Media Unit -NCP, North Central Provincial Council Anuradhapura, Anuradhapura (2025)

22/01/2025

ජනාධිපතිවරයාගේ සංකල්පයක අනුව ආරම්භ ක්‍රියාත්මක “ක්ලීනින් ශ්‍රී ලංකා“ වැඩසටහනට සමගාමීව අනුරාධපුර මහ රෝහලේ පිරිසිදු කිරීීීම් සහ උපකරණ අළුත්වැඩියා කිරීමේ වැඩසටහනක් උතුරු මැද පළාත් ආණ්ඩුකාර වසන්ත ජිනදාස මහතාගේ සහ අමාත්‍ය වසන්ත සමරසිංහ මහතාගේ ප්‍රධානත්වයෙන් පැවැත්විණි.

22/01/2025

ශ්‍රී ලංකාවේ ඇමරිකානු තානාපතිනිය ජූලි චංග් සහ පළාත් ආණ්ඩුකාරවර වසන්ත ජිනදාස මහතා අතර හමුවක් ආණ්ඩුකාර කාර්යාලයේ දි සිදු කෙරිණි.
මෙම අවස්ථාවට පළාත් ප්‍රධාන ලේකම් වරුණ සමරදිවාකර, ආණ්ඩුකාර ලේකම් විජය වනසිංහ, ආණ්ඩුකාර පුද්ගලික ලේකම් ආනන්ද ප්‍රේමකුමාර, ආණ්ඩුකාර මාධ්‍ය ලේකම් අතුල පීරි්ස් මහත්වරු සහභාගි වූහ.

17/01/2025

උතුරු මැද පළාත් සභාවේ ප්‍රධාන අමාත්‍යාංශ ලේකම්වරයා වශයෙන් කේ.එම්.එච්.එස්.කේ. ජයලත් මහතා අද දින (16) රාජකාරී කටයුතු ආරම්භ කළේය.

පරිපාලන සේවයේ විශේෂ පංතියේ කීර්තිමත් නිළධාරියෙකු වූ කේ.එම්.එච්.එස්.කේ. ජයලත් මහතා, ගලේවෙල අලුත්වැව කණිෂ්ඨ විදුහලෙන් සහ ගලේවෙල හොම්බාව මහා විද්‍යාලයෙන් මූලික අධ්‍යාපනය ලබා උසස් අධ්‍යාපනය සදහා කුරුණෑගල මලියදේව මධ්‍ය විද්‍යාලයට ඇතුලත් විය.
1996 වසරේ දී ශ්‍රී ජයවර්ධනපුර විශ්ව විද්‍යාලයට ඇතුලත් වී කළමණාකරණය පිළිබද උපාධිය ලබාගත් අතර පශ්චාත් උපාධිය කැළණිය විශ්ව විද්‍යාලයෙන් ලබා ගන්නා ලදී. ගුරුවරයෙකු වශයෙන් රාජ්‍ය සේවය ඇරඹු ඒ මහතා සහකාර ප්‍රාෙද්ශීය ලේකම්, ප්‍රාෙද්ශීය ලේකම් වශයෙන් ද වයඹ පළාත් සභාවේ පළාත් පාලන කොමසාරිස් වරයෙකු සහ ජ්‍යෙෂ්ඨ සහකාර ලේකම්වරයෙකු වශයෙන් ද , සමූපකාර කොමසාරිස්වරයෙකු වශයෙන් ද කටයුතු කර 2024 වසරේදී උතුරු මැද පළාත් සභාවේ රාජකාරී ආරම්භ කර කෘෂිකර්ම අමාත්‍යාංශයේ ලේකම් වශයෙන් කටයුතු කර ඇත.

09/01/2025

උතුරු මැද පළාතේ විසිතුරු මත්ස්‍ය වගාකරුවන් සඳහා විසිතුරු මත්ස්‍ය උපකරණ ලබාදීමේ වැඩසටහනක් පළාත් ආණ්ඩුකාර වසන්ත ජිනදාස මහතා අතින් සිදු කෙරිණි.

මේ සඳහා පළාත් සභා අරමුදල්වලින් රුපියල් මිලියන 8.2ක් පළාත් කෘෂිකර්ම හා ධීවර අමාත්‍යාංශය මගින් වැය කර ඇත. මේ යටතේ සෙවණ දැල්, වට ආවරණ දැල්, කුරුළු දැල්, ඔක්සිජන් සිලින්ඩර්, ඇස්බැස්ටෝස් සිවිල් තහඩු, ජී.ටී. බට, වතුර මෝටර්, බ්ලෝවර් ඇතුළු උපකරණ මත්ස්‍ය වගාකරුවන් සදහ‍ෙ ලබා දෙනු ලබයි.

2020 වර්ෂය වන විට මත්ස්‍ය වගාකරුවන් 3000ක් පමණ උතුරු මත පළාත තුළ සිටින අතර, 2021 වර්ෂය වන විට එම ගොවින් සංඛ්‍යාව 50ක් දක්වා පහත වැටුණි. නැවත ක්‍රමයෙන් මෙම වගාකරුවන් ප්‍රමාණය වැඩි වී මේ වන විට පළාත් තුළ වගාකරුවන් 400ක් දක්වා වර්ධනය වෙමින් පවතී. විශේෂයෙන් උතුරු මැද පළාත තුළ විසිතුරු මත්ස්‍ය විශේෂවල ගුණාත්මක වර්ධනයට, වර්ණ සංකලනයට හිතකර බැවින් මෙම පළාතේ විසිතුරු මත්ස්‍ය විශේෂ සඳහා ශ්‍රී ලංකාවේ අපනයන කරුවන් අතර ඉහළ ඉල්ලුමක් පවතී.
මේ අවස්ථාවට ආණ්ඩුකාර ලේකම් විජය වනසිංහ, පළාත් කෘෂිකර්ම අමාත්‍යාංශයේ ලේකම් කේ.එම්.එච්.එස්.කේ. ජයලත්, ආණ්ඩුකාර සම්බන්ධීකරණ ලේකම් ආනන්ද රත්නායක මහත්වරුන් හා අමාත්‍යාංශයේ නිලධාරීන් ඇතුළු පිරිසක් එක් විය

02/01/2025

අනුරාධපුර දිස්ත්‍රික්කයේ ගොවි ජනතාවට නොමිලයේ කොස් පැල ලබා දීමට උතුරු මැද පළාත් ආණ්ඩුකාර වසන්ත ජිනදාස මහතා පියවර ගෙන ඇත.
ඒ යටතේ කොස් පැල බෙදාදීමක් අනුරාධපුර මොරගොඩ, හේනපොලයාගම ප්‍රෙද්ශයේ දී සිදු කෙරිනි. මෙහිදි කොස් පැල 400ක් ආණ්ඩුකාරවරයා අතින් බෙදා දීම සිදු කෙරිණි.
මේ සදහා මූල්‍ය දායකත්වය ලබා දෙනු ලබන්නේ ඇමරිකා එක්සත් ජනදපයේ පදිංචි වෛද්‍ය විජේසිරි අමරසිංහ මහතා සහ මංජුල කොඩිතුවක්ක යන මහත්වරුන්ය.
මෙසේ බෙදා දෙනු ලබනුයේ මහඉලුප්පල්ලම කෘෂි පර්යේෂණ ආයතනය මගින් බද්ධ කරන ලද විශේෂිත කොස් වර්ගයකි.
මෙම අවස්ථාවට ජාතික ජන බලෙවේගයේ නැගෙනහිර නුවරගම් පළාත ආසන සංවිධායක හා වසන්ත සමරසිංහ අමාත්‍යවරයාගේ සම්බන්ධීකරණ ලේකම් කුමුදු ප්‍රියන්ත ගුණවර්ධන, ආණ්ඩුකාර මාධ්‍ය ලේකම් අතුල පිරීස් ඇතුළු ප්‍රෙද්ශවාසීන් පිරිසක් එක්විය.

01/01/2025

ජනාධිපති අනුර දිසානායක මහතා සහභාගි වූ ජනාධිපති ලේකම් කාර්යාලය ඉදිරිපිට පැවැත්වූ ක්ලීනින් ශ්‍රී ලංකා වැඩසටහනේ ජාතික වැඩසටහනට සමහගාමීව උතුරු මැද පළාත් සමාරම්භක උළෙල උතුරු මැද පළාත් ආණ්ඩුකාර වසන්ත ජිනදාස මහතාාගේ ප්‍රධානත්වයෙන් උතුරු මැද පළාත් සභා ශ්‍රවනාගාරයේදී (01) දින පැවැත්විණි.
මෙහිදී “ක්ලීනින් ශ්‍රී ලංකා“ ප්‍රඥාව ලබාදීම ද සර්වා ආගමික ආශිර්වාද මැද සිදු කෙරිණි.
මෙම අවස්ථාවට පළාත් ප්‍රධාන ලේකම් වරුණ සමරදිවාකර, කර ප්‍රධාන අමාත්‍යංශය ලේකම් සිරිමෙවන් ධර්මසේන, ආණ්ඩුකාර ලේකම් විජය වනසිංහ, ඇතුළු අමාත්‍යංශ ලේකම්වරු, නියෝජ්‍ය ප්‍රධාන ලේකම්වරු, ආයතන ප්‍රධානීන් මාණ්ඩලික නිළධාරීන් සහ පළාත් සභාවේ සියළු රාජ්‍ය නිලධාරින් එක්ව සිටියහ.

23/12/2024

ජනාධිපතිවරයාගේ සංකල්පයක අනුව ආරම්භ කිරීමට නියමිත “ක්ලීනින් ශ්‍රී ලංකා“ වැඩසටහනට සමගාමීව අනුරාධපුර නගරය පිරිසිදු කිරීමේ වැඩසටහනක් උතුරු මැද පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් අනුරාධපුර ඩඩ්ලි සේනානායක ළමා උද්‍යානය කේන්ද්‍ර කර ගනිමින් ආරම්භ කෙරිණි.
මේ වන විට අනුරාධපුර නගරය ඉතාම අවිධිමත් අයුරින් අනවසර ඉදිකිරීම් කර ඇති බවත් මෙහි ඇති ඓතිහාසික වටිනාකමත් හා සංචාරක කර්මාන්තය සදහා අද වන විට මෙය ඉතාමත් කණගාටුදායක තත්වයක් උදාවී ඇති බවත් ආණ්ඩුකාරවරයා පැවැසීය.
වැඩිදුරටත් අදහස් දැක්වූ ආණ්ඩුකාරවරයා, දැනට ඉදිකර ඇති අනවසර ඉදිකිරීම් සදහා ඉදිරියේ දී නීතිමය ක්‍රියා මාර්ග ගන්නා බව ද සදහන් කළේය.
මෙම වැඩසටහන සදහා උතුරු මැද පළාත් සභාව, මහ නගර සභාව, ස්වෙච්ඡා සංවිධාන හා ජනතාවගේ සහභාගීත්වයෙන් සිදු කෙරිණි.

23/12/2024

උතුරු මැද පළාතේ ග්‍රාමීය ජනතාවගේ ආර්ථිකය වැඩි දියුණු කිරීමේ අරමුණින් රාජ්‍ය පරිපාලන හා ස්වදේශ කටයුතු පළාත් පාලන අමාත්‍යාංශයේ ප්‍රාදේශීය සංවර්ධන සහයක ව්‍යාපෘතිය යටතේ ගලෙන්බිදුණුවැව මහජන පොල ඉදිරිපිට ඉදි කෙරුණු වෙළද සංකීර්ණය ජනතා අයිතියට පත් කිරීම උතුරු මැද පළාත් ආණ්ඩුකාර වසන්ත ජිනදාස මහතාගේ අතින් සිදු කෙරිණි.

යුරෝපා හවුල හා ලෝක බැංකු ණය ආධාර යටතේ මෙම ගොඩනැගිලි සදහා රුපියල් මිලියන 35.9 ක මුදලක් මේ සදහා වැයකර ඇත. මෙම වෙළද සංකීර්ණය කඩ කාමර 15කින් සමන්විතය

මෙම ව්‍යාපෘතිය මෙහෙයවීම හා අධීක්ෂණය ගලෙන්බිදුණුවැව ප්‍රාදේශීය සභාව හා පළාත් පාලන දෙපාර්තමේන්තුව මගින් සිදු කෙරේ.

මෙම අවස්ථාවට අනුරාධපුර දිස්ත්‍රික් පාර්ලිමේන්තු මන්ත්‍රී පී.ඩී.එම්.කේ. පළිහේන, ප්‍රධාන අමාත්‍යාංශ ලේකම් සිරිමෙවන් ධර්මසේන, ආණ්ඩුකාර පුද්ගලික ලේකම් ආනන්ද ප්‍රේමකුමාර, සම්බන්ධීකරණ ලේකම් ආනන්ද රත්නායක, පළාත් පාලන කොමසාරිස් අනුරාධ දිසානායක, ඇතුළු නිළධාරීන් සහ ව්‍යාපාරිකයන් සහභාගි වූහ.

23/12/2024

ජාතික ආධුනිකත්ව හා කාර්මික පුහුණු කිරීමේ අධිකාරියේ 53 වන සංවත්සරය නිමිත්තෙන් අනුරාධපුර දිස්ත්‍රික් කාර්යාලය විසින් සංවිධානය කරනු ලැබූ 2024 වර්ෂයේ පාඨමාලා හැදෑරු සිසු සිසුවියන් සදහා සහතික පත්‍ර ප්‍රදානය කිරීම උතුරු මැද පළාත් ආණ්ඩුකර වසන්ත ජිනදාස මහතාගේ ප්‍රධානත්වයෙන් පැවැත්විණි.
මෙහිදි සුරකුම් සහායක, හෙද සහකාර, කාර්මික මැහුම් ඇතුළු පුහුණු වෘත්තීය පාඨමාලා 22ක පමණ පුහුණුව ලැබූ සිසු සිසුවියන් 146 දෙනෙකු සදහා මෙම සහතික පත්‍ර ප්‍රදානය සිදු කෙරැණු අතර මෙම පාඨමාලාවන්ගේ කාල සීමාව මාස 09 සිට වසර 2 1/2 දක්වා සිදු කෙරිණි.
මෙම අවස්ථාවට අනුරාධපුර අතිරේක දිස්ත්‍රික් ලේකම් ඩබ්එස්.පී. වික්‍රමආරච්චි මහත්මිය, ජාතික ආධුනිකත්ව හා කාර්මික පුහුණු කිරීම් අධිකාරියේ දිස්ත්‍රික් කළමණාකරු එස්.එස්. සෙනෙවිරත්න, අධ්‍යක්ෂක (තත්ත්ව සහ ඇගයීම් ) චන්න සුභසිංහ ,සහකාර අධ්‍යක්ෂක( පුහුණු) එම්.එල්. ප්‍රියන්ත ඇතුළු කාර්ය මණ්ඩලයේ නිළධාරීන් සහභාගි වූහ

19/12/2024

උතුරු මැද පළාත් වාණිජ මණ්ඩලය විසින් සංවිධානය කරනු ලබන ප්‍රාදේශීය ව්‍යවසායකත්ව සම්මාන උලෙළ මෙවරත් ඉතා උත්කර්ශවත් අන්දමින් පළාත් ආණ්ඩුකාර වසන්ත ජිනදාස සහ වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහත්වරුන්ගේ ප්‍රධානත්වයෙන් අනුරාධපුර මංගෝ හෝටලයේ දී පැවැත්විණි.

15/12/2024

උතුරු මැද පළාතේ සංචාරක කර්මාන්තය දියුණු කිරීමේ අරමුණින් කොරියානු සංචාරක සංවිධානය මගින් රුපියල් මිලියන 500ක වියදමින් ඉදිකළ සංචාරක සේවා මධ්‍යස්ථානය හා සංචාරක පිළිගැනීමේ මධ්‍යස්ථානය හබරණ නගරයේ දී උතුරු මැද පළාත් ආණ්ඩුකාර වසන්ත ජිනදාස මහතා සහ කොරියානු නියෝජ්‍ය මහ කොමසාරිස් ජුන් සොන්යී මහත්මයගේ ප්‍රධානත්වයෙන් විවෘත කෙරිණි.
මෙම සංචාරක සේවා මධ්‍යස්ථානය ශ්‍රී ලංකවේ උතුරු මැද පලාතේ ප්‍රජා පාදක සංචාරක ව්‍යාපෘතියේ කොටසක් ලෙස හබරණ ප්‍රෙද්ශයේ සංචාරක යටිතල පහසුකම් වැඩි දියුණු කිරීමේ අරමුණින් කොරියානු ජනරජය හා ශ්‍රී ලංකා රජය අතර පවතින දිගු කාලීන මිත්‍රත්තවයේ සහ සහයෝගිතාවයේ සංකේතයක් ලෙස කොරියානු රජයේ ප්‍රදානත්වයෙන් ලබා දෙන ලදී.
මෙම අවස්ථාවට කොරියානු සංචාරක සංවිධානයේ නිළධාරීන්, සංචාරක අමාත්‍යාංශයේ අතිරේක ලේකම් එස්.එල්. නසීර්, සංචාරක මණ්ඩලයේ සභාපති බුද්ධික හේවාවසම්, උතුරු මැද පළාත් සංචාරක අධ්‍යක්ෂ දිල්රුක් රත්නායක, සංචාරක මණ්ඩලයේ නිළධාරීන් ඇතුළු පිරිසක් එක්වූහ.

11/12/2024

2024 පැවැති පොදු රාජ්‍ය මණ්ඩලීය කරාතේ ශූරතාවලිය හා දකුණු ආසියානු කරාතේ ශූරතාවලියේ රිදී සහ ලෝකඩ පදක්කම් ජයග්‍රහණය කල අනුරාධපුර දිස්ත්‍රීක්කයේ ක්‍රීඩක ක්‍රීඩිකාවන් සදහා උපහාර පිරිනැමීමේ උත්සවය උතුරු මැද පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් පළාත් සභා ශ්‍රවණාගාරයේ දී පැවැත්විණි.
2024 දකුණු අප්‍රිකාවේ ඩර්බන් හිදී පැවැත්වුණු 11 වන පොදු රාජ්‍ය මණ්ඩලීය කරාතේ ශූරතාවලියේදී රිදී පදක්කම් ජයග්‍රහණය කළ අනුරාධපුර මධ්‍ය විද්‍යාලයේ ආර්.එම්.ටී.පී. සේනාරත්න සිසුවියට ද එම තරගාවලීයේම ලෝකඩ පදක්කම ජයග්‍රාහණය කළ අනුරාධපුර මධ්‍ය විද්‍යාලයේ ටී.එම්.ආර්. ඉරුගල්බණ්ඩාර සිසුවිය ද, 2024 භූතානයේ පවත්වන ලද 08 වන දකුණු ආසියානු කරාතේ ශූරතාවලියේ දී අනුරාධපුර නිවත්තකචේතිය ජාතික පාසලේ ආර්.ඉදුවර දෙවිමිණ සිසුවා රිදී පදක්කම ද එම තරගාවලියේ ම අනුරාධපුර ශාන්ත ජෝශප් විද්‍යාලයේ එම්. සදලු සතිෂ් බන්දුල සිසුවා රිදී පදක්කම ද ජයග්‍රහණය කර ඇත.
එම ක්‍රීඩක ක්‍රීඩිකාවන්ගේ පුහුණු කරු වූ උතුරු මැද පළාත් අධ්‍යාපන දෙපාර්තමේන්තුවේ ක්‍රීඩා නිළධාරී ඩබ්.එම්.ඒ. ප්‍රියන්ත විජේසිංහ මහතා ද මෙහිදී ඇගයීමට ලක්විය.
මෙම අවස්ථාවට පළාත් ප්‍රධාන ලේකම් වරුණ සමරදිවාකර, දිස්ත්‍රික් ලේකම් රංජිත් විමලසූරිය " , ආණ්ඩුකර ලේකම් හා පළාත් ක්‍රීඩා අමාත්‍යාංශයේ ලේකම් විජය වනසිංහ, පළාත් ක්‍රීඩා අධ්‍යක්ෂක රුවන් විජේසිංහ, පළාත් අමාත්‍යාංශ ලේකම්වරු, විදුහල්පතිවරුන්, සිසු සිසුවියන් ඇතුළු දෙමාපියන් සහභාගි වූහ.

10/12/2024

උතුරු මැද පළාත් තුළ වී, බඩ ඉරිගු ප්‍රධාන අතිරේක බෝග , පළතුරු හා එළවළු බෝග ආදි වශයෙන් ප්‍රධාන වගාවන් ලෙස ජාතික ආර්ථිකයට විශාල දායකත්වයක් ලබා දෙයි. මේ සදහා කෘෂි ව්‍යාපත් නිළධාරීන්ගේ සහ කෘෂි උපදේශකවරුන්ගේ හිගකම නිසා ගොවීන් සදහා වගා බිමේ දී කෘෂි තාක්ෂණය, නවීන ක්‍රම, කෘෂි ව්‍යාපත් සේවා ලබා දීමේ දී ගැටළු ඇති‍ වේ. ඒ සදහා විසදුමක් වශයෙන් උතුරු මැද පළාතේ සෑම ග්‍රාම සේවා වසමක්ම නියෝජනය වන පරිදි ස්වෙච්ඡා කෘෂි ව්‍යාප්ත සහායකයන් තෝරා ගෙන ඔවුන්ට කෘෂි ව්‍යාප්ත දැනුම, කුසලතා හා ආකල්ප සංවර්ධනය මගින් කෘෂි ව්‍යාප්ත සේවාව ඉහළ නංවීම සදහා ගොවීන් 600 කණ්ඩායමකට දින 02ක පුහුණුව ලබා දීමට සැලසුම්කර ඇත. එහි පළමු අදියර යටතේ ගොවීන් 150 බැගින් කණ්ඩායම් 04ක් සදහා
පුහුණුව ලබා දීම මහඉලුප්පල්ලම සේවා සංස්කරණ හා අභ්‍යාස ආයතනයේ දී සිදු කෙරේ.
මේ අවස්ථාව සදහා පළාත් කෂිකර්ම අමාත්‍යාංශයේ ලේකම් සමන් කුමාර ජයලත්,
පළාත් කෘෂිකර්ම අධ්‍යක්ෂ බුද්ධික අබේසිංහ, ආණ්ඩුකාර පුද්ගලික ලේකම් ආනන්ද
කුමාගේ ඇතුළු කෘෂි ක්ෂේත්‍රෙය් නිළධාරීන් සහ ගොවීන් සහභාගි වූහ.

03/12/2024

ජපන් සහ චීන දූත පිරිසක් පළාත් ආණ්ඩුකාර වසන්ත ජිනදාස මහතා සහ නව රජයේ පාර්ලිමේන්තු මන්ත්‍රීවරුන් සමග සාකච්ඡාවක් පළාත් ශ්‍රවණාගාරයේ දී පැවැත්විණි.
මෙම අවස්ථාවට ආණ්ඩුකාර ලේකම් විජය වනසිංහ, ප්‍ආණ්ඩුකාර පෞද්ගලික ලේකම් ආනන්ද කුමාරගේ, සම්බන්ධිකරණ ලේකම් ආනන්ද රත්නායක ඇතුළු පිරිසක් එක්වූහ.

02/12/2024

රුපියල් මිලියන 300ක් පමණ වැය කර මැදිරිගිරිය නව නගරයේ ඉදිකිරීමට යෝජිත සමූපකාර ග්‍රාමීය බැංකුව හා කෝප් සිටි වෙළද මධ්‍යස්ථානයට මුල්ගල් තැබීම පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් සිදු කෙරිණි.
මේ අවස්ථාව සදහා පාර්ලිමේන්තු මන්තී පද්මසිරි බණ්ඩාර, ආණ්ඩුකාර ලේකම් විජය වනසිංහ, සමූපකාර කොමසාරිස් ජේ. රලියුදීන්, ආණ්ඩුකාර පෞද්ගලික ලේකම් ආනන්ද කුමාරගේ මැදිරිගිරිය සමූපකාර සමිතියේ සභාපතී ජී.ජේ. අරුණ ශාන්ත, සමූපකාර නිළධාරීන් ප්‍රෙද්ශ වාසීන් ඇතුළු පිරිසක් සහභාගි වූහ.

01/12/2024

උතුරු මැද පළාතේ ක්‍රියාත්මක මහ ඇල ව්‍යාපෘතියේ වනජීවි කළමණාකරණ සැලැස්ම හා වන අලි මිනිස් ගැටුම අවම කිරීමේ ක්‍රෙමා්පායන් ක්‍රියාත්මක කිරිම පිළිබද වැඩමුළුවක් පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් පැවැත්විිණි.
උතුරු මැද පළාතේ මහ ඇල ව්‍යාපෘතිය, වන අලි මිනිස් ගැටළු නිරාකරණය කිරීම හා එක්ව කළමණාකරණ ව්‍යාපෘතිය පිළිබද දේශපාලන අධිකාරිය හා රාජ්‍ය නිළධාරීන් දැනුවත් කිරීමේ වැඩසටහන උතුරු මැද පළාත් සභා ශ්‍රවණාගාරයේ දී පැවැත්විණි. මෙම අවස්ථාවේ දී එම ව්‍යාපෘති වල අධ්‍යක්ෂකවරුන් විසින් එම ව්‍යාපෘතිවල ප්‍රගතිය හා එහි දැනට ඇති ගැටළු පිළිබද සාකච්ඡාවක් මෙහිදී සිදු කෙරිණි.
මෙම අවස්ථාවට නව රජයේ පාර්ලිමේන්තු මන්ත්‍රීවරුන්, පළාත් ප්‍රධාන ලේකම්, අනුරාධපුර හා පොලොන්නරුව දිස්ත්‍රික් මහා දිසාපතිවරුන්, පරිසර අමාත්‍යාංශයේ, වාර්මාර්ග දෙපාර්තමේන්තුවේ නිළධාරීන් ඇතුළු රාජ්‍ය නිළධාරීන් රැසක් සහභාගි වූහ.

01/12/2024

අනුරාධපුර දිස්ත්‍රීක්කයේ පවතින අයහපත් කාලගුණය හේතුවෙන් ඇති වූ තත්වය පිළිබද විශේෂ සාකච්ඡාවක් ආරක්ෂක නියෝජ්‍ය අමාත්‍ය මේජර් ජනරාල් අරුණ ජයසේකර හා උතුරු මැද පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් ප්‍රධාන අමාත්‍යාංශ ශ්‍රවණාගාරයේ දී පැවැත්විණි.
දැනට අනුරාධපුර දිස්ත්‍රීකක්යේ පවුල් 1962 ක පුද්ගලයින් 6198 දෙනෙකු අවතැන් වී ඇති බව ආපදා කළමණාකරණ ඒකකයේ කර්නල් සනත් දිසානායක මහතා පැවැසීය. මෙයට අමතරව පුද්ගලයින් 590 දෙනෙකු අවතැන් කදවුරු වල රදවා ඇත.
මෙම ආපදා තත්වයේ දී ත්‍රිවිධ හමුදාව සමග ප්‍රාෙද්ශීය සභා මට්ටමින් අදාල තොරතුරු රැස්කර අවශ්‍ය කටයුතු සිදු කර ඇති බව උතුරු මැද පළාත් ආණ්ඩුකාර වසන්ත ජිනදාස මහතා පැවැසීය.
මෙහිදී අදහස් දැක්වූ ආරක්ෂක නියෝජ්‍ය අමාත්‍ය මේජර් ජනරාල් අරුණ ජයසේකර, මේ ආපදා තත්වයේ දී ආණ්ඩුකරතුමා ඇතුළු නිළධාරීන්ට, ත්‍රිවිධ හමුචාවට හා සිවිල් සමාජයට මෙම තත්වය සමනය කිරීමට අවශ්‍ය සහන කටයුතු සිදු කිරීම පිළිබදව ස්තූතිවන්ත වන බවයි.
මෙම අවස්ථාවට පළාත් ප්‍රධාන ලේකම් වරුණ සමරදිවාකර, ආණ්ඩුකාර ලේකම් විජය වනසිංහ, ප්‍රධාන අමාත්‍යාංශ ලේකම් සිරිමෙවන් ධර්මසේන, ආණ්ඩුකාර පෞද්ගලික ලේකම් ආනන්ද කුමාරගේ, සම්බන්ධිකරණ ලේකම් ආනන්ද රත්නායක, ත්‍රිවිධ හමුදාව නිළධාරීන්, දිස්ත්‍රික් ලේකම් කාර්යාලයේ නිළධාරීන්, ආපදා කළමණාකර හා සහන ඒකකයේ නිළධාරීන් ඇතුළු පිරිසක් එක්වූහ.

27/11/2024

ඓතිහාසික අනුරාධපුර නගර මධ්‍යෙය් ඉදිකල නිවාස ව්‍යාපෘතිය බරපතල ගැටලුවක් බවත් නගරයේ පැවැත්මට හා අලංකාරයට ඉදිරියේ දී විශාල තර්ජනයක් ඇතිවිය හැකි බවත් උතුරු මැද පළාත් ආණ්ඩුකාර වසන්ත ජිනදාස මහතා පවසයි.
ඒ මහතා ඒ බව පැවැසූවේ අනුරාධපුර නගර සංවර්ධන සැලැස්ම පිළිබදව පැවැති සාකච්ඡාවේ දීය.
මෙහිදී වැඩිදුරටත් අදහස් දැක්වූ ආණ්ඩුකාරවරයා, ලංකාවේ පැරණිම නගරය වන අනුරාධපුර නගරයේ වර්තමානයේ කරනු ලබන ඉදිකිරීම් නිසි සැලැස්මකට අනුව සිදු නොකරන බැවින් මෙම තත්වය උදා වී ඇති බවයි. ඉදිරියේ දී සියලුම රාජ්‍ය ආයතන, වෙළද සංගමය, වාණිජ මණ්ඩලය ඇතුලු මෙම ව්‍යාපෘතිය සදහා අදාල සියලුම අයගෙන් සමන්විත කිමිටුවක් ඉතා ඉක්මණින් ඇතිකර මෙම ගැටලුවට විසදුම් සෙවිය යුතු බවයි.
අනුරාධපුර නගරයේ විධිමත් රථගාල් ඇති කිරිම, අනවසර පදික වෙළද සැල් ඉවත් කර ඒ සදහා විකල්ප විසදුම් යෙදිම, නගරයේ ඇති වැව් ආශ්‍රිතව සංචාරක ආකර්ශනයක් ඇතිවන අයුරින් අදාල සැලැස්ම සකස් කල යුතු බව වැඩිදුරටත් පැවැසීය.
මෙහිදි අදහස් දැක්වූ අනුරාධපුර දිස්ත්‍රික් වාණිජ මංඩලයේ අධ්‍යක්ෂ ජනරාල් පී.බී. දිසානායක පැවැසුවේ, කුඹුරු ගොඩකර අනවසර ඉදිකිරීම් සිදුවන බවත් , පදික වේදිකාවේ වෙළද සැල් පවත්වාගෙන යාමෙන් මහජනතාවට ඉන් අසීරුතාවයක් ඇතිවන බවත් ඒ සදහා කඩිනමින් පියවර ගත යුතු බවත්ය.
මෙම අවස්ථාවට පළාත් ප්‍රධාන ලේකම් වරුණ සමරදිවාකර, ආණ්ඩුකාර ලේකම් විජය වනසිංහ, ප්‍රධාන අමාත්‍යාංශ ලේකම් සිරිමෙවන් ධර්මසේන, ආණ්ඩුකාර පෞද්ගලික ලේකම් ආනන්ද කුමාරගේ, සම්බන්ධිකරණ ලේකම් ආනන්ද රත්නායක, පළාත් සංචාරක අමාත්‍යාංශයේ අධ්‍යක්ෂක දිල්රුක් රත්නායක ඇතුළු දිස්ත්‍රික් වාණිජ මණ්ඩලයේ සහ වෙළද සංගමයේ නිළධාරීන් සහභාගි වූහ.

Media Unit -NCP

22/01/2025

22/01/2025

17/01/2025

09/01/2025

02/01/2025

01/01/2025

23/12/2024

23/12/2024

23/12/2024

19/12/2024

15/12/2024

11/12/2024

10/12/2024

03/12/2024

02/12/2024

01/12/2024

01/12/2024

27/11/2024

Address

Telephone

Website

Alerts

Contact The Business

Videos

Shortcuts

Share

Category