https://www.facebook.com/104033411998339/

ස්යිබර් හෑලි - Cyber Haeli

Home
Sri Lanka
Kandy
ස්යිබර් හෑලි - Cyber Haeli

ජීවිතයම හෑල්ලකි

24/08/2021

ගෝත්‍රික දේශපාලන සමාජයක වල් වැදුනු දේශපාලනයේ කොන්ද කෙලින් තියාගෙන වැඩකරපු දුර්ලභ අව්‍යාජ මිනිහෙක්..

සුබ ගමන් මන්ගල

19/08/2021

සොච්චම් තුලින් බච්චන් කරා ගිය යොහානි

ඔබ අපේ රටේ කාන්තාවක්නම්, ඔබ කැමති කුමන හෝ ශේත්‍රයක් තුලින් තමන් තුල ඇති හැකියාව උපයෝගී කරගෙන අලුත් යමක් ඉදිරිපත් කරන්න ඉඩක් ලැබුනොත් කිසිම වෙලාවක ඔබ දෙස බලා සිටින සමාජයෙන් ඔබ කරන දේ ගැන අගය කිරීම්, ඔබව ශක්තිමත් කිරීම්, ඔබට සහයෝගය දැක්වීම් වැනි දේ බලාපොරොත්තු වෙන්න එපා. ඔබ බලාපොරොත්තු වෙන්න ඔබව විවේචනය කිරීම්, ඔබව පහතට දැමීම් වගේ ඔබව මානසිකව පීඩනකට පත්කරන කාරනා ටිකක්. ඔබට කොහොමත් වැඩිපුර ලැබෙන්නෙ මේ අන්තිමට කිව්ව කාරනා. මේකට හේතුව වෙන්නෙ ලංකාවේ අලුත් වෙනස් දෙයක් ඉදිරිපත් කරාම අපේ සමාජය ඒක බාරගන්න කැමති වෙන් නෑ. ඒකට ඉඩක් දෙන් නෑ. පුලුවන් තරම් හැමදාම දකින සාම්ප්‍රදායික දේවල් අල්ලගෙන ඉන්න එක තමා අපේ හැටි. මේක තමා ඔබට තියන ලොකුම බාධකය. ඒත් ඔබ මේක කඩාගෙන එලියට ගියොත් ඔබ සාර්තක වෙන එක නවත්තන්න බෑ. කොහොමද මේක කරන්න ඕනෙ? ඒක ගොඩක් ලේසියි.

ඔබව පීඩනයට ලක් කරන, ඔබව පහතට ඇදල දාන හැම අවස්තාවකම ඔබ ඔබේ හැකියාව වැඩි දියුනු කරගන්න, තව තවත් ඔබ කෙරෙහි විශ්වාසය තබා ගන්න. ඔබට ඉදිරියට යා හැකි මාර්ග පිලිබදව දිගටම අවදානය යොමුකරන්න. ඔබ සරලවම කරන්නෙ ඔබෙ පීඩනය ශක්තියක් බවට පරිවර්තනය කරන එක. ඔබව අගය කිරීමෙන් ඔබට ලැබෙන ශක්තියට වඩා විශාල ශක්තියක් ඔබව විවේචනය කිරීමෙන් මානසිකව පහත් කිරීමෙන් ඔබට ලබාගන්න පුලුවන්. මෙයට හොදම උදාහරණයක් විදිහට යොහානි ව ගන්න පුලුවන්.

යොහානි කලා ශේත්‍රයට එනකොටම කිසිම කෙනෙක් හොදක් කිව්වෙ නෑ. යොහානි ඇදපු ඇදුමේ ඉදන් යොහානි සින්දු කියන පිච් එකට යනකන් මිනිස්සු කරේ බැනපු එක. මේ දේවල් යොහානිව පීඩනයකට පත් කරන්න ඇති හැබැයි මේ කිසිදෙයක් ගනන් ගන් නැතුව එක අඩියක් වත් පස්සට ගන් නැතුව තමන්ගේ ගමන විශ්වාසයෙන් ගිය නිසා යොහානිට පුලුවන් වුනා අර පීඩනය විශාල ශක්තියක් කරගන්නට. දැන් යොහානි ලංකාවෙ විතරක් නෙවෙයි ඉන්දියාවෙත් ජනප්‍රියයි. ඉන්දියානු සිනමාවේ පතාක යෝධයෙක් වන අමිතාබ් බච්චන් පවා යොහානි තමන්ගේ ආරයෙන් නැවත ගයපු ගීතයක් නොනවත්වා රසවිදින බවට සමාජ මාධ්‍ය තුලින් ප්‍රකාශ කරා. යොහානිට ආපු සොච්චම් යොහානිව බච්චන් කරා අරන් ගිහින්.

ඉතින් ඔබ සමාජයෙන් ඔබට ලැබුන පීඩනය නිසා අතරමග නැවතිලානම් දැන්ම නැගිටින්න. ඔබේ නොන්වතින ගමනක ආරම්භයට සූදානම් වන්න.

18/08/2021

මැදිහත්වීම

පෘථිවියෙන් ආලෝකවර්ශ මිලියන ගණනක් ඈත හදුනා නොගත් ග්‍රහලෝකයක හදුනා නොගත් ජීවීන් පිරිසක් අතර ඇතිවූ කතාබහක්..

"ඔබ මෙහි පැමිණියාට ස්තුතියි. ඔබ මැදිහත්වීමට නියමිත ග්‍රහලෝකය සහ රට දැන් ඔබ ඉදිරියෙන් දිස්වේවි"

අභ්‍යාවකාශයේ සිට ගන්නා ලද ශ්‍රී ලංකාවේ චායාරූපයක් ඔවුන් ඉදිරියෙන් දිස්වෙයි.

" මේ තමයි පෘථිවියේ තිබෙන් කුඩා රටක්වන ශ්‍රීලංකාව. ඔබ මැදිහත්විය යුත්තේ මේ රටටයි"

"මේ රට ගැන අපි එතරම් දැනුවත් නැහැ. අපි මේ රට ගැන සොයාබලා තිබෙනවාද ?"

" ඔව්. නමුත් ඒ පෘථිවියේ කාලයෙන් වසර ගණනාවකට කලින්. එතකොට මේ රට ඉතා දියුණු යි. අපේ මැදිහත්වීමක් අවශ්‍යවුනේ නැහැ. ඒ නිසා අපි ඇමරිකාව වැනි රටවල් වලට යොමුවුනා. නමුත් දැන් තත්වය වෙනස්. අනාගතයෙදී තත්වය තවත් බරපතලයි "

"දැන් සහ අනාගතය ගැන ඔබ පැවසූ දෙය අපට පැහැදිලි නැහැ"

සැනකින් ඔවුන් ඉදිරියේ වර්ශ 2080 දී යැයි සිතිය හැකි ශ්‍රීලංකාවේ චායාරූප දිස්වෙයි.

"මේ තමා ශ්‍රී ලංකාවේ අනාගතය. ඔබට පෙනෙනවා ඇති රට සහ එහි ජීවීන් බොහෝ විනාශ වෙලා. ස්වාභාවික පරිසරය විනාශයි. ඔබ ඉදිරියෙන් පෙනෙන්නේ බිදවැටුනු රටක් "

"කව්ද මේ විනාශය කරේ? අනෙකුත් රටවල්ද?"

"අනෙකුත් රටවල් කිහිපයක් වක්‍රාකාරව මෙයට සම්බන්දයි. නමුත් මෙයට ප්‍රධාන වශයෙන් වගකිවයුත්තේ මේ රටේ ජීවත්වන ශ්‍රී ලාංකිකයන්"

"නමුත් කුමක්ද හේතුව?"

"මන් පැහැදිලි කරන්නම්. ඔබ දන්නවා පෘථිවියේ ප්‍රමුඛ ජීවීන් වන මිනිසුන් ජීවත් වන්නේ රටවල් වශයෙන් වෙන් වෙන් ව. මේ රටවල් සහ එහි මිනිසුන් සාර්ථක වීමට නම් ඒවායේ දේශපාලන යාන්ත්‍රණය සෑම විටම රටේ අභිවෘද්ධිය අරමුණු කොට ගෙන ක්‍රියාත්මක විය යුතුයි. ඒ හා සමානව රටේ තීන්දු තීරණ ගත යුතුයි. කාලයට අනුව ඒවා වෙනස් විය යුතුයි. මෙසේ සිදුවන රටක සිටින ජනතාවට ජීවත්වීමට පහසුයි. රටක දියුණු පරිකල්පන ශක්‍තියක් ඇති මිනිසුන් බිහිවීමට මෙය ඉතා වැදගත්. පෘථිවියේ බොහෝ දියුණු රටවල දේශපාලනය මේ හා සමානව සිදුවන නිසා ඒවා සීඝ්‍රයෙන් දියුණු වුනා. නමුත් ශ්‍රී ලංකාවේ මෙය තාමත් සිදුවී නැහැ. මේ රට බිදවැටුනේ මේ නිසා"

"ඇයි ශ්‍රී ලාංකිකයන්ට මේ යාන්ත්‍රණය නිර්මාණය කිරීමට නොහැකි වුනේ? පාරිසරික ව්‍යසන වැනි දෑ වල බලපෑමක්ද?"

"කොහෙත්ම නෑ. ඔවුන්ගේ රට සුවිශේෂයි. පාරිසරික ව්‍යසන වලට වඩා ඔවුන්ට ලැබී ඇත්තේ පාරිසරික සම්පත්. එය ඔවුන්ගේ දියුනුවට විශාල වාසියක්. නමුත් ඒවායේ නිසි කළමනාකරණයක් සිදුවී නෑ. එයට හේතුව ඔබ දන්නවා."

"දේශපාලන යාන්ත්‍රණය"

"ඔබ හරි. දශක ගනනාවක් තිස්සේ ශ්‍රී ලාංකිකයන්ට නිවැරදි දේශපාලන යාන්ත්‍රණයක් ගොඩනැගීමට නොහැකි වී තිබෙනවා. මේ තත්වයට විවිධ හේතූන් බලපෑවා. බරපතලම කාරණය නම් මේ තත්වය දිගින් දිගටම වෙනස් නොවී පැවතීමයි."

"ඇයි මේ රටේ ජනතාවට බැරි මේක වෙනස් කරන්න?"

"හොද ප්‍රශ්නයක්. කාලාන්තරයක් තිස්සේ රටේ පවතින අක්‍රමවත් ක්‍රමවේදය නිසා රටේ ජනතාව දිගින් දිගටම රටක් ලෙස නොසිතා තනි ව වෙන් වෙන්ව විවිධ කොටස් ලෙස බෙදී තීරන ගැනීමට යොමු වී තිබෙනවා. එමගින් ඔවුන් දිගින් දිගටම විනාශය කරා යනවා. ඔවුන්ගේ පරිකල්පන ශක්තිය දියුණු වීමට ඉඩක් මේ ක්‍රමවේදය තුලින් ලැබෙන්නේ නෑ. ඔවුන්ගේ ආකල්ප ඉතා ප්‍රාථමිකයි. පටුයි. රටේ ඊලගට බිහිවන අනාගත පරපුර විවෘත වන්නේ මේ ඒකාකාරී වසර ගණනක් තිස්සෙ නොවෙනස්ව පවතින ක්‍රමවේදයට. මෙයින් දියුණු වන්නේ මෙම ක්‍රමවේදය නොවෙනස්ව පවත්වාගනිමින් සිටින දේශපාලනයේ නියුතු අය පමණයි. රට බොහෝ කාලයක් තිස්සේ එකසේ පවතිනවා. නමුත් අනෙකුත් රටවල් වල දියුණු වීම මගින් සිදුවන ගෝලීය වෙනස් වීම් නිසාත් ඒ හා සමානව මේ රට හා එහි මනුශ්‍ය සමාජය දියුණු නොවීම නිසාත් රට තුල අර්බුද ඇතිවී බිදවැටුනු රටකට මග පාදනවා. අප නැවැත්විය යුත්තේ මෙයයි "

"මතක තබාගන්න. පෘථිවිය අපිට විශේෂයි. අප එයින් අපේ ග්‍රහලෝකයේ පැවැත්මට බොහෝදේ ලබාගත්තා. අප කෘතීමව සාදාගත් සියලු දේ පෘථිවියේ ස්වාභාවිකව තියනවා. පෘථිවියේ පැවැත්ම පවත්වාගැනීමටත් විනාශ කිරීමටත් එහි සිටින මිනිසුන්ට පුලුවන්. අප ඔවුන්ව ආරක්ෂා කල යුතුයි "

"අපේ මැදිහත්වීම සිදුවන්නේ කොහොමද ?"

" අප මුල සිටම පටන්ගත යුතුයි. ඔබ සියලු දෙනා අප මනුශ්‍ය ජීවිත ලෙස මේ රටට යොමුකරනවා. ඔබ කුඩා මිනිසෙක් නැත්නම් ළදරුවෙක් ලෙස බිහිවී වර්ධනය වේවි. අප මුල සිටම ඔබව අධීක්ෂණය කරනවා. ඔබ නියමිත වයසට පැමිණියාට පසු අපට පුලුවන් ඔබ හා සන්නිවේදනය කිරීමට. එවිට අපට පුලුවන් අපේ සැලසුම ක්‍රියාත්මක කරන්න. එතැන් සිට අප මේ රටේ අභිවෘද්ධිය වෙනුවෙන් දියුණු මනුශ්‍ය ප්‍රජාවක් බිහිකිරීමට මැදිහත්වී සෑම උත්සාහයක්ම ගත යුතුයි."

"මේ රටේ අනාගතය වෙනස් කිරීමයි අපේ සැලසුම?"

"ඔව්. විනාශයට යන අනාගතය වෙනස් කිරීම"

"අපි සූදානම්"

18/08/2021

උල්කාපාත වර්ශාව...

මතකද ගිය අවුරුද්දෙ දෙසැම්බර් මාසෙ උල්කාපාත වර්ශාව ආපු දවස? අන්න එදා වෙච්ච සිද්දියක් මේ..

"අඩෝ බලමු බන් ආතල් එකක් තියෙයි.මන් කවදාවත් දැකලත් නෑ"

"හරි හරි එහෙනන් රෑ වෙලා වරෙන් කෝ"

තුන් හතර සැරයක්ම බෑ කියල පස්සෙ මන් කැමති වුනේ දුකට සැපට කොයිදේටත් ගෙවල් ලග ඉන්න එකම පාප මිත්‍රයා මූ නිසා.මටත් ඕව බලන්න ආසාවක් නොතිබුනාම නෙවේ හැබැයි.ඔන්න කොහොමහරි රෑ 10.30 ට විතර පොර පැදුරකුත් උස්සන් අපේ ගෙදර ආවා.වහෙලෙ ස්ලැබ් කෑල්ලෙ පැදුර දාලා අහස දිහා බැලුවා. එක තනි යායට පේන තාරුකා මැදින් පාට පාට උල්කාපාත පේන අහසක් බලන්න උඩ බැලුවට තිබ්බෙ වලාකුලු පිරිච්ච මූසල අහසක්.

"වලාකුලු නෙ බන්? උල්කා පේන් නෑ"

"හරි හරි ඔව එහෙ මෙහෙ වෙලා පැහැදිලි වෙනව රෑ වෙද්දි." මුගෙ කෙල්ලටත් වඩා මූට අහස ශුවර් වගේ.

ටික වෙලාවකින් අහසෙ එහෙ මෙහෙ ටෝච් එලි වගයක් යනවා පේනවා.

"අර මොනවද? උල්කා ද? "

" නෑ නෑ ඔය කවුරුහරි ආතල් එකට ටෝච් ගහනවා.ගොඩක් දෙනෙක් අද මේක බලනවා බන්"

මූ කිව්වත් වගේ ඔන්න දැන්නන් ටිකෙන් ටික අහස පැහැදිලි වුනා.ඒ අස්සෙ මොනවහරි උඩක ඉදන් වැටෙන සද්දෙකුත් ඇහෙනවා.

"අන්න උල්කා වැටෙන සද්දෙ" එහෙම කිව්වෙ මූව ටිකක් අවුස්සන්නමයි.

"ඒව ඔහොම වැටෙන් නෑ." පොර හිතුවට වඩා සීරියස් මූඩ් ඉන්නෙ.

ඔන්න කොහොමහරි අපි උල්කා 10-12 විතර බලාගෙන මට ආපු මාරාන්තික නිදිමතයි මුගෙ දොලදුක සන්සිදුනටයි පස්සෙ රෑ 1ට විතර නිදාගන්න ගියා.

"පුතා!"

අම්මගෙ එලාම් එක නින්දෙන් වගේ ඇහෙනවා..

"පුතා!!!"

උච්ච ස්වරයකින් ආපු දෙවෙනි පුතා පාරට ඇහැරුනේ උඩ වීසි වෙලා

"ඇයි අප්ප බෙරිහන් දෙන්නෙ"

"දන්නවද ඊයෙ රෑ මොකද වෙලා තියෙන්නෙ කියල?"

"ඇයි උල්කාපාතද?"

"ඒ කෙහෙල්මලක් නෙවෙ අන්න ඊයෙ රෑ වත්තට හොරු පැනල අයිනෙ පොල් ගහේ ගෙඩි ඔක්කොම කඩල.තාත්තට තරහ ගිහින් හොදටම"

තප්පර ගානකින් මට වෙලා තියන දේ තේරුනා.අපි උල්කා බලන වෙලාවෙමයි හොරු ඇවිත් තියෙන්නෙ.අර අපි හිතපු ආතල් එකට ගහපු ටෝච් එලි ඇත්තටම හොරු පොල් ගහට ගහපු ඒවා.උඩ ඉදන් වැටෙන සද්දෙ තමා පොල් වැටෙන සද්දෙ.ඔන්න තාත්ත ආව කාමරේට.

"පුතා ඔයාල ඊයෙ රෑ මොනවහරි දැක්කද?"

"ඔව් නෙ.."

"මොනවද?"

"උල්කාපාත වර්ශාවක්"

18/08/2021

ආදරය ආකර්ශනය හා උමතුව

ආදරය කියන්නෙ හරියටම මෙන්න මේකටයි කියල කියන්නවත් ලියන්නවත් බෑ කියන එකයි මගේ අදහස.ඒකට හේතුව අපි හැමෝම ආදරය දකින්නෙ එකම විදිහට නෙවෙයි.ඒක සාපේක්ෂයි.කෙනෙක්ගෙන් ආදරය කියන්නෙ මොකක්ද ඇහුවොත් එයා දැකපු දේවල් අහපු දේවල් විදපු දේවල් හා අත්දැකපු දේවල් වලින් කියන්නෙ එයාගෙම නිර්වචනයක්.මේකත් එහෙම වෙන්න පුලුවන්..

දවසක් ආවා කෝල් එකක්..

"මචන් පොඩි උදව්වක් ඕනෙ."

"කියපන්"

"උබ ෆේස්බුක් හැක් කරන්න දන්නවද?"

"නෑ නෙ.ඇයි?"

"දැන් නන් අරකිව මට ශුවර්ම නෑ බන්"

"ඇයි මොකක්ද වුනේ"

"මන් අර කිව්වෙ මේකිට එක්සෑම් ගොඩදාන්න උදව් කරපු යාලුවයි මේකි අතරෙ මොකක්හරි තියනව.ඌ ගැන අහද්දි තරහ යනව.දැන් දවස් ගානක ඉදන් කතා නෑ අපි.ඒත් ෆේස්බුක් ඔන්ලයින්.පාස්වර්ඩ් එක ඉල්ලුවම දුන්නෙත් නෑ.මුන් දෙන්න සෙට් වගේ"

"කමක් නෑ බන්.යන්න ඇරපන්.බලෙන් තියාගන්න බෑ නෙ.ඒකිගෙ කැමැත්තනේ."

"පිස්සුද බන්.මන් කොච්චර දේවල් ඕකි වෙනුවෙන් කරාද.එහෙම ලේසියෙන් යන්න දෙන් නෑ මන්.උබ දන්නවනෙ මගෙ හැටි.මන් සිරා ලව් කරේ.මරාගෙන මැරෙන්නෙ."

බහුතරයකගෙ හිතේ තියන ආදරේ කියන එක මේ වගේ.නැතිවෙනවට බයයි.නැතිවුනොත් බලන්නෙ පලිගන්න.රිද්දන්න.මේක ආදරේකට වඩා බලහත්කාරයක්.නිදහස නැති කිරීමක්.සිරා ලව් කිව්වම මේ ඔක්කොම සාධාරණ වෙනවා.

කාලයත් එක්ක වයසට යනකොට ආදරය අපි දකින විදිහ පරිණත වෙනවා.ඉස්කෝලෙ ඇරිල ඇවිත් බස්හෝල්ට් එකෙ දකින ලස්සන කෙල්ල දවස් ගානක් දැක්කම එයාට ආදරේ හිතෙනවා.ඒක ආදරයට වඩා ආකර්ශනයක්.ඒ ෆීලින්ග් එක ප්‍රාථමිකයි.තාම විහිදිලා නෑ.හැබැයි ඒ කාලෙත් එක්ක ඒක ලස්සනයි.වයසට යද්දි ඕක වෙනස් වෙනවා.දැන් ඒක ටිකක් ගැඹුරුයි.ආදරය හොද ආශ්‍රයක් එක්ක තේරුම්ගන්න දෙයක් , අනෙකා ගැන තියන කියවීමක් , හොද අදහස් ගැලපීමක් වගේ දෙයක් කියන තැනට එනවා.ඊටපස්සෙ අපි ආදරේ කරන්න කැමති කෙනාගෙ මොඩ්ල් එක මනසින් හදාගන්නවා.එහෙම කෙනෙක් ඉන්නත් පුලුවන් නොඉන්නත් පුලුවන්.

ආදරෙ කියන්නෙ ගෞරවය , ලබා දෙන නිදහස , තේරුම්ගැනීම් , හැගීම් , සතුට හා සමහර වෙලාවට අත් හැරීම.දෙන්නගෙම ජීවිත විනාස කරගෙන බලහත්කාරයෙන් අල්ලගෙන ඉන්න එක ආදරට වඩා උමතුවක්.

Address

Kandy

Website

facebook.com

Alerts

Be the first to know and let us send you an email when ස්යිබර් හෑලි - Cyber Haeli posts news and promotions. Your email address will not be used for any other purpose, and you can unsubscribe at any time.