8ID GENERALS TALKS ON ENDING INSURGENCY
π£ππππ¨π‘ππππ πππ‘ ππ£π£-π‘π£π πππ‘ππ ππ π.π©., ππππ‘π£ππ§ππ£π’π πππ‘ π ππ ππ₯π π¬ πππ‘ππ₯πππ¦
Hul-os nga naglalaum an mga labaw nga heneral han 8th Infantry Division, Philippine Army nga ha katapus-tapusan mabubungkag na an hugpo han New Peopleβs Army (NPA) dinhi ha Eastern Visayas region.
Ini an egin patapod mismo ni MGen. Camilo Ligayo an commanding general han 8ID kaupod an tulo nga mga brigade commanders pinaagi kanda BGen. Lenart Lelina han 801st infantry brigade, BGen. Noel Vestuir han 802nd, ngan BGen. Efren Morados han 803rd infantry brigade durante han ginhimo nga Kapihan sa Bagong Pilipinas media forum nga ginhimo mismo ha 8ID headquarters, Camp Vicente Lukban, Catbalogan City.
Sigun han report, mayda na 94 nga mga kaapi han communist terrorist group (CTG) an namatay (neutralized); 16 hini high value individuals, 14 nga key leaders. Mayada liwat maabot hin 2,125 nga mga miyembro han CTG an nagtubyan han ira kalugaringon β 262 nga mga regular NPA, ngan 1,863 nga mga militiang bayan.
Samtang, an gobyerno nagporma hin mga pamaagi nga surapoon an insureksyon ha mga probinsya han nasud pinaagi hin pagpalusad han Executive Order 70, nga nagtukod ini han National Task Force to End Local Communist Armed conflict (NTF-ELCAC).
Pinaagi hini nga NTF-ELCAC may-ada programa nga egin patuman ini an Support to Barangay Development Program (SBDP) nga ginpundohan para hin pagtukod hin mga farm-to-market roads, school buildings, water and sanitation systems, health centers, livelihood programs, ngan sugad man an financial assistance. Ini an egin papatuman han mga barangay nga natudlok na han militar kumo βinsurgency-freeβ.
An Eastern Visayas region nakakuha ini hin kantidad nga P786 Million BDP funds han tuig 2023. Ini nga pundo an egin gahin para han 119 nga mga remote barangays kaurog ini ha Samar Island provinc
PSA 8 DIR. WILMA PERANTE TALKS ON 2024 POPCEN-CBMS
Eguin malatumat ni Director Wilma Perante han Philippine Statistics Authority (PSA) Region 8 an nagpapadayon nga Census of Population & Community-Based Monitoring System (2024 POPCEN-CBMS) nga eguin papatuman hin 100 nga mga local government units (LGUs) dinhi ha reheyon. Ini nga census an ginhimo ini tikang han bulan han Hunyo ngada hiton Septembre yana nga tuig nga panuyo hini pagtukib hiton igsakto nga kadamo han aton populasyon, masara an lista han mga benepisyaryo han kanan gobyerno social protection program, magpahamtang hin impormasyon bahin han pagdistribwer han gahin hiton mga LGU han National Tax Allocation, ug an magkaada hin giya para hin hapsay nga pagamit han mga rekurso han gobyerno.
FRANCIS ROSAROSO OF DA 8
Guin klaro ni Francis Rosaroso han Department of Agriculture (DA) Region 8 an kabahin han pagkamayaada bastante hin bugas ha probinsya han Biliran pero amo an pinakahitaas an presyo han mga pagkaon ha bug-os nga reheyon sigun han egin pagawas yana nga report han Philippine Statistics Authority (PSA) Eastern Visayas.
Sigun han PSA 8, an Inflation Rate ha Eastern Visayas an naghitaas ini ngadto hin 4.4% dida han bulan han Hulyo 2024 tikang han 4.0% han Hunyo. Nanguna an pagkaon ngan iba pa nga mga panguna nga paraliton nga nakada hin 75.0% han mga nagin kontribusyon ngadto han regional inflation.
CALBAYOG HADANG FESTIVAL
Eguin pasundayag ha siyahan nga higayon han Calbayog Hadang Festival an tunog ngan sayaw nga kuratsa dida han ginhimo nga Tandaya Festival of Festivals han nalabay nga Agusto 5 didto ha Calbayog City.
Ini an kasumpay han pag salinurog han Samar Day nga kun diin egin papasundayag an mga maglainlain nga kultura, tradisyon ug sugad man an mga talento nga ginbuligan han mga bungto ha probinsya han Samar. (Video: SLRW)
PBGEN. REYNALDO PAWID PRO8
Eguin padayag ni BGen. Reynaldo Pawid an regional director han Police Regional Office (PRO) 8 an ira mga programa ug sugad man an nagapapadayon nga pagsurapo han krimenalidad, an pagkumpiskar hin illegal nga druga ha kantidad P308 milyones durante han duha katuig nga operasyon.
Sumala pa gihapon kan Pawid dida han ginhimo nga senemana nga Kapihan sa Bagong Pilipinas media forum, guin papadayon liwat nira an pag alinsusunod hini hin tulo nga mga private armed groups (PAGs) nga kaurog ini ha Samar, an mga criminal gang ngan sugad man an pagpahinumdom han mga kapulisan han reheyon nga diri magbulig hin ano nga aktibidad politika.
Eguin pasabot yana han mga tinaglawas han National Commission for Culture and the Arts (NCCA) an pundo nga P77 Million para hin Competitive Projects para han tuig 2025 dinhi ha Visayas nga kun diin magsusuporta ini hin 81 nga mga proyekto kasumpay hiton development, protection, preservation, ngan an pagpapasarang hiton Philippine culture ngan arts. Ini nga programa abre ini ha mga non-government organizations (NGOs), people's organizations (POs), indigenous peoples' organization (IPOs), mga indibidual, local government units (LGUs), government agencies (GAs), state universities and colleges (SUCs), ug sugad man an pan-publiko nga mga eskuylahan.
An dealine para pagsumiter han mga project proposal aadto hiton Agusto 31, 2024 ug puyde ini ipadara ngadto ha Program Management Division (PMD), Room 5B, Fifth Floor, NCCA Building, 633 General Luna St., Intramuros 1002 Manila.
SUMSUMAN SPECIAL EPISODE 3 | EDITED VERSION
ππ¦ π§ππ π£1.2 ππππππ’π‘ ππ¨π‘ππ¦ ππ’π₯ ππππ’π‘π π£ππππ£ππ‘ππ¦ π¦ππ₯πππ¦π¬π’ πππ₯ππ©ππ‘ πͺπ’π₯π§π ππ§? | π¦π¨π π¦π¨π ππ‘ π¦π£πππππ | Edited Version | Episode 3 | Bibar's Farm, Brgy. San Pablo, Tabontabon, Leyte
MANICANI MINING
An pinakabag-o nga hitsura ngan hulagway han Manicani Island nga egin post hin usa nga netizen ha bungto han Guiuan, Eastern Samar.
An Manicani Island an kaparte ini han Guiuan Bay Protected Landscape and Seascape ha ilarum han Presidential Proclamation No. 469, series of 1994. An Hinatuan Mining Corporation (HMC), an kasagabay ini han Nickel Asia Corp., an pinakadako nga naproduser hin lateritic nickel han nasud ngan usa hadton pinakadako ha bug-os nga kalibutan, may permiso ini tikang ha Department of Environment and Natural Resources (DENR) nga magmina ha Manicani Island.
Sigun han mga pagsusi hin mga eksperto, ini nga pagmimina ha Manicani an dako hini an epekto ngada han mga ginuumhan han mga paraguma han isla ug sugad man an kamalubog o siltation han mga babayon an hinungdan hin kakulangan han nadadakop nga isda nga panguna nga surok hin pangunabuhi han mga molopyo.
Samtang, an disposal han nickel ore stockpile nagpapadayon pinaagi han Ore Transport Permit (OTP) nga egin isyu ngada han HMC, nagtutugot ini han shipment hin maabot 62,000 metric tons hin nickel ore ngadto China. An mga residente nag organisar hin mga pagmartsa ngan mga rally ha panguna han hugpo nga Protect Manicani Island Inc. (PROMISI), ngan nagin kaupod gihapon an mga local church leaders.
Hi JSSupt. Bernardo Sanchez, regional director han Bureau of Jail Management and Penology (BJMP) Region 8 an nag update kabahin an balaodnon nga egin sumiter ngadto ha Kongreso diin naglalarang nga an ngatanan nga mga provincial jail an mahipailarum ha pagdumara han BJMP.
Hi Sanchez usa hadton bisita han guinhimo nga Kapihan sa Bagong Pilipinas ha pagpasilitar han Philippine Information Agency (PIA), kaupod an mga labaw han DILG, PNP ngan BFP, an nagpasabot nga an nasabi nga pitad an kaparte ini nga maibanan an paghuroot han mga presohan han nasud.
An mga provincial jail aada ini ha ilarum ha pagdumara hiton mga lokal nga pamonoan hiton kada probinsya o kun provincial government.
Guin klaro ni Dir. Arnel Agabe han Department of the Interior and Local Government (DILG) Region 8 nga puyde masakahan hin kaso ha Ombudsman an mga opesyales ha barangay nga nakarawat hin mga ayuda pinansyal nga para unta hin mga duro nga nangingihanglan hin tambulig han gobyerno nga mga ordinaryo nga molopyo.
Dida han program nga Sumsuman Podcast han naglabay nga Sabado, Hulyo 27, ginhingadayan an mga nagawas nga isyu kabahin hin mga opesyales ha barangay ha bungto han Tanauan, Leyte nga gin aalegar nga nagpalista ngan kumarawat hin kwarta tikang han programa nga TUPAD han Department of Labor and Employment (DOLE).
BNHS OPENING OF CLASSES 2024
SUNSHINE SPECIAL | Maabot sobra 500 nga mga estudyante tikang ha Grade 7 ngada ha 10 an presente durante han flag ceremony para han opesyal nga pag abre han klase han school year 2024-2025, yana nga adlaw, Lunes, Hulyo 29, han Balangkayan National High School (BNHS), ha bungto han Balangkayan, Eastern Samar.
Samtang, sumala han report pinaagi han Philippine News Agency (PNA), an Department of Education (DepEd) Region 8 nagpasabot nga may-ada maabot hin 720,595 nga mga kabataan an nahilista para nga yana nga school year nga kun diin guin lalauman ini nga magdudugang hiton masunod nga mga semana.
(Photos courtesy of "Kahayag", the school publication of BNHS)
BALANGKAYAN TUNA CATCH
BALANGKAYAN TUNA | Nakabaligya hin maabot mil (1,000) ka-kilo hin tuna o βbalelengβ an siyahan nga pagpailawud o kun an ira test fishing ha sulod han Eastern Seaboard hiton aton reheyon an Balangkayan Fishermen Cooperative (BAFICO) ha bungto han Balangkayan, Eastern Samar dida han naglabay nga adlaw.
Sigun hini nga sumat tikang ha Bureau of Fisheries and Aquatic Resources (BFAR) Region 8, an nasabi nga kooperatiba an nakahikay hin kantidad P150,000 tikang han mga dakop nga deklase nga mga isda sugad han Yellowfin, Tangige, Durado, ngan Blue Marlin nag egin direkta pagbaligya ha Borongan City Public Market ngan gin lalauman ini nga makakadugang ini hin mga opurtunidad hiton kanan reheyon local tuna industry.
An BAFICO nagin benipisyaryo ini han kanan BFAR 2024 Capacitating Municipal Fisherfolk Program nga upod hini an DA-BFAR HL 024, usa 62-foot fishing vessel nga nakantidad hin P7.2M.
Photos: BFAR 8
SUMSUMAN PROMO
SUMSUMAN | Yana na liwat nga Sabado sangkay madangat ha iyo an pinakabag-o nga programa, an Sumsuman Podcast, nga kun diin sumsuman an mga himangrawon, balita, ngan padis gihapon an mga diri masyado kaseryoso nga erestorya han mga beterano nga broadcaster dinhi ha aton dapit.
An pagdukwag han ekonomiya han Eastern Visayas hin 6.4% han tuig 2023, ngan an pagpatuman han programa nga Community-Based Monitoring System (CBMS) han Philippine Statistics Authority (PSA) Region 8 an mga gintagan hin doon ni PSA8 director Wilma Perante durante han Kapehan sa Bagong Pilipinas, an senemana nga press forum nga ginpapangunahan hiton Philippine Information Agency (PIA) Eastern Visayas.
SAWSAWAN PODCAST EPISODE 1
Siyahan nga nahitabo hin mga beterano nga radio broadcasters dinhi ha Eastern Visayas nga nagkaurosa hin programa nga naghihisgot pinaagi hin simple nga komentaryo hin mga isyu lokal ha panuyo nga mabantad an mga hintuinan nga mga opesyal hin bungto, siyudad, ngan probinsya nga magtuman han ira mga obligasyon ngada han ira hinsasakupan nga mga molopyo ha pagin hayag (transparent) ngan sensitibo han mga egin dadangop nga mga panginginahanglan.
An Sawsawan, ha pakipagsumpayan han Sunshine Online News, Leyte Files, ngan Roy Moraleta Reports nadangat ha iyo kada Sabado pinaagi ha livestreaming ha mga social media site sugad han Facebook ngan masunod ha diri maiha ha Youtube.
DIRECTOR KAREN TIOPEZ, DOT8
Eguin pasabot ni Director Karen Tiopez han Department of Tourism (DoT) Region 8 nga ginlalauman ngan ginpapamulat na han ira buhatan an sunod nga cruise visit nga nakumpone ini hin mga Austrilian nganhi ha reheyon ug sugad man pagtuman Philippine Experience Program nga kun diin panuyo hini nga igpakilala an diri pa gud popular nga mga lugar para hin turismo dinhi ha aton dapit.
Hi Tiopez an nagin featured guest han guin dumara nga kada semana nga Kapihan sa Bagong Pilipinas nga gin papangundahan han Philippine Information Agency (PIA) Eastern Visayas ha diri pala maiha.
BORONGAN CITY, Eastern Samar - Egin pahayag an tim-os ngan dako nga pagpapasalamat ni Borongan City Mayor Jose Ivan Dayan Agda ngada kan 4Ps representative ngan House Minority Leader Marcelino "Nonoy" Libanan han pagpatuman han pira na kadekada nga waray kahuhuman nga proyekto ha Borongan.
Dida han Hulyo 10 ginhimo an pormal nga groundbreaking ceremony han kantidad nga P163 Million para pagtukod han Diversion Coastal Road and Bridge nga proyekto nga natikang ha Sabang South tipakadto ha Sabang North han Borongan.
REP. MARCELINO "NONOY" LIBANAN
Ha katapustapusan, nagkamay-ada na hin katumanan an pira na kadekada nga waray kahuhuman nga proyekto ha Borongan City han paghimoon an Groundbreaking Ceremony han kantidad nga P163 Million para pagtukod han Diversion Coastal Road ngan tulay nga natikang ha Sabang South ngadto ha Sabang North han siyudad.
Pinangunahan mismo ni 4Ps Rep.ngan House Minority Leader Marcelino "Nonoy" Libanan ngan kaupod hira Borongan Mayor Jose Ivan Dayan Agda, Vice Mayor Emman Tiusongco, mga miembro han konseho, Eastern Samar Vice Gov. Maria Caridad Goteesan, nga representar kan Gov. Ben Evardone, kaupod an mga miyembro han Sangguniang Panlalawigan dida han pormal nga seremonya han naglabay nga Meyerkules, Hulyo 10.
PBBM July 4 Visit
Pinangunahan mismo ni President Ferdinand Marcos, Jr. an duha nga mga seremonyas dinhi han reheyon pagduhol han mga ayuda ha Calbayog City ug kasunod ha Palo, Leyte, Huwebes, Hunyo 4.
An natudlok nga mga paraguma ngan parupangisda tikang ha mga probinsya han Leyte, Biliran ngan Southern Leyte an nakatagamtam hin tag P10,000 an kada usa tikang han presidente panuyo nga makabulig ini tikang han epikto han El Nino.
May-ada liwat farm machineries, equipment ngan magkalainlain nga mga proyekto han gobyerno egin duhol liwat ngadto han mga recipient han Department of Agriculture (DA), Bureau of Fisheries and Aquatic Resources (BFAR), Department of Social Welfare and Development (DSWD), Department of Labor and Employment (DOLE), ngan Technical Education and Skills Development Authority (TESDA) samtang an buhatan ni House Speaker Ferdinand Martin Romualdez an naghatag hin tag lima (5) ka-kilo hin bugas ngadto han mga nagtambong.
Samtang, an Presidente an nagduhol liwat hin ayuda nga nakantidad hin P17 million ngadto han Provincial Government of Leyte, PhP13.6 million para han Provincial Government han Biliran ngan PhP10.3 million ngadto han Provincial Government han Southern Leyte pagbulig han nasabi nga mga probinsya han pag recover tikang hin mga kresis ngan makabalik han ira mga pakabuhi han mga molopyo.
QUINAPONDAN MAYOR ASEBIAS
ππ ππππππ πππππππ πππ πππππππ ππ πππ-ππ πππ πππππππ 8 πππ πππππππ ππππππππππππ ππππ ππππππππππ
Hi Mayor Rafael Asebias ha bungto han Quinapondan ha probinsya han Eastern Samar an nagpahayag han iya landong nga magkandidato pagka gobernador han Eastern Samar dida hiton tidaraon nga piniliay sunod nga tuig.
βKaruyag ko unta nga mabag-o an pagkilala han Eastern Samar nga usa han gipopobrehe nga probinsya han bug-os nga Pilipinas,β ha pagdig-on ni Asebias dida han interview han mga taga media han Meyerkules nga adlaw, Hulyo 3, didto mismo han iya buhatan han nasabi nga bungto.
