23/08/2024
LOOK: | AQUINO, PINARANGALAN BILANG "MOST-MEDIA ORIENTED PUBLIC SERVANT"
KORONADAL CITY- Bilang matalino, may dedikasyon at liderato sa kaniyang trabaho si Officer-In-Charge Rolly Doane Cuenca Aquino , R.N., MPA, MNNSA , Provincial Disaster Risk Reduction Management Office (PDRRMO-South Cotabato), siya at ginawaran bilang numero unong "Most Media-Oriented Public Servant" sa lalawigan na iginawad ng South Cotabato Capitol Press Corps (SCPC).
Bago paman iginawad sa mga awardees ang parangal, isa si Aquino na sumailalim sa masusing botohan ng mga opisyal ng SCPC.
Hindi lingid sa kaalaman ng lahat na ang nasabing awardee ay ginawa ang lahat upang paglingkuran ang kaniyang mga kababayan anumang oras maihatid lamang ang Tama at Maayos na Serbisyo.
Mapakalamidad o sakuna andiyan kaagad si Aquino kasama ang kaniyang mga rescuers na sumailalim rin sa pagsasanay sa pagsagip ng buhay.
Matatandaang sinabi ng opisyal sa isang interview na walang limitasyon o "No Boundaries" ang kaniyang pagtulong.
Napag-alaman mula kay Aquino na ginagampanan lamang nito ang kaniyang tungkulin at katuwang ni South Cotabato Governor Reynaldo S. Reynaldo Sucayan Tamayo Jr. .
Pinasasalamatan din nito ang lahat na nagtiwala sa kaniyang kakayahan at abilidad bilang pamunuan ang PDRRMO- South Cotabato.