25/06/2024
Amumanga atadyetsa ndalama zoposa K13m kujuga ya mlosera
Apolisi m’boma la Nsanje amanga wachiwiri kwa mkulu wowerengetsera ndalama za kampani ya lamya za m’manja ya TNM pomuganizira kuti wawononga ndalama zoposa K13 million atazidyetsa kujuga ya mlosera m’bomali.
M’neneri wa apolisi m’bomali, Agness Zalakoma, watsikimiza za kumangidwa kwa a Tadala Starch, omwe ali ndi zaka 31 zakubadwa.
Malingana ndi Zalakoma, kumangidwa kwa a Starch kwadza kutsatira kafuku-fuku yemwe anachitika pa 18 June ndi akatswiri wofufuza ndalama ku kampaniyi zomwe zinaulula kuti ndalama zokwana K13 million zikusowa.
