C8 News

Home
Myanmar
Yangon
C8 News

၂၀၂၀ ခုနှစ်မှာ သတင်းအေဂျင်စီလုပ်ငန်း အသိအမှတ်ပြု လိုင်စင်ရရှိထားသည့် သတင်းဌာန ဖြစ်သည်။
(8)

၂၀၂၁ ခုနှစ်၊ ဖေဖော်ဝါရီ (၂၅) ရက်နေ့မှာ စတင်တည်ထောင်ခဲ့ခြင်းဖြစ်ပြီး ပြည်သူများသိသင့်သိထိုက်သည့် သတင်းများကို တိကျမှန်ကန်စွာ ဖော်ထုတ်၊ ရေးသား၊ တင်ဆက်နေသည့် သတင်းဌာန ဖြစ်ပါသည်။

28/10/2024

မြန်မာနိုင်ငံက ပြည်သူအများစုမှာ စိတ်ဒဏ်ရာတွေရရှိတွေ ရှိနေပြီလို့ သံအမတ်ကြီး ဦးကျော်မိုးထွန်း ထောက်ပြ

C8 News
ရန်ကုန်၊ အောက်တိုဘာ (၂၈)

မြန်မာနိုင်ငံက ပြည်သူအများစုမှာ စိတ်ဒဏ်ရာတွေ ရရှိနေလို့ လူမှုစိတ်ပိုင်းဆိုင်ရာ အကူအညီတွေ လိုအပ်နေတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်သံအမတ်ကြီး ဦးကျော်မိုးထွန်း ကပြောပါတယ်။

အာဏာသိမ်းပြီးနောက် မြန်မာနိုင်ငံအတွင်း အခြေအနေက စိန်ခေါ်တွေနဲ့ ပြည့်နှက်နေတဲ့ အခြေအနေ၊ အသက်အန္တရာယ် ခြိမ်းခြောက်မှု ကြီးမားတဲ့ ပတ်ဝန်းကျင် အခြေအနေ ဖြစ်တယ်လို့ အောက်တိုဘာ (၂၅) ရက်နေ့က ပြုလုပ်တဲ့ ကုလသမဂ္ဂ အစည်းအဝေးမှာ သူက ထောက်ပြခဲ့ပါတယ်။

"တစ်ဖက်တွင်လည်း မြန်မာနိုင်ငံအရေးအား ဖြေရှင်းနိုင်ရန် အဓိကဇစ်မြစ်ကို မေ့လျော့၍ မရကြောင်း၊ ယင်းဇစ်မြစ်မှာ စစ်အာဏာရှင်စနစ်နှင့် ၎င်းတို့၏ ပြစ်ဒဏ်ကင်းလွတ်ခွင့် အစဉ်အလာတို့ဖြစ်ကြောင်း" သူက ပြောပါတယ်။

စစ်ကောင်စီကြောင့် သေဆုံးရသူ ပြည်သူ စုစုပေါင်း (၅၈၈၆) ယောက်ရှိနေပြီ ဖြစ်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP ရဲ့ အခုလ အောက်တိုဘာ (၂၅) ရက်နေ့ ထုတ်ပြန်ချက်အရ သိရပါတယ်။

#ကုလသမဂ္ဂ #မြန်မာအမြဲတမ်းကိုယ်စားလှယ် #သံအမတ်ကြီးဦးကျော်မိုးထွန်း #အကျဉ်းသားများကူညီစောင့်ရှောက်ရေးအသင်း

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

27/10/2024

စစ်ကောင်စီ စစ်ကြောင်းကို ဝင်တိုက်၊ စစ်ကောင်စီဘက်က (၆) ယောက် နေရာမှာသေဆုံး

C8 News
ပဲခူး၊ အောက်တိုဘာ (၂၇)

ပဲခူးတိုင်းဒေသကြီး၊ သာယာ၀တီခရိုင်၊ ကြို့ပင်ကောက်မြို့နယ်၊ ကွင်းချောင်းရွာဘက်ကို တက်လာတဲ့ စစ်ကောင်စီ စစ်ကြောင်းကို မိုင်းဆွဲတိုက်ခိုက်ခဲ့လို့ စစ်ကောင်စီဘက်က (၆) ယောက် နေရာမှာပဲ သေဆုံးခဲ့တယ်လို့ သာယာဝတီခရိုင်တပ်ရင်း ၃၈၀၂ တပ်ခွဲ၆ Black Dragon GBK - PDF က ဒီနေ့မှာ ပြောပါတယ်။

အင်အား (၁၀၀) ပါတဲ့ စစ်ကောင်စီ စစ်ကြောင်းကို အောက်တိုဘာ (၂၅) ရက်နေ့ မနက်က ဥယျာဉ်ကြီးကျေးရွာထိပ်မှာ တိုက်ခိုက်ခဲ့တာ ဖြစ်တယ်လို့ သိရပါတယ်။

တိုက်ခိုက်မှုကြောင့် စစ်ကောင်စီဘက်က (၆) ယောက် နေရာမှာပဲ သေဆုံးခဲ့ပြီးနောက် PDF ဘက်က လက်နက်ကြီးနဲ့ ပစ်ခတ်ခဲ့လို့ စစ်ကောင်စီဘက်က (၅) ယောက် ထပ်မံသေဆုံးခဲ့ပါတယ်။

စစ်ကောင်စီတပ်တွေကို ပြင်းပြင်းထန်ထန် တိုက်ခိုက်သွားမှာဖြစ်လို့ ပြည်သူတွေအနေနဲ့ စစ်ကောင်စီတွေရဲ့ အနီးမှာ သွားလာနေထိုင်တာတွေ လုံး၀(လုံး၀) မပြုလုပ်ဖို့ သာယာဝတီခရိုင်တပ်ရင်း ၃၈၀၂ တပ်ခွဲ၆ Black Dragon GBK - PDF က သတိထားပါတယ်။

ပုံစာ- အရင်ပုံဟောင်း

#သာယာဝတီခရိုင်တပ်ရင်း၃၈၀၂တပ်ခွဲ၆ #သာယာ၀တီခရိုင် #ကြို့ပင်ကောက်မြို့နယ် #ကွင်းချောင်းရွာ #မိုင်းဆွဲတိုက်ခိုက် #နေရာမှာသေဆုံး

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

27/10/2024

စစ်ဘေးနဲ့ ကပ်ဘေးကြောင့် မြန်မာပြည်သူတွေရဲ့ အရေးပေါ်လိုအပ်ချက်တွေ တိုးလာတယ်လို့ အမေရိကန်မြန်မာသံရုံး ထုတ်ပြော

C8 News
ရန်ကုန်၊ အောက်တိုဘာ (၂၇)

မြန်မာနိုင်ငံအတွင်း ပဋိပက္ခနဲ့ သဘာဝကပ်ဘေးတွေကြောင့် အရေးပေါ်လိုအပ်ချက်တွေ တိုးပွားလာတယ်လို့ အမေရိကန်မြန်မာသံရုံးက ထုတ်ပြောလိုက်ပါတယ်။

ပြည်သူတွေရဲ့ အရေးပေါ်လိုအပ်တွေက အစားအစာ၊ ကျန်းမာရေးစောင့်ရှောက်မှု၊ ကယ်ဆယ်ရေးပစ္စည်းတွေ၊ ကာကွယ်ရေးအထောက်အကူတွေ၊ အရေးပေါ် နားခိုစရာတွေ၊ သန့်ရှင်းတဲ့ရေ၊ ပတ်ဝန်းကျင်သန့်ရှင်းရေးနဲ့ တစ်ကိုယ်ရည်သန့်ရှင်းရေးပစ္စည်းတွေ ဖြစ်တယ်လို့ အခု အောက်တိုဘာ (၂၅) ရက်နေ့က ပြောပြပါတယ်။

"မြန်မာနိုင်ငံတစ်ဝန်း အရေးပေါ်အသက်ကယ်ဆယ်ရေး အကူအညီ လိုအပ်လျက်ရှိသည့် လူ့အသိုက်အဝန်းများကို အကူအညီပေးရန် အ‌မေရိကန်ပြည်ထောင်စုက ဆက်လက် သံန္နိဋ္ဌာန်ချထားပြီး တစ်နိုင်ငံလုံးရှိ ပြည်သူများထံသို့ လူသားချင်းစာနာမှုအကူအညီများ အတားအဆီးမရှိ ပေးအပ်နိုင်စေရေးအတွက် စစ်အာဏာရှင်အဖွဲ့အစည်းမှ အာဏာပိုင်များနှင့် ပဋိပက္ခနှင့် သက်ဆိုင်သူများကို" လည်း သူတို့က တိုက်တွန်းထားပါတယ်။

မြန်မာနိုင်ငံရဲ့ ၂၀၂၄ လူသားချင်းစာနာမှုဆိုင်ရာ လိုအပ်ချက်တွေနဲ့ တုံ့ပြန်ရေးလုပ်ငန်းစီမံချက်တွေအတွက် ရန်ပုံငွေ အများအပြား လိုအပ်နေပေမယ့် ၂၈ ဒဿမ ၅ ရာခိုင်နှုန်းကိုသာ ရရှိထားတယ်လို့ ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး OCHA Myanmar က အခု အောက်တိုဘာလ (၁၀) ရက်နေ့က ထုတ်ပြန်ထားပါတယ်။

ပုံစာ- ပုံဟောင်း

#အမေရိကန်မြန်မာသံရုံး #စစ်ဘေး #ကပ်ဘေး #ပဋိပက္ခ #ကုလသမဂ္ဂ

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

လှိုင်မြို့နယ်မှာ ရွှေဆိုင်သိမ်းပြီး ပြန်လာတဲ့ ကားလုယက်ခံရ၊ ရွှေပိဿာချိန် ငါးပိဿာ အလုခံရတယ်လို့ပြော

C8 News
ရန်ကုန်၊အောက်တိုဘာ(၂၂)

ရန်ကုန်တိုင်းဒေသကြီး၊ လှိုင်မြို့နယ်၊ (၄)ရပ်ကွက်၊ အေးရိပ်မွန်လမ်းမကြီး၊ ခြံအမှတ်(၂)ရှေ့ ရွှေဆိုင်သိမ်းပြီး ပြန်လာတဲ့ မော်တော်ယာဉ်ကို သေနတ်နဲ့ပစ်ခတ်ပြီး ကားပေါ်မှာပါတဲ့ ရွှေပိဿာချိန် ငါးပိဿာ လုယူခံခဲ့ရတယ်လို့ ဒေသခံတွေဆီက သိရပါတယ်။

မနေ့ အောက်တိုဘာလ ၂၁ ရက်နေ့၊ ညနေ ၆ နာရီကျော်အချိန်မှာ အင်းစိန်လမ်းနဲ့ ဆင်ရေတွင်းလမ်းထောင့်မှာ ဖွင့်လှစ်ထားတဲ့ မြရွှေယုံ ရွှေဆိုင်ပိုင်ရှင်ဟာ နေအိမ်ကိုပြန်လာချိန် အမည်မသိ သေနတ်ကိုင်ဆောင်ထားသူတွေက သေနတ်နဲ့ပစ်ခတ်ပြီး ကားပေါ်မှာ ပါလာတဲ့ ရွှေတွေထည့်ထားတဲ့ သေတ္တာသုံးလုံးကို လုယူသွားတာ ဖြစ်တယ်လို့ သိရပါတယ်။

"ပိုင်ရှင်အမျိုးသမီးက ဆိုင်သိမ်းပြီး ပြန်လာတာ၊ အိမ်ရှေ့အရောက်မှာပဲ သေနတ်နဲ့ နှစ်ချက်ပစ်ပြီး ကားပေါ်ကရွှေတွေကို လုသွားတာ၊ ရဲစခန်းက စစ်တော့ ရွှေထည့်ထားတဲ့ သံသေတ္တာပါသွားတယ်၊ စုစုပေါင်း သုံးလုံးထဲမှာ ရွှေ ၅ ပိဿာလောက်ရှိတယ်ဆိုပြီး အမှုဖွင့်ထားတယ်" လို့ လှိုင်မြို့နယ်မှာ နေထိုင်သူတစ်ယောက်က ပြောပါတယ်။

စစ်တပ်က အာဏာသိမ်းပြီးနောက် မြန်မာနိုင်ငံအတွင်းက တိုင်းနဲ့ပြည်နယ်အသီးသီးမှာ လုယက် ဓါးပြတိုက်မှုတွေ ဆက်တိုက်ဖြစ်နေပြီး ပြီးခဲ့တဲ့ မေလအတွင်းကလည်း တာမွေမြို့နယ်ထဲက TK ရွှေဆိုင် ဓားပြတိုက် လုယက်ခံခဲ့ရပါသေးတယ်။

#လှိုင်မြို့နယ် #ရွှေဆိုင် #လုယက်ခံရ #ရွှေပိဿာချိန်

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

သပိတ်ကျင်းမြို့နယ်က စစ်ရှောင်ပြည်သူတွေကို ပကဖ က ရိက္ခာပေး

C8 News
မန္တလေး၊အောက်တိုဘာ(၂၂)

မန္တလေးတိုင်းဒေသကြီး၊ သပိတ်ကျင်းမြို့နယ်ထဲက စစ်ဘေးရှောင်ပြည်သူတွေကို သပိတ်ကျင်း ပြည်သူ့ကာကွယ်ရေးအဖွဲ့ (ပကဖ) က ဆန်၊ဆီ ရိက္ခာတွေကို ပေးဝေခဲ့တဲ့ မြင်ကွင်းဓါတ်ပုံတွေ ဖြစ်ပါတယ်။

သပိတ်ကျင်း ပကဖ တာဝန်ခံ နဲ့ တပ်ဖွဲ့ဝင်တွေက မနေ့ (အောက်တိုဘာ၂၁)ရက်နေ့မှာ သွားရောက်ပေးအပ်ခဲ့တာဖြစ်ပြီး မှတ်တမ်းဓါတ်ပုံတွေကိုတော့ ဒီနေ့မှာ ထုတ်ပြန်ခဲ့တာပါ။

မြေပြင်လူထုရဲ့ လိုအပ်ချက်တွေကို ဖြည့်ဆည်းပေးနေရင်း၊ ချမှတ်ထားတဲ့ စစ်သည်တော်ကျင့်ဝတ်တွေနဲ့အညီ ပြည်သူ့စစ်မဟာဗျူဟာကို အကောင်အထည်ဖော်ဆောင်နေတယ်လို့ သပိတ်ကျင်းမြို့နယ် ပြည်သူ့ကာကွယ်ရေးအဖွဲ့က ဖော်ပြချက်မှာ ရေးသားထားပါတယ်။

#သပိတ်ကျင်းမြို့နယ် #ပကဖ #ပြည်သူ့ကာကွယ်ရေးအဖွဲ့

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

စစ်ကောင်စီလက်အောက်ခံ ပြည်သူ့စစ်ကျေးရွာတွေမှာ ရိက္ခာပြတ်တောက်နေပြီး ပျူစောထီး ဆိုသူတွေ ထွက်ပြေး တိမ်းရှောင်နေကြ

C8 News
စစ်ကိုင်း၊အောက်တိုဘာ(၂၂)

စစ်ကိုင်းတိုင်း နဲ့ မကွေးတိုင်းအတွင်းက စစ်ကောင်စီလက်အောက်ခံ ပြည်သူ့စစ်ကျေးရွာတွေမှာ ရိက္ခာပြတ်တောက်နေပြီး ပျူစောထီးဆိုသူတွေ ကျေးရွာအတွင်းကနေ ထွက်ပြေး တိမ်းရှောင်နေကြတယ်လို့ ခင်ဦးမြို့နယ်ပြည့်သူ့ကာကွယ်ရေးတပ်ဖွဲ့တွေ ဆီက သိရပါတယ်။

"သူတို့( ပြည်သူ့စစ်ကျေးရွာ) တွေမှာ အခြေအနေတော်တော်ဆိုးနေတယ်၊ ကျွန်တော်တို့ စုံစမ်းသိရသလောက်ဆိုရင် စားစရာလုံးဝမရှိတော့ဘူး၊ တော်လှန်ရေးတပ်ဖွဲ့တွေက အဲ့ဒီသူတို့ရွာတွေကို ဝိုင်းရံ ပိတ်ဆို့ထားတော့ ရွာအပြင်မထွက်ရဲလောက်အောက် ကြောက်နေကြတယ်၊ အဓိက အခြေခံစားကုန်တွေ ဖြစ်တဲ့ ဆန်၊ ဆီ၊ ဆေး အဲ့လိုဟာတွေ လုံးဝမရှိတော့ဘူး၊ ဒီဘက်ကတပ်တွေကလည်း ဖိပြီးတိုက်နေတော့ စစ်တပ်ကလည်း ရိက္ခာလာမပို့ရဲဘူး၊ တခြားနယ်တွေမှာတော့ စစ်တပ်က လေယာဉ်နဲ့ ရိက္ခာလာချပေးတာရှိတော့ရှိတယ်" လို့ ခင်ဦးမြို့နယ်ပြည့်သူ့ကာကွယ်ရေးတပ်ဖွဲ့ ဝင် တစ်ယောက်ကပြောပါတယ်။

စစ်တပ်ထောက်ခံသူတွေနဲ့ စစ်အာဏာသိမ်းတာကို အားပေးထောက်ခံသူတွေ အများဆုံးနေထိုင်တဲ့ ကျေးရွာတွေကို ပြည်သူ့စစ်ကျေးရွာလို့ ခေါ်ဝေါ်သုံးစွဲနေကြပြီး အာဏာသိမ်းစစ်ကောင်စီကလည်း လက်နက်ခဲယမ်း၊ ဆေးဝါးနဲ့ အစားအသောက်တွေ ထောက်ပံ့ပေးထားတာပါ။

တိုင်းစစ်ဌာနချုပ်တွေကို လက်လွှတ်ဆုံးရှုံးခဲ့ရတဲ့အထိ မြန်မာစစ်တပ်ရဲ့ သမိုင်းတလျှောက် အဆိုးဆုံးစစ်ရေးရှုံးနိမ့်မှုတွေနဲ့ ကြုံနေချိန်မှာ စစ်ကောင်စီအနေနဲ့ သူတို့မွေးထားတဲ့ ပျူစောထီးတွေ၊ စစ်တပ်ထောက်ခံသူတွေနဲ့ ပြည်သူ့စစ်ကျေးရွာတွေကို မထောက်ပံ့ပေးနိုင်တော့ဘူးလို့ CMD တပ်ကြပ်ကြီး တစ်ယောက်က C8 News ကိုပြောပါတယ်။

"စစ်တပ်က သူ့ဟာနဲ့သူတောင် အနိုင်နိုင်ဖြစ်နေတာ၊ စစ်သားတွေ လက်နက်ချတာ၊ စခန်းစွန့်ခွာထွက်ပြေးတာ၊ အတုံးအရုန်းနဲ့ သေနေချိန်မှာ ဘယ်လိုလုပ်ပြီး ပျူတွေ၊ ပြည်သူ့စစ်တွေကို ထောက်ပံ့နိုင်မှာလဲ၊ တပ်မပြိုကွဲအောင် ထိန်းနေရချိန်မှာ ကျန်တဲ့လူတွေ သေလည်းဂရုစိုက်မှာ မဟုတ်ဘူး၊ ငတ်နေလည်း ဂရုစိုက်မှာ မဟုတ်ဘူး၊ အဲ့ဒါကိုမသိဘဲ စစ်တပ် စစ်တပ်ဆိုပြီး ဇွတ်မနေရင်တော့ သေမယ်၊ ငတ်မယ်။ နောင်ကို ဒီထက်ဆိုးတဲ့ အခြေအနေတွေနဲ့ ထပ်ပြီးကြုံရမယ်" လို့ CMD တပ်ကြပ်ကြီး ကပြောပါတယ်။

လက်ရှိအချိန်မှာ စစ်ကိုင်းတိုင်းဒေသကြီး၊ ခင်ဦးမြို့နယ်နဲ့ ပခုက္ကူခရိုင်၊ မြိုင်မြို့နယ်အတွင်းက ပြည်သူ့စစ်ကျေးရွာတွေမှာ ရိက္ခာပြတ်တောက်နေပြီး ဒဏ်ရာရရှိသူတွေကို ဆေးဝါးကုသမပေးနိုင်ဘူးလို့ သိရပါတယ်။

စက်တင်ဘာလဆန်းပိုင်းမှာလည်း စစ်ကောင်စီက ရိက္ခာမထောက်ပို့ရင် အလင်းဝင်မယ်လို့ ပြည်သူ့စစ်ကျေးရွာတွေက တောင်းဆိုခဲ့တာကြောင့် စစ်ကောင်စီက လေယာဉ်နဲ့ ရိက္ခာထုပ်တွေ ပို့ပေးခဲ့ရပါသေးတယ်။

Photo- social media (စစ်ကောင်စီက လေယာဉ်နဲ့ ရိက္ခာချပေးနေပုံ)

#ပြည်သူ့စစ်ကျေးရွာ #ပျူစောထီး

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

ဒီနေ့မှာ PDF မန္တလေးက ပြည်သူတွေနဲ့ လိုက်လံတွေ့ဆုံခဲ့တဲ့ မြင်ကွင်း

C8 News
မန္တလေး၊ အောက်တိုဘာ (၂၂)

ပြည်သူ့ကာကွယ်ရေးတပ်မတော် (မန္တလေး) ပြည်သူ့ဆက်ဆံရေးနဲ့ စည်းရုံးရေးဌာနက ဒီနေ့မှာ ပြည်သူတွေနဲ့ တွေ့ဆုံခဲ့တဲ့ မြင်ကွင်းတွေကို ဖော်ပြပေးလိုက်ပါတယ်။

#ပြည်သူ့ကာကွယ်ရေးတပ်မတော်မန္တလေး

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

လက်ရှိအချိန်မှာ နိုင်ငံ့စီးပွားရေး ပြန်လည်ဦးမော့လာပြီလို့ စစ်ခေါင်းဆောင် ပြောပြန်

C8 News
ရန်ကုန်၊ အောက်တိုဘာ (၂၂)

တိုင်းပြည်ရဲ့ စီးပွားရေးက ကိုဗစ်ဖြစ်ပြီးနောက် ကျဆင်းခဲ့ပေမယ့် လက်ရှိအချိန်မှာ တိုင်းပြည်စီးပွားရေးက ပြန်လည် ဦးမော့လာပြီလို့ စစ်ခေါင်းဆောင်က ပြောပါတယ်။

"သို့သော်ဒေသတွင်း နိုင်ငံများနှင့် နှိုင်းယှဉ်ပါက တိုးတက်မှု အားနည်းနေဆဲ" ဖြစ်တယ်လို့ မနေ့က အစည်းအဝေးမှာ သူက ဝန်ခံပြောဆိုလိုက်ပါတယ်။

နိုင်ငံ့စီးပွားရေး တိုးတက်လာစေဖို့နဲ့ ကုန်ထုတ်လုပ်ငန်းတွေကို အင်ပြည့်အားပြည့် အလုပ်လုပ်ကိုင်နိုင်ဖို့အတွက် အားလုံးဝိုင်းဝန်းဆောင်ရွက်သွားဖို့ လိုအပ်တယ်လို့ သူက တိုက်တွန်းထားပါတယ်။

အာဏာသိမ်းပြီးနောက်မှာ မြန်မာနိုင်ငံရဲ့ လူဦးရေတစ်ဝက်နီးပါးက ဆင်းရဲမွဲတေနေခဲ့ပြီး အဲ့ဒီထဲက လူဦးရေ ၁၅ သန်း ကျော်က စားနပ်ရိက္ခာ မလုံလောက်မှုနဲ့ ရင်ဆိုင်နေရတယ်လို့ ကမ္ဘာ့ဘဏ်ရဲ့ ဖော်ပြချက်အရ သိရပါတယ်။

အခု ၂၀၂၄ ခုနှစ်မှာ မြန်မာ့စီးပွားရေး အခြေအနေက ၁ ရာခိုင်နှုန်းသာ တိုးတက်နိုင်တယ်လို့ ကမ္ဘာ့ဘဏ် ခန့်မှန်းထားပါတယ်။

#ကမ္ဘာ့ဘဏ် #ဆင်းရဲမွဲတေ #မြန်မာ့စီးပွားရေး #စစ်ခေါင်းဆောင်

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

22/10/2024

စစ်ကောင်စီနဲ့ ပျူစောထီးတွေ ဂိတ်ချ ကင်းစောင့်နေချိန် ဝင်တိုက်၊ စစ်ကောင်စီ (၂) ယောက်နဲ့ ပျူစောထီး (၃) ယောက်သေ

C8 News
ပဲခူး၊ အောက်တိုဘာ (၂၂)

ပဲခူးတိုင်းဒေသကြီး၊ ဝေါမြို့နယ်၊ ရှမ်းကိုင်းကျေးရွာ၊ ရေတံခါးဂိတ်မှာ ကိတ်ချ ကင်းစောင့်နေတဲ့ စစ်ကောင်စီနဲ့ ပျူစောထီးတွေကို မနေ့က ဝင်ရောက်တိုက်ခိုက်ခဲ့တယ်လို့ စစ်ကောင်စီ (၂) ယောက်နဲ့ ပျူစောထီး (၃) ယောက် သေဆုံးခဲ့တယ်လို့ ဝေါမြို့နယ်ပြည်သူ့ကာကွယ်ရေးတပ်ဖွဲ့က ဒီနေ့မှာ ပြောပါတယ်။

"KNLA ဦးဆောင်၍ ဝေါမြို့နယ်၊ ပြည်သူ့ကာကွယ်ရေးတပ်ဖွဲ့ဝင်များမှ သွားရောက်တိုက်ခိုက်စခန်းသိမ်းခဲ့ပါတယ်။ စခန်းဦးစီးအရာရှိမှာ ထွက်ပြေးလွတ်မြောက်သွားခဲ့" တယ်လို့ ဒီနေ့ ထုတ်ပြန်ချက်မှာ ဖော်ပြထားပါတယ်။

တိုက်ခိုက်မှုကြောင့် ပျူစောထီး (၂) ယောက် ဒဏ်ရာရခဲ့ပြီး ပစ္စတို (၁) လက်၊ ဂျီ-3 (၄) လက်၊ အူဂျီ (၁) လက် သိမ်းဆည်းရမိခဲ့ပါတယ်။

အဲ့ဒီစစ်ကောင်စီ "ဂိတ်မှာ မှောင်ခိုလမ်းကြောင်းများကို ဆပ်ကြေးတောင်း၊ ပြည်သူကို ဒုက္ခပေး
နေကြောင်း တိုင်ကြားလာ၍ ဝင်ရောက်ရှင်းလင်း" ခဲ့တာ ဖြစ်တယ်လို့ သိရပါတယ်။

ပုံစာ- အရင်ပုံဟောင်း

#ဝေါမြို့နယ်ပြည်သူ့ကာကွယ်ရေးတပ်ဖွဲ့ #ဝေါမြို့နယ် #ရှမ်းကိုင်းကျေးရွာ #ရေတံခါးဂိတ် #ကင်းစောင့် #ပျူစောထီး

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

21/10/2024

စစ်ကောင်စီ လေတပ်စခန်းကို တိုက်ခိုက်၊ လေတပ်အရာရှိတစ်ယောက် အပါအဝင် (၄) ယောက်သေ

C8 News
ပဲခူး၊ အောက်တိုဘာ (၂၁)

ပဲခူးတိုင်းဒေသကြီး၊ တောင်ငူမြို့မှာရှိတဲ့ စစ်ကောင်စီလေတပ်စခန်းကို မနေ့ညက တိုက်ခိုက်ခဲ့လို့ လေတပ်အရာရှိတစ်ယောက် အပါအဝင် (၄) ယောက်သေဆုံးခဲ့တယ်လို့ တိုက်ခိုက်မှုမှာ ပါဝင်ခဲ့တဲ့ Brave Warriors for Myanmar-BWM ဒီနေ့ မနက်မှာ ပြောပါတယ်။

တောင်ငူလေတပ်စခန်းကို ၁၀၇ မမ ရှော့တိုက်ဒုံး ၃ လုံးနဲ့ ပစ်ခတ်တိုက်ခိုက်ခဲ့တာဖြစ်ပြီး တိုက်ခိုက်မှုကြောင့် လေတပ်အရာရှိ (၂) ယောက်နဲ့ တခြားစစ်ကောင်စီ (၆) ယောက်လည်း ဒဏ်ရာရရှိခဲ့ပါတယ်။

"ပစ်ခတ်လိုက်သော ရှော့ဒုံး ၂ လုံးထဲမှ တစ်လုံးမှာ မော်တော်ယာဥ်ဂိုဒေါင်ပေါ်သို့ကျပြီး နောက်တစ်လုံးမှာ လေယာဥ်သိုလှောင်ရုံပေါ်သို့ ကျရောက်ပေါက်ကွဲခဲ့ကြောင်း၊ ရဟက်ယဥ်ဒလက်နှင့် မှန်ကွဲပြီး နောက်အမြီးပိုင်းမှာ သုံးမရတော့လောက်အောင် ပျက်စီးခဲ့ကြောင်း" ဒီနေ့ ထုတ်ပြန်ချက်မှာ ဖော်ပြထားပါတယ်။

စစ်ကောင်စီလေတပ်စခန်း တိုက်ခိုက်မှုကို Brave Warriors for Myanmar (BWM)၊ NSA31 မြို့ပြပြောက်ကျားအဖွဲ့နဲ့ စစ်တောင်းမြစ်ဝှမ်း ရေတာရှည်ပူးပေါင်းစစ်ဆင်ရေးအဖွဲ့တွေက ပူးပေါင်း လုပ်ဆောင်ခဲ့တာ ဖြစ်ပါတယ်။

ပုံစာ- အရင်ပုံဟောင်း

#တောင်ငူမြို့ #လေတပ်စခန်း #လေတပ်အရာရှိ

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

21/10/2024

စစ်ကောင်စီနဲ့ ပေါင်းပြီး နှစ်နိုင်ငံရေကြောင်းလုံခြုံရေးလုပ်ဖို့ ရုရှားရေတပ် စစ်ရေယာဉ် ၄ စီး ရန်ကုန်မြို့၊ သီလဝါဆိပ်ကမ်းကို ရောက်နေ

C8 News
ရန်ကုန်၊ အောက်တိုဘာ (၂၁)

စစ်ကောင်စီတပ်တွေနဲ့ ပူးပေါင်းပြီး မြန်မာ-ရုရှား နှစ်နိုင်ငံရေကြောင်းလုံခြုံရေးလုပ်ဖို့ ရုရှားရေတပ် စစ်ရေယာဉ် ၄ စီး မနေ့ နေ့လယ်က ရန်ကုန်မြို့၊ သီလဝါဆိပ်ကမ်းကို ရောက်ရှိနေပြီ ဖြစ်တယ်လို့ သိရပါတယ်။

နှစ်နိုင်ငံရေကြောင်းလုံခြုံရေးဆိုင်ရာ လေ့ကျင့်ခန်းတွေဆောင်ရွက်ရန်နဲ့ ချစ်ကြည်ရေး ခရီးလည်ပတ်ဖို့အတွက် ဒုတိယအကြိမ်မြောက် ရုရှားရေတပ်က မြန်မာနိုင်ငံကို ရောက်နေတာ ဖြစ်ပါတယ်။

ပုံစာ- အရင်ပုံဟောင်း

#ရန်ကုန်မြို့ #သီလဝါဆိပ်ကမ်း #ရုရှားရေတပ် #စစ်ရေယာဉ် #နှစ်နိုင်ငံရေကြောင်းလုံခြုံရေး #မြန်မာရုရှား

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

13/10/2024

မြန်မာနိုင်ငံမှာ စစ်ကောင်စီ ကျူးလွန်တဲ့ အကြမ်းဖက်မှုတွေက ကြောက်မက်ဖွယ်ရာ အဆင့်ကို ရောက်နေပြီ

C8 News
ရန်ကုန်၊ အောက်တိုဘာ (၁၃)

မြန်မာနိုင်ငံမှာ စစ်ကောင်စီ ကျူးလွန်တဲ့ အကြမ်းဖက်မှုတွေ၊ ကြီးလေးတဲ့ လူ့အခွင့်အရေး ချိုးဖောက်မှုတွေက ကြောက်မက်ဖွယ်ရာ အဆင့်ကို ရောက်နေပြီလို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

စစ်ကောင်စီက "လူသားမျိုးနွယ်အပေါ် ကျူးလွန်သော ရာဇဝတ်မှုများကို ကိုင်တွယ်ဖြေရှင်းရန် ပျက်ကွက်သည့်အခါတွင် ထိခိုက် နစ်နာသူများအပေါ်၌သာ ပျက်ကွက်ခြင်းမဟုတ်ဘဲ ကျွန်ုပ်တို့၏ ကိုယ်ပိုင်လူသားဆန်မှုကိုပါ ပျက်စီးစေ" တယ်လို့ အောက်တိုဘာ (၁၀) ရက်နေ့က ပြုလုပ်ခဲ့တဲ့ ကုလသမဂ္ဂ အထွေထွေညီလာခံ (ဥပဒေရေးရာ) ဆွေးနွေးပွဲမှာ သူကထောက်ပြခဲ့ပါတယ်။

စစ်ကောင်စီက အကျဉ်းထောင်အတွင်း ကျူးလွန်နေတဲ့အကြမ်းဖက်မှုတွေက ရက်စက်ကြမ်းကြုတ်မှုတွေနဲ့ စစ်ရာဇဝတ်မှုတွေ၊ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေ ကျူးလွန်နေတာ ဖြစ်ပါတယ်။

ပုံစာ- ပုံဟောင်း

#ကုလသမဂ္ဂ #မြန်မာအမြဲတမ်းကိုယ်စားလှယ် #သံအမတ်ကြီးဦးကျော်မိုးထွန်း

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

12/10/2024

စစ်ခေါင်းဆောင်ဦးဆောင်တဲ့အဖွဲ့ အမျိုးသမီးနဲ့ ကလေးငယ်တွေကို တရားမဲ့ သတ်ဖြတ်နေတာတွေ ရပ်တန့်သင့်ပြီ
(ဆောင်းပါး)

C8 News
စစ်ကောင်စီက ပြီးခဲ့တဲ့ စက်တင်ဘာလ (၂၀) ရက်နေ့ ညနေပိုင်းက သဖန်းသာကျေးရွာကို လေကြောင်းကနေ ဗုံးကြဲတိုက်ခိုက်ခဲ့လို့ ကလေးငယ်တစ်ယောက် အပါအဝင် စုစုပေါင်း ပြည်သူ (၁၂) ယောက်သေဆုံးခဲ့ပြီး သေဆုံးသူတွေထဲမှာ အမျိုးသမီး (၄) ယောက် ပါဝင်ခဲ့ပါတယ်။

မန္တလေးတိုင်းဒေသကြီး၊ မြင်းခြံခရိုင်၊ ငါန်းဇွန်မြို့နယ်၊ ငါန်းမြာကျေးရွာအုပ်စု၊ သဖန်းသာကျေးရွာက စျေးဆိုင်တန်းအနီးမှာ တိုက်ပွဲဖြစ်နေတာ မရှိဘဲ စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့တာပါ။

စစ်ကောင်စီရဲ့ လေကြောင်းတိုက်ခိုက်မှုကြောင့် သဖန်းသာကျေးရွာက စုစုပေါင်း ပြည်သူ (၁၂) ယောက် သေဆုံးခဲ့ကာ ပြည်သူ (၅) ယောက် ဒဏ်ရာရှိခဲ့ပြီး နေအိမ် (၁၀) လုံးလည်း ပျက်စီးခဲ့သလို စျေးဆိုင်တွေနဲ့ ဆိုင်ကယ်တွေလည်း ပျက်စီးခဲ့ရတယ်လို့ အမျိုးသားညီညွတ်ရေးအစိုးရ NUG လူ့အခွင့်အရေးဆိုင်ရာဝန်ကြီးဌာန ထုတ်ပြန်ခဲ့ပါတယ်။

နွေဦးတော်လှန်ရေးကာလအတွင်း သေဆုံးသူ ပြည်သူစုစုပေါင်း ၇၀၀၀ ကျော် ရှိခဲ့ပြီး အဲ့ဒီထဲမှာ အမျိုးသမီးနဲ့ ကလေးငယ် သေဆုံးသူ အရေအတွက် စုစုပေါင်း ၂၀၀၀ ကျော် ပါဝင်နေတယ်လို့ NUG ရဲ့ အမျိုးသမီးလူငယ်နှင့်ကလေးသူငယ်ရေးရာဝန်ကြီးဌာနက အခုနှစ် စက်တင်ဘာလ ပထမအပတ်က ထုတ်ပြန်ထားပါတယ်။

စစ်ကောင်စီကြောင့် အမျိုးသမီးတွေ ဘယ်လောက်သေဆုံးခဲ့ရပြီလဲ

အာဏာသိမ်းပြီးနောက် ဖေဖော်ဝါရီလ (၁) ရက်နောက်ပိုင်းမှာတော့ စစ်ကောင်စီက ဆန္ဒထုတ်ဖော်ခဲ့တဲ့ အမျိုးသမီးတွေနဲ့ လူ့အခွင့်အရေး တက်ကြွလှုပ်ရှားသူ အမျိုးသမီးတွေကို သတ်ဖြတ်ခဲ့သလို အာဏာသိမ်းပြီးနောက်ဖြစ်ခဲ့တဲ့ တိုက်ပွဲတွေကြောင့်လည်း သေဆုံးရတဲ့ အမျိုးသမီးတွေ ရှိနေတယ်လို့ တက်ကြွလှုပ်ရှားသူတွေက ပြောပါတယ်။

၂၀၂၁ ခုနှစ် ဖေဖော်ဝါရီ (၁) ရက်ကနေ ၂၀၂၄ ခုနှစ် ဩဂုတ်လအထိ စစ်ကောင်စီကြောင့် သေဆုံးသူ အမျိုးသမီး စုစုပေါင်း ၁၅၇၀ ယောက် ရှိခဲ့ပါတယ်။

သေဆုံးသူ အမျိုးသမီး ၂၀၂၁ ခုနှစ်မှာ ၁၀၆ ယောက်၊ ၂၀၂၂ ခုနှစ်မှာ ၃၁၄ ယောက်၊ ၂၀၂၃ ခုနှစ်မှာ ၅၉၉ ယောက်နဲ့ ၂၀၂၄ ခုနှစ် ဩဂုတ်လ (၃၁) ရက်နေ့အထိ အမျိုးသမီး ၅၅၁ ယောက် သေဆုံးခဲ့ပါတယ်။

ပြည်ထောင်စုဝန်ကြီးချုပ် မန်းဝင်းခိုင်သန်း က “အခုရက်သတ္တပတ်များအတွင်းမှာ မုန်တိုင်းရဲ့ ရိုက်ခက်မှုတွေ ရာသီဥတု ဆိုးရွားမှုတွေကြောင့် ကျွန်တော်တို့ရဲ့ ပြည်သူများဟာ အင်မတန်မှ ဒုက္ခရောက်နေကြရတာ ဖြစ်ပါတယ်။ ဒီလို အချိန်မျိုးမှာတောင်မှ ပြည်သူကို ကူညီဖို့ စဉ်းစားတာမျိုးမရှိဘဲ လေကြောင်းကနေ ဗုံးကျဲတိုက်ခိုက်မှုတွေကို အရင်ကာလထက်ပိုမိုပြီး ဆောင်ရွက်လာတာကို တွေ့ရှိရမှာဖြစ်ပါတယ်။ ပြည်သူတွေရဲ့ လက်ရှိအခြေအနေ တွေကို လုံးဝထည့်တွက်ခြင်း မရှိဘဲ ရန်သူဟာ ရန်သူပီသအောင် အမြဲတမ်း ဆောင်ရွက်နေတယ်ဆိုတာကို သတိချပ်ဖို့ လိုအပ်တယ်။” လို့ ပြီးခဲ့တဲ့ စက်တင်ဘာ (၂၄) ရက်နေ့က ပြုလုပ်တဲ့ NUG အစည်းအဝေးမှာ ထောက်ပြခဲ့ပါတယ်။

စစ်ကောင်စီက ရခိုင်ပြည်နယ်၊ စစ်တွေမြို့၊ ဗျိုင်းဖြူရွာ တစ်ရွာလုံးကို ပိတ်ဆို့ပြီး အမျိုးသမီး၊ သက်ကြီးရွယ်အို၊ နို့စို့ကလေးပါမကျန် လမ်းပေါ်ထွက်ခိုင်းကာ သတ်ဖြတ်ခဲ့ပါတယ်။

စစ်ကောင်စီက အရပ်သားတွေအပေါ်မှာ ရက်စက်စွာ သတ်ဖြတ်နေတဲ့အပေါ် ပြင်းထန်စွာ ရှုတ်ချပြီး စစ်ကောင်စီ ကျူးလွန်ခဲ့တဲ့ စစ်ရာဇဝတ်မှုတွေ၊ အစုလိုက် အပြုံလိုက် သတ်ဖြတ်မှုတွေ၊ လူသားမျိုးနွယ်တွေအပေါ် ကျူးလွန်ခဲ့တဲ့ ရာဇဝတ်မှုတွေ အားလုံးနဲ့ တိုက်ရိုက်ဖြစ်စေ၊ သွယ်၀ှက်ဖြစ်စေ ပါဝင် ပတ်သက်သူတွေကို တရားဥပဒေရှေ့မှောက်ကို အမြန်ဆုံးပို့ဆောင်ပြီး ကျူးလွန်ခံရသူများအားလုံးအတွက် တရားမျှတမှု ပြန်လည်ရရှိနိုင်ဖို့ နည်းလမ်းပေါင်းစုံနဲ့ ကြိုးပမ်းဆောင်ရွက်သွားမယ်လို့ ပြည်ထောင်စုဝန်ကြီးချုပ် မန်းဝင်းခိုင်သန်း က ဗျိုင်းဖြူရွာ တစ်ရွာလုံး သတ်ဖြတ်ခံရတဲ့ဖြစ်စဉ် ဖြစ်ပြီးနောက်မှာ အခုလို ပြောကြားခဲ့ပါသေးတယ်။

အခုနှစ် ၂၀၂၄ ခုနှစ် မေလ (၂၉) ရက်နေ့က ဖြစ်ခဲ့တဲ့ ဗျိုင်းဖြူရွာက အစုံလိုက်အပြုံလိုက် သတ်ဖြတ်ခံရတဲ့ ဖြစ်စဉ်မှာ အမျိုးသမီး (၃) ယောက် အပါအဝင် စုစုပေါင်း ပြည်သူ (၅၁) ယောက် သေဆုံးခဲ့ရတာ ဖြစ်ပါတယ်။

“ထိုစာရင်းဇယားအရ နွေဦးတော်လှန်ရေးတွင် အမျိုးသမီးများ၏ အနစ်နာခံပေးဆပ်မှုကို မျက်ဝါးထင်ထင် တွေ့မြင်နိုင်မည် ဖြစ်ပါသည်။ အမျိုးသမီးများကို စစ်လက်နက်သဖွယ် အသုံးချနေသည့် အကြမ်းဖက်မှုများကို ကာကွယ်ရန် အမျိုးသမီးများကိုယ်တိုင် ဦးဆောင်ပါဝင်ပြီး အရှိန်အဟုန်မြှင့် လုပ်ဆောင်ရ” မှာ ဖြစ်တယ်လို့ ပြည်ထောင်စုဝန်ကြီးချုပ် မန်းဝင်းခိုင်သန်း အခုနှစ်မှာ ပြုလုပ်ခဲ့တဲ့ အပြည်ပြည်ဆိုင်ရာ အမျိုးသမီးများနေ့ သဝဏ်လွှာမှာ ထည့်သွင်းပြောဆိုခဲ့တာ ဖြစ်ပါတယ်။

အာဏာသိမ်းပြီးနောက် အခုနှစ် ၂၀၂၄ ခုနှစ် မတ်လအထိ စစ်ကောင်စီ အကျဉ်းထောင်ထဲမှာ ဖမ်းဆီးခံထားရတဲ့ အမျိုးသမီး အရေအတွက် စုစုပေါင်း ၅၃၃၉ ယောက်ရှိနေပြီး အဲ့ဒီထဲမှာ အသက် (၁၈) နှစ်ကနေ (၃၅) နှစ်ထိ ၁၁၁၈ ယောက်နဲ့ အသက် (၁၈) နှစ်အောက် ၁၁၄ ယောက် ပါဝင်နေပါတယ်။

ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း က စစ်အာဏာရှင်စနစ်ဆိုးနဲ့ စစ်တပ်ရဲ့ ရက်စက်ကြမ်းကြုတ်မှု ဒဏ်တွေကို အများဆုံးခါးစည်းခံနေရတာ မြန်မာပြည်သူလူထုတစ်ရပ်လုံး၊ အထူးသဖြင့် အမျိုးသမီးတွေနဲ့ မိန်းကလေးငယ်တွေ၊ ကလေးငယ်တွေ၊ မသန်စွမ်းသူတွေနဲ့ လူငယ်တွေ ဖြစ်တယ်လို့ အခုလ အောက်တိုဘာ (၄) ရက်နေ့က ပြုလုပ်ခဲ့တဲ့ ကုလသမဂ္ဂဌာနချုပ်၌ (၇၉) ကြိမ်မြောက် အထွေထွေညီလာခံမှာ ပြောကြားခဲ့ပါတယ်။

မြန်မာနိုင်ငံက ပြည်သူ ၁၈.၆ သန်း ကျော်က လူသားချင်းစာနာထောက်ထားမှုအကူအညီတွေကို အရေးတကြီး လိုအပ်လျက်နေပြီ အဲ့ဒီထဲက တစ်ဝက်ကျော်က အမျိုးသမီးနဲ့ ကလေးသူငယ်တွေ ဖြစ်တယ်လို့ သူက ပြောပါတယ်။

စစ်ကောင်စီကြောင့် ကလေးငယ်တွေ ဘယ်လောက်သေဆုံးခဲ့ရပြီလဲ
ပြီးခဲ့တဲ့ စက်တင်ဘာ (၂၉) ရက်နေ့က ရှမ်းပြည်နယ်၊ ကျောက်မဲခရိုင်၊ သီပေါမြို့၊ ခါလိန်ကျေးရွာကို စစ်ကြောင်စီက ဗုံးကြဲတိုက်ခိုက်ခဲ့လို့ အသက် (၇) နှစ်အရွယ် ကလေးတစ်ယောက်၊ အမျိုးသမီးတစ်ယောက် အပါအဝင် စုစုပေါင်း ပြည်သူ (၃) ယောက်သေဆုံးခဲ့ပါတယ်။

ကလေးငယ်တွေ အပါအဝင် အရပ်သား ပြည်သူတွေကို စစ်ကောင်စီရဲ့ လက်အောက်ခံတပ်တွေက အစုလိုက်အပြုံလိုက် ရက်စက်စွာ သတ်ဖြတ်နေတာတွေနဲ့ အရပ်သားတွေကို လေကြောင်းကနေ နေ့စဥ်ဗုံးကြဲ သတ်ဖြတ်နေမှုတွေဟာ အင်မတန်မှ ယုတ်ညံ့လွန်းတယ်လို့ အမျိုးသားညီညွတ်ရေးအစိုးရ NUG ယာယီသမ္မတ ဒူဝါလရှီးလ က အခုနှစ် ၂၀၂၄ ခုနှစ်၊ ဇွန်လ (၄) ရက်နေ့ NUG အစည်းအဝေးမှာ ပြောပါတယ်။

“စစ်တပ်ရဲ့ နှိပ်စက်မှုမျိုးစုံကို ကျွန်တော်တို့ဟာ ပြည်သူတွေဘက်ကနေ အစွမ်းကုန် ခုခံကာကွယ်နေသလို၊ နိုင်ငံတကာအသိုင်းအဝန်း အနေနဲ့လည်း စစ်ကောင်စီရဲ့ လုပ်ရပ်တွေကို ဟန့်တားနိုင်တဲ့ လုပ်ဆောင်ချက်တွေ အလျင်အမြန် လုပ်ဆောင်ဖို့ လိုအပ်ပါတယ်။” သူက ပြောပါတယ်။

ကုလသမဂ္ဂအပါအဝင် ဒေသတွင်းနိုင်ငံတွေနဲ့ အိမ်နီးချင်းနိုင်ငံတွေဖြစ်တဲ့ အိန္ဒိယ၊ တရုတ်နဲ့ ထိုင်းနိုင်ငံတို့ အနေနဲ့လည်း မြန်မာပြည်သူလူထုရဲ့ ဘေးဒုက္ခကို ခြေခြေမြစ်မြစ် နားလည်သဘောပေါက်ပြီး ထိထိရောက်ရောက် ဖြစ်အောင် ကူညီလုပ်ဆောင်နေဖို့ မျှော်လင့်ရပါတယ်လို့ သူက ပြောကြားခဲ့ပါတယ်။

“အထူးသဖြင့် ကုလသမဂ္ဂ လုံခြုံရေးကောင်စီရဲ့ မြန်မာ့အရေး ဖြေရှင်းဆောင်ရွက်ရေး ကိစ္စရပ်တွေဟာ လက်ရှိ တည်ဆဲအခြေအနေထက် ပိုပြီး လက်တွေ့ကျကျ ဖြစ်စေဖို့ကိုလည်း” သူက အလေးအနက် တိုက်တွန်းခဲ့ပါတယ်။

၂၀၂၁ ခုနှစ် ဖေဖော်ဝါရီ (၁) ရက်ကနေ ၂၀၂၄ ခုနှစ် ဩဂုတ်လအထိ စစ်ကောင်စီကြောင့် သေဆုံးသူ ကလေးငယ် စုစုပေါင်း ၈၆၉ ယောက် ရှိခဲ့ပါတယ်။

(၃) နှစ်ကျော်ကာလအတွင်း စစ်ကောင်စီကြောင့် သေဆုံးသူ ကလေးငယ် စုစုပေါင်း ၈၆၉ ယောက်ထဲမှာ သေဆုံးသူယောက်ျားလေး ၃၀ ဒသမ ၇ ရာခိုင်နှုန်း၊ သေဆုံးသူမိန်းကလေး ၅၈ ဒသမ ၆ ရာခိုင်နှုန်းနဲ့ ကျား၊မ မဖော်ပြနိုင်သူ ၁၀ ဒသမ ၇ ရာခိုင်နှုန်း ဖြစ်ပါတယ်။

သေဆုံးသူ ကလေးငယ် ၂၀၂၁ ခုနှစ်မှာ ၉၆ ယောက်၊ ၂၀၂၂ ခုနှစ်မှာ ၁၇၇ ယောက်၊ ၂၀၂၃ ခုနှစ်မှာ ၃၅၅ ယောက်နဲ့ ၂၀၂၄ ခုနှစ် ဩဂုတ်လ (၃၁) ရက်နေ့အထိ ကလေးငယ် ၂၄၂ ယောက် သေဆုံးခဲ့ပါတယ်။
စစ်ကောင်စီက အာဆီယံရဲ့ ဘုံသဘောတူညီချက် (5 Points Consensus) (၅) ချက်ကို လိုက်နာမှုမရှိသလို ကုလသမဂ္ဂလုံခြုံရေးကောင်စီရဲ့ မြန်မာ့အရေးဆုံးဖြတ်ချက် ၂၆၆၉ (UN Security Council Resolution 2669)၊ နိုင်ငံတကာ လူ့အခွင့်အရေးနဲ့ လူသားချင်းစာနာမှု ဥပဒေတွေ၊ စာချုပ်စာတမ်းတွေ၊ အပြည်ပြည်ဆိုင်ရာနဲ့ ဒေသဆိုင်ရာလူ့အခွင့်အရေး သဘောတူစာချုပ်တွေ၊ ကလေးသူငယ်အခွင့်အရေးဆိုင်ရာ သဘောတူစာချုပ်၊ ဂျနီဗာသဘောတူစာချုပ်၊ ရောမဥပဒေသတွေကို ချိုးဖောက်နေတာ ဖြစ်ပါတယ်။

စစ်ကောင်စီက စစ်ရာဇဝတ်မှုတွေနဲ့ လူသားမျိုးနွယ်စုအပေါ် ရာဇဝတ်မှုတွေ ကျူးလွန်နေလို့ လုံခြုံရေးကောင်စီအနေနဲ့ နိုင်ငံတကာရာဇဝတ်ခုံရုံးတွေကို လွှဲပြောင်းဖို့ ကုလသမဂ္ဂလူ့အခွင့်အရေးဆိုင်ရာ မဟာမင်းကြီးကိုယ်တိုင်က တိုက်တွန်းထားပါတယ်။

နိုင်ငံတကာအသိုက်အဝန်း၊ ကုလသမဂ္ဂ၊ အထူးသဖြင့် လုံခြုံရေး ကောင်စီအနေနဲ့ မြန်မာပြည်သူတွေရဲ့ အသက်ကို ကယ်တင်ပေးနိုင်ဖို့အတွက် ထိရောက်တဲ့ အရေးယူဆောင်ရွက်ချက်မှုတွေ လုပ်ဆောင်ရန်ဖို့နဲ့ မြန်မာစစ်တပ်ဆီကို လက်နက်၊ ခဲယမ်း၊ လေယာဉ်ဆီ နဲ့ ငွေကြေး စီးဆင်းမှု ရပ်တန့်ဖို့ အစဉ်တစိုက် တောင်းဆိုခဲ့တယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

“မြန်မာနိုင်ငံတွင် လူမှုရေးအကာအကွယ်ပေးရေးအတွက် အာရုံစိုက်ရမည့်အစား ပြည်သူများအား စစ်တပ်၏ ရက်စက်ကြမ်းကြုတ်မှုရန်စွယ်မှ အကာအကွယ်ပေးရေး အတွက် ကူညီပေးရန် ကျယ်ကျယ်လောင်လောင် တောင်းဆိုနေရ၊ ပြည်သူများဒုက္ခခံစားနေရခြင်းနှင့် ဖြစ်ပေါ်နေသည့် အကျပ်အတည်းအတွက် အဓိကဇစ်မြစ်မှာ စစ်အာဏာရှင်စနစ်နှင့် ၎င်း၏ တရားမဝင်စစ်အာဏာသိမ်းရန် ကြိုးပမ်းမှုတို့ပင်ဖြစ်၊ ယင်းဇစ်မြစ်ကို အပြီးတိုင် ချုပ်ငြိမ်းရန် လိုအပ်” တယ်လို့ သူက ထောက်ပြပါတယ်။

#အမျိုးသမီး #ကလေးငယ် #နွေဦးတော်လှန်ရေး #တရားမဲ့သတ်ဖြတ်

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

12/10/2024

မြန်မာပြည်သူတွေကို ဘဝဖွံ့ဖြိုးတိုးတက်မှုထက် နေ့စဉ်အသက်ရှင်သန်မှုအပေါ်သာ အာရုံစိုက်နေရတယ်လို့ သံအမတ်ကြီး ဦးကျော်မိုးထွန်းပြော

C8 News
ရန်ကုန်၊ အောက်တိုဘာ (၁၂)

တရားမဝင်စစ်အာဏာသိမ်းပြီးနောက် ယိုယွင်းလာတဲ့ စီးပွားရေးအခြေအနေ၊ ငွေကြေးဖောင်းပွမှု၊ စားသောက်ကုန်ဈေးနှုန်းတွေ မြင့်တက်လာမှု၊ နေရပ်စွန့်ခွာမှုနဲ့ အိုးမဲ့အိမ်မဲ့ဖြစ်မှု တိုးပွားလာတာတွေကြောင့် မြန်မာပြည်သူတွေကို ဘဝဖွံ့ဖြိုးတိုးတက်မှုထက် နေ့စဉ်အသက်ရှင်သန်မှုအပေါ်သာ အာရုံစိုက်နေကြရတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

တရားဥပဒေ စိုးမိုးမှုလုံးဝမရှိတာနဲ့ အကျင့်ပျက်ခြစားမှုတွေ များပြားနေခြင်းတဲ့ နိုင်ငံဖြတ်ကျော်ရာဇ၀တ်မှုတွေ၊ online လိမ်လည်မှု၊ လူကုန်ကူးမှုနဲ့ တရားမဝင် မူးယစ်ဆေးဝါး ရောင်းဝယ်မှုတွေ အပါအဝင် တရားမဝင် စီးပွားရေး အများအပြားအပေါ် ထပ်လောင်း အကျိုးသက်ရောက်ပြီး အခြေအနေ ပိုမို ဆိုးရွားစေတယ်လို့ မနေ့က ပြုလုပ်ခဲ့တဲ့ (၇၉) ကြိမ်မြောက် ကုလသမဂ္ဂအထွေထွေညီလာခံမှာ သူကပြောကြားခဲ့ပါတယ်။

"တရားမ၀င် စစ်အာဏာသိမ်းမှုနှင့် စစ်တပ်၏ စနစ်တကျ ကျယ်ကျယ်ပြန့်ပြန့် ရက်စက်ကြမ်းကြုတ်မှုများကြောင့် ဖြစ်ပေါ်လာသည့် လက်ရှိအခြေအနေသည် လွတ်လပ်၍ တရားမျှတပြီး အားလုံးပါဝင်သော ရွေးကောက်ပွဲကို ကျင်းပရန် သင့်လျော်သည့် အခြေအနေမဟုတ်၊ အတုအယောင် ရွေးကောက်ပွဲ ကျင်းပရန် အကြမ်းဖက်စစ်တပ်၏ ကြိုးပမ်းမှုမှန်သမျှကို မြန်မာပြည်သူများက ပြတ်ပြတ်သားသား ကန့်ကွက်၊ နိုင်ငံတကာအသိုက်အဝန်းကလည်း အလားတူ လုပ်ဆောင်သင့်" တယ်လို့ သူကထောက်ပြပါတယ်။

#ကုလသမဂ္ဂ #မြန်မာအမြဲတမ်းကိုယ်စားလှယ် #သံအမတ်ကြီးဦးကျော်မိုးထွန်း

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

11/10/2024

နေပြည်တော် PDF က အခြေခံစစ်ပညာသင်တန်းဆင်းပွဲကို ဒီနေ့မှာ ပြုလုပ်

C8 News
ရန်ကုန်၊ အောက်တိုဘာ (၁၁)

ဒီနေ့ မနက်ပိုင်းမှာ Nay Pyi Taw PDF က အခြေခံစစ်ပညာသင်တန်းဆင်းပွဲကို ပြုလုပ်ခဲ့တယ်လို့ သိရပါတယ်။

Nay Pyi Taw PDF က အမျိုးသားညီညွတ်ရေးအစိုးရ NUG လက်အောက်ခံတပ်ဖွဲ့ ဖြစ်ပါတယ်။

#အခြေခံစစ်ပညာသင်တန်း

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

11/10/2024

စစ်ကောင်စီနဲ့ တိုက်ပွဲဖြစ်နေတဲ့ TNLA တပ်ဖွဲ့ဝင်တွေကို ရှေ့တန်းမှာ တွေ့ရတဲ့မြင်ကွင်း

C8 News
ရှမ်း၊ အောက်တိုဘာ (၁၁)

အခုအောက်တိုဘာလ (၁) ရက်ကနေ မနေ့ကအထိ စစ်ကောင်စီနဲ့ ရှေ့တန်းမှာ တိုက်ပွဲဖြစ်နေတဲ့ တအာင်းအမျိုးသားလွတ်မြောက်ရေးတပ်မတော် TNLA ရဲဘော်တွေကို တွေ့ရတဲ့ မြင်ကွင်းတွေ ဖြစ်ပါတယ်။

၁၀၂၇ စစ်ဆင်ရေးအပိုင်း (၂) က မနေ့ကအထိ (၁၀၈) ရက်မြောက်ရှိပြီ ဖြစ်ပါတယ်။

#တအာင်းအမျိုးသားလွတ်မြောက်ရေးတပ်မတော် #၁၀၂၇စစ်ဆင်ရေးအပိုင်း၂

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

10/10/2024

မြန်မာနိုင်ငံက ပြည်သူတွေကို စိတ်ကျန်းမာရေးနဲ့ ပတ်သက်ပြီး ပံ့ပိုးပေးသွားမယ်လို့ အမေရိကန် ကတိပေး

C8 News
ရန်ကုန်၊ အောက်တိုဘာ (၁၀)

အာဏာသိမ်းပြီးနောက် မြန်မာနိုင်ငံက ပြည်သူတွေက ထိခိုက်လွယ်ဆုံးဖြစ်နေလို့ စိတ်ကျန်းမာရေးနဲ့ ပတ်သက်ပြီး ပံ့ပိုးပေးသွားမယ်လို့ အမေရိကန် နိုင်ငံတကာ ဖွံ့ဖြိုးတိုးတက်ရေး အေဂျင်စီ USAID က ဒီနေ့မှာ ကတိပေးလိုက်ပါတယ်။

"စိတ်ပိုင်းဆိုင်ရာ ကျန်းမာချမ်းသာခြင်းဟာ ကြံ့ခိုင်မှုကို တည်ဆောက်ရာမှာ အလွန်အရေးကြီးတယ်ဆိုတာကို မိမိတို့ နားလည်ပါတယ်။ အထူးသဖြင့် မြန်မာနိုင်ငံလို ဆက်တိုက်ဖြစ်ပွားနေတဲ့ ပဋိပက္ခတွေရဲ့ဒဏ်ကို ခံစားနေကြရတဲ့ နိုင်ငံလိုမျိုးပေါ့။ စိတ်ကျန်းမာရေးအထောက်အပံ့အတွက် လုံခြုံစိတ်ချရတဲ့နေရာတွေကို ဖန်တီးပေးနိုင်ဖို့ ပဋိပက္ခဒဏ်ခံစားနေကြရတဲ့ မိသားစုတွေကို ထောက်ပံ့ပေးတာကစပြီး ဒေသကခေါင်းဆောင်တွေကို စွမ်းရည်မြှင့်တင်ပေးတာအထိ ကျွန်ုပ်တို့ အင်တိုက်အားတိုက် ဆောင်ရွက်နေပါတယ်။" လို့ ဒီနေ့မှာ ကျရောက်တဲ့ ကမ္ဘာ့စိတ်ကျန်းမာရေးနေ့မှာ သူက ပြောကြားခဲ့တာ ဖြစ်ပါတယ်။

စိတ်ကျန်းမာရေးနဲ့ကြံ့ခိုင်မှုကို မြှင့်တင်ပေးပြီးတော့ မျှော်လင့်ဖွယ်ပိုကောင်းတဲ့ အနာဂတ်တစ်ခုကို တည်ဆောက်နိုင်ဖို့အတွက် မြန်မာနိုင်ငံကို ဆက်လက်ကူညီပေးသွားမှာ ဖြစ်တယ်လို့ ဒီနေ့ ထုတ်ပြန်ချက်မှာ ရေးသားထားပါတယ်။

ပုံစာ- အမေရိကန်မြန်မာသံရုံး အကြီးအကဲ

#အမေရိကန်နိုင်ငံတကာဖွံ့ဖြိုးတိုးတက်ရေးအေဂျင်စီ #အမေရိကန်

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

10/10/2024

မြန်မာပြည်သူတွေက ဆိုးရွားတဲ့ အကြပ်အတည်းတွေ၊ ဆင်းရဲဒုက္ခတွေနဲ့ ရင်ဆိုင်နေရတယ်လို့ ကုလသမဂ္ဂ အထွေထွေညီလာခံမှာ သံအမတ်ကြီး ဦးကျော်မိုးထွန်း ထုတ်ပြော

C8 News
ရန်ကုန်၊ အောက်တိုဘာ (၁၀)

စစ်ကောင်စီက အာဏာသိမ်းပြီးနောက် မြန်မာနိုင်ငံက ပြည်သူတွေဟာ ဆိုးရွားတဲ့ အကြပ်အတည်းတွေ လူသားချင်းစာနာထောက်ထားမှုဆိုင်ရာ ကပ်ဘေးတွေနဲ့ ရင်ဆိုင်နေရတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

လျှပ်စစ်မီး ပြတ်တောက်မှု၊ လူသုံးကုန်ပစ္စည်း ပြတ်လပ်မှု၊ ကုန်သွယ်မှုနဲ့ နိုင်ငံခြားငွေလဲလှယ်မှု ကန့်သတ်ချက်တွေနဲ့ မြန်မာ့စီးပွားရေး လည်ပတ်မှုက ကြီးကြီးမားမား ထိခိုက်နေတယ်လို့ အခုအောက်တိုဘာလ (၈) ရက်နေ့က ပြုလုပ်ခဲ့တဲ့ (၇၉) ကြိမ်မြောက် ကုလသမဂ္ဂ အထွေထွေညီလာခံမှာ ထုတ်ပြောခဲ့ပါတယ်။

အာဏာသိမ်းပြီးနောက်မှာ မြန်မာနိုင်ငံရဲ့ လူဦးရေတစ်ဝက်နီးပါးက ဆင်းရဲမွဲတေနေခဲ့ပြီး လူပေါင်း ၃ ဒဿမ ၄ သန်းကျော်က အိုးအိမ်မဲ့ဖြစ်နေတယ်လို့ ကမ္ဘာ့ဘဏ်ရဲ့ ဖော်ပြချက်အရ သိရပါတယ်။

အဲ့ဒီအပြင် မြန်မာနိုင်ငံက လူဦးရေ ၁၅ သန်း ကျော်က စားနပ်ရိက္ခာ မလုံလောက်မှုနဲ့ ရင်ဆိုင်နေရပြီး ၁၈ ဒဿမ ၆ သန်းက လူသားချင်းစာနာထောက်ထားမှု အကူအညီတွေ လိုအပ်နေပါတယ်။

အခု ၂၀၂၄ ခုနှစ်မှာ မြန်မာ့စီးပွားရေး အခြေအနေက ၁ ရာခိုင်နှုန်းသာ တိုးတက်နိုင်တယ်လို့ ကမ္ဘာ့ဘဏ် ခန့်မှန်းထားပါတယ်။

#ကုလသမဂ္ဂ #မြန်မာအမြဲတမ်းကိုယ်စားလှယ် #သံအမတ်ကြီးဦးကျော်မိုးထွန်း #ကမ္ဘာ့ဘဏ် #မြန်မာ့စီးပွားရေး

website: https://c8newsmm.com/
youtube: https://www.youtube.com/
instagram: https://www.instagram.com/c8_news/
facebook: https://www.facebook.com/C8News

Address

South Okkalapa Township
Yangon
11091

Website

https://c8newsmm.com/

Alerts

Be the first to know and let us send you an email when C8 News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to C8 News:

Videos

ဗိုလ်မှူးချုပ် သော်ဇင်အိမ်က ကျပ်သိန်းထောင်ချီတန်တဲ့ အရက်ပုလင် နဲ့ ဝိုင်တွေ သိမ်းဆည်းရမိ

စကခ ၁၆မှူး ဗိုလ်မှူးချုပ် သော်ဇင်အိမ်က ကျပ်သိန်းထောင်ချီတန်တဲ့ အရက်ပုလင် နဲ့ ဝိုင်တွေ သိမ်းဆည်းရမိ (ရုပ်/သံ) C8 News ရန်ကုန်၊သြဂုတ်(၂၉) အမှတ် ၁၆ စစ်ဆင်ရေးကွပ်ကဲမှုဌာနချုပ် (စကခ ၁၆ ) ဗိုလ်မှူးချုပ် သော်ဇင် နေအိမ်ကနေ ကျပ်သိန်းထောင်ချီတန်တဲ့ အရက်ပုလင် နဲ့ ဝိုင်တွေ သိမ်းဆည်းရမိတဲ့ရုပ်သံမှတ်တမ်းဖြစ်ပါတယ်။ ရုပ်သံ- ခွန်သာဦး #စစ်ဆင်ရေးကွပ်ကဲမှုဌာနချုပ် #ဗိုလ်မှူးချုပ် website: https://c8newsmm.com/ youtube: https://www.youtube.com/@c8news instagram: https://www.instagram.com/c8_news/ facebook: https://www.facebook.com/C8News

တကောင်းမြို့ကို သိမ်းပိုက်ပြီးနောက် တော်လှန်ရေးတပ်ဖွဲ့တွေကို မြို့အတွင်း လှည့်လည်

တကောင်းမြို့ကို သိမ်းပိုက်ပြီးနောက် တော်လှန်ရေးတပ်ဖွဲ့တွေကို မြို့အတွင်း လှည့်လည်အောင်ပွဲခံ (ရုပ်/သံ) C8 News မန္တလေး၊သြဂုတ်(၁၃) မန္တလေးတိုင်းဒေသကြီး၊ သပိတ်ကျင်းခရိုင်၊ စစ်ကိုင်းတိုင်းအစပ်မှာရှိတဲ့ တကောင်းမြို့က စစ်တပ်စခန်းတွေကို ပြည်သူ့ကာကွယ်ရေးတပ်ဖွဲ့တွေက ထိုးစစ်ဆင်တိုက်ခိုက်ခဲ့ပြီးနောက် မြို့အတွင်း လှည့်လည်အောင်ပွဲခံ ခဲ့တဲ့ရုပ်သံမှတ်တမ်း ဖြစ်ပါတယ်။ တကောင်းမြို့ကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ်(၁)စစ်ဒေသလက်အောက်ခံ ပြည်သူ့ကာကွယ်ရေးတပ်ဖွဲ့တွေက သြဂုတ်လ (၁၁) မနက်အစောပိုင်းကစပြီး တိုက်ခိုက်နေတာပါဖြစ်ပြီး ဖမ်းဆီးရမိတဲ့ စစ်သုံပန်းတွေနဲ့ သိမ်းဆည်းရရှိတဲ့လက်နက်ခဲယမ်းအခြေအနေကို ဆက်လက်ထုတ်ပြန်သွားမယ်လို့ သိရပါတယ်။ #တကောင်းမြို့ #ပြည်သူ့ကာကွယ်ရေးတပ်ဖွဲ့တွေ website: https://c8newsmm.com/ youtube: https://www.youtube.com/@c8ne

နွားထိုးကြီးမြို့ပေါ်မှာ လှည့်လည်အောင်ပွဲခံနေတဲ့ PDF ရဲဘော်တွေကို ပြည်သူတွေ ကြိုဆို

နွားထိုးကြီးမြို့ပေါ်မှာ လှည့်လည်အောင်ပွဲခံနေတဲ့ PDF ရဲဘော်တွေကို ပြည်သူတွေက ကြိုဆို (ရုပ်/သံ) C8 News မန္တလေး၊သြဂုတ်(၁၁) မန္တလေးတိုင်းဒေသကြီး၊ နွားထိုးကြီးမြို့ပေါ်မှာ စစ်ကောင်စီတပ်စခန်းတွေကို တိုက်ခိုက်ခဲ့ပြီးနောက် မြို့အတွင်းမှာ လှည့်လည်အောင်ပွဲခံနေကြတဲ့ PDF ရဲဘော်တွေကို ဒေသခံပြည်သူတွေက ပြည်သူတွေ ကြိုဆိုနေတဲ့ ရုပ်သံမှတ်တမ်း ဖြစ်ပါတယ်။ #နွားထိုးကြီးမြို့ #ပြည်သူ့ကာကွယ်ရေးပူးပေါင်းတပ် website: https://c8newsmm.com/ youtube: https://www.youtube.com/@c8news instagram: https://www.instagram.com/c8_news/ facebook: https://www.facebook.com/C8News

အာဏာသိမ်းပြီးနောက် ၃ နှစ်ကျော် ကာလအတွင်း ကြုံတွေ့နေရတဲ့ အခက်အခဲ စိန်ခေါ်မှု C8 News စစ်တပ်က အာဏာသိမ်းပြီးနောက် ၃ နှစ်ကျော်ကာလအတွင်း CDM ဝန်ထမ်းတွေက သူတို့ ကြုံတွေ့နေရတဲ့ အခက်အခဲ စိန်ခေါ်မှုတွေအကြောင်းကို C8 News မီဒီယာကို ပြောပြပါတယ်။ #CDMဝန်ထမ်း website: https://c8newsmm.com/ youtube: https://www.youtube.com/@c8news instagram: https://www.instagram.com/c8_news/ facebook: https://www.facebook.com/C8News