The Cavite Rising

Home
Philippines
Cavite
The Cavite Rising

Fair and reliable journalism for every Caviteño.
(2)

20/08/2024

Katuwang ang Provincial at Regional Health Offices, matagumpay na naisagawa ang Sight Saving Program na nagbigay ng libreng konsultasyon at prescription glasses sa mga mamayan ng Kawit, Cavite.

Tinugunan ng programa ang mga isyu sa paningin ng mga residente, bilang bahagi ng patuloy na serbisyo ng lokal na pamahalaan para sa mas malusog na komunidad.

Mula sa pagsusuri ng mata hanggang sa pamamahagi ng salamin, naging magaan at maayos ang proseso na nagdulot ng tuwa at ginhawa sa mga benepisyaryo

📷: Kawit RHU

20/08/2024

TINGNAN: Vog sa Trece Martines City, Cavite na kuha kahapon bandang 2:40 pm.

📷: Lakwatsero Caviteño

19/08/2024

AGOSTO 20, 2024

Naririto ang listahan ng mga bukas Agosto 20, 2024.

1. Imus City - All levels, public and private schools
2. General Trias City - All levels, public and private schools
3. Kawit - All levels, public and private schools
4. Cavite City - All levels, public and private schools
5. Rosario - All levels, public and private schools
6. Dasmariñas City - All levels, public and private schools
7. Silang - All levels, public and private schools
8. Amadeo - All levels, public and private schools
9. Indang - All levels, public and private schools
10. Tanza - All levels, public and private schools
11. Trece Martires City - All levels, public and private schools
12. Alfonso - All levels, public and private schools
13. Gen. Emilio Aguinaldo- All levels, public and private schools
14. Magallanes - All levels, public and private schools
15. Maragondon - All levels, public and private schools
16. Mendez-Nuñez - All levels, public and private schools
17. Naic - All levels, public and private schools
18. Bacoor City - All levels, public and private schools
19. Noveleta - All levels, public and private schools
20. Ternate - All levels, public and private schools

Manatiling nakatutok para sa mga updates at kaganapan sa lalawigan ng Cavite. Stay safe!

19/08/2024

PANOORIN: Kasalukuyang bumubuhos ang malakas na ulan na may kasamang pagkulog at pagkidlat sa Bacoor City, Cavite habang makikita parin ang smog o vog.

19/08/2024

BREAKING NEWS: Kinumpirma ni Sen. Risa Hontiveros na si Alice Guo, na kilala rin bilang Guo Hua Ping, ay nakaalis na ng Pilipinas.

📷: Sen. Risa Hontiveros

19/08/2024

JUST IN: Naglabas ang Department of Education ng direktiba na nagbibigay ng kalayaan sa mga paaralan sa Metro Manila at Calabarzon na magsuspinde ng face-to-face classes dahil sa banta ng volcanic smog o 'vog'.

Ang hakbang na ito ay upang matiyak ang kaligtasan ng mga mag-aaral at g**o mula sa masamang epekto ng vog sa kalusugan.

📷: DepEd Philippines

19/08/2024

Naaresto ng mga pulis ang dalawang Nigerian National matapos iligtas ang apat na babaeng iligal na ikinulong sa Tanza, Cavite. Ayon sa ulat ng Calabarzon Police, sinalakay ang tirahan ng suspek nitong Martes ng hapon, Agosto 13 na pinaniniwalaang ginagamit bilang "love scam" hub.

Sinabi ni Calabarzon Police Director Brig. Gen. Paul Kenneth Lucas na ang mga suspek ay dating empleyado ng isang Philippine Offshore Gaming Operation hub sa Bamban, Tarlac, bago sila umalis at nagsimula ng kanilang mga scam operations. Ayon kay Lucas, hindi lamang mga Pilipino kundi pati mga dayuhan ang nabibiktima ng mga suspek.

Source: Malaya Business Insights

19/08/2024

BREAKING NEWS: Nakapagtala ang Pilipinas ng isang bagong kaso ng mpox (monkeypox), ayon sa Department of Health (DOH) ngayong Agosto 18. Ito ang unang kaso mula nang ideklara ng World Health Organization ang mpox outbreak bilang public health emergency of international concern.

Ang bagong kaso ay pang-sampu na sa bansa. Ayon sa DOH, ang huling kaso ng mpox ay naiulat noong Disyembre 2023. Lahat ng mga naunang kaso ay na-isolate, nabigyan ng sapat na pangangalaga, at gumaling na, ayon pa sa ahensya.

19/08/2024

Ang namataang low pressure area sa silangan ng Taiwan ay naging Tropical Depression Dindo, ayon sa PAGASA nitong Linggo ng gabi.

Sa kanilang 11 p.m. bulletin, sinabi ng weather bureau na hindi inaasahang magdudulot ng direktang epekto si sa panahon ng bansa. Sa ngayon wala pang itinaas na storm signal sa buong bansa.

18/08/2024

Wag malito mga Caviteño.

Narito ang totoong ngayong Lunes, Agosto 19 as of 9:15 am.

1. Silang - All levels, public and private schools
2. Dasmariñas City - All levels, public and private schools
3. Indang - All levels, public and private schools
4. Magallanes - All levels, public and private schools, switch to modular
5. Alfonso - All levels, public and private schools
6. Gen. E. Aguinaldo (Bailen) - All levels, public and private schools, switch to modular
7. Amadeo - All levels, public and private schools
8. Naic - All levels, public and private schools
9. Gen. Mariano Alvarez - All levels, public and private schools
10. Mendez-Nuñez - All levels, public and private schools
11. Maragondon - All levels, public and private schools
12. Carmona- All levels, public and private schools
13. General Trias City - All levels, public and private schools
14. Kawit - All levels, public and private schools
15. Imus City - All levels, public and private schools

I-refresh lamang ang post na ito para sa mga susunod na updates.

Keep safe everyone!

18/08/2024

Patuloy na nagbabala ang Bureau of Fisheries and Aquatic Resources (BFAR) na hindi pa rin ligtas kainin ang isda at shellfish na galing sa mga baybaying dagat ng Cavite, mula Bacoor City hanggang Maragondon, dahil sa kontaminasyon ng langis mula sa isang lumubog na tanker sa Bataan.

Sa kanilang pinakabagong bulletin, iniulat ng BFAR na natagpuan ang mga bakas ng langis, grasa, at iba pang mapanganib na kemikal tulad ng polycyclic aromatic hydrocarbons sa mga isdang nakolekta mula sa mga lugar na ito.

Ayon sa BFAR, ang kanilang team ay nagsagawa ng monitoring at pagsusuri sa kalidad ng tubig sa ilang bahagi ng Manila Bay at Cavite.

📷: Philstar.com

18/08/2024

Bilang bahagi ng pagdiriwang ng Heritage Month, isinagawa ng bayan ng Kawit ang Heritage Tour upang balikan at pahalagahan ang mga makasaysayang pamanang iniwan.

Sa pamamagitan ng pag-ikot sa mga liwasan, historical places, at structures, mas pinatindi ang kaalaman at pagmamahal ng mga dumalo sa kasaysayan ng bayan.

📷: Mayor Angelo G. Aguinaldo

18/08/2024

Naaresto ng Philippine National Police Regional Anti-Cybercrime Unit 4 ang isang transwoman sa Bacoor City, Cavite nitong Biyernes, Agosto 16, matapos niyang ikalat ang mga pribadong larawan at video ng kanyang dating kasintahan.

Ayon sa ulat, nakipagpalitan ng malalaswang larawan at video ang biktima at ang suspect noong sila ay magkasintahan, ngunit matapos maghiwalay nitong nakaraang buwan, ipinakalat ng suspek ang mga pribadong content sa kanilang mga kaibigan at kakilala.

Tinangka pa umano ng suspect na pwersahin ang biktima na makipagtalik sa kanya kapalit ng pagbura ng mga larawan at video matapos nito agad na isinagawa ang entrapment operation, na nagresulta sa pagkakaaresto suspek.

📷: Cavite Press Corps

18/08/2024

Itinanghal na national winner ang Sangguniang Kabataan (SK) Federation ng City of Carmona sa Outstanding SK Council - Federation Category ng 5th Philippine Sangguniang Kabataan Awards.

Ang prestihiyosong parangal ay personal na tinanggap ng 14 na SK Chairpersons ng Carmona sa isang engrandeng seremonya na ginanap sa Boracay Newcoast, Malay, Aklan.

📷: Mayor Dr. Dahlia A. Loyola

17/08/2024

OIL PRICE UPDATE ⛽️

Asahan ang bahagyang pagtaas sa presyo ng gasolina habang inaasahan namang bumaba ang presyo ng diesel at kerosene sa susunod na Linggo, Agosot 20.

Gasoline: ⬆️P0.65-P0.90 per liter
Diesel: ⬆️P0.95-P1.10 per liter
Kerosene: ⬆️P0.95-P1.10 per liter

17/08/2024

TRAFFIC UPDATE: Bahagyang bumibigat ang daloy ng trapiko sa kahabaan ng Tirona Highway palabas ng Kawit, Cavite bandang 4:46 ng hapon.

17/08/2024

Nauwi sa engkuwentro ang isang buy-bust operation na ikinasa ng Cavite Police Provincial Office Drug Enforcement Unit laban sa mag-live in partner na hinihinalang drug suspect sa Barangay Sabang, Dasmariñas, Cavite, nitong Agosto 15.

Bandang alas-singko ng hapon nagsimula ang operasyon, na nagresulta sa tensyon at palitan ng putok. Matapos ang ilang minutong engkuwentro, nasakote ng mga operatiba ang mag-live in partner, na matagal nang minamanmanan dahil sa kanilang pagkakasangkot sa ilegal na droga.

Nakumpiska rin sa kanila ang ilang pakete ng hinihinalang shabu at mga drug paraphernalia. Patuloy ang imbestigasyon upang matukoy ang kanilang mga kasabwat at ang lawak ng kanilang operasyon.

📷: Cavite Press Corps

17/08/2024

Nasawi ang isang 15-anyos na mag-aaral matapos tangayin ng malalakas na alon sa dalampasigan ng Barangay Bucana, Naic, Cavite nitong Huwebes, Agosto 15, 2024.

Ayon sa mga awtoridad, nagkayayaan ang biktima at anim na kaklase nito na tumakas sa klase para mag-inuman sa tabing-dagat.

Habang nag-iinuman biglang dumating ang malalakas na alon na nagresulta sa pagkawala ng biktima bandang 3:30 ng hapon. Agad na nagsagawa ng search and rescue operation ang Philippine Coast Guard, ngunit hindi kaagad natagpuan ang biktima.

📷: Unsplash

16/08/2024

Ayon sa National Economic and Development Authority, ang mga Pilipinong gumagastos ng P64 kada araw para sa tatlong kainan, o halos P21.3 kada meal, ay hindi itinuturing na "food poor" base sa kasalukuyang pamantayan ng gobyerno.

Bagama't inamin ni Balisacan na ang halagang ito ay luma na at dapat nang baguhin, nanindigan siya na kailangang mayroong itinakdang threshold para sa masusukat ang epekto ng mga programa laban sa kahirapan.

📷: PhilStar

16/08/2024

Inanunsyo ng Office of the Vice President at Parañaque Integrated Terminal Exchange (PITX) ang libreng sakay mula PITX papuntang Naic, Cavite na nagsimula kahapon, Miyerkules, Agosto 14.

Bukas ang libreng sakay mula Lunes hanggang Sabado, simula alas-5 ng madaling-araw hanggang alas-9 ng umaga, at alas-5 ng hapon hanggang alas-9 ng gabi.

Inaanyayahan ang mga biyaherong gustong maka-avail ng "VIP experience" na pumunta sa G/F Gate 6 ng PITX. Bukod sa libreng sakay, may libreng internet din sa mga shuttle para sa mas komportableng biyahe.

📷: Office of the Vice President of the Philippines

16/08/2024

Pinangunahan ni Cong. Bryan Revilla at ng Agimat Partylist pamamahagi ng pinansyal na tulong sa 5,000 residente ng Lungsod ng Imus.

Ang nasabing programa ay ginanap sa Imus Sports Complex kung saan nabigyan ng ayuda ang mga pedicab driver, mga boluntaryong bombero, mga bantay bayan, at mga indigent na mamamayan ng lungsod.

📷: Mayor Alex Advincula

16/08/2024

Nag-amok ang isang lalaki sa Cavite City habang lasing at nanutok ng improvised pana, na nagdulot ng takot sa mga residente. Ang suspek ay kilalang umanong siga sa kanilang lugar at ugali nitong maghamon ng away kapag nalalasing.

Ayon sa ulat ng pulisya, mabilis na tumakas ang lalaki pagkatapos ng insidente. Patuloy ang pagtugis ng mga awtoridad sa suspek at hinihikayat ang mga saksi na makipagtulungan sa imbestigasyon.

15/08/2024

JUST IN: Idineklara ng pamahalaan na special (non-working) holiday ang Agosto 23, 2024, Biyernes, para sa paggunita ng Ninoy Aquino day

📷: Presidential Communications Office

15/08/2024

Inaresto ng National Bureau of Investigation ang 29 katao sa Cavite matapos salakayin ang isang scam hub na pinamumunuan ng mga dayuhan noong Agosto 9.

Target ng operasyon ang apat na bahay sa Grand Centennial Subdivision sa Kawit, Cavite. Kabilang sa mga naaresto ang limang dayuhang suspek, habang ang natitirang 24 ay mga Pilipino.

Nang isagawa ang search warrant, nahuli ang mga suspek na gumagamit ng mga electronic device tulad ng desktop computers, laptops, at cellphones na may lamang mga scam scripts. Ang mga script na ito ay ginagamit upang linlangin ang mga biktima sa pagbibigay ng sensitibong impormasyon o pamumuhunan ng pera.

📷: PhilStar

15/08/2024

Muling sumalakay ang mga tirador ng convenience store sa lalawigan ng Cavite, kung saan isa na namang 7-Eleven ang nabiktima. Nasamsam ng mga suspek ang mahigit sa P100,000 cash mula sa kahera ng tindahan sa Brgy. Molino 3, Bacoor City.

Ayon sa ulat ng pulisya, pumasok ang mga suspek sa tindahan at nagpanggap na mga kustomer. Isa sa kanila ang nagsilbing lookout habang dalawa ang nanutok ng baril sa mga biktima.

📷: GMA News

15/08/2024

Dalawang hinihinalang high-value drug trafficker ang naaresto ng mga awtoridad matapos masabat ang mahigit P287,000 halaga ng ma*****na at mga derivatives nito sa Dasmariñas City, Cavite noong Sabado, Agosto 10.

Ayon sa ulat ng Philippine Drug Enforcement Agency-Region 4A, nahuli ang suspek sa isang buy-bust operation na isinagawa sa Barangay Sampaloc IV bandang 8:40 p.m.

Nasamsam mula sa mga suspek ang 40 gramo ng high-grade ma*****na o “kush” na nagkakahalaga ng P60,000 at 65 assorted flavored disposable v**e pens na naglalaman ng ma*****na oil na nagkakahalaga ng P227,500.

📷: GMA Network

14/08/2024

TINGNAN: Libu-libong tao ang nagtipon sa kahabaan ng Taft Avenue upang salubungin ang pag-uwi ng Paris 2024 Double Gold medalist na si Carlos Yulo at iba pang mga Filipino Olympians.

Ang makasaysayang parada ay nagsimula sa Aliw Theater, Pasay at tinahak ang lungsod ng Maynila hanggang sa Rizal Memorial Sports Complex, sa kahabaan ng 7.7-kilometrong motorcade.

📷: ABS CBN News / The Varsitarian

14/08/2024

Patuloy ang pagtutulungan ng mga lider ng Cavite kasama ang lokal na pamahalaan ng Kawit at ang Department of Social Welfare and Development kung saan nabigyan ng tulong pinansyal ang mga mangingisda bayan ng Kawit na naapektuhan ng oil spill sa Manila Bay sa ilalim ng Ayuda sa Kapos ang Kita Program.

Ang programa ay upang suportahan ang mga mangingisda upang maibsan ang kanilang kalagayan sa kabila ng mga hamon sa kanilang hanapbuhay.

📷: Mayor Angelo Emilio G. Aguinaldo

14/08/2024

Inaasahang makakatanggap ng dagdag na sahod ang mga minimum wage earners sa CALABARZON simula sa susunod na buwan.

Ayon kay Labor Secretary Bienvenido Laguesma, nagsimula na ang Regional Tripartite Wages and Productivity Board sa CALABARZON ng proseso para sa wage adjustment matapos ang isinagawang public consultation sa mga manggagawa ng rehiyon.

📷: PhilStar

Address

Cavite
4100

Website

https://thecaviterising.com/

Alerts

Be the first to know and let us send you an email when The Cavite Rising posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Cavite Rising:

Videos

PANOORIN: Kasalukuyang bumubuhos ang malakas na ulan na may kasamang pagkulog at pagkidlat sa Bacoor City, Cavite habang makikita parin ang smog o vog. #TheCaviteRising #TCR

TRAFFIC UPDATE: Bahagyang bumibigat ang daloy ng trapiko sa kahabaan ng Tirona Highway palabas ng Kawit, Cavite bandang 4:46 ng hapon. #TheCaviteRising #TCR

PANOORIN: Isang buhawi ang namataan malapit sa Kawit, Cavite ngayong hapon, Agosto 4, 2024. #TheCaviteRising #TCR

PANOORIN:Isang grupo ng mga tahong vendor sa Kawit, Cavite ang nagluto at kumain ng kanilang paninda upang ipakita sa publiko na malinis at ligtas pa ring kainin ang kanilang mga produkto. Matatandaang isa ang Kawit sa mga bayan at lungsod sa Cavite na isinailalim sa state of calamity dahil sa oil spill na kumakalat mula sa lumubog na MT Terranova sa Limay, Bataan. 📷: Cavite Press Corps #TheCaviteRising #TCR

TINGNAN: Magkasanib-puwersang nagsagawa ng coastal cleanup drive ang Philippine Coast Guard, Noveleta River Ranger, at TUPAD volunteers sa Long Beach Resort, Barangay San Rafael 4, Noveleta, Cavite. 📷: Cavite Press Corps #TheCaviteRising #TCR

TCR Recap

Mga ka-Rise Up, huwag magpahuli sa mga happenings ngayong linggo. Panoorin ang ating TCR recap para updated ka sa trending news sa Cavite ngayong Hulyo. #TheCaviteRising #TCR

PANOORIN: Halos hindi na madaanan ang kahabaan ng kalsada sa harap ng SM City Bacoor, Brgy. Habay, Bacoor City dulot ng patuloy na pagtaas ng baha na dala ng bagyong #CarinaPH. Kuha ang video na ito bandang alas-otso ng gabi, Hulyo 23. 🎥: Yumpy Maglonzo #TheCaviteRising #TCR

PANOORIN: Hindi nagpatinag ang mga bandang lumahok sa Pistang Kawiteño Band Parade 2024 kahit na malakas ang buhos ng ulan at bumaha nitong Lunes, Hulyo 22. Sa kabila ng hamon ng panahon, ipinagpatuloy ng banda ang kanilang pagtatanghal, na nagpapakita ng kanilang dedikasyon at pagmamahal sa musika at tradisyon. 🎥: Nota atbp #TheCaviteRising #TCR

PANOORIN: Lagay ng baha sa Bagbag I ng Rosario, Cavite umabot na ng hanggang tuhod ngayong araw, Hulyo 22. Kung magpapatuloy pa ang pagbuhos ng ulan, pinangangambahan na tumaas pa ang baha at umabot ng hanggang bewang. Kasalukuyan, sarado pa rin ang Maalimango Bridge na nag-uugnay sa Barangay Bagbag I at Barangay Ligtong II kaya’t walang magawa ang mga pasahero at mga motorsiklo kundi suungin ang baha upang makatawid lamang sa kabilang tulay.

PANOORIN: Nakuhanan ng CCTV ang pagbangga ng isang trailer truck sa mga concrete barrier sa bahagi ng Governor's Drive kahapon ng madaling araw, Hulyo 17. Ayon sa ulat ng pulisya, nakaidlip ang driver ng truck kaya hindi nito napansin ang mga barrier. 📷: Pepe Motovlog #TheCaviteRising #TCR

MALA-PARAISONG LUGAR SA SILANG, CAVITE Tampok ngayon sa Silang, Cavite ang mala-paraiso at napakalamig na hangin, na dinarayo ng mga turistang nais makapagpahinga mula sa ingay at gulo ng lungsod. 📌 Perlas ng Silangan, Purok 5, Pulong Bunga, Silang, Cavite 🎥: Hello Merian #TheCaviteRising #TCR

PANOORIN: Nakuhaan ng isang netizen na si Ericka Mae Dominguez mula sa Imus City, Cavite ang nakapagandang ‘Pink Skies’ kahapon ng dapit-hapon. 🎥: Ericka Mae P. Dominguez #TheCaviteRising #TCR

NAPA SWIMMING NG WALA SA ORAS 🤣😂 Umani ng samu't saring reaksiyon mula sa mga netizens ang video ni Geo Garbo na nagtatangkang gumawa ng aesthetic na video sa baybayin. Sa bandang kalagitnaan ng kanyang pagkuha ng video, biglang sumulpot ang mga aso at hinabol siya, kaya napilitan siyang tumakbo papuntang dagat. Marami ang natawa at nagbigay ng komento sa kakaibang karanasan ni Geo. Isa sa mga nagkomento ay nagsabi, "Di bale nang hindi perfect ang video, basta safe ka, Geo!" Habang ang iba naman ay nagbahagi ng kanilang sariling mga kwento ng pagtakbo mula sa mga aso. 🎥: Geo Garbo / Facebook #TheCaviteRising #TCR

REGADA NA! 💦 Dinagsa ng mga Caviteño ang taunang 'Regada' o water festival sa Cavite City na may mga sprinklers at bubble canon. Tampok sa naturang selebrasyon ang street party kasama ang ilang mga local artists. #TheCsviteRising #TCR

Patuloy ang pagdagsa ng mga tao upang makisaya sa taunang Regada Water Festival ngayong araw. #TheCaviteRising #TCR

Excited na ba ang lahat para sa Regada Water Festival ngayong paparating na Hunyo 24? 💦🔫💧 Panoorin at tuklasin kung ano nga ba ang mga dapat asahan sa paparating na Regada 2024. 🎥:Mayor Denver Chua #TheCaviteRising #TCR

PANOORIN: Aktwal na Video ng pangha-harass ng Chinese Coast Guard sa Philippine Coast Guard sa may Ayungin Shoal. 🎥: Team AFP / X #TheCaviteRising #TCR

Tila nilamon ng usok ang buong paligid sa kapal ng hamog o “fog” sa Tagaytay City kanina, bandang alas-otso ng gabi. 🎥: Reymar S. Barcelon #TheCaviteRising #TCR