https://issuu.com/snhs.tinigluzon

SNHS Tinig Luzon, Sorsogon (2024)

31/03/2024

Laban, mga batang mamamahayag ng SorNaHay!

16/01/2024

Maligayang Araw!

Ngayon, ang unang araw ng 'screening' para sa mga nais maging tinig ng masa. Ito ay gaganapin sa Academic Building 8 Room 6, 2nd Floor. Ang 'excuse letter' ay maaaring kunin sa tanggapan ng Tinig Luzon.

Narito ang talatakdaan ng mga gawain.

02/01/2024

Maligayang Araw!

𝙏𝙪𝙢𝙞𝙣𝙙𝙞𝙜 𝙨𝙖 𝙞𝙨𝙖𝙣𝙜 𝙢𝙖𝙡𝙖𝙮𝙖, 𝙢𝙪𝙡𝙖𝙩 𝙖𝙩 𝙢𝙖𝙥𝙖𝙣𝙖𝙜𝙪𝙩𝙖𝙣𝙜 𝙥𝙖𝙢𝙖𝙢𝙖𝙝𝙖𝙮𝙖𝙜.

Sa pang-araw-araw na isyu at suliraning kinahaharap ng lipunan, hindi mabubuwal ang mandato ng Tinig Luzon na magsulat para sa uring masa't kapuwa mag-aaral.

Halina't mangahas na makibahagi sa pagpapanday ng tinig ng masa. Sumali sa Tinig Luzon at samahan kaming tumindig, gamit ang pluma bilang armas sa pagpapalaya ng kapuwa Pilipino.

Bukas ang rehistrasyon sa lahat ng mag-aaral ng Sorsogon National High School (SNHS) simula ngayong araw hanggang sa ika-15 ng Enero ng kasalukuyang taon. Maaaring magpatala gamit ang registration form na ito: http://tinyurl.com/ytbe4782

Ang 'screening' ay magaganap sa ika-16 at ika-17 ng Enero sa Tinig Luzon Hub (Academic Building 8, Room 6) sa ganap na ika-9 ng umaga hanggang sa ika-5 ng hapon.

Para sa anumang katanungan, maaaring magpadala ng mensahe kay Miguel Pelecia o sa page ng SNHS Tinig Luzon.

Dibuho ni Fiona Gabion

08/12/2023

𝗧𝗜𝗡𝗚𝗡𝗔𝗡 | Nasungkit ang unang puwesto ng Sorsogon West sa elementarya na may 37 gintong medalya at Sorsogon Cluster naman sa sekondarya na humakot ng 90 gintong medalya sa katatapos lamang na 2023 Sorsogon City Athletic Meet ngayong araw, ika-8 ng Disyembre.

06/12/2023

𝗧𝗜𝗡𝗚𝗡𝗔𝗡 | Naglalagablab na Pag-asa para sa Inaasam na Kampeonato

2023 Sorsogon City Athletic Meet ay pormal nang inumpisahan ngayong araw, ika-6 ng Disyembre, sa Pambansang Mataas na Paaralan ng Sorsogon (PMPS).

06/12/2023

𝗧𝗜𝗡𝗚𝗡𝗔𝗡 | Hindi naging hadlang ang makulimlim na panahon upang maisakatuparan ng Pambansang Mataas na Paaralan ng Sorsogon (PMPS) ang implementasyon ng proyektong "DepEd's 236,000 Trees – A Christmas Gift for the Children" kaninang umaga, ika-6 ng Disyembre ng kasalukuyang taon.

Ang nasabing gawain ay nilahukan nina Marcial Espinola, punongg**o, at Rodel Larosa, Administrative Officer ng paaralan. Kasama rin ang mga opisyal ng Youth for Environment in Schools Organization (YES-O) , ilang g**o at mag-aaral na boluntaryong nakiisa sa pagtatanim ng mahigit 15 "fruit-bearing trees" na ibinigay ng Department of Environment and Natural Resources (DENR).

Dagdag pa rito, malaki rin ang naging pasasalamat ni Cynthia P. Jardiolin, Head Teacher VI ng Science Department, sa ilang utility workers ng paaralan na tumulong sa tree-planting activity.

"And then, very thankful din tayo sa mga utility workers natin, kasi sila (baga) 'yung kasama namin kanina sa paghahanap ng lugar kung saan kami (magpa-plant) magtatanim", sabi ni Jardiolin.

Ang nasabing pagsasagawa ng tree-planting activity ay nakasaad sa DepEd Memorandum No. 069, s. 2023 na ipinalabas noong ika-17 ng Nobyembre ng parehong taon.

Ni Vincent Dimaano

30/11/2023

𝗧𝗜𝗡𝗚𝗡𝗔𝗡 | Ibinida ng ilang piling g**o at mag-aaral ng Dibisyon ng Lungsod Sorsogon ang kanilang galing sa larangan ng pagtatanghal sa teatro, matapos ang halos dalawang oras na pagsasabuhay sa dulang musikal na "Ibong Adarna" kahapon, ika-29 ng Nobyembre ng kasalukuyang taon, sa Sorsogon Cultural Center for the Arts.

📷: Fiona Gabion

11/11/2023

𝙎𝙖𝙨𝙖𝙠𝙖𝙮 𝙠𝙖 𝙗𝙖?

Dahil ang Tinig Luzon, babiyahe na!

Samahan kaming baybayin ang daan ng panibagong panuruang taong 2023-2024, at tunguhin ang bawat sulok ng 𝙢𝙖𝙡𝙖𝙮𝙖, 𝙢𝙪𝙡𝙖𝙩 𝙖𝙩 𝙢𝙖𝙥𝙖𝙣𝙖𝙜𝙪𝙩𝙖𝙣𝙜 𝙥𝙖𝙢𝙖𝙢𝙖𝙝𝙖𝙮𝙖𝙜. Narito kaming muli upang ipagpatuloy ang nasimulan at ang aming mandatong magsulat at magbigay-alam para sa kapuwa namin mag-aaral.

Dibuho ni Fiona Gabion

07/12/2022

Pagbati sa mga bagong mamamahayag na magtataguyod at magpapanatili ng ningas ng katotohanan sa malayang pamamahayag.
Ang Tinig Luzon ay taos-pusong binabati ang mga nakapasa sa isinagawang screening sa mga bagong mamahayag ng opisyal na pahayagan ng Pambansang Mataas na Paaralan ng Sorsogon sa Filipino. Bilang kasapi laging panghawakan ang isa sa mga natatanging layon ng pamunuan, na ihatid ang katotohanan na walang kinikilingan tungo sa isang malaya, mulat, at mapanagutang pamamahayag.

30/11/2022

Pag-ibig sa bayan ang una’t nais ni G*t Andres Bonifacio na manaig sa puso’t isipan ng bagong sibol na mamamayang Pilipino.

Ating gunitain ang ika-159 anibersaryo ng kapanganakan ng isa sa mga tanyag na bayaning Pilipino, ang Ama ng Himagsikang Pilipino at Supremo ng Katipunan na si G*t Andres Bonifacio.

14/09/2022

Sa muling pagbubukas ng pinto ng Pambansang Mataas na Paaralan ng Sorsogon sa mag-aaral, magiging katuwang at kaagapay nito ang Tinig Luzon sa pagyakap sa katotohan na may integridad at may layuning malinang ang isang bigkis at makataong lipunan.
_______________________
Maging bahagi sa isang malaya, mulat, at mapanagutang pamamahayag! Sumali sa Tinig Luzon at mangahas na magmulat at sumulat para sa masa’t kapuwa mag-aaral!

Sa darating na ika-16 ng Setyembre ay magkakaroon ng screening sa lahat ng mag-aaral na nais maging bahagi ng opisyal na pahayagan ng Pambansang Mataas na Paaralan ng Sorsogon. Ang nasabing gawain ay isasagawa sa SPJ Room ng Annex Campus at hahatiin sa dalawang pangkat. Sa ganap na ika-8 ng umaga ay ang oras na ilalaan para sa mag-aaral na nasa baitang 8, 10 at 12. Samantala, magsisimula naman ang ikalawang pangkat sa ganap na ika-2 ng hapon at ito ay lalahukan ng mag-aaral sa baitang 7, 9, at 11.

Para sa anumang katanungan, maaaring magpadala ng mensahe kay Miguel Pelecia o sa page ng SNHS Tinig Luzon.

Paalala: Ang papel na kailangan sa pagsulat at pagguhit ay magmumula sa pamunuan ng Tinig Luzon, ang iba pang materyales na gagamitin sa iba't ibang kategorya ay magmumula na sa mag-aaral.

29/11/2021

Sa isang panibagong yugto sa paaralan, muling magiging kaagapay ng Primyir ang Tinig Luzon—sa paglaban para sa isang makatao at makatarungang lipunan.

Makibahagi sa malaya, mulat, at mapanagutang pamamahayag! Sumali sa Tinig Luzon; at mangahas na magmulat at sumulat para sa masa't kapuwa mag-aaral!

Ang rehistrasyon para sa publikasyon ay bukas sa lahat ng mag-aaral ng Sorsogon National High School (SNHS). Magsisimula ito ngayong Nobyembre 29, 2021 (Lunes) at magtatapos naman sa Disyembre 17, 2021 (Biyernes).

Kung ikaw ay interesadong tumugon sa panawagang ito, punan lamang ang registration form: https://bit.ly/TLRegistration2021

Para sa anumang katanungan, maaaring magpadala ng mensahe kay Concetta Elisha Dualin o sa page ng SNHS Tinig Luzon.

14/02/2021

Isang maalab na pagbati sa lahat ng bumubuo sa Tinig Luzon!

Kinilala ang TINIG LUZON, opisyal na pahayagang pangkampus ng Sorsogon National High School, bilang may “PINAKAMAHUSAY NA BANNER STORY" sa naganap na Best-Designed Campus Papers of the Philippines (BDCP) Awards 2020.

Padayon Tinig Luzon! Ipagpatuloy ang masikhay na pamamahayag! Mangahas na magmulat at sumulat para sa masa’t kapuwa mag-aaral!

Photo Credit: Best-Designed Campus Papers of the Philippines

28/11/2020

Salamin ng Bulok na Sistema
E. Janaban

Patuloy na rumaragasa ang delubyong salamin ng bulok na sistema ng lipunan; bulok na sistemang nagluwal ng sandamakmak na patakarang pabor sa iilan, ngunit pahirap at pamatay sa ordinaryong Pilipino—Tokhang, TRAIN Law, Martial Law, CREATE Law, at Terror Law. Tinatamasa ng naghaharing uri ang bentahe ng mga represibong polisyang makasasangga ng kanilang interes, bagama't paa ng mga naghihikahos ang nasa hukay buhat ng hagupit ng mapanirang sistema ng kapitalistang ekonomiya—neoliberalismo.

Sunod-sunod ang paniningil ng kalikasan sa lubusang pang-aabuso ng naghaharing-uri o mga malalaking tao sa lipunan na sakim at gahaman sa kapangyarihan, sa likas na yaman ng bansa. Patuloy ang pagkalbo sa mga kagubaatan, pagmina, at pagtapon ng basura at nakalalasong kemikal sa karagatan, habang walang habas din ang pagsubasta sa mga rekurso para higit na magkamal ng ganansya. Subalit, sa kabila ng pangangatwirang ang labis na produksyon ay paborable sa pag-angat ng ekonomiya, pinatutunayan ng mamamayang pinagkakaitan ng buhay, lupa, trabaho, edukasyon, at iba pa na isa lamang itong pagkukubli sa totoong hangarin ng mga mapagsamantala. At habang dumaraing ang mamamayan, ang gobyernong kasapakat ng naghaharing uri sa kanilang adhika ay wala man lang habag.

Higit na masasaksihan ang kapabayaan ng pamahalaan sa pananalanta ng magkasunod na bagyong Rolly at Ulysses na nag-iwan ng malaking pilas sa isip at puso ng mga tao. Libo-libong pamilya ang nawalan ng tahanan at mga mahal sa buhay; maraming nawalan ng kapasidad upang makapagpatuloy sa buhay—higit sa pag-aaral at kanilang kabuhayan. At sa gitna ng pagkataranta ng bawat indibidwal at ng mga pribadong at pangmasang organisasyon sa pagkalap ng donasyon at pondo para sa pagtulong sa kapuwa Pilipino, natutulog pa rin sa pansitan ang gobyerno’t hinahayaan lamang na malaya sa labas ng piitan ang mga lokal at dayuhang kapitalistang dapat panagutin sa krisis na kanilang nilikha.

Habang nasasadlak ang karamihan sa kahirapan at pinsalang dala ng bagyo, ay prenteng nagpapasarap at nagtatago sa ilalim ng makakapal nilang kumot ang mga kawani ng gobyerno. Kung kailan dapat na pinaiiral ang pakikisimpatya at pakikiisa sa bawat mamamayan, lantaran namang inihayag ng mga nanunugkulan ang kanilang pagiging kontra-masa. Bakit nga ba tuwing panahon ng sakuna, tulad ng pangakong pagbabago at pag-unlad ng pangulo sa masa, ang tugon ng pamahalaan ay di man lang madama?

Hindi maikakailang palaban ang mga Pilipino, ngunit hindi katanggap-tanggap na kinasasangkapan ito ng mga nagbabalat-kayong nanunungkulan upang ikubli ang kanilang pananamantala. Hindi makatarungan na iniaasa sa pagiging “resilient” ng mga tao ang pagtugon sa kalamidad, dahil walang kapasidad ang mamamayan na tumindig sa sariling mga paa, gawa ng pagsasawalang-kibo at panunupil ng gobyerno. Ibinibida na lamang ng estado ang “resiliency” ng taumbayan upang ipapasan sa kanila nang mag-isa—ang suliraning gawa ng sistemikong pandaraya at pananamantala. Sa katunayan, ang kawalan ng aksyon ng gobyerno sa usaping ito ay maituturing nang “criminal negligence,” dahil ito ay tuwirang nagpapakita ng kapabayaan ng administrasyon sa pagtupad nito sa reponsibilidad sa lipunan.

Sa kasalukuyang sitwasyon, lumalantad na hindi handa ang pamahalaan sa mapaminsalang kalamidad. Ngunit kailan nga ba ito naging handa? Kahit sa pandemya ay bigo ang tugon nito, dahil kailanman ay hindi ito naglatag ng konkretong plano para lutasan ang mga sakunang dagok sa mamamayang Pilipino.

Sa usapin naman ukol sa “calamity fund” ng bansa, hindi maikakailang nakaangkla pa rin sa neoliberalismo ang dahilan ng pagbawas ng pondo sa serbisyong panlipunan—kabilang ang kalusugan at paghahanda sa kalamidad. Mula sa P20 bilyong “calamity fund” noong nakaraang taon ay umabot na lamang ito sa P16 bilyon sa kasalukuyang taon. Malinaw na hindi sasapat ang P16 bilyong pondo ng pamahalaan sa pagtugon sa kalamidad lalo na’t sunod-sunod ang pamiminsala ng mga bagyo.

Mapapansin ring higit na malaki ang pondo para sa National Task Force to End Local Communist Armed Conflict o NTF-ELCAC na nagkakahalagang P19 bilyon kumpara sa P16 bilyong “calamity fund." Patunay lamang ito na sa gitna ng sakuna ay aligaga pa rin ang gobyerno na ipagpatuloy ang pamamasismo. Kaya't panawagan ngayon ng mamamayan ang pag-defund sa NTF-ELCAC; at sa halip ay idagdag sa pondo para sa relief operations at rehabilitasyon ng mga nasalantang lugar sa buong kapuluan.

Sa mga oras na ito, nararapat na ipakita na hindi duwag ang mga Pilipino sa pakikibaka laban sa mapaniil na sistema na nagpapalala ng kalamidad. Hindi takot ang sambayanan sa paniningil sa pahirap, pabaya, at pasistang administrasyon para sa makataong aksyon na ipinagkait nito.

Hindi paralisado ang mamamayang Pilipino upang hayaan ang naghaharing-uri na sila ay pagsamantalahan. Ngunit mananatiling hilaw ang hustisyang hangad para sa sangkatauhan kung hindi susungkitin ang pag-asa sa kolektibong pagkakaisa ng sambayanan. Kung lahat ay magtutulong-tulong upang maituwid ang sinulid na binuhol-buhol ng kasalukuyang at mga nagdaang rehimen, may pag-asang sisinag upang lahat ay makaalpas mula sa kuko ng mapanlilang na lipunan, tungo sa tunay na kalayaan.

IANGAT ANG PAKIKIBAKA! KALAMPAGIN AT PANAGUTIN ANG TUNAY MAY SALA!

31/10/2020

The bearers of truth: SNHS' Newest Campus Journos

You never fail to impress us Primyir kids!

Sorsogon National High School's publication team congratulates the new members who passed the screening held last September and October.However, gaining membership is just the start, buckle up, and get ready to cruise the whole school year, the campus journo way!

The Luzon Tip and Tinig Luzon are happy to welcome students bringing baggages of new ideas that will surely help the team. Both clubs carry out one main objective, it is to deliver factual and unbiased content, not only for the students, but the whole school body. This may sound too strict and boring, but of course, we, in the team never forget to have fun.

Once again, we, The Luzon Tip and Tinig Luzon, wish you to enjoy your stay and never forget the true essence of Campus Journalism.

Yours,
The TLT Pub Fam ❤

24/10/2020

The official school publication, in English and Filipino, of the premier school of Sorsogon is looking for its new members!
We invite you to take part in our goal to deliver unbiased and factual content.

Be part of the pub fam! 💛

Sign up here:
bit.ly/TLRegistration2020 (For Tinig Luzon)
tiny.cc/LTSignUps2020 (For Luzon Tip)

04/10/2020

𝐒𝐚𝐥𝐚𝐦𝐚𝐭, 𝐭𝐞𝐚𝐜𝐡𝐞𝐫!

Tunay ngang dapat bigyang-pugay ang mga g**o sa kanilang sakripisyo't paglilingkod sa mga mag-aaral; ngunit, ang pagroromantisa sa kanilang papalubhang kalagayan sa paggawa ay hindi kailanma'y magiging makatarungan at katanggap-tanggap.

Malinaw ang pagpapabaya at pagsasawalang-bahala ng gobyerno sa sektor ng edukasyon sa loob ng mahigit anim na buwang pandemya't pagkasara ng ekonomiya ng bansa. Sa kabila ng kawilihan ng gobyerno na itulak ang pagbubukas ng eskuwela sa parehong pampubliko at pampribadong paaralan, inilalagay nito sa balikat ng mga g**o at iba pang manggagawa sa paaralan ang responsibilidad na ito dapat ang pumapasan.

Bagama't walang malawakang mass testing na magtitiyak sa kalusugan at kapakanan ng mga g**o't mag-aaral, idinagdag pa ng pamahalaan ang suliranin sa kakarampot na budget na inilaan nito para sa Commission on Higher Education (CHED) at Department of Education (DepEd) na naging sanhi ng kakapusan sa mga rekurso sa pagbabalik-eskuwela. Bunga nito, napipilitan ang mga g**o na akuin ang dagdag trabaho at gastusin para sa mga pangangailangan sa paaralan, tulad ng papel na gagamitin sa paglilimbag ng modyul ng mga mag-aaral.

Pasimula pa lang ang klase, ngunit triple agad ang karga nilang bigat mula sa pangangapa sa mas pinatinding krisis sa lipunan. Hindi kailangang ganito kalupit ang pagdaanan ng mga g**o kung naibibigay lamang sa kanila ang sapat na tulong at serbisyo mula sa gobyerno. Gayunpaman, walang saysay ang mga pagpugay at parangal kung patuloy na ipagkakait ng gobyerno at ng mga dambuhalang negosyante--ang regularisasyon, nakabubuhay na sahod, benepisyo, at demokratikong karapatan ng mga g**o.

Higit pa sa papuri ang nararapat na ibigay sa mga g**o at mga manggagawa sa paaralan. Ngayong buwan ng mga g**o, tumindig kasama ang kanilang hanay, at makiisa sa kanilang pakikibaka para sa kalusugan, kabuhayan, at karapatan!

04/10/2020

𝐇𝐚𝐧𝐝𝐚 𝐧𝐚 𝐛𝐚 𝐤𝐚𝐲𝐨?

Isang mapagpalayang araw, mga ka-Primyir!

Binabati kayo ng Tinig Luzon sa pagsalubong ng Primyir sa isang panibagong yugto sa eskuwela!

Sa pagbubukas ng pasukan sa Sorsogon National High School at maging sa iba pang paaralan sa komyu, sama-sama nating pagtagumpayan ang hamon ng isang krisis sa "bagong normal."

Bagama't hindi hihinto ang ating pagkatuto sa panahon ng pandemya, marapat na isulong ang pakikibaka para sa isang ligtas na pagbabalik-eskuwela kung saan napangangalagaan ang sibil na karapatan ng bawat g**o't mag-aaral.

Kaugnay nito, ang Tinig Luzon bilang isang organisasyong nagsisilbing boses ng masa — ay kaisa ninyo sa pagtindig at pagpaigting ng panawagan para sa karapatan at seguridad ng mga mag-aaral, g**o, at iba pang manggagawa sa paaralan. Sa gitna ng isang matinding krisis, hindi mabubuwal ang tinig ng mamamayang Pilipino. Patuloy na maglilingkod at magmumulat ang Tinig Luzon sa Primyir!

27/09/2020

Pagbati mula sa Tinig Luzon!

Muling ibinubukas sa mga mag-aaral ng Primyir ang rehistrasyon at screening para sa Tinig Luzon. Sa mga nais maging bahagi ng pahayagang pangkampus at pangkomunidad ng SNHS, maaari pang magpatala hanggang Oktubre 31, gamit ang link na ito: https://bit.ly/TLRegistration2020

Para sa mga nauna nang magpatala, nais namin kayong pasalamatan sa pagpapahayag ng inyong interes na sumali sa publikasyon. Para sa updates at resulta ng inyong aplikasyon, manatiling nakatutok sa SNHS Tinig Luzon. Nasasabik kaming makasama kayo sa pagsulong ng katotohanan at pagpanday ng boses Primyir!

Para sa iba pang detalye, pindutin lamang ang link na ito: https://bit.ly/AnoAngTL

Para sa anumang katanungan, maaaring magpadala ng mensahe sa aming page.

25/09/2020

Isang araw na lang bago matapos ang rehistrasyon ng Tinig Luzon. Sa mga nais maging bahagi ng aming lumalawak na pamilya, maaari pang magpatala gamit ang link na ito: https://bit.ly/TLRegistration2020

Ito na ang pagkakataon para paglingkuran ang Primyir! Sumali sa Tinig Luzon, at mangahas na magmulat at magsulat para sa uring masa’t kapuwa mag-aaral!

Para sa anumang katanungan, maaaring magpadala ng mensahe sa page ng SNHS Tinig Luzon.

24/09/2020

Boses ang puhunan sa paghahatid ng katotohanan.

Sumali sa Tinig Luzon at ipahayag sa radyo ang mga balitang pangmasa!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

23/09/2020

Bigyang-lente ang mahahalagang kuwento't kaganapan sa komyu at Primyir.

Sumali sa Tinig Luzon at kuhanan ng larawan ang kasaysayang nililikha ng masa!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

22/09/2020

Tasahan ang lapis at itampok sa mga dibuho ang realidad ng lipunan.

Sumali sa Tinig Luzon at gamitin ang sining sa pagpapalawak ng boses Primyir!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

21/09/2020

Bigyang-buhay ng makulay at masining na layout at graphic design ang bawat pahina.

Sumali sa Tinig Luzon at lumikha ng mga makaagaw pansing disenyo sa pahayagan!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

20/09/2020

Bawat kuwento'y matalas na sisiyasatin at sisiguruhing malinaw ang pagkakalahad.

Sumali sa Tinig Luzon at tiyakin ang kawastuhan ng mga artikulo!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

19/09/2020

Aliwin ang mambabasa ng mga pangmalakasang laro.

Sumali sa Tinig Luzon at ibida sa bawat talata ang isports ng masa!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.

18/09/2020

Kaalaman sa agham at teknolohiya'y ipababatid sa karamihan.

Sumali sa Tinig Luzon at gamitin ang siyentipkong pananaw sa pagpapalim ng panlipunang kamalayan ng masa't kapuwa mag-aaral!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon

17/09/2020

Laruin ang mga salitang maglalarawan sa kuwentong Primyir.

Sumali sa Tinig Luzon at ipahayag sa lathalain ang mayamang kultura ng masa!

Tumugon at magpatala gamit ang link na ito: https://bit.ly/TLRegistration2020

Para sa anumang katanungan, maaaring magpadala ng mensahe sa page ng SNHS Tinig Luzon.