13/11/2022
پاکستان اور انگلینڈ کے درمیان 28 ٹی ٹوئنٹی مقابلوں میں کس کا پلڑا بھاری؟
پاکستان اور انگلینڈ کی ٹیمیں آج ٹی ٹوئنٹی ورلڈکپ کے فائنل میں آمنے سامنے ہوں گی اور آج کے میچ سے قبل دونوں ٹیمیں ٹی ٹوئنٹی فارمیٹ میں 28 بار آمنے سامنے آ چکی ہیں۔
پاکستان اور انگلینڈ کے درمیان ٹی ٹوئنٹی فارمیٹ میں پہلا مقابلہ 28 اگست 2006 کو برسٹل میں ہوا تھا جس میں پاکستان نے فتح سمیٹی تھی۔
اگست 2006 سے اب تک دونوں ٹیموں کے درمیان اس فارمیٹ میں 28 مقابلے ہو چکے ہیں جس میں سے انگلینڈ نے 17 بار پاکستان کو ہرایا جبکہ پاکستان صرف 9 بار کامیاب ہوا۔
پاکستان اور انگلینڈ کی ٹیموں کے درمیان ایک مقابلہ ٹائی رہا جبکہ ایک میچ کا نتیجہ برآمد نہیں ہو سکا۔
ٹی ٹوئنٹی ورلڈ کپ میں اب تک دونوں ٹیمیں صرف دو بار آمنے سامنے آئی ہیں اور دونوں بار انگلینڈ نے فتح حاصل کی۔
رواں سال انگلش ٹیم نے پاکستان آکر 7 ٹی ٹوئنٹی میچز کی سیریز کھیلی، انگلینڈ نے 4 اور پاکستان نے 3 میچوں میں کامیابی سمیٹی۔
