Radyo Bandera Local/Regional News

Home
Philippines
Tacloban City
Radyo Bandera Local/Regional News

This page contains news from Region 8. Happy Reading, mga Kabandera!

24/08/2023

NANGAWAT HA MIGUEL PENSION HOUSE HOTEL HA TACLOBAN, NAKIT-AN HA CCTV FOOTAGE

Usa nga lalaki nga naka sul-ot hin facemask an kulaong nag-iinquire ha
Miguel Pension House Hotel ha Del Pillar Street Tacloban City, yana nga kulop, Huwebes nga adlaw.

Nakuha han suspek an usa nga Vivo Y11 nga cellphone nga gin tatag-iya han bantay han mao nga hotel

Samtang nananawagan naman an tag-iya han cellphone kun hin-o man it nakilala hini nga suspek nga makipag-sumpayan haira

Carol Medino | August 24, 2023
ctto

24/08/2023

ROAD CONCRETING HA MGA BARANGAY HAN CALBAYOG CITY, IG PAPATUMAN HITON SAMAR FIRST DISTRICT

Mag papatuman iton Samar First District Engineering Office kaupod an Department of Agriculture hin duha nga Farm-to-Market Roads (FMRs) ha Calbayog City nga may-ada total budget nga P22.56 milyon.

Usa gihapon ha mga proyekto hiton FMR an pag konkreto han dalan tikang ha Brgy. San Jose kutob ha Barangay Langoyon, ngan tikang ha Barangay Quezon kutob Barangay San Isidro ha mao nga syudad.

Ini nga pag bubuhaton nga pitad in makaka bulig ha mga parag-uma han mao nga mga Barangay agud nga mapadali iton pag biyahe ngan pag dul-ong han ira mga produkto ha mga hirani nga merkado

Carol Medino | August 24, 2023
photo by Calbayog Journal

24/08/2023

NFA 8, WARAY PA MAKAPALIT HIN DAMO NGA HUMAY PARA HA BUFFER STOCK HAN REHIYON

Ginpahayag han National Food Authority (NFA) Regional Office 8 nga kulang pa an suplay han ira napalit nga mga humay para ha buffer stock han rehiyon.

Sumala ha NFA 8 Regional Director Jasmin Lintag, waray pa hira makapalit hin damo nga humay matungod nga mas ginpipili yana han mga parag-uma nga igbaligya an ira mga na ani
ha mga traders tungod han huruhataas nga procurement price han mga ini kumpara ha NFA.

Ha pagkayana in ada ha 17-19 pesos kada kilo an procurement price han NFA depende ha moisture content han humay samtang ha mga traders naman in ada ha 20 pesos kada kilo.

Nagpatapod naman an buhatan nga diri magkakamay-ada hin shortage ha ira buffer stock bisan man kun gutiay pala an ira napapalit nga mga humay tungod nga may mga well milled rice pa nga naka stock ha ira mga warehouse.

Mababaruan nga may-ada 21 nga warehouse an NFA ha bugos nga rehiyon 8 kun diin didto naka tago an mga bugas nga naka standy para hiton panahon hin kalamidad.

Radyo Bandera Tacloban 103.1

Eunice Lagado | August 24, 2023

24/08/2023

PANHOLD-UP HA USA NGA TINDAHAN HA NORTHERN SAMAR, KUHA HA CCTV!

Gin hol-up hin duha nga armado nga lalaki an tindahan ha bungto han Catubig, Norrthern Samar han nakalabay nga Agosto 22.

Base ha kuha han CCTV, nga tigda sumakob ha tindahan in armado nga lalaki ngan gin sugo an tindera nga abrihan an iya surdlan hin kwarta samtang an iya upod naman in nag babantay ha gawas han tindahan.

Dara han kahadlok han 19 anyos nga tindera, waray na inin makabaribad ngan gin hatag nala an maabot usa ka libo nga kuhida niya.

Gin papadayon hasta yana an imbestigasyon para masabtan an pagkaka kilanlan han mga suspek.

Radyo Bandera Tacloban 103.1

By: Mary Lore Doque | August 24, 2023
Credits to the rightful owner

24/08/2023

100 ANYOS NGA LALAKI, MATATAGAN HIN ₱100,000 HA BAYBAY CITY

An 100 anyos nga hi Crisostomo Tripoli nga residente han Barangay Makinhas, Baybay City in tatagan hin ₱100,000 ha masunod nga bulan.

Hi Tripoli in gin tagan naman hin ten thousand Cash Assistance tikang kan City Government han Baybay nga gin hatag han representative ni City Mayor Jose Carlos Cari nga hi CSWD Officer Manuel Icon Donaire.

Giin siguro han DWSWD nga makakakarawat hi Tripoli hin ₱100,000 tungod han RA 10868 nga mas kilala nga the Centenarians Act of 2016 para han mga Pilipino nga maabot 100 anyos ngan labaw pa.

Radyo Bandera Tacloban 103.1

By: Mary Lore Doque | August 24, 2023
Photo by: Baybay.ph

24/08/2023

DATI NGA REBELDE, SUSPEK HA PAGPUSIL-PATAY HA USA NGA ABOGADO HA VILLABA LEYTE

Nagpapadayon an gindudumara nga manhunt operation han mga kapulisan agud nga madakop an suspek ha natabo nga panmusil-patay kan Atty. Elmer Mape ha bungto han Villaba, Leyte.

Ginkilala an suspek han mao nga krimen nga hi Butchoy Oliverio, 37 anyos an pangidaron, anay miyembro han New Peoples Army (NPA) ngan residente han Brgy. Capiñahan, Villaba, Leyte.

Sumala kan PMaj. Edwin Tolibas, hepe han Villaba MPS, nga damo iton anggulo nga ira ginhihingita nga rason han pagpataya ha mao nga abogado, usa na dinhi an daw naiha na nga personal nga kasinahon han suspek ngada ha biktima.

Samtang, nagtotoo naman an pira nga mga kasangkayan ni Atty. Elmer Mape nga may kalabutan ha politika an motibo han pagpataya hini matungod han pagigin kritiko hini ha usa nga anay opisyal han probinsya.

Radyo Bandera Tacloban 103.1

Eunice Lagado | August 24, 2023

23/08/2023

OPERATION TULI GINDUMARA HA TACLOBAN NORTH

Nakatagamtam an masobra mil nga mga kabataan han libre nga panuri nga gindumara ha Norte nga parte han Tacloban.

Kasugbong an Department of Health ngan mga Eastern Visayas Medical Center naging manilampuson an Operation Tuli nga programa han City Government han Tacloban.

Tungod naman han kadamo han ihap ha mga nagpaturi in waray maakomodar an ngatanan.

Mababaruan nga sakop han Sto. District Health Center an walo nga barangay ha norte amu ini an Brgy. 97 Cabalawan, 98 Camansihay, 101 New Kawayan, 102 Old Kawayan, 105 San Isidro, 106 Sto. Niño, 107 Sta. Elena, ngan 108 Tagpuro.

Radyo Bandera Tacloban 103.1

Eunice Lagado | August 24, 2023
📸Tacloban CIO

23/08/2023

300 NGA MGA BENEPISYARYO HAN PABAHAY HA TACLOBAN NAKARAWAT NA AN IRA MGA TITULO

Maabot ha 300 nga mga benepisyaryo han pabahay ha siyudad han Tacloban an nakakarawat na han ira Transfer Certificate of Title (TCT).

An mao nga mga benepisyaryo in tikang ha mga resettlement sites han North Hill Arbours, St. Francis Village, Greendale Residence, Villa Sofia, ngan Villa Diana.

Gin-aaghat naman han Tacloban Task Force Titulo an mga benepisyaro han pabahay nga nakakarawat na han ira Deed of Conveyance, Transfer Title, ngan tificate of Certificate of Award nga mag apply na para han Transfer Certificate of Title.

Nagpatapod naman an siyudad nga tatalinguhaon nira nga makagdumara hin kinada bulan nga pan release han titulo agud nga makab-ot an target nga sobra mil nga mga titulo ugsa mahuman an tuig.

Radyo Bandera Tacloban 103.1

Eunice Lagado | August 24, 2023
📸 Tacloban CIO

23/08/2023

250 MERIDANON BENEFICIARIES, NAKA KARAWAT HIN KWARTA TIKANG HA TUPAD PROGRAM

Naka karawat hin tag P3,750 an kada TUPAD Beneficiaries para han ira 10 ka-adlaw nga community service nga gin hatag han Western Leyte Field Office para ha Merida Leyte.

Gin pasalamatan ni Mayor Rolando M. Villase hira TINGOG-Partylist Representatives Hon. Yedda Marie K. Romualdez ngan hi Hon. Jude A. Acidre, pati hi House Speaker Ferdinand Martin G. Romualdez, para han ira pag suporta ha Merida.

Dugang pa niya, an sweldo nga nakarawat han mga Mediranon TUPAD Beneficiaries in dako nga bulig para han mga tawo para makapalit hira hiton ira mga kinahanglanon.

Radyo Bandera Tacloban 103.1
By: Mary Lore Doque | August 24, 2023

23/08/2023

ARESTADO AN MOST WANTED PERSON HA EASTERN SAMAR

An usa nga lalaki nga Municipal Most wanted person ha kaso nga homicide ha Brgy. Maybocog, Maydolong Eastern Samar nadakop yana nga adlaw, Agosto 23

An suspetsado gin kilala nga hi Teofilo, 59 anyos, usa nga mag-uruma nga nag ukoy ha mao nga syudad.

Nadakop an suspek mga alas 3 han kaagahon ha usa nga warrant of arrest para ha kaso nga homicide nga may ada ginrekomendar nga piyansa nga P120,000

Aada na ha kustodiya han Maydolong MPS an suspek para han dokumentasyon ngan sakto nga disposisyon.

Radyo Bandera Tacloban 103.1
Diane Ganar | August 23, 2023
Via: PCADG Eastern Samar

23/08/2023

PANAGANG KONTRA BAHA, GIN AYAD HA TULAY HAN BARANGAY BUENAVISTA

Nag ayad hin panagang kontra baha an Department of Public Works and Highways ha tulay han Buenavista ha Barangay Buenavista, San Jorge, Samar

An gin himo nga construction in may total budget nga P52.49 milyon ka pesos na tikang ha General Appropriations Act (GAA) para hiton FY 2023

Ini naman in may-ada kahirayo nga 200 ka metros, 7.2 metros nga kahitaas, 1.2 metros nga kahilapad hiton walkway, 0.8 metros parapet nga asya iton nag po-protektar ha mga residente han Barangay

Mahibabaruan An Gandara River in usa ha major river systems ha 1st District hiton Samar nga prone hiton baha

Carol Medino | August 23, 2023
photo courtesy Calbayog Journal

23/08/2023

900 KAPULISAN GIN PADARA HA N. SAMAR PARA BUMULIG HA ANTI-INSURGENCY HA 14 NGA MGA BARANGAY

Nag padara hin maabot 900 nga kapulisan an Philippine National Police para bumulig ha anti-insurgency ha 14 nga mga Barangay ha Northern Samar

Ini nga pitad in kasumpay han “Revitalized Pulis sa Barangay” Program hiton PNP agud malikayan an pag sulod han grupo hiton New People’s Army o kun NPA ha mga Barangay ha mao nga probinsya.

Gin pili an mga kapulisan nga gin pakalat ha iba iba nga parte hiton Northern Samar sugad hiton mga pulis nga eskperyensya ha farming, nursing, engineering, plumbing, electrical, ngan healthcare.

Ini naman nga mga PNP personnel in mag babantay ha iba iba Barangay ha sulod hiton unom kabulan

Carol Medino | August 23, 2023

Photo courtesy PRO 8

23/08/2023

RE-ASSIGNMENT HA MGA KAPULISAN HA E. VISAYAS, PAG BUBUHATON HA MAABOT NGA ELEKSYON

Ig papatuman an re-assignment ha mga kapulisan ha Sinirangan Visayas yana nga maabot na Barangay ngan Sanggunian Kabataan Eleksyon 2023

Sumala hiton Police Regional Office VIII, ig rere-assign an mga kapulisan nga may-ada pamilya nga makandidato ha lugar kun diin hiya naka distino

Ini nga pitad in pag bubuhaton agud diri ma-apektaran an trabaho han kapulisan ha maabot nga piniliay ngan diri mahidabi ha politika

Pag bubuhaton naman an re-assignment mahuman makipag-sumpayan ha COMELEC kahuman hiton usa ka semana nga schedule han filling hiton certificate of candidacy

Carol Medino | August 23, 2023

23/08/2023

CITY HALL NAGDUMARA HIN PAYOUT ACTIVITY PARA HAN MGA BENEPISYARYO HAN FINANCIAL ASSISTANCE

Maabot ha 173 nga mga benepisyaryo an nagpakakarawat hin bulig pinansiyal tikang ha City Government han Tacloban.

Ha mao nga payout activity 172 dinhi an para han medical assistance ngan 1 naman an burial assistance

Mababaruan nga kada semana an pagdumara hun payout activity han Financial Assistance ngan Lunes ngada Biyernes, 8:00 AM- 5:00 PM an pangarawat hin aplikasyon.

Aadi naman an mga masunod nga resikitos para makakuha hin financial assistance tikang ha MASA Center:

Medical Assistance
• Certificate of Indigency (1 original and 1 photocopy)
• Medical Certificate (2 photocopies)
• Reseta (2 photocopies)
• Letter addressed to Mayor Alfred S. Romualdez
• Valid ID/Voter's ID
• Brief case finding

Burial Assistance
• Certificate of Indigency (1 original and 1 photocopy)
• Funeral Contract (2 photocopies)
• Death Certificate (2 photocopies)
• Letter addressed to Mayor Alfred S. Romualdez
• Valid ID/Voter's ID
• Brief case finding

Eunice Lagado | August 23, 2023

Via Tacloban City Information Office
📸 KNapala

23/08/2023

DOH PADAYON AN COVID-19 VACCINATION ROLLOUT HA SINIRANGANG BISAYAS

Nagpapadayon an gindudumara nga rollout han Department of Health ha bivalent Pfizer vaccines kontra ha COVID-19 ha Sinirangang Bisayas.

Maabot ha 154 nga mga persons deprived of liberty (PDLs) ngan mga jail officers an nakakarawat han ira syahan ngan third booster dose han mao nga bakuna ha Abuyog, Leyte.

Mababaruan nga tikang dida han Agosto 14, may-ada 65,652 sumatotal nga ihap han COVID cases an nagpakarecover samtang 64,949 (98.93%) an ihap han mga naawatan hin kinabuhi nga ada ha 697 (1.06%).

Ginpahayag naman han DOH Region 8 nga waray may nahipatik nga grabe ngan kritikal nga kaso hin covid-19 positive nga na admit ha mga ospital ha rehiyon.

Eunice Lagado | August 23, 2023

23/08/2023

TOP 5 HIGH-VALUE INDIVIDUAL, DAKOP HA MAASIN CITY

Dakop an usa nga high-value individual han gin himo nga operasyon han Maasin City Police Station nga gin panguluhan ni PLTCOL Jason P. Balbarona, Acting Chief of Police ngan 1st Southern Leyte Provincial Mobile Force Company, kaupod an Philippine Drug Enforcement Agency 8.

Narekopo tikang ha suspek an maabot purluminos 35 gramos han gin aalegar nga shabu, nga may-ada estimated market value nga P250,000 ka pesos.

Samtang ig papatuman naman han PRO 8 an bug-os nga pwersa han mga otoridad kontra hiton iligal na droga ha bug-os nga rehiyon.

Carol Medino August 23, 2023
Via PRO 8

23/08/2023

MGA NPA NGA NAG BALIK-LOOB HA GOBYERNO, GIN TAGAN HIN LIBRE NGA PABALAY

Mga NPA nga nag balik-loob ha goobyerno in gin tagan hin permamente nga balay dida han nakalabalay nga adlaw, an opisyal nga pag abre han "Saad nga Balay ha mga Peacebuilders han San Jose de Buan” in gin tampuhan ni Mayor Joaquin Elizalde, Vice Governor Arnold Tan, ngan hi Gov. Sharee Ann Tan.

Ine nga opisyal nga pag abre in gin tambungan ni Regional Peace and Order Council 8 Chairman Alfred Romualdez, 801st Brigade Commander Leinart Lelina, 87th Infantry Battalion Commander Luzelito Betinol, LtCol. Francis Rugayan, Office of the Presidential Adviser on Peace Reconciliation ngan Unity Samar area manager Emilda Bonifacio, and Department of Social Welfare and Development Regional Director Grace Subong.

An pundo nga ginamit hinin nga pabalay in maabot ha 2.5M ngan tikang ha local government nga maabot 1.5M. Mahisasabutan nga an prioridad hinin nga libre nga pabalay in para ngaddto han mganag balik-loob nga mga NPA rebelde.

Jen A. Reli | August 23, 2023

23/08/2023

USA NGA ABOGADO PATAY MAHUMAN PAMUSILON HA VILLABA LEYTE

Patay an usa nga abogado mahuman pamusilon ha Sitio Patag Brgy. Calbigos Villaba, Leyte, pasado alas kwatro han kulop, dida han Agosto 22, 2023.

Gin kilala an biktima nga hi Atty. Elmee Mape, 52 anyos, residente han Brgy Poblacion Del Norte han Villaba, Leyte.

Samtang an suspek naman in gin kilala nga hi alyas Botchoy Oliverio

Sumala han Villaba PNP, tigda la gin daop ngan gin pamumusil han suspek an biktima samtang ini in nadidto han iya tanuman han mais para mag harvest

Hi Mape in nag karawat hin duha nga bala ha iya lawas ngan dayun gin dara ha ospital pero gin deklara nga dead on arrival.

Nakuha naman ha crime scene an an usa nga caliber 9mm nga gim tatag-iya han biktima, ngan usa caliber 45 ngan mga bala.

Ha pagkayana in waray pa klaro nga impormasyon bahin iton rason han suspek han natabo nga pamusil ngan padayun naman an imbestigasyon

Carol Medino | August 23, 2023

23/08/2023

PAG TINDOG HIN IMPRASTRUKTURA HA CATBALOGAN SAMAR,
SUPORTADO NI B**G GO

Base kan Senator B**g Go, suportado niya iton pag tindog hin
bag o nga imprastruktura ha Catbalogan, kadungan hinin in pag abuyon han governor han Samar nga hi Gov. Sharee Ann Tan dida han 'Adlaw han Barangay 2023’,usa nga pinaka importante nga panhitabo ha Samar hadton Agosto 11.

Dugang pa han Senator in bug-os an iya pagtapod nga mag maupay an nasabi nga propasal han Governor.Inen nga inagurasyon in gin tambungan hin magka duru-dilain nga Mayor han Samar. Dako naman an pag pasalamat hadton katawhan nga an ira lugar in usa nga napili para hinin nga libre nga imprastruktura.

Sumala kan Gov. Sharee Ann Tan in bug os an iya
pag papasalamat kan senator nga gin tagan an iya munisipalidad hin tsansa nga mag serbisyo ha kablas. Mahisasabutan nga hi B**g Go in usa nga instrumento han pagkabug-os han New Catbalogan City Hall.

Jen A. Reli | August 23, 2023

23/08/2023

MGA STUDYANTE NGA PRESENTE NAKA-ENROLL HA EASTERN SAMAR STATE UNIVERSITY MAGIGING SKOLAR HA ILAROM HAN BULIG PARA STUDYANTE PROGRAM (BPE)

Gin-anunsiyo ni Governor Ben Evardone nga tanan han mga studyante nga presente nga naka enroll ha Eastern Samar State University (ESSU) in magiging skolar ha ilarom han programa nga Bulig Para Estudyante (BPE) program han mao nga Gobernador.

Panuyo han educational subsidy program nga makabulig ha mga panginahanglan hiton mga studyante labis na adton mga kulang ha pinansyal.

Ginbuhat han mao nga gobyernador an mao nga pag anunsiyo kadungan han launching ceremony han bago nga pagtutukuron nga satellite campus ha Eastern Samar State University (ESSU) ha bungto han Balangiga, Eastern Samar.

Eunice Lagado | August 23, 2023

23/08/2023

VSU, NAG HAHATAG HIN LIBRE NGA SUBSCRIPTIONS HA LICENSED NGAN PREMIUM GOOGLE WORKSPACE NGAN MICROSOFT OFFICE

Nag hatag hin libre nga subscriptions kanan licensed ngan premium Google Workspace ngan Microsoft Office an Visayas State University para ha ira mga estudyante, faculty, ngan staff ha ira campuses ha Villaba, Tolosa, Isabel, Alangalang, ngan Baybay City.

An waray limitasyon nga access ha Google Drive ngan OneDrive, kaupod an free access ha Canva ngan discounted rates para Spotify, in parte han VSU’s “massive investment in online educational tools” ha ilarom han administrasyon han university president Dr. Edgardo Tulin ngan hira gihapon an amo la nga university nga nag hahatag hin libre nga subscriptions ha bugos nga Visayas ngan Mindanao.

Gin anunsyo gihapon han VSU nga gin maintain nira an position nga Top 10 nga kilala nga “Magic 10,” ha latest Webometrics Ranking, an pinakadaku ngan internasyonal nga academic ranking, nga sakop an 366 higher education institutions han Pilipinas ngan 31,000 universities and colleges ha bugos nga kalibutan.

Mary Lore Doque| August 23, 2023

23/08/2023

LALAKI NAMUSIL HIN SANGKAY MAHUMAN NGA MAG INOM HA SULOD HIN SKWELAHAN HA BILIRAN

Usa patay ha mag sangkay nga nag iinom ha sulod hin skwelahan haBiliran. Nakilalal-an biktima nga hi Abner Mondano,65 anyos, usa
nga taga panimangno nga naka destino ha Culaba National Vocational School ha Barangay Virginia, Culaba Biliran.

Samtang kinilala namanan suspek nga hi Hector Cariño, 61 anyos ngan pareho nga residentehan nasabi nga lugar. Mahisasabutan nga an biktima ngan an suspek in nagka ada hin delito ha butnga han ira pag iinom. An biktima in nakakarida pa pero nahi-abtan pa inen han suspek.

Samtang nadiskubrehan naman han mga kapulisan an caliber pistol, usa nga magazine for the said caliber pistol containing five liverounds, ngan usa nga empty shell. An suspek naman in gindara ha Culaba municipal police para ha kaangayan nga kaso.

Jen A. Reli | August 23, 2023

23/08/2023

UPDATE: MISSING PERSON NATAD-AN NA

Natad-an na an nahireport kakulop nga nawawara nga person with special needs.

Sumala ha pamilya hini nga natad-an ini nga naglilinakat ha usa nga barangay ha bungto han Cabucgayan, Biliran.

Eunice Lagado | August 23, 2023

22/08/2023

AN WARAY PARTYLIST UMAPELA HA KORTE SUPREMA NGA DIRI KANSELAHON AN IRA REHISTRO

Pumakadto ha Korte Suprema an An Waray Partylist para hangyoon an 'petition for certiorari' nga balabgan an COMELEC ha plano hini nga pagkansela ha ira rehistro.

Manunumduman nga nagpagawas hin desisyon an COMELEC nga kanselahon an An Waray Partylist tungod ha isyu han pahtugot hini nga makalingkod an second nominee hini dida han 2013 hin waray anuman nga certificate of proclamation tikang ha COMELEC.

Pupuydi naman nga matanggal ha Kongreso hi Cong. Bem Noel hin waray bisan anuman nga pagpugong tikang ha Korte Suprema.

Eunice Lagado | August 23, 2023

Via Samar Daily News Online

22/08/2023

USA NGA LALAKI, NAWAWARA MATAPOS MAHULOG HA BARKO

Nahulog ha barko nga MV Fortune Sea an usa nga lalaki nga hi Mark Lloyd Escol nga taga Pinatuyan, Southern, Leyte.

An biktima in nag bi-biyahe tikang ha Bohol tikadto ha Camiguin han nahulog ngan hasta yana in nawawara.

An pamilya in biktima in namimiling ngan naaro hin bulig ha mga nakakita o makakahatag ha ira hin impormasyon kun hain an nawawara nira nga paryente.

Para ha mga karuyag bumulig, tawagi adi nga numero:
09054058658

Mary Lore Doque| August 23, 2023
Photo by: Panay News

22/08/2023

PRODUKTO PAN AGRIKULTURA HA E. SAMAR, UPOD HA PROGRAMA NGA “BYAHE NI DREW”

Makikit-an ha programa nga “Byahe ni Drew” an mga produkto pan agrikultura han Eastern Samar nga possible ig pagawas yana nga bulan o ngada hiton Septyembre

Igin bida han San Miguel Farmers Associations (SMFA’s) an ira mga gin himo nga mga produkto sugad hiton Canton noodles ngan crackers nga himo ha karubasa

An host naman han mao nga program nga hi Drew Arellano in bumulig gihapon pag himo han mga produkto kaupod an nangungulo han SMFA nga hi Bernardina Docong

Radyo Bandera Tacloban 103.1

Carol Medino | August 22, 2023
Via Calbayog Journal

22/08/2023

LEYTE NATIONAL HIGH SCHOOL NAKIUSA HAN SAFE S*X PLEDGE

An Provincial Department of Health Office han Leyte nag himu hin aktibidades para ha “Take the Safe S*x Pledge” kaupod an mga estudyante han Leyte National High School han Agosto 20 yana nga tuig

An tumong han aktibidades in amo an pag kuha hin suporta ngan commitment tikang ha kumonidad partikular ha mga estudyante han pag practice hin healthy nga behaviors specifically han positive s*xual ngan reproductive activities, ngan asya liwat an pag dasig ngan pag panumpa nga maghimo hin safe nga s*xual practices, ngan an pag diri pag engage hin unprotected s*x, ngan an pag pakipag-hilawas kon andam na, ngan ha usa la ka hinigugma.

Diane Ganar I August 22, 2023
Via: Department of Heatlh Eastern Visayas

22/08/2023

PRESYO HAN BUGAS HA EASTERN VISAYAS, UMENTADO NA!

Gin kakabarak-an hitun Grain Retailers Confederation (GRECON) Region 8 iton pag hitaas hitun presyo han bugas ha Sinirangan Visayas

Ha Basey Samar, dako na iton gin umentohan hitun presyo han bugas kundiin sumaka na P2,500 ka pesos an presyo han usa ka sako, nga napapalit la hin P2,050 ka pesos dida han nag labay nga bulan

Sumala kan Frederick Dy, Presidente han GRECON Region 8, nga nag kukulang na iton suplay han local rice dinhi ha rehiyon, nga asya naman an hinungdan han pag damo han mga imported rice ha mga pamalitan ha Tacloban

Tungod hitun kakulangan hin suplay in nag durot naman ini hin pag hitaas han presyo han local rice nga sumaka na ha P48.00-P50.00 ka pesos kada kilo o umentado hin P10.00.

Gin lalauman naman nga madamo na iton suplay han local rice dida hiton masunod nga bulan kutob Oktubre tungod nga asya ini iton panahon han kat-ani

Radyo Bandera Tacloban 103.1

Carol Medino | August 22, 2023
Via Tacloban City Information Office

22/08/2023

NAG-DUMARA AN DEPARTMENT OF HEALTH REGION 8 HIN HEALTH PROMOTION PLAYBOOK WORKSHOP

Ha nag labay nga semana an DOH EVCHD nag dumara hin health promotion workshop para ma-implementar an implementasyon han mga program ha lalawigan han Southern Leyte, Northern Samar, Biliran,ngan an syudad han Ormoc ha ilarom han healthy communities in pagsunod han RA 11223 o Universal Health Care

Gin-dumara in workshop han mga health program officers ngan an health education promotion officers han health promotion unit nga gin pangunahan ni Dr. Marvin Jed Soledad.

Basi magin epektibo an mga programa ha pag-atiman han kahimsog, gin kikinahanglan an damu nga sektoral nga panalimbasog ngan kooperasyon para ha mahimsog nga Pilipinas.

Diane Ganar I August 22, 2023
Via: Department of Heatlh Eastern Visayas

22/08/2023

50 NGA MGA KABATAAN NGA BABAYE HA MATALOM, LEYTE NAKAKARAWAT HAN LIBRE NGA CERVICAL CANCER VACCINE

Ada ha 50 nga mga kababayin-an ha bungto han Matalom, Leyte an nakakarawat han libre nga bakuna kontra ha Human Papilloma Virus o HPV.

An mga benepisyaryo han vaccine amu an mga kababayin-an nga bata nga nag eedad hin 9-13 anyos.

Panuyo han mao nga programa nga maprotehiran an mga kabataan nga babaye ha hulga han nakakamatay nga sakit na cervical cancer.

Gutiay la naman an ihap han mga natagan han mao nga bakuna tungod nga limitado la an iginhatag han DOH.

Eunice Lagado | August 22, 2023

Address

Brgy. 110 Utap, Zone 4
Tacloban City
6500

Telephone

+639295831112

Website

http://www.radyobandera.com/

Alerts

Be the first to know and let us send you an email when Radyo Bandera Local/Regional News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radyo Bandera Local/Regional News:

Videos

NANGAWAT HA MIGUEL PENSION HOUSE HOTEL HA TACLOBAN, NAKIT-AN HA CCTV FOOTAGE Usa nga lalaki nga naka sul-ot hin facemask an kulaong nag-iinquire ha Miguel Pension House Hotel ha Del Pillar Street Tacloban City, yana nga kulop, Huwebes nga adlaw. Nakuha han suspek an usa nga Vivo Y11 nga cellphone nga gin tatag-iya han bantay han mao nga hotel Samtang nananawagan naman an tag-iya han cellphone kun hin-o man it nakilala hini nga suspek nga makipag-sumpayan haira #ClinicaD3Bio #DTX500 #MightyCee #DTXCoffeeMix #RYUCoffee #DTXPremiumCoffee Carol Medino | August 24, 2023 ctto

PANHOLD-UP HA USA NGA TINDAHAN HA NORTHERN SAMAR, KUHA HA CCTV! Gin hol-up hin duha nga armado nga lalaki an tindahan ha bungto han Catubig, Norrthern Samar han nakalabay nga Agosto 22. Base ha kuha han CCTV, nga tigda sumakob ha tindahan in armado nga lalaki ngan gin sugo an tindera nga abrihan an iya surdlan hin kwarta samtang an iya upod naman in nag babantay ha gawas han tindahan. Dara han kahadlok han 19 anyos nga tindera, waray na inin makabaribad ngan gin hatag nala an maabot usa ka libo nga kuhida niya. Gin papadayon hasta yana an imbestigasyon para masabtan an pagkaka kilanlan han mga suspek. #D3BIO #ClinicaD3Bio #DTX500 #DTXCOFFEEMIX #MIGHTYCEE #DTXPremiumCoffee Radyo Bandera Tacloban 103.1 By: Mary Lore Doque | August 24, 2023 Credits to the rightful owner

USA NGA BALAY GIN BANGGAAN HIN BUS HA CALBAYOG CITY Bumangga an usa nga Bus ha usa nga balay ha Brgy. Mag-ubay Oquendo District, Calbayog City yana nga kulop. Base han impormasyon, an mao nga bus in nag lilikay han ruba nga karsada nga asya an hinungdan han pagka wara han control han drayber Nahibaruan nga ini in tikang pa ha Luzon ngan waray naman na isumat nga nasamaran ha mao nga insidente #D3BIO #ClinicaD3Bio #DTX500 #DTXCOFFEEMIX #MIGHTYCEE #DTXPremiumCoffee Radyo Bandera Tacloban 103.1 Carol Medino | August 21, 2023 Video courtesy | Calbayog Update