حلا للإنتاج الفني والإعلامي

25/06/2024

24/07/2023

حاجة عظيمة بإمكانيات بسيطة❤️ رأيكم شنو؟
لو عجبتكم بداية الأغنية تابعوا على الرابط دا https://www.facebook.com/profile.php?id=100063509833130&mibextid=ZbWKwL

23/07/2023

سنعودُ ما دُمنا نعيش على أمل
سيطيبُ خاطرُنا سيرضينا، أجل❤️

08/03/2023

8مارس يوم المرأة العالمي

21/02/2023

ديل انحنا

18/02/2023

ماهو البودكاست ؟

17/02/2023

جمعة مباركة

16/02/2023

صباح الخير

28/01/2023

نحن في مركز حلا عهدنا معاكم إننا نلبي رغباتكم ، و نقدم ليكم كورسات و دورات تدربية بالطرق والوسائل البتناسبكم 😌

في الأيام الجاية حيكون في كورس تصميم الجرافيك 🔥🔥

نحن عارفين ظروف البلد والصعوبات البتواجة الشباب ، و هدفنا إننا نفيد أكبر مجموعة ممكنة 😉

عشان كدا عاوزين نعرف رأيكم 💁🏽‍♂️

أحسن مدة الكورس تكون تلاتة أيام و بسعر 5000
أو خمسة أيام و بسعر 8000 🤔

يلا كلمونا في الكومنتات ، و تاقو أصحابكم المهتمين بالمجال

28/01/2023

بي بي سي عربي

27/01/2023

كيف تدخل مجال الجرافيك ! 🤔

لو عارف الطريقة الصحيحة تعال ورينا 😉
و لو ما عارف انتظر مفاجأتنا 😌

لأنو قرررربت 🔥🔥

24/01/2023

مهنة مصمم الجرافيك تعتبر من أحسن 10 مهن حرة في العالم ، و دا حسب تصنيف شركة forbes المتخصصة في الإحصائيات 😯🔥

جهاز الكمبيوتر أو اللابتوب هو رأس مالك عشان تدخل المجال و تكسب منو 💻🤑

بس تعال اول أكلمك شوية عن المجال دا 🙃

تصميم الجرافيك هو فن بيتم فيو دمج الصور والكلمات والأفكار و عرضها على الجمهور 😉

أو ممكن نقول هو طريقة بتنقل الأفكار عن طريق الصور 🎑

غالباً بكون الهدف من تصميم الجرافيك هو التأثير على الجمهور ، و بيختلف التأثير على حسب نوع التصميم 🤷🏽‍♂️

ومن هنا بنعرف إنو لتصميم الجرافيك أنواع و تخصصات و هي :

1️⃣ تصميم الهويات البصرية .

2️⃣ تصميم الإعلانات .

3️⃣ تصميم المطبوعات .

4️⃣ تصميم الفيديوهات .

5️⃣ تصميم واجهات المستخدم للويب .

و غيرها لســــة في 😉

منتظر شنو ، كل العليك تحدد المجال أو التخصص الإنت عاوزو ، و نحن حنساعدك 🔥

22/01/2023

لمن تتعلم مهارة جديدة و تقعد فترة من الزمن تتدرب عليها ، حتصل في النهاية إنو مهما كانت صعبة حيجي يوم و تشوفها ساهلة بس بالتدريب 😉

طيب البحصل شنو لعقلك لمن تدرب 🤔

في العقل في كمية كبيرة من الخلايا العصبية حوالي 85 مليار خلية 😯

مثلا لمن تكتب بحصل إتصال بين مجموعة من الخلايا العصبية و برسلو رسالة عبر الأعصاب للأصبع الماسك القلم إنو يكتب ، و العقل بيدير العملية دي 🧠

الإتصال بين الخلايا العصبية بيكون حاجة إسمها المسارات العصبية 😁

و مع إستمرار التدريب المسارات العصبية حتكون واضحة شديد بالنسبة للعقل و بيقدر يسلكها بسرعة أكبر و النتيجة إنو المهارة المعينة حتتطور عندك 💁🏽‍♂️

و من هنا بنعرف إنو العقل محتاج للتدريب و التطوير ، عشات تصل لمرحلة المهارة الكنت بتشوفها صعبة تكون ساهلة بالنسبة ليك 😌

21/01/2023

كتير مننا بعد التخرج أو في فترة الجامعة ، بكونوا دايرين يطوروا نفسهم عن طريق الكورسات 😁

في زمنا دا و من وقت إنتشار الكورونا ، زادت كمية الناس البتعلموا عن بُعد أو الكورسات الأونلاين .

من خلال الكورسات بتكسب المهارات البتخليك منافس قوي على مكانك في سوق العمل 💪🏽

التعليم عن بعد بتكسب منو معلومات مفيدة و مرات شهادات ، بس دايماً الكورسات الاوفلاين مهمة شديد 🖐🏽

أهمية الكورسات الاوفلاين بنلقاها في عدة جوانب ، مثلاً :

📌 إنك بتتعامل و تتدّرب على الأدوات الحتشتغل بيها في سوق العمل .

📌 حتكون حاضر بجسدك و المعلومة بتصلك من المدرب بطريقة مباشرة .

📌 بحصل تفاعل بينك و بين زملائك و الأستاذ .

المعلومة حتصل بطريقة أحسن ، و غالباً مع مجموعة صعب إنها تِتنسي 😉

و كدا حتكون مؤهل بصورة كويسة لسوق العمل 🫱🏼‍🫲🏽

20/01/2023

كتير منْ الطلبة في مرحلة التعليم العالي عموماً ، سَواءٌ كانو في الجامعة أو على مشارف التخرج ببدوا يفكرو في إنو يطورو نفسهم عبر الكورسات 😁

بس بتكون في عقبات و مشاكل بتقيف قدام كتير منهم ، و في النهاية بدخلو سوق العمل بدون خبرة أو بتجهو للأعمال الحرة 😥

نحن عاوزين نسمع تجربتكم و نعرف المشاكل الواجهتكم لمن فكرتو تنزلو كورسات 🫱🏼‍🫲🏽

17/01/2023

أكتر فئتين معّرضين إنهم يقعو في فخ المخدرات هم الشباب و المراهقين ✋🏽

و الإحصاءات بتقول إنو أغلب المدمنين كانت بداية تجربتهم للمخدرات كنتيجة لعدة أسباب 💁🏽‍♂️

🔸 خلل داخل الاسرة زي التفكك الاسري و إدمان واحد من الوالدين .

🔸 أسباب بيئية زي أصدقاء السوء و الفراغ 🚶🏽‍♂️

🔸 أسباب تانية كضعف الوازع الديني و إضطرابات الشخصية و حب الإستطلاع 🤷🏽‍♂️

طيب تعال أكلمك كيف حتبعد نفسك عن المخدرات 😁

اذا كنت رب اُسرة حاول تحافظ علي ترابط الاسرة بعيداً عن المشاكل ، و اعكس نسخة كويسة عنك قدام اولادك و حتكون قدوة ليهم 🤝

لو كنت شاب أبعد عنْ أصدقاء السوء ، و خلي وقتك مليان و أشغل نفسك بالرياضة و إنك تتعلم مهارت جديدة 😉

ولو حسيت بفراغ او ضغوط ابداً ما تفكر إنو المخدرات حتساعدك ، خليك قريب من ربنا وهو حيساعد ، تقرب من ربنا بالصوم والصلاة و حقيقي حتكون مبسوط 😌

15/01/2023

زي ما كلمناكم إنو نحن كإعلاميين تقع علينا مسؤولية مجتمعية بتوّظيف الوسائل الإعلامية لمحاربة المخدرات 🖐🏽

دور الإعلام كبير جداً في التوعية ، و التثقيف و توصيل الرسائل للمجتمع 🤝

بيتم إيصال الرسائل التوعويّة عبر الوسائل الاعلامية لانو نسبة كبيرة من الناس مهتمة بالإعلام ، و بكدا حنضمن توعية جزء كبير من المجتمع 😉

التوعية بتكون عبر نهجين 💁🏽‍♂️

🔸 نهج التخويف والترويع :
إسلوب التخويف بيذكر الناس بمضار المخدرات و بالتالي المتابع بيتخذ قرار إنو ما حيلجاء ليها 😁

🔸 النهج الواقعي :
وعبرو بنعرف معرفة دقيقة بآثار المخدرات والعواقب الاجتماعية المترتبة على إستعمالها ، وبالتالي حنسهل لمتابع الإعلام إنو يتخذ قرار بعدم إستعمال المخدرات 🤷🏽‍♂️

في الأخير المخدرات مشكلة و من الممكن انها تستمر على مدى الأجيال ، قد تختلف الأساليب و الاشكال حسب الزمن والمكان ، لكن شذوذ وانحرافات المتعاطين هو الحاجة الثابتة في كل المجتمعات ✋🏽

14/01/2023

في الفترة الأخيرة إنتشرت المخدرات في الاوساط الشبابية بشكل مخيف جداً 😥

نحن في مركز حلا و من منطلق مسؤليتنا الإجتماعية لابد إنو نوعي بمخاطر و اضرار المخدرات 😊

طيب ارح نكلمكم المخدرات ممكن تعمل شنو في جسمك 😰

🔸تسبب اضطرابات في القلب وارتفاع ضغط الدم و يصل في مرات إلى إنفجار الشرايين .

🔸 نوبات الصرع لو توقف الجسم عن تعاطي المخدر فجأة .

🔸 التهابات المخ و الشعور بالهلوسة و تصل لفقدان الذاكرة.

🔸 تليف الكبد و زيادة نسبة السموم في الجسم.

🔸 اضطرابات الجهاز الهضمي وفقدان الشهية .

🔸 ضعف الجهاز المناعي والصداع المزمن .

دا جزء بسيط من الاضرار الممكن تحصل لمتعاطي المخدرات ، عشان كدا خليك واعي و ابعد عنها لانو الوقاية خير من العلاج 😉

06/01/2023

لكل واحد عايز يتعلم صناعة المحتوى
الفرصة جاتك 😍

حينطلق كورس صناعة المحتوى ، مع المميزين في المجال 🔥🔥 :

الأُستاذ : محمد المجتبى عمار
و هو كاتب و صانع محتوى
🔸 معلق صوتى محترف
🔸 متقن للغة العربية
🔸متمرس في كتابة الإعلانات
🔸يٌُجيد هندسة الصوت
🔸 مدرس للإلقاء الصوتي تنمية القدرات

أعمال سابقة :

🔸 برنامج القصة بإختصار
🔸 برنامج دلالة المواسير
🔸 إعلانات بنك الخرطوم

الأُستاذ : أحمد محمد حسن
و هو صناع محتوى و من أصحاب الخبرة في مجالات كتيرة
🔸 المؤسس و الأمين العام للمنظمة التقنية الخيرية
🔸 يُجيد التعامل مع الحاسوب
🔸 يُجيد التحدث باللغة الانجليزية
🔸حاصل على دورات تدربية في الإعلام التنموي وتنمية المهارات الإعلامية وصحافة الموبايل

عمل سابقاً :

🔸 هيئة المواني البحرية السودانية ، قسم الإعلام والعلاقات العامة
🔸 عمل كمشرف لإدخال البيانات مع عدد من الجهات
🔸 عمل في قسم تقنية المعلومات في عدد من المؤسسات المرموقة

يبداء الكورس يوم الأحد الموافق ٢٠٢٣/١/٨ ويستمر حتي الخميس

عدد ساعات الكورس تلاتة ساعات يومياً شاملة البريك ، تبداء يومياً من العاشرة صباحاً وحتي الواحدة ضهراً .

🔸 سعر الكورس :
عشرين الف جنية

و المفاجاءة حيكون في رحلة تصوير لواحدة من ولايات السودان حيفوز بيها أتنين من المميزين في الكورس ، بالإضافة لمقعد مجاني في كورس تاني لكل واحد منهم 🔥

🟡 محاور الكورس :

▪أعرف جمهورك
▪️أعرف موضوعك
▪️أعرف أدواتك
▪أعرف مردودك

للتسجيل و الإستفسار يمكنكم التواصل على الرقم :

+249 12 875 5433

رقم الحساب للتسجيل :
1309091
بإسم نصر الدين محمد
و يرفق الإشعار مع نفس رقم الإستفسار أعلاه .

05/01/2023

05/01/2023

نحن في مركز حلا للتدريب مهمتنا الأساسية هي إنو نوصلكم لأهدافكم 🤝

عشان إنتو بتهمونا ، و نجاحكم بهمنا 💙

نعلن عن ورشة تمهيدية لكورس صناعة المحتوى و حتكون *مجااااااانية* 🔥🔥

🔰 المدرب : محمد المجتبي عمار 🔥
🔰 المدرب : أحمد محمد حسن 🔥
🔰 الزمان : الخميس الموافق ٢٠٢٣/١/٥
من الساعة ٢ضهراً حتي ٣ونص عصراً
🔰 المكان : قاعة مستشفي مكة للعيون - الرياض - شارع مكة

و حيكون في مفاجاءات وضيوف مميزين معانا في في الورشة 🔥

يلا منتظر شنو ، الورشة *مجاااااانية* يعني كل العليك إنك تصل في الزمن والمكان المحددين ، ما تضيع
الفرصة😉🔥