01/08/2022
🚨 මේ ටික දැනගෙන එළියට බහින්න🚨
"අගෝස්තු 1 වෙනිදා සිට ක්‍රියාත්මක වෙන ජාතික ඉන්ධන බෙදාහැරීමේ වැඩ පිළිවෙල"
1. QR කෝඩ් වැඩේ පමණක් අගෝස්තු 1 වනදා සිට දිවයින පුරා ක්‍රියාත්මකයි.
නම්බර් ප්ලේට් එකේ අන්තිම අංකය බලන එක, ටෝකන් දෙන එක වගේ අනෙක් සියළුම ක්‍රම මේ අනුව අහෝසි වෙනවා.
2. QR කෝඩ් වැඩේට ලියාපදිංචි වුණු ඉන්ධන පිරවුම්හල්වලට ඉන්ධන බෙදාහැරීමේදී ප්‍රමුඛත්වය දෙනු ලැබේ.
ඒ ඒ ශෙඩ් QR කෝඩ්වලින් කරපු සම්පූර්ණ වැඩ ගණනද ප්‍රමුඛතාවය ලබා දීමේදී සැළකිල්ලට ගනු ලැබේ.
3. චැසි අංකය සමඟ ලියාපදිංචි වීමට නොහැකි වූ වාහනවලට අගෝස්තු 1 සිට ආදායම් බලපත්‍ර අංකය සමඟ ලියාපදිංචි වෙන්න පුළුවන්.
4. සියලුම ත්‍රීරෝද රථ අදාළ පොලිස් ස්ථානයේ ලියාපදිංචි විය යුතු අතර, ඉන්ධන ලබා ගැනීමට ළඟම තියෙන ඉන්ධන පිරවුම්හලක් නම් කරන්නත් ඕනේ.
5. විදුලි ජනක යන්ත්‍ර, උද්‍යාන උපකරණ, යන්ත්‍රෝපකරණ සහ ඉන්ධන අවශ්‍ය අනෙකුත් උපකරණ භාවිතා කරන්නන්ගෙන් අවශ්‍ය ඉන්ධන වර්ගය, සතිපතා ඉන්ධන අවශ්‍යතාවය සහ තෝරාගත් ඉන්ධන පිරවුම්හල එක්ක අදාළ ප්‍රාදේශීය ලේකම් කාර්යාලවල හෙට සිට ලියාපදිංචි වෙන්න පුළුවන්.
6. වාහන කිහිපයක් ඇති ව්‍යාපාරවලට ඔවුන්ගේ ව්‍යාපාර ලියාපදිංචි අංකය සමඟ සියලුම වාහන ලියාපදිංචි කළ හැක.
7. පොදු ප්‍රවාහනය බස් රථ සඳහා ඉන්ධන කෝටාව CTB ඩිපෝවලින් වෙන් කරනු ලබන්නේ, මාර්ග බලපත්‍රය සහ සේවයේ පවතින කිලෝමීටර් ගණන අනුව තීරණය කරන කෝටාව අනුවය.
8. බලධාරීන් විසින් කන්ෆර්ම් කරන ලද පාසල් සේවා වාහන, කාර්යාල ප්‍රවාහන වාහන, කර්මාන්ත ආශ්‍රිත වාහන, සංචාරක අංශයේ වාහන, ගිලන් රථ සහ අනෙකුත් අත්‍යවශ්‍ය සේවා සඳහා ඩීසල් ඉන්ධන අවශ්‍යතා සඳහා CTB ඩිපෝ පහසුකම් සපයනවා.
9. සියලුම ඉන්ධන පිරවුම්හල්වල ගිලන්රථ සඳහා ප්‍රමුඛතාවයක් ලැබෙනවා සහ ඔවුන්ගේ වාහනවලට ඉන්ධන පිරවීම සඳහා ඔවුන් විසින් ඉල්ලා සිටින ඉන්ධන ප්‍රමාණය ලබා දෙනවා.
10. එක් එක් පොලිස් වසමේ තෝරාගත් ඉන්ධන පිරවුම්හල්වලින් පොලිස් දෙපාර්තමේන්තුවට වෙන් කරන ලද කෝටාවක් ලබා දී ඒ අනුව දැනුම් දෙනු ලබනවා.
11. නීතිවිරෝධී ඉන්ධන තොග රැස් කිරීම් සහ විකිණීම් කටයුතු පිළිබඳ ඡායාරූප හෝ වීඩියෝ සාක්ෂි 0742123123 අංකයට WhatsApp හරහා යැවීමට මහජනතාවට මේ වන විට හැකියාව ලැබෙනවා.
12. සඳුදා දිනයේදීම ඉන්ධන පිරවුම්හල්වලට පැමිණ ඇති විය හැකි තදබදයෙන් වළකින ලෙස මහජනතාවගෙන් ඉල්ලා සිටිනවා. දිවයින පුරා පිහිටි ඉන්ධන පිරවුම්හල්වලින් වෙන් කරන ලද කෝටාව ලබා ගැනීමට මුළු සතියම තිබෙන බවයි ඔවුන් කියන්නේ.
උපුටාගැනීම- විකුම් හර්ෂණ -
