01/08/2023
🗓️ ماہنامہ جولائی 2023🗒️
جلد نمبر -1 شمارہ نمبر 7
گلگت بلتستان میں گزشتہ ماہ کے 31 دنوں کے اندر ہم نے کیا کھویا کیا پایا۔
✒️ رپورٹ:- کرن قاسم (جرنلسٹ)
جولائی کے مہینے گلگت راولپنڈی روڈ اور گلگت بلتستان حدود میں مختلف حادثات و دیگر واقعات کے دوران 59 افراد جان بحق اور 66 افراد زخمی ہوئے 59 جان بحق افراد کی فگر میں 42 ملکی سیاح اور 13 مقامی لوگ شامل ہیں جبکہ 7 مقامی افراد کی موت دریا و نالوں اور ٹینکیوں میں ڈوب جانے سے پیش آئی اسی طرح 4 مقامی افراد کو جھگڑے و دشمنی کی بنا گولی مار کر قتل کیا گیا اسی طرح 3 خواتین نے مختلف دریاؤں میں چھلانگ لگا کر جان دیدی جبکہ 1 لڑکا سیلابی ریلے کا نذر ہو گیا 1 مزدور کے سر پتھر گرنے سے چل بسا اسی طرح 1، غیر ملکی کوہ پیما بیس کیمپ میں دل کا دورہ پڑنے سے جان بحق ہو گئے ان تمام واقعات حادثات کی تفصیل ذیل رپورٹ میں ملاحظہ فرمائیں۔
1 جولائی کو نگر پولیس نے اشتہاری ملزم مسمی طالب حسین ولد علی محمد ساکن ہکلشل ہوپر نگر کو سمائر نگر سے گرفتار کر لیا 1 جولائی کو جگلوٹ پولیس نے ایک دن قبل جگلوٹ ڈروٹ کے مقام پر قتل ہونے والے عمران ولد کتورو کیس میں نامزد 5 ملزمان کو گرفتار کر لیا 2 جولائی کو ثمینہ بیگ ، نائلہ کیانی ، واجد نگری ، سمیت 10 ملکی و غیر ملکی کوہ پیماؤں کی ٹیم نے ننگا پربت سر کر لیا 2 جولائی کو گلگت بلتستان بار کونسل نے اپوزیشن لیڈر امجد ایڈووکیٹ کا لائسنس معطل کر دیا3 جولائی کو چیف کورٹ نے امجد ایڈووکیٹ بار کونسل کا معطل کیا جانے والا لائسنس بحال کر دیا 3 جولائی کو وزیر اعلیٰ جعلی ڈگری کیس حوالے سماعت میں امجد ایڈووکیٹ اور ہائر ایجوکیشن کمیشن کے بیانات قلمبند ہوئے 3 جولائی کو پولینڈ سے تعلق رکھنے والے کوہ پیما، ننگا پربت بیس کیمپ میں دل کا دورہ پڑنے سے جاں بحق ہوئے 3 جولائی کو سکردو کچورا روڈ حادثے میں ایک نوجوان زخمی ہو گیا 3 جولائی کو عید کے دنوں گوپس کے مقام پر کار حادثے میں گاڑی سمیت دریا برد ہونے والی بچی کی نعش کو 4 دن بعد گاہکوچ کے حدود میں دریا سے نکال دیا گیا 4 جولائی کو پاکستان مسلم لیگ ن کے رکن اسمبلی غلام محمد کی جانب سے وزیر اعلی گلگت بلتستان خالد خورشید کے خلاف عدم اعتماد کی تحریک گلگت بلتستان اسمبلی سیکٹریٹ میں جمع کرادی گئی 4 جولائی کو روندو سکردو روڈ پر گاڑی الٹنے سے 4 افراد زخمی ہو گئے 4 جولائی کو قراقرم ہائی وے ہنزہ سیکشن میں ٹریفک کے دو مختلف حادثات میں 1 ایک خاتون سمیت 4 ملکی سیاح جان بحق جبکہ 9 زخمی ہو گئے پہلا حادثہ ناصر آباد کے مقام پر پیش آیا ہنزہ سے واپس لاہور جانے والی سیاحوں کی وین بریک فیل ہونے کے نتیجے پولیس چوکی سے ٹکرا گئی جس کے نتیجے 3 افراد جان بحق اور 12 زخمی ہو گئے دوسرا حادثہ ہنزہ سے عطا آباد جھیل جانے والی سیاحوں کی کار ڈونگ داس کے قریب حادثہ کا شکار ہوئی جس میں 2 ملکی سیاح جان بحق اور 2 زخمی ہو گئے 4 جولائی کو چیف کورٹ کے باہر ایف سی، اور پولیس کی بھاری نفری تعینات کر دی گئی 4 جولائی کو چیف کورٹ گلگت بلتستان نے وزیر اعلیٰ خالد خورشید کی ڈگری جعلی ثابت ہونے پر نا اہل کر دیا 4 جولائی کو چیف الیکشن کمشنر گلگت بلتستان نے سابق وزیر اعلی خالد خورشید کی صوبائی اسمبلی کی بنیادی رکنیت ختم کرنے کا نوٹیفیکیشن جاری کر دیا ۔پاکستان پیپلز پارٹی کے رکن اسمبلی غلام شہزاد آغا کی جانب سے وزیر اعلی خالد خورشید کے خلاف دائر کردہ جعلی ڈگری کیس میں چیف کورٹ کے لارجر بنچ کی طرف سے نااھلی کے فیصلے کے بعد چیف الیکشن کمشنر گلگت بلتستان راجہ شہباز خان نے الیکشن سیکشن 231 الیکشن ایکٹ 2017 کے تحت سابق وزیر اعلیٰ کی حلقہ جی بی اے 13 استور ون سے بنیادی رکنیت ختم کرنے کا نوٹیفیکشن جاری کردیا
4 جولائی کو وزیر اعلیٰ خالد خورشید جعلی ڈگری کیس میں نااہلی کے بعد پانچ جولائی کو نئے وزیر اعلیٰ کے چناؤ کیلئے اسمبلی اجلاس طلب کرلیا گیا
5 جولائی کو بم رکھنے کی اطلاع پر گلگت بلتستان اسمبلی کو سیل کر دیا 5 جولائی کو اسمبلی سیکریٹریٹ میں دوران میڈیا کوریج سما نیوز کے نمائندے منظر شگری پر پولیس تشدد موبائل کیمرے کو نقصان پہنچایا گیا
5 جولائی کو سپریم اپیلٹ کورٹ نے حکم امتناعی جاری کردیا۔ 72 گھنٹوں بعد وزیر اعلیٰ گلگت بلتستان کے انتخاب کا نیا شیڈول جاری ہوگا 5 جولائی کو سابق وزیر اعلیٰ خالد خورشید سی ایم ہاؤس سے اپنے گھر منتقل ہو گئے 5 جولائی کو سابق وزراء پارلیمانی سیکرٹریز اور مشیروں کو 5 بجے تک سرکای گاڑیاں واپس کرنے کا حکم جاری ہوا 5 جولائی کو آئی جی گلگت بلتستان دار خٹک کا تبادلہ کردیا گیا 5 جولائی کو گلگت جوٹیال پولیس کو مطلوب م ج رم اشتہاری احسان اللہ ولد شیر غازی ساکن مناور گلگت کو گرفتار کر لیا 5 جولائی کو چلاس رونئی روڈ پر فائرنگ پولیس حوالدار کفایت اللہ جان بحق جبکہ گولی لگنے سے 2 افراد زخمی ہوئے ہسپتال منتقل کر دیا گیا زخمیوں میں مقتول کفایت کا کمسن بیٹا اور ایک رشتہ دار شامل ہے 5 جولائی کو افضل محمود بٹ نئے آئی جی گلگت بلتستان مقرر
5 جولائی کو وزیراعلی سیکریٹریٹ میں اٹیچمنٹ پر تعینات ملازمین کو 24 گھنٹوں میں متعلقہ محکموں میں جاکر رپورٹ کرنے کا حکم جاری ہوا 6 جولائی کو ائیرپورٹ پولیس گلگت نے گھروں سے پانی کے موٹر اور یو پی ایس بیٹریاں چوری کرنے والے ملزمان حق نواز ، سیف اللہ ،محمداللہ سے سامان برآمد کر کے گرفتار کر لیا 6 جولائی کو پولیس نے انسداد دھشتگردی ایکٹ کے تحت تھانہ استور سٹی کو مطلوب اشتہاری ملزم شرافت دین ساکنہ ڈشکن استور کو گرفتار کر لیا 7 جولائی کو گلگت بلتستان میں رات سے شدید بارشوں کا سلسلہ شروع ہوا 7 جولائی کو شدید بارشوں کے نتیجے لینڈ سلائیڈنگ سے شاہراہ قراقرم اور بابو سر روڈ بلاک گلگت پنڈی زمینی رابطہ منقطع ہو کر رہ گیا 7 جولائی کو گلگت بلتستان کے بعض اضلاع میں عید غدیر منایا گیا 7 جولائی کو لینڈ سلائیڈنگ سے استور ، سکردو اور غذر روڈ بلاک ہو گیا 7 جولائی کو دنیا بھر کی طرح گلگت بلتستان میں بھی حضرت عثمان رضی اللہ تعالیٰ عنہ کی یوم شہادت کے حوالے سے اجتماعات منعقد کئے گئے 7 جولائی کو دیوسائی روڈ پر سیاحوں کی گاڑی کو حادثہ 5 سیاح جاں بحق اور 2 زخمی ہیں، جاں بحق ہونے والوں میں 3 مرد ، 1 خاتون اور 1 بچہ شامل ہے 7 جولائی کو لالک جان شہید نشان حیدر کی برسی منائی گئی7 جولائی کو دنیا کے بلند ترین گراؤنڈ شندور میں 3 روزہ پولو فیسٹیول کا آغاز ہو گیا
8 جولائی کو بونرداس چلاس میں دو گروپوں کے درمیان تصادم 5 افراد زخمی ہوئے 9 جولائی کو خنجراب کے مقام پر ٹریفک حادثے میں
ایک نوجوان جانبحق جبکہ ایک شدید زخمی۔
دونوں کا تعلق کوٸٹہ سے بتایا گیا 9 جولائی کو تین روزہ شندور پولو فیسٹیول اختتام پذیر ہوا فائنل پولو میچ میں چترال پولو ٹیم نے گلگت پولو ٹیم کو شکست دے کر فائنل اپنے نام کر لیا 9 جولائی کے روز گونرفارم آخری دار نامی جگہ پر نامعلوم افراد نے احسان اللہ ولد شاہ عالم شاہ ساکن بونر داس چلاس کو قتل کیا 10 جولائی کو نئے انسپکٹر جنرل پولیس گلگت بلتستان افضل محمود بٹ نے چارج سنبھال لیا 10 جولائی کو لینڈ سلائیڈنگ سے گلگت ہنزہ روڈ بند ہو گیا10 جولائی کو اپوزیشن لیڈر امجد حسین ایڈووکیٹ نے اسمبلی رکنیت سے استعفیٰ دینے درخواست جمع کروا دی 11 جولائی کو وزیر اعظم پاکستان کے ترجمان قمر زمان کائرہ ایک روزہ دورے پر گلگت پہنچ گئے اسمبلی ممبران اور گورنر سے ملاقات کی 11 جولائی کو دنیا بھر کی طرح گلگت بلتستان میں بھی پرنس کریم آغا خان کی تخت نشینی سالگرہ تقریبات منعقد کئے گئے 12 جولائی کو گلگت عدالت میں دائر جمیل احمد بنام فتح اللہ خان گلگت حلقہ 2 الیکشن کیس کا فیصلہ عدالت کی چھٹیوں کے بعد سنا جائے گا 12 اور 13جولائی کی درمیانی شب ہم خیال گروپ ممبران گلگت بلتستان اسمبلی نے قائد ایوان کے انتخاب میں حصہ نہ لینے کا فیصلہ کیا 13 جولائی کو گانچھے کریس پل سے لڑکی نے دریا میں چھلانگ لگا کر خود کشی کر لی 13 جولائی کو رکن اسمبلی حاجی گلبر خان 31 میں سے 19 ووٹ لیکر قائد ایوان گلگت بلتستان اسمبلی منتخب ہو گئے 13 جولائی کو گلگت کے علاقے چکر کوٹ نالے میں پاؤں پھسل کر شکیل عالم ساکنہ سبیل نالے کے پانی میں گر کر لاپتہ ہو گیا 14 جولائی کو سکردو روندو کی 23 سالہ لڑکی نے دریا پر چھلانگ لگا کر خود کشی کر لی 14 جولائی کو گوپس غذر گاڑی حادثے میں 2 افراد زخمی ہو گئے 15 جولائی کو پاکستان تحریک انصاف کی مرکزی قیادت نے جاوید علی منوا کو پارٹی رکنیت سے فارغ کر کے نوٹیفکیشن جاری کر دی 14 جولائی کو ایک جوان لڑکی دختر غلام الدین ساکنہ دنیور گلگت نے دنیور سرنگ والے پل سے دریا میں چھلانگ لگا کر خود کشی کر لی 14 جولائی کو گلگت بسین میں بہنوئی نے اپنا سالہ پولیس جوان سجاد ولی جو ان کا پھوپھی زاد بھائی بھی ہوتا تھا کو گولی مار کر قتل کر دیا 15 جولائی کو اسلام آباد سے سکردو جانے والی کار لوئر کوہستان کے مقام پر حادثے کا شکار ہوئی 4 جانبحق 1 زخمی سب کا تعلق بلتستان سے تھا 15 جولائی کو گلگت کے علاقے شوٹی کے مقام پر بہنوئی نے سالہ عمران کو قتل کر دیا 16 جولائی کو دیامر حدود شاہراہِ قراقرم تھلیچی کے مقام پر سیاحوں سے بھری کوسٹر کا حادثہ 1 بچی 4 خواتین سمیت 6 افراد جان بحق 20 سیاح زخمی ہو گئے زخمیوں کو گلگت ریجینل ہسپتال اور پرونشل ہسپتال منتقل کر دیا گیا 16 جولائی کو گلگت سب ڈویژن جگلوٹ پیدن کے مقام پر دو سیاحوں کی گاڑیوں کے آپس میں ٹکر سے دو سیاح شدید زخمی ہو گئے 16 جولائی کو گلگت ڈومیال کے معروف تیراکی اختر حسین المعروف چاچا دریا گلگت کے بے رحم موجوں میں اپنے فن کا مظاہرہ کرتے ہوئے لاپتہ ہو گیا 17 جولائی کو پاکستان پیپلز پارٹی کی رکن اسمبلی سعدیہ دانش بلا مقابلہ ڈپٹی اسپیکر گلگت بلتستان اسمبلی منتخب ہو گئی 17 جولائی کو موٹر سائیکل حادثے میں گلگت ہینزل میں عارضی رہائش پذیر شفیق ساکنہ داریل جاں بحق ہو گئے 18 جولائی کو گلگت بارگو تھولداس کے مقام دریا کنارے بچی کو بچاتے ہوئے بچی کے والد محمد زکریا اور بچی کی ماں دریا کے خطرناک موجوں کی نذر ہو گئے جبکہ بچی کو سلامت نکال دیا گیا 18 جولائی کو وزیر اعلیٰ گلگت بلتستان حاجی گلبر خان کی 12 رکنی صوبائی کابینہ نے گورنر گلگت بلتستان سے اپنے عہدے کا حلف اٹھالیا 18 جولائی کو گھانچے چھوربٹ کے مقام پر تیز رفتاری کے نتیجے کار دریا میں گرنے سے 2 افراد جاں بحق 1 زخمی جبکہ 1 نعش نکال دی گئی 1 لاپتہ
19 جولائی کو کاظم میثم اپوزیشن لیڈر گلگت بلتستان اسمبلی اور ایوب وزیری پبلک اکاؤنٹس کمیٹی کے چیئرمین مقرر ہوئے 19 جولائی کو دیامر کے مختلف علاقوں میں سیلابی ریلے نے تباہی مچا دی گوہر آباد، بونر، رائیکوٹ، مٹھاٹ، اور گونر فارم، سمیت متعدد علاقے سیلاب کے زد میں آکر رہائشی مکانات ، مویشی خانے اور فصلی زمینوں کو شدید نقصان پہنچا 19 جولائی کو گلگت حلقہ 2 سے پاکستان تحریک انصاف گلگت بلتستان کے ٹکٹ ہولڈر رکن گلگت بلتستان اسمبلی فتح اللہ خان کی پارٹی بنیادی رکنیت منسوخ کر دی گئی 19 جولائی کو استور چونگرہ سے تعلق رکھنے والے اشتہاری ملزم حشمت اللہ گلگت جوٹیال پولیس تھانہ سے فرار ہو گئے 20 جولائی کو ضلع استور ہرچو نالے میں سیلابی ریلے کے زد میں آکر 15 سالہ سلمان ولد قیوم ساکنہ پڑی بنگلہ گلگت لا پتہ ہو گئے 20 جولائی کو غذر راوشن نالے میں آسمانی بجلی گرنے سے 2 افراد زخمی ہو گئے 20 جولائی کو ہنزہ گوجال کی وادی مورخن میں سیاحوں کے تین گاڑیوں کو حادثہ 4 افراد زخمی ہوئے 20 جولائی کو ہنزہ گنش پل کے قریب کام کرنے والا کوہستانی مزدور پتھر لگنے سے جان بحق ہو گیا 21 جولائی کو غذر گوپس سے بتھریٹ نالہ جانے والی مسافر گاڑی کو شیئی دار کے مقام پر حادثہ 1 جاں بحق 6 زخمی ہو گئے 21 جولائی کو گلگت راڈو واچ کمپنی کے مالک سید آغا عبدالغفور کے بیٹے سید آغا عبدالجلال کارگاہ واٹر ٹینک میں ڈوب کر جاں بحق ہو گئے 22 جولائی کو دیامر کی تحصیل تانگر میں سرکاری گاڑی پر عمارتی لکڑی سمگل کرنے کے جرم میں پرنسپل انٹر کالج تانگیر کو معطل کر دیا گیا 22 جولائی کو چلاس تھور کے گاؤں بلنگہ میں رات کو آگ لگنے سے بستی کے 10 رہائشی مکانات جل کر خاکستر ہو گئے 22 جولائی کو غذر یاسین کے مختلف گاؤں طاؤس ،سندھی، اور سلطان آباد میں آسمانی بجلی گرنے سے سیلابی پانی دکانوں ۔ مکانات اور فصلی زمینوں پر داخل ہو گیا 23 جولائی کو سکردو روڈ شینگوس کے مقام پر لینڈ سلائیڈنگ کے دوران کار سے اتر کر چٹان کے نیچے پناہ لینے والی استور فیملی کے 4 افراد پتھر کے نیچے دب کر جان بحق ہو گئے افراد جبکہ شفا نامی شخص زخمی ہوئے جان بحق ہونے والوں میں زخمی شفا کی اہلیہ 2 بیٹیاں اور ایک نواسہ شامل تھا 23 جولائی کو حالیہ بارشوں سیلاب اور لینڈ سلائیڈنگ سے پنڈی ، استور ، ہنزہ اور سکردو روڈ بلاک ہو گیا 24 جولائی کو کے کے ایچ تھلیچی کوسٹر حادثے کے مزید 2 زخمی چل بسے 24 جولائی کو دنیور سب ڈویژن میں پولیس نے ناکے کے دوران جدید ہتھیار برآمد کر کے ملزمان کو گرفتار کر لیا ہے 24 جولائی کو گلگت بسین کھاری کے مقام پر احسن ولد محمد عالمگیر دریا میں گر کر لاپتہ ہو گئے 24 جولائی کو استور منی مرگ سے استور بازار آتے ہوئے چلم کے مقام پر مسافر گاڑی کو حادثہ 17 افراد زخمی ہوئے 24 جولائی کو سسی ہراموش کے قریب کار ڈرائیور سے بے قابو ہو کر دریا برد ہو گئی 6 افراد جانبحق 1 شخص کی نعش نکال دی گئی سب کا تعلق راجن پور جنوبی پنجاب سے تھا دریائے سکردو میں جانبحق افراد میں عبدالغفار، محمد آزاد، حق نواز، محمد تیمور، ثنااللہ، اور محمد طلحہ شامل ہیں 26 جولائی کو گلگت بلتستان میں ساتویں محرم الحرام علم عباس کے جلوس برآمد ہوئے 27 جولائی کو چیف الیکشن کمشنر راجہ شہباز خان نے گلگت بلتستان میں نومبر کے پہلے ہفتے بلدیاتی انتخابات منعقد کرانے کا اعلان کر دیا 28 جولائی کو سکردو دریا میں ایک 15 سالہ لڑکا ڈوب کر لاپتہ ہو گئے 28 جولائی کو چلاس بابو سر گیٹی داس کے قریب سیاحوں کی ہائی روف کو حادثہ ، 8 جانبحق اور 9 افراد زخمی ہو گئے گاڑی راولپنڈی سے گلگت کی طرف آرہی تھی جس میں 17 افراد سوار تھے زخمیوں کو چلاس ہسپتال منتقل کر دیا گیا ہے۔ زخمیوں میں زاہد ولد سرفراز ، ریدہ دختر سرفراز، عروج فاطمہ دختر عرفان، آمنہ دختر محمد ظفر، عبدالمالک ولد حاجی ریاض ڈرائیور، عطیہ دختر عرفان ،عائشہ دختر سرفراز ، مریم دختر ظفر ،زیب النساء زوجہ محمد ظفر ساکنان ساہیوال شامل ہیں 29 جولائی کو ملک بھر کی طرح گلگت بلتستان میں بھی یوم عاشورہ کے جلوس برآمد اور پرامن طریقے سے اختتام پذیر ہوئے 29 جولائی کو گلگت بلتستان میں دوران عاشورہ جلوس موبائل نیٹ ورک سروس معطل کر دی گئی 29 جولائی کو لینڈ سلائیڈنگ سے جگلوٹ سکردو تلو کے مقام اور شاہراہِ قراقرم گونر فارم کے قریب روڈ بلاک ہو گیا 28 جولائی کو داریل منیکال میں سیلابی ریلے نے درجن کے قریب گھرانوں اور مال مویشی سمیت فصلی زمینوں کو شدید نقصان پہنچا 29 جولائی کو شاہراہِ قراقرم تتہ پانی گونر فارم اور گندلو کے مقام پر لینڈ سلائیڈنگ اور طغیانی کے زد میں آکر 2 افراد زخمی 5 سے زائد گاڑیاں ملبے تلے دب گئے 30 جولائی کو ہنزہ ناصر آباد پل کے قریب لاہور سے تعلق رکھنے والے موٹر سائیکل سوار 2 سیاح حادثے میں زخمی ہو گئے ہسپتال منتقل کر دیا گیا۔
30 جولائی کو گلگت سکوار کے مقام پر تیز رفتار موٹر سائیکل کی ٹکر سے راہگیر زخمی ہسپتال منتقل کر دیا گیا 30 جولائی کو گلگت رحیم آباد سے تعلق رکھنے والا کوہ پیما فرید حسین کے ٹو چوٹی سر کرنے کے دوران زخمی ہو کر کیمپ 4 حدود میں پھنس گئے 31 جولائی کو گلگت ڈموٹ جگلوٹ سے تعلق رکھنے والے ریٹائرڈ بریگیڈیئر ڈاکٹر ذاکر انتقال کر گئے 31 جولائی کو سابق وزیر اعلیٰ خالد خورشید نے اپنی نااہلی فیصلے کے خلاف نظر ثانی اپیل لیکر چیف کورٹ پہنچ گئے 31 جولائی کو سازین کے مقام پر سیلابی ریلے نے شاہراہِ قراقرم بلاک کر دیا #