27/07/2024
لقيت الاستشاره دي قتلني بضحك 😂😂😂😂💔🔥
#استشاره
السلام عليكم اقسم بالله اني اقول الحق' انا متزوجه وعمري ٢٣ سنه وهو٢٧ وطبيب بيطري وعندنا ولد وبنت مابين ٥ لي ٦ سنه المشكله انو زوجي دا انا واولادي مناعتنا ضعيفه وهو شغال مع الحمير والحصين والجداد والكلاب ونحن بنمرض وهو مناعدو غويه ماقعد يمرض نهائي وانا شغلو دا ماعاجبني معا انو بصرف كويس وامورنا تمام لاكين توالي بنمرض بنتي الصغيره جاها شقيق في وشها قال دا جدري الجداد جاب ليها القطره بتاعة الجداد، وقدر ما اقول ليه خلينا نوديها الدكتور يقول لي انا ماعاجبك ولاشنو ويزعل حتي انا لمن امرض بجيب لي حقن حيوانات ومراهم حيوانات وحبوب حيوانات مره مرضت شديد قال لي لازم تاخدي تستورين حقنه حقة غنم كبيره وانا عيانه وما فيني حيل اكورك معاهو اداني الحقنه وماحصل ودانا دكتور وهو ما بمرض نهائى نحن بس بنمرض وبنتعالج بي ادوية الحيوانات دي وانا والله خايفه علي اولادي حتي ولدي الصغير مابياكل كويس اداهو فاتح شهيه ومنشط بتاع حصين الولد ضربات قلبو زادت وبقي ياكل ويخرج بدون مواخذه والنصيحه لي الله انا ماعارفه اعمل شنو استمر في الزواج دا اشان اولادي ، ولا اطلق منو واشوف حياتي ، ولا اعمل شنو شورو علي لانو انا مغلوب علي امري والله حتي امي واقفه معاهو حتي هي لمن تمرض بتتصل ليهو ومرا يكتب ليها دوا حق قطط ومرا حقن غنم وبقيت حاسه نفسي كلبه والله بي كترت المصايب العلي دي وروني اعمل شن ، وخلو التنمر ؟.
منقوووووووووول والتحيه للبياطرة👌😂😂💞🤭
