Арга Билиг Радио ФМ95.7 Argabilig FM95.7 - Утастай мэндчилгээ

БИДНИЙ ЭРХЭМ ЗОРИЛГО БА ЗОРИЛТУУД
“Арга билиг” 95.7 радио байгууллагынхаа эрхэм зорилгыг “Монгол хэлний цэвэр тунгалаг, уран яруу хэллэг, үгийн баялаг, оновчтой сонголт, зөв дуудлага бүхий хэл ярианы соёлыг түгээн дэлгэрүүлэх” гэж тодорхойлоод үүнтэй уялдуулан дараах зорилтуудыг дэвшүүлэн ажиллаж байна. Үүнд:
- Сэтгэлд хоногшсон шилдэг аялгуу дууг дээжлэн хүргэх,
- Сонсоход тааламжтай шинэлэг бүт

ээлийг дэмжин уламжлах,
- Сонсогчдынхоо сонорыг мялааж, дурсамжийг хөглөн, ажлын урам зориг, амьдралын эрч хүчийг ая дуугаар бэлэглэхийг эрмэлздэг.
Дээрх зорилгын хүрээнд дуучин, хөгжмийн зохиолч, яруу найрагч гээд бүхий л уран бүтээлчдийн овог нэр, цол гуншинг бүрэн дүүрэн зарлаж алдаршуулдаг нь сонсогчдод мэдлэг болохын зэрэгцээ тухайн уран бүтээлчид, тэднийг таньж мэдэх хэн бүхэн, дууг нь сонсох дуртай хүн бүр энэ зүтгэлийг маань үнэлж, байнга талархан сайшааж байдаг.
Түүнчлэн бодолд ухаарал нэмж, оюун санааг тэтгэн тэлэх үгийн урлагийн гайхамшгийг мэдрүүлэх зорилгоор “Утга уянгын эгшиглэн буюу уран зохиолын цаг”-аар өдөр бүр 3 удаа үгээр урлаж, амьдралын ухааныг шагласан шүлэг, яруу найраг, тууж найраглал, өгүүллэг зохиомжийг дээжлэн сонордуулж хэвшил болгожээ.
Үүгээр ч зогсохгүй өдөр тутам ая дуугаар хайртай дотны хүмүүстээ радио долгионоор дамжуулан хамгийн сайхан дууг нэрлэж, сэтгэлийн сайхан үгтэйгээ хамтатган зориулдаг “Гэнэтийн бэлэг” нэвтрүүлгийг өдөр бүрийн 11:00, 16:00, 21:00 цагуудаас тогтмол хүргэж хэвшсэнээр тэр бүрийд цаг зав нь болдоггүй, дандаа хэлж яриад байж чаддаггүй тэр л сэтгэлийн нандин үгсийг дотны хүнд нь дамжуулахдаа, дуртай дууных нь хамтаар зориулж баярлуулдаг энэ нэвтрүүлэг маань сонсогчдын хүсэлт, захиалгаар дүүрэн байдаг юм.