NewsTeller

15/05/2023

عمران خان کہ سکیورٹی گارڈ اور وکیل پر تشدد کی ویڈیو سامنے آگئی ۔۔

09/04/2023

02/04/2023

سرفراز احمد کی ٹیبل ٹینس پلیئر حور فواد کی سپورٹ کی درخواست۔
پاکستان کرکٹ ٹیم کے سابق کپتان سرفراز احمد نے ٹیبل ٹینس پلیئر حور فواد کے حق میں بیان دے دیا۔

سرفراز احمد نے حور فواد کے ساتھ ویڈیو میں ٹیبل ٹینس پلیئر کی سپورٹ کی درخواست ہے۔
قومی ٹیم کے سابق کپتان سرفراز احمد نے کہا کہ اس بچی نے کم عمری میں پاکستان کیلئے بہت سے اعزازات حاصل کیے، اسپانسر نہ ہونے کی وجہ سے حور کو زیادہ مواقع نہیں مل پا رہے۔

سرفراز احمد نے کہا کہ ہمیں حور فواد جیسے پلیئرز کو سپورٹ کرنا چاہیے، امید ہے کرکٹ سے جڑے افراد حور کو سپورٹ کریں گے تاکہ وہ پاکستان کا نام روشن کرسکیں۔

02/04/2023

پاکستان کرکٹ بورڈ کے چئرمین نجم سیٹھی نےکہا ہے پاک انڈیا کرکٹ سیریزمیں زیادہ رکاوٹیں بھارت کی طرف سے ہیں ۔

اسلام آباد میں سما سے خصوصی گفتگو کرتے ہوئے نجم سیٹھی نے کہا پی سی بی یا بی سی سی آئی باہمی طور پردونوں ممالک کرکٹ بحال نہیں کر سکتیں، دونوں ممالک کی حکومتیں ہی دوطرفہ کرکٹ بحال کرسکتی ہیں۔

انہوں نے کہا ایشیا کپ میں 80 فیصد ریونیو پاک بھارت میچوں سے حاصل ہوتا ہے ،ایشیا کپ میں پاک بھارت میچ نیوٹرل مقام پر ہوں گے ، ورلڈ کپ کے میچز کے متعلق فیصلہ آئی سی سی کرے گی ۔

نجم سیٹھی نے کہا ورلڈ کپ کی تیاریوں کیلئے پاکستان میں غیرملکی کوچز آ رہے ہیں ۔

02/04/2023

انٹرنیشنل کرکٹ کونسل نے بھارت میں شیڈول ون ڈے ورلڈ کپ دو ہزار تئیس کا لوگو جاری کردیا۔

تفصیلات کے مطابق آئی سی سی نے ورلڈکپ 2023 کےآغاز سے 6 ماہ قبل نیا لوگو جاری کردیا ہے۔

اس موقع پر آئی سی سی چیف ایگزیکٹیو جیوف ایلارڈائس نے کہا آج کے دن بھارت نے2011 میں سری لنکا کو شکست دیکر عالمی کپ جیتا تھا،مینز کرکٹ ورلڈکپ 2023 کا برانڈ لوگو ظاہر کرنے پرخوشی ہورہی ہے،ہمارے پاس 6 ماہ ہیں اس دوران تمام تیاریاں مکمل کریں گے۔

بھارتی کرکٹ بورڈ کے سیکرٹری جے شاہ کا کہنا تھا بھارت کا ہوم گراؤنڈ پر ورلڈکپ جتنا کسی اعزاز سے کم نہیں تھا،2011 کی فتح نے ہماری کرکٹ میں نئی جان ڈال دی۔کرکٹ کے سب سے بڑے ایونٹ کی میزبانی کرنا ایک یادگار لمحہ ہوگا۔

02/04/2023

پاکستان کرکٹ بورڈ نے سابق قومی کرکٹر محمد عامر کو انٹرنیشنل کرکٹ میں واپسی کیلئے گرین سگنل دے دیا ۔

تفصیلات کے مطابق سابق کرکٹرمحمدعامرکوپاکستان کی طرف سےجلدانٹرنیشنل کرکٹ کھیلانے کی تیاریاں مکمل کر لی گئی ہیں، اورپی سی بی نےمحمدعامرکوانٹرنیشنل کرکٹ میں واپسی کیلئے گرین سگنل دے دیا ہے۔

ذرائع کے مطابق سلیکشن کمیٹی کےاہم رکن نےسابق قومی کرکٹرمحمدعامرکے مینجرسے رابطہ سے رابطہ کیا ہے۔

محمد عامر کے مینجر کے مطابق ممبر سلیکشن کمیٹی نے کہا ہے کہ پی سی بی چاہتاہےمحمدعامرانٹرنیشنل کرکٹ میں واپس آئیں،محمدعامرکوسلیکشن کمیٹی اور پی سی بی کا پیغام دے دیں کہ وہ کسی بھی بیان بازی سےگریز کریں۔

ذرائع کے مطابق ممبر سلیکشن کمیٹی نے کہا محمدعامراپنی واپسی پر توجہ دیں اور پریکٹس کو یقینی بنائیں،محمد عامر کو جب پی سی بی کہے تو فوری ریٹائرمنٹ واپس لے لیں۔

سلیکشن کمیٹی کے ممبر کے مطابق محمد عامر بہترین باولر ہیں پاکستان کو انکی ضرورت ہے، محمد عامر کو پیغام دیں کہ وہ ہدایات پرعمل کریں جلد پاکستان کی طرف سے کھیلیں گے۔

01/04/2023

01/04/2023

کتے کا انگریزی زبان میں اپنے مالک سے محبت کا اظہار۔

طوطوں کو تو سب ہی نے انسانوں کی زبان بولتے دیکھا ہوگا لیکن اب شاید کتوں نے بھی انسانی زبان بولنے کی کوششوں کا آغاز کردیا ہے۔

پالتو جانوروں کے مالک اکثر اپنے کتوں کے ساتھ بات چیت کرتے ہیں اور کتے ان کی باتوں کو مانتے ہیں اور جب وہ اس کی ویڈیوز ریکارڈ کر کے سوشل میڈیا پر شیئر کرتے ہیں تو انہیں صارفین بہت پسند کرتے ہیں۔

سوشل میڈیا پر پالتو کتے کا اپنے مالک کی بات مانتے ہوئے اس سے پیار کا اظہار کرنے کی ویڈیو کو انٹرنیٹ پر بہت زیادہ پسند کیا جارہا ہے۔
غیرملکی میڈیا کے مطابق یہ ویڈیو پہلی مرتبہ 2021 میں سوشل میڈیا پر شیئر کی گئی تھی تاہم اب ایک مرتبہ پھر اسے مختلف اکاؤنٹس سے شیئر کیا جارہا ہے۔

30/03/2023

افریقی ملک برونڈی کے ایک قصبے کو خطرناک اور نئے قسم کے وائرس نے جکڑ لیا۔

غیرملکی میڈیا کے مطابق بازیرو نامی علاقے میں کچھ لوگوں کی ناک سے خون بہنے کے واقعات رپورٹ ہوئے ہیں جبکہ اس پراسرار وائرس سے اب تک 3 افراد ہلاک ہو چکے ہیں۔

مقامی میڈیا کے مطابق تینوں مریضوں کو اسپتال پہنچنے سے 24 گھنٹے سے بھی کم وقت میں ناک سے خون آنے لگا تھا، متاثرہ قصبے کو قرنطینہ کردیا گیا ہے۔

رپورٹس کےمطابق اس نئی اور نامعلوم بیماری میں بخار، سر درد، چکر آنا اور الٹی جیسی علامات محسوس ہوتی ہیں۔

مقامی میڈیا کے مطابق صحت کے حکام کی موجودہ صورتحال پر قابو پانے کی کوششیں جاری ہیں۔

30/03/2023

سرمایہ کاری بینک گولڈمین ساکس کی ایک رپورٹ میں کہا گیا ہے کہ مصنوعی ذہانت یعنی آرٹیفیشل انٹیلیجنس 30 کروڑ نوکریوں کی جگہ لے سکتی ہے۔

رپورٹ کے مطابق مصنوعی ذہانت امریکا اور یورپ میں ایک چوتھائی نوکریوں کی جگہ لے سکتی ہے لیکن اس کا مطلب نئے مواقع اور پیداواری صلاحیت میں اضافہ بھی ہو سکتا ہے۔

بینک گولڈمین ساکس کی رپورٹ میں کہا گیا ہے کہ مصنوعی ذہانت کے اثرات مختلف شعبوں میں مختلف ہوں گے جیسا کہ انتظامی نوعیت کے امور میں 46 فیصد کام، قانونی پیشوں میں 44 فیصد کام خودکار ہو سکتے ہیں لیکن تعمیرات کے شعبے میں صرف 6 فیصد جبکہ دیکھ بھال (مینٹینینس) کے شعبے میں چار فیصد کام خود کار ہوں گے۔

رپورٹ میں پیش کی گئی تحقیق کے مطابق 60 فیصد افراد آج ایسی نوکریاں کر رہے ہیں جو 1940 میں موجود نہیں تھیں لیکن دیگر تحقیق سے پتا چلتا ہے کہ 1980 کی دہائی کے بعد ٹیکنالوجی میں تبدیلی نے ملازمتوں کے مواقع پیدا کرنے سے زیادہ تیزی سے لوگوں کو بے روزگار کیا۔

رپورٹ میں یہ نتیجہ اخذ کیا گیا ہے کہ اگر جنریٹیو اے آئی نے بھی ماضی کی انفارمیشن ٹیکنالوجی کی طرح ترقی کی تو یہ بہت جلد ملازمتوں کو کم کرسکتی ہے۔

دوسری جانب ماہرین کا کہنا ہے کہ مصنوعی ذہانت کے طویل المدت اثرات انتہائی غیر یقینی ہیں۔ مصنوعی ذہانت سے متعلق تمام پیش گوئیوں پر مکمل انحصار نہیں کرنا چاہیے۔

برطانوی نشریاتی ادارے نے ماہرین کے حوالے سے لکھا کہ ہمیں نہیں پتا کہ اس ٹیکنالوجی کا ارتقا کیسے ہو گا اور کیسے کمپنیاں اس کو اپنے نظام اور کام میں شامل کریں گی۔ اس کا مطلب یہ نہیں کہ مصنوعی ذہانت ہمارے کام کرنے کے طریقے میں خلل نہیں ڈالے گی لیکن ہمیں اعلیٰ پیداواری صلاحیت اور کم اخراجات سے ممکنہ معیار زندگی کے فوائد پر بھی توجہ مرکوز کرنی چاہیے اور اگر دوسری کمپنیاں اور معیشتیں بھی ٹیکنالوجی کی تبدیلی کو بہتر طور پر اپنا لیتی ہیں تو نقصان یا ناکامی کے امکانات بہت کم ہو جائیں گے۔

30/03/2023

بنگلادیش کے اسٹار آل راؤنڈر شکیب الحسن نے نیوزی لینڈ کے فاسٹ بولر ٹم ساؤتھی سے ٹی 20 انٹرنیشنل کا اہم اعزاز چھین لیا۔

بنگلہ دیشی اسپنر شکیب الحسن نے ٹم ساؤتھی کا ریکارڈ توڑتے ہوئے ٹی 20 انٹرنیشنل میں سب سے زیادہ وکٹیں حاصل کرنے کا اعزاز حاصل کرلیا۔

شکیب الحسن نے آئرلینڈ کیخلاف دوسرے ٹی 20 انٹرنیشنل میں 5 وکٹیں حاصل کیں، وہ ٹی 20 انٹرنیشنلز میں 136 وکٹیں لے کر مختصر ترین کرکٹ میں سب سے زیادہ شکار کرنیوالے کھلاڑی بن گئے۔

بنگلہ دیشی اسٹار شکیب الحسن نے 2006ء میں زمبابوے کیخلاف ٹی 20 انٹرنیشنل میں ڈیبو کیا تھا، وہ اب تک 114 میچز کھیل چکے ہیں، جس میں انہوں نے 136 وکٹیں حاصل کیں۔

نیوزی لینڈ کے ٹم ساؤتھی 134 وکٹیں لے کر دوسرے جبکہ بنگلہ دیش کے مایہ ناز اسپنر راشد خان 129 وکٹوں کے ساتھ تیسرے نمبر پر ہیں، ٹی 20 انٹرنیشنل میں 100 سے زائد وکٹیں لینے والوں میں پاکستان کے شاداب خان بھی شامل ہیں، جنہوں نے اب تک 101 شکار کئے ہیں۔

30/03/2023

ڈاکٹروں کے لکھے ہوئے نسخوں کو سمجھنے کا مسئلہ کئی دہائیوں سے چلا آرہا ہے لیکن اب گوگل کے نئے فیچرکی مدد سے ڈاکٹر کے لکھے ہوئے مشکل ترین نسخے کو با آسانی پڑھا اور سمجھا جاسکے گا ۔

دنیا کے سب سے بڑے سرچ انجن اور ٹیکنالوجی کمپنی گوگل نے بھارت میں سالانہ کانفرنس کا انعقاد کیا۔

کانفرنس کے دوران گوگل کی جانب سے بتایا گیا کہ ڈاکٹروں کی مشکل لکھائی کو سمجھنے کے طریقے تلاش کرنے کے لیے گوگل فارماسسٹ کے ساتھ مل کر کام کررہا ہے۔

گوگل کی جانب سے بتایا گیا کہ اس فیچر کے ذریعے ہاتھ سے لکھی ہوئی طبی دستاویزات کو ڈیجیٹلائز کیا جاسکے گا۔ ابھی یہ فیچر تیاری کے مراحل میں ہے اور عام صارف کے لیے دستیاب نہیں۔

کانفرنس کے دوران نئے فیچر کا تجربہ بھی کرکے دکھایا گیا ، جس کی مدد سے صارفین فوٹو لائبریری سے مشکل نسخے کی تصویر اپ لوڈ کرکے اسے آسان بنا سکتے ہیں۔

30/03/2023

گوگل سرچ انجن کوروزانہ اربوں افراد روزمرہ زندگی میں مختلف معلومات کے حصول کے لیےاستعمال کرتے ہیں اوراب یہ زندگی بچانے میں بھی بڑاکرداراداکرے گا۔

گوگل کی جانب سے سرچ انجن میں ایک نئے فیچرکو شامل کیا جارہا ہے۔یہ نیا فیچربنیادی طور پر موسمیاتی الرٹ ہوگا جو شدید گرم موسم کے بارے میں لوگوں کو آگاہ کرے گا۔

گوگل کا بتانا ہے کہ آنے والے مہینوں میں ہیٹ ویوز اور موسمیاتی شدت میں اضافے کی توقع ہے جس سے ہیٹ اسٹروک اوراموات کا خطرہ بڑھ جائے گا۔

اسی کو مدنظر رکھتے ہوئے یہ نیا فیچر متعارف کرایا جا رہا ہے جس میں ہیٹ ویوز کے بارے میں تفصیلات فراہم کرنے کے ساتھ ساتھ خود کو محفوظ رکھنے کے لیے مشورے بھی دیے جائیں گے۔

گوگل کے مطابق گزشتہ سال ہیٹ ویوز سے متعلق سرچز میں نمایاں اضافہ ہوا تھا اور اب جو صارف شدید گرم درجہ حرارت کے بارے میں تفصیلات جاننے کی کوشش کرے گا، تو اسے بتایا جائے گا کہ ہیٹ ویو کا آغاز اور اختتام کب تک ہوگا یا وہ خود کو محٖفوظ کیسے رکھے۔

یہ فیچر آئندہ چند ماہ میں صارفین کیلئے متعارف کروادیا جائے گا۔

28/03/2023

روس کے دفاعی نظام نے امریکی گائیڈڈ میزائل مار گرایا۔ روسی وزارت دفاع کا کہنا ہے کہ امریکی میزائل روس کی حدود میں مار گرایا ہے۔

یوکرین جنگ کے دوران روس نے پہلی بار امریکی ساختہ میزائل گرایا ہے۔

رپورٹ کے مطابق ایئر ڈیفنس سسٹم نے پورے دن 18 راکٹ اور ایک گائیڈڈ میزائل کو روکنے کی کوشش کی۔

28/03/2023

مودی حکومت نے ریٹائرڈ بھارتی فوجیوں کو بھی دھوکا دے دیا۔ نریندر مودی نے الیکشن سے قبل ووٹ بٹورنے کی خاطر ایک رینک، ایک پینشن کا وعدہ کیا، بعد میں آنکھیں پھیرلیں، 2008 سے ریٹائرڈ بھارتی فوجی ایک رینک، ایک پینشن کیلئے احتجاج کر رہے ہیں۔

2013 میں ایک انتخابی ریلی کے دوران مودی کے وعدے پر کئی ریٹائرڈ جرنیلوں اور ہزاروں ریٹائرڈ فوجیوں نے بی جے پی کو ووٹ ڈالا۔

مطالبات پورے نہ ہونے پر جون 2015 میں ریٹائرڈ فوجیوں نے بھارت بھر میں مظاہرے شروع کیے، مظاہروں کے دوران پولیس نے دہلی میں احتجاج کرنے والے ریٹائرڈ فوجیوں اور بیواؤں پر بہیمانہ تشدد کیا۔

مظاہرین پر تشدد کی وجہ سے 10 سابق آرمی چیفس نے مودی کو خط لکھ کر مذمت کی اور تحقیقاتی کمیشن کا مطالبہ کیا۔

2016 میں صوبیدار رام کشن نے مطالبات کی نامنظوری پر خودکشی کر لی تھی، جبکہ 5 ہزار سے زائد ریٹائرڈ بھارتی فوجی مودی سرکار کو احتجاج کے طور پر اپنے تمغے واپس کر چکے ہیں۔

سپریم کورٹ کے واضح احکامات کے باوجود مودی سرکار نے زور زبردستی ترمیم کردہ بل منظورکر لیا۔ ریٹائرڈ فوجیوں نے بل کو مسترد کرتے ہوئے اسے ایک رینک پانچ کے مترادف پینشن قرار دیا تھا۔

28/03/2023

پرتگال میں چاقو حملے میں دو افراد ہلاک اور متعدد زخمی ہوگئے، حملہ کرنے والے کو پولیس نے حراست میں لے لیا۔

پولیس کے مطابق چاقو حملہ دارالحکومت لزبن میں اسماعیلی مرکز میں کیا گیا، حملہ آور نے بڑا چاقو اٹھایا ہوا تھا جس سے اس نے لوگوں پر حملہ کیا۔

حملہ آور پولیس کی فائرنگ سے زخمی ہونے کے بعد گرفتار کرلیا گیا۔

مقامی میڈیا کے مطابق حملہ آور افغان شہری بتایا جا رہا ہے، پولیس نے حملہ آور کی قومیت کی تصدیق نہیں کی۔

مقامی اسماعیلی کمیونٹی رہنما ناظم احمد نے بتایا کہ حملہ آور افغان جبکہ ہلاک ہونے والی دو پرتگالی خواتین تھیں۔

28/03/2023

میانمار اور بنگلہ دیش کے کیمپوں میں ناسازگار حالات سے تنگ ہو کر فرار ہونے والے 200 کے قریب روہنگیا مسلمان انڈونیشیا کے صوبے آچے پہنچ گئے، نومبر سے اب تک 918 روہنگیا انڈونیشیا پہنچ چکے ہیں۔

انڈونیشیا کی مقامی پولیس کے مطابق تقریباً 184 روہنگیا آچے صوبے کے مشرقی علاقے میں پہنچے ہیں، جن کی حالت بہتر بتائی جارہی ہے، ان افراد میں خواتین اور بچے بھی شامل ہیں۔

امریکی میڈیا کے مطابق کئی برسوں سے روہنگیا مسلمان لکڑی کی کشتیوں کے ذریعے ملائیشیا اور انڈونیشیا پہنچنے کی کوشش کرتے رہے ہیں۔

ان میں سے بیشتر راستے میں ہی بیماری، بھوک اور تھکاوٹ کی وجہ سے ہلاک ہوجاتے ہیں۔

28/03/2023

بیلجیئم کی یونیورسٹی آف اینٹورپن معروف پاکستانی ترقیاتی کارکن اور کشف فاؤنڈیشن کی بانی روشانے ظفر کو جنرل میرٹ پر ڈاکٹریٹ کی اعزازی ڈگری دے گی۔

اس بات کا اعلان یونیورسٹی کے ریکٹر ہرمن وان گوئتھم نے کیا۔ انہوں نے کہا کہ اس سال یونیورسٹی 4 غیر ملکی محققین کو سائنسی میرٹ کےلیے اور ایک ماہر کو جنرل میرٹ کےلیے اعزازی ڈگریاں دے گی۔

جنرل میرٹ کےلیے یہ اعزازی ڈگری پاکستانی ترقیاتی کارکن روشانے ظفر کو دی جائے گی جو خواتین کو مالیاتی طور پر بااختیار بنانے کےلیے جانی جاتی ہیں۔

واضح رہے کہ روشانے ظفر پاکستان کے سابق وزیر قانون ایس ایم ظفر کی بیٹی ہیں جو خواتین کی معاشی خودمختاری کے شعبے میں کام کر رہی ہیں۔

انہوں نے 1996 میں پاکستان میں پہلی خصوصی مائیکرو فنانس تنظیم کشف فاؤنڈیشن بنائی۔

اس فاؤنڈیشن نے پاکستان بھر میں اپنے جامع مالیاتی خدمات کے پروگرام کے ذریعے 50 لاکھ سے زیادہ خواتین کو معاشی اعتبار سے بااختیار بنانے کےلیے قرضے فراہم کیے۔

28/03/2023

عالمی ادارہ صحت (ڈبلیو ایچ او) نے کورونا ویکسین کی سفارشات میں تبدیلی کر دی۔

جینوا سے خبر ایجنسی کے مطابق زیادہ خطرے والے افراد کو آخری بوسٹر شاٹس کے 12 ماہ بعد اضافی خوراک ملنی چاہیے۔

ڈبلیوایچ او کا مزید کہنا ہے کہ عمر اور دیگر عوامل کی بنیاد پر کورونا ویکسین کے 6 یا 12 ماہ بعد اضافی شاٹ دی جائے۔

عالمی ادارہ صحت کا کہنا ہے کہ میڈیم رسک افراد کیلئے کورونا سے بچاؤ کے دو بنیادی شاٹس کے بعد سالانہ بوسٹر شاٹس ضروری نہیں ہیں۔

28/03/2023

پاکستانی نژاد حمزہ یوسف اسکاٹ لینڈ کے نئے فرسٹ منسٹربن گئے۔

ایڈنبرا سے خبر ایجنسی کے مطابق اسکاٹ لینڈ کی پارلیمنٹ نے حمزہ یوسف کی اسکاٹش نیشنل پارٹی سربراہی کی توثیق کر دی۔

حمزہ یوسف بدھ کو اسکاٹ لینڈ کے فرسٹ منسٹر کا حلف اٹھائیں گے۔ خبر ایجنسی کے مطابق حمزہ یوسف کسی مغربی یورپی حکومت کی سربراہی کرنے والے پہلے کم عمر اور مسلمان لیڈر بن گئے۔

واضح رہے کہ 37 سالہ حمزہ یوسف نے گذشتہ روز اسکاٹش نیشنل پارٹی کی سربراہی کا انتخاب جیتا تھا۔

خبر ایجنسی کے مطابق اسکاٹش نیشنل پارٹی کی سابق سربراہ نکولا اسٹرجن گذشتہ ماہ مستعفی ہوگئی تھیں۔

28/03/2023

ترکیہ پاکستان پارلیمانی فرینڈشپ کے چیئرمین اور صدر طیب اردوان کے مشیر علی شاہین سے کشمیری وفد نے انقرہ میں ملاقات کی۔

اس موقع پر صدر اردوان کے مشیر علی شاہین نے کہا کہ ترکیہ اور کشمیر ایک ہیں، کشمیر اور ترکیہ دو ملک اور ایک قوم ہیں۔

ان کا کہنا تھا کہ ترکیہ کے عوام کشمیری اور پاکستانی بہن بھائیوں کے ساتھ ہیں، ہم کشمیری عوام کے ساتھ ہیں، ہمارا خون بھی ان کےلیے حاضر ہے۔

انہوں نے کہا کہ سری نگر کے آنسو ہمارے آنسو ہیں اور مظفرآباد کا مسئلہ ہمارا مسئلہ ہے۔

علی شاہین کا کہنا تھا کہ کشمیر پاکستان اور ترکیہ ایک جسد واحد ہیں، ہم کشمیریوں کی جدوجہد آزادی میں منزل کے حصول تک ان کے شانہ بشانہ رہیں گے۔

انہوں نے مزید کہا کہ صدر اردوان نے ہر بین الاقوامی فورم میں مسئلہ کشمیر اُجاگر کیا اور اس کے فوری حل کا تقاضہ کیا۔

وفد کے سربراہ عبدالرشید ترابی اور حریت رہنما اعجاز احمد شاہ نے کشمیر کی تازہ ترین صورت حال پر بریفنگ دی۔

عبدالرشید ترابی نے کہا کہ بھارتی مظالم اور عزائم بالخصوص ڈیموگرافی تبدیل ہو رہی ہے۔

ان کا کہنا تھا کہ بھارت کی طرف سے کشمیریوں کی نسل کشی روکنے میں او آئی سی بین الاقوامی سطح پر مؤثر کردار ادا کرنے کا تقاضہ کرے۔

انہوں نے کہا کہ ترکیہ متاثرین زلزلہ کے ساتھ اظہار یکجہتی کرنے کے ساتھ ان کی جلد ازجلد بحالی کےلیے دعا کرتے ہیں۔

عبدالرشید ترابی نے مزید کہا کہ ترکیہ کےلیے ہر کشمیری اور پاکستانی اسی طرح فکرمند ہے اور متاثرین کے بحالی میں اپنا حصہ ڈالنا چاہتا ہے۔

28/03/2023

صنفی امتیاز کے بغیر ڈرائیونگ لائسنس ہر ڈائیور کےلیے لازمی ہے تاکہ اس بات کو یقینی بنایا جاسکے کہ ڈرائیونگ کرنے والا گاڑی چلانے اور اس سے متعلق تمام قوانین سے آگاہ ہے۔

اسی سلسلے میں جنوبی کوریا کی ایک خاتون ڈرائیور نے بھی لائسنس کے حصول کےلیے حکام سے رابطہ کیا۔

خاتون نے ایک یا دو مرتبہ نہیں بلکہ ڈرائیونگ لائسنس کے حصول کےلیے 960 مرتبہ کوشش کی، جس کے بعد وہ امتحان میں پاس ہوئیں اور انہیں یہ لائسنس مل گیا۔

مذکورہ واقعہ آج سے تقریباً 13 برس پرانا ہے لیکن ریڈ اٹ پر یہ دوبارہ زیر گردش ہے۔ جسے سوشل میڈیا صارفین استقامت کی عمدہ مثال بھی قرار دے رہے ہیں۔

کوریا کی چھا سا سون نامی اس خاتون نے ٹیسٹ دینے کا آغاز اپریل 2005 میں کیا تھا لیکن وہ 2010 میں 960ویں ٹیسٹ کے بعد پاس ہوئیں۔

خاتون ان ٹیسٹ کی فیس اور ڈرائیونگ سیکھنے کےلیے مجموعی طور پر 11 ہزار برطانوی پاؤنڈز یعنی 38 لاکھ پاکستانی روپے سے زائد خرچ کردیے۔

ڈرائیونگ اسکول کے انسٹرکٹر پارک سو یون نے کہا کہ جب چھا سا سون نے اپنا ڈرائیونگ لائسنس حاصل کرلیا تو اہم انتہائی خوش ہوئے، ایسا لگا جیسے ہمارے اوپر سے کوئی بھاری بوجھ اتر گیا ہو۔

28/03/2023

اسٹیٹ بینک آف پاکستان کے مطابق پاکستان نے 6 ماہ میں 10 ارب 21 کروڑ ڈالر کا بیرونی قرض اور سود واپس کیا۔

مرکزی بینک کے مطابق 10 ارب 21 کروڑ ڈالر کا قرض اور سود رواں مالی سال کے 6 ماہ جولائی تا دسمبر 2022ء میں ادا کیا۔

اعداد و شمار میں بتایا گیا ہے کہ مالی سال 23-2022ء کی پہلی سہ ماہی میں 3 اعشاریہ 5 ارب ڈالر کا قرض اور سود ادا کیا گیا جبکہ دوسری سہ ماہی میں تقریباً 6.8 ارب ڈالر کی ادائیگی کی گئی۔

اسٹیٹ بینک آف پاکستان کا کہنا ہے کہ ادائیگیوں میں پاکستان پر اصل قرض 8.271 ارب ڈالر اور سود 1.945 ارب ڈالر تھا۔

28/03/2023

سعودی عرب نے پاکستان کے مستحق عوام کے لیے ایک سو ٹن کھجوروں کا تحفہ حکومت پاکستان کے حوالے کر دیا ہے۔

سعودی سفارت خانے میں تعینات سعودی سفیر نواف سعید المالکی اور کنگ سلمان ہیومینیٹرین سینٹر کے ڈائریکٹر ڈاکٹر خالد محمد العثمانی نے کھجوریں پاکستانی انتظامیہ کے حوالے کیں۔ کابینہ ڈویژن کے نمائندے نے کھجوریں وصول پائیں۔

یہ 100 ٹن کھجوریں سالانہ روایات کے طور پر سعودی عرب کی جانب سے پاکستان کو تحفہ ہیں۔ سعودی حکومت کی طرف سے پیغام دیا گیا ہے کہ پاکستانی بھائیوں کے لئے کھجوروں کا تحفہ فراہم کرنے پر خوشی ہے۔ یہ کھجوریں خادم حرمین الشریفین کی ہدایات پر فراہم کی جا رہی ہیں۔

اس سے قبل سعودی عرب کے کنگ سلمان ریلیف سینیٹر پاکستان میں سیلاب سے متاثرہ علاقوں میں دو مراحل میں فوڈ اور نان فوڈ آئٹمز تقسیم کی گئی ہیں جبکہ 25 ہزار سے زائد خاندانوں کے ونٹر کٹس بھی فراہم کی گئی ہیں.

28/03/2023

قومی اداروں کیخلاف منفی پروپیگنڈا کرنیوالے عناصر کیخلاف کریک ڈاؤن میں تیزی آگئی، سوشل میڈیا ٹرینڈز چلانے پر درجنوں افراد کو حراست میں لے لیا گیا، گرفتار افراد سے سوشل میڈیا اکاؤنٹس اور دیگر معاملات پر اہم انکشافات ہوئے ہیں۔

قومی اداروں کیخلاف منفی پروپیگنڈا کرنیوالے عناصر کیخلاف تحقیقاتی اداروں کے کریک ڈاؤن میں تیزی آگئی، ذرائع کے مطابق سوشل میڈیا ٹرینڈز چلانے پر درجنوں افراد کو گرفتار کرلیا گیا، جن سے سوشل میڈیا اکاؤنٹس اور دیگر معاملات پر اہم انکشافات سامنے آئے ہیں۔

ذرائع کا کہنا ہے کہ وفاقی حکومت نے گرفتار افراد سے حاصل تفصیلات سامنے لانے کا فیصلہ کیا ہے۔

پروپیگنڈا کرنیوالے عناصر کیخلاف کارروائی کیلئے مشترکہ کاوشیں جاری ہیں، ایف آئی اے کے ساتھ پی ٹی اے، وزارت قانون اور دیگر ادارے بھی آن بورڈ ہیں۔

ذرائع کے مطابق ٹاسک فورس کے قیام سے غلیظ مہم چلانے والوں کیخلاف کارروائیاں تیز ہوگئیں، ٹاسک فورس کو اختیارات دینے کیلئے طریقۂ کار تبدیل کیا گیا، سوشل میڈیا پر پروپیگنڈا کرنے میں ملوث مزید افراد کی گرفتاریاں بھی ہوں گی۔

28/03/2023

کیا آپ آسمان پر 5 شمسی سیاروں کو ایک ساتھ دیکھنا چاہتے ہیں؟ تو تیار ہوجائیں کیوں کہ آج رات افق پر چاند کے ساتھ موتیوں کی صورت میں چمکیں گے یہ سیارے، پاکستان سمیت ساری دنیا میں ان کا نظارہ کیا جاسکے گا۔

نظام شمسی کے آدھے سے زیادہ سیارے آج رات چاند کے ساتھ چمکیں گے، سورج غروب ہونے کے بعد عطارد، زہرہ، مریخ، مشتری اور یورینس کو چاند کے ساتھ دیکھنا ممکن ہوگا۔

ڈائریکٹر انسٹیٹوٹ آف اسپیس اینڈ سائنس اینڈ ٹیکنالوجی جامعہ کراچی جاوید اقبال نے سیاروں کے نظارے کے وقت کے متعلق بتایا۔

موسیاتی تجزیہ کار اویس حیدر کہتے ہیں افق جہاں صاف ہو وہاں ان سیاروں کا مشاہدہ ممکن ہوگا۔

اس سے قبل یہ سیارے 2004ء اور پھر 2022ء میں نظر آئے تھے جبکہ اس کے بعد ان کا مشاہدہ 2040ء کے ستمبر میں کیا جاسکے گا۔

26/03/2023

برطانیہ میں غیرقانونی تارکین وطن کو ہوٹلوں میں رکھنے کی بجائے فوجی اڈوں یا غیر استعمال فیریز پر رکھنے کا منصوبہ بنایا جارہا ہے۔

رپورٹس کے مطابق منصوبے کا اعلان چند ہفتوں میں متوقع ہے۔

اس حوالے سے وزراء اشارہ دے چکے ہیں کہ سیاسی پناہ گزینوں کیلئے ہوٹل میں رکھنے کا سلسلہ بند کردیا جائے گا۔

ادھر متعدد ٹوری اراکین پارلیمنٹیرین قانونی تارکین وطن بل کے خلاف ہیں۔

مجوزہ حکومتی قانون پر پیر اور منگل کو پارلیمنٹ میں بحث متوقع ہے۔

26/03/2023

امریکی ریاستوں مسی سپی اور الاباما میں طاقتور ہوا کے بگولوں سے شدید تباہی ہوئی ہے، مختلف حادثات میں اموات کی تعداد 26 ہو گئی۔

غیر ملکی خبر رساں ادارے کے مطابق ہوا کے بگولے سے 274 کلو میٹر تک تباہی کے آثار نمایاں ہیں اور کئی عمارتیں تباہ ہو گئیں۔

دو روز قبل آنے والے طوفان میں مغربی مسی سپی کا ٹاؤن رولنگ فورک سب سے زیادہ متاثر ہوا، متاثرہ حصوں میں ہنگامی صورتِ حال نافذ کر دی گئی۔

مسی سپی، الاباما اور ٹینیسی کی ریاستوں میں 26 ہزار صارفین بجلی سے محروم ہیں۔

میڈیا رپورٹس کے مطابق مسی سپی اور الاباما میں آج بھی طوفانی ہوائیں، اولے اور ہوا کے بگولے چلنے کا امکان ہے۔

26/03/2023

بھارت کے شہر دہلی کے اسپتال میں پوچا پاٹ کا اہتمام کیا گیا اور اس دوران آگ بھی جلائی گئی جس کی تصویر دیکھ کر لوگوں نے سوشل میڈیا پر ناراضی کا اظہار کیا ہے۔

بھارتی میڈیا کے مطابق سوشل میڈیا پر اس تصویر کے سامنے آنے کے بعد سیکڑوں لوگوں نے اس پر ردِ عمل کا اظہار کرتے ہوئے اسپتال پر فائر سیفٹی کے اصولوں کی خلاف ورزی کرنے اور مریضوں کی زندگیوں کو خطرے میں ڈالنے کا الزام لگایا ہے۔

رپورٹس کے مطابق اسپتال کے داخلی دروازے کے آس پاس 4 پجاریوں کے گروپ نے ہون کیا، اس تصویر میں وہیل چیئرز کو بھی دیکھا جاسکتا ہے۔

اس تصویر پر کئی صارفین نے اسپتال کے احاطے میں رسم ادا کرنے کی اجازت دینے پر سوال اٹھایا جبکہ چند صارفین نے یہ بھی قیاس آرائی کی کہ اسپتال نے اپنے اسموک الارم کو غیر فعال کر دیا تاکہ ہون کا انعقاد کیا جاسکے۔

انٹرنیٹ پر کئی صارفین نے سینٹرل اے سی سسٹم نصب ہونے کی وجہ سے اسپتال کے مریضوں کی زندگیوں کو خطرے میں ڈالنے کا الزام بھی لگایا ہے۔

انٹرنیٹ صارفین نے اسپتال کے اندر دھوئیں سے ہونے والی ممکنہ پریشانی پر بھی تشویش کا اظہار کیا ہے۔

ایک صارف نے ہون کی اسی طرح کی تصویر شیئر کرتے ہوئے دعویٰ کیا ہے کہ اس اسپتال میں اسی طرح کا ہون کورونا کے دوران 2021ء میں بھی ہوا تھا۔

26/03/2023

بھارت حکومت نے گزشتہ روز کینیڈا میں بھارتی قونصل خانے کے سامنے سکھوں کے مظاہروں پر اظہارِ تشویش کرتے ہوئے کینیڈین ہائی کمشنر کو طلب کر لیا۔

بھارتی میڈیا کے مطابق بھارتی وزارتِ خارجہ نے کہا ہے کہ امید ہے کہ کینیڈین حکومت بھارتی سفارت کاروں کی حفاظت کو یقینی بنائے گی۔

بھارتی وزارت خارجہ کا یہ بھی کہنا ہے کہ امید کرتے ہیں کہ کینیڈین حکومت سفارتی احاطے کی حفاظت یقینی بنانے کے لیے تمام ضروری اقدامات کرے گی۔

کینیڈین میڈیا کے مطابق گزشتہ روز کینیڈا کے شہر وینکوور میں سکھ مظاہرین بھارتی قونصل خانے کے سامنے جمع ہوئے تھے۔

میڈیا رپورٹس کے مطابق مظاہرین ایک آزاد سکھ ریاست کے مطالبے کے لیے وہاں موجود تھے۔