Эрүүл мэндийн даатгалын үндэсний зөвлөл

21/08/2023

15/08/2023

ЭРҮҮЛ МЭНДИЙН ДААТГАЛЫН САНГИЙН ИРЭХ ОНЫ ТӨСВИЙН ТӨСЛИЙГ ТАНИЛЦУУЛЛАА.

Эрүүл мэндийн даатгалын үндэсний зөвлөлийн ээлжит хурлаар Эрүүл мэндийн даатгалын сангийн 2024 оны төсвийн төсөл, 2025-2026 оны төсвийн төсөөллийг танилцууллаа. Ирэх онд эрүүл мэндийн салбарын санхүүжилтийн шинэчлэлийн хүрээнд гүйцэтгэлд
суурилсан санхүүжилтийн тогтолцоог хэрэгжүүлэн ажиллаж.

ЭМДЕГ нь стратегийн худалдан авагчийн хувьд гэрээт эрүүл мэндийн байгууллагад эрүүл мэндийн тусламж, үйлчилгээний гүйцэтгэлд үндэслэн санхүүжилтийг олгох бөгөөд эмнэлзүйн хувьд үр дүн багатай хэвтэн эмчлүүлэх тусламж, үйлчилгээ болон давхардсан оношилгоо, шинжилгээг бууруулах, төр, хувийн хэвшлийн хамтын ажиллагаа болон чөлөөт өрсөлдөөнийг дэмжих, сангийн үйл ажиллагааны ил тод, нээлттэй байдлыг ханган тусламж, үйлчилгээний үнэ тогтоох үйл явцыг өртгийн тооцоонд үндэслэн
хэрэгжүүлэх бодлогыг баримтлан ажиллана.
Түүнчлэн эрүүл мэндийн тусламж, үйлчилгээний чанар хүртээмжийг нэмэгдүүлэх хүрээнд даатгуулагчийн өргөдөл, гомдлыг шуурхай шийдвэрлэн, эрүүл мэндийн байгууллагуудад тусламж, үйлчилгээний чанарыг эрхэмлэх гэрээлэлт хийж, хэрэгжилтийг хангаж буйд тогтмол хяналт тавьж ажиллахаас гадна даатгуулагчдад эрүүл мэндийн салбарын хууль эрх зүй, санхүүжилтийн тогтолцооны шинэчлэлийг сурталчлан таниулах ажлыг зохион байгуулах юм. Мөн олон улсын эмнэлзүйн удирдамжийн UpToDate платформын ашиглалтыг сайжруулах зорилт тавьж буй юм. Даатгуулагчдыг өвчлөхөөс нь өмнө урьдчилан сэргийлэх, эрт илрүүлэх арга хэмжээг эрчимжүүлж, урьдчилан сэргийлэх үзлэгийн багц үзлэгт хамрагдах даатгуулагчдын тоог нэмэгдүүлэхийг ирэх оны төсвийн төслийг боловсруулахдаа анхаарч ажилласан гэдгийг холбогдох албаныхан ЭМДҮЗ-ийн гишүүдэд танилцуулсан.
Мөн энэ удаагийн хурлаар ЭМД-ын сангийн орлого, зарлагын 2023 оны хүлээгдэж буй гүйцэтгэлийн талаар мэдээлэл өгч Үндэсний зөвлөлийн гишүүдийн асуултад хариулж, саналыг нь сонссон.

05/07/2023

ЭМДҮЗ-ИЙН ТОГТООЛД ОРСОН ӨӨРЧЛӨЛТҮҮД-2

Эрүүл мэндийн даатгалын үндэсний зөвлөлийн хуралдаанаар ЭМДҮЗ-ийн 01 дүгээр тогтоолд оруулсан өөрчлөлтүүдийг цувралаар танилцуулж байна.

3️⃣АМБУЛАТОРИЙН ТУСЛАМЖ, ҮЙЛЧИЛГЭЭ, ХЯНАЛТЫН ҮЗЛЭГИЙН БАГЦУУДЫН ТАРИФЫГ 20 ХҮРТЭЛХ ХУВИАР НЭМСЭН

▶️▶️Монгол Улсын өвчлөл, нас баралтын тэргүүлэх шалтгаан болж буй халдвар болон халдварт бус өвчлөлийн хяналтыг сайжруулах зорилгоор зүрх судасны өвчин, дотоод шүүрлийн эмгэгийн хяналт, хоол боловсруулах замын эмгэгийн хяналт гэсэн оношийн хамааралтай бүлгийг шинээр үүсгэж, амбулаторийн хяналтын үзлэгийн тарифыг нэмэгдүүлэв.

4️⃣ЖИРЭМСЭН ЭМЭГТЭЙЧҮҮДЭД ҮЗҮҮЛЭХ ТУСЛАМЖ, ҮЙЛЧИЛГЭЭНИЙ САНХҮҮЖИЛТЭД ӨӨРЧЛӨЛТ ОРУУЛЖ, ЗОХИЦУУЛЛАА

▶️▶️Эрүүл мэндийн байгууллагууд жирэмсэн эхэд үзүүлэх тусламж, үйлчилгээг иж бүрэн цогцоор нь үзүүлэхгүй, иргэдийг өөр эмнэлэгт оношилгоо, шинжилгээ хийлгэхээр илгээж чирэгдүүлдэг асуудал их байсан тул жирэмсний хяналтын багцыг шинэчилж, жирэмсэн эх биеийн эрүүл мэндийн байдлаас шалтгаалж нэмэлтээр өндөр өртөгт оношилгоо, шинжилгээ, шүдний тусламж, үйлчилгээнд хамрагдах тохиолдолд эрүүл мэндийн даатгалын сангаас нэмэлтээр санхүүжүүлэхээр зохицууллаа.

5️⃣СУМ, ТОСГОНЫ ЭМТ-Д ШҮД ЭМЧЛҮҮЛЭХ ЗАРДЛЫГ НЭМЭГДҮҮЛЭВ

▶️▶️Хүн амыг нас, хүйс, эрүүл мэндийн эрсдэлд нийцсэн урьдчилан сэргийлэх тусламж, үйлчилгээнд хамруулах ажлыг үе шаттайгаар хэрэгжүүлэн ажиллаж байна. Энэ хүрээнд хүүхдийн шүд, амны хөндийн тусламж, үйлчилгээг өргөжүүлж алслагдсан сум, тосгоны эрүүл мэндийн төвөөс урьдчилан сэргийлэх, эмчлэн эрүүлжүүлэх боломжийг бүрдүүлэв.
Урьдчилан сэргийлэх үзлэгийн дүнгээр хүүхдийн шүдний өвчлөл их байгаа тул лавлагаа шатлалын эрүүл мэндийн байгууллагад 1 шүдний эмчилгээг 60,000 төгрөгөөр, жилдээ 3 шүд эмчлүүлэхээр, мөн сум, тосгоны эрүүл мэндийн төвд 90,000 төгрөгөөр, жилдээ 3 шүд эмчлүүлэх зардлыг Эрүүл мэндийн даатгалын сангаас санхүүжүүлнэ.

02/07/2023

УИХ-ЫН ДАРГАД ЭРҮҮЛ МЭНДИЙН САЛБАРЫН ХУУЛИУДАА ӨРГӨН БАРИЛАА

УИХ-ын дарга Г.Занданшатарт эрүүл мэндийн салбарын хууль эрх зүйн орчныг шинэчлэх зорилтын хүрээнд боловсруулсан Нийгмийн эрүүл мэндийн тусламж, үйлчилгээний тухай анхдагч хуулийн төсөл болон Дархлаажуулалтын тухай хуульд нэмэлт оруулах тухай, Төсвийн тухай хуульд өөрчлөлт оруулах хуулийн төслүүдийг өнөөдөр /2023-06-28/ өргөн барилаа.

Одоо хүчин төгөлдөр мөрдөж буй Эрүүл мэндийн тухай хуульд эрүүл мэндийн тусламж, үйлчилгээ нь нийгмийн эрүүл мэндийн болон эмнэлгийн тусламж, үйлчилгээ гэсэн 2 төрөлтэй байна гэж заасан. Мөн Хүн амын эрүүл мэндийн талаар төрөөс баримтлах бодлогод нийгмийн эрүүл мэндийн тусламж, үйлчилгээг тэргүүлэх чиглэл болгон хөгжүүлэхээр тусгасан хэдий ч нийгмийн эрүүл мэндийн тусламж, үйлчилгээг хэрхэн зохицуулах хууль эрх зүйн орчин өнөөг хүртэл бүрдээгүй. Тиймээс нийгмийн эрүүл мэндийн тусламж үйлчилгээнд түлхүү анхаарах боломжийг бүрдүүлэх Нийгмийн эрүүл мэндийн тусламж үйлчилгээний тухай анхдагч хуулийн төслийг боловсруулсан юм.

2000 онд баталсан Дархлаажуулалтын тухай хуульд цаг үеийн нөхцөл байдал, нийгмийн захиалга, хүн амын эрүүл мэндийг сахин хамгаалах шаардлагаар олон удаа нэмэлт, өөрчлөлт оруулсан. Энэ удаа хүн амын өвчлөлийн нөхцөл байдалтай уялдуулан дархлаажуулалтын товлолд шинэ вакцин нэвтрүүлэх практик шаардлага гарч байгаа тул Дархлаажуулалтын тухай хуульд нэмэлт өөрчлөлт оруулж А вируст гепатит, пневмококк, хүний папиллома вирусийн халдварын эсрэг вакциныг заавал хийх дархлаажуулалтад хамрагдах сэргийлэх тарилгын нэр төрөлд нэмж тусгах зохицуулалт бүхий төслийг УИХ-д өргөн барьж буй юм.

Мөн УИХ-ын даргад өргөн мэдүүлсэн Төсвийн тухай хуульд өөрчлөлт оруулах хуулийн төслийг эрүүл мэндийн анхан шатны тусламж, үйлчилгээг иргэдэд хүргэж буй сум, тосгоны эрүүл мэндийн төвүүдэд жил бүрийн санхүүгийн тайлангийн аудитын шалгалтаар үүсч буй зөрчлийг арилгах, дансны үлдэгдлийг төвлөрүүлэхтэй холбогдсон зарим зохицуулалтыг боловсронгуй болгох зорилгоор боловсруулсан бөгөөд хууль батлагдсанаар сум, тосгоны эрүүл мэндийн байгууллагын санхүүжилтийн үлдэгдлийг төвлөрүүлэн татахгүй, өөрсдөө зарцуулах эрхтэй болно.

14/06/2023

Техникийн хороо (орон тооны бус)-ны гишүүний сонгон шалгаруулалтын урилга.
​.
Эрүүл мэндийн даатгалын тухай хуулийн 14 дүгээр зүйлийн 14.9.12 дах ‘’Эрүүл мэндийн тусламж, үйлчилгээний багц, төлбөрийн хэмжээ, чанарын болон санхүүгийн хяналтын асуудлаар дүгнэлт, зөвлөмж гаргах үүрэг бүхий орон тооны бус техникийн хороог тухайн асуудлаар мэргэшсэн шинжээч, судлаач, эрүүл мэндийн тусламж, үйлчилгээ үзүүлэгч байгууллага, даатгуулагчийн оролцоотой байгуулна” гэж заасны дагуу тус хороог байгуулах гэж байна. Энэхүү хороо нь 5 гишүүнтэй байх ба шинжээч, судлаач 2, эрүүл мэндийн тусламж, үйлчилгээ үзүүлэгч байгууллагыг төлөөлсөн 2, даатгуулагчийн эрх ашгийг төлөөлсөн холбоо, төрийн бус байгууллагаас 1 гишүүн байна.
Дор дурдсан ерөнхий шаардлага хангасан эмч, шинжээч, судлаач, санхүүч, эрүүл мэндийн байгууллагын ажилтан нарыг Техникийн хороо (орон тооны бус)-ны гишүүнд нэрээ дэвшүүлэхийг урьж байна. Үүнд:

1. Эрүүл мэнд, анагаах ухаан, эдийн засаг, даатгал, санхүүгийн чиглэлээр магистр болон түүнээс дээш зэрэгтэй, тухайн чиглэлээр 10-аас дээш жил ажилласан туршлагатай байх;

2.Анагаах ухааны нотолгоонд суурилсан олон улсад ашигладаг эмнэл зүйн удирдамж (Uptodate платформ)-ийг ашиглах англи хэлний болон техникийн чадамжтай байх /Даатгуулагчийн эрх ашгийг төлөөлсөн нэр дэвшигчдэд хамаарахгүй/;

3. Эрүүл мэндийн тусламж, үйлчилгээний багц, төлбөрийн аргын чиглэлээр сургалтад хамрагдсан, нарийвчлан судалсан эсхүл ажилласан туршлагатай байх /Даатгуулагчийн эрх ашгийг төлөөлсөн нэр дэвшигчдэд хамаарахгүй/;

4. Эрүүл мэндийн тусламж, үйлчилгээний өртөг тооцох, төлбөрийн хэмжээг тогтоох судалгаа хийсэн туршлагатай байх /Даатгуулагчийн эрх ашгийг төлөөлсөн болон эрүүл мэндийн тусламж, үйлчилгээ үзүүлэгч байгууллагыг төлөөлсөн нэр дэвшигчдэд хамаарахгүй/;

5. Эрүүл мэндийн даатгалын бодлого, тогтолцооны чиглэлээр мэдлэгтэй байх;

6. Техникийн хорооны гишүүн нь хэлэлцэгдэх асуудлыг олон улсын хүлээн зөвшөөрөгдөхүйц эх сурвалжтай харьцуулах, холбогдох асуудлын өнөөгийн болон ирээдүйн нөлөөллийг нь тодорхойлох, дүгнэлт, зөвлөмж боловсруулах чадамжтай байх;

7. Техникийн хорооны аль гишүүнийг төлөөлөхөө тодорхойлох эрүүл мэндийн тусламж, үйлчилгээ үзүүүлэгч байгууллага болон даатгуулагчийн эрх ашгийг төлөөлсөн холбоо, төрийн бус байгууллагаас албан бичиг; мэргэшсэн шинжээч, судлаач нь хүсэлт, үнэмлэх, диплом зэргийг ирүүлнэ.

Дээрх шаардлагыг хангасан нэр дэвшигчид өөрийн танилцуулга болон нотлох баримтын хамт [email protected] цахим хаягт болон Сүхбаатар дүүрэг 1 дүгээр хороо Юнион бюлдинг С блок 7 давхар 708 тоот өрөөнд 2023 оны 07 дугаар сарын 05-ны 17 цаг хүртэлх хугацааны дотор ирүүлнэ үү.

Шаардлага хангасан нэр дэвшигчдийг техникийн хорооны журмын дагуу Эрүүл мэндийн даатгалын үндэсний зөвлөлийн хуралдаанаар нээлттэй сонсгол зохион байгуулж томилно.
Эрүүл мэндийн даатгалын үндэсний зөвлөлийн ажлын алба

Сүхбаатар дүүргийн 1-р хороо,
Нарны зам гудамж
Юнион Бюлдинг С блок 708 тоот утас: 99991284

03/05/2023

22/04/2023

📌 Даатгуулагч-иргэн та эрүүл мэндийн даатгалын шимтгэлээ цахимаар хялбархан шалгах боломжтой. Энэ 7 хоногт Эрүүл мэндийн даатгалын ерөнхий газрын www.emd.gov.mn сайтаар дамжуулан 15695 иргэн ЭМД-ын шимтгэл төлөлтөө шалгасан байна.

🌐 EMD.GOV.MN сайтаас өөрийн регистрийн дугаараа оруулан шимтгэл төлөлтийн дутуу саруудаа #хаанаас ч, #хүссэн үедээ, #хялбархан шалгаарай. 📎 https://emd.gov.mn/rd/search

#ЭМД #ШимтгэлТөлөлтШалгах #ДаатгуулагчИргэн

22/04/2023

✅ Эрүүл мэндийн салбарын шинэчлэлийн хүрээнд ЭМДЕГ нь 2020 оноос эхлэн стратегийн худалдан авагчийн тогтолцоонд шилжсэн. Улмаар улсын болон хувийн эрүүл мэндийн байгууллагууд нэг эх үүсвэрээс санхүүжихээс гадна иргэдэд үзүүлсэн тусламж, үйлчилгээний тохиолдлоор буюу гүйцэтгэлээрээ санхүүждэг болсон.

❇️ Ингэснээр эрүүл мэндийн байгууллагууд дунд чөлөөт өрсөлдөөн бий болох, үйлчилгээний орчин, нөхцөл сайжрахаас гадна санхүүгийн хувьд дэмжих, хөшүүрэг бий болж, эрүүл мэндийн салбарын албан хаагчид ажлын гүйцэтгэлтэйгээ уялдсан цалин урамшуулал авах таатай нөхцөл бүрдсэн.

✳️ Салбарын шинэчлэлийн хүрээнд эрүүл мэндийн байгууллагуудын гүйцэтгэл өнгөрсөн 4 жилийн хугацаанд хэрхэн сайжирч ЭМД-ын сангаас хичнээн төгрөгний санхүүжилт олгосон талаар мэдээллийг хүргэж байна.

🌐 Дэлгэрэнгүй мэдээлэлтэй доорх линкээр орж танилцана уу.
👇👇👇
https://emd.gov.mn/fund?syear=2023&smonth=4

22/04/2023

#ХөнгөлөлттэйЭм

💊 ЭМД-ын сангаас паркинсон өвчнийг эмчлэх 2 нэр төрлийн эм, бэлдмэлийг 70 хувийн хөнгөлөлттэй үнээр олгож байна.

✅ ЭМДҮЗ-ийн 11 дүгээр тогтоол болон ЭМДЕГ-ын даргын тушаалаар ерөнхий нэршлийн 159, худалдааны нэршлийн 621 эмийг 160 гаруй оношийн хүрээнд 30-100 хувийн хөнгөлөлттэй олгож байна.

👉 Та хөнгөлөлттэй эмийн дэлгэрэнгүй жагсаалттай доорх линкээр орж танилцана уу.
👇👇👇
https://emd.gov.mn/pages/13

#ХөнгөлөлттэйЭм #ЭМДЕГ #ХувьХэмжээ

22/04/2023

📲 ИБАРИМТ АППЛИКЕЙШНЭЭР 115 МЯНГАН ИРГЭН ЭМД-ЫН ШИМТГЭЛЭЭ ТӨЛЖЭЭ

✅ ЭМД-ын шимтгэлээ дансаар болон ибаримт гар утасны аппликейшнээр төлөх боломжтой бөгөөд ибаримтаар төлсөн шимтгэл 10-15 минутад шууд баталгааждаг.

Тэгвэл 2023 онд ИБАРИМТ гар утасны аппликейшнээр 115 мянга иргэн, 145 мянган удаагийн гүйлгээрээ нийт 7.2 тэрбум төгрөгийн шимтгэл төлжээ. 👏👏👏

✨ ЭМД-ын шимтгэлээ тасралтгүй төлснөөр эрүүл мэндээс үүдэлтэй санхүүгийн эрсдлээс өөрийгөө болон хайртай дотны хүмүүсээ хамгаалах боломжтой.

ЭМД-ын шимтгэлээ төлдөг иргэнд танд баярлалаа. ❤️🥰

22/04/2023

☎️ "Хэрэглэгчтэй харилцах төв" 1800-1363 лавлах утсаар мэдээллийн ажилтнууд энэ долоо хоногт 3043 даатгуулагч-иргэнтэй ⏰ 69 цаг 15 минут ярьж, ЭМД-ын талаарх зөвлөгөө, мэдээллийг түргэн шуурхай өгч ажиллалаа.

📌 Даатгуулагч та амралтын өдрүүд, ажлын бус цагаар эрүүл мэндийн даатгалтай холбоотой бүх төрлийн мэдээ, мэдээллийг манай 1800-1363 лавлах утасны авах боломжтой 💯✅🤗

#ЭМД #Лавлах18001363

20/04/2023

© 2023. ЭРҮҮЛ МЭНДИЙН ЯАМ - Зохиогчийн бүх эрх хуулиар хамгаалагдсан болно.