Sahil Media

16/01/2024

Cabdiqani isku filan iyo Ceegaag riwaawaayad waaqaca ka hadlaysa.

14/10/2023

11/10/2023

Innaalilaahi wa innaa ilayhi raajucuun

Rabbi naxariistii janno ha ka waraabiye waxa hada geeridiisa la soo sheegay Ex. Xildhibaan Maxamed Faarax Qabile. Waxaan ka tacsiyadaynayaa eheladii,qaraabadii,asxaabtii iyo guud ahaan ba shacabka JSl ee uu ka baxay.

Wuxuu ahaa waayeel iyo samatalis in baddan u soo shaqeeyey qaranka, kana soo qeyb qaatay dib u dhiskii iyo halgankii wadanka.

09/10/2023

Deeq waxbarasho oo bilaash ah.

09/10/2023

Faniinta oo ciidamada jiida h**e, heeso dhirigalina u qaaday

08/10/2023

FARIIDNIMO MA U DHALASHAA MISE WAA BARASHO??
====---====---====---====

Cilmi ahaan ma sahlana in si fudud loo go’aamiyo in fariidnimadu ay tahay u dhalasho ama barasho. Faylasoofiin iyo culimada cilminafsiga oo tiro badan ayaa aaminsan in ay tahay arrin la xidhiidha hidde-sideyaasha oo loo dhasho, tiro kale oo aan ka xujo yarayn ayaa iyaguna ku doodaya in inta ay barasho iyo duruufo samee tahay, ay ka badan tahay inta ay abuur hidde side la xidhiidho.

Waxa se uu nuxurkeedu ku soo ururayaa in fariidnimadu ay tahay u dhalasho iyo barasho isku lammaan. Waa arrin abuurta hidde-side la xidhiidha, laakiin haddana raad muuqda oo koboc iyo hoos u dhacba keeni kara ay ku leeyihiin duruufaha ku gadaaman geeddisocodka nololeed ee qofka, tusaale ahaan aqoonta qofka oo korodha, maskaxda oo uu carinta ku badiyo, cuntada nafaqada isu dheellitiran leh, la macaamilka dadka aqoonta iyo waayoaragnimada dheeraadka ah leh, akhriska badan ee waxtarka leh iyo aqoon korodhsiga, duruufaha nololeed ee uu qofku ku soo barbaaro ama marka uu weynaado la noolaado, tababarrada maskaxda ee qofku uu qaato, iyo arrimo badan oo la mid ah, ayaa xoojiya xusuusta, dhugmada, tabaha xallinta khilaafaadka ee qofka, codkarnimada, kartida, xak**aynta darenka, iyo guud ahaan koboca fariidnimada qofka.

Haddaba, sida aynnu h**e u xusnay, fariidnimada dareenku waa midda ugu muhiimsan ee qaybta libaax ka qaadata fududaynta nolosha qofka iyo la jaanqaadista duruufaheeda is ged-geddiga badan.

Daniel Goleman, buuggiisa "𝐄𝐦𝐨𝐭𝐢𝐨𝐧𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞: Why it can mater more than IQ, Waxa uu fariidnimada dareenka ku qeexayaa in ay tahay, ‘Awoodda uu qofku u leeyahay aqoonsiga, fahamka iyo Maaraynta dareenkiisa iyo dareennada dadka kale ee uu la macaamilayo’

Goleman isaga oo sida muuqata ka duulayaa in qofku uu bacarimin karo fariidnimadiisa caadifadeed (EI), waxa uu ku doodayaa in fariidnimadani ay lagama maarmaan u tahay guul kasta oo uu qofku ka samaynayo nolosha dhinacyadeeda kala duwan, taas oo ay ku jirto shaqada, xidhiidhada, wanaagga xaaladda guud ee caafimaadka qofka; jidhka, maskaxda, xasiloonida dareenka, xidhiidhada bulsho, ku qanacsanaanta nolosha iyo sida oo kale farxaddiisa.

Goleman waxa uu buuggan ku sheegayaa afar tiir oo ay ka koobantahay fariidnimada dareenku, kuwaas oo ah:

1. Feejignaan: Waa awoodda uu qofku u leeyahay in uu akhriyo, fahmo dareenka ka dhex guuxaya qofka uu la macaamilayo.

2. Maaraynta nafta: Qofka oo awood u yeesha in uu xakameeyo, isla markaana maamulo dareennada iyo waxyaabaha riixaya ama dhiirrigelinaya qofka uu la macaamilayo.

3. Feejignaan bulsho: Waa qofka oo awooda in uu fahmo dareenka dadka kale, isla markaana u muujiyo la dareen noqosho iyo calool dabac.

4. Maaraynta xidhiidhka: Waa qofka oo awood u leh in uu dadka ama qofka kale la samaysan karo xidhiidh, isla markaana uu xidhiidhkaas ku ilaalin karo in uu noqdo mid caafimaad qaba oo aanay dhibaato ka soo gaadhin

Afartaas dabeecadood ayaa uu bidhaaminayaa in ay marag u noqon karaan in qofku uu fariid dhinaca dareenka ama caadifadda ah yahay (Emotional Intelligence).

SIDEE AAD U XOOJIN KARTAA FARIIDNIMADAADA DAREEN (EMOTIONAL INTELLIGENCE

Qalinkii Kamaal marjaan.

06/10/2023

Degmada dalxiiska iyo aqoonta Sheekh.

03/10/2023

Heshiiskii Cigaal la galay Kenya

Bishii june 1967-kii ayaa Maxamed Ibraahim Cigaal loo doortay ra'iisal-wasaaraha Soomaaliya. Bishii September ee isla sannadkaas ayuu ka qeybgalay shirkii midawga Afrika ee ka furmay magaalada Kinshasa, caasimadda dalka Koongo. Wefti kooban ayaa Cigaal u raacay Kinshasa, kuwaas oo ahaa wasiirkii arimaha dibedda Xaaji Faarax Cali Cumar, Maxamuud Sheekh Axmed oo ahaa gudoomiyaha maxk**adda sare, Cabdiraxmaan Caabi Faarax oo ahaa agaasimaha guud ee xafiiska ra'iisal-wasaraha, Maxamed Xaaji Xasan oo ahaa Agaasime wasaaradda ganacsiga. Kornayl Cabdi Saxardiid ( Cabdi-dhiboo) iyo aniga.

Waxa jirtay arrin dad yari og yihiin, oo ah maxaa Cigaal ku dhaliyey in heshiis la galo dawladda Kenya oo uu madaxweyne ka ahaa Jomo Kenyatta?

Wefti uu hogaaminayo Daiel Arap Moi, oo markaas ahaa madaxweyne ku xigeen ayaa shirkii ururka midowga Afrika ee ka socday Kinshasa. Wuxuu weftigiisa ku soo daray madax-dhaqameed ka socda Soomaalida ku nool N.F.D. Intii uu shirku socday waxa habeen goor dambe Memling hotel oo aanu degganayn si qarsoodiya ah u yimid Xaajj Khaliif oo ahaa Jiif Caaqil ka socda magaalada Wajiir. Wiilkiisa Cabdirashiid Khaliif ayaa ahaa guddoomiyihii ugu h**eeyey ee jabhadda xoraynta N.F.D

Caaqilku wuxuu Cigaal uga warramay dhibaatada haysata Soomaalida ku nool N.F.D. Wuxuu u sheegay in milatariga Kenya uu xoolohooda toogto, in ay ceelashii iyo balliyadii ka wada aaseen, in ay dadka iska toogtaan, odayaashii waxgaradka ahaana dhammaantood ay xabsiga u taxaabeen. Wuxuuna Cigaal u soo jeediyey in uu laba arrin midkood yeelo.
1. Haddii ay kari karto in dawladda Soomaaliyeed ciidan soo dirto oo ay qabsato gobolka NFD.
2. Haddii taasi aanay suurtagal ahayn, in aad dawladda Kenya nagala hadashid oo aad naga joojiso gumaadka ay nagu hayaan.
Lasoco.... qeybta labaad.
Raad-Raaca
Taariikh Soomaaliyeed
Ambassador Xuseen cali Ducaale" Cawil".

01/10/2023

Dr. Sacad Sh. Cismaan Nuur waa aqoonyahan iyo ruug cadaa siyaasadeed islamarkaana ah khabiir ka faalooda oo abla-ableeya siyaasadda caalamiga ah.

30/09/2023

Hambalyo wasiir Cali xoor-xoor oo saaka golaha wakiiladu cod aqlabiyada ku ansixiyeen, 73 muddane ayaa u codeeyey, cid diiday iyo cid ka aamustay midna ma jirin.

28/09/2023

Mujaahid Axmed Weyso-cadde oo ka tirsanaa saraakiishii SNM, wuxuu ka waramyaa dagaaladii ugu qadhaadha iyo maalmihii ugu darnaa 1980-kii dagaalkii buuraha galbeedka.

26/09/2023

Qasiido Nabi amaan ah SCW

26/09/2023

Berbera jidka wadnaha

25/09/2023

Innaalilaahi wa innaa ilayhi raajucuun

Alle naxariistii janno ha ka waraabiyo Mustafe Saleeban iyo Liibaan Daahir oo ka tirsanaa Waqal Studio, oo shil gaadhi caawa ku geeryooday. Waa shil naxdin leh, ka dib markii gaadhina dab ka kacay. Alle samir iyo iimaan ha ka siiyo eheladii, asxaabtii iyo qaraabadii ay ka baxeen.

22/09/2023

Jen. Cabdisamad Xaaji Cabdillaahi Diiriye"Gam-gam" Soomaligii ka qayb galay Dagaalkii Israël iyo Egypt, Ahna Taliye ku xigeenkii Ciidankii Soomaliya ee Itoobiya la dagaalamay 1977-Kii oo MMTV uga waramay Xogo hor leh oo aan hor loo soo bandhigin.

Dhibcaha Taariikhda.
Weriye Luqmaan Maxamed Faarax

21/09/2023

Hadaad ciise muusiyo tihiin cuurka habar yoonis

Isku cayladiyo baatihiin duul cashiira,ah

Haday cududihiinu isdilaan gulufka caadaystay,

Ma cirkaa rag laga doonayaa soocamira koonka,

Iscafiya colaadaha xigtadu malaha ciilbeele

Abwaan Caato.

18/09/2023

Naftood hurayaasha wadankeenna, abaalkiina ma gudi karno, guulaysta.

07/09/2023

Dharaaro xusuustood
Buuga Maxamed Siciid.

Furitaankii ururrada Siyaasadda Soomaaliland.

Xassanow xoolo-dhaqasho iyo markaad xili ka weynaatid
Saw dharaaro tagay xasuustood dib uma soo xigatid.

Markii mucaaridku ku dhawaaqeen dib-u-habaynta SNM, ayaa Madaxweyne Maxamed Xaaji Ibraahim Cigaal koox wasiiro ah oo aan ka sii xusuusto Mudane Axmed Maxamed Maxamuud ( Siilaanyo), marxuum Maxamuud Saalax Nuur ( Fagadhe), Axmed Xassan Xuseen Oomane, Cabdilaahi Xuseen Iimaan ( Darawal), Dr. Cabdi Aw Daahir, iyo aniga (Maxamed Siciid Gees) ayaa uu u soo qoray waraaqo uu qoraalkeeda ku bilaabmaya " ajandaha shirka waxa ugu horreeya in aan laga war helin shirkan". Shirka oo ka dhacaya madaxtooyada afarta iyo badhka galabnimo. Sidaas ayaa wasiir waliba isagoon maradiisa u sheegin iska daa cid kale oo,aannu madaxtooyada wakhtigii isku wada aragnay.

Madaxweyne Cigaal waxa uu ka hadlay qoladan sheeganaysa dib-u-habaynta SNM iyo waxa laga yeelayo, maadama qoladayada darafyada aannu aqoon fiican u lahayn jabhadda waxa doodii ka hadlay wasiiradii SNM ahaan jiray oo uu fadhiyey gudoomiyihii ururkii dhaqdhaqaaqa Soomaaliyeed SNM ee ugu wakhtiga dheeraa Muddane Axmed Maxamed Maxamuud ( Siilaanyo).
"Golihii dhexe ee SNM shir dambe may qabsan intii ka dambaysay ku dhawaaqiddii gooni-isu-taagga Soomaaliland ee shirweynihii Burco, gudoomiyeheedina Xamar ayuu qabtay, xubnihii guddiga dhexe waa kala tageen, mana jirto hadda cid sheegan karta SNM. Nimankan sheeganayaa waa xubno ka mid ahaa, kuwo kalena waxay ka mid yihiin xukuumadda, gollayaasha shaqaalaha iyo ciidammad qalabka sida, cidna keligeed ma sheegan karto, " eyey yidhaahdeen xubnihii SNM ee ku jiray xubnihii wasiiradii xukuumaddii Madaxweyne Cigaal oo ay u badnayd dooddoodu.

Dooddii qoladii SNM-ta ahayd halkaas ayay la mareen. Qoladayadii kale waxa noogu dhiirranaa Maxamuud Saalax Nuur ( Fagadhe) oo aqoonyahan sare ahaa oo hadal cad oo aan cidna ka xadhig xidhan oo muran badan, oo weliba hirdinta madaxdu ka soo horrayso, ayaa hadalkii qaatay oo ku tiraabay; " Madaxweyne, shirkii Boorame ayaa lagu tiriyey wixii xisbi iyo jabhad la odhan jiray, heer beelo ayaa lagu heshiiyey. Waa maxay waxan dib loola soo baxay? Annaguna USP-dii ayaanu ku noqonnaa miyaa? Marba sheeko miyaa naloo keenayaa? Waxaba k**a jiraan dib-u-habaynta SNM ee la sheegayaa."

Ilaahay ha u naxariistee wasiir Fagadhe halkaas ayaa uu mariyey, jid ayuuna u lahaa, hase ahaatee daw umaanan arkin. Aniga ayaa u baxay hadalkii oo waxa aan idhi, aniga oo xiganayay hadalkii Maxamuud Saalax Nuur ( Fagadhe). Madaxweyne Cigaal, dagaalkii daraawiishta ina Cabdalle xasan waxa laga joogaa boqol sannadood, haddana weli Dhulbahanre waa ay ka sii sheekeynayaan oo gabayadii iyo magacayadii sida khusuusiga ayay ku sii hadaaqayaan oo may illaawin. Sidaas oo kale Isaaq boqol ka sanno ee soo socda way ka hadlayaan SNM iska daa, inta kuwii aasaasay wax ka noolyihiin, oo hadda aynu joogno ah. Marka waxan ku talin lahaa in aan la innaga xigsan SNM-ta".

Shirkaas oo ahaa ra'yi-ururis, waa la soo gebagabeeyey oo uu ku soo dhammaaday, balse waxaan wakhti kadib ogaaday in la dhisay urur la yidhaahdo " Guulaha SNM" kaas oo tageersan xukuumadda, isla markaana ka soo horjeeda mucaaridnimada ay u xuubsiibteen Dib-u-habaynta SNM.

Haddaba, markii uu ii magacaabay Madaxweyne Cigaal inaan noqodo gudoomiyihii guddiga qabanqaabada iyo yagleelka ururkii UDUB ayaa aan ku guulaystay in shirweynihii ururka bud-dhigga u ahaa , kana mid noqdo shirguddoonka oo uu soo fadhiisto isaga oo sita biladii UDUB, Sheekh Yuusuf Sheekh Cali Sheekh Madar oo ahaa gudoomiyihii Dib-u-habaynta iyo gudoomiyii h**e ee SNM, halkaas ayaa uu ku go'ay hadalka Dib-u-habayntu.

Ayaan darro markii marxuum Cigaal dhintay, dadkii xisbiga dhisayna laga eryey, qaarna isaga tageen, oo dad cusub iyo kuwa diiddanaa oo waxba ka ogayn dhismihiisa ay qabsadeen ayaa uu galbaday UDUB-kiina.

Madaxdii SNM inta xukuumadda gasha mooyee inta kale waxay u xuub siibteen mucaaradnimo, sida ururkii ASAD, KULMIYE, QARAN, UDHIS iyo golaha wada-tashiga oo hadda lagu dhawaaqay. Waa ay dhismi kariwaayeen ururro ama xisbiyo mucaarid u hayn madaxdii h**e ee SNM-tu. Halkaas waxa ka cad in aan ku jirno boqolka sanno iyo SNM, ciddi xukunka qabata Soomaaliland waa hawl sugaysa oo hortaalla sidii ay u maareeyn lahaayeen qodobkaas.

Halgan kale oo dadka laga iibsho oo qarranimo ah oo aan SNM-ta iyo dadkii ka qeybgalay ahayn ma jiro, balse waa mucaaridad ka soo jeedda xunihii madaxda ka ahaa SNM waxay dayr adag uga noqotay Somaliland afkaaraha xag-jirka ka soo jeeda Somalia.

Haddaba, ururradii ka samaysmay Soomaaliland, markiiba waxa ka muuqanaya ilaa hadda sawir-beeled. Waxa se dadka isu keena intooda badan sawirkaas SNM-ta oo h**e u mideeyey bulshada beelaha dhexe taas ayay weli sii hibanayaan.