Mehira Platform منصة مهيرة

29/05/2024

الجمال في عين من يرى🩷...
استمتعوا ببقية اللوحات الجميلة للمصورة/أمانى الجيلي من خلال زيارة معرض مهيرة..
الرابط في أول تعليق..
#مهيرة

14/05/2024

جوان الخطيبي في ذمة الله..
#متابعات
#مهيرة

متابعات مهيرة:القاهرة انتقل قبل ساعات قليلة إلي رحمة الله ناشط السوشيال ميدياةالمعروف/ محمد الخطيبي الشهير ب جوان

26/04/2024

كتب د/مهند رحمة نصائح مهمة لكل الامهات قائلاً
(مما يؤلم القلب.. الطفلة السودانية "جانيت"، تعرضت للإغتصاب والقتل بواسطة مواطن من دولة جارة..
عمرها (10) شهور.. انت متخيل 💔

نشكر السلطات والحكومة سرعة الإستجابة وضبط الفاعل وتقديمه للعدالة.. ونتمنى القصاص العادل..

"جانيت" بتعيد للأذهان قصة "مرام".. وكل الاطفال ضحايا الإنحرافات النفسية عند فئة ما بتخاف الله

للأمهات بالتحديد.. الكلام ده ليك..
البيدوفيلية (إشتهاء الأطفال جنسياً) سلوك مرضي منتشر أكتر مما تتخيلي..
أي شخص من محيطك ممكن يكون بيدوفيلك..
دي ما صيغة مبالغة.. فعلياً أي شخص..

أغلب حالات التحرش، والإعتداء الجنسي المسجلة في أضابير الأقسام والمستشفيات، حصلت من قبل أقارب مقربين جداً للطفل/ة (خال، عم، إبن عم، ابن خال.. الخ)..
أو شخص مألوف للطفل في محيط الحي..
زي الجار، وبتاع البقالة.. وغيرهم..

أغلب الإضطرابات النفسية.. وإضطرابات الشخصية (PD).. وإضطراب الكرب التالي للصدمة.. وإضطراب القلق.. والمثلية الجنسية.. كلها سلوكيات نتجت - أو عزز حدوثها- التعرض للتحرش الممنهج، أو الإغتصاب في الطفولة..

أي شخص ممكن يكون بيدوفيلي..
راعي بنتك/ولدك وخليهم تحت رقابتك المباشرة.. في كل الحالات.. أو رقابة أبوهم في حالة عدم وجودك..
ما ترسلي أطفالك للدكان، والمخبز.. ما ترسلي ولدك/بنتك لجارتك محاسن يجيب ليك منها بصلتين.. ما ترسليه يخطف رجلو يجيب كيس عيش للغداء..

ماتسيبي أطفالك مع أي شخص، بعيد عن إشرافك المباشر..
ولو كان قريبك..
ولو كان أخوك (بعتذر عن دي.. بس النقطة دي مهمة)..

وعي أطفالك بمعنى الإنتهاك الجسدي بلغة بسيطة..
وعيهم بالمناطق الحساسة في أجسادهم.. والأهم.. شجعيهم وطمنيهم إنهم يلجأوا ليك لو حصل أي شي..
- "لو زول قال ليك كده تعالي كلميني.."
- "لو زول لمسك هنا تعال وريني.. انا صحبتك"
بأسلوب هادئ وإبتسامة..
ده مهم جداَ.. لانو ضبط ملامح الوش مهم لتعزيز الإطمئنان.. عشان ما يعتبره تهديد.. (الأطفال حساسين تجاه المؤثرات البصرية دي وبخافوا.. وممكن يسكت على الإعتداء خوفاً من ردة فعلك)..

الطفل البتعرض لتحرش، بسكت على الأرجح لسببين
تهديد المتحرِّش.. وخوفه من عقابك لو اتكلم..
ما تثقي في شخص.. مهما كان محترم..
مهما كان متدين..
مهما كان شكلو ود ناس..

📌 وعلى سبيل الإحتياط.. إنتبهي للعلامات دي:
🔹 لو بدأ طفلك يعرض رد فعل سلبي أو خوف واضح لمن يشوف شخص بعينه.. (انتبهي للعلامات.. اتساع العينين.. البكاء.. الخوف الواضح)..
🔹 لو بدأ يتلصق بيك وبأبوه على غير العادة..
🔹 لو بدأ يميل للصمت على غير عادته..
🔹 لو بقى إنفعالي، أو تغيرت شهيته للأكل بصورة واضحة..
🔹 لو بقى يخاف من الشارع.. او أنه يكون لوحده..

قد تكون علامة على تعرضه لموقف صادم ما.. ما بالضرورة إعتداء جنسي.. بس في شئ سلبي تعرض ليهو..
محتاجة تتقصي عنه..

إنتبهوا لأطفالكم ياخوانا..
ما يبعدو عن عينكم.. ما ينوموا مع ناس غيركم..
وما ترسلوهم الشارع بدون رقابة..
(حرص.. ولا تخون) ..
أعتقد ده شعار ممتاز للتربية..)

14/04/2024

شدة وتزول..
صدقني شمسك ح تطل يابلدى مهما الليل يطول..