Balita Editorial Energy 103.7FM

03/09/2024

30/08/2024

23/08/2024

12/08/2024

07/08/2024

"𝗠𝗔𝗚𝗜𝗖 𝗡𝗜 𝗡𝗢𝗡𝗢𝗡𝗚" 𝗡𝗔𝗚𝗜𝗕𝗔𝗡𝗚 𝗡𝗔, SUNOD-SUNOD NGA MALAS?
Ang nagkahilis nga impluwensiya sa pundok sa politika sa mga Jalosjos, ilabi na sa labaw nga makagagahum niini nga si Nonong Jalosjos, lantad na kaayo sa mga katawhan kon imong aninawon ang mga nanglabay nga mga panghitabo, mga puntong gipanghinambog niini nga wala mo kagar o wala mosalir nga makaimpluwensiya sa mga panghuna-huna sa mga katawhan.

Taliwala nga si Nonong Jalosjos padayon nga nagpakita ‘kunuhay’ sa iyang nabiling impluwensiya, human mga himoktot nga lederes lamang ang nanumpa sa iyang atubangan, mga barangay kagawad ug mga purok leaders. Apan ang mas namatikdan sa mga katawhan nga nagkahilis nga impluwensiya niini sa politika, mao gayud ang walay infrastructure movement diha sa mga kabarangayan ug kalungsoran sa tibuok probinsiya, taliwala nga dinagko kaayo ang salapi nga budget sa probinsiya alang sa kasamtangan nga tuig 2024. Aduna man gud kitay 3.5 Bilyones nga budget. Ang pakyas sab nga Dipolog Save Movement nga nahimo na lang tampuhanan sa mga pasiaw, nga mismo si Nonong Jalosjos maoy namuno, napakyas sab sa pagdani sa mayoriyang katawhan sa dakbayan.

Taliwala nga atong gipunting si Nonong Jalosjos, sa rason nga wala naman gud pod tawon maghikutar sa iyang katungdanan ang piniling governor nga si Nene Jalosjos, bugtong si Nonong na ang nakit-an sa mga katawhan nga maoy nagdumala sa probinsiya. Kini usa ka buluyagong buhat tungod kay wala man gyud ni siyay katungdanan, dili man gani makabotar o makapapili tungod kay wa man siyay civil and political rights human sa iyang r**e conviction niadtong 1990s.

Kon dili makahatag ug serbisyo ning kasamtangan nga kapitolyo sigurado gyud nga mapingkol ang ilang kusog sa politika.

Sa pikas bahin nagpadungog naman pod si Nonong Jalosjos nga modagan siyag mayor sa Dipolog kana kon mahatagan siyag absolute pardon sa presidente, kay kini gikinahanglan man aron mahabalik ang iyang political rights, ang problema lang mo qualify ba siya sa Dipolog? Nga dili man siya taga dinhi? Ilado man siyang taga Dapitan. Apan ato ba nga kutihan kini, asa man diay si Rommel Jalosjos nga iyang mang pulihan? Anaa ba kini problema nga gi-atubang? Health ba o legal nga problema? Angayan na nga kutihan sa katawhan. Kon Dili matagaan ug absolute pardon si Jalosjos, kinsa na lang man dayon ang modagan sa Dipolog? Si Nene Jalosjos, nga bistado na nga dili kabalo manerbisyo? Ug labaw pod nga adunay gipamati sa panglawas? Hulaw karon ang gi-atubang sa mga Jalosjos dili lamang sa mga kandidato kon dili apil sa kwarta.

Balik ta’s iyang application for absolute pardon, murag nalunip naman dagway tos daghan dokumentos sa lamesa sa presidente, kay hapit naman magbuwan nga ilang gipasiatab nga pirma na lang kulang. Gani ang ming-gawas nga gipermahan sa presidente mao man hinoon ang appointment ni kanhi Dipolog Mayor Evelyn T. Uy isip miembro sa PCW kon Philippine Council of Women, usa ka attached agency sa DILG. Nagibang na ba ang sundang sa mga Jalosjos didto sa kahitas-an? Kana usa ka laing tilimad-on.

Sa iyang gipasiugdahang panaogdaog sa Sindangan mayor nga si Rosendo Labadlabad nga matud pa, gipahukasan niyag puesto pagka mayor, kalooy sa Ginoo nga tinuod, dios-dios ra man gud siya, nakabalik naman pod siya sa iyang pagka-mayor ug makadagan pa pagka-congresman, pildi napod si Nonong Jalosjos sa kamada? Gibang na gyud ang iyang impluwensiya?

Una pang nahisugamak si Jalosjos nga nawad-an o nagibang na ang iyang magic sa Manila, sa dihang napildi gyud ang iyang junior nga kongresista sa unang distrito didto sa Korte Suprema, gihukasan gayud sa katungdanan ug gipulihan ug tinuod nga mananaog nga si Cong. Pinpin Uy. Sunod mao ang pagkawagtang sa EAT BULAGA nga maoy number one nga money maker sa ilang pamilya. Nahibus ang ilang panudlanan. Ang sunod mao ang pagkapalong sa suway niining pagpangayog dinaghang kwarta sa kapitolyo, piinaagi sa duha ka sunod sunod nga loan (Naay ikatulo karon, wa gyud motagam) ug supplemental budget ug ang iyang kapilddihan sa mga land dispute batok sa mga Saguin sa Court of Appeals, ug ang nag-ong-ong sab nga desisyon sa land dispute gihapon batuk sa mga Mendezona, nga anaa na gayud sa korte suprema. BAG-O LANG SAB ANG IYANG MANGHOD NGA MAYOR SA PINAN GISUSPENSO SAB SA SANGGUNIANG PANLALAWIGAN SUD SA 60 KA ADLAW. Sunod-sunod nga malas, wala kini sugud mahitabo sa mga Jalosjos nga sunod-sunod nga malas ang nahiabot kanila.

Sunod-sunod na ba ang pagpanudya sa kahigayonan, o karma? Nahiabot na ba sa kahigayunan nga maningil na ang mga katawhan nga intawon sa dugay nga panahon gihikawan sa kahigayunan nga molambo?

Samtang si Jalosjos nag-atubang ug kahagip-ot karon sa iyang sitwasyon sa politika, ang I LAB U TEAM ( IAN AMATONG, LABADLABAD UG UY) sa Kusog Kalamboan nga giuluhan karon sa mga batan-on ug way mantsang buling sa politika sa pagpangulo ni Dipolog Mayor Darel Dexter Uy nagsaka na kaayo ang momentum. Momentum nga wala gayud intawon tubaga sa mga Jalosjos. Niini gud nga maong kandidatura karon ni Mayor Darel Uy, nakahatag man ug excitement sa mga anaa sa grassroots ilabi na diha sa mga kabarangayan kay sayud sila nga ang batan-ong mayor, dako kaayog nahimong kauswagan sa imprastraktura sa dakbayan sa Dipolog, ug sigurado sila nga kini iyang mapalapad sa mga kabarangayan sa tibuok probinsiya, dili sama karon sa administrasyon sa mga Jalosjos nga bisan dakog kwarta ang probinsiya wala gihapon pagawsa aron magasto unta sa mga panginahanglan sa mga katawhan.

Gawas nga mahinabangon ang maong mayor, sigun sa makita sa iyang mga social amelioration program ug mga ayuda alang sa katawhan, usa sa matutukan niini mao ang pagpabalik sa Ayuda Medical sa Barangay, nga wala gyud intawon atimana sa kasamtangan nga namunuan. Mga Ospital way tambal, way tinuod nga serbisyong medical ug way financial aid nga gipanghatag sa mga katawhan diha sa natud sa maayong panglawas, maglugos man ganig panuweldo sa mga health workers.

Ang maong pundok sa team I LAB U padayon sab gipaluyuhan sa mga dagko ug beteranong mga politiko sama ni kanhi Gov. Berto UY, nga modagan sab pagka-mayor sa dakbayan sa Dipolog.

Hilom ba karon ang pundok sa mga Jalosjos tungod sa ilang sitwasyon sa impluwensiya ug kwarta, o nagpahilom hilom lang sila, kay gahuwat pod sa ilang gi-aplayan nga loan nga mokantidad ug 1.9BILYONES ka pesos? ( ikatulo na kini nga attempt), kwartang gipuhunanan nato nga mga katawhan ug singot ug dugo kay lagi utang man kini ug kita ang magbaguod sa pagbayad, nga mao sab muy ilang magamit aron molagsik ug balik ang ilang pundok sa politika?

Apan kwedaw lang, ang mga katawhan nagmata na, nasayod na sila sa modus operandi nga gamiton ang kwarta sa gobyerno, aron gamiton sa interes sa pamolitika. Mao man gani nga ang mga sakup sa Sangguniang Panlalawigan, nga maoy gitugyanan sa balaod aron mo-usisa ning maong loan application ga bantay nang daan. Ila na nga gi reject ang una ug ikaduha, way rason nga tugtan pa ang ikatulo. Kini man gud nga loan, tataw kaayo nga walay madalang proyekto nga mahatagan ug katumanan tungod sa kahagip-ot na kaayo sa panahon, filing na sa candidacy gud hapit, unsa pa mang proyektuha ang ilang mabuhat nga kon sila mapildi sa eleksiyon sa sunod tuig, lahi naman ang mahimong priority sa bag-ong mamunuan, malubong lang tas utang nga way hinungdan? O gituyo gayud aron bisan malubong tas utang, kitang mga katawhan, sila man sab mahaw-as sa kalisdanan sa ilang pamolitika!

02/08/2024

Challenge accepted by Mayor Darel Uy to run as governor..
KUYOG MI!

ᴍᴀʏᴏʀ DAREL ᴍɪᴅᴀᴡᴀᴛ ꜱᴀ ʜᴀɢɪᴛ ꜱᴀ ᴘᴀʀᴛɪᴅᴏ, ᴍɪᴅᴇᴋʟᴀʀᴀ ᴍᴏᴅᴀɢᴀɴ ꜱɪʏᴀ ᴘᴀɢᴋᴀ ɢᴏʙᴇʀɴᴀᴅᴏʀ!

Gidawat ni Mayor Darel Dexter Uy, ang last term mayor sa siyudad sa Dipolog, ang dakong hagit nga gipasa kaniya sa partido Kusog Kalamboan aron maoy mahimong standard bearer pagka gobernador.

Mao kini ang anunsiyo nga giluwatan sa mayor, atol sa kasaulugan sa iyang ika 45 nga birthday celebration, Agosto 1, 2024, didto sa Dipolog Sports Complex ning dakbayan.

Ang pundok Kusog Kalambuan maoy coalition sa tulo ka mga dagkong pwersa sa politika dinhi sa lalawigan sa Zamboanga del Norte, sama sa Team Pinasutoy sa unang distrito sa pagpangulo ni Cong. Pinpin Uy; Kauban sa Kauswagan sa pagpangulo sa magtiayon nga Labad-Labad sa ikaduhang distrito ug ang Serbisyong Ligdong ug Matarong ni Cong. Adrian Amatong sa ikatulong distrito. Ang maong koalisyon ang minghagit sa batan-ong mayor, nga dili usikan ang momentum niini, ug gikinahanglan kaayo siya sa probinsiya, aron hiusahon niini ang katawhan padong sa progreso ug kalamboan.

Sa iyang anunsiyo sa iyang pagdawat sa maong hangyo sa iyang partido, si Mayor Darel Dexter Uy miingon nga iyang itisok ang isip giya sa iyang liderato ang prinsipyo sa maayong pang-gobyerno, nga maoy sumbanan sa iyang pamilya diha sa ilang pangalagad sa mga katawhan.

Matud pa niya siya nagtoo nga ang maong prinsipyo mao ang maghatud ug positibong kagamhanan sa probinsiya ug maoy hingpit nga makapalambo niini.

Gidawat sab sa iyang mga lideres pinaagi sa makabungog nga singgit sa slogan nga “KUYOG TA” ang maong deklarasyon sa mayor.

31/07/2024

Opinion-Editorial
𝗜 𝗟𝗔𝗕 𝗨 𝗩𝗦. 𝗗𝗜𝗞𝗧𝗔𝗗𝗨𝗥𝗬𝗔!

Sa probinsiya sa Zamboanga del Norte, duha lamang ka pundok ang giilang magkumbati sa bugnong lugaynon karong sunod tuig nga eleksiyon 2025. Ug kini mao ang pundok sa I LAB U ( Kusog Kalamboan) nila Cong. Ian Amatong, Mayor Labadlabad ug Uy brothers, ug ang pundok sa APP nga gidominahan lamang usa usa ka tawo nga mao si Nonong Jalosjos, ang giilang maoy labing hawod sa ilang pundok sa politika. Mao ra ang magbuot, mao sab ang miobarug nga gamhanan panahon nga modaog ang iyang mga manok. Samtang ang pundok sa I LAB U, ang gikomposahan sa mga batan-ong politico, nga adunay panglantaw sa kalamboan sa komunidad ug kaayohan sa katawhan, buot pasabot kining maong mga politico, alagad sa maayong pang-gobyerno. Dili hakog sa gahom ug tawo gayud ang gi-alagaran, dili pamilya ug interes sa negosyo, sukwahi sab sa mga Jalosjos nga nailado nga mogamit sa rekorsos sa gobyerno aron lang modaog sa eleksiyon ug molambo ang ilang patigayon.

Atong kahinumduman nga ang pundok sa APP, sa dugay nga panahon maoy nagdominar sa pamolitika sa Dapitan ug unang Distrito, ug bag-uhay lamang sa kapitolyo, apan sulod sa maong gitas-on sa ilang panerbisyo, wala gayud mabati o masinati sa mga katawhan ang kaayohan sa publiko, pinaagi sa mga proyekto ug mga serbisyong tiunay diha sa publiko.

Sulod sa 28 ka tuig, ang unang distrito, Jalosjos maoy kongresista, apan milambo lamang ang mga lungsod ug siyudad niini, sa dihang nanginlabot na gayud si kanhi Gov. Berto Uy diha sa pagpanghatag ug proyekto sa maong mga lungsod sa unang distrito. Tungod kay dili niya maantos ang mga katawhan nga naglisod sa dalan, kawad-on sa supply sa tubig ug ang kawalay programa panginabuhian sa maong distrito.

Kung imong susihon, si kanhi Gov. Berto Uy mao ang nagpasemento sa tibuok dalan sa Sibutad, gikan sa Potungan sa Dapitan, hangtud sa barangay Libay sa coastal area niini, tadlas sa ilang sentro sa lungsod. Sa La Libertad mao sab sa gihapon, gikan kanto sa highway padong sulod sa ilang lungsod gani milahos pas New Bataan ug El Paraiso ang maong mga sementadong dalan, apil na niini ang mga lungsod sa Mutia, Sergio Osmena, siyudad sa Dapitan, Pinan, Rizal ug Polanco. Dili lamang sa sementadong dalan kon dili lakip na sa patubig, mga eskwelahan, ug panginabuhian pang-agrikultura. Ang administrasyong Uy sa kapitolyo kaniadto mao ang gihatagan ug kredito sa mga katawhan sa nahimong mga sementadong dalan sa ilang mga dapit. Samtang ang mga Jalosjos, ilado na nga kansang mga proyekto ang walay kahumanan, bisan gani sa ilang mga covered court katunga ray mahuman, patubig nga dili nimo makit-an ( Barcelona-Sulangon waterworks project), tulay sa Polo (Pungkol Bridge), wa matarbaho nga San isidro Bridge ( Sergio Osmena) ug uban pang daghang mga proyekto nga wala gayud hatagi ug kahumanan niini. Kon baga, mao kini ‘brand’ sa mga Jalosjos, proyektong way kahumanan ug dili makit-an.

Lahi ra kaayo kon itandi nimo sa mga proyekto sa mga Uy, Amatong ug Labadlabad. Plastado kaayo nga makita nimo ang agi, mabalanse nimo ang kwarta sa mga katawhan nga gipadapat gayud sa mga kaayuhan sa katawhan, mao man gali ginadayeg ang maong pundok sa politika. Si Cong. Pinpin Uy ug Mayor Darel Uy, batan-on pa ug kusgan, adunay taas nga panglantaw sa umalabot, in terms sa kalamboan sa mga katawhan. Gani napamatud-an na kini ni Mayor Darel Uy multi-billion projects ang gipabarug niini sulod sa iyang pamunuan sa dakbayan sa Dipolog. Si Cong Pinpin Uy bisan wa pay tuig sa iyang paglingkod, napamatud-an na niya ang dakong kalainan sa serbisyong pinasutoy ug sa pundok sa mga Jalosjos, samtng sa parte sa mga Labadlabad ug Amatong, tan-awon lang nimo ang Sindangan unsa na ka malamboon ug ang mga lungsod sa tersero distrito sa ilang sab nga naangkon nga kalamboan.

Kabahin sa mga Jalosjos di na ka moabot pag layo, tan-awon na lang nimo ang ilang agi sa Dapitan, 1st district ug sa kapitolyo. Dili nimo malilong sa imong kaugalingon nga wala gayud silay ikapasegarbo nga agi. Ang nakaanindot pa gayud niini, tungod kay bag-ong dugo ang maong mga politico nga misakbang sa mga jalosjos, samtang ang mga ginikanan niini, ilado nga maayong mang-gobyerno, sama ni kanhi Gov. Berto Uy ug kanhi Cong. Gani Amatong, walay mantsa ang ilang mga pagdumala, mao man gani ang ilang mga sumosunod nga mga anak, wala maglisod nga magpaila sa ilang mga kaugalingon, ug nahimong mananaog sa ilang kaugalingon nga merito. Walay lama sa pangwarta, dili sama sa APP sa pagka-karon nga way laing gihuna-huna unsaon sa pag-gabas ang salapi sa kagamhanan alang sa ilang personal nga kalihukan sa politika. Gani naghulaw na sila sa mga dagkong lideres nga maoy padaganon ug mayor sa mga lungsod, tungod kay kwarta ang nahimong barometro sa ilang pamolitika, wala na bisan kinsa nga ligdong nga lider ang motindog pa alang kanila sa mga lungsod. Busa nalugsan sila nga ang mga anak, pag-umangkon ug apo na ang managan diha sa mga kalungsuran. Dakong timaan nga wala nay dagkong local leaders nga modala kanila sa maong mga lungsod.

Kahakog sab sa gahom ang timailhan niini, nga buot nilang hutdon ang tanang posisyon sa gobyerno alang sa ilang kaugalingon. Tungod kay ilado ang mga Jalosjos nga walay maayong programa sa imprastraktura, makahunahuna ka, asa na lang man dayon padolong ang kwarta sa mga katawhan? Mabahinan pa ba kaha kita niini, diha sa natad sa maayong panerbisyo ug proyekto, o momho na lang ba ang atong mapaabot nga bahin kon sila ang tugtan nimo nga magdumala sa atong kagamhanan.

Hinumdumi baya nga sa pundok sa APP, usa lamang ka tawo ang gamhanan, usa lamang ka tawo ang magbuot sa tanan, diktadorya kini nga kinaiya. Usa lamang ka tawo ang atong tugyanan sa atong kaugmaon, milyones ang atong gidaghanon sa probinsiya sa Zamboanga del Norte, unya usa lang ka tawo ang atong tamdan, sa tanang butang sa atong kinabuhi? Seguro sayup na gyud kita kung ugaling mahitabo nga sila ang atong padag-on. Ang I LAB U preskong dugo sa politika, puno sa kusog, idealism ug panglantaw alang sa kaayuhan sa mga katawhan, anaa sa ilang dugo ang pagmahal ug pangalagad sa tawo. Butang nga ato gayud nga hinuktukan.

16/07/2024

DPWH: 𝗣𝗔𝗚𝗞𝗔𝗟𝗨𝗦𝗡𝗢 𝗦𝗔 𝗦𝗔𝗟𝗨𝗚 𝗙𝗟𝗢𝗢𝗗 𝗖𝗢𝗡𝗧𝗥𝗢𝗟 𝗧𝗨𝗡𝗚𝗢𝗗 𝗦𝗔 𝗪𝗔 𝗣𝗔𝗚𝗧𝗨𝗠𝗔𝗡 𝗦𝗔 𝗖𝗢𝗡𝗧𝗥𝗔𝗖𝗧𝗢𝗥 𝗗𝗜𝗛𝗔 𝗦𝗔 𝗣𝗟𝗔𝗡 𝗔𝗡𝗗 𝗗𝗘𝗦𝗜𝗚𝗡, 𝗖𝗢𝗡𝗚 𝗜𝗔𝗡 𝗔𝗠𝗔𝗧𝗢𝗡𝗚 𝗠𝗔𝗢𝗬 𝗞𝗨𝗦𝗚𝗔𝗡𝗢𝗡 𝗡𝗔𝗚𝗛𝗔𝗡𝗚𝗬𝗢 𝗦𝗔 𝗗𝗣𝗪𝗛 𝗥𝗘𝗚𝗜𝗢𝗡 𝗡𝗚𝗔 𝗜𝗠𝗕𝗘𝗦𝗧𝗜𝗚𝗔𝗛𝗢𝗡!
Migawas pa nga mas transparent ang nahimong approach karon ni Kongresman Ian Amatong sa ikatulong Distrito ning probinsiya, human siya mismo maoy mingtaho ug kusganon nga nanawagan aron imbestigahan ang nahugno proyekto nga flood control project sa lungsod sa Salug.

Niadtong Mayo 13, nakadawat ang DPWH sa rehional nga buhatan ug panawagan gikan ni Amatong kini may kalabot na sa portion sa proyektong flood control with esplanade sa lungsod sa Salug ning lalawigan, ug ipailawom dayon kini sa imbestigasyon. Aron molutaw kon kinsay angayan manubag sa maong hitabo.

Nahimo dayon kining kontrobersiyal sa dihang gidakup dayon kini sa politika, ug gidahig ang pangalan sa kongresista sa maong kapaltos sa maong proyekto. Kini usab human nga adunay miulbo nga panagbingkil tali sa kongresista ug sa mga opisyales sa kapitolyo kalabot na sa mga isyong politikanhon, ilabi na ang kabahin kinsa ang adunay tinuod nga proyekto nga nahimo alang sa mga katawhan, ang kongresista ba, o ang gobernadora.

Sa nahitabong pagtinubagay sa politika, migawas sab nga pikon ang taga kapitolyo, human gihagit sa kongresman ang gobernadora nga magdigahanay kinig listahan sa mga proyekto, butang nga nakahatag kalagot sa taga kapitolyo, dinhi na dayon migawas ang politikanhong pagdawit sa pangalan sa kongresman sa maong proyekto sa Salug, nga niadtong pang tunga-tunga sa Mayo nahitabo, ug diha man dayon gipaimbestigahan sa kongresman sa taga DPWH mismo.

APAN UNSA MAN GYUD ANG KAMATUURAN, SIGUN SA NAHIMONG IMBESTIGASYON SA DPWH?
Niadtong nakalabay nga Huwebes nakalugar kita ug pag-pakighinabi sa mismong Division Head sa Planning and Design department sa DPWH sa Region IX, nga si Engr. Michael Torino, pinaagi sa online interview tali sab sa uban pang mga sakup sa media.

Didto gitataw ug maayo ni Engr. Torino, nga ang maong proyekto, anaa pa sa responsibilidad sa contractor nga mao ang Long Island Builders and Construction, tungod kay kini wala pa man ma-turn over ngadto na sa gobyerno, busa ang tulubagon niini anaa pa gayud sa maong contractor. Iya sab gipaklaro nga sa pamaagi sa pagpahiluna ug proyekto, ang congressman isip maoy representate sa distrito, ug maoy naningkamot nga makakuha ug funding alang sa maong proyekto, aduna gayuy katungod nga manginlabot sa pag monitor niini, ug nga kini sa proseso sa implementasyon sa proyekto, wa na siyay responsibilidad niini.

Matud pa ni Engr. Torino, ang kongresman anaa lamang sa level sa pagpaningkamot nga makakuha ug funding gikan sa national government pinaagi sa pagpasulod sa maong proyekto diha sa General Appropriations Act, diha sa natad sa pag-implementar niini, sila na dayon sa buhatan sa DPWH mao na ang magdumala niini.

Gitumbosk sab ni Engr. Torino, nga ang maong proyekto gi-supervise sab sa ilang project engineer nga na-assign sa maong Distrito, ug mao sab ang direktang nasangunan aron magsubay nga tukma ang maong implementasyon, ug kini iyang giila nga mao si Engr. Redelito Telos.

Iyang gipaklaro nga human sila makadawat ug sumbong gikan ni Cong. Ian Amatong kalabot sa maong insidente ila dayon nga gimugna ang composite team aron subayon ang maong proyekto.

Matud pa ni Engr. Torino, nga mismo si Cong. Ian Amatong ang mitaho kanila ug nangayo mismo ug hinanaling aksiyon pinaagi sa pagpailawom sa imbestigasyon sa maong nagun-ob nga proyekto. In short, ang kongresista pa maoy nahimong na-agrabyo sa sipyat sa kontraktor, ug tataw lamang nga kini, walay gitaguan nga unsa man, nga mahimong idalahig kini sa isyo.

Si Engr. Torino misaysay sab nga sa ilang imbestigasyon ila gayud nga nakita nga adunay kasupakan ang kontraktor diha sa wala pagsubay sa design and plan sa maong proyekto lakip na sa mga specified product nga angayan ibutang niini. Ang kamandoan karon sa DPWH mao nga ila kining ipahuman gayud sa kontraktor sa labing dali nga panahon, ug sa gasto pa gayud niini, ug striktong ang pagtrabaho sibo gayud sa design and plan sa maong proyekto.

Busa atong nasuta niini, nga ang pagdalahig sa pangalan ni Cong. Ian Amatong ning maong isyo, usa ka tinguha lamang sa pagpanimalos sa mga taga kapitolyo, tungod sa prangkang pagsulti niini, nga way nahimo ang gobernadora nga mga proyekto diha sa ikatulong Distrito ning atong probinsiya sa Zamboanga del Norte. Usa lamang kini ka panimalos sa mga tawong gisakitan, tungod kay kini natinud-an man nga way nahimo diha sa ilang panerbisyo, busa mangdalahig na lang sa maayong pangalan sa congressman.

SA UBANG DISTRITO ILABI NA SA 1ST DISTRICT PANAHON PAS MGA JALOSJOS, WAY NANAWAG NGA IMBESSTIGAHON ANG MGA PROYEKTONG WA MAHUMAN, ANG UBAN GHOST UG ANG UBAN PUNGKOL. SO KINSAY ADUNAY GITAGUAN SA KABAN?

16/07/2024

𝙎𝘼𝙈𝙏𝘼𝙉𝙂 𝙈𝘼𝙋𝘼𝙎𝘼𝙇𝘼𝙈𝘼𝙏𝙊𝙉 𝘼𝙉𝙂 𝙈𝙂𝘼 𝙈𝘼𝙔𝙊𝙍 𝙎𝘼 𝙂𝙐𝙏𝘼𝙇𝘼𝘾 𝙐𝙂 𝙇𝘼𝘽𝘼𝙎𝙊𝙉 𝙎𝘼 𝘿𝙊𝙉𝘼𝙏𝙀𝘿 𝙉𝙂𝘼 𝙀𝙆𝙄𝙋𝙊𝙎 𝙂𝙄𝙏𝙐𝙈𝘽𝙊𝙆 𝙎𝘼𝘽 𝙉𝙄𝙄𝙉𝙄 𝘼𝙉𝙂 𝙃𝘼𝙍𝙍𝘼𝙎𝙈𝙀𝙉𝙏 𝙎𝘼 𝙆𝘼𝙎𝘼𝙈𝙏𝘼𝙉𝙂𝘼𝙉 𝙉𝙂𝘼 𝙇𝙄𝘿𝙀𝙍𝘼𝙏𝙊 𝙎𝘼 𝙋𝙍𝙊𝘽𝙄𝙉𝙎𝙄𝙔𝘼 𝙐𝙂 𝙆𝘼𝙒𝘼𝙇𝘼𝙔 𝙋𝘼𝙆𝘼𝘽𝘼𝙉𝘼 𝙉𝙄𝙄𝙉𝙄 𝙎𝘼 𝙄𝙇𝘼𝙉𝙂 𝙈𝙂𝘼 𝙋𝙍𝙊𝙑𝙄𝙉𝘾𝙄𝘼𝙇 𝙍𝙊𝘼𝘿𝙎!
Mga lungsod sa Gutalac ug Labason ning atong probinsiya sa Zamboanga del Norte nga maoy lakip sa pipila nga mga resipiente sa gidonar nga mga ekipos sa kanhi administration sa probinsiya ubos ni kanhi Gobernador Berto Uy, ang dako kaayong pasalamat sa mga ekipos nga ilang naangkon pinaagi sa maong donasyon, tungod kay nakahatag kinig impact sa kinabuhi sa mga katawhan sa ilang mga tagsa-tagsa ka mga lungsod.

Ang lungsod sa Gutalac, nga adunay 33 ka mga kabarangayan, nga halos tanan suok ug bukid maoy usa sa mga nahatagan ug dakong benipesyo sa maong proyekto. Si Mayor Eddie Justin Quimbo sa lungsod sa Gutalac, ang dako gyud kaayong pasalamat ngadto na sa kanhi administrasyon, tungod kay dili makab-ot ang kahapsay sa ilang mga kadalanan kung wala pa kini, ug nga sila hinanaling maka-ayo dayon sa mga gubang dalan aron maayo ang pag-byahe sa mga nasakupan niining mga katawhan sa lungsod sa Gutalac.

Matud pa ni Quimbo, “dako kaayo siyag pasalamat ni former Gov. Berto Uy kay siya nakabenipesyo sa siyam ka mga heavy equipments ang anaa sa iyang mga kamot, naglakip sa pison, dumptrak, back hoe ug cement mixer. Iya sab gipakita diha sa atong pagpakighinabi kaniya ang mga videos nga nagpamatuod nga ang maong mga ekipos ilang napahimudsan ug nakatabang gayud sa mga katawhan.

Hinoon gibutyag sab sa maong mayor nga si Eddie Justin Quimbo nga ang problemang lang nga ilang gi-atubang mao ang pagdumot sa kapitolyo diha kanila tungod sa politika, nga diin ang ilang mga kadalanan masakripisyo intawon, tungod kay dakpon man sila ug magkuha ug graba aron unta ikatambak sa mga nalugaw nga dalan. Dili niya masabtan matud pa niya, nganong dakpon sila sa PEMO, nga igo lang sab mi-esturya kanila nga gikan ang mando sa taas nga dili sila pakwaon ug mga graba alang sa ilang mga dalan kon dili kini mohural sa Dakak (Nongnong ). “Gipamolitika, dili lang sa unta mamolitika, manerbisyo lang sa una, alang sa katawhan. Sa dihang iyang gikonsedera nga moadto ba siya sa Dakak isip maoy suggestion sa PEO Bobongan, matud pa ni Mayor Justin Quimbo, nga dili gyud siya ma pressure sa pamolitika.

Gani matud pa ni Quimbo, unta ang gobyerno local sama sa Gutalac gitugtan man unta nga mokuha ning maong mga graba basta alang sa mga proyekto sa gobyerno. Apan matud pa niya subo lamang kaayo nga grabe ang harassment karon diha kanila gikan sa nagdumala sa kapitolyo. Apan taliwala niini matud pa ni Quimbo, naningkamot gihapon sila nga makakuha ug pamaagi aron nga makaayo sa ilang dalan. Gibutyag gani ni Quimbo, nga mismo ang kapitolyo man hinoon ang wala gayud makapaayo sa ilang mga provincial roads diha sa ilang lungsod, butang nga gikatingala sa mga katawhan nga unta puno man sa salapi ang maong kapitolyo, apan wala kini makapang-ayom sa ilang mga kadalanan.

Sa pikas bahin didto sab sa lungsod sa labason, diin gipanguluhan sab sa batan-ong mayor nga si Mayor Jed Quimbo, susamang nasinati sab nga political harassment-- pinaagi sa pagpugong nila nga makapaayo sa ilang mga kadalanan ang nasinati niini. Ang lungsod sa Labason adunay usab mga ekipos nga ilang gidawat isip donasyon ni kanhi gob. Berto Uy. Ug sila, matud pa sa mayor nga aduna sab 20 ka mga kabarangayan nga anaa pod daghan diha sa bukid.

Matud pa ni Mayor Jed Quimbo Dako gyud kaayo ug tabang angg maong mga ekipos ilabi na ang pag-abli sa mga dalan nga adunay problema sa accesability. Matud pa niya ang impact sa maong donasyon dili lamang nakapaluag sa ilang paningkamot aron nga maayo ang dalan, apan ilabi na ang mga katawhan gayud ang direkta nga nakapahimulos niini.

Si Mayor Jed Quimbo mibutyag sab nga gamit gyud kaayo nila ang maong mga ekipos, ilbi na sa pagbuho ug bag-ong mga dalan, tungod sab sa pang-harass sa kapitolyo sa pagpanakop sa ilang mga kargamento nga graba alang sap ag-ayom sa dalan, ang uban nilang mga ekipos ila na lang gigamit sa laing mapahimuslan gihapon sa mga katawhan nga kagamitan.

Matud pa ni Mayor Jed Quimbo nga wala sab siya ganahi sa gibuhat sa probinsiya sa wala paghuman sa usa ka concrete project sa usa ka provincial road, nga unta 10% na lang kuwang, apan kini gipasagdan gihapon, ug usa ra ka lane ang nasemento, lagi kay naabtan kinig pagbansili ug administrasyon niadtong 2022. “ 10% na lang ang kulang ang wala pa gyud humana, proyekto man unta kini sa probinsiya,” matud pa ni Mayor Jed Quimbo.

Sa pikas bahin gibutyag sab ni Mayor Jed Quimbo nga ang probinsya ubos sa administrasyon ni Gov. Nene Jalosjos, ming-angkon sab sa PRDP Project sa Kalawit padong Osukan, Labason, diin konkreto nga dalan nga 32 kilomentros. Ang maong proyekto gitarbaho ug gipondohan sa kanhi administrasyon ni former Gov. Uy. “10% ra sab ang ilang gitarbaho, ug pagkahuman gidalhan pag helicopter niadtong pag-turn-over.,” matud pa niini.

05/07/2024

Singaporean Ambassador Constance See was the Keynote Speaker of the " 111th Adlaw Sa Dipolog" on July 1, 2024. The ambassador was invited by the city mayor H...