HausaMedia

06/12/2023

05/12/2023

05/12/2023

FILIN TAMBAYA DA AMSA.
Wannan wani sabon shiri ne da zan dinga gabatarwa a wannan shafin domin amsawa mabiya wannan shafin amsoshin tambayoyin su da s**a shafi kimiyya da fasaha, yanar gizo, dandalin sada zumunta na Facebook, WhatsApp, Tiktok da sauransu.
Yadda tsarin ya ke shine idan kana da wata tambaya ka yi ta kaitsaye a comment section na wannan vedio, ko ka yi mini magana ta messenger tare da gabatar mini da tambayar ka, ni kuma idan na san wannan tambaya zan ba ka amsar ta ta hanyar yin posting a shafi na, ta yadda Sauran mutane za su amfana, idan ban sani ba, zan yi bincike ta hanyar tambayar wasu, sannan na gabatar da amsar da zarar na samu.
Zan dinga gabatar da wadannan amsoshi a cikin Vedio, ko kuma text.

Haka zalika, idan na bayar da amsa, kai kuma sai ka ga cewa da akwai kuskure a ciki, muna maraba da gyara a comment section din posting din da aka yi kuskuren
shin wacce gudummawa za Ka bayar don wannan tsari ya tabbata?
Ka yi tambayar Ka a comment section, Ka yi sharing domin wasu ma si shigo cikin tsarin, haka zalika Ka gayyato abokan ka domin su ma su amfana.

05/12/2023

NIKO TESLA DAN BAIWA A BANGAREN FASAHA.
A ranar 7, January 1948 mai shekaru 86, Nikola Tesla ya mutu a dakin hotel dinsa na New York city. Tesla ya mutu ne a matsayin talaka kuma shi kadai, yana daya daga cikin muhimman mutanen da tarihin su ba zai goge a duniyar fasaha.
Nikola Tesla mutum ne da a kullum burinsa samar da abin da zai taimaka rayuwar mutane, dan baiwa ne shi da ba'a kara yin k**ar sa ba, haka zalika mawaki ne shi akan abubuwan da s**a shafi kimiyya, masanin lissafi, kwararren mai hasashen gaba, masanin kimiyyar physics haka zalika masanin yaruka har guda takwas da ya ke magana da su tamkar yaren sa na farko yarensa na Serbia da Croatia, English, Czech, French, German, Hungarian da kuma Latin, haka zalika mutum ne da ya ke da kyakkyawan hadda, don ya kan iya karanto littafin kimiyya, formulas, da wakoki duk da ha haddace batare da littafin a hannunsa ba.
Kafin mutuwar sa ya kirkiri abubuwa da dama fiye da kowanne dan Adam da ya taba Rayuwa a duniyar, Tesla induction motor, Tesla rotary converter, Tesla Phase system of power transmission, transformer, Steam and gas turbine, Tesla coil wato fasahar da ta ke rarraba Wutar lantarki wirelessly, da wasun su da dama na daya daga cikin abubuwan da ya kirkira,a bangaren fasaha da sauran bangarorin kimiyya don kuwa a kowanne bangare za ka iya samun kirkire-kirkiren Nikola duka a kokarin sa na saukakewa mutane rayuwar su.
Kari akan haka, Tesla induction motor a wannan lokaci daya ne daga cikin abubuwan da 90% na rayuwar mu ta ta'allaqa da shi, inda mu ke amfani da shi a kusan komai da komai na rayuwar mu, duk wasu kamfanunuwan da suke samar da wutar lantarki su na amfani ne da fasahar Nikola Tesla da kuma Fasahar da ya samar na tsarin rarraba wutar lantarkin.
Burin sa da mafarkinsa har ya mutu shine mayar da duk wasu abubuwan da ya kirkira zuwa Abu guda daya, wanda ya Kira wannan aikin da World Wireless System a manufar sa ta samar da wutar lantarki a duka fadin duniya komai nisan wuri batare da amfani da wata waya ba k**ar yadda har yanzu a ke yi, wanda hakan zai saukakawa mutane wajen samun wutar lantarkin cikin sauki, kuma da matukar karfi.
Amma duk da haka an dauki lokaci mai tsayi bayan rayuwar sa kafin tasirinsa da aikace-aikacensa su watsu a cikin duniya kowa ya sani, a karni na ashirin har an fi girmama Einstein da karrama shi akan Nikola Tesla.A cikin littafin The 48 laws of power, marubucin ya rawaito yadda aka yaudare shi, inda da farko yana aiki a kamfanin Edison da ke kasar Serbia wato kasar sa ta haihuwa, sai manager na kamfanin ya tura shi babban reshen kamfanin domin ya yi wani aiki, tare da alkawarin cewa idan ya yi aikin za'a biya sa wasu miliyoyin kudade na dalar amurka tun a wancan lokacin, sai dai bayan ya kammala sai aka ki bashi, ba don Kudi ya ke yi ba, don haka ya dakatar da aiki a wurin kuma ya cigaba da ayyukan sa, bayan wannan lokaci ne kuma ya gano abin da yanzu ake kira Wutar lantarki, A shekarar 1893 kamfanin GE ya saci blueprints na aikin nasa wanda Edison yana cikin su. Abu mafi muhimmanci game da Tesla shine ya sadaukar da rayuwar sa ne gaba daya wajen kirkirar abubuwan da s**a wuce lissafowa, wanda a wannan lokaci wadannan abubuwan duka wani bangare ne na rayuwar mu a yanzu, da ace za'a dauke abubuwan da Nikola Tesla ya kirkira da za ka samu cewa sai komai ya dakata a wannan duniya, shine ya gano wutar lantarki da tsarin da ake rarraba ta har zuwa wannan lokaci, AC, injin tafiyar lokaci, Tesla wave, wireless connection da mu ke amfani da shi wajen kira, bayan wadannan ya kirkiri abubuwa da dama, sannan ya hasaso wasu abubuwa da dama da ya so kirkira, sai dai rashin kayan aiki, da kuma kudi ya sanya bai kai ga cimma nasara ba, wasu kuma su ka ce lokacin kimiyyar nan bai zo ba da Tesla ya samu nasara.
Wannan kadan ne a cikin tarihin Nikola Tesla, zan cigaba da kawo muku wasu muhimman bayanai game da Abubuwan da ya kirkira, maganganunsa, abun da aka ce a kansa da sauran su, kai dai ka yi following wannan shafin, kuma ka gayyato abokanka su yi following, haka zalika ka yi sharing don wasu su amfana!
.

03/12/2023

CZ BAI CE KA YI ABINDA YA YI BA, AMMA KA KOYI DAUKAR KASADA.

Rana irin ta yau, shekaru goma da s**a gabata CZ tsohon mai kula da kamfanin BINANCE ya dakatar da aikin sa, ya sayar da gidansa tare da sanya kudaden gaba daya a bitcoin, hakan ya biyo bayan dogon bincike da nazari akan menene bitcoin da kuma abinda zai zama zuwa gaba, bayan zuciyar sa ta gamsu da abinda ya gano a binciken da yayi, sai kawai ya dauki wannan kasada da a yau ta zama sanadiyar daukakar sa.
A wani posting da CZ ya yi a shafin sada zumunta na X yace ni ba cewa na ke ka yi abinda na yi ba, mutane da yawa suna tambayar cewa ta ya mutum zai dauki wannan kasadar? Ni bayan dakatar da aiki na zan iya kara samun wani aikin cikin sauki, yanayin daukar kasadar kowa yana da banbanci, ka koyi daukar kasada, da yadda ya k**ata ka bi.

Abin nufi a wannan magana shine daukar kasada ya danganta da yadda ka ke gani, shi ya dakatar da aikin sa ne saboda yana da tabbacin zai samu wani cikin sauki, to kai idan ka san ba za ka samu ba, ka da ka gwada, idan a bangaren investment ne a crypto ka sanya abinda idan ka rasa shi ba zai yi maka mummunan tasiri ba, ta yadda zai zamar maka Marsala's ba, ka da ka sake ka ari Kudi domin sanyawa a crypto ko shiga wata kasada, shin ba ka ji labarin abinda kamfanin Netflix ya yi ba, inda wani kamfani ya bashi wasu makudan kudade shi kuma ya yi kasadar sanye stock, wanda a karshe a ka kai ga yin asara.
Wannan shine Ake kira da risk management.

Ka yi following Shafin TechMagg idan ba ka yi, ka yi liking da comments da ra'ayinka game da Abubuwan da muke gabatar wa.

02/12/2023

NA'URAR TSARO TA AMAZON
Tun sha biyar, ga watan November Amazon ya fitar da fasahar Astro Robot dinsa, wanda ya ke bayar da tsaro, ga gida, kasuwanci ko Shago, kuma yana Kula da duk wani Abu da ke karuwa da nisan kafa 5000 daga kowanne bangare na wurin da aka sanya shi.
Tin a ranar larabar aka fara sayar da wannan sakago, da zai dinga bayar da tsaron, za ta iya aiki da kanta ko kuma ka yi amfani da controller din ta na Astro App.
Zuwa yanzu tuni an fara sayar da wannan fasaha, inda za ka siyeta a farashin $1599.99, sannan ka cigaba da bayar da jimilar 179$/month, idan ka so za ka iya subscribing ring version a matsayin 20/month wanda shi kuma zai dinga ajiye maka bayanan abubuwan da suke faruwa tsaron wata shida, da dai sauran su.
SHIN KUWA KA SAN DA AKWAI WANDA TUNI YA KIRKIRI MAKAMANCIYAR WANNAN FASAHA TUN DA DADEWA DAN NIGERIA.
Hadi Usman mazaunin garin gombe a yanzu wanda wasu ke yi wa lakabi da Nikola Teslan NIGERIA, tuni ya kirkiri mak**anciyar wannan fasaha, wacce za ta ba shi damad Kula da motsin komai, da hoton abinda ke bayan gidansa na tsawon fiye da kilometre daya, ba iya wannan ba, shi na shi zai dinga Kula da wurar lantarki da kuma wasu abubuwa da dama da za'a iya yi da fasahar?
Sai dai shi yace har yanzu Bai shirya fara sayar da fasahar ba, idan kuma zai sayar za ta iya wuce fasahar ASTRO ROBOT Kudi, tunda tana yin ayyuka da dama da Astro Robot din ba ya yi.
Idan kai ne za ka siyar da fasahar ne ko kuwa?
Ka yi sharing, tare da gayyato abokanka domin su amfana.

01/12/2023

AMAZON NA SHIRIN JERA KAFADA DA SAURAN MANYAN KAMFANUNUWAN FASAHA, A MATSAYINSA NA KAMFANI SAYE DA SAYARWA.

Bayan taron da kamfanin na Amazon ya gabatar a jiya, na kaddamar da sabon GenAI na Titan Image generator da sauran abubuwa da ya kaddamar kafin wannan lokaci, wani bakon al'amari yana shirin fara afkuwa, inda Amazon ke shirin jera kafada da sauran manyan kamfanunuwa irin su OpenAI, Google, Microsoft da sauran su da dama da s**a kutsa kai zuwa cikin fasahar.

24/11/2023

TARO AKAN LOW-CODE DEVELOPMENTS.

A yau kamfanin LINKSOFT za su yi taro a headquarters na kamfanin Microsoft da ke amurka, domin tattaunawa akan sabuwar fasahar No-coding ko low-code developments

24/11/2023

KAMFANIN OpenAI SUN SANAR DA SHIRIN KADDAMAR DA BUILDER TOOLS AKAN MANHAJAR CHATGPT.

kamfanin OpenAi sun fara shirin shiga duniyar No-coding developments inda za su ƙaddamar da wani dandamali da zai ba wa masu amfani da manhajar ChatGPT za su iya samar da software ta ChatBot, akan shafin, A yanzu haka ana kan gwajin wannan fasaha inda zaka iya ƙirƙirar ChatBot da aka riga aka tsara akan manhajar ka, ko application ko da ace ba ka iya wani programming language ba.
haka zalika, sun fitar da hanyoyin da masu amfani da ChatGPT builder tools za su samu kuɗi da aikin na su.

Ku cigaba da following TechMag domin samun bayanai masu muhimmanci akan fasahar zamani, ku kuma gayyaci abokan ku domin su yi following.

23/11/2023

LinkedIn

Zuwa wannan lokaci shafukan sada zumunta sun yawaita, waɗanda ake amfani da su domin yaɗa abubuwa daban-daban, dukansu da akwai abubuwa kala-kala da mai amfani da su ya ke iya amfana da su, k**ar nishaɗsntarwa, ilmi, kasuwancin yanar gizo, Aikin yi da sauransu da dama.

Mafi yawanci mutanen mu na arewa sun fi sanin social media k**ar irinsu facebook, WhatsApp, Twitter, Telegram, SnapChat, Instagram, Tiktok da sauransu, duka Waɗannan da akwai amfani masu yawa da mai amfani da su yake iya samu, ya danganta da yadda ya fahimci manufar shigarsa social media.
Sai dai bayan waɗancan da akwai social media masu yawa da suke da matuƙar muhimmanci ace kun san su, domin kuwa za su taimaka ƙwarai da gaske wajen kawo cigaba mai yawa a rayuwar ku.
LinkedIn ɗaya ne daga cikin waɗannan social media, an ƙaddamar da ita a shekarar 2003, inda a shekarar 2016 ta zama mallakin kamfanin Microsoft. Dandamalin yana bayar da dama wajen haɗa kan mutane, inda mai neman aiki zai iya zuwa yayi posting CV din sa a ciki, haka wanda ya ke so a yi masa wani aiki, wannan ya ke nuna maka cewa daga cikin manyan amfanin LinkedIn shine samar da aikin yi, sannan kana da damar gayyatar wani da ka san zai iya aikin domin yayi applying da zarar ka ga wani aiki da zai iya.
Izuwa wannan lokaci da akwai masu amfani da LinkedIn kimanin mutane biliyan ɗaya, a faɗin duniya, A shekarar 2021 kamfanin Microsoft ya dakatar da ƙasar China daga yin amfani da daandamalin.

Zaka iya fara amfani da LinkedIn ta hanyar shiga wannan mahaɗin LinkedIn.com, ka yi register, sannan ka binciki yadda zai iya taimaka domin samun abin da kake da bukata, bincike ya tabbata da cewa hatta upwork, freelancer, Fiverr da sauransu, ba su kai Linkedin saurin samun aiki da saukin amfani

23/11/2023

FLOWDIARY

Ƙiyasi ya tabbatar da cewa da akwai fiye da mutane miliyan hamsin a faɗin duniya da ke jin yaren hausa, kashi 70% mazauna arewacin ƙasar mu ne Nigeria, da aka haife su a matsayin hausawa, kuma s**a taso da shi a matsayin yarensu.
Masana sun tabbatar da cewa, koyon abu da yaren ka, shine hanya mafi dauƙi na fahimtarsa fiye da wani yaren, wannan dalili ne ma ya sa ƙasashen da s**a cigaba suke tilasta koyo da koyarwa s cikin yarensu.

Bisa ga wannan dalili Muhammad Auwal AhmadA ɗaya daga cikin matasan arewacin Nigeriya mai burin ganin Matasan mu sun kutsa cikin harkokin kimiyya da fasaha, da dabarun kasuwanci domin dogaro da kansu ya ƙaddamar da makarantar Flowdiary wacce take gabatar da darussa da dama a cikin harshen hausa, sauƙaƙƙen bayani da kuma farashi mai k**a da kyauta, ga duk wanda ya ke fa buƙata.
Kafin ƙaddamar da makarantar Mohidden ya rubuta littafai da dama, da s**a haɗar da Zo mu gina kamfani, Sirrikan sana'o'i chasa'in da tara, duka a cikin harshen hausa, domin sauƙaƙa fahimta, ya ke kuma sayar da su a farashi mai sauƙi, da bai wuce dubu ɗaya ba, k**ar dai darussan Flowdiary da ke ba wa mutum damar siyan kowanne course tun daga beginer har ka ƙware a kuɗin da bai wuce 5k ba.
Daga cikin darussan da ake gabatarwa a flowdiary da akwai:-
1- Android Developments: domin koyon yadda ake ƙirƙirar Android app kala daban-daban, tun daga matakin koyo har ka kware .
2- Web developments: Domin koyon yadda ake ƙirƙirar website daga natakin farko Front-end dev har zuwa backend, har kuma ka zama Full stack developer gaba ɗaya, duka a farashi mai sauƙi.
3-Social media management: Domin koyon yadda zaka kula da shafukan ka na sada zumunta, promoting dinsa da yadda ya k**ata ka dinga bi domin samun mabiya
4- Digital marketing and entrepreneurship: Hanyoyin da zaka koyi yadda zaka tallata hajarka, Tips da zaka bi, domin cin nasara a kasuwancin ka na yanar gizo.
5-Cyber security and ethical hacking: ɗaya ne daga cikin skills ɗin da suke matuƙar kawo kuɗi, kuma bayan haka za ka koyi yadda zaka bawa komai na ka na yanar gizo tsaro, duka a farashi mai sauƙi.
6- China mini importation: Za'a koyar da kai yadda za ka fara ɗauko kaya daga China batare da ka je ba, domin tafiyar da kasuwancinka cikin sauƙi.

Ba iya nan Flowdiary ta tsaya ba, da zarar ka kammala kowanne darasi zaka iya printing ɗin Certificate ɗin ka, wanda za ka iya amfani da shi wajen neman aiki, da sauran su. Haka zalika idan har ka ƙware Flowdiary zata haɗa ka da waɗanda za su ɗauke ka aiki da wannan skill ɗin naka, haka zalika zasu maka jagoranci zuwa ga duk wata hanyar samun kuɗi da Abin da ka koya, wannan kuma wani abu ne da ba zaks iya biya ba, sai dai kawai ka yi godiya garesu.
Domin fara amfani da Flowdiary zaka iya ziyartar website ɗin su Flowdiary.com.ng ko ka dauko application ɗinsu a Play store ta hanyar searching flowdiary ko ks bi wannan link ɗin
https://play.google.com/store/apps/details?id=com.absoft.flowdiary

daga nan sai ka yi register ka fara ɗaukar darussa, ina mai tabbatar maka da cewa za ka gode mini daga baya..

24/09/2023

Free training reveals; How to sell with words aka copywriting without sounding so desperate and watch people pay you like magic even if you've never sold online before.

https://wa.link/xmajqb

✅ Free training
✅ Free resources
✅ Free mentorship

Join training now ⬆️

07/05/2023

THE EVOLUTION: canjuwar halittu (2)

MAHANGAR CANJUWAR HALITTU A WANNAN ZAMANI.
Manazarta a wannan zamani akan nazariyyar canjuwar halittu suna amfani da ilmin wannan zamanin na gene(wasu sinadaran halitta dake kunshe a cikin kwayoyin halittar namiji da mace, kuma sune suke dauke da bayanan dabi'un da ake iya gada daga dangin baya, suna kunshe a chromosome, inda shi kuma ke kunshe a cikin nuclei na kwayoyin halitta, duk wasu bayanai na dabi'un da zaa iya gada suna kunshe a cikin DNA, wanda shi kuma DNA din ke kunshe cikin gene, shi kuma cikin chromosome, haka zalika shima cikin tsakiyar kwayoyin halittu, wannan kuma wani tsari ne na ubangiji) da chromosome(makunshin gene) domin bayanin inda ake samun banbance-banbancen da akan iya gada tsakanin dangin baya da na yanzu wanda shine tsarin da zaben halittu ke aiki bisa kansa. Ita kuma ta samar da jayayyar cewa duk da dai zabin halittu shine karfi daya da a hankali ya haddasa canjuwar halittu, lallai da akwai wani karfin da ya taka muhimmiyar rawa wajen kawo wannan canjin, inda bayan dogon bincike masana kimiyya s**a gano mutation, gene flow, da kuma genetic drift a matsayin wani da suke da ruwa da tsaki wajen canjuwar halittun.
Ba za mu yi bayanin su daya bayan daya:

Mutation:-
Wannan wani canji na kwatsam da kan faru a DNA wanda yake canza bayanan abubuwan da za'a iya gada, bisa ga haka sai a samar da sababbin dabi'u, wannan yana faruwa a kwayoyin halitta (somatic mutation) ko lokacin hada dan ta yi bayan haduwar kwayoyin namiji (s***m) da mace (o**m) wato germline mutation, saidai shi wannan ba'a gadarsa don haka ba shi da muhallin canjuwar halitta.
Somatic Mutation shine hanya kadai da yake kawo canje-canje a gene(jen) bisa ga haka wadannan canje-canje da aka samu wadanda akan iya gada sune s**a samar da canjuwar halitta tsawon lokaci.
Gene flow:-
Shi kuma gene flow a lokacin da halittu daban-daban da suke dangi daya (mutane dss) s**a haihu da juna, gene na mace da namiji kan hadu su samar da wani daban da ke da banbanci da na su ta hanyar daukar bayanan dabi'un kowannen su, bisa ga yawaitar auratayya akan samu watsuwar gene a tsakanin wadannan dangi wanda ya ke assasa samar da sababbin dabi'u wannan shine gene flow.
Idan gene flow ya cigaba da faruwa, har ya zamana halittu da suke dangi daya amma da banbancin wasu dabi'u misali a mutane bature da bakin fata zasu iya haduwa kuma a samar da wata dabi'ar da da babu ita, amma wadanda suke ba dangi daya ba misali kare da akuya gene flow baya faruwa a tsakanin su ma'ana ba za su hadu kuma a haihu ba, sai dai kare da kare, mutum da mutum d.s.s ko da ba kalar su daya ba, misali idan ka dauki sa ai zaka ga suna da kaloli da dama, to idan aka dauki wancan kalar aka hada da waccan s**a haihu, dan zai zama yana da dabi'un kowanne wannan shine gene flow.
a haka za'ai ta samun canje-canje, ma'aunin adadin canje-canjen da aka samu daga wannan zuriya zuwa waccan shine gene pool, wanda idan aka samu banbanci mai yawa tsakanin dangin baya bisa yawaitar lokaci sai a samar da sabuwar halittar da da babu ita.
Abin nufi misali chimpanzees bayan samun canje-canje mai yawa a wasu daga cikinsu sai aka samar da mutum, wanda su kuma ba dangi daya ba ne, da sauransu NB. wannan kawai misali ba wai don ni ma na amince da hakan ya faru ba, yawwa.
Anan gene flow shine yake samar da banbancen da aka fi samu misali a dangi a ga wannan ya yi k**a da wane, wancan da wane da sauransu, shi kuma mutation kwatsam ya ke faruwa ta yadda zaka iya samun da bai yi k**a da kowa ba a zuriya gaba daya, an Haife sa da k**anninsa daban da na uwa da uba.

Genetic drift:-
A lokacin da halittu ba su da yawa, wasu genes din kan yadu fiye da saura bisa ga damarmakin da s**a samu, wanda hakan zai sa wadanda ba sa yaduwa da wuri kan bace da wuri, misali mutane suna rayuwa a karamin tsibiri sai ya zamana cewa wata dabi'a kan yadu fiye da wata, har a hankali wannan dabi'ar mara yaduwa ta bace gaba daya wannan shine genetic drift.
Wadannan abubuwa guda hudu wato zabin halittu, mutation, gene flow, da gene drift sune s**a ja ragamar canjuwar halittu daga na farkon su har zuwa wannan lokaci, har aka samu dangi daban daban.
Daga kuma wadannan bayanan za mu fahimci yadda halittu s**a dinga canjawa daga na farkonsu har zuwa yanzu, wanda tsawaitawar dabi'u (wato samuwar wasu dabi'un) ko rushewa wasu dabi'u ya haifar.
Sannan ya k**ata a fahimci ce halitta guda daya bata canzawa zuwa wata, suna dai rike halayensu ne a tsawon rayuwarsu sannan su mika ga yayayensu, sai dai idan al'umma da yawa ta hadu hakan sai a samar da sababbin halaye.

HausaMedia

07/05/2023

ARTIFICIAL INTELLIGENCE

~GABATARWA

Artificial intelligence a wannan zamani ɗaya ne daga cikin abubuwan da duniya ta maida hankali garesu a fannin fasaha wanda da akwai ƙwaƙwaran dalilin hakan.
A shekaru kaɗan baya mun ga ƙirƙirarrun abubuwa masu yawa da cigaba waɗanda kafin wannan lokaci ana jin su ne kawai a ƙirƙirarrun labaran masana kimiyya ko kuma a matsayin tatsuniya ma'ana dai abin da ba zai taɓa faruwa ba, amma a hankali sai s**a dinga rikiɗewa zuwa gaskiya, idan zan ba da misali da akwai ɗaruruwan abubuwa da shekara ɗari baya aka baka labarin za su kasance zaka ce ƙarya ne, kai hamsin ma baya, mu koma kusa-kusa goma ma baya, amma cikin ikon Allah yanzu sun kasance, har ma sun zama gama-gari kowa ya san su.
To a daidai wannan lokaci ƙwararrun masana fannin fasaha suna bayyana artificial intelligence a matsayin wani ɓangare da za'a maida hankali garesa wanda zai samar da sababbin hanyoyin cigaba, ya kuma kawo canje-canje na yadda ayyuka suke gudana a masana'antu da kamfanoni, da yawan ma'aikata har s**an ƙiyasta cewa nan da shekaru kaɗan masu zuwa wannan fasaha zata samar da abubuwan da zasu maye gurbin ma'aikata waɗanda s**a haɗa da pilots matuƙa jirgin sama kenan, likitoci, kai har ma da malamai da duk wani ma'aikaci ana tsammanin nan gaba kaɗan za'a iya samun sauyinsa da na'urorin AI.
Bayan kuma fasahar ta AI zata kawo cigaba mai ɗumbin yawa a ɓangaren haɓakar tattalin arzikin duniya.
Misali wata maƙalar PWC ta ƙiyasta cewa nan da shekarar 2035 wato shekaru sha biyu kacal masu zuwa fasahar artificial intelligence zata bawa tattalin arzikin duniya gudummawar $15.7trillion wato Dalar Amurka kimanin tiriliyan sha biyar da ɗigo bakwai.
Ƙasashen China da US sune zasu fi amfana da wannan fasaha ta AI inda zasu samu fiye 70% na tagomashin da fasahar AI ne zata kawo ga duniya gaba ɗaya, ba don komai sai don su ne suke jan ragamar wannan fasaha.
Kai a takaice ma dai artificial intelligence ba wai iya sababbin abubuwa ba ne ko kayan aiki a'a wata sabuwar duniya ce ma gaba ɗaya daga abinda yake yi da kansa zuwa ga abinda yake bawa kansa umarnin abinda zai yin ko ma ya ba wasu.

~MENENE ARTIFICIAL INTELLIGENCE.

Artificial intelligence asali dai kalma ce da aka haɗa ta daga kalmomi biyu wato artificial da kuma intelligence, yana da matuƙar muhimmanci fahimtar duka kalmomin biyu kafin mu fahimci asalin ma'anar artificial intelligence ɗin.
Kalmar artificial dai takan ɗauki ma'anar abinda ɗan adam ya ƙirƙira, shi kuma intelligence fassararsa tana da yawa, k**ar gane sarƙaƙun maganganu, koyon wani ilmi, tantance dalilin aikata wani abu,tsare-tsare, zuzzurfan tunani da kuma warware matsaloli a ƙarshe dai za'a iya bayaninsa da cewa iya karɓar bayanai sannan a adana su a matsayin ilmi domin iya rayuwa a wani wuri ko yanayi.
Bisa ga haka intelligence za'a iya keɓance shi ga mutane sai dai wasu dabbobi su ma suna da wani ɓangare na intelligence har ma da tsirrai.
Idan muka yi duba da waɗannan kalmomi biyu zamu iya bayanin Artificial intelligence a matsayin wani yanayi da injinan da mashinan da ɗan adam ya ƙirƙira suke mallaka wani ɓangare ko duka intelligence k**ar yadda ɗan adam ya mallaka, ko kaitsaye ace iyawar injina ko mashina ko na'urori wajen yin wani aiki da ya keɓanci mutum k**ar tunani, koyo, aiki, ƙirƙira da kuma tsare-tsare.
Artificial intelligence shine intelligence da s**a haɗa da karɓar saƙo, haɗa saƙon da kuma isar da saƙon wadanda mashina suke yi, ba k**ar yadda aka saba ba cewa intelligence ana samun su ne ga mutum wato human intelligence ko dabbobi. Misalin ayyukan da suke yi ya haɗa da gane magana, gani, gane yarukan ɗan adam, da sauransu.
Haka zalika za'a iya sanya waɗannan a cikin ayyukan AI, wato Google search ta yadda za'a nuno maka wasu abu da ka fi buƙata bisa ga karantar halayyar ka da zarar ka ziyarci shafin binciken, ko YouTube da Netflix ta hanyar nuno ma kalar videos ɗin da ka fi kalla, Ko gane maganganun mutane k**ar Siri da Alexa, ko motoci Masu tuka kansu k**ar Waymo da Drones, ko masu ƙirƙirar text ko zane k**ar ChatGPT, ko AIart da Dalle.ai da sauran abubuwa marasa ƙirguwa masu sarrafa kansu, har ma machine kan iya koya da ƙara ƙwarewa wajen yin wani abu.
A shekarar 1956 artificial intelligence ya zama wani field da ake karanta, aka kuma cigaba da tsananta bincike, inda kafin wannan lokaci malaman ɓangaren da yawa sun yi ayyuka akai, wanda wannan yunƙuri ya jawo asarar kuɗaɗe, da lokuta saboda rashin samun nasara a hankali kuma sai nasarori s**a dinga biyo baya, da kuma samun kudaɗen shiga.
AI ya yi nutso sosai domin sarrafa ƙwaƙwalwar ɗan adam, kawar da matsalolin sa, da kuma kwafar halayen wasu dabbobi k**ar wani robot da aka ƙirƙira a ƙasar China mai siffar kare, da halayensa da sauransu.
A farkon ƙarni na ashirin da ɗaya, tsananin lissafi da kididdiga yayi kuste zuwa ga fasahar ta AI,inda aka samu manyan nasarori a ɓangaren masana'antu da kuma karantar shi kansa Artificial intelligence ɗin.
Masana a harkar AI sun tsananta bincike a ɓangarori daban da s**a haɗa da tantance dalili, gabatar da wani ilmi, koyon Yaren ɗan adam, da kuma samun damar sarrafa abubuwa , samun damar warware matsaloli masu sarƙakiya, da sauransu wanda ake sa ran nan da wani lokaci za'a cimma manufa.
An ƙirƙiri AI da zaton cewa nan da wani lokaci duk wani intelligence na mutum da akwai lokacin da mashina zasu iya samun ta, har ma su fi shi, wanda wannan ya kawo muhawara akan minds ɗin dan adam, da kuma ƙirƙirar AI ɗin da za su ɗauke duka waɗannan halayen, wanda hakan ya sa masana halayyar ɗan adam da na'ura s**a ayyana cewa idan har aka cimma wannan manufa da akwai lokacin da zai zo su waɗannan AIs ɗin za su zamo abubuwa masu hatsari ga ɗan adam idan ba'a sanya musu abinda zai sanya su su zamo masu kyawawan tunani ba k**ar ɗan adam wanda hakan ke da matuƙar wahala.ARTIFICIAL INTELLIGENCE

~ HausaMedia

07/05/2023

SHIN MENENE AMFANIN GULMA

Wata rana wani mutum ya zo wurin masanin hikima da falsafar daular girka wato Socrates sai yace da shi "ka kuwa san abinda na ji game da abokinka?."
Socrates ya dan yi jimm sannan yace "kafin ka fadi mini bari nayi gwajin matakin taciya uku (the three sieve)."
Mutumin ya maimaita cikin making "matakin taciya uku"?
Socrates yace "ƙwarai kuwa! Ya cigaba da cewa kafin kace komai akan wani ya k**ata ka samu lokaci ka yi duba na tsanaki akan abinda zaka faɗi domin gane me hakan ke nufi, ina Kiran hakan da matakin taciya uku (the three sieve).
Matakin taciya na farko shine GASKIYA! Shin ka bincika tare da samun tabbacin abinda zaka faɗa mini gaskiya ne?.
Mutumin nan yace a'a na ji dai kawai an faɗa ne!.
Socrates yace hakan yayi kyau ka ji dai kawai ana faɗa ne to ba za muje ga matakin taciya na biyu wato KIRKI! shin abinda za ka faɗa mini game da abokina na kirki ne ko akasin sa, Mai kyau ne ko Mara kyau.?

Mutumin ya ce a'a akasin haka ne.

Socrates yace "farko dai abinda kake so ka faɗa mini game da shi Mara kyau ne, sannan kuma ba ka da tabbacin ko gaskiya ne, to ba zamu ga ko zai wuce matakin taciya na uku ko zai wuce shi wato AMFANI, shin ko abinda zaka faɗa mini game da abokina saninsa yana da amfani gareni.?
Mutumin nan yace "a'a fah gaskiya".
Socrates ya yi mamaki ƙwarai kafin yace "abinda zaka faɗa mini game da shi baka da tabbacin kasancewarsa, sannan ba abu ne Mai kyau ba, sannan kuma ba shi da amfani, kai kuwa menene dalilin ka na faɗi mini shi.?.
Ko da ba haka ba a cikin sunnar ma'aiki S.A.W an hana gulma haka zalika a cikin alqur'ani shin me ya sa yanzu gulma ta zama k**ar ruwan dare kowa ya iya ta?.

HausaMedia

07/05/2023

Wani ɗan jarida ya tambayi cat steven, mawaƙin Birtaniya wanda ya koma addinin musulunci shekarun baya cewa " shin meye ra'ayin ka game da faɗin musulunci na cewa ya halatta namiji ya auri mata huɗu a matsayin ka na ɗan yammaci".
Cat steven ya yi murmushi sannan yace " ya k**ata ka san ya nake a baya, kafin zama na musulmi na yi mu'amala da matan da ban san adadin su ba, ni ban ma sani ba ko na samu da daga ɗaya daga cikin wadannan mata, amma a lokacin da nake wannan wukakantaciyyar rayuwa babu wanda ya damu da hakan, sai a yanzu don na zama musulmi, kuma ina auren mace daya, eh banyi niyyar kara aure ba, amma addinin musulunci ya bayar da damar auren har mata huɗu matukar zaka iya kula da hakkin su da kuma ya'yan ka bisa adalci, ka ga mu a yammaci babu kalar wannan tsari, har ya kan kasance uba bai san ɗan sa ba, shi ma ɗa haka, me ke kuwa burgeka da kalar wannan rayuwar".

07/05/2023

THE EVOLUTION:juyawar halittu(1)

1.1 GABATARWA.

yau ina cikin karatu a cikin littafin biology sai na zo kan EVOLUTION, wanda bayan karantawa da fahimtar abinda ke ciki game da hakan sai na yi sha'awar yin rubutu akai, Wanda ba komai ba ne ya bani sha'awar hakan sai wasu abubuwa yan kadan da nake ganin kafircin wadanda s**a yi bincike akan lamarin ya kasa basu damar fahimtarsa.
Shi dai evolution a takaice shine yadda halittu s**a dinga canjawa daga wannan mataki zuwa wannan mataki a tsawon lokaci har zuwa wannan zamani da muke ciki, misali idan ka dauki mutane tarihi ya tabbatar da adawa da samudawa wadanda girman halittar su ya ninka na wannan zamanin, yanayin kwakwalwar su ba kalar na wannan zamanin ba ne, da abubuwa da dama wadanda zaka iya tsinta a gaba, a haka mutane s**a dinga samun canji har zuwa kan mu yanzu, daga haka wata kila ka kai ga fahimtar Inda aka dosa.

1.2 NAZARIYYAR CANJAWAR HALITTU (theory of evolution)
Nazariyya(theory) a takaice shine bayanin hujjoji ko abinda aka gano bayan bincike da nazari aka kuma tabbatar da abin nan a matsayin tabbatacce kuma karbabbe.
A tsawon zamanin da aka rayu mutane sun yi imanin cewa halittu k**ar yadda suke da haka suke yanzu, sai dai masana kimiyya sun yi aiki kwarai wajen gano banbanci mai yawa na halittun baya da na yanzu(tsakaninmu da adawa), da kuma k**anceceniya tsakanin dangin halittu misali mutum da birrai, da sauran halittu kala-kala.

A farkon karni na sha tara(19th century) ra'ayin canjawar halittu ya bijrowa kadan daga cikin masana kimiyya Inda suke tunanin duka halittu sun sauko ne daga mafari daya (wato biri, mutum, bacteria, fungi, dabbobin ruwa da na tudu duk daga abu guda s**a samu, a hankali sanadiyar canjawar halittu sai wannan abu ya haifar da duk halittun da ke doron kasa), wannan daga nan zaka fahimci wadannan masana kimiyya da s**a yi wannan tunani sai a tambaye su, shi kuma abu na farko da ya samar da duka halittu daga ina ya samu?
A shekarar 1809 bafaranshen masanin kimiyyar halittu (French biologist) Lamarck ya wallafa nazariyya mai muhimmanci akan canjawar halittu (evolution), wannan aiki nasa shi ya farar da ra'ayin na canjawar halittu sai dai ba'a karbi aikin nasa ba, bayan haka sai a 1859 Charles Darwin ya wallafa littafi Wanda ya canza yanayin yadda ake kallon ilmin halittu, Wanda yai magana akan yadda halittun wannan zamani s**a canzo daga na farko, a dai wannan zamani masana ilmin rayuwa suna duban canjawar halittu ne da nazariyyar Darwin da kuma ilmin genetics( ilmin yadda halittu suke gado halayen baya, da canje-canjen da ake samu).

NAZARIYYAR LAMARCK.
Lamarck bayan dogon bincike sai ya Samar da nazariyyarsa wacce ake kira gadon samammun dabi'u (inheritance of acquired trait) inda ya bayyana cewa:-

1: karuwar aiki, da raguwar aikin wasu gabobin jiki, sannan
2: gadon wannan canji na dabia da aka samu.
Wato abin nufi anan shine bangaren jikin da aka yawaita amfani da shi zai kara girma, ko iya aikin da aka saba yi da shi, shi kuma akasin haka sai ya zama mai rauni, ko ya rage girma, su kuma masu bin su sai su gaji wannan halayya, bisa ga haka ta wannan hanya sai aka dinga samun canjuwar halittu, lamarck ya gina wannan nazariyya ne bisa tunanin cewa sababbin dabi'un da aka samu kan iya tsallakawa zuwa ga zuriya, don haka yayi imanin cewa sababbin halittu sun samu ne bayan karnika da dama ta hanyar samun sababbin dabi'u da rasa tsofaffi.
Daga cikin misalan da Lamarck ya buga don tabbatar da wannan nazariyyar shine raqumin dawa, inda ya bayyana cewa da farko sun kasance masu gajerun wuya amma sanadiyyar mikar da wuyansu domin su isa ga ganyen bishiyu, wannan mikar da Wuyan na yau da kullum sai wuyan ya kara tsayi, ita kuma wannan sabuwar dabi'a sai ta dinga tsallakawa ga zuriyar su, har zuwa wannan lokaci da suke da dogayen wuya.
Lamarck yayi daidai da ya bayyana cewa ana iya samun sabuwar dabi'a sanadiyyar yawaitar aikin gabbai, ko raguwar aikinsu, misali zamu iya canja yanayin kirar jikin mu da murdewar tsokoki ta hanyar yawaita motsa jiki, amma yayi kuskure da ya nuna cewa wadannan sababbin dabi'u ana iya gadonsu.

NAZARIYYARSA DARWIN
A shekarar 1858 ya samar da sabuwar nazariyya wacce ta canji nazariyyar Lamarck, wacce aka fi sani da natural selection inda ya gina ta a mahanga hudu cewa:-
1- mafi yawan halittu suna samar da yaya masu yawa, wadanda ba dukansu ake tsammanin zasu rayu kuma su hayayyafa ba.
2- yawan halittu yakan zama daidai wa daida, ko da yake ana samun wasu canje-canje.
3-A ko da yaushe akan samu banbance-banbance tsakanin tsatson baya da masu bi musu
4- wasu banbance-banbance kan yawaita a wasu muhallin fiye da saura.

A cikin wadannan mahangai ya kara fitar da wadannan maragai cewa:-
1- dukan halittu ko da yaushe suna cikin gwagwarmayar yadda zasu cigaba da kasantuwa(wato rayuwa)
2- A cikin su Wanda ya iya rayuwa ya kuma hayayyafa sune wadanda yan wasu banbance-banbancen da aka samu ya basu damar gogayya akan saura, wadanda sune suke zama fitattu kuma su samu dabi'un da zasu basu damar cigaba da rayuwa, wannan banbance-banbance da aka samu sai ya koma zuwa ga yayayensu, suma haka har tsawon zamani.
Darwin ya gano matsatsin muhalli a matsayin sanadiyyar zaben halittu, yakan sanya canje-canje su karu yayinda wadanda s**a iya jurewa kan rayu, akasin haka kuma su kare, bayan dubunnan zuriyoyi, wadannan banbance-banbance da matsatsin muhalli ya Samar sai s**a taru tare da samar da sababbin halittu daga na baya, don haka bisa ga nazariyyar Darwin zaben halittu da yake faruwa sanadiyyar matsatsin muhalli shine karfin da ya haifar da canjawar halittu.
Sai dai shima Darwin bai San yadda gadon ke faruwa ba, don haka bai yi bayanin sanadiyyar banbance-banbancen da ke tasowa ba, wannan shine babban abin zargi ga nazariyyar tasa a wancan lokaci, sai dai gregor Mendel dan kasar Austria shine ya fara zana yadda gado yake aiki ya kuma wallafa aikinsa ne a shekarar 1867, sai dai ba'a San shi ba sai a shekarun 1900s inda wasu masana kimiyyar s**a gano muhimmancinsa.
Don haka haduwar ilmin genetics da nazariyyar Darwin shine ya samar da ingantaccen madubi game da evolution:- canjuwar halittu a yanzu.

Zamu cigaba


HausaMedia