BAI Online TV

26/07/2024

BAI ONLINE TV News:
BAI FM Balita:

Ikaduhang State of City Address of Hon.Mayor Judy Chin Amante City Mayor of Cabadbaran

Usa usa nga gihikyad ni Mayor Judy Chin Amante- City Mayor sa Cabadbaran ang mga kalambuan, lakip na ang mga dagkong proyekto sa lungsod sa Cabadbaran, ingon man ang bag-ong paagi sa pagkolekta sa buluhisan nga maoy makapausbaw sa panudlanan.

Gipasalig usab sa Mayora nga lauman sa tanang mga empliyado sa City hall ang salary increase, dungan sa pagsiguro nga malabwan pa ang tax collection sa milabay'ng upat ka mga tuig.

Gipasigarbo usab ni Mayor Amante ang pagpalambo sa Cabadbaran District Hospital. Gipasalamatan usab ni Mayor Amante ang kanhi Amahan sa lungsod nga si Cong. Dale Corvera, sa mga proyekto ug programa nga nasugdan niini, dungan sa pasalig nga palamboun kini.

Giila ang Cabadbaran City sa DSWD Regional Field Office Caraga isip compliant sa ilang mga programa, butang nga gikalipay sa Mayora. Dugang pa nga pakusgan sa syudad ang mga programa nga maghatag social protection sa mga kabataan ug kababaenhan, pamatuod niana ang mga kalihukang panglawas alang sa mga kabataan sa pakig-alayon sa nagkadauyang ahensiya sa gobyerno. Pakusgan usab sa lungsod ang natad sa sports, samtang gipasidunggan usab sa Mayor ang mga atletang nisalmot sa Palarong Pambansa 2024. Hataga'g bili usab sa panggamhanang lokal ang pagbansay sa mga out of school youth sa tabang sa TESDA, ingon man ang pagdugang pondo sa scholarship program.

Dugang pa, duna usab programa ang syudad alang sa mga children in conflict with the law (CICL) diin ubay ubay kanila ang gipatingha sa kolehiyo gamit ang pondo sa LGU. Gidugang ni Mayor Amante nga gipondohan usab sa syudad ang pagpabarog ug mga ALS learning center.

online tv
fm butuan
ruel a.alamo
inday taratitat

26/07/2024

24/07/2024

BAI ONLINE TV News:
BAI FM Balita:

SEGURIDAD SA PAG ABLI SA ESKWELA GIPANIGURO SA DEPED

Pinaagi sa Oplan Balik Eskwela 2024, gipaniguro sa Department of Education ang seguridad sa mga magtutungha sa ilang pagbalik sa mga eskwelahan karon Hulyo 29. 2024.

Sigon pa ni Dr. Minerva Albis, Butuan Division School Superintendent nga nakig coordinate na siya sa nagkadaiyang ahensya sa gobyerno aron nga masiguro luwas ang mga magtutngha sa ilang pagsulod sa klase.

Apil sa nahisgutan mao ang mga sitwasyon sa trapiko sa syudad kung diin sumala pa aduna nay mga ipatuman nga balaud ang syudad pinaagi sa CTTMD aron nga hapsay ang mga kadalanan.

online tv
fm butuan
ruel a.alamo
inday taratitat

24/07/2024

BAI ONLINE TV News:
BAI FM Balita:

MS.TORTOSA 2024 GIKORONAHAN

Sa unang higayon, gikoronahan isip Ms. Tortosa si Candidate No. 9 Zen Calunsag kagabii sa school ground sa lungsod sa Buenavista, Agusan del Norte.

Samtang ang 1st runner up nakuha ni candidate no. 8 Chammy Nicole Semblante og ang 2nd runner-up nakab-ot usab ni Cassandra Cadacio.

Dose ka mga maanyag nga mga babaye ang nagtigi sa maong korona kagabii kung diin si GMA 7 artist EA Guzman usab ang nag serenade sa maong mga dalaga.

Sa gihimong pamulong ni Mayor Joselito T. Roble, ilang gipaningkamutan nga mamahimong bibo og lingaw pa ang mga umaabot nga mga kalihukan sa kasaulogan sa Tortosa Festival.

online tv
fm butuan
ruel a.alamo
inday taratitat

22/07/2024

BAI ONLINE TV News:

LOOK:

Post sa usa ka concerned netizen. WAITER GIPATINDOG UG DUHA KA ORAS SA CUSTOMER NGA LGBTGQ

Nahitabo 6 PM July 21, 2024.

Hello! Ikaw ba to ang nagpabarog og empleyado sa Ulli's Ayala Center Cebu for two (2) hours because this server from Ulli’s called you “Sir”? My memory was so clear kay nanuroy me sa akong mommy since 4 PM sa Ayala Center Cebu then ninaog me sa elevator near Leylam then we saw this employee doing parade rest since 6 PM. I really thought tag-iya ka and you were just discussing things with the employee so we shrugged it off then continue roaming around sa Ayala. Wala jud ko nahimutang and I told my mom that it has been nearly 2 hours ingon ato ang pose sa server facing this guy namely Jude Bacalso. So ni-interfere ko and asked this guy Jude unsay nahitabo if tag-iya ba sya or customer. The guy Jude sarcastically said na “Go ask him (referring to the server) what happened.” Then I asked the server unsay nahitabo and ingon sha “Natawag nako s**g sir.” then gibira nako ang server ngadto sa ilang staff room then this server broke down into tears and mura s**g ga panic attack.

At that time, naay customers dining in and clearly saw that this server was standing for 2 hours but no one was even curious to know why and what happened. The other employees sa Ulli’s already tried to console in behalf sa server but this guy Jude won’t leave the server because of the sole reason that the server misgendered the guy Jude Bacalso. Matod pa daw aning Jude is naa shay pangutana sa server na dili matubag sa server and this guy Jude said na “Aw you will be standing there until makatubag ka sa akong pangutana.” Idk the exact question was but should be related sa pronouns and being misgendered. For context, nag sorry nani ang server as well as the employees to this guy Jude and wala japun niya lung.i ang server. There were no managers around sa Ulli's Ayala Center Cebu and some of the employees nanghilak nalang kay wa silay mabuhay.

Og wala me maabot sa akong mommy ngadto og wala me mu interfere, dili jud mahunong og barog kaning server facing this guy Jude Bacalso. Let me ask you—kinsa ka nga magpabarog og tawo just because of that mistake? Wala kay katungod mu treat og mga tawo sama sa imong gibuhat sa server na gipabarog nmo atubangan pajud sa imo for 2 hours. Daghan tawo nangagi sa Ulli’s imagine duol na sa entrance/exit. Bisan kinsa pa na ma-pobre or ma-datu wa kay katungod mu ingon ana kay tawo rana. Ikaw mismo kahibaw ka og asa ka gasugod dili ta mag hinilas. Wala lang jud ko naka video kay focus ko sa server na gahilak.

Also, you voicing for LGBTQ? For that mere mistake sa server, is that how you want to influence? Part ko sa LGBT myself and you bring shame sa atong community na grabe ka nakayatak sa katungod sa tawo. I am calling you out and you being held accountable sa imong actions.

Bisag asa ta mag-abot di tika atrasan. Kalit raman kag kawala on where you were seated, you should be there to address that.

Ullis Ayala Center Cebu Jude Bacalso

CCTO

online tv ゚
fm butuan

21/07/2024

BAI ONLINE TV News:
BAI FM Balita:

Ist District of Agusan del Norte Hon.Congressman Jose "Joboy"Aquino usa sa mga napili sa Boses ng Bayan nga TOP Performing Representatives sa tibuok Pilipinas nga nakakuha og marka nga 81.4 percent.

online tv
butuanons
rcl
cong.joboy

20/07/2024

BAI ONLINE TV Chicka:
BAI FM Chicka:

Look:
Mga ka bai unsay inyong ikasulti aning new variety nga bugas nga na viral karon sa Social Media.Sa inyong bahin unsay tawag ani?

20/07/2024

BAI ONLINE TV News:
BAI FM Balita:

SENADOR B**G GO PADAYON ANG PAG ANGAT SA SURVEY

Sa bag-o lamang ni gawas nga Octa Research survey, anaa sa ika 2-4 nga pwesto si Senador Christopher "B**g" Go alang sa Senatorial Preference para 2025 election.

Pinaagi sa iyang mensahe, nagpasalamat ang senador sa nag suporta sa iya og dili siya mohunong sa pag hatud og mga serbisyo alang sa katawhan.

Si Senador Go naila tungod sa establisar og mga Malasakit Center sa tibuok nasud aron nga magaanan ang bayronon sa ilang gastos sa mga hospital.

16/07/2024

BAI ONLINE TV News:
BAI FM Butuan:

2026 PALARONG PAMBANSA HIMUON SA AGUSAN DEL SUR

Gianunsyo atol sa pagsara sa Palarong Pambansa 2024 nga sa Ilocos Norte pagahimuon ang maong paugnat sa kusog sunod tuig samtang ang Probinsya sa Agusan del Sur maoy mamahimong host usab sa tuig 2026.

Congratulations Agusan del Sur!

ctto photos/dj gao

online tv
fm butuan
ruel a.alamo
inday taratitat

16/07/2024

BAI ONLINE TV News:
BAI FM Balita:

PAGPAMALIGYA OG SIMILYA SA AGAR WOOD O LAPNISAN KINAHANGLAN ADUNAY PERMIT

Giklaro ni DENR Caraga OIC CENR Officer Nathaniel E. Racho sa CENRO Bislig nga aduna lamang usa ka indibidwal ang gitugotan sa pagpamaligya og semilya sa agar wood kon lapnisan drea sa rehiyon sa Caraga kung diin naghupot kini og wildlife culture permit nga gi isyu sa ilang buhatan.

Sigon pa sa maong opisyal nga ang nasangpit nga indibidwal anaa naka base sa lungsod sa Trento, Agusan del Sur.

Sumala pa ni CENRO Racho nga ang Agar wood pwede na kining ma harvest pag abot sa walo ka tuig og gi inganyo niini ang katawhan sa pagpananum tungod sa kamahal niini sa merkado. Ang lapnisan mo kantidad matud pa kini sa P50,000.00 matag kilo sa merkado.

Hangyo usab niya (Racho) ngadto sa mga nananum sa maong kahoy sa ilang mga kaugalingong luna nga i rehistro kini aron nga makakuha og Private Tree Plantation Registration tungod kay bawal kini nga putlon o kaha ibaligya kung wala ang maong dokumento.

Sa pagka karon, padayon ang pagpahigayon sa DENR sa pag inventory sa maong kahoy sulod sa rehiyon.

ctto photos

online tv
fm butuan
ruel a.alamo
inday taratitat

16/07/2024

BAI ONLINE TV News:
BAI FM Balita:

GIPANIGURO SA DENR CARAGA NGA MA PROTEKTAHAN ANG PHILIPPINE EAGLES

Gisiguro sa Department of Environment and Natural Resources (DENR) Caraga nga padayon ang ilang pag monitor sa mga Philippine Eagles nga anaa sulod sa rehiyon aron nga dili mahitabo ang nahitabong pagkamatay sa usa ka agila tungod sa samad pinusilan didto sa may Davao de Oro.

Sigon pa ni OIC Regional Executive Director Maritess Ocampo nga gihingusgan nila ang kampanya og pagpahibalo sa komunidad kalabot na sa pagka bililhon sa kinabuhi sa mga endangered nga mga mananap sama sa agila.

Kahibaloan nga aduna usab insidente nga pagpamusil sa agila lima ka tuig na nga ning labay didto sa lungsod sa Kitcharao nga gikabuta sa usa niini ka mata.

Dili usab magpanuko ang DENR Caraga sa pagpahamantang og silot o pagduso og kaso ngadto sa mga responsable sa pagpamusil.

Dugang usab ni RED Ocampo nga padayon usab ang ilang pag edukar sa mga komunidad ilabi na sa adunay mga presensya sa mga agila.

Ctto photos

online tv
fm butuan
ruel a.alamo
inday taratitat

16/07/2024

BAI ONLINE TV News:
BAI FM Balita:

HEPE SA DEPARTAMENTO SA AGRIKULTURA CARAGA GITUBAG ANG ISYU KALABOT SA ALEGASYON NGA PAGPANGILKIL

Gitubag mismo ni Regional Executive Director Arlan Mangelen sa Departamento sa Agrikultura Caraga ang alegasyon kalabot na sa pagkalambigit sa iyang pangalan gamit sa nagpailang personal/private executive kon P.A. sa direktor nga nangayo matud pa sa mga suppliers og porsyento sa matag transaksyon sa ilang opisina.

Sumala pa sa maong opisyal nga aduna na siyay giduso nga reklamo didto sa opisina sa National Bureau of Investigation kon NBI aron nga ma imbestigahan ang maong isyu.

Dugang usab ni RED Mangelen lakip niyang pa imbestigaran ang pagkalambigit sa iyang pangalan sa maong isyu sa usa ka sibyahanan nga walay kongkretong ibendensya.

online tv
fm butuan
ruel a.alamo
inday taratitat

15/07/2024

BAI ONLINE TV News:
BAI FM Balita:

PAHIMANGNO SA MGA DUNAY SAKYANAN NGA NAKA PARKING
Misiaw na usab ang kawatan nga moabli o mang longkab ug mga nakaparking nga sakyanan. Niadtong milabayng gabii 4 ka mga naka parking nga sakyanan sa simabahan sa ICP Villa Kananga ang gilongkab. Basi sa mga nabiktima nangawala ang bililhong butang nga dala nila sa sulod sa sakyanan. Ang mga gilongkab nga sakyanan mao ang Honda Fit, Suzuki Alto, Suzuki Dzire, Hyundai Starex. Ang mga biktima igo lang nisimba apan sa ilang pag balik abli na ang sakyanan ug wala na ang ilang mga importanting kagamitan.
Sumala pa sa kapolisan mag lisod sila sa pag ila sa mga suspitsado gumikan kay walay cctv ang nasangpit nga simbahan.

cttopictures

online tv
fm butuan
ruel a.alamo
inday taratitat

14/07/2024

BAI ONLINE TV News:
BAI FM Balita:

KANHING US PRES.DONALD TRUMP GIPUSIL SAMTANG NAG RALLY

Gipusil og naigo sa tuo nga dalunggan si Republican Candidate Donald Trump atol sa iyang Rally sa Butler Pennsylvania.

Patay usab ang 20 anyos nga namusil, usa ka rally attendee ang namatay ug laing duha ka mga tumatan-aw ang naangol, ang Secret Service miingon sa usa ka pahayag. Ang insidente giimbestigahan pa sa pagkakaron

Ang mga tinugyanan sa pagpatuman sa balaod niingon sa mga tigbalita nga tentatibo nilang giila ang usa ka gidudahang namusil apan dili pa andam nga ipahibalo sa publiko. Matud pa usab nila nga wala pa silay matumbok nga motibo.

Si Trump, 78, bag-o lang nagsugod sa iyang pakigpulong sa dihang milanog ang mga buto. Iyang gigunitan ang iyang tuo nga dalunggan sa iyang tuo nga kamot, dayon gipaubos ang iyang kamot aron tan-awon kini sa wala pa miluhod sa luyo sa podium sa wala pa ang mga ahente sa Secret Service moduol ug gitabonan siya.

Migawas siya mga usa ka minuto ang milabay, natangtang na ang iyang p**a nga "Make America Great Again" nga kalo. Sa pagdala niya sa sakyanan mipataas pa siya sa iyang toong kamot ngadto sa publiko.

Ctto photo


online tv
fm butuan
ruel a.alamo
inday taratitat

14/07/2024

BAI ONLINE TV News:
BAI FM Balita:

RIP : CHINO TRINIDAD
Veteran Journalist ug Sports Commentator
Born July 23 , 1967
Died : July 13 , 2024

Si Trinidad nakasinati ug heart attack Sabado sa gabii July 13 , 2024 samtang padulong pa sa usa ka meeting sa Newport World Resorts kang Efren "Bata" Reyes ug lain pang mga personalidad. Si Trinidad nag idad ug 56 anyos.

Condolence to the brieved Family.

online tv
fm butuan
ruel a.alamo
inday taratitat

13/07/2024

BAI ONLINE TV News:
BAI FM Balita:

WALAY TRABAHO DAKPAN, 4 PAKETE SA GIDUDAHANG SHABU NAKUHA

Pinaagi sa usa ka search warrant, sikop si alyas Maki, 35 anyos human nakuhaan og 4 ka pakete sa gidudahang shabu nga nitimbang sa MOL 3 gramos nga adunay Standard Drug Price nga P20,400.00 sa may alas 10:41 kagabii didto sa Purok 3, Barangay Tandang Sora ning syudad sa Butuan.

Makuhaan usab matud pa ang suspetsado sa mga drug paraphernalias.

Source: BCPO

online tv
fm butuan
ruel a.alamo
inday taratitat

12/07/2024

BAI ONLINE TV News:
BAI FM Balita:

LOOK:

"Be Future Ready. Be an SSS Member Today!" Kinsa kadtong wala pay SSS number, adto na sa Activity Center sa Robinsons Mall Butuan atol sa himoon nga SSS Nationwide Registration Day karong pitsa 15 sa July 2024 adlawng Lunes, 8am-5pm.

online tv
fm butuan
ruel a.alamo
inday taratitat

12/07/2024

BAI ONLINE TV Sports:
BAI FM Sports:

PALARONG PAMBANSA UPDATE:
As of 8:00 PM July 12, 2024 ang Caraga Region nitala na ug 4 ka mga Gold medals 3 ka SIlver ug 4 ka Bronse

online tv

12/07/2024

BAI ONLINE TV Sports:
BAI FM Sports:

NAG TINIIL NGA MIDAGAN SA PALARO (Human Interest Story)
Emosyonal ang kadaugan sa usa ka bata nga Grade 7 gikan sa Leyte sa dihang nakuha niya ang silver medal sa Paralong Pambansa 2024, nidagan siya nga nag tiniil lang.

ctto headz Up Negor News

online tv
fm butuan
ruel a.alamo
inday taratitat

12/07/2024

BAI ONLINE TV Currency:
BAI FM Currency:

Padayon nga nagkataas ang bayloanay sa Peso ngadto sa Dollar, karon adlawa nisira kini sa P58.380 ang baylo sa usa ka Dollar.

update
online tv
ruel a.alamo
inday taratitat

12/07/2024

BAI ONLINE TV Sports:
BAI FM Sports:

2024 Palarong Pambansa Medal Tally Update as of 4:14 PM July 12, 2024 link

https://palarotracer.net/pages/live_gameresult.php?fbclid=IwZXh0bgNhZW0CMTAAAR3MU7pOCE-KQ1wiS4R-h1BaHzGwFQRe--gPyNLwhTZYXdk8p-Np_AlVF-8_aem_vR8Bsyb9ooaM83DDaRsb2A

online tv

12/07/2024

BAI ONLINE TV Sports:
BAI FM Sports:

Nakuha ni 𝗔𝗶𝗿𝗶𝗲𝗹𝗹𝗲 𝗔𝘀𝗵𝗹𝗲𝘆 𝗟𝗮𝗽𝗲 ang unang gold sa 𝗜𝗻𝗱𝗶𝘃𝗶𝗱𝘂𝗮𝗹 𝗘𝘀𝗽𝗮𝗱𝗮 𝗬 𝗗𝗮𝗴𝗮 𝗖𝗮𝘁𝗲𝗴𝗼𝗿𝘆 atol sa Palarong Pambansa 2024 nga gipahigayon sa Cebu City.

Si Lape nag eskwela sa Ampayon Central Elementary School sa Butuan City.
Kauban ni Lape iyang coach nga sila 𝗘𝗹𝗱𝗿𝗶𝗱𝗴𝗲 𝗚𝗼 ug 𝗥𝗼𝗱𝗿𝗶𝗴𝗼 𝗚𝗶𝗯𝗮𝗹𝗮𝘆.
Malipayon ang Lokal nga Panggamhanan sa Butuan sa nakab-ot nga kadaogan ni Lape lakip na sa tanang Butuanon nga gipadala para sa karon nga tuig nga Palarong Pambansa.

online tv
fm butuan
ruel a.alamo
inday taratitat

12/07/2024

BAI ONLINE TV Sports:
BA FM Sports:

CRABAJALES GISAKMIT ANG BULAWANG MEDALYA SA ATHLETICS

Sa report sa Palarong Pambansa Cebu City page, nasakmit ni Chrisbirth M. Crabajales nga taga Madrid National HS, Surigao del Sur, CARAGA Region ang maong medalya human nga nanguna sa Athletics Discus Throw (Secondary Level).

Source: Palarong Pambansa 2024 page
Ctto photos

online tv
fm butuan
ruel a.alamo
inday taratitat

12/07/2024

BAI ONLINE TV Sports:
BAI FM Sports:

CARAGA WALA PAY NASAKMIT NGA MEDALYANG BULAWAN SA PALARONG PAMBANSA

Base sa medal tally sa gipahigayon nga Palarong Pambansa didto sa syudad sa Sugbo (July 11. 8PM), wala pay nasakmit nga medalya ang rehiyon sa Caraga.

Ang National Capital Region, Western Visayas (Region VI) ug CALABARZON nisakmit sa tag 9 ka bulawan nga medalya sa unang adlaw sa paugnat sa kusog.

Sumala pa sa fb page sa DepEd, ang kasagaran medalya nag gikan sa mga esports nga Athletics, Swimming, Arnis, ug Chess.

Source: DepEd Philippines

online tv
fm butuan
ruel a.alamo
inday taratitat

12/07/2024

BAI ONLINE TV News:
BAI FM Balita:

AGILA NGA SI MANGAYON PATAY TUNGOD SA SAMAD PINUSILAN

Gikasubo sa Philippine Eagles Foundation ang pagtaliwan sa usa ka lalake nga agila o Philippine Eagle nga si "Mangayon" tungod sa nahiagom niini nga samad pinusilan.

Sa FB post sa PEF, gikaingon nga na rescue ang maong agila niadtong Hulyo 8, 2024 didto sa Compostella Valley sa Davao de Oro.

Base sa necropsy report, namatay matud pa ang maong agila tungod sa nahiagom niini nga samad pinusilan gikan sa gituohang improvised "jolen" kon marble gun nga niresulta sa severe blood loss.

Nanawagan usab ang PEF ngadto sa mga otoridad sa estriktong pagpatuman sa mga polisiya og balaud og pagsilot sa mga mihimo sa maong susamang krimen.

Photo and source: Philippine Eagles Foundation FB Post

online tv
fm butuan
ruel a.alamo
inday taratitat

11/07/2024

BAI ONLINE TV News:
BAI FM Balita:

J. ROSALES AVENUE SA BUTUAN DILI NA PWEDE PARKINGAN

SA FB post sa City Transportation and Traffic Management Division kon CTTMD, hugot na nga gipatuman ang No Parking Zone sa entiro kadalanan sa J Rosales Avenue (City Hall paingon Capitol), ning syudad sa Butuan.

Makita sa ubos ang kompletong post sa maong buhatan:

𝗡𝗢 𝗣𝗔𝗥𝗞𝗜𝗡𝗚 𝗦𝗔 𝗝. 𝗥𝗢𝗦𝗔𝗟𝗘𝗦 𝗔𝗩𝗘𝗡𝗨𝗘 𝗛𝗨𝗚𝗢𝗧 𝗡𝗚𝗔 𝗜𝗣𝗔𝗧𝗨𝗠𝗔𝗡
Human sa halapad ug agresibo nga information education & communications (IEC) campaign nga gihimo sa CTTMD, hugot nga ipatuman na ang "NO PARKING" zone sa tibook J. Rosales Avenue gikan sa may Provincial Capitol paingon sa City Hall ilalom sa City Ordinance no. 7026-2023 o ang Transportation and Traffic Code sa dakbayan sa Butuan. Busa gi awhag ang tanang motorista nga motuman aron malikayan ang ma clamp o madakpan ug makamulta.

source: cttmd page

online tv
fm butuan
ruel a.alamo
inday taratitat

10/07/2024

BAI ONLINE TV Chicka:
BAI FM Chicka:

2024 PALARONG PAMBANSA,Cebu City

GO CaraGold-Caraga Region
The Flare of Excellence and Artistry.


online tv
fm butuan
ruel a.alamo
inday taratitat

09/07/2024

BAI ONLINE TV News:
BAI FM Balita:

Upat ka mga classrooms sa Panagangan National High School sa lungsod sa La Paz, Agusan del Sur nasunog kagahapon adlawa may alas 4 sa hapon.
Wala na masalbar sa mga bombero ang 4 ka mga lawak sa tulonghaan, padayon pang giimbistigahan ang hinongdan sa maong sunog. Hingpit napalong ang kalayo alas 6:30 sa gabii.
basi sa report sa BFP Caraga La Paz Fire Station

ctto BFP Caraga

online tv
fm butuan
ruel a.alamo
inday taratitat

09/07/2024

BAI ONLINE TV News:
BAI FM Butuan:

TOURIST ARRIVALS SA CARAGA NITAAS SA UNANG KWARTER SA 2024

Nisaka sa 1.40% ang tourist arrivals sa rehiyon sa Caraga sa unang kwarter sa tuig 2024 kompara sa tuig 2023.

Mao kini ang gibutyag ni Department of Tourism Regional Director Ivonnie B. Dumadag pinaagi sa Kapihan sa Bagong Pilipinas nga kini tungod usab sa daghan nga mga tourist destinations nga gitanyag sa mga nagkadaiyang lugar sa rehiyon.

Sumala pa sa datus, 270,663 ang natala nga tourist arrivals sa unang kwarter sa 2024 kumpara sa 266,935 sa 2023 nga maoy hinungdan usab sa pag taas sa kita sa mga negosyo.

Bisan pa man nga mas ubos ang ihap sa domestic tourist arrivals pero mas nitaas usab ang ihap sa international tourist arrivals.

Usa sa mga aspeto sa pag taas sa ihap mao ang pagdugang sa numero sa mga weekly flights ilabi na sa Siargao nga potensyal sa mga turista tungod kay sikat kini isip surfing capital.

online tv
fm butuan
ruel a.alamo
inday taratitat
caraga

09/07/2024

BAI ONLINE TV News:
BAI FM Balita:

TOURIST REST AREA INAGURAHAN SA SIARGAO KARON TUIGA

Gibutyag ni Dept. Of Tourism Caraga Regional Director Ivonnie B. Dumagan nga plano nga buksan karon tuiga ang usa ka Tourist Rest Area sa lungsod sa General Luna sa isla sa Siargao.

Ang Siargao maoy isa sa 22 sa tibuok nasud nga nahatagan sa maong proyekto kung diin usa usab kini sa flagahip project ni DOT Secretary Christina Garcia-Frasco.

Ang maong pasilidad anaa kini souvenir og coffee shop, lounge og uban pa para mamahimong komportable ang mga buot mobiyahe o kaha mobisita nga mga turista.

Dugang pa ni RD Dumanag nga ang maong proyekto mokantidad kini sa 10 milyones pesos.

Dugang pa nga aduna usab plano nga mag tukod nga susamang pasilidad sa dakbayan sa Butuan, Surigao del Sur og Province of Dinagat Island

online tv
fm butuan
ruel a.alamo
inday taratitat