Ei War Hlaing, เอกชัย 69, บางบอน, บางบอน, กรุงเทพมหานคร, Bangkok (2024)

11/09/2024

တစ်ခါက လေယာဉ်တစ်စီးပေါ်မှာ ရှေ့နေ
တစ်ယောက်၊ ဆရာဝန်တစ်ယောက်၊

ဘုန်းကြီးအိုတစ်ပါး နဲ့ ကလေးငယ်တစ်ဦး
တို့ တစ်ခရီးတည်းစီးလာကြတယ်။

ဒီလိုနဲ့ စီးလာရာက လေယာဉ်အင်ဂျင်ဟာ ရုတ်တရက် ပြဿ နာတက်တော့တယ်။

pilot လည်းအကောင်းဆုံးကြိုး စားပြီး
အခြေအနေမဟန်တော့ “ခင်ဗျားတို့ ခုခုန်

ဆင်းကြရင် ကောင်းမယ်” လို့ပြောပြီး သူ

လည်း လေထီးကိုယူပြီး အရင်ဆုံးခုန်ဆင်း
သွားတယ်။

လေယဉ်ပေါ်မှာ ကျန်တာက ၄ ယောက်၊ အဲ
တာမှပြဿ နာပဲ။

လေထီးက ၃ခုပဲကျန်တော့တယ်။

အဲချိန်မှာ ဆရာဝန်က ” ကျုပ်က ဆရာဝန်
ကျုပ်က နေ့တိုင်းလိုလို လူတွေရဲ့အသက်

ကိုကယ်နေရတာ.. ကျုပ်အသက်က တန်

ဖိုးရှိတယ်” လို့ပြောပြီး လေထီး ၁ ခုကိုယူ
ကာ ခုန်ဆင်းသွားတယ်။

နောက် ရှေ့နေကလည်း ” ကျုပ်ကရှေ့နေ..
ရှေ့နေဆိုတာ ကမ္ဘာပေါ်မှာ အတော်ဆုံးလူပဲ။

ကျုပ် အသက်ရှင်သင့်တယ်” လို့ပြောပြီး

သူလည်း လေထီးအိတ်ယူပြီး ခုန်ဆင်းသွား
တယ်။

ကျန်ခဲ့တဲ့ ဘုန်းကြီးအိုက ကလေးကို ပြော
တယ်.. “ကောင်လေး ငါကတော့ လောက

မှာ နေလာတာကြာပြီ၊ အသက်လည်းကြီး
ပြီ။ သက်တမ်းစေ့တော့မယ်။

တဒီတော့ မင်းပဲ နောက်ဆုံးကျန်တဲ့လေထီး
ကို ယူပြီး သွားတော့… ဘဝကို ပျော်ပျော်ရွှင်

ရွှင် ဖြတ်သန်းပါလေတော့..”ကလေးက
လေထီးအိတ်ကို ဘုန်းတော်ကြီးကိုလှမ်းပေး

ရင်း ” မပူနဲ့ ဖာသာ.. ခုန ကမ္ဘာ့အတော်ဆုံး

လူကြီးက ကျွန်တော့ ကျောပိုးအိတ်ကိုယူပြီး
ခုန်ချသွားတာ။

”သင်ခန်းစာ။ ။ သင့်ရဲ့ အလုပ်အကိုင်က သင်ဘယ်လိုလူလဲဆိုတာ မသတ်မှတ်ဘူး။

သင်ရဲ့ကောင်းမွန်တဲ့ လုပ်ရပ်ကသာ အရေးပါ
ပါတယ်။

ချစ်သော💚💚💚

💚
Crd #မူရင်းရေးသားသူ💚

10/09/2024

အောက်တန်းစားစိတ်ဓာတ်

သူတစ်ပါး၏ ကိုယ်ကျင့်သိက္ခာကို
အပုတ်ချလိုသည့် သဘောဖြင့်

မမှန်မကန် ကဲ့ရဲ့
ပြစ်တင်တတ်သောစိတ်ဓာတ်

သူတစ်ပါးမကောင်းကြောင်းကို
အဆမတန်ချဲ့ကာ

ပြောဆိုကာ
မိမိကောင်းကြောင်းကိုသာ

ထပ်တလဲလဲ
ပြောဆိုတတ်သော စိတ်ဓာတ်။

နည်းနည်းလုပ်ပြပြီး လုပ်ပြသည်နှင့်
မတန်အောင်

ပြန်ပြီးအကျိုးထူးခံစားခွင့်
ရချင်လိုချင်သော စိတ်ဓာတ်။

ကိုယ့်ထက်သာသူကို

မနာလိုဝန်တိုမှု အပြည့်နဲ့
တိုက်ခိုက် စော်ကားလိုသည့် စိတ်ဓာတ်။

ကိုယ်အောက်နိမ့်ကျသူအား

ဖိနှိပ်စော်ကားပြီး ပါဝါပြကာ
ဂုဏ်မောက်နေတတ်သော စိတ်ဓာတ်။

တစ်ပါးသူ၏ခံစားချက်ကို
နည်းနည်းမှထည့်မတွက်ဘဲ

ကိုယ်ပြောချင်ရာပြောကာ

လုပ်ချင်ရာကို တဇွတ်ထိုး
လုပ်တတ်သော စိတ်ဓာတ်။

ရှေ့လျှင်တမျိုး
ကွယ်ရာတစ်ဖုံ စကားကိုဗလောင်းဗလဲ

ပြောကာ ချွန်တုံးလုပ်တတ်
ကုန်းတိုက်တတ်သော စိတ်ဓာတ်။

မောက်မာရိုင်းဆိုင်းပြီး
ဆဲဆိုအော်ဟစ်ဖို့ ဝန်မလေးဘဲ

အရှက်အကြောက်
ကင်းမဲ့နေတတ်သော စိတ်ဓာတ်။

အားနည်းသူအား ထုထောင်း၍
အားကြီးသူအား

ကပ်ဖားရပ်ဖားလုပ်ကာ

နေရာယူတတ်
ဂွင်ရိုက်တတ်သော စိတ်ဓာတ်။

အခွင့်အရေးဆို
လိုတာထက်ပိုပြီး ယူတတ်သလောက်

အနစ်နာခံဖို့ကြ တွန့်ဆုတ်တွေဝေ
တတ်သော စိတ်ဓာတ်။

ကိုယ်ကိုယ့်ကို အထင်ကြီးလွန်းပြီး
တစ်ပါးသူလုပ်သမျှ အကောင်းမမြင်

အကောင်းမထင်ဘဲ ပုတ်ခတ်
စော်ကားလိုသည့် စိတ်ဓာတ်..!!!!!

ချစ်သော💚💚💚

💚
Crd 💚
Crd 💚

10/09/2024

အခါတစ်ပါး၌ ဝံပုလွေတစ်ကောင်ဟာ
လယ်ကွင်းထဲ၌ ပြေးလွှားမြူးထူးလျက်

ရှိသော ဆိတ်ငယ်တစ်ကောင်ကိုမြင်ရာ

ဖမ်းဆီးစားသောက်ရန်နောက်မှ ပြေး၍
လိုက်၏။

ဆိတ်ငယ်သည် ခွန်အားရှိသမျှ အစွမ်း
ကုန်ပြေးပါသော်လည်း မရ။

ဝံပုလွေသည် သူ့ကို မီလာ၏။

ဤတွင် ဆိတ်ငယ်သည် ပြေးရာမှ ရပ်တန့်
လိုက်ကာ ဝံပုလွေအား ” အဆွေဝံပုလွေ၊

ကျွန်ုပ်သည် ထွက်ပြေးပါသော်လည်း သင့်
လက်မှလွတ်မြောက်ရန် လမ်းမမြင်တော့ပါ။

ထို့ကြောင့် သင်စားသည်ကို ကြည်ဖြူစွာ
ခံပါတော့မည်။

သို့သော် ကျွန်ုပ်သည် သေသောအခါ ပျော်

ရွှင်စွာသေလိုသော ဆန္ဒရှိသဖြင့် မသေမီ က
ခုန်လိုပါသည်။

သို့ဖြစ်၍ ကျွန်ုပ် ကခုန်ရန် သင်က ပလွေ

မှုတ်ပေးပါ ” ဟု ပရိယာယ်ဖြင့် ပြောဆိုလေ
သည်။

ဝံပုလွေလည်း ဆိတ်ငယ်ပြောဆိုသည်အ
တိုင်း ပလွေကိုမှုတ်၏။

ဆိတ်ငယ်သည်လည်း ပျော်ရွှင်စွာဖြင့် ကခုန်
၏။

ထိုအခိုက် ခပ်လှမ်းလှမ်းမှ လယ်စောင့်ခွေးတို့
သည် ပလွေသံကိုကြားသဖြင့် ပြေလားရာ ဝံပု

လွေသည် ဆိတ်ငယ်ကို မစားနိုင်တော့ပဲ ထွက်
ပြေးရလေသည်။

ထိုအခါ ဝံပုလွေသည် တောထဲသို့ပြေးဝင်ရာမှ နောင်တရစွာဖြင့် ဤသို့ ဆို၏။

” ငါသည် ကိုယ်နှင့်မဆိုင်သောအလုပ်ကို လုပ်
မိသဖြင့် ဤသို့ဖြစ်ရလေသည်။

စင်စစ်သော်ကား ငါ၏အလုပ်မှာ သားကောင်

ကို ကိုက်သတ်စားသောက်ရန်သာဖြစ်ပြီး
ပလွေမှုတ်ရန် မဟုတ်ပါတကား။

ချစ်သော💙💙💙

💙
Crdမူရင်းရေးသားသူ💙

10/09/2024

ငါမှားရင်
ငါ့ကိုဝေဖန်ပါ။

အကြံပြုပါ ၊ လမ်းညွှန်ပါ
ကွယ်ရာမှာ မကဲ့ရဲ့ပါနဲ့။

ငါ့ထက်တော်ရင် ငါ့ရှေ့ကသွား
ငါ့ကို တွဲခေါ် ငါ့ကိုသင်ပေး

ကြည်ဖြူစွာ လမ်းဖယ်ပေးမယ်။
ကွယ်ရာမှာ အပုတ်မချပါနဲ့။

ငါ့အောက်နိမ့်ရင် ဝမ်းမနည်းနဲ့။
အားမငယ်နဲ့။

စိတ်ဓာတ်မကျနဲ့။
ညင်သာစွာ တွဲခေါ်ပေးမယ်။

ငါသိ ငါတတ် ငါနိုင် ငါစား
ငါမတရားမလုပ်ဖူး

ကွယ်ရာမှာတော့ အပြစ်မပြောနဲ့။

သင်ပြမှာလား ၊ ငါ့ရှေ့ကသွား
ကြည်ဖြူစွာနဲ့လမ်းဖယ်ပေးမယ်။

သင်ယူမှာလား ၊ ငါ့နောက်ကလိုက်
ညင်သာစွာ တွဲခေါ်ပေးမယ်။

လျှောက်တဲ့ပန်းတိုင် တူညီခဲ့ရင်
တွဲသောလက်တွေ ခိုင်မြဲစေမယ်။

ရှေ့က မသွား နောက်ကမလိုက်
လမ်းအရှေ့ကတော့ ပိတ်မရပ်နဲ့။

အကျိုးမရှိတဲ့ အဆိုးမြင်စိတ်တွေ

စွန့်လွှတ်ပြီး အောင်မြင်မှုဆီ လက်တွဲညီညီ
လှမ်းလျှောက်ကြစို့ သူငယ်ချင်း !

ချစ်သော💛💛💛

💛
Crd #မူရင်းရေးသားသူ 💛
Crd 💛

10/09/2024

ကျွန်မက ထစ်ကနဲ့ဆို ဝမ်းနည်းဖို့ပဲသိ
တာပါ။

ကိုယ့်ကိုယ်ကို သန်မာအောင် သင်ယူ
ရပါအုံးမယ်။

ကျွန်မအတွက် အပေါဆုံးက မျက်ရည်
တွေပါ။

ဘဝမှာ ပျော်လို့ငိုရတာထက်
ဝမ်းနည်းလို့ငိုရတာက ပိုများနေတယ်။

ပျော်ရွှင်မှုထက် ဝမ်းနည်းခြင်း တွေပိုများ

တဲ့ ကျွန်မရဲ့ ဘဝကို ခံနိုင်ရည်ရှိအောင်
ကြိုးစားရအုံးမယ်။

တစ်ခုခုဆို မျက်ရည်ကျဖို့ထက်
နာကျင်ခြင်းကို အံ့တုပြီးပြုံးနိုင်ဖို့ ...

ဝမ်းနည်းစရာတွေကြုံလာတဲ့အခါ
အားကိုးစရာမရှာပဲ ကိုယ့်ကိုယ်ကို

ပြန်အားပေးတတ်အောင်
အဆိုးဆုံးတွေ ဖြစ်လာတဲ့အခါ

ဘဝဟာ အမြဲတမ်းအဆိုးခြင်းတွေနဲ့ပဲ
ကြုံရတာမှ မဟုတ်တာလို့ ရင့်ကျက်စွာ

တွေးတတ်ဖို့ အတွက်
ကျွန်မ သင်ယူရအုံးမယ်လေ။

ရှေ့ဆက်ရမယ့် နေ့ရက်တွေမှာ

ပျော့ညံ့တဲ့ မိန်းကလေးတစ်ယောက်
အနေနဲ့ ရှေ့မဆက်ချင်တော့ဘူး။

ကိုယ့်ကိုယ်ကို သန်မာတဲ့ မိန်းမသား

တစ်ယောက်အဖြစ်နဲ့ပဲ ဘဝကို
ရှေ့ဆက်ချင်တယ် . . . ။

ချစ်သော❤❤❤

❤
Crd_to_owner_with_respect❤

10/09/2024

ဖြစ်ချင်တာတွေကိုမေ့ပြီး
ဖြစ်သင့်တာတွေကိုပဲ

ဦးစားပေးရလွန်းတော့
တစ်ခါတစ်လေ

ကိုယ်ဘာဖြစ်ချင်ခဲ့တာဆိုတဲ့

အိပ်မက်လေးတွေကိုတောင်
မေ့သွားရတယ် ။

ပြန်ရှာကြည့်ဖို့ဆိုတာကလဲ
အချိန်မှ မရှိခဲ့တာ

တစ်နေ့နေ့ကျရင်တော့

ကိုယ့်စိတ်တိုင်းကျ
ဘ၀ကို ဖန်တီး တည်ဆောက်ဦးမယ်။

ခုတော့ ...

ဖြစ်သင့်တာတွေကို
ဦးစားပေးရဦးမှာပေါ့။

ချစ်သော💛💛💛

💛
Crd #ကျေးကို💛

10/09/2024

မရှိခြင်းဟာ ချမ်းသာတယ်လို့

နားလည်လာတဲ့အခါ
မရှိမှာကို မကြောက်တော့ဘူး ။

ရှိလာခြင်းဟာ မမြဲဘူးလို့

နားလည်လာတဲ့အခါ
ဘာကိုမှ စွဲလန်း မထားတော့ဘူး ။

တိတ်ဆိတ်မှုဟာ အရှုပ်ကင်းခြင်းလို့

နားလည်လာတဲ့အခါ
နေရာတကာ ၀င်မပါတော့ဘူး ။

အထင်ကြီးခံရမှုဟာ ဘ၀မဟုတ်မှန်း

ခံစားလာရတဲ့အခါ
သတိလက်လွတ် မပျော်မိတော့ဘူး ။

အထင်သေးခံရမှုဟာ

အားငယ်စရာ မဟုတ်မှန်း သိလာတဲ့အခါ
အပြစ်တင်မှုတွေကို ဂရုမစိုက် တော့ဘူး ။

ဘ၀ဟာ ခဏပါလို့ နားလည်လာတဲ့အခါ

အမုန်းတရားတွေနဲ့ စိတ်ညစ်စရာတွေကို
သိမ်းပိုက် မထားချင်တော့ပါဘူး ။

နေရသမျှလေးမှာ

အပြစ်ကင်းပြီး စိတ်ချမ်းသာအောင်ပဲ
ကြိုးစား၍ နေဖြစ်ပါတော့တယ် ။

ချစ်သော❤❤❤

❤
Crd ❤
Crd _to_owner_with_respect❤

10/09/2024

တဖြည်းဖြည်းသိလာပြီ။

အလေးအနက်ထားလွန်းတဲ့အခါ
တန်ဖိုးမဲ့လာတယ်ဆိုတာ

တဖြည်းဖြည်းသိလာပြီ။

တချို့သောအရာတွေက တစ်သက်မှာ
တစ်ကြိမ်သာ ပိုင်ဆိုင်ခွင့်ရှိတယ်ဆိုတာ

တဖြည်းဖြည်းသိလာပြီ။

လူဆိုတာ အတွင်းကျကျပေါင်းကြည့်မှ
ဖုံးကွယ်ထားတဲ့ စိတ်ရင်းကိုသိရတယ်ဆိုတာ

တဖြည်းဖြည်းသိလာပြီ။

စိတ်ရင်းနဲ့ပြောဆို ဆက်ဆံသမျှ အရာတွေ
ဟာ တူညီသော တုန့်ပြန်မှုမရှိဘူးဆိုတာ

တဖြည်းဖြည်းသိလာပြီ။

အသက်အရွယ်ရလာသည်နှင့်အမျှ
စစ်မှန်တဲ့မိတ်ဆွေတွေ ရှားလာပြီဆိုတာ

တဖြည်းဖြည်းသိလာပြီ။

တစ်ယောက်တည်း အချိန်ဖြုန်းရတာဟာ
ပျင်းစရာကောင်းတဲ့ အလုပ်မဟုတ်ဘူးဆိုတာ

တဖြည်းဖြည်းသိလာပြီ။

လူတွေရဲ့ အတောမသတ်နိုင်တဲ့ လောဘတွေအကြောင်း ပိုသိလာတယ်ဆိုတာ

တဖြည်းဖြည်းသိလာပြီ။

စိတ်ချမ်းသာဖို့နဲ့ ကိုယ်ကျန်းမာနေဖို့က
ပထမဦးစားပေးရမယ့် အရာတွေဆိုတာ

တဖြည်းဖြည်းသိလာပြီ။

ဘဝအတွက် နောက်ထပ်သင်ယူစရာတွေ
အများကြီးရှိသေးတယ်ဆိုတာ...။ ။

ချစ်သော💖💖💖

💖
Crd #လွှမ်းရစ်ဖူး💖
Crd 💖

10/09/2024

ထွန်တုံးကို မြိုထားတဲ့မြွေ

ကွေးလို့ညွှတ်လို့ မရသလို

မာန ကြီးတဲ့လူရဲ့စိတ်ကလည်း ကွေးမရ

ညွှတ်မရ တထောင်ထောင် ဖြစ်နေတာ။

မာန ရှိနေသေးသရွေ့ နိဗ္ဗာန်မရနိုင်။

မာနကြီးခြင်းရဲ့ အနိမ့်ဆုံး အပြစ်က

အမျိုးယုတ် အမျိုးညံ့တာ။

မာနကြောင့် ကောင်းတာ ဘာရှိလို့လဲ။

ချစ်သော💜💜💜

💜
Crd #အရှင် ဝရသာမိ🙏🙏🙏💜

10/09/2024

အမြဲတမ်း ပျော်ပျော်ရွှင်ရွှင် နေတတ်တဲ့
ကောင်လေးတစ်ယောက် ရှိတယ်။

တစ်နေ့တော့ အဘိုးကြီး တစ်ယောက်ဆီ
သွားပြီး မေးတယ်။

"အဘိုး "

" ပျော်ရွှင်မှုရဲ့ အကြီးမားဆုံး အဖျက်သမားက
ဘာလဲ..."

" သားက ပျော်ပျော်ရွှင်ရွှင်ပဲနေချင်တာ
ဒါပေမယ့် တစ်နေ့နေ့ ဝမ်းနည်းပူဆွေးမှုတွေ

ဖြစ်လာမှာကို ကြောက်လို့ ပျော်အောင်
နေနည်းကို ပြောပြပါလား..'။

အဘိုးအိုက ခဏလောက် စဉ်းစားပြီး
ခေါင်းညိတ်ပြီး ပြောတယ်။

"ကောင်းပြီ။
မင်းသိချင်တာတွေကို ပြောပြမယ်။

ဒါပေမယ့် မ ပြောခင် မင်း ခိုင်းတာ တစ်ခု
တော့ လုပ်ပေးရမယ်.."

ကောင်လေးက အဘိုး မျက်နှာကို ကြည့်ပြီး
ပြုံးကာ မေးသည် ။

"ရပါတယ် အဘိုးရဲ့.. သားလုပ်ပေးမှာပေါ့....
ဘာလုပ်ပေးရမှာလဲ ပြော။

အဘိုးကြီးက ဖြေတယ်။

"အဘိုးအိမ် နောက်ဘက်မှာ ရေစည် အလွတ်တစ်လုံးရှိတယ်။

မင်းကို ရေဖြည့်ပေးစေချင်တယ်။

အဘိုးက အသက်ကြီးပြီး စမ်းချောင်းထဲမှာ
ရေမဆင်းခပ်နိူင်တော့ဘူး..။

မင်းအဲ့ဒီရေစည် အလွတ်ထဲကို ရေဖြည့်ပေး
ရင် မင်းကို ဒင်္ဂါးနှစ်ပြားဆုချမယ်။

ဒင်္ဂါးနှစ်ပြားက မင်းအတွက်ပဲ ကောင်လေး"

ကောင်လေးဟာ ဒင်္ဂါးနှစ်ပြား ရမယ်ဆို

သောကြောင့် စိတ်တွေ လှုပ်ရှားတက်ကြွသွား
ပြန်တယ်။

ရေပုံးတစ်ပုံးကို ကိုင်ပြီး ရေယူဖို့ စမ်းချောင်း
ကို အမြန်ဆင်းခဲ့ တယ်။

ခဏအကြာတွင် အဘိုးအိုထံသို့ ပြန်သွားပြီး
ရေစည်ကို ရေဖြည့်ထားကြောင်း ပြောပြသည်။

သို့သော် အဘိုးအိုက …

"အိုး၊ ငါပြောဖို့မေ့သွားလို့ ငါ့မီးဖိုချောင်ထဲမှာ
လည်း စည်အလွတ် တစ်လုံးရှိသေးတယ်။

အဲဒါကို ထပ်ဖြည့်ပေးပါလား ။

ငါမင်းကို ဆုကြေးအနေနဲ့ နောက်ထပ်ဒင်္ဂါး
နှစ်ပြား၊ စုစုပေါင်း ဒင်္ဂါးလေး ပြား ပေးမယ်။

မင်းလိုချင်တာ ဝယ်လိုရတာပေါ့။

ဒီငွေလေးပြားဆို တာ မင်းအတွက်
အများကြီးပဲ..."။

ကောင်လေးက ဒီဒင်္ဂါးလေးပြားကို ရဖို့ စိတ်ပိုင်းဖြတ်ထားတယ်။

အဲဒါကို နှစ်ခါမစဉ်းစားတော့ဘူး။

ရေပုံးကို ယူကာ စမ်းချောင်းထဲ သို့ အမြန်ဆင်း
ခဲ့တယ်။

မကြာခင်မှာပင် သူသည် ဒုတိယရေစည်ထဲကို
ရေဖြည့်ပြီးသွား ပြီ။

ထို့နောက် အဘိုးကြီးထံသို့ ပြန်သွားသောအခါ

"ကောင်းတယ်ဟေ့ ဒါပေမယ့် ငါက မေ့တတ်
တဲ့ အဘိုးကြီးပဲ။

ငါ့ ဥယျာဉ်မှာ ရေစည် အလွတ်တစ်လုံး ရှိ
တယ်ဆိုတာ ငါမေ့သွားခဲ့ တယ်။

မင်းအဲ့ဒါကို ရေဖြည့်ပေးနိုင်ရင် မင်းပိုက်ဆံ
ထဲကို အကြွေ နှစ်ပြား ထပ်ထည့်လိုက်မယ်။

မင်းအတွက် ငွေဒင်္ဂါးခြောက်ပြား ဖြစ်သွား
တာပေါ့.."။

ကောင်လေး၏မျက်နှာတွင် ရွှင်မြူးသော
မျက်လုံး များ ပေါ်လာ သည်။

ဒီပိုက်ဆံ အားလုံးနဲ့ဆို သူ ဘာဝယ်မယ်

ဆိုတာကို တွေးပြီး စိတ်ခံစားချက်တွေကို
မထိန်းနိုင်ခဲ့ဘူး။

တတိယမြောက် ရေစည်ကိုဖြည့်ပြီး

အဘိုးကြီးဆီ ပြန်ရောက်လာ တာ အချိန်
တောင် သိပ်မကြာပါဘူး။

သူဟာ မောပန်းနွမ်းနယ် နေခဲ့ တယ်။

ဒါပေမယ့် အဘိုးအိုက ကောင်လေးကို ဒင်္ဂါး

ခြောက်ပြားကို ပေးရ မယ့်အစား မျက်မှောင်
ကြုတ်ပြီး

"အိုး မဟုတ်သေးပါဘူး၊ ငါက တစ်ကမ္ဘာလုံး
မှာ သတိအမေ့ဆုံး အဘိုးကြီး...ထင်တယ်။

ငါ့မှာ ပေးစရာ ဒင်္ဂါး မရှိဘူးဆိုတာကို မေ့
နေတယ်။

ငါ အရမ်းစိတ်မကောင်းဖြစ်ရပါတယ်။
မင်းကို ပေးစရာ ပိုက်ဆံမရှိဘူး။

တောင်းပန်ပါတယ်။

အခုတော့ မင်းလက်ဗလာနဲ့ပဲ အိမ်ပြန်ရ
တော့မယ် ကောင်လေးရေ"။

ထိုစကားကို ကြားသောအခါ ကောင်လေး၏ မျက်နှာပေါ်ရှိ အပြုံးသည် ရုတ်တရက်

ပျောက်ကွယ်သွားကာ ဝမ်းနည်းသောအ
ကြည့် ဖြင့် အစားထိုးလာသည်။

သူ့ရဲ့ ပျော်ရွှင်မှုဟာ လုံးဝ ပျောက်ဆုံးသွား

ပြီး ဝမ်းနည်းမှု စိတ်ပျက်မှုတွေနဲ့ အစားထိုး
ခဲ့ပါတယ်။

ထိုအချိန်တွင် အဖိုးအိုသည် အံ့အားသင့်စွာ

ပြုံးလိုက်ပြီး သူ့ကို ခဏလောက် တင်းတင်းကျပ်ကျပ် ဖက်ထားကာပြောသည် ။

"စိတ်မပူပါနဲ့ ကောင်လေး။
အမှန်က မင်းအတွက် ပိုက်ဆံရှိပါ တယ်။

ငါလုပ်ခဲ့သမျှက မင်းကို ဘဝနဲ့ပတ်သက်တဲ့

အဖိုးတန် သင်ခန်းစာတစ်ခု သင်ပေးဖို့ ရည်ရွယ်ချက်တစ်ခုပဲ"

"ပျော်ရွှင်မှုရဲ့ အကြီးမားဆုံး ဖျက်ဆီးသူဆို
တာ ဘာလဲလို့ မင်းက ငါ့ကို ပြောပြခိုင်းတဲ့

အခါ ... အခုလို မင်းကို ဝမ်းနည်းစေမယ့်
အစီ အစဉ်တစ်ခု ပေါ်လာတော့ တာပေါ့"။

" မင်းကို သေသေချာချာ ထိထိရောက်ရောက် အဖြေပေးချင်လို့ ပါ.."။

ပျော်ရွှင်မှုရဲ့ အကြီးမားဆုံး အဖျက်သမားက
မင်းရဲ့ မျှော်လင့်ချက်တွေပဲ.."။

" မင်းငါ့ဆီကနေ ဒင်္ဂါးခြောက်ပြားရဘို့ကို
မျှော်မှန်းထားတယ်။

အဲ ဒါကို မင်းမရနိူင်တော့ဘူးလို့ မင်းသိသွား
တဲ့ အခါ မင်း ဝမ်းနည်း လာတယ်.."။

တခြားသူတွေအတွက် တစ်ခုခုလုပ်ပေးတဲ့

အခါ သူတို့ဆီကနေ တစ်ခုခုကို ပြန်ရဘို့
မျှော်လင့်ကြတယ်.."။

" ငါတို့က သူတို့ကို ချစ်တဲ့အတွက် သူတို့က
ငါတို့ကို ပြန်ချစ်လိမ့် မယ်..။

ငါတို့က သူတို့အပေါ် ကောင်းကြလို့ သူတို့က

လည်း ငါတို့ အပေါ်မှာ ပြန် ကောင်း
ကြလိမ့်မယ်။

ဒီလိုမျိုးတွေပြန်လာဘို့ မျှော် လင့်ကြတယ်.."

" တစ်စုံတစ်ယောက်ဆီက ပြန်မျှော်လင့်တာ
ဟာ လက်တွေ့မကျပါ ဘူး..။

ဖြစ်ချင်မှ ဖြစ်မှာလေ "။

" ဖြစ်မလာတဲ့အခါမှာ မင်းကို စိတ်ပျက်မှု၊

စိတ်ဓာတ်ကျမှု နဲ့ မင်း ရဲ့စိတ်ကို ဖိအားတွေ
ဖြစ်စေတယ်..။

" တကယ်လို့ ကိုယ့်ဘက်က လူတွေအပေါ်မှာ မျှော်လင့်ချက်တွေ ကို လျှော့ပြီး…. နားလည်မှု

တွေနဲ့ နေနိူင်မယ်ဆိုရင်တော့... ဘဝမှာ ပျော်
ပျော်ရွှင်ရွှင် နေနိုင်မှာပါ" တဲ့...။

ချစ်သော💚💚💚

💚
Crd #မူရင်းရေးသားသူ 💚

10/09/2024

မဖြစ်နိုင်တာတွေ အများကြီးနဲ့။

မဖြစ်သေးတာတွေ အများကြီးနဲ့။

နေ့ရက်တွေ အများကြီးနဲ့။

လုပ်ချင်တာတွေ အများကြီးနဲ့။

တကယ်မှာ မတတ်နိုင်တာတွေ အများကြီးနဲ့။

ဒါကြောင့် ကျွန်တော်တို့

ဆက်လက် ရှင်သန်နေတာ ။

ချစ်သော💙💙💙

💙
Crd #2001💙
Crd #မူရင်းရေးသားသူ 💙

10/09/2024

"" ဘဝသစ် စပါ ""

ပြန်မရတဲ့ အတိတ်တွေကို တမ်းတ မနေပါနဲ့။
ဘဝသစ် စပါ။

ရင်နာစရာတွေကို ထွေးပွေ့ မထားပါနဲ့။
ဘဝသစ် စပါ။

နာကျင်စရာတွေကို ပစ်ထုတ်ပြီး
ဘဝသစ် စပါ။

မဖြစ်နိုင်တာတွေကို မမျှော်လင့်ပါနဲ့။
ဘဝသစ် စပါ။

ဘဝသစ် စပါ။

မဖြစ်နိုင်တာတွေ မရနိုင်တာတွေကို တောင်း
တနေရင်း ဘဝအပျက်ခံတော့ မလို့လား?။

လောကကြီးကို အရှုံးပေးတော့ မလို့လား?။

လောကဓံတရားကို ရင်ဆိုင်ဖို့ ကြောက်ရွံ့
နေပြီလား?။

အရာအားလုံးကို မေ့ထားပြီး ဘဝသစ် စပါ။
မင်း လုပ်နိုင်ပါတယ်။

နာကျင်စရာတွေကို မင်းမေ့နိုင်ပါတယ်။
အတိတ်တွေကိုလည်း မင်း မေ့ပစ်နိုင်ပါတယ်။

ခံစားမှု့တွေကိုလည်း မင်း မျက်ကွယ် ပြုနိုင်
ပါတယ်။

တစ်လောကလုံးက မင်းကို ပစ်ပယ်ထားရင်
တောင် မင်းကိုယ်မင်းတော့ ချစ်တတ်ရမယ်။

မင်းဘဝကို ပြုပြင် ပြောင်းလဲတက်ရမယ်။
လူတိုင်းက အမှားနဲ့ မကင်းကြပါဘူး။

မှားမှန်းသိလို့ နောက်ပြန်လှည့်ပြီး
ပြောင်းလဲရမှာက မင်းတာဝန်ပဲ။

မှားခဲ့တဲ့ အမှားတွေကို ခေါက်ထားလိုက်ပါ။
လမ်းမှန်လျှောက်ပြီး ဘဝသစ် ပြန်စပါ။

ဘဝသစ် စပါ။

မနက်ဖြန်က စလို့ မင်းဘဝကို အရင်ကထက်
ပိုပြီး ကောင်းမွန်အောင် နေပါ။

နေ့ရက်တိုင်းမှာ ဘဝသစ်နဲ့ ပျော်ရွှင်အောင်
နေပါ။

ငိုခဲ့တဲ့အချိန်တွေ ကုန်လွန်ပြီမို့ ပျော်ရွှင်ရမဲ့
အလှည့်မှာ ဘဝသစ်နဲ့ ဖြတ်သန်းပါ။

ချစ်သော💛💛💛

💛
Crd #မူရင်းစာရေးသားသူအား 💛
လေးစားစွာဖြင့်💛

10/09/2024

လူတိုင်းမှာ မျက်နှာနှစ်ဖက် ရှိကြမြဲပဲတဲ့လေ..

ဒါကြောင့် တစ်ခြားလူ တွေလိုပဲ ငါ့မှာလည်း

ထုတ်မပြချင်တဲ့ Darkside အခြမ်းဆိုတာ
ရှိတယ်..။

ငါဟာ လူကောင်းတစ်ယောက် မဟုတ်သလို

သူများတွေ ပြောသလောက် ဆိုးရွားနေတဲ့
သူလည်း မဟုတ်ဘူး။

ဒါပေမဲ့ ငါ့ကို စိတ်ရင်းနဲ့ ချစ်ခင်ပေးတဲ့ သူ

တွေ အပေါ်မှာတော့ ငါပြန်ပေးတာလည်း
စိတ်ရင်းနဲ့ ချစ်ခြင်းပဲ။

ငါ့ကို ကြည့်မရတဲ့ သူတွေကတော့ ငါ့တုန့်ပြန်

မှုက တိတ်ဆိတ်လိုက်ခြင်းနဲ့ ဂရုမစိုက်ခြင်း
ပါပဲ။

ငါချစ်တဲ့ သူတွေအတွက် ငါကိုယ်တိုင်အတွက်

ငါဟာ ကြင်နာ နွေးထွေးတတ်ဆုံး လူသားအ
ဖြစ် စိတ်ရင်းနဲ့ ရှိနေမှာပါပဲ..။

ဖြူစင် အပြစ်ကင်း ပြနေဖို့လည်း မလိုအပ်ဘူး။
ထူခြားဖို့လည်းမလိုဘူး..။

အရာရာတိုင်းက ကံပါသလောက်ပဲ ကံပါသ
လောက်ပဲ ငါတို့ရှင်သန်ရမှာ။

ငါတို့ တွေ့ဆုံရမှာ မလို့ အနည်းဆုံးတော့

အတုအယောင် မဆန်ပဲ စစ်မှန်အောင် ငါနေ
ထိုင်ပါတယ်။

ချစ်သော💚💚💚

💚
Crd -7 လာဗန်ဒါပန်💚

10/09/2024

အဲဒါ ငါပဲ 😊😛😛

10/09/2024

ဖြစ်ချင်တဲ့ဆန္ဒလေးပါ။ ။

♥♥♥

တွေ့ဆုံ ၊ ကြုံကွဲ ၊ သေခွဲ ၊ ရှင်ကွဲ ဆိုသည့်
နိယာမတွေနဲ့ ထုံမွှန်းထားသည့်အခါ

တကယ်တမ်းကျ ဘဝဆိုတာ တိုတိုလေး
ရယ်ပါ။ ။

ဖြစ်နိုင်ရင် ပျော်ပျော်လေးနဲ့သာ
ဖြတ်သန်းချင်ခဲ့ပေမယ့် ကံဇာတ်ဆရာရဲ့

အလိုကျ အလိုက်တသိနဲ့ နေပေးရသည့်
ဘဝနေ့ရက်တွေ စိတ်ကုန် လူပမ်းပြီး

လောကအလယ်မှာ တရံတခါလေးတော့
လက်ခမောင်းခတ်ပြချင်မိတာပေါ့။

မျက်နှာသာ မရခဲ့တဲ့ဘဝမှာ ပျော်ရွှင်ခြင်းတွေ

နဲ့ ပေါ့ပေါ့ပါးပါး လွှတ်မြောက်ချင်မိသူ
ဆိုပေမယ့် ကျွန်တော် ကံမကောင်းခဲ့ပါဘူး။

နာကျင်မှုဒါဏ်ရာတွေနဲ့ တနင့်တပိုး
ဦးမော့ခွင့် မရခဲ့တာ ယနေ့ထိပါ။

စာနာခြင်းမဲ့သည့် လူသားတွေနှင့်သာ
ဘဝတစ်ကွေ့မှာ ဆုံခဲ့ရသည်မှာလည်း

ကျွန်တော့်ဘဝ၏ နှောင်းအတိတ်
ကံအကြောင်းကြောင့် စိတ်အတေနဲ့သာ

ကျွန်တော်လေ....မပျော်ခဲ့တာကြာပါပြီ။ ။

ချစ်သော❤❤❤

❤
Crd #ချစ်သောရင်ငြိမ်းပန်း❤

10/09/2024

♦️🔹🔸မိသားစုပိုင် ယာမြေတစ်ခုကို

ညီအစ်ကိုနှစ်ယောက် အတူတကွ လုပ်ကိုင်
ကြတယ်။

တစ်ယောက်က အိမ်ထောင်သည် သူ့
မိသားစုကကြီးသည် နောက်တစ်ယောက်က

လူပျိုလူလွတ်တစ်နေကုန် အလုပ်လုပ်ပြီးလျှင်
လယ်ယာထွက် သီးနှံများနှင့် ရောင်းချရသည့်

အမြတ်အစွန်းများကို ညီအစ်ကိုနှစ်ယောက် ညီတူညီမျှ ခွဲဝေယူကြသည်။

တစ်နေ့မှာတော့ တစ်ကိုယ်တည်းသမားက
စဉ်းစားတယ်။

" လယ်ယာထွက် သီးနှံတွေ အကျိုးအမြတ်တွေ
ကို ညီတူညီမျှ ခွဲဝေနေတာ မသင့်တော်ဘူး။

ငါကတစ်ယောက်တည်း သမား
ငါ့လို အပ်ချက်က နည်းနည်းလေး "

သည်လိုတွေးကာ ညတိုင်း သူ့စပါးကျီမှ
စပါးတစ်အိတ်ထမ်းကာ လယ်ကွင်းပြင်ကို

တိတ်တစ်ဆိတ် ဖြတ်သန်းပြီး သူ့အစ်ကို အိမ်
ကစပါးကျီထဲ သွားထည့် လိုက်တယ်။

သည်အတွင်း အိမ်ထောင်ရှင် အစ်ကိုကြီးက
လည်း စဉ်းစားတယ်။

" သီးနှံတွေ ဝင်ငွေတွေကို ညီတူညီမျှ ခွဲဝေယူ
နေရတာမမှန်ဘူး။

ငါက အိမ်ထောင်သည် ငါ့မှာ အသက်ကြီးတဲ့
အချိန် ပြုစုစောင့်ရှောက်ဖို့ မိန်းမရှိတယ်။

သားထောက် သမီးခံရှိတယ်။

ငါ့ညီမှာ တစ်ယောက်တည်း မမာရေး မကျန်း
ရေးဆိုရင် စောင့်ရှောက်ကြည့်မဲ့သူလဲ မရှိဘူး "

တွေးကာ ညတိုင်း စပါးတစ်အိတ်စီ ထမ်းပြီး
သူ့ညီ စပါးကျီထဲ သွားထည့်တယ်။

သည်လိုနှင့် နှစ်ချီ၍ကြာလာတယ်။

ကိုယ့်စပါးကျီထဲက စပါးတွေ ညစဉ် ထုတ်ယူ

နေပါလျှက် လျော့ နည်းသွားခြင်း မရှိသည်ကို
နှစ်ယောက်လုံးပင် စဉ်းစားမရ ဖြစ်နေကြတယ်။

တစ်ညမှာတော့ မှောင်နှင့် မည်းမည်း၌ ညီအစ်ကို နှစ်ယောက် ဝင်တိုက်မိကြတယ်။

သည်တော့မှပင် တစ်ယောက်ကို တစ်ယောက်

ကြည့်ကာ ဖြစ်ပျက်နေပုံ အလုံးစုံကို နှစ်ဦးသား
တွေ့မြင် သဘောပေါက် သွားကြတယ်။

စပါးအိတ်တွေ ပစ်ချကာ ညီအစ်ကို နှစ်ယောက်

တစ်ဦးကို တစ်ဦး တင်းတင်း ဖက်ထားမိကြလေသည်။

ဒီနေရာမှာ တစ်ခုလောက် ပြောချင်တာက
တချို့ တချို့သော မိသားစုတွေမှာ ညီအကို

မောင်နှမတွေ သိပ်ချစ်ကြ သိပ်သိတက်ကြတာ
တွေ တွေ့ဖူးပါတယ်။

သို့သော် အိမ်ထောင် ရက်သားတွေ ကျသွားတဲ့
အခါမှာတော့ တစိမ်း ဖက်လာကြတဲ့အခါ

အချင်းချင်း ချစ်တာတွေ သိတက်တာတွေ
လျှော့နည်း ၊ မတည့်ကျ ၊ တခါတလေ

စကားတောင် မခေါ်မပြော နိုင်တာတွေ
ရှိလာကျတယ်။

ဒါတွေဟာ မဖြစ်သင့်တဲ့ အရာတွေပါ။
တချို့ တချို့ သောသူတွေ ပြောတာပါ။

မိသားစုအားလုံး မဟုတ်ပါဘူး။
မြန်မာစကားပုံ တစ်ခုရှိပါတယ်။

" နွားကွဲရင် ကျားဆွဲမယ် " တဲ့။

ငယ်စဉ် အရမ်းချစ် အရမ်းသိတက်တဲ့
မိသားစုတွေ ၊ ညီအကို မောင်နှမတွေဟာ

အိမ်ထောင်တွေ ရှိလာရင် မိသားစုဝင်တွေ
တိုးလာတာပါဘဲ။

လူတွေတိုးလာတော့ ချစ်တာတွေ ၊ သိတက်
တာတွေ ၊ အချင်းချင်း တိုင်ပင်တာတွေ ၊

စည်းလုံးတာတွေ ပိုပြီးတိုးလာရမဲ့အစား ၊ အချင်းချင်း မညီမျှမူ့တွေ ၊ စိတ်ဝမ်းကွဲတာတွေ ၊

မခေါ်မပြော နိုင်တာတွေကို စိတ်မကောင်းစွာ
တွေ့လာရတယ်။

တကယ်ဆိုရင် အထက်က ညီအကိုနှစ်ယောက်
လို တွေးခေါ် စဉ်းစားတတ်ရင် မိသားစုတွေဟာ

တယောက်နဲ့ တယောက် ဘဝကို ပျော်ရွှင်
အဆင်ပြေစွာ ဖြတ်သန်း နိုင်ကျမှာပါ။

ကိုယ့်ရှေ့က လူရဲ့ တန်ဖိုးကို သိမှ
ကိုယ်တန်ဖိုးကို သိမှာ ဖြစ်ပါတယ်။

ချစ်သော💜💜💜

💜
Crd #ဖေမြင့်💜
Crd-To Original Writer💜
မေတ္တာဖြင့် တဆင့်_ပြန်လည်မျှဝေသည်။💜
လေးစားစွာဖြင့် 😏
Crd 🦚🦚🦚💜

10/09/2024

🎉မိုးလင်းလာရင် ဆူပူ အော်ဟစ်နေတဲ့
《အိမ်》မဖြစ်ရဘူး။

💥ဟိုဟာ▪︎▪︎▪︎မရှိဘူး ၊ဒီဟာ▪︎▪︎▪︎မရှိဘူး ကုန်ပြီ'
ဆိုတဲ့ အသံတွေ မထွက်ရဘူး။

ညနေကတည်း'က ဘာ ကုန်တတ်လဲ

အမြဲ စစ်တတ်တဲ့ အကျင့်'လုပ်ကာ
ကြိုဝယ်ထားပါ။

တချို့ အိမ်တွေက လူကြီးတွေ နဲ့ မိမိ
ကိုယ်တိုင်က ပွစိ▪︎▪︎▪︎ပွစိ လုပ်မိ နေတတ်တယ်။

သတိထား ပြုပြင်ပါ။

မထိန်းတတ်သေးရင် အိမ်အလုပ် တွေ

လုပ်ရင်း နဲ့《သံဗုဒ္ဓေ》(၁၀၈)ခေါက်
စိတ်ထဲကနေ ရွတ်ရင်း လုပ်ကြည့်ပါ။

ကလေး▪︎▪︎▪︎တွေ ငိုသံ မကြားရအောင်
ဂရုပြုပါ။

ကလေး'နိုးလာတာ နဲ့ စားဖို့ကို
ကြိုပြင်ထားပါ။

ဆော့စရာ'လေးတွေ ဘေးနားထားပါ။
ကလေး ရယ်သံလေးတွေ လွင်နေပါစေ။

《ဘုရား》သောက်တော်ရေ ကပ်ပါ။
《ဘုရား》ဝေယျာဝစ္စ လုပ်ပါ။

မေတ္တာ သုတ် တရားသံ တိုးတိုးလေး
ဖွင့်လိုက်ပါ။

နေ့စဉ် နေ့တိုင်း《ဘုရား》ကို
( ၅၀၀၀)ကျပ် ဝတ္ထုငွေ လှူပါ။

(လ)ကုန်ရင် ပြန်စွန့်ပြီး ဘုရား အတွက်
လိုတာဝယ်ပါ။

နေ့စဉ် အိမ်ရှေ့ဘက်ကို ဆန် လက်တစ်ဆုပ်
ပက်လိုက်ပါ။

ငှက်'ကလေး တွေကို ကုသိုလ် ပြုပါ။

မနက်ခင်းဆို အရှေ့ဘက်ကနေ
အနောက်ဘက်ကို တံမြက်လှည်းပါ။

ညနေခင်း မှာ အနောက်ဘက် ကနေ
အရှေ့ဘက် ကို တံမြက်လှည်းပါ။

ဖိနပ်အစုတ် ထီးအစုတ် ကျိုးပဲ့နေတာတွေ
《အိမ်》မှာ မထားရပါဘူး။

မီးဖိုချောင်မှာ မလိုအပ်တာ မထားပါနဲ့။

စားသလောက် ပန်းကန် အရေအတွက်ပဲ
ထားပါ။

အပိုတွေ ကို သိမ်းထားလိုက်ပါ။

လင် ၊ မယား စောစော စီးစီး စကား'
မများမိ ပါစေနဲ့။

မနက် မိုးလင်းမှာ ကုသိုလ်'တရား နဲ့
အစ'ပြုပါ။

(ည)အချိန်'မှာ ကုသိုလ်တရားနဲ့
အိပ်ရာ ဝင်တတ်အောင် နေပါ။

တစ်နေ့တာ ပြီးတိုင်း ဒီနေ့ ကောင်းမှု တစ်ခု
ဘာလုပ်ခဲ့သလဲ တွေးပါ။

မကောင်းတာ တွေ ဘာလုပ်မိလဲလို့
ဆင်ခြင်ပါ။

နောက်နေ့ ကုသိုလ်'တစ်ခု ပြုဖို့
အားစိုက်ပါ။

ခွေး လေးကို ထမင်း'ကျွေးတာလည်း
ကုသိုလ် ပါပဲ။

ငှက် လေးတွေကို ဆန်စေ့ ပက်ပေးတာလည်း
ကုသိုလ် ပါပဲ။

《ဂုဏ်တော်》ရွတ်မိတာလည်း ကုသိုလ်ပဲ။

《မိသားစု》ကို မေတ္တာနဲ့ ချက်ကျွေးတာလည်း
မွန်မြတ်လှတဲ့ ကုသိုလ်ပါပဲ။

ချစ်သော💖💖💖

💖
Crd #အရှင်'ဆန္ဒာဓိက(ရွှေပါရမီ▪︎▪︎▪︎တောရ)💖

10/09/2024

နေရာတကာ အလိုက်သိတာက ကောင်း

တယ်ဆိုပေမဲ့ တချို့အရာတွေကိုတော့
မသိချင်ယောင်ဆောင်တတ်ရတယ်။

ဒါမှစိတ်ချမ်းသာရမှာပါ။

သင်မရှိရင် မဖြစ်ဘူးဆိုတာ လောကမှာ
မရှိဘူး။

နေအလင်းရောင် တစ်ခုတည်းနဲ့ ကမ္ဘာကြီး

လင်းနေရင် ညဆိုတာ ဖြစ်လာမှာ
မဟုတ်ဘူး‌လေ။

ဘဝမှာ နေရာတကာ လိုက်ပြီး တွေးပေးနေ
ရင် ကိုယ်ပဲ ပင်ပန်း ရလိမ့်မယ်။

လွှတ်ချသင့်တဲ့ အရာတွေကို လွှတ်ချတတ်
အောင်သင်ယူပါ။

ဆွဲထားသမျှ ပူလောင်နေရင် အဲ့ဒီရပ်ဝန်းမှာ
ကြာကြာမနေနဲ့။

မလိုအပ်တော့ဘူး ဆိုရင် သိသာစွာပြောင်းလဲ
တတ်တာ လူ့သဘာဝပါ။

ဒါကြောင့် မှန်နေရင်တောင် မငြင်းနဲ့။
တိတ်ဆိတ်နေခြင်းကပညာပါ။

မြင်နေရင်တောင် မပြောပဲနေရမဲ့ အနေထား
ဆိုရင် မသိ‌ချင်ယောင် ဆောင်ထားလိုက်ပါ။

တချို့တွေက စေတနာရဲ့တန်ဖိုးကို နားလည်
မှာ မဟုတ်ဘူး။

ဘဝမှာ အများကြီးပေးလို့ အများကြီး ပြန်ရ
တာဆိုလို့ မေတ္တာပဲရှိတယ်။

ဒါပေမဲ့ မေတ္တာနဲ့ မထိုက်တန်တဲ့ သူကို ပေးမိ
တဲ့အခါ ပြန်ရတာက နောင်တဆိုရင် အဲ့ဒီ

နောင်တအပေါ် ဒေါသဖြစ်ခြင်းကြောင့် ပေး
သမျှလမေတ္တာတွေက ဒဏ်ရာအဖြစ် ပြန်ရမဲ့

အတူတူ မသိချင်ယောင်ဆောင်လိုက်တာက
ပိုအေးချမ်းပါတယ်။

ချစ်သော💖💖💖

💖
Crd #ဆရာအောင်သင်း🙏🙏🙏💖

10/09/2024

ဘာသာရေးနဲ့ ပတ်သက်ပြီး မသိသေးတာ

ကို သိအောင်လို့ ပြောပြ ရေးပြ တာဟာ
သာသနာ ပြုတာပဲ။

ကိုးကွယ်မှုနဲ့ ပတ်သက်ပြီး လမ်းကြောင်းမှား

ကို လမ်းကြောင်းမှန် နဲ့ အစားထိုးပြတာ
ရေးပြတာ ကလည်း သာသနာ'ပြုတာပဲ။

သံသရာရေး နဲ့ ပတ်သက်ပြီး《ဒုက္ခ》

ရှည်မယ့်သူ ကို《ဒုက္ခ》တိုအောင်
ဟောပြ ရေးပြတာလည်း သာသနာ'ပြုတာပဲ။

🛎မြတ်စွာဘုရား ရဲ့ တရားတော်တွေနဲ့ ဝေး
သွားရင် တော်ပေမယ့်လည်း မိုက်တတ်တယ်။

ကျော်သော်လည်း ချော်တတ်တယ်။
စွမ်းသော်လည်း မှားတတ်တယ်။

ဒါ့ကြောင့် ဘာသာရေး'အသိ ကို
ရေးပြတာလည်း သာသနာ'ပြုတာပဲ။

အများကြီး ဖတ်ကြ သိကြလိမ့်မယ်လို့
မမျှော်လင့်နဲ့။

စာ'ကောင်း ကို လူကောင်းပဲ ဖတ်နိုင်တာ။

ဘုရားရှင်ရဲ့ တရား'ဆိုတာ ဘုန်းကံ ရှိသူတွေပဲ
တွေ့ခွင့်ရကြတာ။

💥《အသိ》တစ်လုံး တိုးဖို့ဆိုတာ က
သာမာန် လူတွေ အတွက် မလွယ်ဘူး။

ဉာဏ်လျင်'ဉာဏ်ယှဉ် မှ ရနိုင်တာ။
ဒါ့ကြောင့် တန်ဖိုးရှိတဲ့ စာတွေကို ရေးပါ။

သံသရာ'ခရီး အတွက် များစွာ မှ
အားကိုးရစေပါတယ်။

ချစ်သော💙💙💙

💙
ကျေးဇူးတော်ရှင် 💙
🛎《မင်းကွန်း》💙
ဆရာတော်ဘုရားကြီး၊💙

10/09/2024

ရင့်ကျက်သွားတဲ့အခါ ..

အရင်တုန်းက တစ်ခုခု ဒေါသထွက်ရင်
ချက်ချင်း မစဉ်းစားပဲ ပြန်ပြော၊ ပြန်လုပ်

တတ်ပေမယ့် အခုတော့ နှုတ်ဝရောက်နေ
တဲ့ စကားလုံးအချို့နဲ့ ပေါက်ထွက်တော့မဲ့

ဒေါသတွေကို အချိန်မီ ပြန်မျိုချ တတ်လာ
တယ်။

အရင်တုန်းက သူများဝေဖန်ရင် အိပ်ရေး
ပျက်တဲ့အထိ ခံစားတတ်ပေမဲ့ အခုတော့

တစ်ဖက်နား ကဝင်ပြီး အခြားတစ်ဖက်က
ထွက်သွားတယ်။

အရင်တုန်းက ရင်ဘတ်ထဲက ခံစားတာတွေ
ကို ဦးစားပေးခဲ့ပြီး အရူးကြီး တစ်ယောက်လို

ဖြစ်ပေမဲ့ အခုတော့ နှလုံးသားကို ခဏအနား

ပေးပြီး ဦးနှောက်ကိုပဲ ပိုမျက်နှာသာ ပေးမိ
တယ်။

အရင်တုန်းက လူတစ်ယောက်ကို လွယ်လွယ်
ကူကူ ယုံကြည်တတ်ပေမဲ့ အခုတော့အချိန်

အတိုင်းအတာ တစ်ခုအထိ စောင့်ကြည့်ပြီးမှ
ယုံတတ်လာတယ်။

အရင်တုန်းက ချစ်ရင် ချစ်တယ်။

မုန်းရင်မုန်းတယ် နေလို့ရခဲ့ပေမဲ့ အခုတော့
မုန်းတဲ့လူကိုပြုံးပြပြီး ချစ်တဲ့လူကို ဥပေက္ခာ

ပြုတဲ့ အလေ့အကျင့်တွေလဲ ပိုင်ဆိုင်လာ
တယ်။

အမှန်တိုင်းပြောရရင် ငယ်စဉ်က စိတ်ထဲရှိသ
လို နေရတဲ့ ဘဝလေးကို သတိရတယ်။

ဒါပေမယ့်"ရောမ"ရောက်ရင် "ရောမသား"တွေ

လိုကျင့်ကြံရတယ် ဆိုတဲ့ စကားပုံအတိုင်း အသက်အရွယ် နဲ့အတူ ပြောင်းလဲလာရတယ်။

အမှားတစ်ခုစီက သင်ခန်းစာတွေ ပေးခဲ့တယ်။

အချို့အမှားတွေက ပြင်းထန်လွန်းလို့ အမာ
ရွတ်တွေ ကျန်ခဲ့တယ်။

ဒါပေမယ့် အဲ့ဒီအမာရွတ်တွေကို ဆုတံဆိပ်တွေ
လို ဂုဏ်ယူစွာ တပ်ဆင်ထားတယ်။

ဘယ်လောက် ရွတ်ရွတ်ချွံချွံ တိုက်ခိုက်ခဲ့ပြီး

ဒီအခြေအနေထိ ရောက်လာလဲ ဆိုတာကို ဖော်
ပြနေတဲ့ အမှတ်အသားတွေမို့ တန်ဖိုးထားတယ်။

အသက်ကြီးလို့ လူကြီးဖြစ်တာထက်၊ အသိကြီး
လို့ လူကြီးဖြစ်တာက ပိုကောင်းပါတယ်။

ချစ်သော💖💖💖

💖
Crd #မူရင်းရေးသားသူ 💖

10/09/2024

"ကိုယ်ချင်းစာ တရားသာ
လက်ကိုင်ထားမယ် ဆိုရင်

ဘယ်သူ့အပေါ်မှာ မှ
နားလည် မပေးနိုင်စရာ

ခွင့်မလွှတ်နိုင်စရာ
မရှိတော့ဘူးပေါ့။

ဒါကြောင့် နားလည်မှုနဲ့
ခွင့်လွှတ်မှု ဆိုတာ

ကိုယ်ချင်းစာတရား
အားကောင်းသူတွေရဲ့

နှစ်သက်မြတ်နိုးဖွယ်ရာ
အဖိုးတန် ရတနာတွေပါပဲ။"

ချစ်သော💙💙💙

💙
#အရှင်ဆန္ဒာဓိက 💙
{ရွှေပါရမီတောရ}🌼🙏🙏🙏💙

10/09/2024

ခုနောက်ပိုင်း ဘယ်သူ့ကိုမှ လိုတာထက်
သံယောဇဉ် မထားဖြစ်တော့ဘူး ။

ဘယ်ဆက်ဆံရေးပဲဖြစ်ဖြစ်

အထိအရှနည်းအောင်
မှန်တစ်ချပ်လို ပြုမူဆက်ဆံတယ်။

မဟုတ်ရင် တိတ်ဆိတ်မှုကိုပဲ
ရွေးချယ်လိုက်တယ် ။

စိတ်ကိုရော ဘဝကိုရော
လွတ်လပ် ပေါ့ပါးအောင် ထားတယ်။

ဘယ်သူ့ကြောင့် ၊ ဘာအတွက်ကြောင့်မှ
စိတ်ကို အပင်ပန်းမခံဘူး ။

ဘယ်သူ အကြောင်းကိုမှ စိတ်မဝင်စားဘူး။
ဘယ်သူ့ကိစ္စကိုမှ ဝင်ရောက်မစွက်ဖက်ဘူး ။

ဒါကြောင့် ဘယ်သူကမှ ကိုယ့်ကို အမိန့်ပေး
လို့မရဘူး ။

ဘယ်သူကမှ ကိုယ့်ကို မထိန်းချုပ်နိုင်ဘူး ။
ကိုယ့်ဘဝကို ကိုယ် ပိုင်တယ် ။

အမှားနဲ့အမှန်ကို ခွဲခြားနိုင်တဲ့ ဦးနှောက်ရှိတယ် ။
လူတွေအကြောင်း ပိုသိလာလို့ ထင်ပါတယ် ။

တစ်ယောက်တည်း ရှင်သန်ရတာ

အထီးကျန်ဖို့ မတွေးအားတော့တဲ့အထိ
ကိုယ် ရှင်သန်တတ်လာတယ် ။

ချစ်သော🌻💛💛💛

💛
Crd #ဖားစည်ရည်ကျော်💛

10/09/2024

ငါ့ကိုယ်ငါ ဂုဏ်ယူမိတယ် ။

ရှင်သန်ဖို့ ခက်ခဲနေပြီဆိုတဲ့ နေ့ရက်တွေကိုလည်းကောင်းကောင်း ဖြတ်ကျော်နိုင်ခဲ့တယ်။

နာကျင်စရာ ကိစ္စတွေကိုလည်း ငါ့ကိုယ်ငါ
ထွေးပွေ့ရင်း ရင်ဆိုင်နိုင်ခဲ့တယ်။

မျှော်လင့်ချက်တွေ ၊ အနာဂတ်တွေ
ဝေဝါးနေလည်း အားမလျော့ဘူး ။

ပြိုလဲစေချင်ကြတဲ့ လူတချို့

လက်လျော့ရလောက်တဲ့အထိ
ငါဟာ သန်မာနေခဲ့တယ် ။

ဘယ်လောက်ပဲ မှောင်မိုက်နေပါစေ။

သေးငယ်တဲ့ အလင်းရောင်ကအစ
ငါ ရှာဖွေနေဦးမှာပဲ။

ပင်ပန်းလွန်းရင် ခဏတာငိုပြီး
ခေါင်းပြန်မော့နေဦးမှာပဲ။

လဲကျဖို့ ငါ့ကိုယ်ငါ ခွင့်မပြုသရွေ့
ငါဟာ အမြဲသန်မာနေဦးမှာပဲ ။ ။

ချစ်သော❤❤❤

❤
Crdr ❤

10/09/2024

``အရင်လို မအတော့ဘူး´´

ပြုံးပြသလိုလိုနဲ့ ဖုံးထားတဲ့ မဲ့ပြုံးတွေကို
မြင်အောင် ကြည့်တတ်နေပြီ။

ပေးကျွေးသလိုလိုနဲ့ ဖွက်ထားတဲ့ လိုသုံး
မျက်လုံးတွေကို မြင်အောင် ဖတ်တတ်နေပြီ။

ခင်မင်သလိုလိုနဲ့ ဝှက်ထားတဲ့
ဓားတွေကို မြင်အောင် ကြည့်တတ်နေပြီ။

ချီးကျူးသလိုလိုနဲ့ လှောင်ပြောင်တဲ့
အသံတွေကို သိအာင် ခွဲခြားတတ်နေပြီ။

တချို့လူတွေကို မုန်းလို့ မပေါင်းတာ
မဟုတ်ဘူး။

မကြည်လို့ မခေါ်မပြောတာ မဟုတ်ဘူး။
မနာလိုလို့ မပြုံးပြတာ မဟုတ်ဘူး။

သူတို့ပေးတဲ့ သူတို့အကြောင်း သူတို့သင်

ခန်းစာတွေကို သင်ယူတတ်မြောက်ပြီး
ဥပေက္ခာပြုတတ်သွားတာပါ။

ချစ်သော💜💜💜

💜
Crd_to_owner_with_respect💜

10/09/2024

မိစုံဖစုံကို

ဦးချ နေရသေးတဲ့

ခင်ဗျား ဘဝလေးကို

အရမ်းအားကျတယ် ။

ကျွန်တော့်မှာ

ဖေဖေ မရှိတော့ဘူးလေဗျာ ။ ။

ချစ်သော💚💚💚

💚
Crd #ညရှင်💚
#ဖေဖေ့အတွက်မှတ်စု💚

10/09/2024

သားသမီး(၁ဝ)ယောက်ကိုရှာဖွေကျွေးမွေး

ခဲ့တဲ့ အချိန်မှာ ပင်ပန်းဆင်းရဲတယ်ဆိုပြီး
အမေ မငိုခဲ့ပါဘူးကွယ်။

အခုလို အိုမင်းမစွမ်းဖြစ်တဲ့အချိန်မှာသား

သမီးတွေရဲ့စွန့်ပစ်မှုကို ခံလိုက်ရတော့
အမေ ငိုနေရပါပြီ။

သားသမီးတွေ ရှေ့ရေးအတွက်နိမ့်ကျတဲ့

အလုပ်တွေကိုလုပ်ခဲ့ရတုန်းကအမေ မငိုခဲ့
ပါဘူးကွယ်။

အခုလို သားသမီးအရင်းတွေကစွန့်ပစ်သွား
တဲ့ အမေ့ကို ဘာမှမတော်စပ်တဲ့သားသမီး

အရွယ်လေးတွေက ထမင်းကျွေးတဲ့အခါ
အမေ ငိုနေရပါပြီ။

သား သမီးတွေအတွက်အလုပ်လုပ်ရင်း

သူတစ်ပါး နှိမ့်ချ ပြောဆိုအော်ငေါက်ခံရ
လို့ အမေ မငိုခဲ့ပါဘူးကွယ်။

သားသမီးတွေ အမေ့ကို ပြန်အော်ငေါက်တဲ့
အခါမှာတော့ အမေ ငိုနေရပါပြီ။

သား သမီးတွေရဲ့ ဘဝကိုအမေ့ရဲ့မေတ္တာ
တွေနဲ့အေးမြစေခဲ့ပြီး နွေးထွေးလုံခြုံမှုတွေ

ပေးနိုင်တဲ့ အချိန်မှာငြူဆူပြီးအမေ မငိုခဲ့ပါ
ဘူးကွယ်။

အမေ အိုမင်းမစွမ်းတဲ့အချိန်မှာတော့သား
သမီးတွေရဲ့မေတ္တာနွေးထွေးမှု မပြောနဲ့ အ

ပေါ်ယံ အနွေးထည်အင်္ကျီလေးတစ်ထည်

တောင် မရတော့ဘဲစွန့်ပစ်ခြင်းခံရတဲ့ အ
ချိန်မှာတော့ အမေ ငိုနေရပါပြီကွယ်။

သားတို့ သမီးတို့ရေတံမြက်စည်းဆိုတာအ
မှိုက်တွေကို ရှင်းလင်းဖယ်ရှားပေးပြီးသန့်

စင်စေခဲ့ပေမဲ့အဲဒီတံမြက်စည်းလေး အို
ဟောင်းလို့အသုံးမဝင်တဲ့အချိန်မှာတော့

သူကိုယ်တိုင်အမှိုက်ဘဝကို ပြန်လည်
ရောက်ရှိသွားပြီး စွန့်ပစ်ခံရပါတယ်။

မိဘဆိုတာလည်းသားသမီးတွေရဲ့ဘဝမှာ
တိုးတက်လမ်းပိတ်စေမယ့်အမှိုက်တွေကို

ရှင်းလင်း ဖယ်ရှားပေးပြီး သား သမီးတွေ

ရဲ့ ဘဝခရီးကိုသန့်စင်အောင် စွမ်းဆောင်
ပေးခဲ့သူပါပဲ။

ဒါပေမဲ့မိဘဆိုတာ.တံမြက်စည်း မဟုတ်ပါ
ဘူးကွယ်။

အိုမင်းမစွမ်းလို့အသုံးမဝင်တဲ့အခါမှာအမှိုက်

တစ်ခုလိုသဘောထားပြီးအလွယ်တစ်ကူ မ
စွန့်ပစ်မိကြပါစေနဲ့။

မိဘတွေက ကိုယ့်သား သမီးတွေအပေါ်မှာ
အပြစ်မယူဘဲ နားလည်ခွင့်လွှတ်နိုင်ပေမဲ့

ငါ့သားတို့ ငါ့သမီးတို့ကိုယ်တိုင်

တစ်နေ့မှာ အဲဒီတံမြက်စည်းနေရာ
ပြန်ရောက်သွားမှာ စိုးရိမ်မိလို့ပါကွယ်..။

ချစ်သော💙💙💙

💙
Crd #မူရင်းရေးသားသူ 💙
Crd #မုဒုံပြည်သူ့စာကြည်တိုက်💙

10/09/2024

ငွေကလွဲပြီး ကျန်တာ "ဘာမှမရှိတဲ့လူ
မဖြစ်စေနဲ့တဲ့ " အဖေကပြောတော့

" ဟုတ်ကဲ့ " လို့သာ ပြောခဲ့တာ သူဘာ
ကို ဆိုလိုလဲ သဘော မပေါက်ခဲ့ဘူး။

အသက်ကြီးလာတော့ လူပေါင်းစုံနဲ့ ကြုံ
ရ ဆုံရ ဆက်ဆံရတော့မှ ငွေကလွဲပြီး

ဘာမှမရှိတဲ့ လူတွေအကြောင်း သိလာ
ရတယ်။

လူ့အသိုင်းအဝိုင်းအတွက်အရေးကြီးတဲ့..
" ရိုးသားမှု " တွေ

" မေတ္တာတရား " တွေ
" ကိုယ်ချင်းစာတရား " တွေ

" သနားကြင်နာမှု " တွေ

ဘာဆို ဘာမှမရှိဘူးဆိုရင် အဲ့လူဟာ တ
ဘဝစံသာဖြစ်၍ လူဖြစ်ရှုံးပါပြီ ။

" လောကမှာ ကြောက်စရာ အကောင်းဆုံး
လူက ငွေကလွဲပြီးကျန်တာ ဘာမှမရှိတဲ့ အဲ

ဒီလို လူမျိုးတွေပါဘဲ " အဲဒီလိုလူတွေ တွေ့
ရင် အဝေးဆုံးက ရှောင်ပါ။

ငွေကော ကျန်တဲ့အရာတွေပါ
ရှိနေရင်တော့ အကောင်းဆုံးဘဲပေါ့။

ငွေကော ၊ မေတ္တာတရားကော ကိုယ်ချင်း
စာတရားပါ။

ထားနိုင်သူများ ဖြစ်နိုင်ကြပါစေ။

ချစ်သော💛💛💛

💛
Crd #မူရင်းရေးသားသူ💛

10/09/2024

#ကြယ်ငါးကောက်သူများ
~~~~~~~~~
***************

တစ်ခါတုန်းက အဘိုးအို တစ်ယောက်ဟာ

မနက်တိုင်း မနက်တိုင်း ကမ်းခြေတစ်
လျောက်မှာ လမ်းလျောက် လေ့ရှိတယ်တဲ့။

တစ်နေ့တာ လုပ်ငန်းတွေကို မစတင်ခင်မှာ

ဒီလိုမျိုး လမ်းလျောက်ရတာလည်း အကျင့်
တစ်ခု ဖြစ်နေသတဲ့လေ။

တစ်ခုသော ညမှာတော့ အဘိုးအိုလျောက်

လေ့ရှိတဲ့ ကမ်းခြေတစ်လျောက်မှာ မိုးသက်
မုန်တိုင်းကြီး ကျပါလေရော။

အဲ့ဒီ မုန်တိုင်းကြီးပြီးတော့ နောက်တစ်နေ့

ရောက်တဲ့အခါ အဘိုးအိုလည်း ထုံးစံမပျက်
ကမ်းခြေမှာ လမ်းလျောက်ပါတယ်။

ဒါပေမဲ့ အဲ့ဒီမနက်ခင်းမှာတော့ မြင်ရတဲ့

မြင်ကွင်းတွေဟာ ခါတိုင်းနေ့တွေနဲ့ မတူ
တော့ပါဘူး။

ပတ်ဝန်းကျင် တစ်ခုလုံး အုပ်မှိုင်းမှိုင်းဖြစ်ပြီး
ကြည်ကြည်လင်လင် မရှိလှဘူး။

ထူးခြားတာ တစ်ခုကတော့ ကမ်းခြေတစ်ခု

လုံးမှာ မုန်တိုင်းနဲ့လအတူပါလာတဲ့ ကြယ်ငါး
လေးတွေ ပြန့်ကျဲ နေပါတော့တယ်။

အဘိုးအိုလည်း လမ်းဆက် လျောက်လာရင်းနဲ့

တစ်နေရာ အရောက်မှာတော့ ထူးခြားမှု တစ်ခု
ကို သတိပြုမိပါတယ်။

အရမ်းကိုဘငယ်ရွယ်လှတဲ့ ကောင်လေးတစ်ယောက် အားကြိုးမာန်တက်နဲ့ကို ကမ်းခြေမှာ

သောင်တင် နေတဲ့ ကြယ်ငါးတွေကို ပင်လယ်

ပြင်ဆီကို ကောက်ယူ သယ်ဆောင် သွားပေး
နေတာပါ။

အဘိုးအိုလည်း စိတ်ဝင်စားသွားပြီး ကောင်

လေးရဲ့ လှုပ်ရှားမှုတွေကို စောင့်ကြည့်နေ
လိုက်တယ်။

အတော်အတန်ကြာတဲ့အထိ ကောင်လေးဟာ
ကြယ်ငါးတွေကို နိုင်သလောက် သယ်သွား

လိုက် ၊ ပင်လယ်ထဲ လွှတ်ပေးလိုက် ၊ နောက်

တစ်ခေါက်ပြန်လာလိုက်နဲ့ ၊ အလုပ်ရှုပ်နေပါ
တော့တယ်။

နောက်ဆုံး အဘိုးအိုလည်း မနေနိုင်တော့တာနဲ့
ကောင်လေးကို ဖွင့်ဟ မေးလိုက်ပါတယ်။

"ကောင်လေး....မင်းဘာလုပ်နေတာတုန်း"

"ကျွန်တော် ကြယ်ငါးလေးတွေကို ယူပြီး
ပင်လယ်ထဲကို လွှတ်ပေး နေတာပါ"

"ဘာလို့ အဲ့ဒီလိုလုပ်နေတာတုန်း"

"ခဏနေလို့ နေမြင့်လာရင် ကမ်းခြေမှာရှိတဲ့
ကြယ်ငါးတွေ အားလုံး သေကုန်ပါလိမ့်မယ်။

အဲ့ဒါကြောင့် သူတို့ကို ပင်လယ်ပြင်ဆီ ပြန်
ရောက်အောင် လွှတ်ပေး နေတာပါ။"

ကောင်လေးရဲ့အဖြေစကားကို ကြားတော့
အဘိုးအို သဘောကျစွာ ပြုံးမိတယ်။

"ကမ်းခြေမှာ ကြယ်ငါးလေးတွေ ဒီလောက်

တောင် များနေတာကွာ မင်းဘယ်လိုလုပ် ကုန်အောင် လွှတ်ပေးနိုင်မှာတုန်း"

"ကမ်းခြေမှာရှိတဲ့ ကြယ်ငါးတွေ အားလုံးကို
လွှတ်ပေးဖို့ကတော့ မဖြစ်နိုင်ပါဘူး။

ဒါပေမဲ့ ကျွန်တော် လက်လှမ်း မှီသလောက်
တော့ လွှတ်ပေးလို့ ရပါတယ်။

အနည်းဆုံးတော့ ကျွန်တော်ဘလွှတ်ပေးခွင့်
ရမယ်။

ကြယ်ငါးလေးတွေဟာ ဒုက္ခကနေ လွတ်

မြောက်ပြီး ပင်လယ်ပြင်ထဲ ကူးခတ်ရှင်သန်
ခွင့်ရမယ်ဆိုရင် ကျေနပ်ပါပြီ။"

ကောင်လေးရဲ့စကားကို ကြားရတော့ အဘိုး
အို မှင်သက် သွားမိတယ်။

နောက်ပြီး သတိတစ်ခုလည်း ဝင်သွားတယ်။

လောကမှာ လူတိုင်းကိုကူညီဖို့ဆိုတာ မဖြစ်
နိုင်ဘူး။

လူတိုင်းကို လမ်းမှန်ရောက်အောင် လုပ်ဖို့ဆို
တာလည်း မဖြစ်နိုင်ဘူး။

လူတိုင်းကို စောင့်ရှောက်ဖို့ ဆိုတာလည်း မ
ဖြစ်နိုင်ဘူး။

ဒါပေမဲ့ လက်လှမ်း မှီသလောက် လူတွေကို
တော့ ကူညီလို့ ရတယ်။

လမ်းမှန် ရောက်အောင် လုပ်လို့ ရတယ်။
စောင့်ရှောက်လို့ ရတယ်။

လောကရဲ့အကျိုးအတွက် နိုင်သလောက်ဝန်

ကို နိုင်သလောက်အားနဲ့ ထမ်းနေတဲ့ သူတွေ
တိုင်းဟာ ကြယ်ငါး ကောက်သူတွေပါပဲ။

ကြယ်ငါးလေးတွေကို နိုင်သလောက် လက်
လှမ်းမှီသလောက် ကောက်ကျရအောင်လား။

ဆရာဖေမြင့်ရဲ့ နှလုံးသားအဟာရများ
စာအုပ်မှ...

ချစ်သော💖💖💖

💖
Crd PonLa💖
Crd_to_owner_with_respect 💖🌹
#မူရင်းရေးသားသူအား လေးစားစွာ credit
ပေးပါတယ်ရှင့် 🌹💖
#စာပေချစ်မြတ်နိူးသူများအားလုံးကိုလေးစားလျက် 🙆🏻💖
#ချစ်မိတ်ဆွေများအားလုံးကျန်းမာပျော်ရွှင်
သောနေ့ရက်လေးများကိုပိုင်ဆိုင်နိုင်ကြပါစေ
ရှင် 🙏🏻🌹 💖

#မေတ္တာဖြင့်မျှဝေသူ

Tin Nilar Aung