Daily Nigerian Hausa

Home
Nigeria
Abuja
Daily Nigerian Hausa

A credible Hausa online newspaper with a head office in Nigeria’s capital, Abuja.
(35)

09/12/2024

Burin Tinubu shi ne ko wanne ɗan Nijeriya ya dena kwana da yunwa

Ƙaramin Ministan Noma, Aliyu Abdullahi, ya baiyana cewa shugaban ƙasa Bola Ahmed Tinubu ya duƙufa ne wajen tabbatar da cewa abinci ya wadaci ƴan Nijeriya.

Da ya ke magana a shirin Sunrise Daily na Channels TV a yau Litinin, Abdullahi ya ce burin Tinubu shi ne ya tabbatar da cewa ko wanne ɗan Nijeriya ya kwanta barci a ƙsohe.

Ya ce shi ya sa gwamnatin Tinubu ke kirkiro da shirye-shirye daban-daban don tabbatar da wannan ƙudiri na shugaban ƙasa.

09/12/2024

In dai da gaske gwamnati ta ke to ta riƙa yakar cin-hanci daga manyan ƙasa - Obasanjo

Tsohon Shugaban Ƙasa, Olusegun Obasanjo ya ce kamata ya yi a riƙa fara yaƙi da cin hanci da rashawa daga manyan jami'an gwamnati in dai gwamnatin taraiya da gaske ta ke.

DAILY TRUST ta rawaito cewa Obasanjo ya faɗi hakan ne a wani taro da aka gudanar ta manhajar zoom a juya Lahadi da daddare.

Ya nuna takaicin yadda, a cewar sa, cin-hanci da rashawa na ƙara ta'azzara a ƙasar.

09/12/2024

Gwamnan ya fadi hakan ne a wata sanarwa da kakakin sa, Sanusi Bature Dawakin-Tofa a yau Litinin a yayin da gwamnan ke ƙasar Cyprus domin fafutukar tabbatar da an sallami ɗaliban na Kano da aka riƙe shaidar kammala karatun sakamakon rashin cika kuɗaɗen su.

09/12/2024

Ƴan daba sun kai hari kotu a jihar Edo, sun hana zaman sauraren karar zaben gwamna

Wasu 'yan daba sun mamaye kotun jihar Edo da ke Benin, suna kokarin hana zaman sauraren shari’ar tantance sahihancin sakamakon zaben gwamna na ranar 21 ga Satumba wanda Hukumar Zabe Mai Zaman Kanta ta Kasa (INEC) ta ayyana.

Masu goyon bayan jam’iyyu guda bakwai da ke kalubalantar nasarar jam’iyyar APC suna cikin kotun lokacin da wasu mutane da ba a tantance ba s**a kai musu hari a wajen kotun.

A martani ga lamarin, jami’an tsaro sun gaggauta rufe kofar shiga kotun tare da sanya shingen hanya a kan hanyar da ta kai zuwa kotun.

09/12/2024

Jami'an DSS ba su da hurumin bincikar jakunkuna a filin jirgi - Minista

Ministan harkokin Jiragen Sama da kula Sararin Samaniya, Festus Keyamo, ya bayyana cewa Hukumar Tsaro ta DSS ba ta da hurumin bincikar jakunkuna a filayen jiragen saman Najeriya.

Ya bayyana wannan dabi'ar a matsayin wata aba da ba ta da amfani kuma ba ta cikin aikace-aikacen da hukumar ke da alhakin su kai tsaye.

Yayin da yake magana a shirin The Morning Show na Arise News TV a ranar Lahadi, Keyamo ya yi bayani kan sabbin matakai da aka dauka don rage tsangwama ga fasinjoji da kuma saukaka tsaro a filayen jiragen sama.

Ya jaddada cewa DSS ya kamata ta mayar da hankali kan bincikar mutanen da za su iya zama barazana ga tsaro, musamman ma waɗanda ke tafiya zuwa ƙasashen waje, maimakon gudanar da binciken kayan jakunkuna, wanda ba ya cikin manyan ayyukanta.

“DSS, ba ku da hurumin bincikar jakunkunan mutane. Ku mayar da hankali kan bincikar mutane da ke fita daga ƙasar,” in ji Keyamo.

09/12/2024

Sojoji sun wargaza sansanonin IPOB a Imo, Enugu, da Ebonyi, sun kwato makamai

Sojojin Hadin Gwiwar Rundunar Kudu maso Gabas mai suna Operation UDO KA sun wargaza sansanonin kungiyar haramtacciyar Indigenous People of Biafra (IPOB) da bangaren da s**a dauki makamai, wato Eastern Security Network (ESN), a jihohin Imo, Enugu, da Ebonyi.

Wannan na kunshe ne cikin wata sanarwa da kakakin rundunar, Laftanar Kanal Jonah Unuakhalu, ya fitar a Umuahia ranar Lahadi, wanda aka isar ga manema labarai.

Kamfanin dillancin Labarai ta Najeriya (NAN) ya ruwaito cewa sojojin sun hada da rundunar Sojojin Kasa, Sojojin Ruwa, da Sojojin Sama tare da hadin gwiwar ‘Yansanda, DSS, da Hukumar Tsaro da Kare Fararen Hula ta Najeriya (NSCDC).

Unuakhalu ya bayyana cewa, rundunar hadin gwiwa ta wargaza sansanin IPOB a Uhuala-Aku, karamar hukumar Okigwe ta jihar Imo ranar Juma’a.

Ya kara da cewa mambobin IPOB din sun gudu cikin rudani zuwa cikin daji mai makwabtaka sakamakon karfin wutar sojoji.

09/12/2024

Hukumar Kwastam ta samu mace ta farko da ta zama matukiyar jirgi

Mataimakiyar Sufuritanda Kwastam (Mai tukin Jirgi) Olanike Balogun ta kafa tarihi a matsayin matar farko da ta zama matukiyar jirgi a Hukumar Kwastam ta Najeriya (NCS), inda ta taka rawar gani wajen karya shingaye a fannin zirga-zirgar jiragen sama.

An haifi Balogun a Kaduna, kuma asalin ta daga karamar hukumar Odo-Otin, Jihar Osun. Tafiyarta ta fara ne a shekarar 2002 lokacin da aka dauke ta aikin Kwastam a matsayin Mataimakiyar Ma'aikaciya domin yin aiki a matsayin ma'aikaciyar cikin jirgi a sashen sufurin jiragen sama na hukumar.

Da take magana a wata hira kwanan nan, DSC Balogun ta bayyana yadda burinta mai karfi da tallafin Hukumar s**a taimaka mata daga matsayin ma'aikaciyar jirgi zuwa samun lasisin zama matukin jirgi. Ta ce, “Tsayawa a Hukumar lokacin da yawancin abokan aikina s**a koma wuraren da ake biyan albashi mai tsoka a kamfanonin jiragen sama babban kalubale ne, amma na jajirce don ba da gudunmawata ga hidimar jama’a tare da cimma burina na zama matukin jirgi.”

Nasorinta a aiki sun hada da samun Diploma mai zurfi a fannin Tikitin Jiragen Sama da Ayyukan Ma’aikatan Cikin Jirgi, Digiri na biyu a Fannin Gudanar da Jama’a daga Jami’ar Ahmadu Bello, da kuma samun takardar shaidar zama matukin jirgi daga Flying Academy a Miami, Florida, da Hukumar Kwastam ta dauki nauyin horon.

Shugaban Hukumar Kwastam, Adewale Adeniyi, ya yaba da jajircewar ta, yana mai cewa nasararta shaida ce ta yadda Hukumar ke ba da muhimmanci ga inganta ma’aikata da sabbin hanyoyin ci gaba. Ya ce, “Labarin ta yana nuna abin da za a iya cimmawa da jajircewa da kuma tallafin hukuma.”

09/12/2024

Gwamnatin Kaduna ta gargaɗi masu riƙe da muƙamin kan wallafa saƙuna marasa amfani a kafafen sadarwa

An bada wannan gargaɗi ne a wata sanarwar bayan taro da aka fitar bayan kammala horo na kwanaki biyu ga masu riƙe da muƙaman, waanda ofishin shugaban ma'aikata na jihar, da kuma babban sakataren na musamman ga gwamnan jihar su ka shirya.

Sanarwar ta nuna cewa yawan wallafa saƙuna barkatai na iya zubar da kimar gwamnatin a idon al'ummar.

An kuma hori masu riƙe da muƙaman da su yi riƙo da ƙa'idoji da dokokin aikin gwamnati don tsira daga zubar da kimar kan su da ta gwamnati da kuma janyo wa kan su matsaloli.

09/12/2024

Akume ya baiyana hakan ne a wani shirin siyasa a gidan talabijin na TVC a juya Lahadi, Sakataren Gwamnatin Taraiyar ya ce ko ɗan arewa zai hau mulki to dole fa ya jira sai bayan Tinubu ya kammala shekarun sa takwas akan karagar mulki.

08/12/2024

Ofishin jakadancin Egypt ya kubutar da ƴan ƙasar su 102 da su ka je Umrah sakamakon ƙarewar biza

Ofishin jakadancin Egypt da ke Jeddah, Saudiyya ya sulhunta wata matsala da ta shafi alhazan Umrah ƴan ƙasar da aka bar su ba tsuntsu ba tarko a kofar ofishin jakadancin na Madina.

Lamarin ya faru ne sakamakon ƙarewar wa'adin bizar su bayan sun sauka a birnin bayan sun kammala Umrah.

Daga nan ne Jakadan kasar Egypt, tare da hadin gwiwar ofishin fasfo na Saudiya ya yi ta fafutukar kubutar da su bayan da tuni tafiyar su zuwa gida ta samu tsaikon kisan awanni 24.

08/12/2024

Gasar Firimiya ta Ƙasa: Pillars ta doke Katsina United 1-0 a wasan hamaiya

Ƙungiyar Ƙwallon Ƙafa ta Kano Pillars ta doke takwararta ta Katsina United 1-0 a wasan hamaiya a tsakaninsu.

Ɗan wasan gaba, Abba Adam , wanda aka fi sani da Oscar nenya jefa ƙwallon tun a minti na 34 da take wasan, inda kwallon ɗaya tilo ta makale har zuwa lokacin tashi a filin wasa na Sani Abacha da ke Kofar Mata a jihar Kano.

Sai dai kuma DAILY NIGERIAN HAUSA ta gano cewa wasan ya bar baya da ƙura bayan da fadan daba ya tashi bayan wasan.

Wasu ganau sun shaida mana cewa a kan tashi daga wasan sai aka ga matasa su na ta zare muggan makamai su na yin kan jama'a, lamarin da ya haifar da guje-guje a yankin filin wasa na Sani Abacha .

"Wallahi ina kan babur na kusa zuwa Kofar Mata, sai na ga ana ta gudu. To ban tsaya ba sai ma ci gaba da tuƙi, ai kuwa ina zuwa daidai junction din Kofar Mata kawai sai naga daruruwan matasa da makamai su na kokarin sarar juna.

"Na rasa ya zan yi, sai na yi sa'a na shiga jikin wata motar kurkura, nan na yi sa'a mu ka wuce lafiya," in Lawan Fagge, mazaunin birnin Kano.

A cewar wani mai goyon bayan Pillars, Habu Idris, wai su yaran sun ci alwashin cewa sai sun far wa magoya bayan Katsina United ko da Pillars din ta lashe wasan.

A cewar wani mai suna Ibrahim Barau, "wallahi da ido na na ga yaran sun wuce da makamai a cikin buhu.

"Da bakin kwari zan ke na ciri kudi a bankin UBA, sai na fasa na wuce zuwa Bello Road na fita a can,"

DAILY NIGERIAN HAUSA ta gano cewa lamarin ya jefa al'umma da dama cikin fargaba da tinziri, inda ƴan kasuwar Kantin Kwari su ka riƙa rufe shaguna tun kafin a tashi daga wasan.

08/12/2024

Sojoji sun lalata maboyar ƴan bindiga tare ƙwato makamai da oota a Taraba da Benue

Sojojin Runduna ta 6 na Rundunar Sojan Nijeriya/Sashe na 3 na Operation Whirl Stroke (OPWS) sun samu gagarumar nasara a ci gaba da aikin soji na dawo da zaman lafiya da tsaro a Jihar Taraba da wasu sassan Jihar Benue karkashin shirin "Operation Golden Peace."

A ranar 7 ga Disamba, 2024, sojojin sun gudanar da aikin kawar da bata gari da aka tsara sosai a yankunan Akahagu da China a Karamar Hukumar Ukum, Jihar Benue.

An ci gaba da aikin zuwa kauyen Ikayor, inda sojojin s**a fafata da ‘yan bindiga a wani sansani da aka danganta da sanannen dan ta’adda da ake nema ruwa a jallo, Akiki Utiv, wanda aka fi sani da “Full Fire.”

A lokacin arangamar, sojojin sun yi amfani da karfin wuta mai yawa, wanda ya tilasta wa ‘yan bindigar tserewa cikin rudani da barin sansaninsu.

Bayan fafatawar, an kwato wata mota kirar Toyota Corolla ja da babur. A yayin binciken motar da aka bari, an gano wando na kamuflajin soji, bindigar Beretta tare da harsashi daya na 9mm, da wasu kayan daban.

Da yake magana kan aikin, Kwamandan Runduna ta 6, Birgediya Janar Kingsley Uwa, ya jinjinawa sojojin bisa jarumtaka da jajircewarsu duk da kalubalen da suke fuskanta. Ya kuma tabbatar wa mazauna Taraba da Benue karkashin Sashe na 3 na OPWS cewa sojoji za su ci gaba da kasancewa masu jajircewa wajen tabbatar da zaman lafiya da tsaro a yankin.

Ya kuma yi kira ga jama’a da su ci gaba da bayar da bayanai masu inganci da na lokaci don taimakawa kokarin hukumomin tsaro.

08/12/2024

YAU NE RANAR FA

A yau Lahadi za a fafata wasan hamayya tsakanin Kano Pillars da Katsina United a filin wasa na Sani Abacha da ke jihar Kano.

08/12/2024

Assad ya tsere daga Syria, a yayin da 'yan tawaye su ka ƙwace iko da ƙasar

A yayin da 'yan tawaye s**a mamaye babban birnin Syria, gwamnatin Assad ta kiɗime inda rahotanni s**a ce shugaban ƙasar ya shiga jirgin sama ya tsere zuwa birnin Homs.

'Ya tawayen Syria sun ƙwace babban birnin Damascus amma ba a san inda Shugaba Bashar al-Assad yake ba, a yayin da rahotanni ke cewa ya shiga jirgin sama ya tsere daga Damascus zuwa birnin Homs.

A yayin da 'yan tawayen s**a karɓe babban birnin, wasu rahotanni a shafukan sada zumunta na intanet na cewa Assad ya arce bayan gwamnatinsa ta rushe.

Wasu shafukan intanet da ke bin diddigin tashi da saukar jiragen sama sun ce wani jirgi ya tashi daga filin jiragen saman Damascus kuma daga bisani an hango shi ya nufi birnin Homs ko da yake daga nan ba a ƙara jin ɗuriyarsa ba.

Wasu rahotanni da aka wallafa a shafin X sun ce jirgin yana ɗauke da Assad.

Kazalika akwai rahotannin da ke cewa jirgin ya yi ƙasa-ƙasa zuwa ƙafa 1,600 kafin a daina jin ɗuriyarsa kuma an ce an ji yana "wata tafiya da ba a saba gani ba."

Wakilin TRT World ya ruwaito cewa Assad ya tsere zuwa Iran ko Rasha bayan 'yan tawaye sun ƙwace Damascus.

'Yan tawaye sun shiga tsakiyar birnin Damascus ranar Lahadi bayan gwamnatin Assda ta kasa kare kanta. Daga bisani sun isa fadar shugaban ƙasa.

TRT Afrika

07/12/2024

Masu neman aiki 45,689 ne a yau Juma'a su ka zauna jarrabawar neman aiki a Kamfanin Mai na Ƙasa, NNPCL a cibiyoyi daban-daban a fadin Nijeriya, ciki har da masu buƙata ta musamman.

Shima shugaban NNPCL na ƙasa, Mele Kyari ya ziyarci cibiyar jarrabawar ta Abuja da ke Ansar-Ud-Deen Society Centenary Resource Centre in Maitama, Abuja, don gane wa idanun sa yadda jarrabawar za ta kaya.

Allah Ya bada sa'a

07/12/2024

Temitope Familusi da Gabriel Familusi wasu ma'aurata a jihar Ogun da su ka shafe shekaru 24 da yin aure ba su samu haihuwa ba, sun haifi ƴan-uku rigis.

Ma'aikatan sun shaidawa jaridar PUNCH cewa ba irin ƙoƙarin da ba su yi na samu haihuwa ba tun farko-farkon auren su amma sai yanzu Allah Ya yi.

07/12/2024

Menene wannan kuma me a ke da shi?

Address

Plot 111B Chinyeaka Ohaa Crescent
Abuja

Website

http://hausa.dailynigerian.com/

Alerts

Be the first to know and let us send you an email when Daily Nigerian Hausa posts news and promotions. Your email address will not be used for any other purpose, and you can unsubscribe at any time.