Arab-Adab

13/09/2024

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝗜𝗺𝗮𝗵𝗲𝗻 𝗻𝗴 𝗜𝗻𝗮𝗻𝗴 𝗣𝗲ñ𝗮𝗳𝗿𝗮𝗻𝗰𝗶𝗮 𝗮𝘁 𝗗𝗶𝘃𝗶𝗻𝗼 𝗥𝗼𝘀𝘁𝗿𝗼, 𝗯𝘂𝗺𝗶𝘀𝗶𝘁𝗮 𝘀𝗮 𝗣𝗶𝘀𝗮𝘆-𝗕𝗶𝗸𝗼𝗹

Malugod na tinanggap ng komunidad ng Philippine Science High School - Bicol Region Campus ang mga imahen ng Nuestra Señora de Peñafrancia at Divino Rostro nitong ika-11 ng Setyembre 2024 sa taunang pagdaos ng Pagsungko ni Ina.

Sinalubong ng mga iskolar at g**o ang patrona ng Bicolandia sa pamamagitan ng isang prusisyon na agad sinundan ng banal na misang pinangunahan ni Rev. Fr. Arnel T. Haber.

Samantala, nagkaroon din ng prayer vigil ang bawat batch sa kani-kanilang takdang oras habang ang mga hindi Katoliko ay nanatili sa ampiteatro ng paaralan para sa kanilang faith sharing activity.

Sa pagwawakas ng aktibidad ay nagtipon-tipon muli ang mga mag-aaral at kawani sa himnasyo para sa Pagpahumale bago ihatid ng mga deboto ang mga imahen pabalik sa simbahan ng Parokya ng San Martin de Porres.

Ang Pagsungko ni Ina ay isang taunang tradisyon kung saan bumibisita ang imahen ng Peñafrancia at Divino Rostro sa iba't ibang parokya bilang bahagi ng paghahanda sa kapistahan tuwing Setyembre.

via Esther Cale, Kurt Lagrimas, at Stephanie Vista | Arab-Adab

11/09/2024

𝗟𝗔𝗧𝗛𝗔𝗟𝗔𝗜𝗡 | 𝗦𝗮 𝗟𝗶𝗹𝗶𝗺 𝗻𝗴 𝗜𝘆𝗼𝗻𝗴 𝗕𝗮𝗹𝗮𝗯𝗮𝗹: 𝗜𝘀𝗮𝗻𝗴 𝗣𝗮𝗺𝗶𝗺𝗶𝘁𝗮𝗴𝗮𝗻

𝘙𝘦𝘴𝘶𝘦𝘯𝘦 𝘷𝘪𝘣𝘳𝘢𝘯𝘵𝘦, 𝘦𝘭 𝘩𝘪𝘮𝘯𝘰 𝘥𝘦 𝘢𝘮𝘰𝘳
𝘘𝘶𝘦 𝘦𝘯𝘵𝘰𝘯𝘢 𝘵𝘶 𝘱𝘶𝘦𝘣𝘭𝘰 𝘤𝘰𝘯 𝘨𝘳𝘢𝘵𝘢 𝘺 𝘦𝘮𝘰𝘤𝘪𝘰𝘯

Lumingon ako sa aking mga kasama nang aming ihatid ang imahen papunta sa simbahan. Ang bumungad sa akin, tunay na nakamamangha: larawan ng mga mukhang pinagkaisa ng debosyon at kapayapaan. Bakas sa kanilang mukha ang pagod, ngunit may kakaibang siglang lumitaw sa mga mata nito. Mga matang tila ba’y nagsasabing “Nakahanap ako ng pahinga sa pagpasan sa Iyo.”

BASAHIN: https://medium.com//lathalain-sa-lilim-ng-iyong-balabal-isang-pamimitagan-c471ba788876

31/08/2024

Narito ang mga patimpalak para sa Araw ng Wika 2024 na may temang Filipino: Wikang Mapagpalaya ngayong araw sa himnasyo ng Pisay-Bikol.

Sa pagdiriwang na ito, ating pag-alabin ang diwang makabayan at isulong ang sariling wika bagi ang banyaga.

30/08/2024

Isang mapagpalayang araw, mga kapwa iskolar! 🔥

Handa na ba kayong matunghayan ang pakikipagtagisan ng husay sa larangan ng Wika at Kultura ng ating bansa? Gayundin ang sumakay sa alon ng ritmo at samyo ng Himigsikan? 🎙️🗣️

Narito ang daloy ng programa para sa nalalapit na Araw ng Wika 2024 na may temang Filipino: Wikang Mapagpalaya ngayong ika-31 ng Agosto sa himnasyo ng Pisay-Bikol.

Sa pagdiriwang na ito, ating pag-alabin ang diwang makabayan at isulong ang sariling wika bago ang banyaga. 🇵🇭

30/08/2024

PANOORIN | Para sa unang bahagi ng SSG Elections Special ng Balita Alab Alerto, balikan ang mga kaganapan sa nagdaang Kilatis: Miting de Avance kung saan humarap sa sangkaestudyantehan ng Pisay-Bikol ang mga kandidatong minimithing maglingkod ngayong taong panuruan nitong ika-14 ng Agosto 2024.

via Dwayne Rejesus, Esther Cale, Zanter Macasinag, Kyle Medrano, at Stephanie Vista | Arab-Adab

15/08/2024

Ang sabihing patay na ang diwa ng paglilingkod sa henerasyon ngayon ay isang kasinungalingan. Buhay ito, at sa pamamagitan ng kolektibong pagsusumikap ng mga iskolar at administrasyon, ang diwa ng paglilingkod ay muling magniningas.

Basahin ang editoryal gamit ang link na ito: https://link.medium.com/wXFLHzRO4Lb

10/08/2024

𝗢𝗣𝗜𝗡𝗬𝗢𝗡 | 𝗛𝘂𝘄𝗮𝗱 𝗻𝗮 𝗞𝘂𝗻𝗱𝗶𝗺𝗮𝗻

Balot na ng kalawang at dumi ang bagong lipunang itinaguyod ng dating presidenteng Ferdinand E. Marcos noong kaniyang kapanahunan. Kahit na tila ba namumutawi pa rin ang sangsang nito ay patuloy pa rin ang pag-araro ng mga Pilipino sa siklo ng mundo. Ngunit sa pagdaan ng ilang dekada, masasabing desidido ang kaniyang anak na si Presidente Ferdinand "Bongbong" Marcos Jr. na ilabas ang dating nangalawang nang instrumento ng madilim na depinisyon ng bagong Pilipinas.

Ayon sa kaniyang pinakabagong ordinansa, mukhang isa sa panimulang yapak ni Marcos Jr. sa pagbabalik ng nakaraan ay ang obligatoryong pag-awit at pagbigkas ng Bagong Pilipinas na isang himno at panata. Ang bawat salita ba nito ay simbolo ng pagbabagong nakaayon sa kagustuhan ng bawat Pilipino, o tuluyan na nga ba itong magiging dahilan ng pagkasira ng isang Pilipinas na matagal nang pilit na inaahon mula sa madilim nitong nakaraan?

Matatandaang ang terminong “Bagong Pilipinas” at “unity” o pagkakaisa ang mga bagay na pinasikat ni Marcos noong siya’y kumakampanya pa lamang kasama ni Bise Presidente Sara Duterte. Bagamat tila nabiyak na ang kanilang ugnayang pampolitika, mukhang hindi pa rin ito nawawaglit sa isip ng pangulo. Ang kaniyang paglagda sa Memorandum Circular No. 52 na layuning idagdag ang himno at panata ng Bagong Pilipinas sa mga flag ceremony ay isang pruweba ng kaniyang walang tigil na pagnanais ng pagkakaisa. Sa paraang ito, siya ay kakatok sa mga pusong naghahangad rin ng pagbabago.

Ngunit, ano nga ba ang nais puntiryahin ni Marcos sa pagpapaawit nito sa mga kawani at pinagsisilbihan ng gobyerno? Isa ba itong paraan upang umigting ang pagkakaisa o “unity” ng mga Pilipino? Balewala ang mamulaklaking mga pagsamo kung ito’y balatkayo lamang ng madilim na kasaysayang pilit na binubura. Hindi magiging simpleng memorya lamang ang senaryo ng karahasan noong Batas Militar, na mismong dahilan kung bakit kailangan ng pagbabago sa bansa. Ano ba ang saysay ng wala sa pusong pagbigkas ng mga salitang kahulugan ay libsang? Pinapakita lamang nito ang pagiging panakip-butas sa pagbabagong taliwas sa ninanais ng mga Pilipino.

Ang pagiging obligatoryo nito sa lahat ng opisina ng gobyerno ay isa ring tanda ng pagiging porsoso nito. Sa paraang ito, ang pagsalungat sa istriktong pagpapatupad ng dagdag na sauluhin tuwing umaga ay maituturing na isang uri ng desidensiya. Malabong makamit ang inaasam na kalayaan sa korapsiyon at kaharasan kung ang simpleng pagsara ng bibig sa awitin at panatang ito ay makikita bilang isang paraan ng pagtanggi sa pagbubura ng kasaysayan. Sa pagbura nito ay ang pagkawala rin ng kalayaan ng pananalita sa mga Pilipino.

Taliwas sa inaasahan ng pangulo ang kawalan ng saysay ng simpleng pag-awit ng mga lirikong hindi tagos sa puso ng mga Pilipino. Mga salitang simula ng pagkawasak ng pundasyon ng bansa na matagal nang sinusubukang ipatatag. Mithiin ng bawat isa ang puntiryahin ang bawat kasamaan na siyang sumisira sa estrukturang ilang taon nang pinaghihirapan, ngunit hindi solusyon ang huwad na kundiman sa pag-abot sa makislap na kinabukasan.

Hindi maituturing na makabayan ang pagtaklob sa mga maduming bahagi ng kasaysayan. Tunay na makakamit lamang ang lugar na may seguridad at angkop na pamamahala kung ang awit ng mga Pilipino ang papakinggan, at hindi ang mga kasinungalingang namumutawi sa mga nais tanggihan ang nakaraan.

08/08/2024

𝗜𝗖𝗬𝗠𝗜 | 𝗧𝗮𝗹𝗮𝗸𝗮𝘆𝗮𝗻𝗴 𝗵𝗮𝘁𝗶𝗱 𝘀𝗮 𝗺𝗴𝗮 𝗯𝗮𝗴𝗼𝗻𝗴 𝗶𝘀𝗸𝗼𝗹𝗮𝗿, 𝗶𝗱𝗶𝗻𝗮𝗼𝘀

Bilang pagsalubong sa mga iskolar mula sa ikapito at ikawalong baitang, pinangunahan ng limang mag-aaral mula sa Batch 2026 ang pagdaos ng talakayang pinamagatang “Strategic Planning and Managing of Pisay Lifestyle Towards Excellence” sa himnasyo ng Philippine Science High School — Bicol Region Campus ngayong Martes, ika-anim ng Agosto 2024.

BASAHIN: https://medium.com//balita-talakayang-hatid-sa-mga-bagong-iskolar-idinaos-e8e63050395f

08/08/2024

SA MGA LARAWAN | Nagbukas ng aplikasyon ang 22 na Alternative Learning Activities o ALA para sa mga mag-aaral mula ikapito hanggang ikasampung baitang noong ika-7 ng Agosto 2024 sa himnasyo ng Pisay-Bikol.

Pinamunuan ng ALA Coordinator na si Gng. Evangeline Chavez ang mga pagpapalista nga mga iskolar sa kanilang napupusuang ALA at binigyan din ng pagkakataon ang mga miyembro ng bawat club na maipamalas at maipakilala ang kani-kanilang mga samahan.

via Steffani Royong, Stephanie Valerie Vista | Arab-Adab

06/08/2024

SA MGA LARAWAN | Sa Pagtatagpo ng Kaisipan at Karakter

Matagumpay na naisakatuparan ang dalawang seminar na magkahiwalay ngunit magkatambal naman sa layuning magbigay ng inspirasyon at lakas ng mentalidad na handog ng Guidance Counselling Unit at Peer Facilitators Circle ng Pisay-Bikol.

Ibinahagi ni G. Val Monit, isang g**o sa Ateneo de Naga University (ADNU), ang isang presentasyon pinamagatang "Lakas-loob at Bilib sa Sarili" kung saan binigyang-diin ang kahalagahan ng ng paksa sa pagkamit ng tagumpay sa talakayang dinaluhan ng mga iskolar nasa ikasiyam at ika-10 baitang sa awditoryum.

Samantala, ang pagtitipon namang naganap sa amphitheater para sa mga estudyanteng nasa ika-11 at 12 na baitang ay pinangunahan ni Nicole Marie Guinto, isang sikolohista sa ADNU, na nagkaroon ng tuon sa iba't ibang paraan ng pag-iisip at pagkakaroon ng tinatawag na 'growth mindset.'

via Deborah Catherine Gunoy at Melinda Reyes | Arab-Adab

05/08/2024

SA MGA LARAWAN | PAGBABALIK NG PAHAM 🧠

Opisyal nang sinimulan ang Taong Panuruan 2024-2025 ng Pisay-Bikol sa himnasyo ng paaralan nitong ikalima ng Agosto sa isang programa kung saan ipinakita ng mga iskolar ang kanilang pananabik para sa bagong simula.

Ito rin ang ikalawang taon na sumalubong ang Pisay-Bikol ng grupo ng mga bagong kasapi ng komunidad na binubuo ng 120 na iskolar mula sa iba't ibang bahagi ng rehiyon.

Bukod pa rito, ipinakilala din ang mga g**o at kawani, partikular na ang mga bagong bahagi nito, na magsisilbing tanglaw tungo sa kamalayan ng mga mag-aaral.

via Steffani Royong | Arab-Adab

05/08/2024

ISPORTS EXPRESS | Obiena, bigong masipat ang medalya sa Olympic pole vault finals

Hindi nagawang malampasan ni World No. 2 na si EJ Obiena ang 5.95 bar matapos ang tatlong subok sa Men's Pole Vault Finals ngayong ikaanim ng Agosto 2024 sa Stade de France.

Samantala, nasungkit naman ni Armand Duplantis, kasalukuyang World No. 1, ang kanyang ikalawang Olympic Gold medal sa kaniyang record-breaking na tala na 6.25 M.

via Melinda Reyes | Arab-Adab

05/08/2024

𝗣𝗶𝘀𝗮𝘆-𝗕𝗶𝗸𝗼𝗹, 𝗶𝗻𝗶𝗹𝘂𝗻s𝗮𝗱 𝗮𝗻𝗴 𝗯𝗮𝗴𝗼𝗻𝗴 𝘁𝗮𝗼𝗻𝗴 𝗽𝗮𝗻𝘂𝗿𝘂𝗮𝗻 𝘀𝗮 𝘁𝗲𝗺𝗮𝗻𝗴 "𝗛𝗶𝗴𝗵 𝗙𝗶𝘃𝗲 𝗳𝗼𝗿 𝗮 𝗡𝗲𝘄 𝗛𝗶𝘃𝗲"

Opisyal nang binuksan ang Taong Panuruan 2024-2025 sa himnasyo ng Philippine Science High School - Bicol Region Campus nitong ikalima ng Agosto 2024 kasabay ng pagsalubong sa mga bagong iskolar ng bayan.

Ipinakilala sa palatuntunan ang bagong resident engineer ng kampus na si Engr. Mark Pascua at ang mga bagong g**o na sina Jovaline Camacho ng Yunit ng Chemistry, Jocel Bartolay ng Yunit ng Physics, Alejandro Pitallano ng Yunit ng Technology, at ang nagbabalik-bansang na g**o sa Pisika at Earth Science na si Glaiza Reobilo.

Nakatakdang ilunsad sa mga susunod pang araw ang mga aktibidad na inihanda ng iba't ibang opisina at tanggapan ng Pisay-Bikol bilang pambungad sa mga iskolar.

via Ashley Ortua | Arab-Adab

04/08/2024

ISPORTS EXPRESS | Yulo naghari sa Men's Gymnastics Vault, sinungkit ang ikalawang ginto para sa Pilipinas

Muling ibinandera ni Carlos Yulo ang watawat ng Pilipinas nang kaniyang makamit ang ginto sa Paris 2024 Men's Gymnastics Vault Final nitong ikaapat ng Agosto.

Nagtala si Yulo ng iskor na 15.116 sa nasabing kategorya at naungusan ang mga katapat mula sa Armenia na si Artur Davtyan na umukit ng iskor na 14.966 at Harry Hepworth ng Great Britain na pumoste ng iskor na 14.949.

Ito ang ikalawang gintong medalya ni Yulo at ng bansa ngayong Paris 2024 Olympics.

via Shermaine Florin | Arab-Adab

04/08/2024

𝗛𝗶𝗻𝗶𝗵𝗶𝗻𝘁𝗮𝘆 𝗸𝗮 𝗻𝗮 𝗻𝗴 𝗽𝗮𝗵𝗮𝘆𝗮𝗴𝗮𝗻! 📣❤️‍🔥

Sa walang humpay na pagtataguyod ng katotohanan at napapanahong mga kaganapan, ang ningas ng mga mamamahayag ay hindi kailanman maglalaho.

Gamit ang mga sandatang pluma at lumalagablab na mga puso, patuloy ang paglilingkod ang Arab-Adab sa Pisay-Bikol!

Sa pagsisimula ng bagong Taong Panuruan 2024-2025, bukas ang Arab-Adab para sa lahat ng interesadong mag-aaral na nagnanais maging bahagi ng aming pahayagan. Inaanyayahan namin kayo na sumali sa mga sumusunod na panunungkulan:

🖋️ Manunulat ng Balita
🖋️ Manunulat ng Lathalain
🖋️ Manunulat ng Opinyon
🖋️ Manunulat ng Agham at Teknolohiya
🖋️ Manunulat ng Balitang Pampalakasan
📸 Tagakuha ng Larawang Pampahayagan
🎨 Kartunista
🖌️ Tagapag-anyo at Disenyo ng Pahayagan
🎙️ Mamamahayag Panradyo at Multimedia

Magtungo sa puwesto ng Arab-Adab sa ALA Signups sa ikapito ng Agosto, 2024.

Huwag palampasin ang pagkakataong makilahok at makibahagi sa paggawa ng pahayagan na nagsisilbing tinig ng bawat isa. Magkaisa tayo sa pagtaguyod ng katotohanan at pagkamit ng karunungan.

Magsulat at makiisa sa pagbukas ng bagong kabanata sa Arab-Adab!

Disenyo nina Ashley Yzabelle De Vera at Rem Dominic Prudente

04/08/2024

Hindi biro ang muling ilunsad ang isang pahayagang pangkampus mula sa pagkakahinto ng pamamalakad nito. 📰❤️‍🔥

Nag-aalab na dedikasyon, walang humpay na determinasyon, at limpak-limpak na pasensya ang ang ginugol ng bagong henerasyon ng mga iskolar upang maibalik sa kung ano ang dati'y tinitingala at dinadakilang Arab-Adab.

Ikaw, handa ka na bang tumugon sa panawagan para sa malayang pamamamahayag? Kaalab, hinihintay ka na ng pahayagan! 📣

Disenyo ni Kimberly Lasala

03/08/2024

TINGNAN | Mga karangalang nakamit ni Carlos Yulo sa kaniyang propesyonal na karera sa larangan ng gymnastics.

UPDATE: Caloy makes history as the first Filipino and Southeast Asian to earn two gold medals at olympics! Latest post here: https://www.facebook.com/share/AhcovX1mKDX5iygB/?mibextid=WC7FNe

IN THE KNOW: Golden boy Carlos Yulo takes home the Philippines' second Olympic gold medal ever! He makes history as the first Filipino AND Southeast Asian to ever medal in Gymnastics in the Summer Olympics.

Prior to his Olympic win, Yulo also became the first Filipino and the first male Southeast Asian gymnast to medal at the World Artistic Gymnastics Championships in 2018. He has now a total of 22 gold, 13 silver, and 3 bronze medals across Southeast Asian Games, Asian Championships, and the Olympics, making him the most successful Filipino gymnast in history.

Congrats, Caloy!

03/08/2024

ISPORTS EXPRESS | Yulo naghari sa Floor Exercise, binulsa ang ginto para sa Pilipinas

Mula sa pagkakabigong makasungkit ng medalya noong nagdaang Tokyo Olympics, matagumpay na ibinandera ni Carlos Yulo ang bansa nang makamit ang unang puwesto sa Paris 2024 Men's Artistic Gymnastics Floor Exercise nitong ikatlo ng Agosto.

Nagtala si Yulo ng iskor na 15.000 sa nasabing kategorya, sapat upang higitan ang mga katapat mula sa Israel na si Artem Dolgopyat na umukit ng 14.966 at Fil-Am na si Jake Jarman ng Great Britain na pumoste naman ng 14.933.

Samantala, susubukan pang dagdagan ni Yulo ang karangalang iuuwi sa kanyang pagsalang sa finals ng kategoryang vault sa ika-apat ng Agosto.

via Melinda Reyes | Arab-Adab

03/08/2024

Bilang mga iskolar ng bayan at alagad ng agham at teknolohiya, mahalagang bigyang pansin ang larangan ng humanidades gaya ng pagpapahalaga natin sa siyensiya. 🧬✍️

Ang isa'y para sa pagpapakahulugan sa buhay at mga bagay-bagay habang ay isa naman ay para sa pagbibigay-kabuluhan sa mga pagkakatuklas na ito. Kung wala ang isa ay walang saysay ang kapareha.

Sa pamamaraan lamang ng sining at panulat naipapaabot ang kadakilaan ng agham sa masa na siyang nangangailangan nito.

Kaya naman andito ang Arab-Adab upang hubugin ang mga kakayanan ng mga iskolar na magsulat, mag-ulat, at magmulat ng kapwa iskolar at kapwa mamamayan ng bansa.

Tangan ang mga katangian ng mga mamamahayag pangkampus na pagiging kritikal, mapanuri, at may paninindigan, inihahanda ng pahayagan ang mga manunulat nito na maging tagapagtulay ng kaalaman at katotohanan sa komunidad na pinaglilingkuran. 📰📣

Kaalab, hinihintay ka na ng pahayagan! ❤️‍🔥

Disenyo ni Kimberly Lasala

03/08/2024

Hindi natutulog ang balita kaya nama'y hindi rin tumitigil ang Arab-Adab sa pagbubuklat at pagpupuno ng mga pahina sa pamamagitan ng mga dibuho, litrato, at salita upang mapanatiling nagliliyab ang ningas ng katotohanan.

Ang apoy na ito'y nagsisilbing tanglaw sa mga miyembro ng samahan upang maipagpatuloy ang pagtahak sa mundo ng pamamahayag nang tapat at may paninindigan.

Kung nais mo ring makapag-ambag sa pahayagan bilang isang manunulat, dibuhista, maniniyot, o kaya naman brodkaster ngunit nangangailangan ka pa ng inspirasyon o motibasyon, maaari mong basahin ang mga testimonya ng mga iskolar na kasalukuyang bahagi ng Arab-Adab!

Kaalab, hinihintay ka na ng pahayagan! ❤️‍🔥

Disenyo ni Kimberly Lasala

02/08/2024

Mahigit dalawampung taon na ang nakalipas mula nang isinilang ang opisyal na pahayagang pangkampus ng Pisay-Bikol, ang Arab-Adab. Sa loob ng mga taong ito, naging daan ang pahayagan sa patuloy na pagtaguyod ng katotohanan at pagpahiwatig ng silakbo ng damdamin ng masa sa loob at labas ng kampus 🔥🪶

Sa loob ng institusyong nakasentro sa agham at teknolohiya, nagbigay-papel ito upang pamarisan ang pluma at lapis ng mga mamamahayag na miyembro—mga miyembrong umambag sa pahayagang minsan ay isa lamang na tabula rasa, mga miyembrong may kani-kanilang kuwento, dahilan, at layunin sa pagiging bahagi ng pahayagan 🗞️

Handa ka na bang maging manunulat, dibuhista, maniniyot, o kaya naman brodkaster? O baka naman naghahanap ka pa ng rason at senyales? Narito ang mga testimonya ng mga iskolar na minsan nang naging bahagi ng Arab-Adab ✍️

Kaalab, hinihintay ka na ng pahayagan! ❤️‍🔥

Disenyo ni Kimberly Lasala

02/08/2024

TINGNAN | Opisyal na listahan ng mga iskolar na tumatakbo para sa posisyon sa Supreme Student Government ng Pisay-Bikol sa Taong Panuruan 2024-2025.

Gaganapin ang Miting de Avance at Halalan sa Miyerkules, ika-14 ng Agosto 2024.

01/08/2024

TINGNAN | Daloy ng programa para sa pagbubukas ng Taong Panuruan 2024-2025 ng Pisay-Bikol.

01/08/2024

TINGNAN | Opisyal na talatakdaan ng mga aktibidad para sa nalalapit na Halalan ng Supreme Student Government ng Pisay-Bikol.

HEADS UP, SCHOLARS! 📣

As the new school year unfolds, the Pisay-Bikol community is once again in search of a new set of scholars who will serve the student body under the Supreme Student Government.

Take note of the following dates this month of August for the new schedule of the Campaign Period, Miting de Avance, Election Day, and Proclamation of Elected Officers.

Your vote is your right. Choose your leaders wisely, scholars!

31/07/2024

TINGNAN | Paghahambing ng inilaang budget sa bawat kampus ng Philippine Science High School System para sa fiscal year 2025 base sa budget sa kasalukuyang taon.

via The Science Scholar

LOOK: EIGHT OF 16 PSHS CAMPUSES SLATED FOR BUDGET CUTS

In the 2025 National Expenditure Program (NEP), half of the Philippine Science High School Campuses face budget cuts despite the overall System receiving a P55-million increase in funding.

This includes the PSHS Main Campus with a P21-million decrease from its 2024 budget.

In the 2024 NEP, P329 million was cut from the PSHSS budget.

Funding allocated per campus is shown below.

Data from the 2024 and 2025 National Expenditure Program
Graph by The Science Scholar Staff

31/07/2024

𝗔 𝗧𝗥𝗜𝗣 𝗧𝗢 𝗧𝗛𝗘 𝗙𝗢𝗢𝗧 𝗢𝗙 𝗠𝗧. 𝗜𝗦𝗔𝗥𝗢𝗚 | D-5—Beyond the Paper

As we count down the five (5) days left until we grace the walls of Pisay-Bicol, let us take a look at the various respectable centers of campus journalism serving their communities across the Philippine Science High School System.

With all 16 campuses bearing host to their own campus publications, truly, the future of campus journalism is looking brighter than ever.

We join the fellow publications of The Bicol Scholar in serving the various people in their communities, and in their constant embodiment of truth and the advocacies they hold close to their heart.

—
𝘈 𝘛𝘳𝘪𝘱 𝘵𝘰 𝘵𝘩𝘦 𝘍𝘰𝘰𝘵 𝘰𝘧 𝘔𝘵. 𝘐𝘴𝘢𝘳𝘰𝘨 𝘪𝘴 𝘢𝘯 𝘪𝘯𝘪𝘵𝘪𝘢𝘵𝘪𝘷𝘦 𝘰𝘧 𝘛𝘩𝘦 𝘉𝘪𝘤𝘰𝘭 𝘚𝘤𝘩𝘰𝘭𝘢𝘳, 𝘴𝘦𝘳𝘷𝘪𝘯𝘨 𝘢𝘴 𝘣𝘰𝘵𝘩 𝘢 𝘤𝘰𝘶𝘯𝘵𝘥𝘰𝘸𝘯 𝘵𝘰 𝘵𝘩𝘦 𝘯𝘦𝘸 𝘴𝘤𝘩𝘰𝘰𝘭 𝘺𝘦𝘢𝘳 𝘢𝘯𝘥 𝘢 𝘴𝘩𝘰𝘳𝘵𝘩𝘢𝘯𝘥 𝘷𝘪𝘦𝘸 𝘰𝘧 𝘵𝘩𝘦 𝘢𝘥𝘷𝘰𝘤𝘢𝘤𝘪𝘦𝘴 𝘪𝘵 𝘴𝘵𝘢𝘯𝘥𝘴 𝘧𝘰𝘳 𝘢𝘯𝘥 𝘵𝘩𝘦 𝘱𝘳𝘪𝘯𝘤𝘪𝘱𝘭𝘦𝘴 𝘪𝘵 𝘱𝘳𝘰𝘵𝘦𝘤𝘵𝘴.

𝗔 𝗧𝗥𝗜𝗣 𝗧𝗢 𝗧𝗛𝗘 𝗙𝗢𝗢𝗧 𝗢𝗙 𝗠𝗧. 𝗜𝗦𝗔𝗥𝗢𝗚 | D-5—Beyond the Paper

As we count down the five (5) days left until we grace the walls of Pisay-Bicol, let us take a look at the various respectable centers of campus journalism serving their communities across the Philippine Science High School System.

With all 16 campuses bearing host to their own campus publications, truly, the future of campus journalism is looking brighter than ever.

We join the fellow publications of The Bicol Scholar in serving the various people in their communities, and in their constant embodiment of truth and the advocacies they hold close to their heart.

—

𝘈 𝘛𝘳𝘪𝘱 𝘵𝘰 𝘵𝘩𝘦 𝘍𝘰𝘰𝘵 𝘰𝘧 𝘔𝘵. 𝘐𝘴𝘢𝘳𝘰𝘨 𝘪𝘴 𝘢𝘯 𝘪𝘯𝘪𝘵𝘪𝘢𝘵𝘪𝘷𝘦 𝘰𝘧 𝘛𝘩𝘦 𝘉𝘪𝘤𝘰𝘭 𝘚𝘤𝘩𝘰𝘭𝘢𝘳, 𝘴𝘦𝘳𝘷𝘪𝘯𝘨 𝘢𝘴 𝘣𝘰𝘵𝘩 𝘢 𝘤𝘰𝘶𝘯𝘵𝘥𝘰𝘸𝘯 𝘵𝘰 𝘵𝘩𝘦 𝘯𝘦𝘸 𝘴𝘤𝘩𝘰𝘰𝘭 𝘺𝘦𝘢𝘳 𝘢𝘯𝘥 𝘢 𝘴𝘩𝘰𝘳𝘵𝘩𝘢𝘯𝘥 𝘷𝘪𝘦𝘸 𝘰𝘧 𝘵𝘩𝘦 𝘢𝘥𝘷𝘰𝘤𝘢𝘤𝘪𝘦𝘴 𝘪𝘵 𝘴𝘵𝘢𝘯𝘥𝘴 𝘧𝘰𝘳 𝘢𝘯𝘥 𝘵𝘩𝘦 𝘱𝘳𝘪𝘯𝘤𝘪𝘱𝘭𝘦𝘴 𝘪𝘵 𝘱𝘳𝘰𝘵𝘦𝘤𝘵𝘴.

26/07/2024

𝗕𝗔𝗟𝗜𝗧𝗔 | 𝗧𝗮𝘁𝗹𝗼𝗻𝗴 𝗶𝘀𝗸𝗼𝗹𝗮𝗿 𝗻𝗴 𝗣𝗶𝘀𝗮𝘆-𝗕𝗶𝗸𝗼𝗹, 𝘁𝗮𝗴𝘂𝗺𝗽𝗮𝘆 𝘀𝗮 𝗜𝗔𝗔𝗖 𝟮𝟬𝟮𝟰

Nag-uwi ng karangalan sina Jamuel Barrameda, Hayato Kariyazaki, at Vincent Ian Peñaflor ng Philippine Science High School - Bicol Region Campus mula sa final round ng International Astronomy and Astrophysics Competition (IAAC 2024) na ginanap nitong ika-25 ng Hunyo 2024.

Nagkamit ng silver honor si Barrameda ng 11-Physics, habang bronze honor naman ang nakuha nina Kariyazaki at Peñaflor na nagmula sa 11-Physics at 10-Electron sa ilalim ng pamatnubay ni Dr. Fely Buera ng Physics Unit.

Bago ito ay idinaos din ang qualification round ng paligsahan noong Pebrero hanggang Abril ng parehong taon, at nasundan noong Mayo hanggang Hunyo para sa pre-finals.

“Iba rin ang difficulty nito[ng patimpalak] sapagkat may pag-aaralang mga researches tulad ng gravitational lenses at mga pagsabog ng bulkan sa ibang planeta,” pahayag ni Peñaflor, na isa ring dibuhista ng pahayagang ito.

Ang IAAC ay isang kompetisyong nagbibigay-daan sa mga mag-aaral mula sa iba’t ibang bahagi ng mundo upang ipamalas ang kanilang mga kaalaman sa larangan ng astronomiya at astropisika.

via Esther Cale | Arab-Adab

26/07/2024

Ang Diabetes Awareness Week ay ipinagdiriwang tuwing huling linggo ng Hulyo alinsunod sa Presidential Proclamation No. 213 na naglalayong bigyang-kamalayan ang mga Pilipino sa kahalagahan ng pagpapanatili ng kalusugan, upang maiwasan ang kondisyong nagpapataaas ng lebel ng glucose at nagdudulot ng komplikasyon tulad ng atake sa puso, stroke, kidney failure, at higit sa lahat – pagkamatay.

BASAHIN: https://link.medium.com/LiHxgja7wLb