https://www.facebook.com/114323941147775/

Colombo Reader, Slave Island (2024)

10/08/2023

පොදු ජනතාවගේ දරුවන්ට අධ්‍යාපනය ලැබීමට ඇති අයිතිය පැහැර ගන්නා, උද්ඝෝෂකයින්ගේ දරුවන් අධ්‍යාපනය ලබන්නේ විදේශ රටවල... - ඇමති සිසිර ජයකොඩි

18/07/2023

අසාත්මිකතා හේතුවෙන් රෝගීන් කිහිප දෙනෙකු මියයාමේ සිද්ධීන් පිළිබඳ පරීක්ෂණ වාර්තාව සති 3 කින් පමණ ලබාදීමට බලාපොරොත්තුවන බව කමිටු සාමාජික වෛද්‍ය ආචාර්ය චන්දිම ජීවන්දර මහතා පවසයි.

ඔහු සඳහන් කළේ, මෙම සිදුවීම් පිළිබඳ සොයා බැලීමට පත් කළ කමිටුව අද (18) රැස්වී ඒ සම්බන්ධයෙන් වන ඉදිරි වැඩපිළිවෙළ සාකච්ඡා කරන බවයි.

අසාත්මිකතා හේතුවෙන් රෝගීන් කිහිප දෙනෙකු මියයාමේ සිද්ධීන් පිළිබඳ සොයා බැලීමට සෞඛ්‍ය අමත්‍ය කෙහෙළිය රඹූක්වැල්ල මහත සමාජිකයින් 06 දෙනෙකුගෙන් සමන්විත කමිටුවක් පත් කළේ ය.

එම කමිටුවේ සභාපතිත්වය දරනු ලබන්නේ, බොරැල්ල වෛද්‍ය පර්යේෂණ ආයතනයේ අධ්‍යක්ෂවරයායි.

නිර්වින්දන ඖෂධයක් ලබාදීමෙන් පසුව පේරාදෙණිය ශික්ෂණ රෝහලේ ගැබිණි මවක ඇතුළු කාන්තාවන් දෙදෙනෙකු මියයාම මෙන්ම උදරාබාධයකට ප්‍රතිකාර ලබන අතරවාරයේ 21 හැවිරිදි තරුණියක මිය යාම ද පසුගිය දිනවල දැඩි ආන්දෝලනයකට ලක් වූ සිද්ධීන් වේ.

09/06/2022

ලංවිම ඉංජිනේරු වෘත්තීය සමිති ඊයේ රාත්‍රියේ ජනාධිපතිවරයා සමග පැවති සාකච්ඡාවකින් පසු සිය වැඩවර්ජනය අත්හිටුවයි. එහෙත් දිවයිනේ ප්‍රදේශ රැසක විදුලි බිඳවැටීම වාර්තා වෙයි.

08/06/2022

මැයි 09දා කොළඹ ගෝල්ෆේස් පිටියේ හා අරලිය ගහ මන්දිරය අසළ සිදුවූ ප්‍රචණ්ඩකාරී තත්ත්වයන්ට අදාළව හිටපු අමාත්‍ය හා පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා වහා අත්අඩංගුවට ගන්නැයි කොළඹ කොටුව මහේස්ත්‍රාත් තිලිණ ගමගේ මහතා වරෙන්තුවක් නිකුත් කරයි.

07/06/2022

රන්ජන් රාමනායක මහතාට ශ්‍රේෂ්ඨාධිකරණය විසින් බරපතළ වැඩසහිත වසර දෙකක සිරදඬුවම් නියමකර එය වසර පහකට අත්හිටුවීමට තීන්දු කර තිබෙනවා.

අධිකරණයට අපහාස කිරීමේ දෙවන චෝදනාවට රන්ජන් රාමනායක මහතා වරද පිළිගැනීමෙන් අනතුරුව බුවනෙක අලුවිහාරේ, එල්. ටී. බී. දෙහිදෙණිය සහ ගාමිණි අමරසේකර යන මහත්වරුන් ගෙන් සමන්විත ත්‍රිපුද්ගල විනිසුරු මඩුල්ල විසින් මෙම නියෝගය ලබා දුන්නා.

06/06/2022

කොළොන්නාව ප්‍රදේශයේ ඉඩමක් බලහත්කාරයෙන් අත්පත්කරගැනීමේ චෝදනාවට අදාළව ඇමති ප්‍රසන්න රණතුංග ඇතුළු තිදෙනෙකුට එරෙහිව පවරා ඇති නඩුවෙන් ප්‍රසන්න රණතුංග මහතා වරදකරුවෙකු කිරීමට කොළඹ මහාධිකරණයෙන් නියෝග කළා.

ඒ අනුව ඇමති ප්‍රසන්න රණතුංග මහතාට රුපියල් මිලියන 25ක දඩයක් හා වසර පහකට අත්හිටවූ වසර දෙකක සිර දඬුවම් නියම කර තිබෙනවා.

05/06/2022

ප්‍රවීණ රංගන ශිල්පිනී සුමනා අමරසිංහ මහත්මිය (74) අභාවප්‍රාප්ත වෙයි.

04/06/2022

ආහාර අර්බුදය නිසා සතුන්වත්තේ තෝරාගත් සතුන් අභයභූමි වෙත මුදාහැරීමට අවධානය යොමුව තිබෙනවා. ඒ අනුව විලෝපිකයන් නොමැති ප්‍රදේශ තෝරාගෙන මෙලෙස සතුන් මුදාහැරීමටයි කටයුතු කර ඇත්තේ. මේ සඳහා මුවන්, ගොනුන් වැනි සතුන් මේ වනවිටත් තෝරාගෙන ඇති බවද සඳහන්.

කෙසේවෙතත් පරිසරවේදීන් මේ සම්බන්ධයෙන් විරෝධය පළකරනවා.
ඔවුන් පවසන්නේ දීර්ඝ කාලයක් පරිසරයෙන් පිටත ජීවත් වූ එම සතුන් එක්වරම පරිසරයට මුදාහැරීම නුසුදුසු බවයි.

ඊට පිළිතුරු ලබාදෙමින් දෙහිවල සතුන්වත්තේ ප්‍රධානියෙකු සඳහන් කළේ, අදාල සතුන්ට ගැටළුවක් නොවන ආකාරයේ වනභුමි වලට මෙම සතුන් මුදාහැරීමට අවධානය යොමුව ඇති බවයි.

04/06/2022

පෙම්වතිය විසින් ප්‍රේම සම්බන්ධතාවය නතර කිරීම හේතුවෙන් උරණවූ පෙම්වතෙකු ඊයේ (03) රාත්‍රියේ එම පෙම්වතියගේ නිවසට සිය මෝටර් රථයෙන් ප්‍රහාරයක් එල්ලකර තිබෙනවා.

පෙම්වතා සිය මෝටර් රථය ධාවනය කර පෙම්වතියගේ අනුරාධපුරය නගරයේ නිවසේ ගේට්ටුව කඩාදමා පසුව පිරිසක් සමග නිවැසියන්ට පහරදීමට තැත්කළ බවයි පෙම්වතියගේ නිවසේ පිරිස ප්‍රකාශ කළේ.

එහිදී පෙම්වතා විසින් පෙම්වතියගේ නිවස ඉදිරිපිට නවතා තිබූ මෝටර් රථයක් ද කිහිපවරක් සිය මෝටර් රථයෙන් හප්පා දැඩි හානි සිදුකර තිබූ බව සඳහන්.

04/06/2022

2022 වර්ෂයේ පළමු පාසල් වාරයේ දෙවැනි අදියර ආරම්භය පිළිබඳ අධ්‍යාපන අමාත්‍යාංශය විසින් නිවේදනයක් නිකුත් කර තිබෙනවා.

ඒ අනුව පළමු පාසල් වාරයට නියමිත දෙවැනි වාරයේ අධ්‍යයන කටයුතු සඳහා දිවයිනේ සියලුම පාසල් ජුනි මස 06 වැනිදා එනම් සඳුදා දිනයේ දී ආරම්භ කිරීමට නියමිතයි.

එහිදී රජයේ පාසල් හා රජයේ අනුමත
පෞද්ගලික පාසල් එදින විවෘත කෙරෙනු ඇති.

03/06/2022

මැයි 09 වනදා කොල්ලුපිටිය සහ ගාලු මුවදොර සිදුවූ සිදුවීම්වලට අදාලව අත්අඩංගුවට ගත් කොළඹ නාගරික මන්ත්‍රී මහින්ද කහඳගම මහතා ජූනි 08 වනදා දක්වා රක්ෂිත බන්ධනාගාරගත කර තිබෙනවා.

03/06/2022

කොවිඩ් අරමුදලේ ඇති රුපියල් බිලියන 1.8ක මුදල අත්‍යාවශ්‍ය ඖෂධ ගෙන්වීම සඳහා ලබාදෙන ලෙස ජනාධිපති ගෝඨාභය රාජපක්ෂ මහතා උපදෙස් ලබා දී තිබෙනවා

සෞඛ්‍ය ක්ෂේත්‍රයට අදාළව කඩිනමින් අවධානයට ලක්විය යුතු කරුණු සම්බන්ධයෙන් අද (06) පෙරවරුවේ කොළඹ කොටුව ජනාධිපති මන්දිරයේ පැවති සාකච්ඡාවේ දී ජනාධිපතිතුමා මේ බව සඳහන් කළා

මේ වන විට කොවිඩ් වසංගත තත්ත්වය පාලනය වී ඇති බැවින් එම මුදල් සෞඛ්‍ය අවශ්‍යතා වෙනුවෙන් යෙදවිය හැකි බවයි ජනාධිපතිතුමා වැඩිදුරටත් එහිදී සඳහන් කර සිටියා.

02/06/2022

අත්‍යාවශ්‍ය රාජ්‍ය සේවාවන් බාධාවකින් තොරව පවත්වා ගෙන යාමට අවශ්‍ය අරමුදල් සපයා ගැනීම සදහා අග්‍රාමාත්‍ය රනිල් වික්‍රමසිංහ මහතා ලබන 7 වැනිදා පාර්ලිමේන්තුවට ඉදිරිපත් කිරීමට නියමිත රු. බිලියන 695ක පරිපූරක ඇස්තමේන්තුව පිළිබඳව විවාදය ලබන 8 වැනිදා ප.ව 5.30 දක්වා පැවැත්වෙන බව පාර්ලිමේන්තුවේ මහලේකම් ධම්මික දසනායක මහතා පවසනවා.

තවද 2020 අංක 7 දරන විසර්ජන පනතේ 8 වැනි වගන්තිය යටතේ සාදන ලද නියමයන්ද එදින විවාද කිරීමෙන් අනතුරුව සම්මත කරගැනීමට නියමිත බවයි මහලේකම්වරයා සඳහන් කළේ.

අද (02) පෙරවරුවේ කථානායක ගරු මහින්ද යාපා අබේවර්ධන මහතාගේ ප්‍රධානත්වයෙන් රැස්වූ පාර්ලිමේන්තු කටයුතු පිළිබඳ කාරක සභාවේදී මෙම තීරණය ගෙන තිබෙනවා.

මේ අතර ලබන 7 වැනිදා පෙරවරුවේ ආනයන හා අපනයන (පාලන) පනත යටතේ පනවන ලද 2022.04.09 දිනැති අංක 2274/42 ගැසට් පත්‍රයේ සදහන් රෙගුලාසි සහ ණය සීමාව රු. ට්‍රිලියනයකින් ඉහළ නැංවීම සදහා දේශීය භාණ්ඩාගාර බිල්පත් ආඥා පනත යටතේ වන යෝජනාව විවාදයකින් තොරව අනුමත කර ගැනීමට නියමිතයි.

අනතුරුව අග්‍රාමාත්‍ය රනිල් වික්‍රමසිංහ මහතා විසින් රටේ වත්මන් තත්ත්වය පිළිබද විශේෂ ප්‍රකාශයක් ඉදිරිපත් කිරීමට නියමිත අතර ඉන්පසු ඒ පිළිබඳව සභාව කල් තැබීමේ විවාදය ප.ව 5.30 දක්වා පැවැත්වීමට නියමිතයි.

ජූනි 9 වැනිදා ශ්‍රී ලංකා විදුලි බල සංශෝධන පනත් කෙටුම්පත (දෙවැනිවර කියවීම) සහ ඛනිජ තෙල් සම්පත් පනත යටතේ නියෝග ප.ව 4.30 දක්වා විවාද කිරීමෙන් පසු සම්මත කර ගැනීමට නියමිතයි.

අනතුරුව ප.ව 4.30 සිට ප.ව 4.50 දක්වා සභාව කල්තබන අවස්ථාවේ ප්‍රශ්න සදහා කාලය වෙන්කොට ඇති අතර ප.ව 4.50 සිට 5.30 දක්වා ආණ්ඩු පාර්ශ්වය ගෙනා යෝජනාව අනුව සභාව කල් තබන අවස්ථාවේ විවාදය පැවැත්වීමට නියමිතයි..

මේ අතර පසුගියදා ඇතිවූ ගැටුම්කාරී තත්ත්වය තුළ ඝාතනයට ලක්වූ පාර්ලිමේන්තු මන්ත්‍රී අමරකීර්ති අතුකෝරාළ මහතා පිළිබද ශෝකප්‍රකාශ යෝජනා ඉදිරිපත් කිරීම සදහා ජූනි 10 වැනිදා පෙ.ව 10.00 සිට ප.ව 5.30 දක්වා කාලය වෙන් කිරීමට ද මෙහිදී තීරණය වී තිබෙනවා.

මෙම සෑම දිනකම පාර්ලිමේන්තුව පෙ.ව 10.00 ට රැස්වන අතර ජූනි 10 වැනිදා හැර සෑම දිනකම පෙ.ව 10.00 – පෙ.ව 11.00 කාලය වාචික පිළිතුරු අපේක්ෂා කරන ප්‍රශ්න සදහා වෙන් කර තිබෙනවා.

පොදු ව්‍යාපාර පිළිබද කාරක සභාව (කෝප් කමිටුව), රජයේ ගිණුම් පිළිබද කාරක සභාව (කෝපා කමිටුව) සහ මහජන පෙත්සම් පිළිබද කාරක සභාව යන කාරක සභාවල පසුවිපරම් කටයුතු සිදු කිරීමේදී පාර්ලිමේන්තුව තුළ ඒවායේ ශක්තිමත් බව වැඩි කිරීම සදහා සභානායක අමාත්‍ය දිනේෂ් ගුණවර්ධන මහතා ඉදිරිපත් කළ සංශෝධන පිළිබදව ද මෙහිදී අවධානය යොමුව තිබෙනවා.

ඒ අනුව මේ පිළිබදව වැඩිදුරටත් සාකච්ඡා කිරීමට ලබන 7 වැනිදා ප.ව 2.30 ට පාර්ලිමේන්තු කටයුතු පිළිබද කාරක සභාවේ විශේෂ රැස්වීමක් කැඳවීමට ද මෙහිදී තීරණය වී ඇති බව සඳහන්..

තවද පිරිවැය අවම කරගනිමින් පරිසර හිතකාමී ඊ – රාජ්‍ය සේවයක් ඇති කිරීමට අදාළව පාර්ලිමේන්තුවේ කටයුතු ද අවම කඩදාසි භාවිතයකින් යුතුව පවත්වාගෙන යාමේ වැදගත්කම පිළිබදව යෝජනා කරමින් මුදල් අමාත්‍යාංශ ලේකම්වරයා එවා තිබූ ලිපිය පිළිබදව ද ‍කමිටුවේ අවධානය යොමුවී තිබෙනවා.

පාර්ලිමේන්තුවේ සභාගත කරන ලද සියලු වාර්තා හා ලේඛනවල මෘදු පිටපත් (Soft Copies) පාර්ලිමේන්තු වෙබ් අඩවියේ විශේෂ වෙබ් පෝටලයකට (Web Portal) ඇතුළත් කොට මන්ත්‍රීවරුන්ගේ පරිශීලනයට යොමු කිරීමේ හැකියාව පිළිබදවද කාරක සභාවේ අවධානය යොමුව තිබෙනවා.

මේ අනුව ඉදිරියේදී ඊට අවශ්‍ය කටයුතු කඩිනමින් සිදු කරන ලෙස කාරක සභා සාමාජිකයන්ගේ ඒකමතික තීරණයෙන් කථානායකවරයා අවශ්‍ය උපදෙස් ලබා දීම සිදු කොට තිබෙනවා.

මේ අතර විවිධ හේතු මත පාර්ලිමේන්තුවේදී ඇසීමට නොහැකි වූ වාචික පිළිතුරු අපේක්ෂා කරන ප්‍රශ්න 50 ක් සදහා විශේෂ පාර්ලිමේන්තු දිනයක් ලෙස ජූලි මස 04 වැනි සඳුදා සම්පූර්ණ දිනය වෙන් කිරීමටද කාරක සභාව මෙහිදී තීරණය කළ බවත් මහලේකම්වරයා සඳහන් කළා.

01/06/2022

භාරත ලක්ෂ්මන් ප්‍රේමචන්ද්‍ර මහතා ඝාතනයට මරණ දඬුවම නියම වී සිටියදී ජනාධිපති සමාව හිමි වූ හිටපු පාර්ලිමේන්තු මන්ත්‍රී දුමින්ද සිල්වා මහතා අත්අඩංගුවට ගෙන තිබෙනවා.

ශ්‍රී ජයවර්ධනපුර ශික්ෂණ රෝහලේ ප්‍රතිකාර ලබමින් සිටියදී අපරාධ පරීක්ෂණ දෙපාර්තමේන්තුවේ නිළධාරීන් විසින් අද (01) පස්වරුවේ ඔහු අත්අඩංගුවට ගත් බවයි පොලිස් මාධ්‍ය ප්‍රකාශකවරයා ප්‍රකාශ කළේ.

ඔහු මෙලෙස අත්අඩංගුවට ගනු ලැබුවේ ශ්‍රේෂ්ඨාධිකරණය විසින් ඔහුට ලබා දී තිබූ ජනාධිපති සමාව අත්හිටුවා ඔහුව අත්අඩංගුවට ගන්න ලෙස නියෝග කිරීමත් සමගයි.

01/06/2022

වැට් බදු ඉහළ දැමීම සහ නිෂ්පාදන වියදම ඉහළ යාම හේතුවෙන් මත්පැන් මිල ඉහල දැමීමට මත්පැන් සමාගම් තීරණය කර තිබෙනවා.

සුරාබදු කොමසාරිස් කපිල කුමාරසිංහ මහතා ප්‍රකාශ කළේ,අදාළ මිල ගණන් සම්බන්ධයෙන් මේ වන විට සුරා බදු දෙපාර්තමේන්තුවට අදාළ සමාගම් විසින් දැනුම්දෙමින් සිටින බවයි.

කෙසේවෙතත් ඔහු වැඩි දුරටත් සඳහන් කළේ මත්පැන් යනු මිල සීමාවන්ට යටත් නොවන භාණ්ඩයක් බවයි .

31/05/2022

දුමින්ද සිල්වාට ලබා දුන් ජනාධිපති සමාව අත්හිටුවීමට ශ්‍රේෂ්ඨාධිකරණය තීන්දු කිරීමත් සමග ඔහුව අත්අඩංගුවට ගන්නා ලෙස අපරාධ පරීක්ෂණ දෙපාර්තමේන්තුවේ අධ්‍යක්ෂවරයාට ශ්‍රේෂ්ඨාධිකරණය නියෝග කර තිබෙනවා.

හිරුණිකා ප්‍රේමචන්ද්‍ර සහ ඇගේ මව විසින් ගොනු කර තිබූ මුලික අයිතිවාසිකම් කඩවීමේ පෙත්සමක් අද (31) විභාගයට ගනිමින් දුමින්ද සිල්වාට ලබා දුන් ජනාධිපති සමාව අත්හිටුවීමට ශ්‍රේෂ්ඨාධිකරණය තීන්දු කළා.

31/05/2022

හිටපු පාර්ලිමේන්තු මන්ත්‍රී දුමින්ද සිල්වා මහතාට ලබා දී තිබූ ජනාධිපති සමාව ශ්‍රේෂ්ඨාධිකරණය විසින් අත්හිටුවීමට තීරණය කර තිබෙනවා.

හිරුණිකා ප්‍රේමචන්ද්‍ර සහ ඇගේ මව විසින් ගොනු කර තිබූ මුලික අයිතිවාසිකම් කඩවීමේ පෙත්සමක් අද විභාගයට ගනිමින් ශ්‍රේෂ්ඨාධිකරණය මෙම නියෝගය නිකුත් කළා.

31/05/2022

මේජර් ජෙනරාල් විකුම් ලියනගේ මහතා ජනාධිපති ගෝඨාභය රාජපක්ෂ මැතිතුමා විසින් ශ්‍රී ලංකාවේ 24 වන යුද හමුදාපතිවරයා ලෙස පත් කෙරේ.

ඊට අදාළ ලිපිය අද (31) පෙරවරුවේ කොළඹ, කොටුව ජනාධිපති මන්දිරයේදී ජනාධිපතිතුමා විසින් විකුම් ලියනගේ මහතා වෙත භාරදෙනු ලැබිණ.

දැනට යුද හමුදාවේ සිටින ජ්‍යෙෂ්ඨතම නිලධාරියා වන විකුම් ලියනගේ මහතා හෙට (01) යුද හමුදාපති ධුරයේ වැඩ භාර ගැනීමත් සමග ලුතිතන් ජෙනරාල් නිලයට උසස් කෙරෙනු ඇත.

31/05/2022

වැඩ බලන ආරක්ෂක මාණ්ඩලික ප්‍රධානි ධුරයේ කටයුතු කළ ජෙනරාල් ශවේන්ද්‍ර සිල්වා මහතා හෙට (01) සිට ආරක්ෂක මාණ්ඩලික ප්‍රධානි ධුරයට පත් කෙරේ.

ඊට අදාළ ලිපිය ජනාධිපති ගෝඨාභය රාජපක්ෂ මැතිතුමා විසින් අද (31) පෙරවරුවේ කොළඹ, කොටුව ජනාධිපති මන්දිරයේදී ජෙනරාල් ශවේන්ද්‍ර සිල්වා මහතා වෙත භාර දෙනු ලැබිණ.

යුද හමුදාපති සහ වැඩ බලන ආරක්ෂක මාණ්ඩලික ප්‍රධානි ලෙස කටයුතු කළ ශවේන්ද්‍ර සිල්වා මහතා අද (31) යුද හමුදාපති ධුරයෙන් ඉවත්ව යාමත් සමඟ ආරක්ෂක මාණ්ඩලික ප්‍රධානි ධුරයට පත් කර ඇත.

31/05/2022

ව්‍යාජ ගමන් බලපත්‍රයක් ළඟ තබා ගැනීමේ චෝදනාවට වැරදිකාරිනිය වීමෙන් දඬුවම් නියමව සිටි ශෂී වීරවංශ මහත්මියට අධිකරණයෙන් ඇප ලබා දී තිබෙනවා.

31/05/2022

නවගත්තේගම, මුල්ලේගම ප්‍රදේශයේදී දෙදෙනෙකු ඝාතනය කර තිබෙන බව පොලිසිය පවසනවා.

තිස් දෙහැවිරිදි පිරිමි පුද්ගලයෙකු සහ විසිපස් හැවිරිදි කාන්තාවක ඝාතනය කර ඇති අතර මොවුන් දෙදෙනා සහෝදර සහෝදරියන් බවයි පොලිසිය වැඩිදුරටත් සඳහන් කරන්නේ.

පවුල් ආරවුලක් දුරදිගයාම හේතුවෙන් මෙම ඝාතන සිදුව ඇති බවයි පැවසෙන්නේ.

30/05/2022

අද සවස අත්අඩංගුවට ගත් සමාජ ක්‍රියාකාරිකයෙකු වන රතිඳු සුරම්‍ය සේනාරත්න නොහොත් ‘රට්ටා’ට කොටුව මහේස්ත්‍රාත් අධිකරණයෙන් ඇප.

රැට්ටා (රතිඳු සේනාරත්න) මහේස්ත්‍රාත් නිල නිවසට ඉදිරිපත් කිරීමෙන් පසු ඇප

ඔහු වෙනුවෙන් නීතිඥ නුවන් බෝපගේ,කෞෂල්‍ය නවරත්න සමඟ ජ්‍යෙෂ්ඨ නීතිඥ ශිරාස් නූර්දීන් පෙනී සිටියේය.

මෙම චෝදනා සම්බන්ධයෙන් පොලිසියට ඇප ලබා දිය හැකි බැවින් පොලිසියේ අත්සන් කරන රතිඳු සේනාරත්න මුසා හරින ලෙස නීතිඥ ශිරාස් නූර්දීන් මහතා ඉල්ලා සිටියේය.

එමෙන්ම පොලිසිය රතිඳු අත්අඩංගුවට ගත්තද, අත්අඩංගුවට ගැනීමට හේතු වූ සාක්කි සම්පිණ්ඩනයක් අධිකරණයට ඉදිරිපත් කර නැතැයි නූර්දීන් මහතා ප්‍රකාශ කළේය.

මංමාවත් අවහිර කිරීම, රාජකාරියට බාධා කිරීම ඇතුලු රතිඳුට එල්ල කර ඇති චෝදනා පොලිස් ඇප දිය වැරදි බවත්, එසේ තිබියදී මෙවැනි වේලාවක අධිකරණයට රැගෙනවිත් ඇති බවත් නූර්දීන් මහතා කීවේය.

පොලිසිය ඉදිරිපිට සෙනඟ පිරුණු නිසා ආරක්ෂාවට ඔහු මහේස්ත්‍රාත් හමුවට ඉදිරිපත් කළ බව පොලිසිය කීවේය.

වරදක් කර ඇත්නම් අධිකරණයට වාර්තා කර අවශ්‍ය කටයුතු සිදු කළ හැකි බවට පොලිසියට අවවාද කළ මහේස්ත්‍රාත්වරයා උද්ඝෝෂණ කරන්නේ නම් අධිකරණයට පැමිණීම අවහිර නොවන ලෙස රතිඳුටද අවවාද කළේය.

ජුනි 13 අධිකරණයේ පෙනී සිටින ලෙස නියෝග කළ මහේස්ත්‍රාත්වරයා රතිඳු සේනාරත්න හට පොලිසියේ අත්සන් කර මුදා හැරීමට නියෝග කළේය.

30/05/2022

ඉදිරි මාස කිහිපය ඇතුළත මෙරට සහල් කිලෝවක් රුපියල් 1,000 ඉක්මවනු ඇති බව මහා වාරිමාර්ග ඒකාබද්ධ ගොවි සංවිධානය පවසනවා.

එහි ලේකම් පුංචිරාළ රත්නායක මහතා සඳහන් කළේ රට පත්ව ඇති තත්ත්වය මත වගාවන් සඳහා අවශ්‍ය පොහොර ලබාදීමට වගකිවයුත්තන් කටයුතු කළ යුතු බවයි.

එසේම පොහොර ටික ලබා ගැනීම සඳහා හෝ ඩොලර් ලංකාවට එවන ලෙසට විදේශගත ශ්‍රී ලාංකිකයන් ගෙන් ඉල්ලා සිටින බවද ඔහු සඳහන් කළා.

මේ අතර එක්සත් සහල් නිෂ්පාදකයින්ගේ සංගමය සඳහන් කරන්නේ ඔක්තෝම්බර් මාසය වන විට, සහල් හිඟයක් මෙරට ඇතිවන බවයි.

ජනාධිපතිවරයා විසින් එක රැයකින් රසායනික පොහොර තහනම් කිරීමේ තීන්දුව හේතුවෙන් ගොවිතැන මෙවන් තත්ත්වයකට පත්වූ බවයි එම සංගමයේ සභාපති මුදිත පෙරේරා මහතා කියා සිටියේ.

පවතින ආර්ථික තත්වය මත රුපියල් 1,000ක් ගෙවා සහල් කිලෝවක් මිලදී ගැනීමට ජනතාවට නොහැකි බැවින්, කඩිනමින් විකල්ප දේශීය ආහාර වගා කිරීමට යෝජනා කරන බවයි එක්සත් සහල් නිෂ්පාදකයින්ගේ සංගමය වැඩි දුරටත් සඳහන් කළේ.

30/05/2022

බණ්ඩාරගම, අටළුගම ප්‍රදේශයේ දී පෙරේදා (28) දිනයේ දී ඝාතනය ලක් වූ 09 හැවිරිදි දැරියගේ ඝාතනය සම්බන්ධයෙන් සැකපිට ඊයෙ (29) පොලිසිය භාරයට ගැනුණු පුද්ගලයින් දෙදෙනා අතරින් එක් අයෙකු ප්‍රධාන සැකකරු ලෙස හඳුනාගෙන තිබෙනවා.

29 හැවිරිදි මේ පුද්ගලයා දෙදරු පියෙක් බවයි වාර්තා වන්නේ.

අදාළ පුද්ගලයා දැඩි ලෙස මත්ද්‍රව්‍ය භාවිතයට ඇබ්බැහි වී ඇති තැනැත්තෙකු වන අතර ඔහු පසුගිය 27 වනදා සිය නිවසේ සිටියදී මෙම දැරිය හුදෙකලාව යන අයුරු දුටු බව ඔහුගෙන් සිදු කළ ප්‍රශ්න කිරීම්වලදී පොලීසිය හෙළි කරගෙන තිබෙනවා.

පානදුර විශේෂ අපරාධ විමර්ශන ඒකකය විසින් අදාළ පුද්ගලයා ගෙන් සිදු කළ දීර්ඝ ප්‍රශ්න කිරීම්වලින් අනතුරුවයි මෙම සිද්ධියට සම්බන්ධ තොරතුරු අනාවරණය කරගෙන ඇත්තේ.

ඉන් අනතුරුව මෙම දැරිය ඔසවා ගත් සැකකරු ඇය රැගෙන කැලෑබද ප්‍රදේශයකට ගොස් ඇති බවත් ඉන් අනතුරුව දැරියට යම් අතවරයක් සිදු කිරීමට උත්සාහ කළ ද ඒ සම්බන්ධයෙන් තමන් බිය වූ බවත් පොලිසියට ලබාදුන් ප්‍රකාශයේ සඳහන් බවයි වාර්තා වන්නේ.

කෙසේ වෙතත් ඔහු දැරිය ඝාතනය කිරීමට පෙළඹුණේ යම් හෙයකින් ඇයි මෙම සිද්ධියය අනාවරණය කරනු ඇතැයි මතු වූ බිය හේතුවෙන් බවයි ඔහු පොලිසියට පවසා ඇත්තේ.

කෙසේ වෙතත් දැරිය ඝාතනය කරනු ලැබුවේ ගෙල මිරිකා ද, නැතහොත් දියේ ගිල්වා ද යන්න පිළිබඳව මෙතෙක් තහවුරු වී නැහැ.

මෙම ඝාතන සම්බන්ධයෙන් පශ්චාත් මරණ පරීක්ෂණය පානදුර රෝහලේදී සිදු කෙරෙන අතර එහි ප්‍රතිඵල තවත් ටික වේලාවකින් නිකුත් කිරීමට නියමිතයි.

පසුගිය 27 වන දා බණ්ඩාරගම - අටළුගම ෆාතිමා අයීෂා අක්‍රම් දැරිය අතුරුදන් වී තිබුණේ නිවස ආසන්නයේ වෙළදසැලකට කුකුළු මස් මිලදී ගැනීම සඳහා ගොස් ආපසු පැමිණෙමින් සිටින අතරතුරයි.

ඊට පසුදින පස්වරුවේ දැරියගේ සිරුර, නිවසට යාබද වගුරු බිමක තිබී සොයාගැනුණු අතර, සිද්ධියට අදාළව දැනටමත් පවුලේ සාමාජිකයන් හා අසල්වැසියන් ඇතුළු 30 දෙනෙකුගෙන් ප්‍රකාශ සටහන් කරගෙන තිබෙනවා.

30/05/2022

ආහාර සුරක්ෂිතතාව වෙනුවෙන් රාජ්‍ය සහ පෞද්ගලික අංශ ඒකාබද්ධ පුළුල් වැඩසටහනක් වහාම ක්‍රියාත්මක කරන ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් දී තිබෙනවා.

පොහොර අවශ්‍යතාව සපුරා ගැනීම සඳහා රටවල් කිහිපයක් සමග කර ඇති සාකච්ඡා සාර්ථක වී ඇති බවත් එම නිසා පොහොර හිඟය හෝ වෙනයම් හේතුවක් පාදක කරගනිමින් යල කන්නයේ වගාව අතනොහරින ලෙස ජනාධිපතිවරයා සියලුම ගොවීන්ගෙන් ඉල්ලා සිටින බවයි ජනාධිපති මාධ්‍ය අංශය නිවේදනය කළේ.

යල කන්නයේ වගා කටයුතු සහ ඉදිරියේ දී ඇති විය හැකි ආහාර හිඟය අවම කරගැනීම පිළිබඳ අද (30) කොළඹ, කොටුව ජනාධිපති මන්දිරයේ පැවති සාකච්ඡාවේ දී ජනාධිපතිවරයා මේ බව සඳහන් කළා.

පොහොර ගෙන්වීම, බෙදාහැරීම, නිසි කළමනාකරණය, දැනුවත් කිරීම, ගොවීන් සහ නිලධාරීන් අතර සම්බන්ධීකරණය සඳහා ජාතික පොහොර ප්‍රතිපත්තියක් කඩිනමින් සකස් විය යුතුව ඇතැයි ජනාධිපතිවරයා පෙන්වා දී තිබෙනවා.

ගොවියාගේ කැමැත්ත පරිදි රසායනික හෝ කාබනික පොහොර යොදාගනිමින් වගා කටයුතු සිදු කිරීමට කෘෂිකර්ම අමාත්‍යාංශයේ පූර්ණ මැදිහත්වීම ලබාදිය යුතු බව ද ජනාධිපතිවරයා කියා සිටියා.

යල කන්නයේ වගාව සඳහා යොදා නොගත් කුඹුරු හඳුනාගෙන මුං, කව්පි, සෝයා ඇතුළු අත්‍යාවශ්‍ය භෝග වගාවට උනන්දු කරවීමෙන් ගොවීන්ට ඉහළ ආදායමක් උපයා ගැනීමට අවස්ථාව ලබාදිය හැකි බවද සඳහන්.

ජාතික පශු සම්පත් සංවර්ධන මණ්ඩලයට අයත් කන්දකාඩු ගොවිපොළ බඩඉරිඟු, සෝයා ඇතුළු භෝග වගාවට කඩිනමින් නිදහස් කර දීමට පියවර ගන්නා ලෙස ජනාධිපතිවරයා විසින් උපදෙස් දී තිබෙනවා.

වගා කර නොමැති ඉඩම්වලින් ඉහළ ප්‍රතිශතයක් රජය සතු වනවා.

එම ඉඩම් හඳුනාගෙන තරුණ වගාකරුවන්ට ලබාදීමට තීරණය වී ඇති අතර ගෙවතු සහ රජයේ කාර්යාල පිහිටි ඉඩම්වල වගා කටයුතු දිරිමත් කළ යුතු බවද සඳහන් කළා.

ඊට ඇමතිවරුන්, පාර්ලිමේන්තු මන්ත්‍රීවරුන් ඇතුළු දේශපාලන නායකයින්ගේ සිට සියලුම රාජ්‍ය සේවකයින් දායක වී පූර්වාදර්ශයක් සැපයිය යුතු බව අමාත්‍ය මහින්ද අමරවීර මහතා සඳහන් කළා.

වගා කළ යුතු භෝග හඳුනාගනිමින් සියලු පළාත් ඒකාබද්ධ වගා ප්‍රවර්ධන සතියක් ඇරඹීමටත් කෘෂිකර්ම, පශු සම්පත් හා මිරිඳිය මත්ස්‍ය කර්මාන්තය සඳහා පළාත් සභාවට වෙන්කර ඇති මුදල් සීමා නොකොට ලබාදීමටත් තීරණය කෙරුණා.

පොහොර අවශ්‍යතාව ඉලක්ක කරගනිමින් එප්පාවල පොස්පේට් නිධිය ප්‍රශස්ත අයුරින් යොදාගනිමින් එළැඹෙන මහ කන්නය සඳහා අවශ්‍ය පොස්පරස් අඩංගු පොහොර නිෂ්පාදනය කරන ලෙස ජනාධිපතිවරයා විසින් උපදෙස් දී තිබෙනවා.

කිරි, බිත්තර, කුකුළු මස් මිල පාලනය සඳහා සත්ව ආහාර සැපයීමට ගත යුතු ක්‍රියාමාර්ග කෙරෙහි ද පුළුල් ලෙස සාකච්ඡාවට ලක් වූ බව සඳහන්.

පසුඅස්වනු හානිය අවම කිරීම, ආහාර අරපිරිමැස්ම, ආහාර ගබඩා කිරීම, කල්තබා ගැනීම හා කෘෂි නිෂ්පාදන අගය වැඩි කිරීම, විකල්ප ආහාර වර්ග හඳුන්වාදීම හා ප්‍රචලිත කිරීම සඳහා සැලසුම් කර තිබෙනවා.

එමෙන්ම වගාවන්හි රෝග හා පළිබෝධ හානි වැළැක්වීමට ක්‍රමවේද හඳුන්වා දීම සහ කෘෂි නිෂ්පාදන ආශ්‍රිත ස්වයං රැකියා ප්‍රවර්ධනය ඇතුළු වැඩසටහන් රැසක් ක්‍රියාත්මක කිරීමට පියවර ගෙන ඇති බව කෘෂිකර්ම අමාත්‍යාංශයේ ලේකම් එම්.බී.ආර්. පුෂ්පකුමාර මහතා සඳහන් කළා.

30/05/2022

සතොස සේවකයින් නීත්‍යානු කූල රාජකාරීවලින් ඉවත් කර දේශපාලන ක්‍රියාකාරකම්වල යෙදවීම තුළින් රජයට රුපියල් අසූ හතර ලක්ෂ හැට පන්දහසක පාඩුවක් සිදු කළ බවට චෝදනා කරමින් හිටපු අමාත්‍ය ජොන්ස්ටන් ප්‍රනාන්දු මහතා ඇතුලු තුන් දෙනෙකුට එරෙහිව අල්ලස් කොමිසම අද(30) යළි නඩුවක් ගොණු කර තිබෙනවා.

මෙම චෝදනා සම්බන්ධයෙන් ඉකුත් යහපාලන රජය සමයේ අල්ලස් කොමිසම නඩුවක් ගොණු කර තිබුණා.

නමුත් එයට අල්ලස් කොමිසමේ කොමසාරිස්වරුන් තුන් දෙනාගේ ලිඛිත අනුමැතිය හිමි වී නොමැති බවට විත්ති පාර්ශ්වය මතු කළ මූලික විරෝධතා හේතුවෙන් එම චෝදනා ඉල්ලා අස්කර ගෙන තිබුණා.

අද දිනයේ ද යළි අධිචෝදනා පත්‍ර ගොණු කිරිමට අල්ලස් කොමිසම කටයුතු කර තිබෙනවා.

28/05/2022

බණ්ඩාරගම අටළුගම ප්‍රදේශයේ අතුරුදන්වී සිටි දැරියගේ සිරුර සොයාගෙන ඇත.

නිවස ආසන්නයේ වගුරු බිමක තිබී දැරියගේ සිරුර සොයාගෙන ඇත්තේ ප්‍රදේශවාසීන් විසිනි.

දැරිය සම්බන්ධයෙන් විමර්ශනය කළ පොලිස් කණ්ඩායම් අනාවරණය කරගෙන තිබුණේ, CCTV කැමරා ක්‍රියාත්මක නොවන නිවසට ආසන්න මීටර් 150 ක ප්‍රදේශයකදී දැරියට යම් සිදුවීමකට මුහුණදීමට සිදුවී තිබෙන බවය.

09 හැවිරිදි පාතිමා අයිෂා නම් දැරිය ඊයේ (27) පෙරවරු 10.00 ට පමණ නිවසේ සිට මීටර් 200කින් පමණ දුරකින් යුත් වෙළෙඳසැළකට ගොස් තිබුණේ කුකුළු මස් රැගෙන ඒම සඳහාය. නමුත් ඇය යළින් නිවස වෙත පැමිණ තිබුණේ නැත.

සිද්ධිය සම්බන්ධයෙන් පොලිස් විමර්ශන ක්‍රියාත්මකය.

28/05/2022

ගාලු මුවදොර ජන අරගලයට අදට (28) දින 50ක් ගතවීම නිමිත්තෙන් කොල්ලුපිටියේ සිට විරෝධතා පාගමනක් සංවිධානය කර ඇති අතර ඒ හේතුවෙන් මේ වනවිට කොල්ලුපිටියේ සිට ගාලු මුවදොර දක්වා මාර්ගය අවහිරවී ඇතැයි වාර්තා වනවා

27/05/2022

විමල් වීරවංශ මහතාගේ බිරිඳ වන ශෂී වීරවංශ මහත්මියට වසර දෙකක සිර දඬුවමක් අධිකරණය විසින් නියම කර තිබෙනවා

ඒ ව්‍යාජ ගුවන් ගමන් බලපත්‍රයක් ළඟ තබා ගැනීමේ චෝදනාව යටතේයි