်ဖြူ၊ အရသာမှုန့်တွေနဲ့ နှပ်ထားပြီး တစ်နေ့စာတစ်နေ့ ကြော်ရောင်းတာပါ။ ဆိုင်မှာတော့ ပုရစ်ကြော်အပြင် ရာသီပေါ်စာ ဖောင်စီးကဏန်း၊ ဖားကြော်နဲ့ ပိုးစာကြော်တို့လည်းရနိုင်ပါတယ်။ လှည်းတန်းကိုပုရစ်ဆိုင်နေရာလေးကတော့ လှည်းတန်းစိန်‌ဂေဟာရှေ့မှာရှိပါတယ်။

#လှည်းတန်းကိုပုရစ် #ပုရစ်ကြော်

10/06/2024

ဒီညနေခင်းထမင်းကြော်ဆိုင်လေးမှာ တစ်ထောင်တန်ထမင်းကြော်တစ်ပွဲ ဝယ်ယူတာနဲ့ အရန်ဟင်း(၁၀) မျိုးကို စိတ်ကြိုက်ထည့်စားလို့ရမှာပါ။
(ဗီဒီယို - https://www.facebook.com/watch/?v=3899118756974413 )

အရသာကောင်းပြီး ဈေးတန်လို့ မှတ်ချက်ကောင်းတွေရနေတဲ့ ဒီဆိုင်လေးမှာ ရွေးချယ်စရာဟင်းအမျိုးအစား (၅၀) နီးပါးရှိပါတယ်။ ထမင်းကြော်တစ်ပွဲနဲ့ အသားဟင်းတစ်ပွဲရဲ့ဈေးနှုန်းဟာဆိုရင် အများဆုံးမှ (၃၀၀၀) ကျပ်သာ ကျသင့်လို့ စားသုံးသူတွေနဲ့ အမြဲစည်ကားနေတာပါ။ ဒီဆိုင်လေးရဲ့အကြောင်း အသေးစိတ်သိချင်ရင်တော့ ဗီဒီယိုလေးကို ဝင်ကြည့်လို့ရသလို အောက်ကလင့်ခ်မှာလည်း ဝင်ရောက်ဖတ်ကြည့်နိုင်ပါတယ်။

#ချွေတာရေးထမင်းဆိုင်

ဘတ်ဂျတ်ချွေတာချင်သူတွေအတွက်လည်း တစ်ထောင်တန်ထမင်းကြော်တစ်ပွဲ ဝယ်ယူတာနဲ့ အရန်ဟင်း(၁၀) မျိုးကို စိတ်ကြိုက်ထ.....

08/06/2024

မြန်မာနိုင်ငံတွင် ပထမဆုံး Dual Chip E-sport အဆင့် gaming ဖုန်း Infinix GT 20 Pro 5G ထွက်ပါပြီ!

MLBB Community Tournament Phone ဖြစ်သည့် GT 20 Pro 5G ကို Esports ဝါသနာရှင်များအတွက် ဒီဇိုင်းထုတ်ထားသည်။ ၎င်း၏ နောက်ဆုံးပေါ် hardware၊ အကောင်းဆုံး software နှင့် Mecha ဒီဇိုင်းတို့ကြောင့် GT 20 Pro 5G သည် မကြုံစဖူး ထူးခြားကောင်းမွန်သော esports အတွေ့အကြုံကို ပေးစွမ်းမည့်ဖုန်း ဖြစ်သည်။

ဂိမ်းကစားခြင်းစွမ်းဆောင်ရည်ကို မြှင့်တင်ပေးသည့် hardware

Infinix GT 20 Pro 5G သည် Dimensity 8200 Ultimate 4nm 5G ပရိုဆက်ဆာ၊ 144Hz FHD+ AMOLED မျက်နှာပြင်၊ သီးသန့် gaming display chip ပြား၊ 24GB တိုးချဲ့ RAM နှင့် အအေးပေးစနစ်တို့ကြောင့် ပြိုင်ဘက်ကင်းသော ဂိမ်းစွမ်းဆောင်ရည်ကို ပေးစွမ်းနိုင်သည်။

Esports နှင့် ကိုက်ညီမှုရှိသော software

Stable Frame-rate Engine (ဖရိမ်နှုန်းငြိမ်အင်ဂျင်)ပါရှိသော Infinix GT 20 Pro သည် MLBB၊ PUBG၊ HOK နှင့် အခြားဂိမ်းများစွာအတွက် 120FPS ကို ပံ့ပိုးပေးသည်။ bloatware (zero pre-installed app) များ ကင်းလွတ်သော Pure Os မှ ပေးစွမ်းသော Esports Mode ဖြင့် Infinix GT 20 Pro သည် esports စံနှုန်းများနှင့် ကိုက်ညီသော စွမ်းဆောင်ရည်၊ Stable Frame Rate နှင့် အပူချိန်ထိန်းချုပ်မှု စသည်တို့ကို ပေါင်းစပ်ပြီး သူမတူသော ဂိမ်းကစားခြင်းအတွေ့အကြုံကို ပေးနိုင်သည်။

စွမ်းဆောင်ရည်နှင့် လိုက်ဖက်ညီသော ဒီဇိုင်း

Infinix GT 20 Pro 5G သည် Cyber Mecha Design ကို အလေးပေးထားပြီး ၎င်း၏ Interface သည် များပြားလှသော စိတ်ကြိုက်ပြင်ဆင်မှုများ ပါ၀င်သည်။ အရောင် (၈)မျိုး ပေါင်းစပ်ခြင်းနှင့် lighting effect (၄)မျိုးတို့က gamer များအား ၎င်းတို့၏ဖုန်းကို စိတ်တိုင်းကျ ပြောင်းလဲနိုင်သည်။

ပရော်ဖက်ရှင်နယ်ဂိမ်းကစားသူများတစ်ယောက်ကဲ့သို့ သင်၏ဂိမ်းစွမ်းရည်ကို မြှင့်တင်လိုပါသလား။ GT 20 Pro 5G ကို အသုံးပြု၍ သင်၏ E-sport ဂိမ်းစွမ်းရည်ကို အဆင့်မြှင့်လိုက်ပါ။

GT 20 Pro 5G ကို 1,299,990 ကျပ်ဖြင့် Mecha Blue ၊ Mecha Orange ၊ Mecha Silver အရောင် (၄)မျိုး ၀ယ်ယူရရှိနိုင်ပါသည်။ အပိုလက်ဆောင်အနေဖြင့် GT 20 Pro အသုံးပြုသူများအတွက် 129,900 ကျပ်ဝန်းကျင် တန်ဖိုးရှိသော ခရီးဆောင်သေတ္တာကို အခမဲ့လက်ဆောင်အဖြစ် ပေးမည်ဖြစ်သည်။ အသေးစိတ်ကိုထပ်မံသိရှိလိုပါက kh2.infinixmobility.com/GT-20-Pro တွင် ၀င်ရောက်လေ့လာနိုင်သည်။

𝐆𝐓 𝟐𝟎 𝐏𝐫𝐨 နှင့်ပတ်သက်သည့် အကြောင်းအရာများအချိန်နှင့်တပြေးညီသိရှိနိုင်ဖို့ 𝐈𝐧𝐟𝐢𝐧𝐢𝐱 𝐆𝐓 𝟐𝟎 𝐏𝐫𝐨 𝟓𝐆 𝐎𝐟𝐟𝐢𝐜𝐢𝐚𝐥 𝐒𝐨𝐜𝐢𝐚𝐥 𝐌𝐞𝐝𝐢𝐚 𝐂𝐡𝐚𝐧𝐧𝐞𝐥 များကိုလည်း 𝐉𝐨𝐢𝐧 ထားပေးလိုက်ပါ။

𝐆𝐓 𝟐𝟎 𝐏𝐫𝐨 𝟓𝐆 𝐎𝐟𝐟𝐢𝐜𝐢𝐚𝐥 𝐆𝐚𝐦𝐢𝐧𝐠 𝐂𝐨𝐦𝐦𝐮𝐧𝐢𝐭𝐲 𝐆𝐫𝐨𝐮𝐩 - https://shorturl.at/JNQeT
𝐈𝐧𝐟𝐢𝐧𝐢𝐱 𝐌𝐨𝐛𝐢𝐥𝐞 𝐌𝐲𝐚𝐧𝐦𝐚𝐫 𝐎𝐟𝐟𝐢𝐜𝐢𝐚𝐥 𝐕𝐢𝐛𝐞𝐫 𝐆𝐫𝐨𝐮𝐩 - https://shorturl.at/jiwUM
𝐈𝐧𝐟𝐢𝐧𝐢𝐱 𝐌𝐨𝐛𝐢𝐥𝐞 𝐌𝐲𝐚𝐧𝐦𝐚𝐫 𝐎𝐟𝐟𝐢𝐜𝐢𝐚𝐥 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥 - https://t.me/infinixmobilemm
𝐈𝐧𝐟𝐢𝐧𝐢𝐱 𝐌𝐨𝐛𝐢𝐥𝐞 𝐌𝐲𝐚𝐧𝐦𝐚𝐫 𝐘𝐨𝐮𝐓𝐮𝐛𝐞 𝐂𝐡𝐚𝐧𝐧𝐞𝐥 - https://www.youtube.com/channel/UCMv23TBaz_oMqgz0grb5tXA
𝗜𝗻𝗳𝗶𝗻𝗶𝘅 𝗠𝗼𝗯𝗶𝗹𝗲 𝗠𝘆𝗮𝗻𝗺𝗮𝗿 𝗧𝗶𝗸𝗧𝗼𝗸 𝗖𝗵𝗮𝗻𝗻𝗲𝗹 - https://shorturl.at/3UMbb

07/06/2024

ကိုမစ်ကီကတော့ သင်္ဘောသားအလုပ်ကထွက်ပြီး ပရိဘောဂအဟောင်းတွေကို ပြန်လည်အလှဆင်တဲ့လုပ်ငန်းကို လုပ်ကိုင်နေတာပါ။

သစ်တောတွေကို ကာကွယ်ချင်တဲ့ စိတ်ကူးနဲ့ ဒီလုပ်ငန်းကိုစတင်ခဲ့တာဖြစ်ပြီး သားဖြစ်သူရဲ့အိပ်မက်ကို ဖြည့်ဆည်းပေးခဲ့တာလည်း ဖြစ်ပါတယ်။ အရမ်းဟောင်းနွမ်းနေတဲ့ ပရိဘောဂတွေကို ခေတ်မှီတဲ့ပုံစံဖြစ်အောင် မွမ်းမံပြီး ဖခင်ဖြစ်သူရဲ့ ပန်းချီလက်ရာနဲ့ ထပ်မံပေါင်းစပ်လိုက်တဲ့အခါမှာ အခုလိုထူးခြားတဲ့ ပရိဘောဂတွေဖြစ်လာတာပါ။ ကိုမစ်ကီရဲ့
Mickey's Real Wood Upcycled Furniture ဆိုင်လေးကတော့ မရမ်းကုန်းမြို့နယ်၊ အမှတ် B-1၊ ဘုရင့်နောင်လမ်း၊ ကျောက်ရေတွင်းမှာရှိပါတယ်။

'sRealWoodUpcycledFurniture

07/06/2024

ခရီးလည်း ခဏခဏသွားချင်တယ်၊ ကုန်ကျစားရိတ်လည်း ချွေတာချင်တယ်ဆိုသူအနေနဲ့ ဘတ်ဂျတ်ခရီးဖြစ်အောင် ဘယ်လိီုစစဉ်ကြမလဲ ?

အကုန်အကျလည်းသက်သာပြီး ပျော်စရာကောင်းတဲ့ ခရီးစဉ်တွေဖြစ်အောင် ပြင်ဆင်ထားရမယ့် အချက်တွေကို အောက်ကလင့်ခ်မှာ ဆက်လက်ဖတ်ရှုကြည့်ကြရအောင်နော်။

ဒီအချက်တွေနဲ့ဆိုရင်တော့ ဈေးသက်သက်သာသာနဲ့ ခရီးသွားဖို့ကို စိတ်ပူစရာမလိုတော့ဘူးနော်။ Keep reading.

06/06/2024

ဘယ်သူမဆို အခမဲ့ဝင်ညှပ်လို့ရတဲ့ ဗိုလ်တထောင် ၄၆ လမ်းထိပ်က ပရဟိတ ဆံပင်ညှပ်ပေးတဲ့နေရာလေးပါ။

ဒီလိုညှပ်ပေးလာတာ ၁ နှစ်ကျော်လောက် ရှိနေပြီဖြစ်ပြီး Myanmar Barber Academy က ဆရာ James နဲ့အတူ သင်တန်းသားတွေက ညှပ်ပေးကြတာပါ။ ဒီနေရာလေးကို လူတန်းစားမျိုးစုံလာကြပြီး တစ်ပတ်ကို စနေ တနင်္ဂနွေ ၂ရက် ညှပ်ပေးနေတယ်လို့သိရပါတယ်။ လမ်းကြုံဝင်ညှပ်ကြသူတွေရှိသလို အဝေးကြီးကနေပါ တကူးတက လာညှပ်ကြပြီး တစ်ရက်ကို အယောက် (၆၀) လောက်အထိ ညှပ်ပေးရတယ်လို့လည်း ဆရာ James က ပြောပါတယ်။

ဒီလို ပရဟိတဆံပင်ညှပ်ပေးနေတဲ့ နေရာလေးကတော့ ဗိုလ်တထောင် ၄၆ လမ်းထိပ်၊ မဟာဗန္ဓုလလမ်းထောင့်မှာရှိပြီး မနက် ၉ နာရီကနေ ၁၂ နာရီအတွင်းတစ်ကြိမ် နဲ့ နေ့လည် ၁ နာရီကနေ ၃ နာရီအတွင်းတစ်ကြိမ် ဖွင့်ပါတယ်။

05/06/2024

နူးညံ့ပြီး Quality ကောင်းတဲ့ အိမ်လုပ်ပေါင်မုန့်တွေကြောင့် လူကြိုက်များတဲ့ "ရန်ကုန်ပေါင်မုန့်ဆိုင်" လေးပါ။

မုန့်စလုပ်ခဲ့တုန်းက Second Hand မုန့်ဖုတ်စက်လေးပဲသုံးပြီး အတွေ့အကြုံတွေယူခဲ့ရာက အခုလို အရမ်းရောင်းကောင်းတဲ့ မုန့်ဆိုင်ဖြစ်လာတာပါ။ ဆိုင်က ပေါင်မုန့်တွေကို စားဖူးသူတိုင်း ကြိုက်နှစ်သက်ကြလို့ အသိမိတ်ဆွေအချင်းချင်း လက်ဆောင်ပြန်ပေးလေ့ရှိကြတယ်လို့ ဆိုင်ရှင်ကဆိုပါတယ်။ ရန်ကုန်ပေါင်မုန့်ဆိုင်လေးကတော့ ကြည့်မြင်တိုင်မြို့နယ် ညဈေးဝင်းအတွင်းထဲက အမှတ် ၄၇၊ ဗိုလ်သူရလမ်းထောင့်၊ ကျောင်းကြီးလမ်းမှာရှိပါတယ်။

#ရန်ကုန်ပေါင်မုန့်ဆိုင် #ပေါင်မုန့်

04/06/2024

ရေကူး ၊ စက်ဘီးစီး နဲ့ အပြေး အားကစား (၃) မျိုးလုံး တစ်ပြိုင်တည်း ယှဉ်ပြိုင်ရတဲ့ SCSC Triathlon ပြိုင်ပွဲကြီးကိုတော့ Star City Sports Club မှာ ဇွန်လ ၁ ရက်နေ့ နဲ့ ၂ ရက်နေ့တို့မှာ (၂) ရက်တိုင်တိုင် ကျင်းပပြုလုပ်ခဲ့ပါတယ်။

ဒီပြိုင်ပွဲကို Berocca For Myanmar က Title Sponsor အဖြစ် အားဖြည့်ထားပြီးတော့ ပါဝင်ယှဉ်ပြိုင်သူ အယောက် (၁၄၀) ကျော် ရှိခဲ့ပါတယ်။ ဆုငွေတွေကို Pro ၊ Solo ၊ Relay ဆိုပြီး Category (၃) မျိုးခွဲထားပြီး ပြိုင်ပွဲတစ်ခုချင်းစီတိုင်းမှာ အနိုင်ရရှိသူတွေကို -

Pro (၃) ဆု
Solo (Male) (၅)ဆု
Solo (Female) (၅)ဆု
Relay အဖွဲ့လိုက်အတွက် (၅) ဆုဆိုပြီး အသီးသီးပေးအပ်ခဲ့ပါတယ်။

ဒီလိုတက်ကြွလှုပ်ရှားဖွယ် အားကစားပြိုင်ပွဲပုံရိပ်တွေကို ပရိသတ်တို့အတွက် အခုလိုပဲ ဝေမျှပေးလိုက်ရပါတယ်။

04/06/2024

Gamers တွေအတွက် Infinix GT 20 Pro 5G MLBB Community Tournament Phone လာပါပြီ။

ခေတ်မှီ ဆန်းသစ်သော ဒီဇိုင်း GT Series Esport level gaming ဖုန်းများကို Infinix မှ ယူဆောင်လာပါပြီ။ GT 20 Pro သည် အပြိုင်အဆိုင် flagship processors များကဲ့သို့ စွမ်းဆောင်ရည်များ ပါ၀င်သည့် dual chips ဖြင့် ၎င်း၏စျေးနှုန်းတန်းတွင် ပြိုင်ဘက်ကင်းသော စွမ်းဆောင်ရည်မြင့် ဂိမ်းအတွေ့အကြုံများကို ပေးစွမ်းသည်။

Mobile Legends Bang Bang ၏ မြန်မာမှ MEP တွင် official gaming ဖုန်းလည်း ဖြစ်ပါသည်။ GT 20 PRO 5G သည် Mobile Legends Bang Bang ၏ MEP, MAL, MDL , MPL, တို့အပြင် PUBG ၏ PMSL တို့အတွက်ပါ တရား၀င်ပူးပေါင်းဆောင်ရွက်သော gaming ဖုန်းလည်း ဖြစ်သည်။ Professional Esport players များဖြစ်ကြသော ACE, KID , DEE နှင့် KIZZ တို့ကို GT 20 PRO 5G ၏ Gaming Master များအဖြစ် မြင်တွေ့ရမည်ဖြစ်သည်။

Dimensity 8200 Ultimate 4nm 5G Processor၊ သီးသန့် Gaming Display Chip နှင့် 144HZ FHD+ AMOLED Display တို့ ပါ၀င်သော Infinix GT 20 Pro သည် MLBB အတွက် 120 FPS၊ PUBG အတွက် 120FPS တို့ကို ပံ့ပိုးပေးပြီး တမူထူးခြားသော ဂိမ်းကစားမှုအတွေ့အကြုံကို ပေးစွမ်းသည်။

ဖုန်းဖြင့်ဂိမ်းကစားခြင်းကို နှစ်သက်သော လူငယ်များအတွက် Infinix GT 20 Pro 5G သည် အကောင်းဆုံးရွေးချယ်မှု ဖြစ်သည်။ Infinix GT 20 Pro 5G ကို 3.6.2024 ရက်မှ စတင်ပြီး pre order မှာယူနိုင်ပြီ ဖြစ်သည်။ မှာယူသူတိုင်းသည် ကျပ်တစ်သိန်း discount နှင့် ကျပ် ၁၂၉,၉၀၀ တန်ဖိုးရှိ luggage ကို လက်ဆောင်အဖြစ် ရယူနိုင်သည်။

Main Features of GT 20 Pro 5G:

Dimensity 8200 Ultimate 4nm 5G processor
Dedicated Gaming Display Chip
MLBB 120FPS Supported
Bezel-less 144Hz FHD +AMOLED Display
Up to 24GB+256GB(12+12GB)

03/06/2024

StarCity Sports Club မှကြီးမှူးကျင်းပတဲ့ SCSC Triathlon powered by Berocca ပြိုင်ပွဲပုံရိပ်များ

ဒီပြိုင်ပွဲကိုတော့ ဇွန်လ ၁ ရက်နေ့နဲ့ ၂ ရက်နေ့တို့မှာ ကျင်းပခဲ့ပြီး ဝင်ရောက်ယှဉ်ပြိုင်သူတွေ၊ အားပေးသူတွေနဲ့ စည်ကားခဲ့ပါတယ်။ ရေကူး၊ စက်ဘီးစီးနဲ့ အပြေးပြိုင်ပွဲတွေ ပြုလုပ်ခဲ့ပြီး ဆုငွေတွေကို Pro ၊ Solo ၊ Relay စတဲ့ Category (၃) မျိုးအနေနဲ့ ပေးအပ်ခဲ့ပါတယ်။ ဆုရရှိသူတွေကတော့ -

Pro မှာ
1st - Htay Ko
2nd - Ko Kyaw Min Thein
3rd - Thaw Zin Htet

Solo (Male) မှာ

1st - Zwe Thet Oo
2nd - Aung Thaw Oo
3rd - Yan Naing Lin
4th - Phyo Htet Ko Ko
5th - Aung Naing Oo

Solo (Female) မှာ

1st - Abigaill Mendoza
2nd - Thwel Thwel Soe
3rd - Khin Min Min Nyein
4th - Sara Sara
5th - Ma Aye Aye Nyein

Replay မှာတော့

1st - Team Nitro
2nd - CBG TEAM - A
3rd - Black Tiger
4th - Robots Trianthalon
5th - Happy Hour

ပြိုင်ပွဲရဲ့ ပုံရိပ်တွေကိုလည်း အားကစားဝါသနာပါသူ Duwun Lifestyle ပရိသတ်တို့အတွက် ဝေမျှပေးလိုက်ပါတယ်။

02/06/2024

လသာတရုတ်တန်းက သက်တမ်း ၄၈ နှစ်ရှိနေပြီဖြစ်တဲ့ "ရာစုသစ်" ပဲပေါင်း၊ ပဲနို့ရည်ဆိုင်လေးပါ။

ဒီဆိုင်မှာတော့ ပဲပေါင်း၊ ပဲနို့ရည်နဲ့ ကြက်ဥပေါင်း ၃ မျိုးပဲရောင်းတာဖြစ်ပြီး ဘာဆေးဝါးမှမထည့်ဘဲ သဘာဝအတိုင်း အရသာကို နှစ်ပေါင်းများစွာ ထိန်းသိမ်းလာခဲ့တာပါ။ ပဲပေါင်းက ကျန်းမာရေးအတွက်လည်း ကောင်းမွန်ပြီး အရသာအနေနဲ့ ချိုစိမ့်ပြီး ပဲပြားအရသာရှိပါတယ်။ ရန်ကုန်တွင်း မြို့နယ်အသီးအသီးက လာဝယ်စားကြသလို ပဲခူးကတောင် လာဝယ်တဲ့ စားသုံးသူတွေရှိတယ်လို့ ဆိုင်ရှင်ကဆိုပါတယ်။ ဆိုင်လေးကတော့ လသာမြို့နယ် မဟာဗန္ဓုလလမ်းနဲ့ ၂၁ လမ်းထိပ်မှာရှိပါတယ်။

#ရာစုသစ်
#ပဲပေါင်း #ပဲနို့ရည် #ကြက်ဥပေါင်း