17/06/2024
كل سنة وإنتي طيبة ياأنا 🥰♥️
🤣
بس للأمانة كان خريف وصيف وشتاء وربيع كمان مرت علي كل الفصول في مختلف السنوات 🥺 بس أهي عدت والحمدلله...
مبسوطة شديد من نفسي وفخورة جدا من الوصلت ليهو لأني حاسة إني وصلت لأهم شي شيء في حياتي
(إني أنا أهم من كل شيء)
طول عمري كنت في صراعات وتحديات عشت طول الثلاثين سنة بصارع في الزمن عايزة ادخل المدرسة بسرعة وفعلا دخلت أصغر من دفعتي 😓 خمسة سنوات كنت بشيل شنطتي ومجتهدة في دراستي عشان أطلع الأولى اتميزت في كل سنوات دراستي ولكن للأسف أي نجاح أقل من الكمال إني أقفل المجموع أو أجي الأولى ماكنت بشوفو💔 بتذكر لامن امتحنت تامن جبت 265 من 280 قفلت نفسي يومين ببكي وإحساس رهيب بالفشل كأني ماعملت أي حاجة 💔 وغير ناجح بس عاملين ليهو حفلة وسعيد فيها🤣 وفي امتحانات الثانوي لامن جبت 88.7 % برضو قفلت نفسي أيام أبكي لأنو كان طموحي أكتر من كدا عالرغم من إني في تامن كنت جاية من دولة تانية ومنهج مختلف عني تماما, وفي الثانوي بديت السنة بوفاة أخوي أحمد الله يرحمو لكني ماعذرت نفسي ولا حتى عرفت أفرح بنجاحي 💔 ماعرفت أقدر النعمة الفي يدي وأقدر نفسي على أي مجهود عملتو كان كل همي إني أكون فوق حتى بتذكر ماكنت بهتم بأكلي وشرابي وأنا ممتحنة عادي جدا مااكل عشان ماأضيع زمن من القراية عجيب كان أمري ...💔
حتى لامن جيت أدخل الجامعة دخلت حاجة كانت مارغبتي أصلا وكنت بصارع نفسي عشان أكملا ونجحت فيها بس عشان ماأضيع سنة تانية في إعادة تالتة ولا ادخل بقروش، أدخل بحقي زي ماكنت بقول 🤣 صعبت على نفسي الحياة فكانت حياتي صعبة ومعقدة جدا كنت مابشوف لنفسي انجاز لو ماكانت حاجة مثالية وفوق المثالية، فما كان زول بشوف نجاحاتي الأنا الآن بعتبرا عظيمة جدا اتخرجت من كلية هندسة العمارة وعملت ماجستير كمان بس برضو ماكنت شايفة إني عملت حاجة تذكر💔 ....
الجري وراء المثالية الزائفة وآراء الناس وتصنيفاتهم كانت أسوء مقبرة دفنت فيها كل انجاز عملتو اعتبرتو ماكامل بس اليوم بعد ماكملت 30 سنة من تجارب معقدة وتحديات كبيرة مابقدر اتكلم عنها كلها أنا قررت إنو ماف حاجة مهمة أصلا
رأي الناس فيني ... فكرة الناس عني... مدح الناس لي ....كلامهم السيء عني....تصنيفات المجتمع لي ....كلها بالنسبة لي الآن صفر على الشمال ماعندها قيمة ولا معنى 🤣🤣🤣
أنا المهمة بدون نجاح أنا مهمة ،وقيمة جدا ،كفاية إني من روح الله عز وجل♥️
بكل أخطائي وذنوبي أنا مهمة وربنا وحده البعرفني وبغفر لي وبتوب علي♥️
بكل إنجازاتي البسيطة حتى لو كانت صحيتي نص الليل عشان أعمل لولدي حليب أنا فخورة وجدا كمان ♥️
كل لحظة مسكت فيها أعصابي بعد الخراب البعملو ولدي في البيت مثلا🤣 وأتعامل بهدوء عشان أنا قدوتو وبحاول أحسن من نفسي عشان بتعلم مني أنا بخت لنفسي نجووووم مانجمة واحدة ♥️
كل لحظة نزلت فيها اشتغلت وجبت قروش وصرفتها على ولدي ومانقصت منو احتياج حتى لو على حساب نفسي انا بيها فخووورة جدا ♥️
انا اليوم ممتنة لكل التجارب المريت بيها والأشخاص الدخول حياتي ضافو لي وأخدو مني ♥️
انا اليوم متقبلة جدا للحياة وراضية عن أي قدر ممكن يجيني وبيقين تام إنو خير لي🤣♥️
أنا اليوم بحب نفسي زي ماأنا وما محتاجة إنجاز رهيب عشان أفتخر بيها أنا فخورة بي زي ماأنا وبسعى للأفضل وتجي النتيجة زي ماتجي🌚
في الباقي من عمري حأعيش أجمل تفاصيل وسنين عمري بإذن الله لأني حأكون سعيدة وراضية ومليانة حب مهما كانت الظروف
ماف شيء في الدنيا بستاهل نخرب سعادتنا اللحظية بأي تفاصيل ولو كانت صغيرة ♥️
عندي حياة واحدة حأكون مبسوطة فيها في كل الحالات بتقبل تاااام ♥️♥️♥️♥️
حب كبير لمرام العظيمة العشتها زمان البتحب التحديات ديك🤩🥰 وأهلا وسهلا بمرام حتعيش مبسوطة وبس حتى لو ماأنجزت شيء غير تعمل كباية قهوة وتسعد بيها 🤣🙈♥️
وفي الأخير نصيحتي للأصغر مني ♥️
كل أعوامي سعادة وهنا يارب العالمين ❤️🥰
مرام _محمد
