16/07/2020
Pangasinan, mananatiling nasa Modified General Community Quarantine
Mananatili ang lalawigan ng Pangasinan sa ilalim ng Modified General Community Quarantine (Medium-Risk) mula Hulyo 16-31.
Sa kasalukuyan, umabot na sa 127 ang confirmed cases sa lalawigan kung saan 92 dito ang nakarecover, 26 ang kasaluyang naka-confined at 9 naman ang namatay.
Ang 98 ay mula sa mga bayan ng Pangasinan at 29 naman mula sa Dagupan, isang chartered city.
Nakapagtala rin ang lalawigan ng walong bagong kaso noong July 14. Apat sa walong bagong kaso ay pawang mga taga San Nicolas. Kabilang dito ang dalawang babae na may edad na 6 at 8 at 1-taong gulang na lalaki. Ang mga ito ay asymptomatic maliban sa 47-taong gulang na lalaki na nakaramdam ng ubo at sipon.
Wala ring sintomas na naramdaman ang 35-taong gulang na lalaki mula sa San Manuel, 41-taong gulang na lalaki mula sa Malasiqui, 40-taong gulang na lalaki mula sa Labrador, at 23 taong gulang na lalaki mula sa Asingan.
Ang pito ay kasalukuyang nasa Pangasinan Provincial Hospital at ang isa naman ay nasa Isolation Facility San Manuel.
Samantala, dalawang babae mula sa lungsod ng Dagupan, edad 32 at 44 ang nakarecover na.
Sa talaan ng Provincial Health Office, wala nang naitalang kaso ng COVID-19 sa lalawigan muna noong Abril 4.
Ctto:
/Diane A. Tinambacan
