Aksyon Edwin Carbajal

05/10/2024

: Mismo nga ni Bauang Municipal Mayor Eulogio Martin de Guzman III iti nangidaulo iti bunggoy na dagiti kanditado para ti 2025 mid term election, iti opicina ti Comelec a naka base diay Bauang Sports Center ittatay alas siete iti bigat October 5, 2024.

Dagitoy ket isu da para Mayoralty candidate B**g Lee ken dagiti incumbent Sangguniang Bayan ti nasao nga ili pakairamanan dagiti Barangay kapitanes (Punong Barangay) nga supporters da.

Kuna ni Madam B**g Lee ti interview ti Aksyon Radyo nga ibotos suna kas barok a rupa, panakaitultuloy dagiti programa ken proyekto ti agdama nga administrasyon ken lalo pay a pasayaatin ti ili a Bauang.

04/10/2024

Balaoan Municipal Vice Mayor Carlo Concepcion nagifile metten ti COC na, wenno certificate of Candidacy na para Mayor tatta nga aldaw October 4, 2024 iti mismo a Comelec Office iti ili da. Kadwana a nagifile ket ni manang na nga agdama nga Municipal Mayor Aleli Concepcion nga para met Vice Mayor ken dagiti amin nga incumbent Sangguniang Bayan.

Kinuna ni Vice Mayor Carlo Concepcion nga ituloy na nga papintasen ti market da wenno tiendaan da ken panagusar iti solar kas alternatibo iti agdama nga source iti electricidad.

03/10/2024

Incumbent City Mayor Herminigildo "D**G" Gualberto ti syudad nakapagfilen iti Certificate of Candidacy na kas City Mayor met laeng ditoy syudad ti San Fernando.

Alas tres ittay ti grupo ken supporter na ket immuna nga nagatendar da ti misa. Naangay diay St. William the hermit Church/cathedral, kalpasan na ket nagturongen ti grupo diay City Comelec Office.

Urnos ken talna ti kangrunaan a mensahe na ken agbalin kuma nga nasirib iti panagpili kadagiti kanditado (be a wise voters) iti umay nga 2025 election wenno balubal ti politics.

30/09/2024

City Disaster Risk Reduction Office ditoy syudad ti San Fernando, nakasaganan nga agresponde kadagiti 59 nga barbarangay ditoy syudad no inkaso adda dagitay typhoon victim, landslide ken dadduma pay nga pasamakan ni bagyo Julian, Daytoy ti kinuna ni LDRRM Clinton Leyaley ti CDRRMO.

Kinunana nga itay agsapa nangangay da ti conperensya kadagiti amin nga miembro ti CDRRMO kas ti City Engineering, DSWD, BFP, PNP, Rescue ken dadduma pay nga ti kangrunaan nga agenda ket ti mas epektibo nga operasyon da.

Kamaudianna, nagpanawagan ti nasao nga opisyal nga kasapulan ti panagannad iti amin tapno awan ti casualties ti daytoy nga kaada iti bagyo na.

23/09/2024

Panakamantiner iti kinadalus ken kinangayed iti aglawlaw iti Bacsil Ridge nga isu iti Battle Ground ditoy syudad ti San Fernando idi maikaddua gubat sangalubungan (World War II)

Iti panaki uman kenni Punong Barangay Robinson Marquez ti Brgy. Bacsil nga sangsangkamaysa da nga pagtitinulungan iti panagdalusan babaen kadagiti barangay official, barangay health workers, barangay nutrition council ken dagiti naayat nga agendeg ti nasao a lugar.

Innayon pay ni PB Marquez nga iti lugar da ket tourist destination gapu ta dakkel iti pakasaritaan ditoy wenno maisa nga "historical place" isu nga dapat laeng nga mamantiner iti kinadadulus iti lugar particular iti Ayan iti baton lagip wenno munumento a naipasdek sadiay.

Innayon pay ni PB Marquez nga nangipatakder pay ti konseho barangay iti police/ BPAT/Tanod outpost iti baba ayan iti sakaanan munumento tapno agserbi a pagdutyan dagiti police ken tanod para iti seguridad dagiti agpasyar nga turista sadiay.

18/09/2024

Indeed a happy birthday to me. Simple a selebrasion kaduak dagiti katrabahuak. Agyamanak iti Apo a namarsua ta nadanun ko ti panagkasangay ko, maysa laengen a tawen agsenior ti taon. Pagyamanak met kenni Ma’am Gilly Tangalin a naayat a nag-sponsor kadagitoy a makan. Salamat met ken Ma’am Fatima Lomboy iti papancit na.

Salamat met kadagiti amin a nakalagip a nangkablaaw iti numo, ken nagited to regalo ni Apo ti mangbendision kadatayo amin.

06/02/2024

More than a radio. Hello MMG!

Manipud ditoy DZNL-Aksyon Radyo La Union, iti panangimaton ni Aksyon Wally Abuan ket makimaymaysa iti barbaro a programa ken dakkel a panagbalbaliw ti Manila Broadcasting Company (MBC), ita nga aldaw, (February 6, 2024) nga agbalin a More Than Radio ti station.

Saan laengen nga MBC no di ket agbalinen itatta nga MBC Media Group (MMG), pakaramanan daytoy ti six business units kas dagiti sumagannad: MBC Radio, MBC Digital, MBC TV, MBC Events, MBC Promos, and MBC Talents.

Mainaig ditoy, dawatenmi ti agtultuloy a suportayu kadakami. Malaksid iti Aksyon Radyo La Union, paki-like and follow kami iti individual nga fb pages mi tapno maamuan ti agduduma nga aktibidades ti tunggal maysa, kastamet a maamuan dagiti agduduma nga impormasion maipanggep kadagiti mapaspasamak ditoy probinsia ken iti sangalubungan.
Roldan Ramos
Ador Dacanay
Edwin Carbajal
Alia
Mariel Castro

04/08/2023

01/08/2023

Simula August 1 sa 783 AKSYON RADYO LA UNION‼️