Southern Tagalog Exposure

Home
Cavite
Southern Tagalog Exposure

People's Center for Progressive Media | Independent Multimedia Collective
(3)

ST eXposure is an independent multimedia collective based in the Philippines’ Southern Tagalog region. Since its formation in 2001, it has produced film and video projects - from documentaries to animated music videos; as well as other multimedia initiatives to promote the rights and welfare of the country’s marginalized sectors and their struggle for social justice.

30/08/2024

MGA LARAWAN | Lumalaban at Nagliliwanag

Bilang pagkilala sa Internasyonal na Araw ng mga Desaparecidos at isang panawagan ng pag-alala sa mga kaso ng pang-aabuso ng pasistang estado, kasalukuyang nagpapadaloy ng isang lantern lighting sa tapat ng Oblation Park ang sektor ng kabataan. Laman ng mga sinindihang lantern ang iba't ibang panawagan para sa pagpapalitaw ng mga desaparecidos.

Binibigyang-diin ng nasabing mga kaganapan ang daing ng progresibong sektor na ilitaw ng pasistang estado ang mga desaparecidos. Kabilang na rito si Rowena "Owen" Dasig, na isang desaparecido mula sa Timog Katagalugan. Isang linggo na ang nakalipas nang dapat na pagkalaya ni Owen mula sa mga gawa-gawang kasong isinampa laban sa kanya, ngunit nananatili siyang nawawala. Isa lamang ito sa patuloy na tumataas na kaso ng mga progresibong hindi pa rin nahahanap.

Bahagi ito ng kolektibong talakayang inilunsad kanina sa NCAS Gal 1 at Gal 2 ng Isko't Iska 2024, kasama ang Anakbayan UPLB, Youth Advocates for Peace and Justice - UPLB, at Kulturang Ugnayan ng Kabayaan Alay sa Bayan - UPLB, hinggil sa mga kwento ng mga nawawalang biktima ng enforced disappearance. Pinamagatan ang nasabing diskusyon na "Beacons for the Disappeared: Shedding Light on the Mercenary Traditions of AFP-PNP and the Stories of Desaparecidos Under the Fascist Dictatorship".

30/08/2024

TINGNAN | Nagkaroon ng Black Friday Protest ang mga estudyante ng UPLB upang igunita ang Pambansang Araw ng Malayang Pamamahayag at Pandaigdigang Araw ng mga Desaparecidos.

Ipinahayag nila ang sagad-sagaring isyu sa College of Veterinary Medicine (CVM) na patuloy na nabubulok ang sistema ng edukasyon sa pamumuno ng administrasyon nito. Ayon sa CVM Student Council, Karl Sabino, kalulunos-lunos ang kalagayan ng mga estudyante sa usapin ng budget na resulta ng kakulangan sa mga kagamitan tulad ng laboratory specimen. Hindi rin daw nakapag-enlist ang ibang estudyante dahil sa ganitong isyu sa pasilidad.

Giniit ng Rise for Education UPLB na ang isyu ng budget cut na nagiging pasanin ng mga estudyante ay kailangan ng solusyonan at sagutin ng admin ng kolehiyo. Anila, hindi rin dapat balewalain ang karapatan ng mga estudyante na magpahayag at magreklamo para sa seguridad sa edukasyon.

Kasunod naman nito, ibinahagi ng mga human rights organizations ang isyu sa karapatang pantao sa rehiyon. Ibinaybay ng Youth Movement against Tyranny - ST at Defend Southern Tagalog ang matagal ng kasaysayan ng pasismo sa rehiyon. Mula noong panahon ng Martial Law na sapilitang dinakip ang Southern Tagalog 10 na mga estudyante ng UPLB hanggang ngayon na may sapilitang iniwala sa iba't ibang probinsya.

Isang masalimuot na kaso ng sapilitang pagkawala ang kasalukuyang nangyari kay Rowena "Owen" Dasig na halos walong araw na ang lumilipas nang sabihin na siya ay na-release na sa BJMP Lucena City District Jail. Ibinahagi ni Lep ng Free Owen and Ella Network ang malungkot na pangyayari kay Owen na mahigpit nilang ipinapawagan na ilitaw si Owen at panagutin ang BJMP sa tahasang pagtago nito ng impormasyon sa mga paralegal at abogado.

Natapos ang programa sa pagsasalita ng Anakbayan ST na kabuuang nagpanawagan sa pagsulong ng karapatan upang patuloy na magpahayag sa krisis sa lipunan at ilitaw ang lahat ng desaparecidos.

30/08/2024

August 30 is National Press Freedom Day

"For as long as there is no genuine rectification of anti-people policies and there is no accountability, press freedom remains an endangered human right in the Philippines."

-Raymund Villanueva, Altermidya Chairperson

30/08/2024

BALITA I Estudyante at Mamamayan ng Los Baños, nagpahayag ng pangamba at takot sa ikalawang araw ng magkasunod na police checkpoints malapit sa UPLB.

Dalawang araw na ang pagtatayo ng checkpoint ng Los Baños PNP sa Agapita Road na ilang metro lamang ang layo sa UPLB. Nagsimula ito noong Agosto 28, bandang alas-10 ng gabi, nang mabahala ang mamamayan ng Brgy. Batong Malake dahil sa checkpoint na may walong armadong kapulisan ang pumapara sa mga motor at closed vans. Katakot-takot din na pangengestwiyon ukol sa mga ‘aktibista’ at rallyista’ ang inabot ng mga naglalakad lamang na estudyante.

Kagabi, bandang alas-8 ng gabi, nagtayo muli ang mga kapulisan ng checkpoint sa parehong lugar na mas dumami ang presensya. Humigit-kumulang 10 ang armadong kapulisan na may mahahabang baril ang nakapostura. Patuloy ang pangamba ng mga estudyante at mamamayan hinggil sa tunay na pakay ng kapulisan.

Ayon sa Defend Southern Tagalog, “Reports indicate that students have been questioned about their involvement with student activists and participation in rallies, with authorities branding them as anti-government. Such actions are not only an infringement on academic freedom but also an attempt to stifle dissent and intimidate those who exercise their right to voice their concerns and advocate for change.”

Kinundena ng mga progresibong organisasyon ang pagtapak ng kapulisan sa Safe Haven Resolution na nagsisilbing proteksyon at pagsulong ng karapatan ng estudyante ng UPLB. Nagkaroon din ng dayalogo sa LGU ngunit walang naibigay na rason sa pagtatayo ng checkpoint.

Anila, ang ganitong mga gawi ng kapulisan ay nagpapaalala sa marahas na Bloody Sunday Massacre na pinaslang ang siyam na inosenteng aktibista at inaresto ang pitong iba pa noong Marso 7, 2021. Maaalalang ibinasura ng Department of Justice (DOJ) ang kaso laban sa mga kapulisang sangkot sa naganap na pamamaslang.

Panawagan rin ng Defend Southern Tagalog sa komunidad ng Los Baños na magmatyag at mag-report kaagad ng pagbabantang intimidasyon at harrassment ng kapulisan.

06/08/2024

MGA LARAWAN | Tumungo ang Serve the People Corps at PAMALAKAYA-Cavite sa mga bayan na idineklarang nasa 'State of Calamity' upang alamin ang kalagayan ng komunidad dahil sa kumalat na Oil Spill sa Manila Bay. Ayon kay Governor Jonvic Remulla, walong bayan lamang (Bacoor, Kawit, Noveleta, Rosario, Tanza, Naic, Maragondon, at Ternate) ang malubhang apektado ng langis, ngunit iginigiit ng PAMALAKAYA na dapat isama ang Cavite City dahil tiyak na abot ang kapal ng langis sa mga kapurokan.

Mula sa pag-interbyu at pag-iikot sa mga baybay-dagat, kitang kita ang makakapal na bakas ng langis na mga tinatangay ng alon. Walang takas din ang mga isda at iba pang naninirahan sa karagatan, na kitang patay dahil sa Oil Spill. Malaking pasanin ito sa kabuhayan ng mga mangingisda na ilang araw ng hindi nakakapalaot simula noong bagyo.

Ayon sa mga lokalidad, isang linggo na ang lumilipas at ngayo'y nagbaba na ng 'fishing ban' sa mga bayang apektado. May karampatang multa ang ipapataw sa mga mananatiling mamalaot, at magbenta ng mga restricted seafoods sa palengke. Dahil dito, nangangailangan ng agarang ayuda ang mamamayan sa tabing-dagat, ngunit hindi sapat ang ibinibigay ng gobyerno na limang kilong bigas lamang.

Hamon din ang pagbibigay impormasyon sa mga lokal ukol sa Oil Spill at apekto nito sa kalusugan. Mula sa pagsisiyasat, marami pa ring kabataan ang naglalaro sa dagat at hinahawakan ang mga bakas ng langis. Umiiwas naman ang mga mamimili na bumili ng isda dahil sa pangamba na may langis ang kanilang makakain. Bunga ito ng walang pormal at maayos na pag-uulat ang lokal na gobyerno ng Cavite. Paalala ng STPC at PAMALAKAYA-Cavite na huwag hawakan ang langis, at panatilihing mag-suot ng safety equipments tulad ng face mask at gloves kung maglilinis sa baybay-dagat. Iwasan ding lumusong sa dagat na apektado ng langis. Sa mga 'restricted fish to eat' naman, iwasan ang mga shellfish tulad ng talaba, tahong, hipon, at iba pa. Kung ang mga nahuling isda naman ay amoy langis, mabuting iwasan na rin itong kainin.

Ang bigat na hinaharap ng mamamayan ng Cavite ay matagal ng dulot ng hindi maagap at huwad na proyektong ibinababa sa probinsya. Ang hagupit ng Bagyong Carina at paglubog ng San Miguel Corporation (SMC) - owned oil tanker na MT Terranova ay konektado pa sa mga reclamation at dredging projects. Pangunahin ang SMC, kasabwat ang lokal na gobyerno, na naghuhukay ng lupa kaya tumataas ang baha at nagiging sanhi sa pagpapaalis sa mga mamamayan upang magtayo lamang ng expressways. Malaki ang apekto rin nito sa kalusugan, tulad ng Oil Spill.

Panawagan ng STPC-Cavite na mag-abot ng kagyat na donasyon sa mamamayan, at sila ay makabalik sa mapayapang pamumuhay mula sa mga nagdaang sakuna. Ang PAMALAKAYA-Cavite naman ay hinihikayat ang mamamayan na tutulan na ang mga mapinsalang reclamation projects sa komunidad.

24/07/2024

MGA LARAWAN | Sa ikalimang araw ng Lagablab Caravan ng Timog Katagalugan, inilunsad ng mga mamamayan ng rehiyon ang kanilang State of the Region Address (SORA) kung saan inirehistro nila ang kanilang iba't ibang panawagan sa Commonwealth Ave. noong Hulyo 22, 2024.

Sa ilalim ng nagbabanggaang Marcos Jr. at Duterte, at imperyalistang US-China, bitbit ng mga sektor mula sa agrikultura, urban poor, pesante, kabataan, kababaihan, manggagawa at iba ang mga isyu at pagpapatambol ng mga panawagan ng rehiyon.

Tangan ng mga pesante ang panawagan laban sa patuloy na pangangamkam sa lupa tulad ng Lupang Tartaria, Lupang Ramos, Lupang Roxas, at marami pang iba. Nariyan din ang mga nakasisirang proyekto ng estado tulad ng Baybay Lawa Solar Project, Laguna Lakeshore Project, Kaliwa-Kanan-Laiban dam, at iba pang mapaminsalang development projects.

Binigyang diin din ang tumitinding pasismo rehiyon kung saan maraming human rights defenders ang sinasampahan ng gawa-gawang reklamo at kaso, tinitiktikan, at dinarahas. Isang tagumpay naman ang pagrehistro ng counter-charge filing sa Office of the Ombudsman ng mga kabataang human rights defender na unang kinasuhan sa ilalim ng Anti-Terror Law.

Nagtapos ang SORA sa pagsusunog ng effigy na pinamagatang "Pilas ng Pagniningas". Ayon kay Kyle Salgado, ito ang simbolo ng makasaysayang pakikibaka ng sambayanang Pilipino laban sa imperyalismo, pyudalismo, at burukrata kapitalismo.

24/07/2024

PANOORIN: Sa ikalimang araw ng Lagablab Caravan, taas-diwang binuksan ng Timog Katagalugan ang tunay na SONA ng Bayan sa paglulunsad ng State of the Region's Address (SORA) kasabay ng ikatlong State of the Nation Address ni Pangulong Ferdinand Marcos Jr, Hulyo 22.

Itinampok dito ang sitwasyon ng Timog Katagalugan sa kalagayang pang-ekonomiya, agrikultura, urban poor, pesante, kabataan, kababaihan, manggagawa sa ilalim ng nagbabanggaang Marcos Jr. at Duterte at imperyalistang US-China.

Kumakaharap ang rehiyon sa mga isyu ng patuloy na pangangamkam sa lupa tulad ng Lupang Tartaria, Lupang Ramos, Lupang Roxas at iba pa. Nagpapatuloy din ang mga pandarambong sa kalikasan tulad ng mga proyektong Baybay Lawa Solar Project, Laguna Lakeshore Project, Kaliwa-Kanan-Laiban dam, at iba pang mapaminsalang development projects.

Binigyang diin din ang tumitinding pasismo sa rehiyon kung saan maraming human rights defenders ang sinasampahan ng gawa-gawang reklamo at kaso, tinitiktikan, at dinarahas. Isang malaking tagumpay ang pagcounter charge file ng mga kabataang human rights defender na unang inakusahan sa kasong Anti-Terror Law ng 59th Infantry

Nagtapos ang SORA sa pagsusunog ng effigy na pinamagatang "Pilas ng Pagniningas" o “Tear of Rage”. Ayon kay Kyle Salgado, ito ang simbolo ng makasaysayang pakikibaka ng sambayanang Pilipino laban sa imperyalismo, kultura ng impyunidad, at pasismo ng estado.

Dumugtong din ang delegasyon ng Timog Katagalugan sa pambansang programa; State of the Nation Address ng Bayan bilang pagkondena sa Ikatlong State of the Nation’s Address ni Marcos Jr. Malakas man ang ulan ngunit hindi nagpatinag ang mga dumalo rito at imbes ay mas lalong naglalagablab ang diwa para sa laban ng mamamayan.

22/07/2024

PANOORIN: Minarkahan ang pagtatapos ng Southern Tagalog State of the Region Address sa pamamagitan ng pagsunog at pagsira ng isang two-dimensional pop-up na effigy na nagngangalang 'Pilas ng Pagniningas' o Tear of Rage.

Sinisimbolo nito ang ribalan ng paksyong Marcos at Duterte, ang pagsunod nila sa interes ng US at China habang tuloy-tuloy na ginagamit ang AFP-PNP upang maghasik ng teror sa mamamayan.

Sunod naman na niladlad ng mga progresibo ang isang mural na may salitang 'Sosyalismo' matapos masunog ang effigy.

Kolektibong ginawa ang effigy at mural sa pangunguna ng Makiling Initiative, Tambisan sa Sining ST, at Southern Tagalog Cultural Alliance.

21/07/2024

MGA LARAWAN | Nagsagawa ng State of Peasant and Women's Address ang delegasyon ng Timog Katagalugan sa ika-apat na araw ng kaninang hapon, Hulyo 21, sa College of Arts and Letters, UP Diliman.

Pangunahing panawagan at adyenda ng GABRIELA TK para sa SONA bukas ang paglaban kontra sa karahasan at abuso, at pagtigil sa diskriminasyong nakabatay sa kasarian. Samantala, nakasentro sa pagpapatambol sa panawagang tunay na reporma sa lupa ang adyenda ng mga magsasaka sa pangunguna ng Katipunan ng mga Magbubukid sa Timog Katagalugan (KASAMA TK).

Bukas gaganapin ng Lagablab Caravan 2024 ang kulminasyon ng kanilang limang araw na kilos-protesta sa Kamaynilaan. Magsisimula ito sa isang State of the Region Address ng TK sa umaga at pambansang kilos protesta sa hapon sa kahabaan ng Commonwealth.

21/07/2024

MGA LARAWAN | Inilatag ng mga batayang sektor ng Timog Katagalugan ang kanilang sitwasyon at mga panawagan sa People's Summit TK na ginanap sa College of Arts and Letters, UP Diliman kahapon, Hulyo 20. Parte ito ng pangatlo sa limang araw na kilos-protesta ng Lagablab Caravan 2024 para sa State of the Nation Address (SONA) sa darating na Lunes.

Sentro sa kanilang mga panawagan ang panlipunang proteksyon at serbisyo, tunay na reporm sa lupa, hustisyang pangkalikasan at pangklima, makabuluhang umento sa sahod at kasiguruhan sa trabaho, kapayapaan at karapatang pantao, at pambansang soberanya.

Pagbabalik-tanaw

Unang nagbahagi si Siegfred Severino, tagapagsalita ng National Union of Students of the Philippines-Southern Tagalog (NUSP-ST) ng panawagan para sa mas malawig at comprehensibong batayang serbisyong pang-estudyante sa mga paaralan, makatao at siyentipikong sistema ng pabahay at relokasyon sa mga komunidad ng mga maralitang lungsod, at makamasang moda ng pampublikong transportasyon at suporta sa sektor ng transportasyon.

"Bilang mga estudyante, bilang mga kabataan, 'wag nating isipin na nakakulong yung sitwasyon natin sa loob ng mga paaralan natin. 'Wag nating isipin na yung nararanasan nating hirap ay tayo lang ang nakaka-experience kasi 'yan ay sintomas ng nabubulok na sistema sa labas ng paaralan natin, at para magamot yung mga sakit na nararamdaman natin ay kailangan nating ugatin," tugon ni Severino sa open forum tungkol sa mga panunupil na nararanasan ng mga mag-aaral sa kanilang pamantasan.

Inilantad naman ni Jeverlyn Seguin ng Katipunan ng mga Samahang Magbubukid sa Timog Katagalugan (KASAMA-TK) ang mga agresyon ng mga panginoong maylupa sa mga magsasaka. Partikular rito ang paniniil at pananakot ng mga armadong guwardiya sa mga magsasaka ng Lupang Tartaria nitong Abril. Buhat nito, mas mariin nilang pinapanawagan ang tunay na reporma sa lupa.

Kasunod na tinalakay ni Tiffany Ruth Aceña, tagapagsalita ng Kalikasan People's Network for the Environment ST (Kalikasan PNE-ST) ang mga proyekto sa rehiyon na nagiging banta sa lalong pagkasira ng saribuhay sa kalikasan at kabuhayan ng mga mamamayan gaya ng itinatayong 2,000-ektaryang nakalutang na solar panel farm sa Laguna Lake, mga dam sa bulubundukin ng Sierra Madre at ang malakihang quarrying operation sa Bundok Banahaw.

Binigyang-diin naman ni Lew Benedict Ranes mula sa kilusang pangkultura, ang panawagan sa pambansa, siyentipiko, at makamasang kultura. Kasama rito ang pagtutol nila sa Philippine Creative Industries Development Act at Regional Wage Boards na ayon sa kanila ay hindi tunay na pagsisilbihan ang lokal na artista't manggagawang pangkultura.

Sa pagpapatuloy, ipinahayag nina Antonio Fajardo mula sa Pagkakaisa ng Manggagawa sa Timog Katagalugan-Kilusang Mayo Uno (PAMANTIK-KMU), at Mario Fernandez na presidente ng Technol Eight Philippines Workers Union kung paano naging banta ang National Task Force to End Local Communist Armed Conflict (NTF-ELCAC) sa kaligtasan nilang lider-manggagawa. Ani Fernandez, ito ang pangunahing ahensya na naniniktik at nananakot sa mga manggagawa. "Until now po, meron pong instances na kapag sumasakay ako ng shuttle, alam na po sa bahay [na] may nakabantay na. Kung meron pong nakabantay na itim na motor, tatawag sa akin si misis... mag-iiba na ako ng direksyon," paliwanag ni Fernandez.

Bukod rito, ginagamit din umano ng ilang korporasyon ang union seminar upang manghimasok, mamilit, at mang-intimida ng mga miyembro ng unyon. "Sexual harrassment ang tema ngunit pagdating na sa aktwal ay union matter na ang usapan. Anti-union na ang seminar," dagdag niya.

Sa usaping karapatang pantao at kapayapaan naman, ibinaybay ni Charm Maranan ng Defend Southern Tagalog ang mga paglabag sa karapatang pantao ng mismong mga militar sa rehiyon laban sa mga aktibista at kanilang paralegal.

"Walang pinag-iba yung nagdaang administrasyong Duterte doon sa kasalukuyang adminstrasyon ngayon ni Marcos Jr., tuloy-tuloy yung pasismo ng estado o terorismo nga na maituturing. Ang masaklap pa na nagyayari ay yung mismong ginagawa ng mga tagapagtanggol ng mga karapatang pantao, yun pa yung tinatrato na terorismo," pagbibigay-diin ni Maranan.

Huling tinalakay ni Ciel Velez, tagapagsalita ng League of Filipino Students UPLB ang lagay ng pambansang soberanya ng Pilipinas. Ipinaliwanag niya na nakamit ng Pilipinas ang karapatan nito sa West Philippine Sea (WPS) noong 2016 nang napagdesisyunan ng arbitral tribunal sa Hague, Netherlands na sa Pilipinas ito. "Yung mga ginagawa ng Tsina na panghihimasok sa ating mga teritoryo, mga aggressions nila, at paglabag sa karapatang pantao sa mga Pilipino ay ilegal sya," pahayag ni Velez.

****

ST People's Agenda

Natapos ang programa sa paglagda sa naitalang walong punto ng Makabayan TK bilang agenda ng mamamayan ng TK sa ikatlong taon ni Marcos Jr. Ito ang mga sumusunod:

1. Itaguyod ang ekonomitang nakabubuhay at nagsisilbi sa mamamayang Pilipino. Isulong ang pambansang industriyalisasyon para sa pambansang kaunlaran, tutulan ang Charter Change.
2. Isulong ang tunay na repormang agraryo. Ibasura ang patalarang liberalisasyon sa agrikultura, tiyakin ang kasapatan sa pagkain, at suportahan ang mga maralitang magsasaka at mangingisda.
3. Pangalagaan ang kalikasan, tutulan ang pagkasira sa likas-yaman ng bansa sa kamay ng mga palpak na patakaran, pribadong korporasyon, at dayuhang mananamkam.
4. Itaguyod ang pagpapahalaga sa batayang karapatang pantao ng mamamayan, buwagin ang NTF-ELCAC, at panagutin ang mga human rights violators ng estado.
5. Ipatupad ang tunay na malayang patakarang panlabas na may respeto sa soberanya ng bansa at hindi nakabatay sa dayuhang imperyalismo. Wakasan ang mga di-pantay na tratado at kasunduang militar sa US, Australia, Japan, at iba oang dayuhang bansa.
6. Isulong at palaganapin ang pambansa, siyentipiko, at makamasang kultura. Ipaglaban ang karapatan sa pamamahayag sa pamamagitan ng sining, magsilbi para sa mga artista at manggagawang pangkultura.
7. Makibaka para sa tunay na makatarungan at pangmatagalang kapayapaan.
8. Paglagablabin ang diwang makabayan, isulong ang interes ng sambayanan, hindi ng dayuhan at iilang gahaman.

21/07/2024

PANOORIN: Agency Hopping at Anti Terror Law Countercharge filing ang isinagawa ng delegasyon ng Timog Katagalugan sa ikalawang araw ng 2024 SONA Lagablab Caravan, Hulyo 19.

Unang tumungo ang delegasyon sa Chinese Consulate kung saan kinondena ang lumalalang agresyon ng Tsina sa West Philippines Sea at sa mga Pilipinong mangingisda.

Sunod naman na tumungo ang Caravan sa Commission on Higher Education (CHEd) kung saan kinalampag ang komisyon ang neoliberal at militaristikong edukasyon tulad na lamang ng Mandatory ROTC at paglulunsad ng redtagging seminars sang-ayon sa RTF ELCAC.

Sa huli, ipinakita ang palarong pabitin kung saan ipinapakita ang malapalabunutang akses sa edukasyon na sa dapat ay aksesible, makamasa, syentipiko, at pambansang edukasyon.

Tumungo din ang delegasyon sa Office of the Ombudsman upang suportahan ang pagsasampa ng kaso ng mga human rights defenders na sila Hailey Pecayo, Jasmine Rubia, Jpeg Garcia, at Ken Rementilla laban sa 59th Infantry Battalion.

Matatandaang kinasuhan ng paglabag sa Anti Terror Law ang mga human rights defender habang nagsasagawa ng Humanitarian Mission sa mga pinaslang na sibilyan sa Taysan, Batangas.

Ayon kay Hailey Pecayo mula sa Tanggol Batangan, malaking tagumpay ito dahil mariin itong pagpapanagot sa mga tunay na terorista ng bayan, ang mga pulis-militar na berdugong nag-aakusa sa mga human rights defenders.

Huling kagawarang pinuntahan ang Department of Environment and Natural Resources (DENR) kung saan inilahad ang pandarambong sa kalikasan ng pamahalaan at ng mga malalaking korporasyon.

Ang Laguna Lakeshore Road Network sa Laguna de Bay, pagmimina sa Mount Banahaw, Kaliwa-Kanan-Laiban Dam, at mga pag-aresto sa mga environmental defenders ng rehiyon ay ilan lamang sa mga kagyat na ipinatambol ng rehiyon sa kagawaran.

Tinapos ang ikalawang araw sa salubungan ng delegasyon ng Timog Katagalugan at mga multisektoral na mga pangmasang organisasyon kasama ang komunidad ng UP Diliman.

Dito itinampok ang parehong danas ng rehiyon ng Timog Katagalugan at ng kalunsurang NCR sa ilalim ng US-Marcos-Duterte.

20/07/2024

TINGNAN | Nagtapos ang pangalawang araw ng kahapon sa salubungan ng mamamayan ng Timog Katagalugan at iba't ibang sektor ng Unibersidad ng Pilipinas gamit ang mga pinailawang sulo na sumisimbolo sa pagkakaisa ng mamamayan para sa tunay na demokrasya, soberanya, at paglaban sa papet at pasista na rehimeng US-Marcos II-Duterte.

Bago nito, tagumpay na nakapagsampa ng reklamo ang human rights defenders na sila Hailey Pecayo, Jpeg Garcia, Jasmine Rubia, at Ken Rementilla sa Ombudsman laban sa mga elemento ng 59th Infantry Battalion. Ito ay matapos silang sampahan ng gawa-gawang kaso ng paglabag sa Anti-Terrorism Law na tuluyan ding naibasura sa korte.

Naglunsad din ng kilos-protesta sa Chinese Consulate, Commission on Higher Education at Department of Environment and Natural Resources.

19/07/2024

LIVE: Defend Southern Tagalog and other human rights orgs hold press conference at the Office of Ombudsman on the situation of human rights work, state terror and its use of terror laws in the Southern Tagalog region.

Hailey Pecayo, Jpeg Garcia, Kenneth Rementilla, and Jasmin Rubia will file civil and administrative charges against 17 individuals, 14 of which from 59th Infantry Battalion Philippine Army. Last year, they were slapped with criminal charges and violations of Anti-Terrorism Act by military elements of 59th Infantry Battalion which were junked at the prosecutor level.

19/07/2024

PANOORIN: Inilunsad ng Bagong Alyansang Makabayan Timog Katagalugan (BAYAN-TK) kasama ang delegasyon ng rehiyon sa unang araw ng 2024 SONA ng Bayan Lagablab Caravan 2024 kahapon, Hulyo 18.

Bitbit ng limang araw na caravan ang temang "Paglagablabin ang Diwang Makabayan, Isulong ang Interes ng Sambayanan Hindi ng Dayuhan at Iilang Gahaman."

Sinimulan ang unang araw ng caravan sa Crossing Calamba na sinundan sa US Embassy, Japan Embassy, at nagtapos sa Department of Justice (DOJ).

Inilahad ni Kyle Salgado, tagapagsalita ng BAYAN TK ang layunin ng paglulunsad ng SONA Lagablab Caravan upang ipatambol ang mga isyung kinahaharap ng mga sektor ng Timog Katagalugan sa ilalim ng US-Marcos-Duterte.

Ayon kay Salgado, pangunahing itaguyod ang pagpapanagot sa pamahalaan sa maraming anyo ng paglabag sa taumbayan, pagsusulong ng pambansa-demokratikong pagkakaisa sa gitna ng hidwaan ng rehimeng Marcos-Duterte, at pagpapabsak sa ugat ng kahirapan ng bayan.

Hinamon din ng Timog Katagalugan ang mga embahada sa kanilang atrasadong pagpapatupad ng mga makadayuhang polisiya habang mariing kinokondena ang kagawaran ng hustisya sa nagpapatuloy na inhustisya’t kawalang panganglaga sa mga human rights defenders ng rehiyon.

Bahagi lamang ang embassy hopping ng limang araw na kilos-protesta ng delegasyon bilang paghahanda sa pangatlong State of the Nation Address (SONA) ni Ferdinand Marcos Jr. sa darating na Lunes, Hulyo 22

19/07/2024

TINGNAN | Sinimulan ng mamamayan ng Timog Katagalugan ang unang araw ng kahapon.

Nagsagawa ng kilos protesta sa harap ng United States Embassy, Japanese Embassy, at Department of Justice.

Kinundena nila ang tuloy-tuloy na pagpapakatuta ni Marcos Jr. sa Estados Unidos na may layong palakasin ang kapangyarihan nito sa rehiyon ng Indo-Pacific. Tumungo rin ang delegasyon sa Japanese Embassy upang tutulan ang Reciprocal Access Agreement sa pagitan ng Japan at Pilipinas.

“Para kina Duterte at Marcos Jr., tayo ay nasa sabungan at kailangan nating pumili: US sa p**a, China sa puti. Nasaan ang mga Pilipino doon? Lugi sa pakikipagpustahan. We should uphold genuine independent foreign policy,” ayon kay Kyle Salgado ng Bagong Alyansang Makabayan Timog Katagalugan.

Nagkaroon naman ng vigil sa harap ng Manila Police District Station 5 upang ipanawagan ang kagyat na pagpapalaya kay Jojo Reyes na iligal na inaresto ng kapulisan matapos ang nangyaring kumosyon kahapon sa DOJ.

Ayon sa BAYAN TK, "naninindigan ang Bayan Timog Katagalugan na walang puwang ang harasment at intimidasyon sa mga payapang ehersisyo ng ating karapatang magpahayag. Ang tanging panlaban ng mamamayang nakikibaka ay ating nagkakaisang tinig para sa tunay na demokrasya, soberanya, at higit sa lahat ay katarungan sa ilalim ng rehimeng US Marcos II na pilit itong ipinagkakait sa mga mamamayan."

18/07/2024

TINGNAN | Pinangunahan ng Bagong Alyansang Makabayan Timog Katagalugan (BAYAN TK) ang pagsisimula ng na tatagal ng limang araw mula ngayon hanggang sa ika-22 ng Hulyo sa mismong ikatlong State of the Nation Address ni Marcos Jr.

Ayon sa BAYAN TK, isinasagawa ng mamamayan ng Timog Katagalugan ang caravan upang ipahayag ang tunay na kalagayan ng mamamayan.

"Wala sa plano ng rehimeng Marcos Jr.-Duterte na tugunan ang lumalalang krisis sa ekonomya katulad ng patuloy na pagtaas ng presyo ng mga bilihin at mababang pasahod sa mga manggagawa. Isang kasinungalingan at kahibangan ang Bagong Pilipinas ni Marcos Jr.," ayon kay Kyle Salgado, tagapagsalita ng Bayan TK.

Kasama rin sa kick-off na programa ang Kasimbayan Timog Katagalugan na nag-alay ng Mensahe ng Pagbubulay ng Pamayanan.

Inaasahan sa mga susunod na araw na maipakita sa mamamayan ang malaking likhang-sining na nagngangalang Pilas ng Pagniningas na gawa ng mga manggagawang pangkultura ng Timog Katagalugan.

15/07/2024

MGA LARAWAN: Itinambol sa SIKLAB 2024 ng Kabataan Partylist Southern Tagalog (KPL-ST) ang mga panawagan ng sektor na nakasentro sa temang “Pagliyabin ang Diwang Makabayan para sa Karapatan, Kasarinlan, at Kalayaang Pang-akademiko” sa kanilang dalawang araw na youth camp nitong Sabado at Linggo, Hulyo 13-14, sa University of the Philippines Los Baños (UPLB).

Bahagi ito ng Regional State of the Youth Address (SOYA) sa Timog Katagalugan upang itambol ang mga panawagan para sa sektor ng edukasyon at kabataan. Binuksan din ang diskusyon para sa kanilang 9-Point Youth Agenda upang masolusyunan ang mga suliraning kinakaharap ng mga kabataan sa iba’t ibang bahagi ng rehiyon. Kasama rito ang isyu sa budget cut sa unibersidad, patuloy na pagtaas ng matrikula sa mga pamantasan, at pag-apak ng administrasyon sa mga demokratikong karapatan ng kabataan.

Nagtapos ang unang araw ng SIKLAB sa isang cultural night kung saan ipinamalas ng mga kalahok na kabataan ang kanilang talento sa pag-awit, pagsayaw, at pagtula. Binungad naman ng isang hiking at educational discussion sa Flat Rocks, Makiling ang pangalawang araw ng youth camp na sinundan ng isang forum tungkol sa pagkontra sa red-tagging ng mga kabataang mamamahayag kaakibat ang National Union of Journalists of the Philippines (NUJP). Nagtapos ang programa sa Focus Group Discussion (FGD) at pagbabahagi ng mga kabataan ng kanilang poster na nilikha.

Bibitbitin ng KPL-ST ang kanilang mga panawagan sa darating na State of the Nation Address (SONA) ngayong Hulyo 22. Makikilahok din sila sa Lagablab Caravan 2024 ng rehiyon na magsisimula ngayong Hulyo 17 hanggang sa takdang araw ng SONA.

15/07/2024

WATCH: Press Conference of ACT Teachers Partylist Rep. France Castro and Former Bayan Muna Rep. Satur Ocampo.

14/07/2024

LAGUNA — In line with the campaign against press freedom violations, the National Union of Journalists of the Philippines (NUJP) in partnership with SIKLAB 2024 conducted a forum titled "Pushing Back Against Red Tagging" at the NCAS Auditorium, UP Los Baños this morning.

Attended by the student-leaders, campus journalists, and sectoral representatives, the forum aims to present data gathered from NUJP's research about the impacts of red-tagging on journalism and civic space, from the past administration up until the Marcos Jr. regime.

Reactors shared the effects of red-tagging from their respective sectors such as workers, youth, and journalists. Ludimer Madla of Defend Workers Southern Tagalog, Leah Perez, journalist and researcher from NUJP, Fritz Labiano of Kabataan Partylist - Quezon, and Aira Angela Domingo, Editor-in-Chief of UPLB Perspective served as the reactors for the forum.

The forum was held in collaboration with Kabataan Partylist Southern Tagalog (KPL-ST) and regional youth mass organizations for SIKLAB 2024 Southern Tagalog State of the Youth Address. This event is also supported by the Commission on Human Rights under its GoJust Project.

“Hindi natatapos ang paglaban sa redtagging dahil mayroon pa tayong malawak na laban sa labas. Sa kolektibong pagkilos, matatalo lang natin ang boses ng pasismo ng estado kung mas malakas ang boses nating mamamayan; matatalo natin sila kung mas paninindigan natin, dahil sino pa ba makikinig sa kanila kung nagkakaisa na tayo ng paninindigan para sa masa,” Domingo of UPLB Perspective said in her closing remarks.

Photos by Bumisuara Dewa
Story by Norland Cruz, John Ren Manongsong, Princess Leah Sagaad

Address

Cavite

Website

http://www.stexposure.wordpress.com/

Alerts

Be the first to know and let us send you an email when Southern Tagalog Exposure posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Southern Tagalog Exposure:

Videos

PANOORIN: Sa ikalimang araw ng Lagablab Caravan, taas-diwang binuksan ng Timog Katagalugan ang tunay na SONA ng Bayan sa paglulunsad ng State of the Region's Address (SORA) kasabay ng ikatlong State of the Nation Address ni Pangulong Ferdinand Marcos Jr, Hulyo 22. Itinampok dito ang sitwasyon ng Timog Katagalugan sa kalagayang pang-ekonomiya, agrikultura, urban poor, pesante, kabataan, kababaihan, manggagawa sa ilalim ng nagbabanggaang Marcos Jr. at Duterte at imperyalistang US-China. Kumakaharap ang rehiyon sa mga isyu ng patuloy na pangangamkam sa lupa tulad ng Lupang Tartaria, Lupang Ramos, Lupang Roxas at iba pa. Nagpapatuloy din ang mga pandarambong sa kalikasan tulad ng mga proyektong Baybay Lawa Solar Project, Laguna Lakeshore Project, Kaliwa-Kanan-Laiban dam, at iba pang mapaminsalang development projects. Binigyang diin din ang tumitinding pasismo sa rehiyon kung saan maraming human rights defenders ang sinasampahan ng gawa-gawang reklamo at kaso, tinitiktikan, at dinarahas. Isang malaking tagumpay ang pagcounter charge file ng mga kabataang human rights defender na unang inakusahan sa kasong Anti-Terror Law ng 59th Infantry Nagtapos ang SORA sa pagsusunog ng effigy na pinamagatang "Pilas ng Pagniningas" o “Tear of Rage”. Ayon kay Kyle Salgado, ito ang simbolo ng makasaysayang pakikibaka ng sambayanang Pilipino laban sa imperyalismo, kultura ng impyunidad, at pasismo ng estado. Dumugtong din ang delegasyon ng Timog Katagalugan sa pambansang programa; State of the Nation Address ng Bayan bilang pagkondena sa Ikatlong State of the Nation’s Address ni Marcos Jr. Malakas man ang ulan ngunit hindi nagpatinag ang mga dumalo rito at imbes ay mas lalong naglalagablab ang diwa para sa laban ng mamamayan. #SONA2024 #LagablabCaravan2024

PANOORIN: Minarkahan ang pagtatapos ng Southern Tagalog State of the Region Address sa pamamagitan ng pagsunog at pagsira ng isang two-dimensional pop-up na effigy na nagngangalang 'Pilas ng Pagniningas' o Tear of Rage. Sinisimbolo nito ang ribalan ng paksyong Marcos at Duterte, ang pagsunod nila sa interes ng US at China habang tuloy-tuloy na ginagamit ang AFP-PNP upang maghasik ng teror sa mamamayan. Sunod naman na niladlad ng mga progresibo ang isang mural na may salitang 'Sosyalismo' matapos masunog ang effigy. Kolektibong ginawa ang effigy at mural sa pangunguna ng Makiling Initiative, Tambisan sa Sining ST, at Southern Tagalog Cultural Alliance.

PANOORIN: Agency Hopping at Anti Terror Law Countercharge filing ang isinagawa ng delegasyon ng Timog Katagalugan sa ikalawang araw ng 2024 SONA Lagablab Caravan, Hulyo 19. Unang tumungo ang delegasyon sa Chinese Consulate kung saan kinondena ang lumalalang agresyon ng Tsina sa West Philippines Sea at sa mga Pilipinong mangingisda. Sunod naman na tumungo ang Caravan sa Commission on Higher Education (CHEd) kung saan kinalampag ang komisyon ang neoliberal at militaristikong edukasyon tulad na lamang ng Mandatory ROTC at paglulunsad ng redtagging seminars sang-ayon sa RTF ELCAC. Sa huli, ipinakita ang palarong pabitin kung saan ipinapakita ang malapalabunutang akses sa edukasyon na sa dapat ay aksesible, makamasa, syentipiko, at pambansang edukasyon. Tumungo din ang delegasyon sa Office of the Ombudsman upang suportahan ang pagsasampa ng kaso ng mga human rights defenders na sila Hailey Pecayo, Jasmine Rubia, Jpeg Garcia, at Ken Rementilla laban sa 59th Infantry Battalion. Matatandaang kinasuhan ng paglabag sa Anti Terror Law ang mga human rights defender habang nagsasagawa ng Humanitarian Mission sa mga pinaslang na sibilyan sa Taysan, Batangas. Ayon kay Hailey Pecayo mula sa Tanggol Batangan, malaking tagumpay ito dahil mariin itong pagpapanagot sa mga tunay na terorista ng bayan, ang mga pulis-militar na berdugong nag-aakusa sa mga human rights defenders. Huling kagawarang pinuntahan ang Department of Environment and Natural Resources (DENR) kung saan inilahad ang pandarambong sa kalikasan ng pamahalaan at ng mga malalaking korporasyon. Ang Laguna Lakeshore Road Network sa Laguna de Bay, pagmimina sa Mount Banahaw, Kaliwa-Kanan-Laiban Dam, at mga pag-aresto sa mga environmental defenders ng rehiyon ay ilan lamang sa mga kagyat na ipinatambol ng rehiyon sa kagawaran. Tinapos ang ikalawang araw sa salubungan ng delegasyon ng Timog Katagalugan at mga multisektoral na mga pangmasang organisasyon kasama ang komunidad ng UP Diliman. Dito itinampok ang pa

LIVE: Defend Southern Tagalog and other human rights orgs hold press conference at the Office of Ombudsman on the situation of human rights work, state terror and its use of terror laws in the Southern Tagalog region. Hailey Pecayo, Jpeg Garcia, Kenneth Rementilla, and Jasmin Rubia will file civil and administrative charges against 17 individuals, 14 of which from 59th Infantry Battalion Philippine Army. Last year, they were slapped with criminal charges and violations of Anti-Terrorism Act by military elements of 59th Infantry Battalion which were junked at the prosecutor level.

LAGABLAB Caravan 2024

PANOORIN: Inilunsad ng Bagong Alyansang Makabayan Timog Katagalugan (BAYAN-TK) kasama ang delegasyon ng rehiyon sa unang araw ng 2024 SONA ng Bayan Lagablab Caravan 2024 kahapon, Hulyo 18. Bitbit ng limang araw na caravan ang temang "Paglagablabin ang Diwang Makabayan, Isulong ang Interes ng Sambayanan Hindi ng Dayuhan at Iilang Gahaman." Sinimulan ang unang araw ng caravan sa Crossing Calamba na sinundan sa US Embassy, Japan Embassy, at nagtapos sa Department of Justice (DOJ). Inilahad ni Kyle Salgado, tagapagsalita ng BAYAN TK ang layunin ng paglulunsad ng SONA Lagablab Caravan upang ipatambol ang mga isyung kinahaharap ng mga sektor ng Timog Katagalugan sa ilalim ng US-Marcos-Duterte. Ayon kay Salgado, pangunahing itaguyod ang pagpapanagot sa pamahalaan sa maraming anyo ng paglabag sa taumbayan, pagsusulong ng pambansa-demokratikong pagkakaisa sa gitna ng hidwaan ng rehimeng Marcos-Duterte, at pagpapabsak sa ugat ng kahirapan ng bayan. Hinamon din ng Timog Katagalugan ang mga embahada sa kanilang atrasadong pagpapatupad ng mga makadayuhang polisiya habang mariing kinokondena ang kagawaran ng hustisya sa nagpapatuloy na inhustisya’t kawalang panganglaga sa mga human rights defenders ng rehiyon. Bahagi lamang ang embassy hopping ng limang araw na kilos-protesta ng delegasyon bilang paghahanda sa pangatlong State of the Nation Address (SONA) ni Ferdinand Marcos Jr. sa darating na Lunes, Hulyo 22 #LagablabCaravan2024

PANOORIN: Nagtipon ang mga tagasuporta, kaibigan, at kapamilya ng dalawang bilanggong pulitikal na sina Rowena Dasig o mas kilala na 'Owen' at Miguela Peniero o 'Ella' sa isinagawang Indayog ng Alon: Tungo sa Kalayaan Benefit Gig ng Free Ella and Owen Network sa Commission on Human Rights, Quezon City nitong Hulyo 6. Ipinatambol sa pamamagitan ng mga makabayang awitin ng mga cultural workers ang kampanyang Free Ella and Owen Network na layong palakasin ang panawagan sa pagpapalaya nina Ella at Owen na isang taon na mula nang dinakip ng walang sapat na ebidensya noong Hulyo 12, 2023. Kaugnay ito ng kanilang pananaliksik sa mga maaaring masamang epekto sa kalusugan at kalikasan ng Liquefied Natural Gas Power Plant na binabalak itayo ng Atimonan One Energy, Inc. (A1E) sa Batangas. Mariing ikinukundena ng mga kaibigan at paralegals ng dalawa ang kanilang pagkakapiit na isang tahasang paglabag sa karapatang pantao lalo na at hindi umano pinapahintulutan na magkaroon ang dalawa ng komunikasyon sa kanilang mga organisasyon sa loob ng piitan.

PANOORIN: Nagparating ng mga panawagan ang mga grupo ng mga mangingisda mula sa iba't ibang dako ng Laguna sa isinagawang forum ng Save Laguna Lake Movement (SLLM) sa Multipurpose Hall ng Brgy. Lingga, Calamba nitong Hunyo 28. Pinag-usapan rito ang mga bantang kinahaharap ng mga residente sa itatayong 2,000 ektaryang floating solar project sa lawa at laguna lakeshore road network project na papaligid sa lawa. Limang panawagan ang nabuo ng mga grupo para sa mga kinauukulan: 1. Sagipin ang kalikasan! Tutulan ang mga proyektong papatay sa ating mga pangisdaan! 2. I-abante ang community-led na inisyatiba laban sa komersiyalisasyon at pribatisasyon! 3. Ipamahagi ang ayuda para sa lahat ng mangingisda! 4. Pagyamanin ang lokal na produksyon laban sa importasyon! 5. Isulong ang abot-kaya at makamasang serbisyong panlipunan! Nakiisa din sa forum ang Kalikasan People's Network for the Environment Southern Tagalog upang suportahan ang adbokasiya ng SLLM tungkol sa kaligtasan ng lawa ng Laguna at ng komunidad na binubuhay nito. #SaveLagunaLake 🎥 John Ren Manongsong, Princess Leah Sagaad

PANOORIN: Kinalampag ng mga progresibong organisasyon ang Dasmariñas City Hall kaninang tanghali upang kundenahin ang malawakan at tumitinding state surveillance sa hanay ng mga lider-aktibista at komunidad sa Cavite. Pinangunahan ito ng Defend Cavite, KASAMA TK, at Defend ST. Mismong ang Dasmariñas City Councilor na si Kiko Barzaga ang lantarang nagbabanta sa mga magsasaka ng Lupang Ramos. Siya rin ang kasama ng kapulisan na nagpatanggal ng itinayong boom ng mga magsasaka ng Lupang Ramos. Ayon sa Defend Cavite, "hindi bababa sa 9 na lider aktibista mula sa iba't ibang sektor sa lalawigan ang nakakaranas ng paniniktik, redtagging, at lantarang harassment dahil lamang sa pakikipaglaban sa karapatan sa nakabubuhay na sahod, panirikan, tunay na reporma sa lupa, atbp."

LIVE: Naglulunsad ngayon ng press conference ang kapamilya at mga kaibigan ng Romblon 4 sa pangunguna ng Free Romblon 4 Network upang ipanawagan ang kagyat na pagpapalaya kina Marlon Torres, Tess Dioquino, Benny Hilamon, at Nolan Ramos. Kasama rin ngayon ang Kilusang Mayo Uno, Center for Trade Union and Human Rights, Defend Workers Southern Tagalog, Tambisan sa Sining, at STCA - Southern Tagalog Cultural Alliance.

Southern Tagalog Mayo Uno 2024 @ Crossing, Calamba

NEWS UPDATE Hindi bababa sa sampung (10) pribadong goons ng Ayala-Aguinaldo mula sa Jarton Security at PNP Silang ang patuloy na nagbabanta at nanghaharass sa mga magsasaka't mamamayan ng Tartaria. Ayon sa Samahan ng mga Magsasaka't Mamamayan ng Tartaria (SAMATA), patuloy silang nakakaranas ng pagbabanta matapos nilang pigilan ang iligal na pagbabakod ng Ayala-Aguinaldo at pagtatayo nito ng matataas na pader sa sariling mga sakahan at panirikan ng mga residente. Bago nito, sa kabila ng napagkasunduang usapan sa barangay na ititigil muna ng Ayala-Aguinaldo ang kanilang operasyon.

TIGNAN: Daan-daang manggagawa mula sa NEXPERIA ang lumabas ng pagawaan para labanan ang lay-off at tanggalan na ginawa ng management sa 54 na mga manggagawa sa simula April 1 hanggang September 30, 2024. Ayon sa NEXPERIA WORKERS PHILIPPINES INC. WORKERS UNION - NAFLU - KMU, hindi kakayanin ng mga manggagawa ang 6 buwan na walang trabaho. Naninindigan ang unyon na ito ay bahagi ng iskemang union-busting ng kompanya. #STeXUPDATES #NEXPERIAWorkersFight

SA TALIM NG BALISONG (2023) | Documentary, 32 min. Behind news stories of supposed advances of the Philippine government in suppressing the armed conflict, are the narratives of the people embroiled and victimized by the government's "whole-of-nation approach" more aggressively pursued by the Duterte administration in 2018. Often, they are in the crosshairs of military and police operations, preceding a long period of besmirchment of their reputation and intimidation by state forces to attempt surrender or cooptation, while their communities are continually denied of much-needed services. These are stories from Batangas province, long hounded by plans for roadworks, resorts, recreational facilities, and resource extraction through powerplants and mines -- that portray a microcosm of the human rights situation in the Southern Tagalog region and in the Philippines in general. This project is supported by the German Embassy Manila through Bulatlat's project "Advancing human rights reporting in the Philippines as a tool for upholding gender fairness, democracy and accountability". WATCH IT ON YOUTUBE: https://youtu.be/4SXarvmjlFo?si=ja_KtDv3dZ6Wpz7J

REAL REELS 📽 Free Palestine Protest at Israel Embassy Noong ika-31 ng Oktubre 2023, nagkasa ng kilos-protesta ang iba't ibang grupo at indibidwal sa harap ng Israel Embassy upang manawagan sa pagtigil ng deka-dekadang iligal na okupasyon ng Israel sa Palestine.Kinundena nila ang walang habas na pambobomba sa Palestine kung saan umabot na sa mahigit 8,000 ang naitalang napaslang, ayon sa Gaza Health Ministry. Gayundin binatikos nila ang gobyerno ng Pilipinas sa pag-abstain nito sa United Nations kaugnay ng panawagang humanitarian ceasefire.Binatikos din ng mga nagprotesta ang patuloy na interbensiyon ng US sa pamamagitan ng walang patumanggang military aid nito sa Israel. Anila, walang pinag-iba ito sa natatamong military aid ng Pilipinas na ginagamit sa counter-insurgency programs ng administrasyon. #FreePalestine

Free Palestine Protest at Israel Embassy | October 31, 2023

REAL REELS 📽 Free Palestine Protest at Israel Embassy Noong ika-31 ng Oktubre 2023, nagkasa ng kilos-protesta ang iba't ibang grupo at indibidwal sa harap ng Israel Embassy upang manawagan sa pagtigil ng deka-dekadang iligal na okupasyon ng Israel sa Palestine. Kinundena nila ang walang habas na pambobomba sa Palestine kung saan umabot na sa mahigit 8,000 ang naitalang napaslang, ayon sa Gaza Health Ministry. Gayundin binatikos nila ang gobyerno ng Pilipinas sa pag-abstain nito sa United Nations kaugnay ng panawagang humanitarian ceasefire. Binatikos din ng mga nagprotesta ang patuloy na interbensiyon ng US sa pamamagitan ng walang patumanggang military aid nito sa Israel. Anila, walang pinag-iba ito sa natatamong military aid ng Pilipinas na ginagamit sa counter-insurgency programs ng administrasyon. #FreePalestine

REAL REELS 📽 Paggunita sa Tribal Filipino Sunday Noong ika-15 ng Oktubre 2023, tumungo ang ilang mga katutubong Dumagat Remontado sa Baclaran Church upang ibaba at ibenta ang kanilang mga produkto sa araw ng Tribal Filipino Sunday. Sa pangunguna ng Bigkis at Lakas ng mga Katutubo sa Timog Katagalugan (BALATIK), kinoordina ng National Shrine of Our Mother Of Perpetual Help in Baclaran upang bigyang liwanag ang mga isyung kinakaharap nila sa kasalukuyan at makatuwang sa pagbebenta ng kanilang mga produkto. Panawagan ni Orly Marcellana ng Tanggol Magsasaka Timog Katagalugan, "Itigil ang pagtatayo ng Kaliwa Dam na magpapalayas sa lupang ninuno ng mga katutubo sa bahaging Tanay Rizal at Hilagang Quezon." Ang Tribal Sunday o Indigenous People Sunday ay idineklara ng Catholic Bishops Conference of the Philippines bilang pagkilala at pakikiisa sa sariling pagpapasya ng mga katutubong Pilipino. #RealReels

Paggunita sa Tribal Filipino Sunday | October 15, 2023

REAL REELS 📽 Paggunita sa Tribal Filipino Sunday Noong ika-15 ng Oktubre 2023, tumungo ang ilang mga katutubong Dumagat Remontado sa Baclaran Church upang ibaba at ibenta ang kanilang mga produkto sa araw ng Tribal Filipino Sunday. Sa pangunguna ng Bigkis at Lakas ng mga Katutubo sa Timog Katagalugan (BALATIK), nilunsad ito sa National Shrine of Our Mother of Perpetual Help sa Baclaran upang bigyang liwanag ang mga isyung kinakaharap ng mga katutubo sa kasalukuyan at makatuwang ang simbahan pagbebenta ng kanilang mga produkto. Panawagan ni Orly Marcellana ng Tanggol Magsasaka Timog Katagalugan, "Itigil ang pagtatayo ng Kaliwa Dam na magpapalayas sa lupang ninuno ng mga katutubo sa bahaging Tanay Rizal at Hilagang Quezon." Ang Tribal Sunday o Indigenous People Sunday ay idineklara ng Catholic Bishops Conference of the Philippines bilang pagkilala at pakikiisa sa sariling pagpapasya ng mga katutubong Pilipino. Ang naganap na aktibidad ay sa pakikipagtulungan ng Protect Sierra Madre For The People - PSM, JPIC Baclaran, IMASET, BALATIK - Bigkis at Lakas ng mga Katutubo sa Timog Katagalugan, Kalikasan Timog Katagalugan, at NNARA-Youth UPLB. #RealReels