Light News

31/12/2023

🎆Cheers to a fresh start and a year full of exciting possibilities!🎊
‼️HAPPY 😃 NEW YEAR 🎆2024 A.D‼️

26/12/2023

25/12/2023

‼️प्रधानमन्त्री पुष्पकमल दाहाल, प्रचन्डबाट ख्रीष्टमसको शुभकामना

25/12/2023

‼️ ख्रीष्टमस बिशेष अन्तरर्वाताः बालेन शाहका पछिल्ला कदमप्रति पोखरेली ख्रीष्टिय समुदायका अध्यक्षका राय
‼️ख्रीष्टमस ट्री र सान्टा ख्रीष्टमसको केन्द्रबिन्दु नबनोस
watch Full video
https://www.youtube.com/watch?v=FEDTJSxvMD8

20/12/2023

‼️पोखरामा ख्रीष्टमस महोत्सव हुने‼️
पोखरा तथा पोखरा आसपासका सम्पुर्ण चर्चको आयोजनामा पुस १० गते पोखराको प्रदर्शनी केन्द्रमा ख्रीष्टमश महोत्सव हुने भएको छ । महोत्सव मा शुभकामना आदानप्रदानका लागि विशिष्ट व्यक्तिहरूको उपस्थिति रहने छ । ‘सर्वोच्चमा परमेश्वरलाई महिमा र पृथ्वीमा जुन मानिसहरुसँग उहाँ प्रसन्न हुनुहुन्छ, तिनीहरूलाई शान्ति भन्ने मूल नारासहित महोत्सव हुन लागेको हो ।

महोत्सवमा येशू ख्रीष्टको जन्मोत्सवको अवरमा पोखराका चर्च सदस्यबीच शुभकामना आदानप्रदानको लागि महोत्सव आयोजन हुन लागेको हो । महोत्सवमा चर्चित गायक कर्णदास, अमृत पुन, लिलि रसाइली, जोएल खड्का, पिटर थापा, प्रेम तामाङ, अनुज कुलुङ, द गोस्पल र जमार ब्याण्डको बेजोड प्रस्तुती रहने छ । महोत्सव स्थलमा बिहान बिहान १० बजेदेखि ४ बजेसम्म विभिन्न गीत, संगीत नृत्य साथै विभिन्न स्टल रहने छ ।

‘प्रभु येशूको जन्मोत्सवको पावन असरमा पोखराभरिको चर्चबाट शुभकामना आदानप्रदान गर्न हामी जम्मा हुनेछौँ,’ मेला संयोजक सञ्जिव थापाले भने, ‘मेलामा उपस्थिति भएर शुभकामना आदानप्रदान गर्नुहुन सबैलाई हार्दिक अनुरोध गर्दछौँ ।’

19/12/2023

‼️अस्ट्रेलिया क्रिकेट टिमका कप्तान तथा अलराउन्डर प्याट कमिन्स इन्डियन प्रिमियर लिग (आईपीएल) इतिहासकै महँगा खेलाडी बनेका छन् ।
यूएईकाे दुबईमा चलिरहेकाे आईपीएल मिनी अक्शनमा प्याट कमिन्सलाई सनराइजर्स हैदराबादले २० कराेड ५० लाख भारुमा अनुबन्ध गरेकाे हाे ।

11/12/2023

‼️पोखरेली ख्रीष्टिय दिदीबहिनी प्रार्थना संगतिको ३१ औँ वार्षिक साधारण सभा तथा १५औँ अधिवेशन
पोखरा, २५ मंसिर २०८० । पोखरेली ख्रीष्टय समुदाय दिदीबहिनी प्रार्थना संगतिको ३१ औँ वार्षिक साधारण सभा तथा १५ औँ अधिवेशन सम्पन्न भएको छ । उक्त अधिवेशनले विष्णु कुमारी गुरुङ “मार्था”लाई आगामी २ वर्षको लागि अध्यक्षको रुपमा चयन गरेको छ । त्यसैगरी उपाध्यक्षमा हाईमाया गर्वुजा, सचिवमा दुर्गा गुरुङ, सह–सचिवमा लाली तामाङ, कोषाध्यक्षमा सिमा पौडेल रोकाह, सह–कोषाध्यक्ष ईन्दु गुरुङ चयन हुनुभयो । त्यसैगरी सदस्यहरुमा सीता ठकुरी, बिमला ठकुरी, गंगाा पुन, कमला बराल, बिसु गुरुङ, गुड््डी पुन, मार्था पुन, जोशेफा जोशी, रिचल घिमिरे, रोजी थापा, ज्योति गुरुङ गरेर १७ सदस्यीय समिति चयन भयो । संगतिको व्यवथापन संयोजकमा बिनु थापा चयन हुनुभयो ।

नेपाल ख्रीष्टिय रामघाट चर्चमा आयोजित कार्यक्रममा प्रमुख अतिथी पोखरेली ख्रीष्टिय समुदायका अध्यक्ष लाजरस हितैषीले कार्यक्रम उद्घाटन गर्नुभयो । मन्तव्यको क्रममा उहाँले पोखरेली ख्रीष्टिय दिदीबहिनी संगति समुदायसँगसँगै प्रार्थनाको अभिभारा बोकेर हिडेको भनेर बताउनुभयो साथै दिदीबहिनीको प्रार्थनाले सम्पुर्ण मण्डलीमा ठूलो काम र आशिष भएको भनेर समेत बताउनुभयो ।
साधारण सभा तथा अधिवेशनका प्रमुख वक्ता नेपाल ख्रीष्टिय रामघाट चर्चका एल्डर प्रकाश भुजेलले परमेश्वरको वचनबाट जसरी हामीहरुको मुटुले काम गरिरहेको छ र पनि हामीले याद गरिरहेका हुँदैनौँ त्यसैगरी संगतिले पनि निरन्तर प्रार्थना गरिरहेको छ, प्रार्थनाद्वारा धेरै काम भईरहेको छ भनी उत्साह दिनुभयो र जसरी मुटु मुख्य छ त्यसैगरी प्रार्थना पनि अति नै मुख्य भाग छ भनि उत्साह दिनुभयो । कार्यक्रममा असल छिमेकी नेपालबाट प्रतिनिधि प्रतिमा बस्नेत तथा पोखरेली ख्रीष्टिय युवा संगतिका अध्यक्ष सुबास मसिहीले मन्तव्य राख्नुभयो ।

उक्त सभामा वार्षिक प्रतिबेदन तथा कार्ययोजना संगतिकी सचिव दुर्गा गुरुङले प्रस्तुत गर्नुभयो साथै कोषाध्यक्ष हाईमाया गर्बुजाले आर्थिक प्रतिवेदन तथा बजेट प्रस्तुत गर्नुभएको थियो ।

10/12/2023

‼️पोखरा ख्रीष्टियान विश्रामस्थलको अध्यक्षमा पुनः मित्र राई निर्वाचित

पोखरा, मंसिर २३ गते । पोखरा ख्रीष्टियान विश्राम स्थलको दशौँ साधारण सभा तथा पाँचौ अधिवेशनले कनान बप्तिष चर्चका पाष्टर मित्र राईलाई पुनः २ वर्षको कार्यकालको लागि विश्रामस्थलको अध्यक्षको रुपमा निर्वाचित गरेको छ ।
चुनाव आयुक्त लामाचौर चर्चका सह पाष्टर मुक्ति ढकाल र सहयोगी पोखरा बप्तिष चर्चका रेभ.पा के.पी त्रिपाठी र शालोम ए.जी चर्चका पाष्टर भविन्द्र रानाको प्रस्ताव तथा साधारण सभा र अधिवेशनमा उपस्थित भेलाको सर्वसम्मतले पुरानै समितिलाई पुनः २ वर्षको लागि जिम्मेवारी सुम्पेको हो । नौ सदस्यीय कार्यकारणी समितिमा अध्यक्ष मित्र राई, उपाध्यक्ष प्रकाश श्रेष्ठ, सचिव प्रकाश घर्ती “भुजेल”, सह–सचिव प्रमोद शर्मा, कोषाध्यक्ष तिल बहादुर गिरी, सदस्य बाबुराम गिरी, सदस्य टेक बहादुर गुरुङ, सदस्य राम बहादुर गुरुङ, सदस्य प्रेम जलारी रहनुभएको छ ।

नयाँगाउँ चर्च, नयाँगाउँ पोखरामा आयोजित कार्यक्रममा उपाध्यक्ष प्रकाश श्रेष्ठले सबैलाई स्वागत गरेपश्चात कार्यक्रमका प्रमुख अतिथि तथा नयाँगाउँ चर्चका पाष्टर ग्रीष्म केशब पराजुलीले ब्यानरमा हस्ताक्षर गरी कार्यक्रमको उद्घाटन गर्नुभएको थियो । वचनबाट बोल्दै उहाँले मानिसको जीवनको यात्राको अन्त्य एउटै भएको, हामी सबै एक्लै होइन तर एक अर्कासँग सहकार्य गर्दै, धन्यवादी भई अगाडी बढ्नुपर्ने भनेर उत्साह दिनुभयो साथै विस्रामस्थलका मुख्य कार्यहरूलाई सबै मिलर अगाडी बढाउनुपर्ने कुरामा जोड दिनुभयो ।

कार्यक्रममा विश्रामस्थलका सचिव प्रकाश भुजेलले आर्थिक वर्ष २०७९/२०८० को वार्षिक प्रतिवेदन साथै योजनाहरु प्रस्तुत गर्दै विश्राम स्थलका विभिन्न चुनौतीहरुलाई प्रस्तुत गर्नुभयो त्यसैगरी कोषाध्यक्ष तिलक गिरीले आर्थिक वर्ष २०७८र२०७९को आर्थिक प्रतिवेदन र २०८०र२०८१ को बजेट प्रस्तुत गर्नुभएको थियो ।
कार्यक्रममा संस्था तथा सबैको हितका लागि जग्गा व्यवस्थापन, संरक्षण र माटो बिक्री बितरण सम्बन्धी छलफल तथा निर्णय गरियो ।

नवनियुक्त अध्यक्ष मित्र राईले आगामी दिनमा विश्रामस्थलको जग्गलाई विकास र संरक्षण गर्ने, नदीको कटानबाट जोगाउन विभिन्न प्रयासहरु गर्ने साथै व्यक्तिगत नाममा रहेको जग्गालाई संस्थागत गर्नेकाममा लागिपर्ने प्रतिबद्धता जाहेर गर्नुभयो ।

05/12/2023

‼️नवराज बि.क लगायत अन्यको हत्यामा संगलग्नलाई जन्म कैद ।
जिल्ला अदालतले रुकुम पश्चिमको सोती घटना प्रकरणका २४ अभियुक्तहरुलाई जन्म कैदको फैसला सुनाएको छ । पुर्पक्षमा रहेका २३ जना र बाहिर रहेका एक जना गरी घटनाका २४ जना आरोपीलाई जन्मकैदको फैसला सुनाएको हो ।

05/12/2023

❤️माछापुच्छ्रेमा हिउँ

04/12/2023

‼️Good News for EPS Students: 👍उत्पादनमुलक काममा दक्षिण कोरिया जान 15,848 जनाको लागि आवेदन फाराम खुल्ला गरिएको छ ।

04/12/2023

‼️मौसम परिवर्तन भएसँगै नेपालका विभिन्न ठाउँमा हल्का वर्षा भएको छ भने डोल्पा, मनाङ लगायतका उच्च हिमाली जिल्लाहरुमा हिमपात सुरु भएको छ । उच्च हिमाली क्षेत्रका भागहरु हिमपातले सेताम्मै भएका छन् ।❄️❄️
pic: nepaltv.online

03/12/2023

03/12/2023

‼️मारानाथाको अपराजित यात्राः फेरि जित्यो शालोम एजी चर्च कप🏆🏆⚽️
पोखरा, १६ मंसिर २०८०
ख्रीष्टमसको पुर्वसन्ध्यामा शालोम ए.जी चर्च जवान संगतिले आयोजना गरेको प्रथम शालोम ए.जी चर्च कप अन्तर चर्च फुटसल टुर्नामेन्टको उपाधी मारानाथा चर्चले जितेको छ । मारानाथा चर्चले विगतका केहि वर्षहरुमा चर्चका हरेक फुटबल टुर्नामेन्टमा अपराजित रहँदै उपाधि जितेको यो १३ औँ पटक हो ।
रानीपौवा स्पोर्टस सेन्टरमा आयोजित मंसिर १५ र १६ गते भएको यस फुटसल टुर्नामेन्टमा भेडिफारम बप्तिष चर्चलाई ६–३ गोलको अन्तरले हराउँदै मारानाथाले प्रतियोगिता जित्न सफल भएको हो । फाइनल खेलमा मारानाथाका लुकास तामाङले ३ गोल, दिपक तामाङले २ गोल र आइत तामाङले १ गोल प्रहार गरे भने भेडिफारमका सुबास श्रेष्ठले ३ गोल फर्काएपनि उनीहरुले खेल जित्न सकेनन । विजेता प्रथम समुहले नगद ५१ हजार ५१ रुपैयाँ, ट्रफी, मेडल र प्रमाणपत्र प्राप्त गर्न सफल भयो भने उपविजेता भेडिफारमले नगद रु ३१ हजार ३१ रुपैयाँ, ट्रफी, मेडल र प्रमाणपत्र प्राप्त गर्न सफल भयो ।
प्रतियोगितामा नेपाल ख्रीष्टिय तालचोक चर्च बेष्ट टिम (अनुशाषित समुह), बेष्ट किपर मारानाथाका मुमिन तामाङ, बेष्ट प्लेयर मारानाथाकै बिनय तामाङ र हाइ स्कोरर भेडिफारमका अमन लामा घोषित हुँदै नगद, ट्रफी, मेडल र प्रमाणपत्र प्राप्त गर्न सफल भए ।
चाहे तिमीहरु खाओ, अथवा पिओ, वा तिमीहरु जेसुकै गर, सबै परमेश्वरका महिमाको निम्ति गर भन्ने बाइबलको वचनको सन्दशलाई मुल नारा बनाउँदै शालोम एजी युवा संगतिले आयोजना गरेको फुटसल प्रतियोगितामा पोखराका २० वटा चर्चका २४ वटा टिमको सहभागिता रहेको थियो । प्रतियोगिताका संयोजक तिर्थराज तामाङका अनुसार खेल विशेष गरेर जवानहरुको एकतालाई मजबुत बनाउन र उनीहरुमा रहेको प्रतिभालाई प्रस्फुटन गराउने उद्धेश्यले आयोजना गरिएको थियो ।

03/12/2023

‼️काठमाण्डौमा आज यसवर्षको अहिलेसम्मकै चिसो भएको छ । आज बिहानको न्यूनतम तापक्रम ७ दशमलव ५ डिग्री सेल्सियस मापन गरिएको छ । यो यस वर्षको अहिलेसम्मकै सबैभन्दा कम हो ।❄️❄️

30/11/2023

‼️नेपाल आयल निगमले इन्धनको मूल्य घटाएको छ । बिहीबार राति १२ बजेदेखि लागु हुने गरी निगमले पेट्रोलमा प्रतिलिटर दुई रुपैयाँ तथा डिजेल र मट्टीतेलमा प्रतिलिटर चार रुपैयाँ घटाएको छ ।

निगमका अनुसार एलपी ग्यासको मूल्य प्रतिसिलिन्डर २१ रुपैयाँ बढेर आएको छ । अहिले एलपी ग्यासमा प्रतिसिलिन्डर ३०० रुपैयाँ घाटा रहेको निगमको भनाइ छ ।
तर, आमउपभोक्ताको हितलाई मध्यनजर गरेर हाललाई एलपी ग्यासको मूल्य यथावत् राखिएको निगमले बताएको छ।

23/11/2023

‼️पोखरा महानगरपालिका–२४ का वडाध्यक्ष भरतबहादुर अधिकारीलाई जातिय भेदभाव तथा छुवाछुत सम्बन्धी कसुरमा साढे ४ महिना कैद फैसला भएको छ ।
जिल्ला अदालत कास्कीले बिहिबार साढे ४ महिना कैदसहित ७५ हजार रुपैयाँ जरिवानाको फैसला गरेको हो ।
पोखरा– २४ की वडा सदस्य मैया नेपालीले २०७९ माघ ५ गते जिल्ला अदालत कास्कीमा जातिय भेदभाव तथा छुवाछुत सम्बन्धी कसुर मुद्वा दर्ता गराएकी थिइन् । त्यो भन्दा पहिले नै वडाध्यक्ष अधिकारीलाई कारवाहीको माग गर्दै गत २०७९ पुस २४ गते जिल्ला प्रहरी कार्यालय कास्कीमा जाहेरी दर्ता गराएकी थिइन् ।

08/11/2023

‼️Good morning ☀️
Glimpse of Jharlang and lapa (Dhading)

06/11/2023

सादा जीवन उच्च बिचारका धनि कलिन स्मिथ अर्थात् “पुतली बाजे’ को अन्तिम बिदाइ तथा श्रद्धाञ्जलीका सभा आयोजना गरियो । उहाँको पार्थिव शरीर सोमबार बिहान पृथ्वीनारायण क्याम्पस परिसरमा रहेको बटरफ्लाई म्युजियमको प्राङ्गणमा राखिएको थियो । अन्तिम बिदाई तथा श्रद्धान्जली अर्पण गर्नका लागि पोखरा महानगरपालिकाका मेयर धनराज आचार्य, उपमेयर मञ्जुदेबी गुरुङ, पृथ्वीनारायण क्याम्पसका संस्थापक जर्ज जोन सर, पोखरेली ख्रीष्टिय समुदायका अध्यक्ष लाजरश हितैषी लगायत अन्य विशिष्ट व्यक्तिहरुको उपस्थिति रहेको थियो ।
सन् १९३६ मा जन्मिनुभएको कलिन ३० वर्षको युवा उमेरमा सन् १९६६ मा युनाइटेड मिसनमार्फत शिक्षण पेसाका लागि नेपाल आउनुभएको थियो । उहाँको उपचारका क्रममा हरियोखर्क अस्पतालमा ८८ वर्षको उमेरमा निधन भएको हो ।
सानैदेखि हिसाब र विज्ञानमा तीक्ष्ण क्षमता भएका कलिन आफ्नै मामाको पुतली सङ्कलन गर्ने सोखबाट प्रभावित हुँदै नेपालमा पुतलीको अध्ययनमा लाग्नुभएका व्यक्ति हुनुहुन्थ्यो। नेपालका डाँडाकाँडा, भीर पाखा र पखेरा पुगेर पाँच सयभन्दा बढी प्रजातिका पुतली सङ्कलन गरी पृथ्वीनारायण क्याम्पस परिसरमा पुतली सङ्ग्रहालयको स्थापना समेत गर्नुभएको छ। पुतलीको माध्यमबाट नेपाललाई विश्वसामु चिनाउन उहाँको अतुलनीय योगदान रहेको छ ।
कलिन स्मिथको योगदानको कदर गर्दै नेपाल सरकारले २ डिसेम्बर २०१९ मा उहाँलाई सम्मानित नागरिकको दर्जा दिँदै सम्मानार्थ नागरिकता समेत प्रदान गरेको थियो ।

06/11/2023

भुकम्मले फेरी हल्लायो ‼️महशुस गर्नुभयो?

05/11/2023

‼️जाजरकोट भूकम्प अपडेट : ९१० घर पूर्णरूपले नष्ट, दुईहजार ८६१ घरमा आंशिक क्षति

आज आईतबारसम्मको विवरण अनुसार जाजरकोट भूकम्पबाट ९१० घर पूर्णरूपले नष्ट भएका छन् । दुईहजार ८६१ घरमा आंशिक क्षति पुगेको प्रहरीले जनाएको छ ।
भूकम्पबाट अहिलेसम्म १५७ जनाले ज्यान गुमाएका छन् । अन्य २४६ जना घाइते भएका छन् । प्रहरीका अनुसार अहिलेसम्म उपचारपछि १४६ जना अस्पतालबाट डिस्चार्ज भएका छन् ।
शुक्रबार राति ११ बजेर ४७ मिनेटमा जाजरकोट केन्द्रविन्दु भएर गएको ६.४ म्याग्निच्युडको भूकम्प गएको थियो । जसबाट जाजरकोट र रुकुम पश्चिम बढी प्रभावित भएका छन् ।

05/11/2023

‼️उपयोगी प्लेटफर्म हो तर बर्तमान समयमा सेन्सर नगरिँदा यसले थुप्रै बिकृतिहरू भित्राउँदै, अश्लिलता फैलाउने, कलिला बालबालिकाहरूलाई असर पार्ने लगायतका सामग्रीहरू छ्यापछ्यापती प्रसारित भएको हुँदा यो कदम उचित छ 👏।👇👇

03/11/2023

‼️युएईलाई ८ विकेटले हराउँदै नेपाल Cricket T-20 World Cup 2024 मा छनोट भएको छ ।🏏

मूलपानीस्थित क्रिकेट मैदानमा भएको नेपाल र यूएईबीचको खेलमा १३५ रनको लक्ष्य पाएको नेपालले १७.१ ओभरमा लक्ष्य पूरा गरेको हो ।

टस जित्दै ब्याटिङ थालेको यूएईले निर्धारित २० ओभरमा ९ विकेटको क्षतिमा १३४ रन बनाएको थियो ।

02/11/2023

‼️रिगल पक्राउ
कैद मिनाहा गर्ने निर्णय कार्यान्वयन खारेज गर्ने सर्वोच्च अदालतको आदेशसँगै रिगल भनिने योगप्रसाद ढकाल पक्राउ परेका छन् । उनी नेपालगञ्जबाट पक्राउ परेका जिल्ला प्रहरी कार्यालय बाँकेले जनाएको छ ।

सर्वाोच्चको आदेश आएको केहीबेरमै रिगललाई नेपालगञ्जबाट पक्राउ गरेको बाँकेका प्रहरी नायब उपरीक्षक (डीएसपी) नारायण डाँगीले जानकारी दिनुभयो । सर्वोच्चको आदेशपछि रिगल मोबाइल अफ गरेर भाग्ने तयारीमा रहेका प्रहरीले जनाएको छ ।

29/10/2023

‼️आज करिब १२:४५ बजे पोखरा छोरेपाट्नवाट स्तुपा हुदै पुम्दिकोट जादै गरेको ग १ ख ८५८५ नम्बरको माइक्रो बस छोरेपाट्न माथि भिर वाट दुर्घटना । ३५ घाइतेहरुको उद्दार गरि अस्पताल पठाईएकोमा ३जनाको अवस्था गम्भीर, ४ जनाको अवस्था सामान्य जटिल र बाँकी २८ जनाको अवस्था सामान्य रहेको छ ।

22/10/2023

‼️६.१ म्याग्निच्युडको भूकम्प, धादिङको खरी आसपास केन्द्रबिन्दु
धादिङको खरी आसपास केन्द्रबिन्दु भएर ६.१ म्याग्निच्युडको भूकम्प गएको पुष्टि भएको छ। आइतबार बिहान ७ बजेर ३९ मिनेटमा गएको थियो
भूकम्पबाट भएको क्षतिको हालसम्म कुनै विवरण प्राप्त भएको छैन । भूकम्पको धक्का धादिङ, काठमाडौँ, गोरखा, नुवाकोट, कास्कीसहित देशका विभिन्न जिल्लाहरूमा महसुस भएको थियो ।

22/10/2023

‼️Earthquake in Pokhara❓