https://www.facebook.com/109769228347720/

Slei News

නවතම පුවත් එසැණින් දැනගන්න සමිබන්ධ ව?

31/12/2022

අභිනව 2023 වර්ෂය ශ්‍රී ලාංකීය සහ ලෝක වාසි ඔබ සැමට සාමය , සතුට , සෞභාග්‍යය සහ තම ස්වෝත්සහයෙන් අතමිට සරුවන සුබම සුබ නව වසරක් වේවා!

May 2023 be the year of peace, happiness, prosperity and prosperity to all Sri Lankans and the world!

2023 ஆம் ஆண்டு அனைத்து இலங்கையர்களுக்கும் உலக மக்களுக்கும் அமைதி, மகிழ்ச்சி, செழிப்பு மற்றும் செழுமையின் ஆண்டாக அமையட்டும்!

26/12/2022

සුනාමි ව්‍යසනය සිදුව අදට (26) වසර 18ක් සපිරෙනවා.

2004 වසරේ සිදු වූ සුනාමි ව්‍යසනයෙන් මෙරට මුහුදුබඩ දිස්ත්‍රික්ක 14කට බලපෑම් සිදු වු අතර මියගිය සංඛ්‍යාව 35000ක් පමණ වනවා.

මේ අතර සුනාමි ව්‍යසනයෙන් හා විවිධ ආපදාවලින් මියගිය ශ්‍රී ලාංකිකයින් සිහිපත් කිරීම සඳහා අද (26) පෙරවරු 9.25 සිට පෙරවරු 9.27 දක්වා විනාඩි දෙකක නිශ්ශබ්දතාවයක් පැවැත්වුවා..

ඒ වෙනුවෙන් දිවයින පුරා දිස්ත්‍රික් මට්ටමින් විවිධ වැඩසටහන් රැසක් පැවැත්වීමට නියමිත අතර ප්‍රධාන උත්සවය ගාල්ල පැරෑලිය සුනාමි ස්මාරකය අභියස දී පැවැත්වෙන බවයි ආපදා කළමනාකරණ මධ්‍යස්ථානය පැවසුවේ.

එමෙන්ම ජාතික සුරක්ෂිත දිනය අදට (26) යෙදී තිබෙනවා.

දිස්ත්‍රික් මට්ටමින් විවිධ ආපදා නිසා මෙරට මියගිය සියලු‍දෙනා සිහිපත් කරමින්, ජාතික සුරක්ෂිතා දින වැඩසටහන ක්‍රියාත්මක කරන බවයි ආපදා කළමණාකරණ මධ්‍යස්ථානය පැවසුවේ.

25/12/2022

සුනාමි ව්‍යසනයෙන් හා විවිධ ආපදාවලින් මියගිය ශ්‍රී ලාංකිකයින් සිහිපත් කිරීම සඳහා හෙට (26) පෙරවරු 9.25 සිට පෙරවරු 9.27 දක්වා විනාඩි දෙකක නිශ්ශබ්දතාවයක් පවත්වන ලෙස ආපදා කළමනාකරණ මධ්‍යස්ථානය මහජනතාව දැනුම්දෙනවා.

මේ අතර ,ජාතික සුරක්ෂිත දිනය, හෙටට (26) යෙදී තිබෙනවා

ඒ වෙනුවෙන් හෙට (26) දිවයින පුරා දිස්ත්‍රික් මට්ටමින් විවිධ වැඩසටහන් රැසක් පැවැත්වීමට නියමිත අතර ප්‍රධාන සැමරුම් උත්සවය ගාල්ල පැරෑලිය සුනාමි ස්මාරකය අභියස දී පැවැත්වෙන බවයි ආපදා කළමනාකරණ මධ්‍යස්ථානය පැවසුවේ.

දිස්ත්‍රික් මට්ටමින් විවිධ ආපදා නිසා මෙරට මියගිය සියලුදෙනා සිහිපත් කරමින්, ජාතික සුරක්ෂිත, දින වැඩසටහන ක්‍රියාත්මක කිරීමට නියමිතයි.

25/12/2022

පවතින අධික වර්ෂාපතනය හේතුවෙන් මහනුවර දිස්ත්‍රික්කයට දැඩි බලපෑමක් එල්ල වී ඇති බව ආපදා කළමනාකරණ මධ්‍යස්ථාන පවසනවා.

එහි අධ්‍යක්ෂ ජනරාල්, මේජර් ජෙනරාල් සුදන්ත රණසිංහ මහතා පැවසුවේ ගංවතුර තත්ත්වයන්ට මුහුණ දී ඇති ජනතාව ආරක්ෂිත ස්ථාන වෙත යොමු කර ඇති බවයි.

එමෙන්ම ගමනාගමනය බාධා එල්ල වූ මාර්ගවල පස් කඳු සහ ගල් ඉවත් කරමින් පවතින බව ද ඔහු සඳහන් කළා.

25/12/2022

පවතින අයහපත් කාලගුණ තත්ත්වය හේතුවෙන් තවත් දුම්රිය ගමන්වාර කිහිපයක් අවලංගු කිරීමට දුම්රිය දෙපාර්තමේන්තුව පියවරගෙන තිබෙනවා.

ඒ අනුව අද(25) දින ධාවනය වීමට නියමිතව තිබු කොළඹ කොටුව සිට බදුල්ල බලා ධාවනය වන දුම්රිය සහ බදුල්ල සිට කොළඹ කොටුව බලා ධාවනය වන රාත්‍රී තැපැල් දුම්රිය මෙලෙස අවලංගු කිරීමටයි පියවර ගෙන ඇත්තේ.

එසේම බදුල්ල දුම්රිය ස්ථානයෙන් රාත්‍රී 07.30ට කොළඹ කොටුව බලා ධාවනය වන විශේෂ දුම්රිය ද අයහපත් කාලගුණික තත්ත්වය හේතුවෙන් අවලංගු කර තිබෙනවා.

එසේම අයහපත් කාලගුණ තත්ත්වය නිසා ජලයෙන් යටව තිබූ මහනුවර දුම්රිය ස්ථානය මේ වනවිට පවිත්‍ර කරමින් සිටින බවයි එම දුම්රිය ස්ථානයේ ප්‍රකාශකයෙකු සඳහන් කළේ.

මීට අමතරව මහනුවර සහ මහයියාව දුම්රිය ස්ථාන අතර දුම්රිය මාර්ගය වෙත පස් කඩා වැටීම නිසා එම මාර්ගයේ දුම්රිය ධාවනයටද බාධා එල්ල වුණා.

ගෙලිඔය දුම්රිය ස්ථානය ආසන්නයේ දුම්රිය මාර්ගය ද ජලයෙන් යටව තිබුණේ පවතී වැසි තත්ත්වය හේතුවෙන්.

25/12/2022

පවතින අධික වර්ෂා සහිත කාලගුණික තත්ත්වයත් හේතුවෙන් ජාතික ගොඩනැගිලි පර්යේෂණ සංවිධානය විසින් දිස්ත්‍රික්ක හතරකට නායයෑම් අවදානම් නිවේදනයක් නිකුත් කර තිබෙනවා.

ඒ මහනුවර, කුරුණෑගල, මාතලේ සහ නුවරඑළිය දිස්ත්‍රික්කවලට අදාලවයි.

මෙම නිවේදනය අද (25) පෙරවරු 7.30 සිට හෙට (26) පෙරවරු 7.30 දක්වා බලපැවැත්වෙන පරිදි නිකුත් කර තිබෙනවා.

එම දිස්ත්‍රික්කවල ජනතාව මේ පිළිබඳ දැඩි අවධානයෙන් පසු විය යුතු බවද ජාතික ගොඩනැගිලි පර්යේෂණ සංවිධානය වැඩිදුරටත් සඳහන් කළා.

22/12/2022

නත්තල් උත්සවය වෙනුවෙන් ගම්බිම් බලා පිටව යන ජනතාව වෙනුවෙන් විශේෂ දුම්රිය වාර කිහිපයක් ක්‍රියාත්මක කිරීමට දුම්රිය දෙපාර්තමේන්තුව පියවර ගෙන තිබෙනවා.

ඒ අනුව සාමාන්‍ය දුර ගමන් සේවා දුම්රියට අමතරවයි මෙම දුම්රිය ධාවනය වන්නේ.

22/12/2022

ලබන සඳුදා එනම් දෙසැම්බර් 26 වැනිදා රජයේ විශේෂ නිවාඩු දිනයක් ලෙස ප්‍රකාශයට පත් කර තිබෙනවා.

ඒ රාජ්‍ය පරිපාලන හා ස්වදේශ කටයුතු අමාත්‍යාංශය විසින්.

නත්තල් දිනය ඉරිදාට යෙදී තිබීම හේතුවෙන් ඊට අදාළ නිවාඩුව මෙලෙස සඳුදා දිනයේ ලබා දීමට කටයුතු කළ බවයි එම අමාත්‍යාංශය නිකුත් කළ නිවේදනයක දැක්වෙන්නේ.

21/12/2022

නත්තල් දිනය දා (25) සුරාසැල් වසා තබන බව ජනාධිපති මාධ්‍ය ඒකකය සඳහන් කරනවා

හෝටල් සහ අවන්හල්වල මෙම දිනට මත්පැන් භාවිත කළ හැකි බවයි ජනාධිපති මාධ්‍ය ඒකකය වැඩිදුරටත් සඳහන් කරන්නේ

20/12/2022

Whatsapp සමාගම විසින් පරිශීලකයින් වෙත Whatsapp පණිවිඩ delete only me පහසුකම සඳහා යලි ආපසු හැරවීමේ(undo) කිරීමේ නව පහසුකමක් හඳුන්වා දී තිබෙනවා.

එමෙන්ම මෙම නව යාවත්කාලීන කිරීම මගින් Whatsapp සමූහවල admin වරුන්ට අනෙකුත් සාමාජිකයන් විසින් එවන ලද පණිවිඩ delete කිරීමේ පහසුකමද ලබාදී තිබෙනවා.

තවද disappearing messages පහසුකම යටතේ ඉවත්වූ පණිවිඩ නැවත ආපසු ලබාගැනීමේ පහසුකමක්ද මේ දිනවල අත්හදා බලමින් පවතින බවයි වාර්තා වන්නේ.

20/12/2022

අ.පො.ස.(සා.පෙළ) විභාගය සඳහා 2021 (2022) වර්ෂයේ දී පළමුවරට පෙනී සිට විභාගය සමත්ව 2024 වර්ෂයේ දී අ.පො.ස (උ.පෙළ) විභාගයට පෙනී සිටීමට නියමිත, ආර්ථික දුෂ්කරතා ඇති සිසුන්ට ජනාධිපති අරමුදල මගින් ශිෂ්‍යත්ව පිරිනැමීමේ වැඩසටහන සඳහා අයදුම්පත් කැඳවීම දෙසැම්බර් 23 වනදායින් අවසන් කෙරෙනවා.

ශිෂ්‍යත්ව අපේක්ෂකයන් අදාළ අයදුම්පත්‍ර විදුහල්පති මගින් ලබාගෙන එය නිසි පරිදි සම්පූර්ණ කර ආදායම් තත්ත්වය පිළිබඳ ග්‍රාම නිලධාරී නිර්දේශය සහිතව 2022-12-23 වන දිනට පෙර විදුහල්පති වෙත භාරදීම විධිමත් ක්‍රමවේදය වන අතර එම අයදුම්පත්‍ර විදුහල්පතිවරු විසින් කලාප අධ්‍යාපන කාර්යාල හරහා ජනාධිපති කාර්යාලය වෙත භාර දීම සිදු කරනු ලබනවා.

නමුත් අයදුම්පත් ඉදිරිපත් කිරීමේ ක්‍රමවේදය පිළිබඳ අවබෝධයක් නොමැතිකම හේතුවෙන් අයදුම් පත් විශාල සංඛ්‍යාවක් සෘජුව ජනාධිපති අරමුදල වෙත ද යොමු කර තිබුනා.

එබැවින් ශිෂ්‍යත්ව පිරිනැමීමේ කටයුතු ප්‍රමාදයකින් තොරව විධිමත්ව ඉටුකර ගැනීම සඳහා එම අයදුම් පත් සෘජුව ජනාධිපති අරමුදල වෙත යොමු නොකොට, අදාළ විදුහල්පතිවරු වෙත භාරදෙන ලෙස සියලු ශිෂ්‍යත්ව අපේක්ෂකයින් වෙත දැනුම් දී සිටිනවා.

ශිෂ්‍යත්ව සුදුසුකම් ලැබීමට අයදුම්කරුවන්ගේ පවුලේ මාසික ආදායම රු. 75,000/- නොඉක්මවිය යුතු අතර රජයේ පාසලක හෝ ගාස්තු අය නොකරන පෞද්ගලික පාසලක හෝ ඉගෙනුම ලබන ශිෂ්‍යයෙක් විය යුතුයි.

අයදුම්කරු 2021 (2022) වර්ෂයේදී පවත්වන ලද අ.පො.ස(සා.පෙළ) විභාගයට පළමුවරට පෙනී සිට 2024 වර්ෂයේ දී අ.පො.ස (උ.පෙළ) හැදෑරීම සඳහා සම්පූර්ණ සුදුසුකම් ලැබ සිටිය යුතු වනවා.

එක් අධ්‍යාපන කලාපයකට හිමිවන ශිෂ්‍යත්ව ප්‍රමාණය 30ක් වන අතර, එලෙස තෝරා ගන්නා ශිෂ්‍යත්වලාභීන්ට අ.පො.ස (උ.පෙළ) විභාගයට පෙනී සිටින තෙක් මසකට රු. 5,000.00 බැගින් මාස 24ක උපරිම කාලසීමාවක් සඳහා ශිෂ්‍යාධාරය පිරිනමනු ලැබෙනවා.

18/12/2022

කන්කසන්තුරේ වරාය සහ ඉන්දියාවේ පොන්ඩිචෙරි අතර මගී යාත්‍රා සේවාවක් ලබන මාසයේ ආරම්භ කරන බව නාවික සහ සිවිල් ගුවන් සේවා අමාත්‍ය නිමල් සිරිපාල ද සිල්වා මහතා ප්‍රකාශ කර තිබෙනවා.

ඒ අනුව ලබන වසරේ ජනවාරි මස මැද භාගයේදී මෙම යාත්‍රා සේවාව ආරම්භ කිරීමටයි කටයුතු යොදා ඇත්තේ.

18/12/2022

පහ ශ්‍රේණිය ශිෂ්‍යත්ව විභාගය සඳහා අපේක්ෂකයින් 334,698 දෙනෙකු දිවයින පුරා පිහිටි විභාග මධ්‍යස්ථාන 2,894 කදී අද (18) පැවැත්වුණා.

මේ අතර මෙවර ශිෂ්‍යත්ව විභාගයේදී ඇහැටුවැව බණ්ඩාරනායක මහා විද්‍යාලයේ ස්ථාපිත කර තිබූ විභාග මධ්‍යස්ථානයේ දී විභාගයට මුහුණ දුන් සිසුන් පිරිසකට අසාධාරණයක් සිදුව තිබෙනවා.

එම මධ්‍යස්ථානයේ දී විභාගය ලිවීමට පැමිණ සිටි, නිතලව ඥානීස්වර විද්‍යාලයේ සිසුන් පිරිසකටයි විභාග පරීක්ෂිකාවකගේ නොසැළකිල්ලෙන් මෙම අසාධාරණය සිදුව ඇත්තේ.

අද දිනයේ පැවති ශිෂ්‍යත්ව විභාගයේ පළමුව ලබාදුන් දෙවන ප්‍රශ්න පත්‍රය, විභාග පරීක්ෂිකාවක් ලෙස කටයුතු කළ ගුරුවරියක විසින් විභාගය ලියූ සිසුන් අතර මාරුකර ලබාදීමෙන් මෙම ගැටළුව මතුව තිබෙනවා.

ප්‍රශ්න පත්‍රය ලබා දී පැය භාගයකට පමණ පසු සිසුන් අතර ප්‍රශ්න පත්‍රය මාරුකර ලබාදී බවට දැන ගැනීමත් සමඟ යළිත් එම ප්‍රශ්න පත්‍රය සිසුන්ගෙන් ලබා ගැනීමටයි අදාළ පරීක්ෂිකාව කටයුතු කර ඇත්තේ.

එලෙස ලබාගත් ප්‍රශ්න පත්‍රයේ සිසුන් විසින් සටහන්කර තිබූ පිළිතුරු මකා දමා යළිත් පිළිවෙලට සිසුන් වෙත ලබාදීමට අදාළ විභාග පරීක්ෂිකාව කටයුතු කර ඇති බවයි එම සිසුන්ගේ මව්පියන් චෝදනා කරන්නේ.

මේ හේතුවෙන් තම දරුවන්ට නියමිත කාලය තුළ අදාළ ප්‍රශ්න පත්‍රයට පිළිතුරු සැපයීමට නොහැකි වූ බවත් එම දරුවන්ගේ දෙමව්පියන් චෝදනා කරනවා.

18/12/2022

මාතර කතරගම ප්‍රධාන මාර්ගයේ ධාවනය වෙමින් තිබූ මෝටර් රථයක් අද(18) දහවල් වැල්ලමඩම ප්‍රදේශයේ දී පාරෙන් ඉවතට ගොස් මුහුදට වැටී අනතුරකට ලක්ව තිබෙනවා.

අනතුරෙන් විශ්වවිද්‍යාල ආචාර්යවරයෙකු තුවාල ලබා ඇති බවයි පැවසෙන්නේ.

අනතුර සිදුවන අවස්ථාවේ ඒ අවට පිරිස එක්ව රියදුරු අසුනේ සිටි ඔහු බේරා ගෙන ගොඩට රැගෙනවිත් තිබෙනවා.

පසුව අනතුරෙන් කම්පනයට පත්ව ඇති 50 හැවිරිදි ඔහු වෛද්‍ය ප්‍රතිකාර සදහා මාතර මහ රෝහල වෙත ඇතුළත් කළ බවයි පොලිසිය ප්‍රකාශ කළේ.

අනතුරට නිශ්චිත හේතුව මේ දක්වා අනාවරණය වී නැහැ.

18/12/2022

සියලු‍ම කෙටි කෑමවල මිල ගණන් අද (18) සිට රුපියල් 10කින් අඩු කරන බව සමස්ත ලංකා ආපනශාලා හිමියන්ගේ සංගමය පවසනවා.

එම සංගමයේ සභාපති අසේල සම්පත් මහතා පැවසුවේ ඇතැම් පාරිභෝගික අමුද්‍රව්‍යවල මිල ගණන් අඩුවීමට සාපේක්ෂව මෙම තීරණය ගත් බවයි.

එමෙන්ම ඊයේ (17) මධ්‍යම රාත්‍රියේ සිට ක්‍රියාත්මක වන පරිදි ග්‍රෑම් 450ක බරකින් යුතු පාන් ගෙඩියක මිල ද රුපියල් 10කින් අඩු කරනු ලැබුවා.

17/12/2022

දෙහිවල දුම්රිය ස්ථානය ආසන්නයේ සෙල්ෆි ඡායාරූප ගැනීමට ගිය තිදෙනෙකු දුම්රියේ ගැටී අනතුරක් සිදුව තිබෙනවා.

අනතුරෙන් එහි සිටි එක් තරුණයෙකු සහ තරුණියක් මිය ගොස් ඇති අතර තුවාල ලැබු අනෙක් තරුණයා ප්‍රතිකාර සඳහා කළුබෝවිල රෝහලට ඇතුළත් කළ බවයි පොලීසිය පැවසුවේ.

අද (17) පෙරවරු 10.50ට පමණ මරදානේ සිට කළුතර බලා ධාවනය වූ දුම්රියේ මොවුන් ගැටී ඇති අතර රෝහල්ගත කිරීමෙන් අනතුරුව අදාළ තරුණයා සහ තරුණිය මියගොස් ඇති බව සඳහන්.

මියගිය දෙදෙනා වයස අවුරුදු 21 වන කරන්දෙණිය සහ වතුගෙදර යන ප්‍රදේශවල පදිංචි අය බවයි පොලිසිය වැඩිදුරටත් පැවසුවේ.

17/12/2022

ශ්‍රේණිය ශිෂ්‍යත්ව විභාගය හෙට(18) දිනයේ පැවැත්වීමට නියමිතව තිබෙනවා.

ඒ අනුව දිවයින පුරා විභාග මධ්‍යස්ථාන 2,894කදී එය පැවැත්වෙනු ඇති.

මෙම විභාගය පැවැත්වීමේ වෙනසක් සිදුකර ඇති අතර ඒ අනුව පළමුව ලබා දෙන්නේ දෙවන ප්‍රශ්න පත්‍රයයි.

අනතුරුව කෙටි විවේකයක් ලබා දී පළමු ප්‍රශ්න පත්‍රය ලබා දීමටයි සැලසුම් කර ඇත්තේ.

17/12/2022

ග්‍රෑම් 450ක පාන් ගෙඩියක මිල පහත දැමීමට බේකරි හිමියන්ගේ සංගමය පියවර ගෙන තිබෙනවා.

ඒ අනුව රුපියල් 10කින් මිල පහත දමන බවයි එම සංගමයේ සභාපති එන්.කේ ජයවර්ධන මහතා ප්‍රකශ කළේ.

12/12/2022

ඉල්ලීම් හයක් මුල් කරගනිමින් ඒකාබද්ධ තැපැල් වෘත්තීය සමිති පෙරමුණ ආරම්භ කර ඇති එක්දින සංකේත වැඩ වර්ජනය හේතුවෙන් දිවයින පුරා තැපැල් සේවා අඩාල වී තිබෙනවා.

කෙසේ වෙතත් නිවේදනයක් නිකුත් කරමින් තැපැල්පති රංජිත් ආරියරත්න මහතා සඳහන් කළේ සියලු‍ තැපැල් සේවකයන්ගේ නිවාඩු අවලංගු කල බවයි.

12/12/2022

පොල්ගහවෙල දුම්රිය ස්ථානය අසල පිහිටි කෑගල්ල දුම්රිය හරස් මාර්ගය අලුත්වැඩියා කටයුත්තක් හේතුවෙන් ලබන 15 සිට තාවකාලිකව වසා දමන බව දුම්රිය මූලස්ථානය පවසනවා.

ඒ අනුව ලබන 15, 16, 17 සහ 18 යන දිනවල එලෙස මාර්ගය වසා තැබෙන බවයි නිවේදනයක් නිකුත් කරමින් එම මූලස්ථානය පැවසුවේ.

එමෙන්ම අදාළ මාර්ගය භාවිත කරන රියදුරන්ගෙන් එම මුලස්ථානය ඉල්ලා සිටින්නේ විකල්ප මාර්ග භාවිත කර සිය ගමනාගමන කටයුතු සිදු කර ගන්නා ලෙසයි

10/12/2022

ගාලු පාරේ බම්බලපිටිය ආසන්නයේ අද(10) උදෑසන සිදු වූ රිය අනතුරකින් පුද්ගලයෙකු මිය ගියා.

මෙම අනතුර සිදු වුණේ එකම දිශාවට ධාවනය වූ මෝටර් රථයක් සහ ත්‍රිරෝද රථයක් එකිනෙක ගැටීමෙන්.

අනතුරෙන් මිය ගියේ ත්‍රිරෝද රථයේ රියදුරු වන අතර, මෝටර් රථයේ පැමිණි පිරිස බීමතින් සිටි බවයි අනතුර සිදු වූ ස්ථානයේ සිටි පිරිස කියා සිටියේ.

එසේම මෝටර් රථය තුළ තිබී මත්පැන් බෝතල් කිහිපයක්ද හමු වූ බව එම පිරිස වැඩි දුරටත් සඳහන් කළා.

10/12/2022

එළුමස් සහ ගව මස් දිස්ත්‍රික් සහ පළාත් මට්ටමින් ප්‍රවාහනය වහාම ක්‍රියාත්මක වන පරිදි තාවකාලිකව අත්හිටු වන ලෙස ජනාධිපති රනිල් වික්‍රමසිංහ මහතා විසින් නියෝග කර තිබෙනවා.

ජනාධිපති මාධ්‍ය ඒකකය පැවසුවේ පැවති අධික ශීත කාලගුණ තත්ත්වය හමුවේ උතුර, නැගෙනහිර පළාත්වල ගවයන් සහ එළුවන් මියයාම සැලකිල්ලට ගනිමින් මෙම නියෝගය නිකුත් කර ඇති බවයි.

10/12/2022

නීති පීඨය ඇතුළු කොළඹ විශ්වවිද්‍යාලයේ ගුණාත්මකභාවය වැඩිදියුණු කිරීමට රජයේ සහාය ලබාදෙන බව ජනාධිපති රනිල් වික්‍රමසිංහ මහතා පවසනවා.

ජනාධිපතිවරයා මේ බව සඳහන් කර සිටියේ කොළඹ විශ්වවිද්‍යාලයේ 75 වැනි සංවත්සරය වෙනුවෙන් සංවිධානය කර තිබූ Back To the Faculty of Law – Law Faculty වැඩසටහනට අද (10) පෙරවරුවේ සහභාගීවීමෙන් අනතුරුව නීති පීඨයේ පීඨාධිපති කාර්යාලයේ පැවති සුහද සාකච්ඡාවකට එක් වෙමින්.

එමෙන්ම මෙරට විධායක ජනාධිපති ධුරයට පත් කොළඹ නීති පීඨයේ පළමු ආදි සිසුවා ලෙසයි ජනාධිපති රනිල් වික්‍රමසිංහ මහතා මෙම අවස්ථාවට සහභාගී වීම විශේෂත්වයක්.

විශ්වවිද්‍යාල අධ්‍යාපනයේ ගුණාත්මක භාවය ඉහළ නැංවීම සඳහා පශ්චාත් උපාධි ආයතනය පිහිටුවීමට සහ ඒ සඳහා ස්ථිර කාර්ය මණ්ඩලයක් බඳවා ගැනීමට වැඩපිළිවෙළක් සකස් කරන ලෙස ද ජනාධිපතිවරයා එම සාකච්ඡාවේදී විශ්වවිද්‍යාල බලධාරීන්ට උපදෙස් ලබා දී තිබෙනවා.

10/12/2022

නිරිත දිග බෙංගාල බොක්ක මුහුදු ප්‍රදේශයේ පැවති “මැන්ඩවුස්” සුළි කුණාටුව අද (10) අළුයම් කාලය වන විට උතුරු තමිල්නාඩු, පුදුචේරි සහ දකුණු ආන්ද්‍රා ප්‍රදේශ වෙරළ තීරය හරහා ගමන් කර ඇති බව කාලගුණවිද්‍යා දෙපාර්තමේන්තුව පවසයි.

එම පද්ධතිය ක්‍රම ක්‍රමයෙන් උදෑසන වන විට ගැඹුරු පීඩන අවපාතයක් දක්වාත් අද දහවල් වන විට පීඩන අවපාතයක් දක්වාත් තවදුරටත් දුර්වල වනු ඇතැයි අපේක්ෂා කෙරේ.

ඒ අනුව, දිවයිනේ සහ දිවයින වටා වන මුහුදු ප්‍රදේශවල කාලගුණය කෙරෙහි එමගින් ඇති බලපෑම ක්‍රමයෙන් අඩු වනු ඇත.

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වේ.

උතුරු, වයඹ සහ උතුරු මැද පළාත්වල වැසි වාර කිහිපයක් ඇති වේ.

උතුරු, උතුරු-මැද, මධ්‍යම සහ දකුණු පළාත්වල විටින් විට හමන පැ.කි.මී. 40පමණ තද සුළං බලාපොරොත්තු වේ.

උතුරු, උතුරු-මැද, නැගෙනහිර, ඌව සහ මධ්‍යම පළාත්වලත් හම්බන්තොට දිස්ත්‍රික්කයේත් විටින් විට හමන පැ.කි.මී. (50-60) පමණ තද සුළං බලාපොරොත්තු වන බව කාලගුණවිද්‍යා දෙපාර්තමේන්තුව වැඩිදුරටත් නිවේදනය කළේය.

එමෙන්ම, මැන්ඩවුස් චණ්ඩ සුළි කුණාටුව හේතුවෙන් මේ වනවිට මෙරටින් මරණ 03 ක් වාර්තා වී ඇති බව ආපදා කළමනාකරණ මධ්‍යස්ථානය පවසයි.

ඉන් නිවාස 1,300කට පමණ හානි සිදුවී ඇති බවද සඳහන්ය.

බලංගොඩ කුබුල්මුල්ල මොරහැල ප්‍රදේශයේ තම ගෙවත්තේ තේ දළු නෙලමින් සිටි 51හැවිරිදි කාන්තාවක් මතට ගිනිකූරු ගසක අත්තක් කඩාවැටීමෙන් ජීවිතක්ෂයට පත්වී තිබුණි.

09/12/2022

පාර්ලිමේන්තුවේ ජාතික සභාවට අනුබද්දව පිහිටුවා ඇති ආර්ථික ස්ථායිකරණ අනු කමිටුවට අදාළ තොරතුරු ජනතාව සමඟ සම්බන්ධ කරගැනීමේ අරමුණ ඇතිව නව වෙබ් අඩවියක් ජනගත කර තිබෙනවා.

පාර්ලිමේන්තුවේ කටයුතු, දියවන්නාවෙන් ඔබ්බට ගෙන යාමේ පියවරක් ලෙස මෙම ඩිජිටල් වේදිකාවට විශේෂයෙන්ම තරුණ ප්‍රජාව සම්බන්ධ කර ගැනීම අරමුණ වන බව මේ සඳහා සම්බන්ධ වෙමින් ආර්ථික ස්ථායිකරණ අනුකමිටු සභාපති පාර්ලිමේන්තු මන්ත්‍රී පාඨලී චම්පික රණවක මහතා ප්‍රකාශ කළේ.

අදියර 4ක් යටතේ ක්‍රියාත්මක කරනු ලබන මෙම වෙබ් අඩවිය මගින් ජනතාවට, ආර්ථික ස්ථායිකරණ අනුකමිටුව ඔස්සේ සිදුකරණ කටයුතු පරිශීලනය කිරීමේ හැකියාව මෙන්ම කමිටුව මගින් යොමුකරනු ලබන ප්‍රශ්නාවලිය සඳහා පාර්ලිමේන්තු වෙබ් පිටුව හා ලියාපදිංචි වීම තුළින් පිළිතුරු සැපයීමේ හැකියාවැඩ පවතිනවා.

මෙම පද්ධතිය පාර්ලිමේන්තු ප්‍රධාන වෙබ් අඩවිය හරහා සම්බන්ධ වන අතර කිසිදු බාහිර මෘදුකාංගයක් මගින් සම්බන්ධ වීමට අවශ්‍ය නොවන බවයි පැවසෙන්නේ

09/12/2022

වෙළදපොළේ ආනයනික කිරිපිටි මිල ගණන් යළිත් ඉහළ ගොස් තිබෙනවා.

ඒ අනුව ග්‍රෑම් 400 ආනයනික කිරිපිටි පැකට්ටුවක නව මිල රුපියල් 1240ක් වන බවයි කිරිපිටි ආනයනකරුවන්ගේ සංගමය සඳහන් කළේ.

ග්‍රෑම් 400 ආනයනික කිරි පිටි මිල ගණන් මින් පෙර වෙළදපළේ පැවතියේ රුපියල් 1160ත් රුපියල් 1180ත් අතර මිල ගණන් යටතේයි.

සමාජ ආරක්ෂණ බද්ද හේතුවෙන් මෙලෙස කිරිපිටි මිල ඉහළ ගොස් ඇති බව ද එම සංගමය සඳහන් කළා.

09/12/2022

රට වට බැඳි රන්වැට ලෙස විරුදාවලිය ලත් ශ‍්‍රී ලංකා නාවික හමුදාව ආරම්භ කර අදට (09) හැත්තෑ දෙවසරක් සපිරෙනවා.

ඒ වෙනුවෙන් විශේෂ උත්සවයක් අද කොළඹ ගාලූමුවදොර ඉදිරිපිට මුහුදේ ස්ථාන ගත කර ඇති විජයබාහු නෞකාවේදී පැවැත්වුණා.

දෙවන ලෝක යුද්ධයක පෙර ලකුණු පහළවීමත් සමඟ මෙරට ආරක්‍ෂාව සම්බන්ධයෙන් ගනු ලැබූ ප‍්‍රතිපත්තීමය තීරණයකට අනුව ‘ලංකා ස්වේච්ඡා නාවික හමුදා’’ ආරම්භ කළ අතර, 1943 ඔක්තෝම්බර් 01 වැනිදා රාජකීය ලංකා ස්වෙච්ඡුා නාවික හමුදාව බවට පත්වුණා.

1948 පෙබරවාරි 04 වැනිදා මෙරට නිදහස ලැබීමත් සමඟ 1950 දෙසැම්බර් මස 09 වැනිදා රාජකීය ලංකා නාවික හමුදාව ස්ථාපිත කිරීමත් සමඟ මෙරට ස්ථිර නාවික හමුදාවක ආරම්භය සනිටුහන් වුණා.

මෙරට සාගර කලාපයේ ආරක්‍ෂාව භාර කෙරුණු එම හමුදාව 1972 ශ‍්‍රී ලංකා ජනරජයක් බවට පත්වීමත් සමඟ ශ‍්‍රී ලංකා නාවික හමුදාව බවට පත් වුණා.

1980 මුල් භාගයේදී මෙරට ඇති වූ ත‍්‍රස්තවාදී ක‍්‍රියාකාරකම් හේතුවෙන් එතෙක් සාම්ප‍්‍රදායික චාරිත‍්‍රානුකුල නාවික හමුදාවක භූමිකාවෙන් සංගාමික භූමිකාව වෙත පරිවර්ථනය වූ නාවික හමුදාවක් එතැන් සිට ඇරඹුණා.

ඒ අනුව ත‍්‍රස්තවාදය නිමා කර 2009 වසරේ මානුෂීය මෙහෙයුම විජයග‍්‍රහණය දක්වාම ශ‍්‍රී ලංකා නාවික හමුදාව ‘රට වට බැඳි රන්වැට’ ලෙස රටවටා ආරක්‍ෂක වළල්ලක් බවට පත් කරමින් ඉමහත් සේවයක් සිදු කළා.

09/12/2022

අත්‍යවශ්‍ය භාණ්ඩ තුනක මිල අද (09) සිට අඩු කිරීමට ලංකා සතොස තීරණය කර තිබෙනවා.

කීරි සම්බා, ලොකු ළූණු සහ ටින් මාළු මෙලෙස මිල අඩුකළ භාණ්ඩ අතරට අයත්.

ඒ, අනුව කීරි සම්බා සහල් කිලෝග්‍රෑමයක මිල රුපියල් 10.00 කින් ද, ලොකු ළූණු රුපියල් 16.00 කින් ද, ග්‍රෑම් 425ක ටින් මාළු ටින් එකක මිල රුපියල් 35.00 කින් ද මිල අඩුකර ඇති බවයි වාර්තා වන්නේ.

09/12/2022

අඩු ආදායම්ලාභීන් එම තත්වයෙන් මුදා ගැනීම සඳහා බහුකාර්ය පත්වීම් ලබාදුන් පිරිස ලබන වර්ෂයේ දී ස්ථිර කිරීමට අපේක්ෂා කරන බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් අද (09*) පාර්ලිමේන්තුවේදී ප්‍රකාශ කළා.

ඒ, පාර්ලිමේන්තු මන්ත්‍රී මයන්ත දිසානායක යොමු කළ ප්‍රශ්නයකට පිළිතුරු ලබාදෙමින්.

09/12/2022

අධික ශීත කාලගුණය හේතුවෙන් ගවයින් 10කට වැඩි පිරිසක් මිය ගොස් ඇති බව කිලිනොච්චියේ ගොවීන් පවසනවා.

එසේම තවත් ගවයන් රැසකගේ ජීවිත බේරා ගැනීමට ඔවුන් දැඩි පරිශ්‍රමයක් දරන බවයි පැවසෙන්නේ.

දිවයිනට බලපෑ ඇති කාලගුණ තත්ත්වය සමග අධික සීතලක් සමග තම ප්‍රදේශයට ද වැසි ඇදහැලෙන බවයි කිලිනොච්චියේ ගොවින් ප්‍රකාශ කළේ.

මේ තත්ත්වය තුළ සාමාන්‍ය ජන ජීවිතයට බලපෑම් එල්ල වී තිබෙනවා.

Address

Anuradhapura

Website

facebook.com

Alerts

Be the first to know and let us send you an email when Slei News posts news and promotions. Your email address will not be used for any other purpose, and you can unsubscribe at any time.

Videos

අග්‍රාමාත්‍ය රනිල් වික්‍රමසිංහ මහතා ගේ විශේෂ ප්‍රකාශය අතරතුර විපක්ෂ මන්ත්‍රීවරුන් විරෝධතාවයේ නිරත වීම හේතුවෙන් ජනාධිපති ගෝඨාභය රාජපක්ෂ මහතා පාර්ලිමේන්තුවෙන් පිටව ගොස් තිබෙන බව වාර්තා වෙයි. _විඩීයෝ දර්ශන පහතින් තිබෙනවා...>>_ 📽️

කොළඹ, බොරැල්ල, ටික්ල් පාරේ ( Tickle Road ) ඉන්ධන ලබා ගැනීමට පෝලිමක සිටි 60 වන හැවිරිදි පුද්ගලයෙක් අද ජීවිතක්ෂයට පත් වී තිබෙන බව වාර්තා වෙයි. _විඩීයෝ දර්ශන පහතින් තිබෙනවා...>>_ 📽️