Mikiya Hausa Writers Kaduna State

19/04/2023

SOYAYYAR JAMI'A (1)

Gajeren labari

Shehu Sani Lere
.. Gardandami ya tsananta ƙwarai a tsakaninmu, ina magana cikin ɗaga murya a tsakanin ɗalibai 'yan'uwana. Ina maganar ne cikin azanci tare da yin misali da hannu a inda buƙatar hakan ta zo. Ina magana ne game da ɗabi'a da halaye na KATSINAWA, inda na ayyana su a matsayin mutane masu galatsi a duk lokacin da magana ta haɗa ku ba tare da tausasa harshe ko amfani da 'MANƊIKI' ba, s**an furzar ne a yadda ta zo musu a baki.Na cigaba da ce wa, " Idan baku manta ba, Baturen nan ɗan yawon buɗe Ido wato, ' Leo Afurcanos' ya bayyana Zamfarawa ne ke da wannan ɗabi'ar, amma ni kuma na gano ce wa, Katsinawa ma suna da Shi". Ɗaya daga cikin masu sauraron takaddamar, cikin zumuɗi ya goyi bayana akan hakan, ƙila saboda gamsassun misalan da ke manne da bayanina ya jawo haka.

Bayan na sami ɗan zango na hutawa a cikin bayanina, sai na yunƙura na nufi ƙofar shagon 'Business Center' da muke tattaunawa a cikinsa na tofar da yawu na dawo na zauna. Kafin in cigaba, sai kallo na ya kai ga wata doguwar budurwa mai farin launin fata mai kimanin shekaru ashirin da takwas da haihuwa ta zura min Ido ƙyar tana kallona, wanda hakan ke alamta ce wa tana jin daɗin bayanina mai tattare da salo na gamsar da mai sauraro. Sai na yi murmishi na ce " Hajiya ko cikin maganar nan tawa akwai gyara"? Sai ta sunkuyar da kai ta ce " Uhmm, ai ni kallonka kawai na ke yadda ka mai da hankali wajen lissifo halaye da ka ke danganta su da Katsinawa, to kai ka zauna da su ne"? Faɗin haka, sai duk gurin aka kwashe da dariya al'amarin da ya kawo karshen wannan tattaunawa aka cigaba da tattauna al'amarin makaranta.

TA JA HANKALINA
Zan cigaba Insha Allah.

17/04/2023

SAI DA TAIMAKON ANNABI AKE TSIRA!

Idan muka waiwayi Kissar ruwan Dufana, a yayin da Annabi Nuhu ya tattara mabiyansa masu bukatar taimakon Sa a cikin Jirgin ruwa, sai ya hangi Dan Sa Yana kokarin ninkaya da nufin samun wajen tsira, sai Annabi Nuhu yace " Ya Dana, zo ka hau jirgi tare da mu, kada ka zama cikin wadanda zasu hallaka''. Sai Dan naSa yaki shiga, ya nuna baya bukatar taimakonSa Irin su: (Dr. Idris, Baffa Hotoro da masu ra'ayinsu) yace, " A a, zan je in hau waccan tsaunin don ya Hana ni nurse wa daga ruwa". Sai Annabi Nuhu yace " a a, a yau Babu Wani Abu da zai Hana ka nutse wa a ruwa sai rahamar Allah wato, (Jirgin Annabi Nuhu). A karshe dai yaki hawa, ya zamto cikin halakakku.

DARASI

Wannan ya nuna cewa, Kowane Annabi shi ke zama Direban tsirar al'ummar Sa. Wato dai baka da Wani wayo ko Jiji da Kai wajen nuna kafi karfin Neman taimakon Sa. A duk lokacin da ya janye hannunsa ga barin taimakon Ka to ka halaka. Allah ya azurta mu da samun taimakon Manzon Allah.

~~Lerawa
27/04/2023

16/04/2023

BAMBANCIN DA KE A TSAKANIN 'ALIEANS'

Kamar yadda tsarin ginin gangar jikin mutane ta bambanta a tsakanin wata da wata, misali a kwai bambancin tsarin halittar Indiyawa da Turawa ko Chainawa da Jamusawa ko Hausawa da Fulani ta fuskar kirar jiki da hasken fata. To su ma haka Abin yake a cikin Jinsin Halittun da ke duniyoyin Sama-jannati wato 'Aliaens' . A inda zaka ci karo da fararen fatarsu da bake, da masu kaurinsu da sirara. Da masu wuya k**ar marakin lema da masu damemmen ciki, gasu nan k**ar bambancin da ke a tsakanin Basakkwace da Bakabe. Ko Bayarbe da Banupe. iKon Allah kenan, Allah me yadda yaso.

Masu bukatar zuwa ziyartar gani da ido, suna iya yin rijista ta adireshin mu: www.aliansvslerians.com

04/04/2023

Gimbiya Alkinatu, diyar Sarkin Halittun da ke rayuwa a wata duniyar ba wannan ba (Aliens), na Neman mijin aure a wannan duniya tamu don kyautata alakar da ke a tsakanin duniyoyin biyu. Ana iya tuntubarmu a wannan adireshi: www.aliensmarriage.com

25/03/2023

25/03/2023

Siffar halittun da ke zaune a duniyar Mars, wadanda ake ganin sun Fi mutanen da ke cikin duniyar Earth, Zurfin ILIMIN kimiyya da fasahar. An ce an fara samun taimakekeniya a tsakanin al'ummar da ke duniyoyin biyu Earth, Mars a BANGAREN ILIMIN kimiyya, Kuma wai sun fara ziyartar juna a wannan duniyar tamu.

22/01/2023

Sabuwar Cutar DIPHTHERIA ta yi ajalin mutum 25 a jihar Kano.

Karin bayani 👇

IFTILA'I KANO KIWON LAFIYA Sabuwar Cutar DIPHTHERIA ta yi ajalin mutum 25 a jihar Kano. By Admin Sunday, January 22, 2023 Comment Hukumar dakile yaduwar cututtuka ta kasa NCDC ta bayyana cewa cutar ‘Diphtheria’ ta yi ajalin mutum 25 a jihar Kano.Hukumar NCDC ta bayyana cewa ta dauki matakai domi...

19/01/2023

Rundunar Sojojin Kasar Iran Sunyi Wani Gargadi Mai Zafi Zuwa ga Tarayyar Kasashen Turai, Akan Kada su Jawo Abinda Zai Haifar da Yakin Duniya.

Cikakken rahoton👇

News, Sport, Politics, Events, Entertainment, Lifestyle, Fashion, Beauty,

08/01/2023

An Kuma: Ƴan Bindiga Sun Sake Sace Fasinjojin Jirgin Ƙasa a Najeriya

Ƴan bindiga sun sace fasinjoji da dama a tashar jirgin ƙasa dake ƙaramar hukumar Igueben, jihar Edo.

Fasinjojin na jiran zuwan jirgi domin tafiya zuwa Warri cikin jihar Delta lokacin da ƴan bindigan s**a kawo musu farmaki. Jaridar Daily Trust ta rahoto.

Har ya zuwa yanzu ba a samu tabbaci ba kan cewa ko wani ya rasu a yayin harin amma wasu daga cikin matafiyan sun samu raunika, k**ar yadda kakakin hukumat ƴan sandan jihar Edo, Chidi Nwabuzor ya tabbatar.

05/01/2023

Yaƙin Tabuka Da Hikimar Adabin Baka

Daga Shehu Sani Lere

Yaƙin Tabuka, yaƙi ne da ba a kai ga yin sa ba. Amma hikimar baka, ta sanya wani makaho a Arewacin Nijeriya (Na mance sunansa) tsaya wa ya shirya karatu cikin sigar waƙe da kalmomi majeranta masu bibiyar juna masu daɗin ji da saurare ga duk wanda a ke rera wa a gabansa.

Waƙar ta shahara a ƙasar Hausa, ta yadda har Kasa-kasan Karatun a ke saida wa, a riƙa saurara ana girgiza kai wasu na zibda hawaye.

Haziƙin yafi mai da hankali wajen fito da Sadaukantakar Imamu Ali a cikin waken, ta yadda ya nuna Shi a matsayin Zakaran cin galabar yaƙin a kan Mushirikai.

Ya kuma nuna irin ƙarfin hali irin na Kafuran waccan lokaci wajen tsaya wa ƙyam! ba gudu ba ja da baya a kan kafircinsu a inda ya nuna yadda Sarkin Tabukar ya yi fushi mai tsanani a yayin da ya sami labarin Musulmai sun yi alwala da ruwan Tafkin Tabuka, a ganinsa wannan ba ƙaramin gaza wa ba ce a wurinsu su yarda a ɓata musu ruwa har a yi alwala.

Haziƙin yayi amfani da Kambamin Zulaƙe wajen yaba wa ɓangarorin biyu. A ƙoƙarin yaba wa Sayyadi Ali, da fito da Jarumtarsa sarari ya nuna:

1- Ya biyo iska a guje da nufin sare mata kai saboda tayi iƙrararin zuwa tayi masa karya, sai da Manzon Rahama ya cece ta. Da ya sare mata kai tun a waccan lokaci da bamu san wace iska zamu shaƙa yanzu ba.

2- A Ƙoƙarin gwada ƙarfin dokin da zai tafi yaƙi da shi, sai da ya tsistsinka dawakin Madina kakaf! Bai sami mai ƙarfin da zai iya ɗaukarsa ba.

3- An kasa ɗaura masa Sulke a jikinsa saboda gashin jikinsa na yayyanka masu ɗaura masa hannu, sai da wata tsohuwa tace tana bin sa kuɗin daddawa.

4- Dawakan duniya sun kasa ɗaukarsa sai da aka zo da doki daga sama, shi ma kuma ya saɓa shi a wuya saboda ya raina hanzarinsa.

5- A lokacin yaƙin, idan ya kai sara dama yana kashe 1000, hagu 1000, gaba 1000, baya 1000.

6- Dokinsa ya kan taka 1000, ya hankaɗe 1000, ya ture 1000, da dai sauransu.

An yi amfani da salo na jan hankali, tare da sanya wa mai sauraro kwaaɗayi. Allah ya jiƙan mawaƙin.

31/12/2022

https://www.inuwarlabarai.com.ng/2022/12/da-umi-dumi-gwamna-ganduje-ya-sallami.html

JIHAR KANO DA ƊUMI-DUMI: Gwamna Ganduje ya Sallami kwamishinan Addinai Baba Impossible daga kan mukaminsa. By Admin Saturday, December 31, 2022 1 Comment Gwamna Ganduje ya sallami Baba Impossible daga kan Kujerar Kwamishinan Addinai.Cikin wata Sanarwa da Kwamishinan yada LABARAI na jahar Kano Kwama...

30/12/2022

Copy From Alfijir:

Mabiya Shi'a Sun gudanar da gangamin kira na a Saki Sheikh Abduljabbar a Babban Masallacin Ƙasa Dake Abuja a Yau Juma'a.”

30/12/2022

Copy.
An fito da yadda fuskar Firaunan Annabi Musa (Ramesses II) take, bayan shekaru 3,200 da mutuwarsa.

Masana ilimin kimiya na ƙasar Masar da haɗin guiwar takwarorinsu na Birtaniya ne s**a yi aiki, inda s**a samarwa duniya yadda k**annin fuskar Fir'sunan take a lokacin yana raye.

Sun yi amfani da hoton ƙashin kansa ne, tare da aikin gina naman fuskar.

Da farko sun yi ƙoƙarin fitar da hoton yadda yake a lokacin tsufansa, sannan s**a juya 'na'urar shekarun baya har lokacin sa yake kan ganiyar sa a mulki.

Sahar Saleem ta jami'ar Cairo, wanda ta yi aikin ɗaukar 3D na ƙashin kan ce ta yi ƙoƙarin fito da 'kyakkyawan hoton sarkin' .

A cewarta, 'Daskararrar gawar Ramesses ta taimaka min wajen ƙirƙirar fuskarsa'

'Aikin ginawar, ya taimaka wajen samar da yadda rayayyiyar fuskar daskararrar gawar take.

'Na gamsu da yadda ginanniyar fuskar ta fito da hoton kyakkyawan bamisiren, wanda ta yi k**anceceniya da Ramesses II -musamman karan hanci da ƙarfaffan muƙaminsa.'

Ita ma darakta a ɗakin gwajin fuska ta jami'ar John Moores dake Liverpool, Caroline Wilkinson, wanda ta yi aikin sake fito da k**amnin fir'aunan ta faɗi matakan kimiya da aka yi amfani da su.

Ta ce: 'Mun ɗauki hoton ƙashin kan ta hanyar kwamfuta (CT), wacce ita ta bamu hoton 3D na yadda kan yake, wanda muka ɗauka zuwa kwamfutarmu.'

Tech DAD.

26/12/2022

TASIRIN MAGUZANCI A SARAUTAR GARGAJIYA A YAU:

Shehu Sani Lere

Idan har tarihin zuwan Bayajidda ya tabbata (domin akwai shakku ƙwarai), an nuna cewa, sau ɗaya Macijiya take bari a ɗebi ruwa a ranekun mako. An nuna cewa, duk daren Juma'a a kan je a yi mata kiɗe-kiɗe da bushe-bushe domin kamun ƙafa da ta yarda a ɗebi ruwa a wunin Juma'a. Haka wannan al'ada ta kasance har zuwa lokacin da Bayajidda ya sare mata kai.

Wasu manazarta na kallon kiɗe-kiɗe da bushe-bushe da ake yi a ƙofar Fadan Sarakunan Hausa a yau duk daren Juma'a, ya samo asali ne daga waccan tsohuwar al'ada ta bautar Macijiya.

A yau, da yawa wasu masu Sarauta ana yi musu wannan al'ada amma basu san asalinta ba, ƙila ma wasu su ɗauka daga Musulunci ne, ko da yake, tarihi na da kusurwowi da yawa, ƙila a kwai wata ruwayar da ta saɓa wa wannan.

22/12/2022

Adabi: Tunanin Bahaushe Game Da Zalunci: Nazari Daga Tatsuniyar Iccen Ƙosai

Shehu Sani Lere

Gatanan-gatananku. Wani yaro ne ƙarami mahaifansa s**a rasu s**a bar shi a wajen ƙanin mahaifinsa, sun bar masa dukiya mai yawa. Sai ƙanin mahaifin ya hau kan dukiyar, sai ya zamo yana azabtar da shi. Ba a bashi isasshen abinci, sai dai kullum a bashi ƙosai ƙwara ɗaya, sauran yaran gida kuma a basu su ci su ƙoshi.

Ana anan, sai marayan nan ya shuka ƙosan da ake bashi yana zaga wa kullum yana bashi ruwa har ya tsiro ya zama bishiya babba, tayi 'ya'yan ƙosai da yawa. Idan yaji yunwa, sai ya tafi wajen bishiyar ya yi mata waƙa k**ar haka;

"Sauko iccen Maraya, sauko iccen ƙosai".

Sai bishiyar ta rusuno ƙasa-ƙasa, sai ya hau yaci ya ƙoshi, sai ya ƙara yi masa waƙa yace;
"Sama dai iccen Maraya sama dai iccen ƙosai". Sai ya koma, sai ya dawo gida.

Kullum haka, kullum haka. Sai Ƙanin Mahaifinnan nasa ya yi ta mamakin yadda yaron nan yake ƙiba, alhali ba a bashi isasshen abinci.

Sai wata ran ya bi yaron a baya, ya laɓe don ya gano sirrin. Can sai yaji yaron na rera waƙa, sai icce ya sauko yaci ya ƙoshi.

Sai yace "to, koda naji". Bayan yaron ya bar wajen, sai shima yaje ya rera waƙar, sai icce ya sauko, yaci 'ya'yan ƙosai. Maimakon ya sauko, sai kawai ya rera, "Sama dai iccen maraya, sama dai iccen ƙosai". Sai iccen ya yi sama-sama da shi, ya fyaɗo shi da ƙasa, ya karairaye.

Darasi:

A tunanin Bahaushe tun a gargajiyarsa kafin yasan wani abu addini, bai yarda da zalunci ba, hasali ma, yana ganin mummunar makoma ce ta dace ga duk wani Azzalumi ko mai aikata zalunci.

To me yasa, a yau masu addini, a wasu lokuta ma Malamai basu ɗauki zalunci a bakin komai ba?

20/12/2022

Alhamdulillah! Today i received an email from AMNESTY INTERNATIONAL, recommended me as one of their International Member!.

Thank you Mr. Carolon

17/12/2022

KWAMARED A CIKIN MALAMAI:

A dunƙule ana danganta Kwamared ga mutumin da yake da a turence 'Human feelings' ko 'Human sympathy'. A Harshen Larabci kuma 'Insaniyya. Duk waɗannan na nufin mutumin da yake girma ma Ɗan'Adamtaka ba tare da kallon Jinsi ko Launi ko Harshe ko Addini ko Aƙida ba, a a mutum a matsayinsa na mutum kawai a babin adalci. Idan kuwa haka ne, to kuwa babu mutanen da s**a cancanci zama KWAMARAWA k**ar malaman addinin Musiluncin da yace '...Kada gaba da ƙiyayyar da ke tsakaninku da wasu ta hana ku yi musu adalci, a a kuyi adalci, hakan ma shi yafi kusa da tsoron Allah".

Ina bibiyar kalaman Farfesa Maƙari game abubuwan da suke faruwa ga wasu gungun mutanen da ni nasan wallahi Tallahi sun yi hannun riga a aƙida da fahimta, amma kuma ya yi musu adalci, a daidai lokacin da 'yan uwansa Malamai ke Jafa'i akansu. Misali abin da ya gudana a tsakanin El-Zakzaki da Gwamnati shekaru 7 da s**a gabata, naji inda ya nuna a fahimtarsa inda mabiya Malamin s**a yi kuskure, amma kuma irin mummunar matakin da aka ɗauka a kansu tayi tsauri kuma ba a yi musu adalci ba. Ya faɗi wannan ne a daidai lokacin da Manyan Malamai irinsa ke Jinjina da yaba wa ƙoƙarin Gwamnati bisa irin matakin da ta ɗauka a kansu.

Haka kuma, a yayin da aka k**a Shek Abduljabbar, ya fito ya bayyana irin kuskuren Usulubin da Malamin ke bi wajen yin wa'azi, amma dai bai k**ata a ɗauki matakin ƙaƙaba sharrin yin ɓatanci ga ma'aiki ba, a dai nemi wani laifin ba wannan ba. Haka kuma, shi ne Malami na farko da ya bayyana fahimtarsa bayan Kotu ta yanke wa Malamin Hukuncin Kisa, bisa irin adalcin da Ƙur'ani ya bayyana sai mai yin sa ne ke zama cikakken mai tsoron Allah, (ban san ko marasa yin sa ko na iya zama mai tsoron Allah ba).

Haƙiƙa akwai fargabar musulmi ko malami komai girmar rawaninsa ta rasa cikakkiyar 'TAƘAWA' matuƙar ya rasa yin adalci ga nassin Al"ƙur'ani. Don haka, shi dai Farfesa ya yi iya irin nasa saura mu.
SANI SHEHU LERE

16/12/2022

TAGWAYE A HUKUNCI' Sayyid Khutub na Ƙasar Masar da Shek Abduljabbar a Kano Najeriya.

Dukkanin su Malamai ne marubutan Littattafan addini. Sayyid Khutub shi ne marubucin Littafin 'Mu'allim Fiɗɗarik da kuma Tafsirin 'Fizilalil Ƙur'an. ‘Ma’alimun Fid-Darik (Milestone)’ wanda a cikinsa ya bayyana manufofi da kudurce-kudurcen Musulunci da siyasa, ya kuma kalubalanci manufofin Turawan Yamma. Littafin da gwamantin ta ce shi ne kundin manufofin juyin-juya-hali, inda ta haramta shi, kuma bayan fitowarsa da wata takwas kacal, aka kara gurfanar da shi a gaban kotu; inda aka yanke masa hukuncin kisa ta hanyar ratayewa. A ranar 29 ga Agusta 1966 kuma aka rataye shi.

Shi Kuma Shek Abduljabbar Marubuci ne k**ar Takwararsa, inda ya rubuta Lttattafai da dama, k**ar Jauful Fara, Muƙaddima da sairansu, inda yake ƙalubalantar wasu daga cikin hadisai da s**a taɓa darajar Annabi, inda gungun haɗakar malamai da s**a saɓa a fahimta s**a shigar da shi Kotu, kotu kuma bayan sauraron shari'a ta yanke masa hukuncin kisa ta hanyar rataya a ranar 15-12-2022.
Nazari:
Sani Shehu Lere

06/11/2022

Ba Za Mu Iya Biyan Ku Aikin Da Baku Gama Ba – Gwamnatin Buhari Ta Fadawa Malaman Jami’o’i, ASUU Kan Rabin Albashin Watan October

👀

29/09/2022

23/09/2022

Kamar yadda bincike ya nuna shugabar kasar Ethiopia Sahle-Work Zewde ce kadai shugabar kasar da taki shiga kwambar shugabannin Africa da aka sanya su gaba daya a mota Bus yayin bikin binne sarauniyar England Queen Elizabeth.

Ance ta shiga motar k**ar yadda sauran shugabannin Africa s**a shiga sai tace a'a ita baza ta shiga a haka ba k**ar yadda bincike ya nuna.

Tace tana bukatar a girmama ta k**ar yadda aka girmama sauran shugabannin turai..

Bincike ya nuna duk shugabannin Africa a motar Bus aka saka su lokacin bikin mutuwar sarauniyar England

16/09/2022

DA DUMI-DUMI: A shirye muke mu janye yajin aiki –inji ASUU

“Idan har gwamnati na son kasar nan, da yaran kasar nan da iyayensu, to su hau kan teburi mu warware wadannan matsaloli a rana daya."

Me za ku ce?

15/09/2022

YANZU-YANZU :An bukaci DSS ta kamo Gumi ta bincike shi – Ko a barke da zanga-zanga

Wata kungiyar farar hula, mai suna Coalition for Peace In Nigeria (COPIN), ta yi kira ga hukumar tsaro ta farin kaya (DSS) da ta gaggauta k**a fitacen malamin addinin musuluncin nan mazaunin Kaduna, Sheikh Ahmad Abubakar Gumi, ta tuhume shi bisa zargin da ake masa na hulda da ‘yan bindiga/’yan ta’adda.

A cewar COPIN, ya k**ata a gayyaci Gumi ya amsa tambayoyi duba da yadda ya rika shiga dazuka ya yi magana da ‘yan fashi da masu garkuwa da mutane da ke barazana ga tsaron kasa, sannan da yadda kuma ya ci gaba da kira ga gwamnatin tarayya da ta yi wa ‘yan ta’addan afuwa.

A cikin wata sanarwar hadin gwiwa mai dauke da sa hannun shugaban kungiyar na kasa Pharmacist Emeka Akwuobi da Hajiya Fatih Yakub Sakatariyar kungiyar ta kasa, kungiyar masu fafutukar neman zaman lafiya ta ce Gumi na da bayanai da dama da zai bayar kan ayyukan ‘yan bindiga, musamman wadanda ke aiki a yankin Arewa maso Yamma.

Kungiyar ta dage da cewa ta gaggauta k**a malamin tare da gurfanar da malamin a gaban kuliya musamman ganin yadda aka k**a Tukur Mamu wanda shine ke magana da yawun Dr Gumi.

Kungiyar ta kuma kara da cewa k**a Gumi yana da matukar muhimmanci wajen gudanar da zabe cikin kwanciyar hankali, la’akari da yadda zai baiwa hukumar leken asiri wasu muhimman bayanai masu inganci a kan hakikanin wuraren da ‘yan ta’addan ke aiki, da kuma yadda har zai kai ga a iya k**a su.

Kungiyar ta yi barazanar shirya zanga-zangar lumana a Abuja, da sauran garuruwa, idan hukumar leken asirin ta kasa gayyatar Gumi.

14/09/2022

Nayi Namijin Ƙoƙari A Mulkina, Duk Da Jama'a Basa Faɗa inji Shugaba Buhari

Shugaban kasa Muhammadu Buhari ya ce duk da irin nasarori da kyakkyawar gwamnatinsa ta samu amma wadanda ya k**ata su yi magana kan nasarorin da ya samu ba sa yin hakan.

Buhari, ya bayyana hakan ne a jiya Talata a yayin wata liyafar karrama shi da aka gudanar a garin Owerri na jihar Imo lokacin ziyarar aiki ta kwana daya da ya kai jihar.

“La’akari da lokaci da kuma albarkatu, wannan gwamnati ta yi kyakkyawan aiki.Dole ne in fada saboda wadanda ya k**ata su fadi ba su fadi ba. Ban san dalili ba, ”in ji Buhari.

Shugaban ya zargi gwamnatocin da s**a shude da gazawa wajen samar da ababen more rayuwa da bangaren wutar lantarki, duk kuwa da dimbin kudaden shigar da ake samu daga hako mai.

“A kan batun rashin tsaro da ‘yan fashin daji da gadar Neja ta biyu, idan ‘yan Nijeriya za su yi tunani; duk da haka, gaskiyar magana, ina zargin jiga-jigan Najeriya da rashin zama akan matsalolin da kuma yin tunani mai zurfi game da kasarmu,” inji Buhari.

“Tsakanin 1999 zuwa 2015 da muka shigo, zan so mutane su duba babban bankin kasa da kuma kamfanin mai na kasa NNPC. Matsakaicin abin da ake hakowa ya kai ganga miliyan 2 da dubu 100 a kowace rana kan farashin dala 100 kan kowace ganga.

Don haka Nijeriya tana samun riba a wannan lokaci ko wacce rana dala 100 sau yawan adadin ganga miliyan 2 da dubu 100 a wadannan shekarun.

Sai dai kuma, ana s**ar gwamnatin Buhari da tabarbarewar bas**a, da matsananciyar tabarbarewar tattalin arziki da kuma son zuciya wajen magance matsalar Fulani da makiyaya.

Bayanai daga ofishin kula da bas**a na nuni da cewa adadin bashin da ake bin Najeriya ya kai Naira tiriliyan 41 a karkashin jagorancin Buhari.

A yayin da gwamnatin ke shirin ciyo bashin sama da Naira Tiriliyan 11 domin gudanar da kasafin kudin shekarar 2023, gwamnatin Buhari za ta bar wa Najeriya bashin Naira tiriliyan 50 idan ya bar mulki a watan Mayun shekara mai zuwa.

13/09/2022

Da Dumi-Dumi: Kotu ta aika wa ASUU sammaci bayan Buhari ya kai karar su

Kotun kolin masana’antu ta kasa (NIC) ta gayyaci kungiyar malaman jami’o’i ta kasa, ASUU, da gwamnatin tarayya, saboda yajin aikin da ASUU ta kwashe kusan watanni 8 ana yi, wanda ya jefa rayuwar daliban Najeriya cikin kunci da takaici.

Gwamnati ta bukaci Kotu ta umarci ASUU da ta kawo karshen yajin aikin da take yi, ta koma bakin aiki ba tare da bata lokaci ba.

A cewar Daily Post, Kotun ta aike da sakon gayyatan ne a ranar 9 ga watan Satumba, inda ta bayyana cewa za a gudanar da zaman a ranar Litinin 12 ga watan Satumba a Garki, Abuja da misalin karfe 9 na safe.

Hakan na zuwa ne bayan da gwamnatin tarayya karkashin jagorancin Muhammad Buhari ta mika takardar dambarwar kasuwanci tsakaninta da ASUU ga hukumar NIC

13/09/2022

WATA SABUWA!

Hukumar Zabe ta Kasa INEC za ta goge Rijistar Zabe guda Miliyan Daya da Dubu Dari da Ashirin da Shidda da Dari Uku da Hamsin da Tara (1,126,359) daga cikin Mutane 2,523,458 da ta yi wa Rijistar Katin Zabe a tsakanin Watan June zuwa January 2022

A cewar Hukumar, za ta goge adadin1,126,359 na Rijistar ne a dalilin yin Rijista fiye da Daya ko kuma Karancin Shekaru da rashin cikakkun bayanai.

11/09/2022

Farashin Amfanin Gona A wasu Kasuwannin Arewa.

Daga Ja'afar Muhammad Alkali (Ɗan Mainoma)

Farashin kayan amfanin gona a wannan mako daga wasu kasuwannin kayan abinci a sassan kasar nan.

Kasuwar Hatsi ta Dawanau a Jihar Kano

Buhun masara mai nauyin kilo 100-Naira 18,000

Buhun wake mai nauyin kilo 100- Naira 44,000

Buhun dawa mai nauyin kilo 100- Naira 19,000

Buhun gero mai nauyin kilo 100- Naira 26,000

Buhun alk**a mai nauyin kilo 100- Naira 44,500

Buhun shinkafa mai nauyin kilo 100- Naira 62,000

Buhun Irin shinkafa mai nauyin kilo 100- Naira 21,000

Kwandon tumatir- Naira 11,000

Kasuwar Dandume a Jihar Katsina

Buhun masara mai nauyin kilo 100- Naira-17,000

Buhun wake mai nauyin kilo 100- Naira 42,000

Buhun dawa mai nauyin kilo 100- Naira 19,500

Buhun gero mai nauyin kilo 100- Naira 24,000

Buhun alk**a mai nauyin kilo 100- Naira 47,000

Buhun shinkafa mai nauyin kilo 100- Naira 60,000

Buhun Irin shinkafa mai nauyin kilo 100- Naira 19,000

Kwandon tumatir- Naira 12,500

Kasuwar Hatsi ta Kumo a Jihar Gombe

Buhun masara mai nauyin kilo 100-Naira 21,000

Buhun farin wake manya mai nauyin kilo 100-Naira 37,000

Buhun jan wake manya mai nauyin kilo 100-Naira 41,000

Buhun dawa mai nauyin kilo 100-Naira 16,000

Buhun gero mai nauyin kilo 100- Naira 20,000

Buhun gyada mai nauyin kilo 100- Naira 56,000

Kasuwar Hatsi ta Saminaka a Jihar Kaduna

Buhun farar masara mai nauyin kilo 100-Naira 17,000

Buhun jar masara mai nauyin kilo 100-Naira 17,000

Buhun farin wake mai nauyin kilo 100-Naira 42,000

Buhun waken soya mai nauyin kilo 100- Naira 32,000

Buhun shinkafa mai bawo mai nauyin kilo 100- Naira 17,000-18,000

Buhun jar dawa mai nauyin kilo 100-Naira 19,000-20,000

Buhun dauro mai nauyin kilo 100-Naira 25,000

Buhun kalwa mai nauyin kilo 100-Naira 28,000-29,000

Buhun gyada mai bawo mai nauyin kilo 100-Naira 18,000

Buhun waken soya mai nauyin kilo 100- Naira 32,000

Kasuwar Mutum Biyu a Jihar Taraba

Buhun masara mai nauyin kilo 100 – Naira 16,500

10/09/2022

Rabin daliban da S**a Zana NBAIS a bana Sun Tashi da Credit 5 ne~Farfesa Shafi'u.

Daga Ali Ibrahim Yareema

Kaso 78% Na Ɗaliban Da S**a Zana Jarabawar NBAIS Sun Samu Nasara Da Credit 5 duk a cewar Farfesa Shafi’u Abdullahi.

Hukumar Kula da Larabci da Nazarin Addinin Musulunci ta kasa (NBAIS), tace kaso 78% na Ɗalibai, wadanda s**a zana jarrabawar kammala sakandare (SAISSCE) 2022, daga Jihohi 24 da Babban Birnin Tarayya (FCT) ne s**a samu nasarar cin Jabawar, a cikin manyan darussa hudu na Mathematics, English, Arabic, Islamic Studies. Da yake jawabi a wajen gabatar da sak**akon a hukumance a ranar Talatar da ta gabata, Shugaban na NBAIS, Farfesa Muhammad Shafi’u Abdullahi ya ce sak**akon da aka samu na nuni da cewa jimillar Ɗalibai 33977 ne s**a zana jarrabawar, sannan kaso 78% ne da ɗaliban s**a samu nasarar cin jarabawar , cikin manyan kwasa-kwasai hudu wato. Arabic, Islamic Studies , English, Mathematics , da sauran darussan da s**a haɗa da Alƙur'ani, Faransanci, History , Computer Studies , Literature , Government, Geography, Health Education , Home Economics, Biology, Chemistry, Physics, Hausa, Igbo, Yoruba,” inji shi.

Sai dai ya koka da yadda ɗalibai 45,000 ne ake sa ran za su zana jarrabawar sak**akon karin cibiyoyi, amma ya ce an samu raguwar ɗaliban ne sak**akon gazawar wasu gwamnatocin jihohi wajen biyan kudin jarabawar daliban k**ar yanda s**a ma ɗaliban alkawari .

08/09/2022

Dayuwar barkewar yaki tsakanin kasar Iran da isra'ila.

Duk Wanda ya dafawa isra'ila a yayin kai hare-haren ta to zai fuskanci hukunci na dai-dai da abinda yayi inji kasar iran.

Shugaba a bangaren sojan juyin juya halin kasar Iran Gholamali Rashid, yabayyana cewa dukkan kasar da ta taimakawa isra'ila wajen hare-hare to lallai zata biya farashin abinda tayi.

Sai dai kalaman a bangaren soji yananuna lallai idan kasa ta aikata hakan wato nuna goyon baya ko tallafawa isra'ilan to kasar ta Iran zatadau matakin Kai hare-harenta kan kasar kokuma yakar kasar.

Hakan nafaruwane kan lamarin Nuclear na kasar ta iran, inda isra'ilan ke ganin barazanane ga ita dan haka take bugar kirjin sai ta kone kafara sarrafa mak**ashin Nuclear na kasar Iran.

Isra'ilan tasaba irin wannan aiki na kone Tashar makamin na Nuclear in mukai la'akari da yadda ta kone Tashar makamin na Nuclear na kasar Syria.

Kasar Amurika dawasu kungiyoyin duniya sunbayyana cewa sarrafa mak**ashin Nuclear din da Iran keyi daya wuce 60% ka iya zama hatsari ga kasashen na makiya.

HAN Hausa
Daga (U.Akbar)

08/09/2022

Sarauniya Elizabeth ta rasu!

Masarautar Birtaniya ta sanar da rasuwar Sarauniya Elizabeth. Ta Rasu tana da shekara 96; ta kuma kwashe shekaru 70 a kan gadon sarauta.

Me kuke tunawa game da rayuwar wannan shahararriyar Sarauniya?

08/09/2022

“Harshe a wurin ɗan’adam linzami ne na tunani” Daga SANI SHEHU LERE Wannan rubutu ƙarin haske ne ga masu yanke wa ilimin Harshe da Adabi hukunci da mahangar addini, alhali harshe …

05/09/2022

LITTAFI NA UKU
LAILA DA MAJNUN...

Bayan ya farfad’o jakada ya ce masa, “ba na so a ganka, domin jama’a na iya k**a ka su yi maka wulak’anci kafin ka ga Laila. Ga wani kango can ka shiga ka zauna a ciki ka huta domin ka yi tafiya mai yawa. Zan isar da sak’onka ga Laila yanzun nan.” Majnun ya yarda da shawarar jakada ya shiga kangon nan ya zauna zuciyarsa na harbawa k**ar ta tsage. Sak**akon tafiyar da ya sha duk yayi futu – futu. Tufafinsa sun yi jawur da k’ura, gashin kansa duk ya kukkulle, ga kafafunsa sun yi fato – fato da kura da faso da kaushi. Ga shi nan dai yarbajila da shi. Duk da haka, da ya tuna cewar yana garin da Laila ta ke gaba d’aya sai ya ji ransa ya yi fari fat. Ya cika da murna da farin ciki, zuciyarsa ta cika da bege ya rik’a rera wak’a yana cewa:

Na aika sako na wajen masoyiya,
Zuciyata da rayukana gaba daya,
Na mika su dukansu wajenki gimbiya,
Ke ce tawa hakika na fadi gaskiya.
Na sallama miki kaina lahira da duniya.


Daga nan sai gajiya ta k**a shi, ya ji yana so ya kwanta. To amma sai ya rika tunanin shin a wanne bangare Laila take? Domin baya so ya kwanta inda k'afarsa zata rika kallon jihar da take domin a wajensa hakan cin amanar kauna ne.
Zai iya shurinta bai sani ba. Ya tsaya yana tunani, shin tana gabas ne ko yamma ko kudu ko kuwa arewa? Duk inda ya sa kansa sai ya tuna kila a wannan bangaren take, sai yayi maza ya sake waje. Daga baya dai sai ya samo igiya ya daura a kafarsa ya samu gini ya daura kafar, yana zamana yana reto k**ar jemage. A wannan yanayi kuma bai fasa rera mata wak'a ba yana cewa:

Hajjina da Umarata na wajenki,
Makka ta da Madina sune ganinki,
Baitil Mukdis wurina murmushinki,
Arzikina duk ni dai in ga dariyarki,
Na sallama kaina gabadaya a wurinki

Kishin ruwa na damunsa amma babu ruwa a kurkusa, haka ya hakura wutar bege na hura shi, tana kone masa sassan jiki da zuciya. Jakada ya yi sallama k'ofar gidansu Laila ta fito, ya ce mata, "na yi kokari da gaske domin na yi miki magana, game da masoyinki Majnun wanda ban taba ganin tamkarsa ba a fagen so." Ya kwashe labarin duk yadda s**a yi ya fad'a mata. Sannan ya kara da cewa, "yanzu haka na bar shi a bayan gari domin gudun kada a wulak'anta shi idan jama'a s**a ganshi." Da Laila ta ji haka sai tausayinsa ya k**a ta. Ta tafi wajen uwar goyonta ta ce mata, "me yake faruwa ga mutumin da ya yi tafiyar mil dari da ashirin a kasa ba tare da ya huta ba?"
Tsohuwa ta ce, "wannan mutumin ba zai rayu ba mutuwa zai yi." Laila na jin haka sai ta ji ta shiga damuwa, ta sake ce mata, "babu wani magani?" "Magani daya ne a sanina. Dole ya sha ruwan saman da aka ajiye shi akalla shekara d'aya, kuma dole ruwan ya zamana maciji ya sha daga gare shi. Sannan ya daura igiya a kafarsa ya zamana kansa na kallon kasa zuwa wani lokaci. Idan ya aikata hakan watakila zai tsira da ransa."
Da ta ji haka sai ta yi tagumi tana cewa, "wannan magani akwai wahalar samu, kai ba ma zai yiwu ba." Ta d'aga hannu sama tana rok'on Allah ta ce, "Ya Allah mai kulla soyayya, mai bayarwa mai hanawa ka taimaki Qays Majnun ya samu wannan magani." Ta shafa sannan ta yi ajiyar zuciya ta ce, "soyayya bata da magani sai ita kanta." Allah da ikonsa, Majnun na rataye da kafarsa a sama ga kishirwa na addabarsa sai ya kwance igiyar ya tafi neman ruwa. Bai samu ruwa ba sai wani tsohon kasko a wani lungu. Ya tarar wani zabgegen maciji na shan ruwan. Ya kore shi sannan ya kafa kai ya shanye ruwan gaba daya. Ya samu waje ya zauna yana wake - wakensa.
Da gari ya waye Laila ta shirya abinci mai rai da lafiya ta kirawo kuyanga a boye ta fada mata komai sannan ta nemi ta kai wa Majnun inda yake a bayan gari. Kuma ta bata sakon a fada masa cewar ita ma tana nan tana kaunarsa kuma tana son ganinsa, amma da zarar ta samu dama zata zo ta ganshi. Yayin da kuyanga ta je wajen sai ta tarar da mutane biyu. Daya ya hada kai da gwiwa kuma duk ya rame ga kansa nan duguzunzum, dayan kuma mai kiba jawur da shi, sai dai ya manyanta. Kuyangar ta dube su duka biyun ta ga babu wanda ya cancanci Laila ta so shi.
Ita kanta ma ta ji duk basu kwanta mata a rai ba, b***e kuma Laila. Duk da haka domin cika umarni sai ta ce, "a cikinku waye Majnun?" Mai kibar ne kadai ya ji sai ya taso wajenta ya ce, "me ya faru?" Sai ta nuna kwandon abinci ta ce, "cewa aka yi na kawo masa wannan daga Laila." Nan da nan ya karbe abincin yana cewa "ni ne Majnun." Ta fada masa sakon Laila ya yi mata dan wasa haka sannan ya sa abinci a gaba ya cinye. Ya ragewa Majnun dan kadan. Daga wannan rana kullum sai ta kawo masa abinci da sakon baka, shi kuma sai ya cinye ya rage kadan domin Majnun. Kullum Laila kan tambayi kuyanga, "me ya ce ki fada min?" Sai kuyanga ta ce, "wai ya gode madalla da abinci." Laila ta shiga kokwanto anya kuwa Majnun dinta ne? Bayan kwana uku dai da ta gaji sai ta ce da kuyanga, "yaya kika ga k**annin Majnun din?" Kuyanga ta ce, "wani mai kiba yana da saje da kasumba...ya manyanta..." Farat Laila ta ce, "wallahi ba shi ba ne, wannan jakada ne wanda ya kawo min sakonsa. Majnun ba tsoho ba ne kuma ba shi da kiba." Ta dubi kuyanga ta ce, "su nawa ne a wurin?" Kuyanga ta ce, "su biyu ne." Laila ta yi ajiyar zuciya ta ce, "to yau ba za a kai abinci ba, amma zan sa ki musu wata jarrabawa domin mu gane Majnun na gaskiya." Ta bata wuka ta fad'a mata abin da zata yi da ita.

~ Great Uncle Ahmad 🥰.