Bogga geeraarada

Home
Somalia
Mogadishu
Bogga geeraarada

Diiwaanka qisooyinka xaqiiqda ah
(22)

kaga bogo boggan qisooyin dhab ahaan udhacay oo aan qaab qoraal ah usoo gudbinno si ay madadaalo iyo cibraba ugu noqoto qof walba oo aqrista mahadsanidiin.

05/07/2024

Ninkii mursal ahaa oo xiisadiisii sumayo awgeed usoo dayacay ayaa tegay halkii uu kula balansanaa in cabaar ah oo uu sugay ayuu waayay cid usoo socota waxa uuna isku qanciyay in dumarku ay caado u tahay inay kasoo dib dhacaan ballanta sidaa awgeedna uu iska sii sugo daqiiqado kale laakin waxa uu mar qura kalu war helay shaqarta telkiisa markiiba wuu qabtay waxayna noqotay sumaya oo ka raali gelineysa inaysan iman karin sababo xaga waalidka ah awgood mursal oo ka xumaaday arrinkaa maadaama uu darteed useegay xisadiisii ayaanse umuujin dareenkiisa asagoo si quman uga aqbalay raali gelinta gurigiisii ayuuna isaga laabtay.

Sumaya oo qolkeedii isaga jiifsatay ayadoo niyad jabsan maadaama uu qorshaheedii fashilmay ayaa waxa qolka ugu soo gashay walaasheed saamiya oo ku diganeysa ayadoo si aan toos aheyn ugu dhago hadleysa maadaama ay col ahaayeen ayey ku dhawaaqday in la kulanka wiilasha hooyadood canjeerada ka suga ay dhaanto in guriga la iska fadhiyo sumaya oo ereyadaa aad uga gubatay ayaase dareenkeeda xakameysay oo aan wax jawaab ah ka bixin dhaga hadalkii walaasheed laakin saamiya ayaa dhibsatay aamusnaantaa maadaama ujeedka ay dhaga hadalka ka laheydba uu ahaa inay jawaab hesho ayaa mar kale si jees jees ah uga dhawaajisay inay leedahay awood ay ku fashiliso qorshayaasha qof walba oo ayada cadow ka dhigta sumayo oo markaa uun ku baraarugtay in qofta hooyo arrinka gaarsiiyay misana ku dirtay ay ayada tahay mar kale ayeyna dib uliqday caradeeda wax falcelin ahna ma aysan ka bixin.

Saamiya oo uu hadafkeedu ahaa inay ka careysiiso walaasheed ayaa ugu dambeyn isla ayadii ka carootay jawaab la'aantii sumaya inta ay is celin kari weyday ayeyna si toos ah markan uweydiisay halka ay usocotay ee ay ulabisatay maadaama ay garaneyso dabeecadeeda isla markaana aysan jirin gabar ayada saaxiib la ah oo aagooda degan sumayo oo ku qasban markan inay jawaabto maadaama si toos ah su'aasha loo weydiiyay ayaa ugu jawaabtay walaasheed inay iskala weyn tahay in siraheeda iyo arrimaha ugaarka ahba ay la wadaagto dadka qaar ee rufiyaanada ah saamiya oo ay jawaabtaasi aad uga sii careysiisay ayaa dagaal iyo gacan ka hadal bilowday laakin hooyadood ayaa markiiba kusoo carartay oo kala qabatay ayadoo weydiisay waxa ay isku dagaalayaan.

Saamiya oo hadalka la hormartay ayaa ugu jawaabtay hooyadeed in gabadhaa sumayo ah ay runta ka sheegto halka ay usocotay sumayo ayaa ayadoo garnaqsaneysa hooyadeed usheegtay in amarkii ahaa inaysan guriga ka bixin ay fulisay sidoo kalena ay goor h**eba sheegtay inay usocotay gabar saaxiibteed ah ayadoo qolkeeda iska fadhidana ay saamiya la dul timid dhago hadal iyo waxaan loo joogin gacan ka hadalkana ay ayadu billowday saamiya oo iska difaaceysa eedda loo soo jeediyay ayaa hooyadeed ka dhex gashay hadalka kuna war gelisay inay ayadu tahay qofka qaldan wax ka quseeya halka ay aadi rabtayna aysan jirin sidaa awgeedna ay faraha ka qaado haddii ay dib dambe buuq umaqashana ay ayada masuul ka tahay saamiya oo caradii ay ugu sii darsantay in wixii dhacay eeddooda ayada dusha loo saaray ayaa isaga baxday qolka.

Subixii xigay ayaa sidii caadada aheyd la isugu yimid iskuulka qoftii sumayo aheyd ayaana la kulantay mursal si ay mar kale uga raali geliso ka baaqsiga kulankii ay ku balansanaayeen balse mursal ayaa usheegay inuu ku raali noqonayo in isla markaaba ay usheegto ujeedkii ay ka laheyd kulankaas sumayo oo garan la' qaab ay wax ugu sheegto iyo meel ay hadalka uga billowdo ayaa ugu dambeyn ayadoo arrinka ka dhigeysa mid saaxiibteed quseeya usheegtay inuu jiro wiil ay saaxiibteed isla socdaan isla markaana ay dareensan tahay inuu qiyaameynayo balse saaxiibteed ay ka dhaadhicin weyday sidaa awgeedna ay ka dooneyso inuu ka caawiyo sidii ay saaxiibteed utusin laheyd wejiga dhabta ah ee wiilkaas maadaama ay rag isla yihiin si fududna uu ku fahmi karo.

Mursal ayaa ugu jawaabay in arrinku uu sahlan yahay nin sirtiisana ay naag uun heli karto sidaa awgeedna ay ciwaan kale sameystaan halkaana ay ka shukaansadaan sumayo ayaa ugu jawaabtay in ay sidaa sameysay balse ay ku adkaatay inay dareenkiisa soo jiidato mursal ayaa usheegay in si ay dareenkiisa uhanato ay profileka saarato sawirka gabar qurux badan la hadalka badanna ay ka yareyso maadaama wiilashu aysan jecleyn gabdhaha daba carara statuskana ay mar walba sawir shidan soo saarto ilaa uu ugu dambeyn shabaq ugu soo dhoco sumayo ayaa aad ula dhacday taladii mursal wayna umahad celisay ayadoo usheegtay inay la socodsiin doonto hadba wixii soo kordha wixii talo iyo tusaale ahna uu mar walba ku biiriyo.

Sumayo ayaa isla maalinkiiba qorshihii ku dhaqaaqday balse waxa cabad ku noqday sawiradii ay isticmaali laheyd maadaama ayada iyo walaasheed ay isu weji egyihiin arrinkuna uu fashil noqonaayo haday sawirkeeda isticmaasho laakin si deg deg ah ayey xal uheshay oo waxaa jirtay gabar saaxiibteed ah oo si joogto ah sawiradeeda baraha bulshada usoo dhigi jirtay waxa ayna billowday inay kasoo xulato sawirada ugu quruxda iyo soo jiidashada badan ee saaxiibteed weyna isticmaashay ayadoo saaratay profileka ciwaankeedii qarsoodiga ahaa iyo statuskaba waqti badanba k**a soo wareegan jeer uu cabaas eegay statuskii ay dhigtay laakin nasiib darro wax faallo iyo fal celin ah k**a uusan bixin taasoo niyad jab ku noqotay sumayo.

Arrinkii ayeyna la wadaagtay mursal wuxuuna ugu jawaabay inay samir yeelato oo ay deg degga iska deyso dhowr maalinna ay sidaa ku waddo sababta uu la aamusayna ay tahay maadaama ay hadalka ka badisay uuna uheysto in asaga loo baahan yahay wuxuuna kula taliyay in sawirada ay raaciso qoraalo muujinaya sida inay wiil kale xiriir la leedahay si uu udareemo in laga maarmay isla markaana uu tartanka ugu soo biiro sumayo ayaa mar kale la dhacday fikraddii mursal sidii ayeyna yeeshay ayadoo maalinkaa ka dib sawir walba ay statuska saareyso raacineysay erayo dareen kalgacal xambaarsan isla markaana ka tarjumaya sida inay la hadleyso wiil uu xiriir kala dhexeeyo.

Laba maalin uun ay sidaa sameysay ka dib ayuu mira dhalay qorshihii maadaama uu ugu dambeyn ninkii cabaas ahaa fal celin kasoo bixiyay sawirkeedii asagoo usoo qoray inay aad uqurux badan tahay sumayo ayaa arrinkaa farxadda leh si dhaqsi ah ula wadaagtay mursal oo qeyb ka ahaa dejinta qorshahaas ayadoo sidoo kalena weydiisay waxa ay kaga jawaabeyso mursal ayaa usheegay inayba qalad ku aheyd inay furto farriintiisa ayna aqriso balse maadaama ay dhacday aysan wax jawaab ah siinin sidoo kalena aysan mar kale furin haddii ay dhacdo inuu farriin kale usoo diro laakin sumayo ayaa weydiisay sababta aysan ugu jawaabeyn maadaama uu hadafkoodu ahaa inuu soo hadlo.

Mursal ayaa ugu jawaabay inay deg degga iska deyso si uu qiimaheed usiyaado asaguna uu xiisuhu ugu laba laabmo ilaa uu si toos ah isugu soo dhiibaayo sumayo ayaana ku qanacday taladii mursal howsheedii ayeyna iska sii wadatay laakin waxay dhanka walaasheed saamiya ka dareentay dhaq dhaqaaq ah inay dooneyso inay fuliso ballankii cabaas kala dhexeeyay ee ahaa in kulankooda xiga ay asaga umartiso oo ay ugu tagto meel uu asagu cayimay laakin nasiib darada heysatay ayaa aheyd inaysan awoodin in walaasheed ay ka baajiso kulankaas maadaama ay colaad kala dhexeysay taa beddelkeed ayey isku taxluujisay inay ogaato maalinka ay kulanka ku balansan yihiin si ay ugu maleegto dabin ay kaga baajiso kulanka nasiib wanaag waxa ay jaanis ku heshay saamiya oo suuli ku jirta telkeeda oo ay garaneysay dhamaan pasworadii ku xirnaa inta ay furtay ayey dib uraacday qoraaladii ay la wadaagtay cabaas ilaa ay ugu dambeyn halkaa ka ogaatay in ballantu ayba aheyd maalin uun ka dib.

Waxay sidaa ahaataba waxa la gaaray xilligii ay saamiya la balansaneyd cabaas inay is diyaariso ayeyna billowday laakin ma aysan ogeyn miskiinta dabinka loo dhigay inta ay qubeysatay aadna ulabisatay ayey hor fariisatay muraayad si ay isku sii qurxiso laakin intaa ay is diyaarinta ku mashquulsaneyd ayey mar walba indhaheedu qabanayeen sumayo oo inta ay soo eegto ku qosleysa taasoo shaki weyn ku beertay oo ah in hab labiskeedu ay wax ka qaldan yihiin mana aysan weydiin karin maadaama aysan isla hadal waxayna billowday isku mashquusho si ay isaga saxdo waxa ka qaldan oo ay sumayo ku qosleyso laakin in cabaar ah oo ay dhan walba iska eegtay ayey iska weyday waxbana ayadoo ugu dambeyn diyaar garowgeedii dhameysatay una ruqaansatay dhankaa iyo albaabka si ay ubaxdo. Tolow muxuu yahay dabinka ay sumayo udiyaarisay si ay ubaajiso? Mase ka baxsan doontaa saamiya dabinkaa si ay ugu tagto cabaas?

LA SOCO QEYBTA XIGTA
Dhowaan insha allaah

04/07/2024

Mursal oo si utabay dhibkii ay saamiya ku heysay bareeg walba ayadoo sumaya isaga dhigeysay ayaa kasoo raadiyay fasalka waxa uuna dul yimi sumayadii dhabta aheyd oo keligeed meel iska fadhida ayadoon fileyn misana aan ujeesin ayuu salaan kaga naxsaday inta ay soo eegtay ayaa marka ay aragtay in uu mursal yahay ay si debacsan uga qaaday salaanta waxa uu weydiiyay waxa ku dhacay ee aysan maalinkaa ugu iman waxay markiiba garatay inuu ku raad joogo walaasheed oo ayada magaceeda kula kulmi jirtay ayadoo garan la' wax ay ugu jawaabto maadaama aysan la socon waxa ay ka sheekeysan jireen ayeyna uga gaabsatay inay diyaarineyso jawaabaha su'aalo uu macalinka fiisigiska leyli ahaan ugu diray.

Mursal ayaa intaa ka dib weydiiyay haddii ay ubaahan tahay inuu ka caawinayo su'aalahaa maadaama uu asagu goor h**e ka shaqeeyay waxay ugu jawaabtay inay aad uga mahad celineyso garab istaagiisa balse ay ayadaba ku filan tahay ayadoo hadalka sii wadata ayeyna weydiisay waxa uu kasoo raadiyay maadaama uu ahaa mid qunyar socod keligii inuu ahaado uun jecel wuxuu ugu jawaabay in maalmihii udambeeyay uu ka nasan waayay dhibkeeda sidaa awgeedna uu usoo raadiyay maadaama uu maalinkaa waayayna ay niyadiisu usheegtay inay jiraan wax qaldan ama ugu yaraan ay xanuunsaneyso.

Sumaya ayaa ugu jawaabtay ayadoo dhoola cadeyneysa in xaaladeedu wanaagsan tahay xanuunna aysan qabin kaliyana ay ku mashquushay leyligeeda waxa ayna sidoo kale kaga mahad celisay mar kale booqashadiisii danqashada laheyd mursal ayaa usheegay inay waajib tahay in la iska war hayo kol haddiiba ay is barteen wuuna kasii tagay asagoo urajeeyay in leyliga uu alle ufududeeyo sumayo oo ay layaab ku noqotay wiilkii ay walaasheed gacanta ka taagatay inuuba fadhigeeda ugu yimid ayaa ucarartay dhanka walaasheed saamiya si ay ugu sheegto warkan aadka uweyn ee soo kordhay saamiya ayuuna dhankeeda warkaasi lama filaan ku noqday waxayna usheegtay walaasheed in siday noqotaba ugu dambeyn uu shabaqa ugu soo dhacay wiilkii ay dooneysay ayadana ay utaallo sidii ay uxafidan laheyd.

Dhanka kale ninkii cabaas ahaa iyo saamiya oo ay maalmahaa sheekadooda isugu baxday ayaa ugu dambeyn isla meel dhigay inay is arkaan laakin waxaa dhex tiillay dood aheyd halka ay ku kulmayaan maadaama uu cabaas doonayay inuu ku martiqaado meel lagu caweeyo halka saamiyana ay taa ka madax adkeyd ayadoo dooneysay inuu gurigooda ugu yimaado ugu dambeynse go'aankii saamiya ayaa meel maray oo cabaas wuu ka oggolaaday inuu guriga ugu yimaado asagoo shardi ku xiray kaasoo ah in kulankooda xiga ay ugu timaaddo goobtii uu ka codsaday si uu ucasuumo taasoo ay saamiyana ka oggolaatay.

Saamiya ayaana arrinkii la wadaagtay wlaasheed waxa ayna bilaabeen inay si heer sare ah uhagaajiyaan guriga sharaab iyo mac macaan lagu soo dhoweeyo cabaas ayeyna qolkii fadhiga kusii diyaariyeen in yar tilmaan ah ka dib ayuuna ugu dambeyn ninkii cabaas ahaa oo gaari kala xiran ku socda aadna ulabisan is keenay gurigii mataanaha hortii saamiya oo uu marti u ahaa ayaana si wacan ugu soo dhoweysay guriga halkii loogu tala galay ayeyna wada fariisteen waxayna bilaabeen in midkoodba ka kale uu si aan caadi aheyn u amaano sheeko aan macno badan laheyn iyo kaftan aan sii badneyn ka dib maadaama la isku cusbaa lana kala xishoonaayo ayuu daqiiqado aan badneyn ka dib cabaas dalbaday inuu boxo.

Saamiya ayaa weydiisay halka uu udeg degayo maadaama uu markaa uun yimid sharaabkii iyo mac macaankii xitaana uusan si fiican ucunin wuxuu ugu jawaabay inuu meel dhexe kaga soo tagay shaqo uu faraha kula jiray sidaa awgeedna ay lagama maarmaan tahay inuu ku laabto shaqada muhiimadiisuna ay aheyd kaliya inuu soo arko ayada sidii uu moodayayna ayba kasii qurux badan tahay saamiya oo uu xishood badani ka muuqdo misna udhoola cadeyneysa ayaa ugu jawaabtay in qudhiisuba uusan ka liidan qof aad udabeecad fiicanna uu yahay intaa ka dib ayey is macasalaameyeen halkii ayuuna ninkii cabaas ahaa ku tagay.

Sumayo oo si qarsoodi ah isha ugu heysay cabaas ayaana markiiba usoo carartay walaasheed si ay ufalanqeeyaan una gorfeeyaan arrinka cabaas saamiya oo hadalka ku horreysay ayaana usheegtay walaasheed in wiilku uu aad ushidnaa hab labiska iyo udgoonka kasoo baxayayna ay maskaxdeedii raad aan yareyn ku reebeen sumayo ayaa ugu jawaabtay in sidaa oo dhan aysan isu raacin wiilka maadaama ay wiilashoo idil ka siman yihiin inay sidaa isu soo shidaan marka ay la kulmayaan gabadha ay doonayaan inay soo jiitaan muhiimadduna ay tahay inay xoogga saarto waxa ka dambeeya waxaa ay indhaheedu qabteen.

Saamiya oo si uga yara carootay hadalka walaasheed ayaa ugu jawaabtay in wiilku ay in muddo ah is yaqaanaan ayna garaneyso wax walba oo asaga ku saabsan sidaa awgeedna uusan wax shaki ah kaga jirin dabci ahaanna uu yahay mid aad uwanaagsan sumaya ayaa ugu jawaabtay walaasheed in ayada ahaan wiilku aysan ubogin sidaa awgeedna ay uga digeyso in aysan isu dhul dhigin kalsooni ay ka qoomameyn doontana aysan isku beerin saamiya oo carada kusii siyaaday ayaa ugu jawaabtay walaasheed inay ka maseersan tahay wiilkaa maadaama ay shukaansato mid iskuuley ah oo hooyadii hoos fadhiya wax dabeecad ah iyo la dhaqan bulshana aan laheyn.

Sumayo oo jawaabtaa dhanka walaasheed kaga timid aad uga carootay ayaa ugu jawaabtay in wax ay ka maseerto aysan meeshu oollin wiilkaa ay sheegeyso iyo boqol ka hanti iyo qurux badanna ay daqiiqad ku keeni karto balse ay ogtahay in wiilasha noocaa ah aysan intooda badan aheyn kuwo la isku haleyn karo cadeyynna ay ugu filan tahay inuu ku xujeeyay in kulankooda xiga uu ka dhaco meel uu asagu qorsheeyay midaana ay tahay dabin wiilkaa kalee ay ku sheegtay in uu hooyadii hoos fadhiyana uu boqol jeer dhaamo maadaama uu yahay mid wax baranaya kuna barbaaray gacan aamin ah dood dheer iyo muran gabdhihii mataanaha ahaa ka dhex qarxay ka dib ayey midba dhan ka gashay qolalkii guriga ayagoo kala careysan.

Subixii xigay ayey mataanihii si kala gaar ah iskuulkii u aadeen maadaama ay isu careysnaayeen ilaa heer arrinkooda uu gaaray inayba hadalka xitaa kala jartaan mid walbana ay gaarkeeda ugo'day laakin sumayo oo uu walaac xoogan ku hayay arrimaha walaasheed ayaa billowday inay isku howsho sidii ay u ogaan laheyd wax walba oo ku saabsan wiilka cabaas ah si ay shartiisa uga nabad geliso walaasheed laakin dhibaatada jirta ayaa aheyd inaysan wax tuhun ka badan oo cadeyn ah aysan heyn ayadoo garan la' meel ay wax ka billowdo ayey ugu dambeyn go'aansatay inay sameysato account kale oo whats app ah isla markaana ay ka shukaansato cabaas taa oo ay is tustay inay tahay wadada keliya ee ay sirtiisa ku heli karto sidii ayeyna yeeshay.

Ayadoon waqti badan iska sii lumin ayeyna si tartiib tartiib ah ula hadli jirtay cabaas laakin wax muhiimad oo sidaa usii badan ma uusan siin jirin oo inta badan ugama uusan jawaabi jirin qoraaladeeda taasoo sumayo caqabad ku noqotay waxayna ugu dambeyn danta doorbidday inay arrimahaa kala hadasho wiilkii ay isku iskuulka ahaayeen ee mursal maadaama ay rag isla yihiin si dhow oo fududna uu kusoo ogaan karo wiilkaa ceebihiisa maalinkii xigay ayeyna iskuulka ku qabatay ayadoo ka codsatay inay dooneyso inay kula kulanto meel ka baxsan iskuulka arrimo muhiim ahna ay ka leedahay mursal ayaa ka oggolaaday weydiiyayna goorta ay jeclaan laheyd inay kulmaan waxay usheegtay in isla maalinkaa galabkeedba ay dooneyso inay is arkaan.

Mursal ayaa usheegay inay dhici karin taa maadaama uu galabkii iskuul private ah dhigto laakin sumayo ayaa si dhib badan uga oggoleysiisay in maalinkaa uu iskuulka fasax ka qaato wuuna ka oggolaaday sidii ayeyna ku kala tageen ugu dambeynna waxa la gaaray xilligii balanta sumayo ayaana aad ulabisatay maadaama arrinka ay mursal ugu socotay uusan keliya aheyn midka quseeya walaasheed ee ay sidoo kale asaguna ay si hoose ugu daqraneyd laakin saamiya oo la socotay dhaqdhaqeeda balse aan war uheyn halka ay usocotay maadaama ay col ahaayeen ayaa si ku xumeyn ah hooyadeed ugu dirtay.

Sumayo oo ay keliya uharsan tahay inay baxdo ayaana hooyadeed kala kulantay su'aalo dhowr ah ee ay ka mid ahaayeen halka ay usocoto sumayo ayaa ugu jawaabtay inay usocoto saaxiibteed oo ay buug kasoo qaadaneyso hooyadeed ayaa ugu jawaabtay in haddii waxa dhan ee ay ubaxeyso uu buug uun yahay ay buuga walaasheed saamiya isticmaasho sumayo ayaa ugu jawaabtay hooyadeed in buuggu uu yahay mid ay ayadu leedahay sidaa awgeedna ay dooneyso inay kasoo qaadato hooyadeed ayaa usheegtay in subaxa xiga marka ay saaxiibteed iskuulka isku arkaan ay ka qaadato buugga inta ka h**eysana ay sii aqrisato midka walaasheed sabab ay ubaxdo oo muhiim ahna aysan jirin sumayo laga niyad jebiyay farxaddii bixitaankiina lagu adkeeyay ayaa ugu dambeyn ku qasbanaatay inay iska joogto taasoo saamiya oo arrinkaa ka dambeysay ay aad ugu faraxday lug gooyada walaasheed halka wiilkii mursal ahaana uu iska xaadiriyay halkii ballantu aheyd. Tolow maxay sameyn doontaa sumayo? Saamiya iyo cabaasna halkuu arrinkoodu ku dambeyn doonaa?

LA SOCO QEYBTA XIGTA
Dhiwaan insha allaah

Dhamaan asxaabta waxaan ka raali gelineynaa intii aan kala maqneyn beryahan taasoo ay sababtay cillad dhanka page-ka ah oo soo noq noqotay waxaana weli ku howlannahay xalinteeda haddii ay dhacdo inaan mar kale is weyno sidaa ula socda mahadsanidiin.

30/06/2024

Waxaan idinka raalli gelineynaa cillado sababay inaan maalmo is weyno kuwaa oo ugu dambeyn alle mahadii aanu ku guuleysannay inaan xalino.

22/06/2024

Saamiya oo aad ula yaabtay hadalkii walaasheed ee ahaa inay iska soo wareejiso numberka ayaa ugu jawaabtay inay ka xishooto dumaashigeed meelahaa kalena ay ka qaraabato sumayo ayaa ku qososhay uguna jawaabtay inuusan damac kaga jirin nin ay ayada shukaansaneyso balse ay kaliya diidaneyd in wiilkaas uu farahooda ka boxo saamiya iyo wiilkii oo uu magaciisa ugu sheegay in cabaas la dhoho ayaa maalinkaa ka dib si fiican isku bartay inta badanna wada sheekeysan jiray waqtiyo badan.

Laakin saamiya ma aheyn mid cabaas kaligii ku kooban oo waxay aheyd mid wiilal badan isku dul wada maalin walbana mid cusub barata oo wax jaceyl la dhoho uusan qalbigeedu qorin laakin arrinkaa shukaansiga badan ah waxaa dhib ku qabtay walaasheed sumaya oo mar walba la sheekeysan jirtay wiil aanan waxba kala dhexeyn si ay uga mashquuliso walaasheed oo call kale ku jirta maadaama ay isku cod egyihiin habeen walbana waxay dhafartaa ayadoo saamiya mataleysa ilaa ay ugu dambeyn walaasheed usheegtay inaysan awoodin inay shukaansi bilaa micno iyo ujeed ah ay habeen walba ku hurdo seegto ayada iyo nimankeedaas badanna ay isla bood boodaan.

Sumaya waxay aheyd mid inta badan diiradda saarta wax barashadeeda iyo howlaheeda ugaarka ah kaliya shukaansiga badan ee maalaa yacniga ah sida walaasheed oo kalena ma aysan jecleyn oo waxay la sheekeysan jirtay hadba wiilkii ay dabci ahaan ka hesho haddii ay usii bogi weysana liifada ayey ugaabin jirtay oo waxay aheyd qof warkeedu cad yahay wuxuuse maalmahaa is gaad gaad hoose kala dhexeeyay wiil ay isku fasal dhigan jireen kaasoo sideedoo kale ahaa shibane aad u degan codkiisana aan la maqal inta badan ilaa uu ka jawaabo su'aalaha uu macallinka weydiiyo mooyee maalin walbana waxay isu dhiirisaa inay wiilkaa la hadasho haddana xishood ayaa ka hor joogsada isku day walba oo ay ku fakarto inay ku waajahdo.

Waxay sidaa ahaataba maalin ayey soo martay fursad dahabi ah ka dib markii ay ku war heshay isla wiilkii ay ku daqraneyd oo xilli bareeg ah dul taagan ayada iyo saaxiibteed oo meel koone ah fadhiya inta ay aad unaxday maadaama ay lama filaan ku noqotay inuuba lugihiisa ugu yimid wiil ay in badan ku raad joogtay ayey weydiisay waxa uu ka doonayo wiilkii oo magaciisu ahaa mursal ayaa udhiibay buug ay ayadu laheyd misana uu magaceeda ku qoran yahay asagoo usheegay inuu kasoo qaaday meel aan fasalka aheyn uuna ubadinayo inuu ka dhacay ayadoon dareensaneyn.

Sumaya ayaa ugu jawaabtay inay umaleyneyso inuu ka dhacay xilli ay meel udeg degeysay aad ayeyna ugu mahad celisay ayadoo aad urajeyneysay in wada hadalkoodaasi uu sii dheeraado laakin nasiib darro mursal ayaa mahad celinteedii ka dib iska tagay aad ayeyna uga xumaatay inuusan mira dhal noqon jaaniskii ugu weynaa ee soo maray waxaan aheyn inay isha uun ka eegtana ma aysan awoodin asaguna sidii uu usii socday ayuu fariistay meel cidlo ah oo ay saanta ardeyda ku yartahay buug uu watay ayuuna kala furtay wax aqris ayuuba iska galay sumaya oo intaa la socotay dhaqdhaqaaqiisa ayaa halkaa ka aragtay jaanis kale maadaama uu meel cidlo ah fadhiyo.

Laakin su'aashu waxay aheyd sidee lagu heli karaa cudur daar xagiisa lagu aado saaxiibteed ayeyna la tashatay waxayna isla garteen maadaama uu yahay wiilka fasalkooda ugu fahamka fiican in ay wada jir ugu tagaan intaa ka dibna ay sumaya ka codsato inuu usharaxo cashirkii xisaabta ee maalinkaa ayadoo ku cudur daaraneysa inaysan si fiican ufahmin marka uu sharaxaadda ubilaabana ay saaxiibteed si tartiib ah uga dhex baxdo waxayna bilaabeen gabdhihii inay dhankiisa usoo dhaqaaqaan laakin nasiib darro inta aysan soo gaarinba waxaa ku dhacay gambaleelkii aradada farayay inay dib fasalladooda ugu laabtaan halkaa ayuuna ku dhicisoobay qorshihii maalinkaa ee sumaya.

Mar walba waxa sumaya maskaxdeedii kusoo noqnoqonayay xusuusta intii yareyd ee uu buugga ukeenayay oo jadwalkeeda maalinkaa ushiday xaqiiqdiise dhib kuma aheyn inay numberkiisa soo hesho oo way awooday inay ardeyda fasalka la dhigata kasoo hesho iyo sidoo kale wey usahlaneyd inay si toos ah isugu bandhigto oo ay dareenkeeda uqeexdo laakin xishood ayaa dabrayay oo waxay dooneysay intaba inuu asagu uga horreeyo kaliyana ay ku ekaato inay si qarsoon rabitaankeeda udareensiiso taasoo waqti iyo samir fara badanba uga baahneyd laakin inta ay adkeysan kari weyday ayey ugu dambeyn arrinkii la wadaagtay walaasheed saamiya si ay bal ra'yi uun ugu biiriso maadaama ay arrimahaa dhex galka bulshada ayada uga fiicneyd.

Saamiya ayaa ugu h**eynba ku qososhay dookha walaasheed ayadoo usheegtay waxa wiilal shidan ilaahay dhulka ku abuuray sababta ay miskiinkaa yar ee aan hadalkaba karin uga dooratay weliba ay dartii intaa oo rafaad ah ugu sugan tahay sumaya oo ereyadaa dhibsatay ayaa ugu jawaabtay walaasheed inay ka dooneyso talo ee aysan faraha la gelin dookheeda iyo rabitaankeeda halka ayaduba ay la sheekeysato tobaneeyo wiilal oo bilaa caqli iyo xikmadba ah maalinna aysan kala hadal wax ayaga quseeya saamiya ayaa garatay qaladkeeda kana raali gelisay walaasheed ayadoo usheegtay in ay ayada ushukaamin doonto wiilka markuu shabaqa ugu soo dhacana ay kusoo wareejin doonto ayada.

Sumaya oo arrinkaa la yaabtay ayaa weydiisay sida ay taasi ku dhici karto oo nin ay ayada shukaansatay ugu soo wareejin karto waxay ugu jawaabtay in isu ekaanshahooda ay kaga faa'ideysan doonto sidaa awgeedna uusan kala garan doonin labadooda marka ay soo xera geliso ka dibna ay howsha ayada utaallo sumaya ayaana ugu dambeyn arrinkaa ku qanacday isla maalinkii xigayba saamiya ayaa si ay isaga dhigto walaasheed iskuulka aaday ayadoo indha furan halka ay sumayo indhaha xiratay si ay umatasho booska saamiya.

Iskuulkii ayaa ugu dambeyn la isugu yimid xilligii bareega oo uu qorshuhu ahaa ayaana la gaaray saamiya oo sumaya iska dhigeysa ayaana si toos ah mursal oo sidii ucaadada aheydba meel gaara fadhiya utagtay wey salaantay asna wuu ka qaaday markiiba waxay ubilowday sheeko iyo inay kaftan ku madadaaliso si ay ula qabsato laakin mursal oo aan dabcigaas laheyn ayaan sheekada lasii wadin asagoo sidoo kalena la yaabanaa waxa ka qaldan gabadha maadaama uu ku ogaa deganaan iyo dabeecad aan tiisa waxba dhaamin k**ana uusan sii shakin oo wuu isaga dulqaatay saamiya ayaana inta ka yaabtay xir xirnaanta wiilka sheekada urogtay dhan kale oo waxay billowday inay su'aalo weydiiso si ay uhesho meel uun laga furo albaabkiisa xiran waxayna weydiisay bal inuu usheego dookh ahaan gabdhaha nuuca uu ka helo.

Mursal oo ay ka taagneyd mar uun yaa kaa ag wada gabadhaan waalan ayaa haddana ku qasbanaaday inuu jawaab bixiyo maadaama la hor dhigay su'aal xujo ah wuxuuna ugu jawaabay asagoo doonaya inuu warka soo gaabiyo in gabar iyo wax xiriir jaceyl quseeyaba uusan diiwaanka ugu jirin waqtigaa xaadirka ah saamiya ayaa intaa ka dib weydiisay sababta uu uxiiseyn inuu gabar xiriir la yeesho maadaama uu nin raga yahay dhamaan asxaabtiisuna uu mid walbaa gabar la socdo wuxuu ugu jawaabay in qof weliba uu noloshiisu xor uyahay wiilasha kale waxa ay sameynayaanna uusan ku qasbaneyn inuu kaga daydo fadhiga ayuuna uga kacay wuuna kasii tagay.

Saamiya ayey la yaab ku noqotay in wiilashu uu ku dhex jiro midkaa oo kale maadaama aysan weligeed arkin wiil aanba dumarka xiiseyn walaasheed ayeyna utagtay ugana sheekeysay wixii ay kala kulantay mursal sumaya ayaana ugu jawaabtay in ayba iska sii ogeyd inaysan waxba ka keeni karin wiilkaas maadaama uu ayaduba ku adkaaday saamiya oo dhibsatay hadalkaa ayaana usheegtay walaasheed in wiilkaas ay dhulka soo dhigi doonto arrinkiisuna uuba xiiso gaar ah ku hayo kaliyana ay u oggolaato inay maalmo kale fursad usiiso sumaya oo ku qososhay ayaana ka oggolaatay ayadoo usheegtay in ay jabkeeda sugi doonto.

Maalinkaa wixii ka dambeeyay ayey saamiya howl ka dhigatay mursal ayadoo ceeb iyo weji gabax u arkeysay inay soo jiidan weydo wiilkan dareemihiisa maadaama nin walba oo ay ugacan qaado ay cagteeda hoostii ku hubsan jirtay wiilashii fasalka ayeyna numberkiisii ka heshay ayadoo ku billowday weerar dhan kasta ah hadey noqoto internet taleefan iyo inta ay iskuulka wada joogaanba ayadoo xitaa illowday nimnkii kale ee ay la sheekeysan jirtay laakin nasiib darro weli isbadal muuqda iyo debacsanaanba dhankiisa k**a aysan helin halka walaasheed sumayana ay ku qosli jirtay xaaladeeda.

Ugu dambeyn saamiya oo waxba ka keeni weysay dhankii mursal ayaa isaga quusatay una sheegtay walaasheed inay halkaa kaga dhan tahay wiilkaasna uu yahay mid bilaa qalbi iyo dareenba ah sidaa awgeedna ay mid kale ka raadsato maalinkii xigay ayuu ninkii mursal ahaa oo la qabsaday dhibkii saamiya oo uu sumaya uheystay ay bareeg walba ku heysay uu maalinkaa waayay barteeda asagoo is weydiiyay waxa helay gabadha ee ay ugu iman weysay inta uu is celin kari waayay ayuuna dul tagay sumaya oo kaligeed fasalka iska dhex fadhida. Tolow muxuu usheegi doonaa? Mase ogaan doonaa in qofta uu sumayo uheystay ay saamiya aheyd?

LA SOCO QEYBTA XIGTA
Dhowaan insha allaah

21/06/2024

Sumaya iyo saamiya waxay ahaayeen laba gabdhood oo walaalo ah welibana intaa isaga sii dhow oo waxay ahaayeen mataano aad isugu muuqaal eg dhan walba misana ay adag tahay in si dhib yar lagu kala garto ayagoo xitaa qaab hadalka iyo codkaba iska shabahay taasoo ay mararka qaar isla familkooda ku qaldi jireen intaa waxa usii dheeraa inay ahaayeen labo walaalo oo aad isu dabeecad fahansan inta badanna ay wadajir ku qaadan jireen waqtigooda maadaama ay dhan walba oo nolosha ka sinnaayeen sida iskuulka oo ay hal fasal wada dhigan jireen waxayse aad udhibsan jireen in dadku arkaan ayagoo weji furan oo hal goob wada jooga maadaama ay ka xishoon jireen eegmada badan ee ay dadku kala kulmayaan isu ekaanshahooda awgeed inkastoo la wada ogaa in ay mataano ahaayeen.

Sidaa ay tahay haddana suura gal uma aheyn inay dadka iska qariyaan maadaama ay hal meel ku wada noolaayeen inta badanna ay noloshoodu aheyd mid isku xiran sidaa awgeed ayaa waxay sameyn jireen marka ay wadajir meel u wada aadayaan ama iskuulkaba in middood ay indhaha shareer xiran jirtay ama labadoodaba mararka qaar balse aysan dhicin marna in labadood oo weji furan ay kasoo wada muuqdaan hal meel taasoo xal uga noqotay in aysan bulshadu kala kulmin ku mashquulid iyo eegis fara badan.

Laakin si kasta ama meel kasta oo ay labadaa mataano isaga ekaadaanba waxaa jirtay meel ay ku kala duwanaayeen oo ah dabeecadda oo saamiya waxay aheyd gabar fur furan bulshaawi ah aadna dadka udhex gasha si fududna ku kasbata asxaab fara badan la fal galkeeda bulshadana uu aad usarreeyo fudeydka iyo dagaalkana caan ayey ku aheyd halka sumayo ay aheyd lidka walaasheed oo waxay aheyd gabar aad udegan buuqa badan iyo dhex galka bulshadana aan jecleyn asxaab fara ku tiris ah ayeyna laheyd kuwaasoo aysan xitaa inta badan ku milmi jirin oo gaar ka ah kaliyana waxay aad isugu dhowaayeen hal gabar oo ka mida saaxiibadaa yar ee ay laheyd waxayna sidoo kale aheyd mid af gaaban oo in codkeeda la maqlaba ay naadir tahay laakin marka ay la kaliyowdo mataanteeda saamiya dabeecad kale ayey lasoo bixi jirtay oo deganaanta iyo aamusnida meel inta iska dhigto ayey la bood boodi jirtay walaasheed.

Sumayo iyo saamiya waxay curad u ahaayeen gabar kale iyo labo wiil oo la dhashay waxayna meel kula noolaayeen hooyadood iyo adeer hooyadood qabay qoys ahaanna waxay ahaayeen kuwa iska ladan oo aan caqabado badan kala kulmin nolosha waxay sidaa ahaadaanba maalin ayaa ayagoo ku sugan schoolka weliba fasalka dhexdiisa ayaa waxa farriin usoo dhacday saamiya farriintii ayey markiiba aqrisay oo waxay aheyd mid ka tarjumeysa arrimo jaceyl waxay haddana eegtay qofka soo diray laakin nasiib darro waaba mid laga soo diray tel aysan garaneyn ama aan usave gareysneyn dhanka wiilasha ayey indhaha la raacday ayadoo ka shakisay inuu yahay wiil ka mida kuwa fasalka la dhigta in cabaar ah oo ay ku maqneyd wiilasha ayaa waxay ka shakisay mid mar walba oo ay wiilasha eegtaba asagana ayada soo eegayay.

Saamiya oo aheyd mid aad ufudud ayaa si hubsiimo la'aan ah wiilkii uweydiisay sababta uu farriinta ugu soo diray wiilkii oo xariif kale ahaa ayaa asna ugu jawaabay sababta ay sidaa oo dhan ugu xiiseyneyso inuu farriin usoo diro ardaydii fasalka gaar ahaan wiilasha ayaana halmar jawaabtii wiilka ku wada qoslay taasoo aad uga sii careysiisay saamiya laakin inta aysan fal celin kale sameyn ayuu macallinka oo kusoo baraarugay qosolkii ardayda ku canaantay inay aamusaan saamiya oo ciilan ayaana caradeeda dib uliqday balse aan marnaba ilaawin tii uu ku dhigay wiilka.

Waxay sidaa ahaataba waxaa la gaaray xilligii bareega saamiya ayaa kasoo kacday fadhigeeda si ay ula dagaasho wiilkii ay farriinta uga shakisaneyd laakin walaasheed sumaya oo ag fadhiday lana socotay wixii dhacay ayaa qabatay ayadoo weydiisay waxa ay tahay farriinta uu usoo diray saamiya ayaa intaa ka dib tustay walaasheed farriinta sumayo oo aqrisay farriinta ayaa weydiisay walaasheed qofka iska leh numberka laga soo diray farriinta saamiya ayaa ugu jawaabtay inay uga shakisan tahay wiilka ay dooneyso inay la soo dagaasho sumayo oo aheyd qof masakxa badan ayaa kula talisay walaasheed in dagaalka ka dib haddii la weydiiyo waxa ay kula dagaashay wiilka aysan qiil unoqon doonin inay ka shakisay oo kaliya sidaa awgeedna ay marka h**e cadeeyaan inuu asaga yahay qofka soo diray farriinta iyo in kale saamiyo ayaa weydiisay wlaasheed sida ay ku caddeyn karaan arrintaas.

Sumayo ayaa usheegtay walaasheed in ay ka jawaabi doonaan farriinta weliba jawaab soo jiidasho leh ka dibna ay wiilkaa dhaqdhaqaaqiisa la socon doonaan markii uu telkiisa lasoo baxana ay sidaa ku qabtaan asaga iyo cadeyntiisana ay maamulka ku wareejiyaan saamiya ayaana ku qanacday arrinkaa telkana udhiibtay walaasheed maadaama ay ayada ku wanaagsaneyd dhanka qoraalka sumayo ayaana farriintii kaga jawaabtay si debacsan oo ogolaansho ah waxayna bilaabeen inay indhaha ku hayaan wiilkii halka asagana uu indhaha ku hayay asagoo la yaabanaa sababta ay sidaa oo dhan ugu soo eegayaan labadaa walaalo.

Sidii ay indhaha ugu hayeen wiilkii ayeyna usoo dhacday farriin jawaab u ah farriintii ay direen taasoo gabdhaha ucaddeysay in wiilkii ay ka shakiyeen uusan aheyn qofka farriimaha soo diraya maadaama aysan arag asagoo telkiisa isticmaalaya sumayo ayaana sidaa maalinkaa uga badbaadisay walaasheed qalad ay si fudud ugeli laheyd balse weli waxa taagneyd calaama su'aashii aheyd qofka uu yahay midkaa farriimaha soo diraaya waxeyse go'aansadeen inaysan ujawaabin farriin waliba uu soo diro laakin saamiyo oo uu dulqaadku ku yaraa ayaa usheegtay walaasheed inay aflagaado uqori doonto si uu farriimaha uga joojiyo sumayo ayaana usheegtay in aflagaado ay qorto uusan qofkaa farriinta uga joojineyn isla markaana laga yaabo inuu yahay qof ay taqaano oo ku ciyaaraya hadhowna ay aflagaadeyntaa ka shalaayi karto.

Saamiya ayaa intaa ka dib weydiisay walaasheed hadaba waxa ay tahay inay sameyso si ay qofkaan uga nasato farriimihiisa sumaya ayaa ugu jawaabtay inay call ku wacdo haddii laga qabtana ay codkiisa garan doonto ama uu is cdeyn doono qofka uu yahay haddii laga qaban waayana uu yahay qof ay taqaano balse is qarinaaya intaa ka dibna ay si debacsan farriimaha uga jawaabto ilaa uu ku dhiirado inuu isa soo muujiyo markaa ka dibna ay siday doonto ula dhaqanto.

Sidii ayeyna yeeshay oo call ayey ka wacday lagamana qaban oo waxa loosoo diray farriin ah in mashquul awgii telka looga qaban waayay wax yar ka dib ayaase video call lagusoo wacay gabdhihii ayaana mar qura kala booday saamiya ayaana soo qaadatay indha shareerkeedii si aan wejigeeda loo arag qabatayna callkii inta uusan go'in halka sumayana ay dhinac taagneyd ayadoo iska qarisay camerada si ay u aragto qofka uu yahay waxaase ka soo muuqday camerada wiil aad ulabisan meel qurux badan oo sida xafiis camal ahna fadhiya kaa oo durbadiiba salaan ku bilaabay saamiya ayaana ka qaaday salaanta intaa ka dib ayuu ka codsaday inay tusto wejigeeda si uu u arko laakin saamiya ayaa ka diiday oo ugu h**eyn weydiisay qofka uu yahay iyo sida uu kusoo helay numberkeeda.

Wuxuu usheegay inuu kasoo raacay group ay ku wada jireen waxay weydiisay sababta uu usoo raacay iyo waxa uu kusoo raacay wuxuu ugu jawaabay sababta uu usoo raacay inay tahay mid ay fahmi karto inuu usheegana aysan macno badan sameyneyn sababta uu kusoo raacyna ay tahay quruxdeeda waxay weydiisay halka uu ku arkay quruxdeeda wuxuu usheegay inuu arkay sawirkeeda oo aad uqurux badan kaasoo profile-ka usaarnaa waxay usheegtay sawirkaasi in aysan ayadu aheyn ee ay iska saaratay wuxuu ugu jawaabay in haddii hadalkeedu uu saxan yahay ay wejigeeda tusto haddii ay noqon weydo sawirkii uu arkayna uu ka tegi doono haddey noqotase aysan ku adkeyn maadaama uu yahay qof ayada xiiseynaya.

Intaa ka dib ayey saamiya ku jartay video call-kii ayadoon tusin wejigeeda walaasheed oo ag joogtay ayaana weydiisay waxa ay ujartay callka waxay ugu jawaabtay in ay nacasnimo tahay inay wejigeeda tusto nin aysan garaneyn sidaa awgeedna ay ku gumeysan doonto si ay xiisaha ugu sii badiso sumayo ayaa usheegtay in wejigeeda uusan ninkaasi muhiim u aheyn maadaama uu sawirkeeda heysto muhiimadiisuna ay kaliya tahay barashadeeda saamiya ayaa weydiisay walaasheed sida uu ku heli karo sawirkeeda maadaama aysanba is aqoonin sumayo ayaa ugu ugu jawaabtay inuu usheegay inuu profilkeeda ka arkay sawirkeeda sidaa awgeedna uuba goor h**e screenshot ka qaatay wax ay qariso oo macna weyn ulehna aysan jirin sidaa awgeedna ay ninka shukaansato ama ay iska soo wareejiso numberkiisa maadaama uu umuuqdo wiil shidan misana ladan. Tolow saamiya ma iska wareejin doontaa numberkiisa? Mise ayadaa jaaniskeeda ka faa'ideysan doonta?

LA SOCO QEYBTA XIGTA
Dhowaan insha allaah

Address

Mogadishu

Website

https://www.youtube.com/@Boggageeraarada

Alerts

Be the first to know and let us send you an email when Bogga geeraarada posts news and promotions. Your email address will not be used for any other purpose, and you can unsubscribe at any time.