https://www.facebook.com/103357255067836/

Sarvega Odyssey, Anuradhapura (2024)

22/06/2022

THE BUTTERFLY EFFECT 🦋

" බ්‍රසීලයේ රියෝ ද ජැනෙයිරෝ නුවර සමනළයකුගේ තටු සැලීමකින් ඇමරිකාවේ චිකාගෝ නුවරට කුණාටුවක් පවා ඇති විය හැක "🥴

බැලූ බැල්මට මෝඩ ප්‍රකාශයක් වගේ. නමුත් භෞතික විද්‍යාවේ එන එක්තරා සංකල්පයකට අනුව නම් ඒක විය හැකි දෙයක්. ඒ තමයි වියවුල් වාදය ( Chaos theory ) මගින් ඉදිරිපත් කෙරෙන සමනළ ආචරණය (Butterfly Effect).

1969දී ඇමරිකානු ජාතික ගණිතඥයෙක් සහ කාලගුණ විද්‍යාඥයෙක් වුණු එඩ්වඩ් ලෝරන්ස් කාලගුණය පුරෝකථනය කිරීම සඳහා ඔහු විසින්ම නිර්මාණය කළ පරිගණක වැඩසටහනක් පරීක්ෂා කරමින් සිටියා. වර්තමානයේ කාලගුණික තත්වය ලෙස අපි ලබා දෙන ආර්ද්‍රතාවය, වාත පීඩනය, උෂ්නත්වය වැනි දත්ත මත පදනම්ව ඉදිරියට ඇති වන කාලගුණ තත්වය පුරෝකථනය කරන්න ඒ වැඩසටහනට හැකියාව තිබුණා. මෙසේ දත්ත ඇතුළත් කරන විට ඔහු එක් විචල්‍යයක් සඳහා පළමු අවස්ථාවේදී 0.506127 යන අගය ඇතුළත් කළා. නැවත වරක් එම ගණනයම සිදු කළ අවස්ථාවක පහසුව තකා ඔහු ඒ විචල්‍යය සඳහා 0.506 යන අගය පමණක් ඇතුළත් කළා. පුදුමයකට මෙන් ඔහු දුටුවේ අවස්ථා දෙකේදී ලබාදුන් කාලගුණ පුරෝකථනයන් සහමුලින්ම එකිනෙකට වෙනස් බවයි! එක විචල්‍යයක සිදු වුණු 0.000127ක් වැනි ඉතා සුළු අගයක් මගින් සම්පූර්ණ ක්‍රියාවලියම උඩු යටිකුරු කර තිබුණා.

🍀 මේ නිරීක්ෂණය මත පදනම් වෙලා තමයි වියවුල් වාදය නිර්මාණය වුණේ. එහි නමින් ඇඟවෙන තේරුම කොහොම වෙතත් වියවුල් වාදය අතිශය ගණිතමයයි. එයින් උත්සාහ කරන්නේ අහඹු යැයි පෙනෙන රේඛීය නොවන පද්ධති වල සැඟවෙලා තියෙන ගණිතමය සාධක අනාවරණය කර ගැනීම මගින් සමස්ථ ක්‍රියාවලිය නිවැරදිව පුරෝකථනය කිරීමයි.

🍀 මේ සංකල්පය සඳහා සමනළ ආචරණය යන නම හඳුන්වා දුන්නේ ලොරෙන්ස්ගේ සඟයෙක් විසිනුයි. ඔහු පසු කාලීනව පෙන්වා දුන්නා සමනළයෙකුගේ තටු සැලීම වැනි ඉතා කුඩා සාධකයක් පවා මහා පරිණාමයේ සංසිද්ධියක එක දත්තයක් විය හැකි බව. ඇත්තටම සමනළයෙක් තටු සැලූ පමණින් ලෝකයේ එහා කෙළවරේ කුණාටුවක් ඇති වෙන්නේ නෑ. ඒ සඳහා තවත් බොහෝ සාධක බලපානවා. නමුත් සමනළයා තටු සැලීම නිසා ආසන්න වායු අංශු වල ඇති වන කැළඹීම දාම ප්‍රතික්‍රියාවක පියවරක් වගේ ක්‍රියා කරමින් ප්‍රචාරණය විය හැකියී. මුහුද මැද අහසේ කුණාටුවක් සෑදීමට ඔන්න මෙන්න ඇති අවපීඩන තත්වයකට අවසාන වායු අංශුව එකතු කරන්නේ සමනළයා නිසා ඇරඹී ප්‍රචාරණය වුණු සිද්ධි දාමයේ එක් වායු අංශුවක් වෙන්න පුළුවන්. ඒ වායු අංශුව ඒ අදාල වෙලාවේ එතැනට ආවේ නැත්නම් සමහර විට වෙන වායු අංශුවක් ඒ තැන ගන්නත් පුළුවන්. ඒ වගේම එහෙම නොවී අව පීඩන තත්වය පහව ගිහින් කුණාටුවක් ඇති නොවෙන්නත් පුළුවන්. මේ නිසා සමස්ථ සිද්ධියම සැළකුවහම කොයි තරම් නොවැදගත් යැයි හැඟෙන කුඩා සිදුවීමක් පවා මහා පරිමාණයකදී අත්‍යවශ්‍ය වෙන්න පුළුවන්.

🍀 සමනළ ආචරණය දකින්න ලැබෙන්නේ කාලගුණ විද්‍යාවේදී පමණක් නෙවෙයි. තාරකා විද්‍යාවේ, පරිසර විද්‍යාවේ වගේම මනෝ විද්‍යාවේ සිදුවීම් වලදීත් එය වැදගත් වෙනවා. විශේෂයෙන්ම අභ්‍යවකාශයේ ගමන් ගන්නා ඇස්ටරොයිඩ හෙවත් ග්‍රහ්ක සැළකුවොත්, ඒවායේ චලිතය සහ ගමන් මාර්ගය සඳහා ආසන්නයේ ඇති වස්තූන් රාශියක් නිසා ඇති කරන ගුරුත්ව බලයන් බලපානවා. බොහෝ අවස්ථා වලදී භෞතික විද්‍යාවටත් මේ සෑම සාධකයක්ම සළකා ගණනය කිරීම් සිදු කිරීම අපහසු වෙනවා. හිතන්න, මීට අවුරුදු මිලියන 65කට පෙර ඩයිනෝසරයන්ගේ කාලයේදී පොළොවට කඩා වැටුණු ග්‍රහකය, යම් හේතුවක් නිසා ගමන් පථය ඉතා සුළු වශයෙන් වෙනස් කර පෘථිවියේ නොගැටී යන්තම් ඒ අසළින් ඇදී ගියා කියලා. එහෙම වුණා නම් අපේ ලෝකයේ කතාන්දරය මීට වඩා කොයි තරම් වෙනස් වෙන්න තිබුණාද?
ඩයිනෝසරයන් දිගටම නොනැසී පැවතුණා නම්, ක්ෂීරපායීන්ගේ නැගී ඒමක් සිදු නොවන නිසා සමහර විට මිනිසා පවා පරිණාමය නොවී තියෙන්න ලොකු ඉඩක් තියෙනවා.

🍀 පැරණි චීන පිරුළක කියැවෙනවා උණ ගසක අත්තක් බිමට පහත් වෙන්නේ ඒ මතට වැටෙන අවසන් වැහි වතුර බිංදුවේ බර නිසා කියලා. සමනළ ආචරණයෙන් අපිට පෙන්වා දෙනවා ගණිතමය නියාම වලට අනුව පද්ධතියක සමස්ත ක්‍රියාවලිය සිදු වන්නේ ඊට පාදක වන සෑම කුඩා සාධකයක්ම බලපෑම මත බව. මතක තියාගන්න. ඔබ කරන සෑම ක්‍රියාවක්ම, ඒවා කොයිතරම් නොසැලකිය හැකි යැයි පෙනුණත්, අපේ ලෝකයේ වගේම සමස්ත විශ්වයේම ගමනට යම් හෝ ආකාරයකින් දායක වන බව....🚶‍♂️

Copied Science සිංහලෙන් ♥

https://chat.whatsapp.com/L4EW5jeU5tP0dkjlpZYmyq

22/04/2022

17/11/2021

ශාපලත් මෙඩූසා
| 𝗠𝗲𝗱𝘂𝘀𝗮 🐍 | 𝗚𝗿𝗲𝗲𝗸 𝗼𝗳 𝗺𝘆𝘁𝗵𝗼𝗹𝗼𝗴𝘆

මෙඩූසා කිවුවම හැමෝටම මතක් වෙන්නෙ කෙස්කැරලි වෙනුවට විශකුරු සර්පයන් හිමි සුන්දර රූපයක් සහිත කාන්තාවක්නෙ...ඉතින් මේ හිසකෙස් වෙනුවට සර්පයන් හිමිවිමට හේතුව මොකක් වෙන්න අැතිද ? අද ලිපියෙන් මේ ගැන කතා කරමු😴

Medusa කියන්න ග්‍රීක දේවකතා සාහිත්‍යෙ එන එක අර්ධ දෙවඟනක්.
( හරි...අර්ධ දෙවඟනක් කීවේ
මෙඩූසාට අමරණීය වෙන්න හැකියාවක් නැති නිසා. අැය මනුෂ්‍ය තරුණියක් ) Myths land එහෙම නැත්නම් මිත්‍යාවේ පුරාතන දේශයේ ඉපදුනා යැයි සැලකෙන මෙඩූසාගේ මව කේටෝයි සහ පියා වෙන්නෙ පුරාණ සාගර දෙවියෙක් වන පෝර්සිස්. මෙඩූසාට " ගෝර්ගොන් සහෝදරියන් ( Sthenno හා Euryale )" කියලා හඳුන්වන සහොදරියන් දෙදෙනෙක්ද ඉන්නවා.

අතිශය සුරූපී යුවතියක් වූනු මෙඩූසාට රණශූරයන්ගෙන්, තරුණයෙන්ගෙන් මෙන්ම ඔලිම්පස් (Olympus) දෙවිවරු පවා නොමඳ ආකාර්ෂණය ලැබෙනවා.😅 මේ අතරින් පොසයිඩන් ( Poseidan) ගේ සිත දිනා ගැනීමට පවා ඇය සමත් වෙනවා. ඉතින් මේ පොසයිඩන් මෙඩූසා ගැන තිබ්බ ආශාව නිසාම ඇතීනා දෙවඟනට අයත් දෙව්මැදුරක් තුළ දී මෙඩූසාට බලහත්කාරකම් කරනවා..පොසයිඩන් ඇයව ලබාගැනීමට වෑයම් කරද්දී ඇය උදව් ඉල්ලා ඇතීනා දෙවඟන හමුවට යනවා. මෙතනද මෙඩූසාගේ රූ සපුවයි අලංකාර කෙස් කළඹයි දැක්ක ඇතීනාගෙ හිතෙ ඊරිසියාව අැතිවෙනවා. ඉතින් මේ ඇතීනා ඇගේ දේවාෙල අපිරිසිදු කරා යැයී චෝදනා කරන මෙඩූසාට සර්පයින්ගෙන් සෑදුණු හිසකෙස් සහිත යක්ෂණියක් සහ ඇගේ දෑස දෙස බැලූ පමණින් කෙනෙකු ගල් වෙන ලෙස ඇයට ශාපකරනවා මෙතැන් සිට මේ මොකුත් නොදන්න අහිංසක මෙඩූසා ශාපලත් දරුණු විරූපී රාක්ශයනියක් බවට පත් වෙනවා😥

පරාජිත ප්‍රේමයත්, විරූපී රූපයත් අරන් මෙඩූසා තමන්ගෙ උපන්බිමේම ඈත කඳුකරේට පලායනව. ( Aiaia කඳුවලල්ලට ) තනියම ජීවත්වෙන්න පටන් ගන්නව. අහිංසක සුන්දර මෙඩූසා කාලයත් එක්ක උපරිම නපුරටත් එහාට යනව..

මෙඩූසාගෙ මරණය පර්සියස් අතින් සිද්ද වෙන්නෙ. මේ කතාව ගැන ඊලග ලිපියෙන් ගෙන්නම්😴

🔖( පොසයිඩන් කියන්නෙ : මුහුදට අධිපති දෙවියන් .)

🔖 ( ඇතීනා කියන්නෙ : ඥානයට හා යුද්ධය අධිපති දෙවඟන )

- 𝑺𝒂𝒓𝒗𝒆𝒈𝒂....✍️

15/11/2021

ඊජිප්තු ශාපය සත්‍යයක් ද ?🤔
| 𝗧𝗵𝗲 𝗰𝘂𝗿𝘀𝗲 𝗼𝗳 𝗸𝗶𝗻𝗴 𝗼𝗳 𝗧𝘂𝘁𝗮𝗻𝗸𝗵𝗮𝗺𝘂𝗻

මේ ලිපියෙන් කාතාකරන්න බලාපොරොත්තු වෙන්නෙ වසර දහස් ගණනකට මිනිස් ස්පර්ෂයක් නොලැබු දීර්ඝ නින්දකට වැටී සිටි ටූටන්කාමන් රජුගේ සොහොන් ගැබේ මුද්‍රාව බිඳීමත් සමඟ නිදහස් වූ පාරාවෝවරුන්ගේ ශාපයක ඇත්ත නැත්ත ගැනයි.

18 වන ඊජිප්තු රාජවංශයට (18𝙩𝙝 𝘿𝙮𝙣𝙖𝙨𝙩𝙮 ) අයත් "king tut" නැතිනම් ටූටන්කාමන් රජුගේ සොහොන් ගෙය සොයා ගැනීම 20 වන සියවසේ සිදුවූ විශිෂ්ටතම පුරාවිද්‍යාත්මක සොයාගැනීම ලෙස හැඳින්වුවත් හොවාර්ඩ් කාටර් පුරාවිද්‍යා ගවේෂණ කණ්ඩාමේ ඒ අද්විතී සොයා ගැනීම ලොව පුරා ජනප්‍රිය වෙන්නෙ මෙහි පුරාවිද්‍යාත්මක් වටිනාකමට වඩා මෙහි තිබුනා යැයි පැවසෙන ටූටන්කාමන් ශාපය නිසයි.

හොවාර්ඩ් කාටර් ගවේෂණ කණ්ඩාම🤔...𝗛𝗼𝘄𝗮𝗿𝗱 𝗖𝗮𝗿𝘁𝗲𝗿 කියන්නෙ කවුද ?

ටූටන්කාමන් රජුගේ සොහොන් ගෙය
සොයා ගැනීමට මූලික වූ පුරාවිද්‍යාඥයා තමයි හවර්ඩ් කාටර් කියන්නෙ😌 1874 දී ලන්ඩනයේ උපත ලැබූ කාටර් පළමුවරට ඊජිප්තුවට පැමිණෙන්නේ 1891 දී තරුණ චිත්‍ර ශිල්පියෙක් විදියට. ඒ ඔහුව කෞතුක වස්තු චිත්‍රගත කිරීමට පුරාවිද්‍යාඥයින් විසින් කුළියට ගැනීම හේතුවෙන්. කාටර්ගේ පියා සැමුවෙල් කාටර් ද දක්ෂ චිත්‍ර ශිල්පියෙක් වූ නිසා ඔහුගේ ආභාෂයෙන් ද චිත්‍ර කලාවට යොමුවුණු තරුණ කාටර්, පසුකාලීනව පුරාවිද්‍යා ක්ෂේත්‍රයට පිවිසෙන්නෙ ඊජිප්තු කෞතුක වස්තු චිත්‍රණය කිරීමේ බලාපොරොත්තු වෙන්...ඊජිප්තුව ගවේෂණයේ නිරත වූ ප්‍රකට පුරාවිද්‍යාඥයින් කිහිපදෙනෙකුටම සහය දක්වමින් සිටි කාටර් හට 1899 දී, ඊජිප්තු පුරාවස්තු සේවයේ තනතුරක්ද පිරිනැමෙනවා.....

1904 දී කාටර්ගේ පුරාවිද්‍යා වෘත්තිය බොහෝ දුරට අවසන් වෙමින් තිබුන නමුත් තානාපතිවරයා සමග අාරවුලක් අැතිකරගත් කාටර්ට තම වෘත්තියෙන් ඉල්ලා අස්වීමට සිදුවෙනවා වයස අවුරුදු 31 දී, රැකියාවක් හා මුදල් නොමැතිව ඔහු සංචාරකයින් සඳහා දිය සායම් පින්තාරු කරමින් තම ජීවිකාව ගෙන යෑමට තීර්ණය කරනවා.

1907 දී ඊජිප්තු පුරාවිද්‍යාව කෙරෙහි ඉමහත් ඇල්මක් දැක්වූ ධනවත් ඉංග්‍රීසි වංශාධිපතියෙක් වන කාර්නොවොන් (Carnarvon) නම් සාමිවරයා විසින් හවුලේ වැඩකටයුතු කිරීමට කාටර් හට අාරාධනා කරනවා..කාර්නොවොන් ගේ සහායද ඇතිව කාටර් ඊජිප්තු සොහොන් කිහිපයක් කැණීමට එකගවෙනවා..

ඔන්න මෙතනින් තමයි කතාව පටන් ගන්නෙ 🙂

~ 1914 ~

ටූටන්කාමුන් රජුගේ සොහොන් ගෙය තැන්පත් කර ඇති බවට විශ්වාස කරන රජවරුන්ගේ නිම්නයේ කැණීම් කිරීමට කාර්නොවොන්ට බලපත්‍රය හිමිවෙනවා.

📎 හිතුව වගේම කැණීම් කටයුතු බාරවෙන්නනෙ කාටර්ට. සොහොන් ගෙය සොයා ගැනීම සඳහා කාටර් කම්කරුවන් කණ්ඩායමක් කුලියට ගැනීමට සිද්ධවෙනවා නමුත් පළමු ලෝක යුද්ධයෙන් එයට බාධා එල්ල වෙනවා.

~ 1915 ~

ටූටන්කාමුන්ගේ සීයා වන III වන Amenhotep ගේ සොහොන සොයා ගැනීමට කාටර් සමත් වෙනවා.

📎 1800 ගණන්වල අගභාගයේ කැණීම්වලින් පසුව බොහෝ පුරාවිද්‍යාඥයින්ගේ අදහස වුනෙ රජවරුන්ගේ නිම්නයේ සියලු රහස් එ් වන විටත් හෙළිදරව් වී ඇති බවයි. කොහොම නමුත් කාටර්ගෙ අරමුණු වුනෙ 18 වන රාජවංශයේ සිටි අප්‍රසිද්ධ රජෙකුගේ සොහොන සොයා ගැනීමයි😌...

~ 1922 ~

වසර ගණනාවක් තිස්සේ පුරා විද්‍යාඥයින් කළ කැණීම්වලින් නිර්මාණය වූ අගල් ඔස්සේ තම ගවේෂණය දියත් කළ කාටර් සහ ඔහුගේ කණ්ඩායම හට අලුත් කිසිවක් හමු නොවුනු නිසා. එයින් කලකිරුණු කාර්නොවොන් 1922 දී කාටර්ට දන්වා සිටියේ තමා තවදුරටත් ඔහුගේ කැණීම් වැඩ සඳහා මුදල් නොදෙන බවයි. කාටර්ගේ ආශාව නිසා තවත් අවස්ථාවක් තමන්ට දෙනමෙන්
කාටර් ඔහුගෙන් අයැද සිටියා.. කාර්නොවොන් මේ වතාවෙත් අරමුදල් සැපයීමට එකඟ වෙනවා.

~ 1922 නොවැම්බර් 4 වන දින ~

කාටර්, රජවරුන්ගේ නිම්නයේ කැණීම් නැවත ආරම්භ කරනවා. හරියටම නොවැම්බර් 4 වන දින ඔහු, ටූටන්කාමන්ගේ විවෘත නොකළ සොහොන් ගෙයට යන පඩිපෙළ සොයා ගන්න සමත් වෙනවා.

~ ශාපයේ ආරම්භය ~

සියල්ල නිරීක්ෂණයෙන් පසු සොහොන් ගැබට අැතුලු වන දොරටුව 1923 පෙබරවාරියේ විවෘත කිරීමට තීරනය කරනවා. සොහොනට මුලින්ම ඇතුළු වන්නේ කනෝවන් සහා කාටර්.

" මුළුමනින්ම රනින් නිමවූ කුටීර හතරකින් සමන්විත ගැඹුරින් මිණි පෙට්ටි තැන්පත් කරන ගලින් නිමවූ ඔරු (Sarcophagus) තුළ මිනි පෙට්ටි ත්‍රිත්වයක එකක් තුළ එකක් බහා තිබූ අතර, එහි මධ්‍යයේ ටූටන්කාමන් රජුගේ මමිය ගෞරවාන්විත රන්වන් අවමංගල්‍ය වෙස්මුහුණක් පළඳවා තැන්පත් කර තිබිණි. "

~ පාරාවෝවරුන්ගේ නින්දට බාධා කරන්නන්ට අත්වන්නේ මරණයයි ~

• සොහොන විවෘත කරලා සති කිහිපයකින් මේ ගවේෂණයට සල්ලි බාගෙ වියදම් කරපු කානවන් සාමිවරයා නිව්මෝනියාව හැදිලා මැරිලා යනවා.

• සිද්ධියට සම්බන්ද ඊජිප්තු කුමාරයෙකු වන අලි කාමෙල් ෆලීම් බේ (Ali Kahmel Falim Bey) 1923 ජුලි 10 වැනිදා මියයනවා සිය බිරිඳ කළ වෙඩි තැබීමකින්.

• එමෙන්ම සුඩාන ආණ්ඩුකාරවරයා වූ බ්‍රිතාන්‍ය ජාතික ලී ස්ටැක් (Lee Stack) ද ඊජිප්තුවේ කයිරෝ (Cairo) නුවරදී 1924 වසරේදී ඝාතනය වෙනවා.

• අමෙරිකානු දුම්රිය සේවයේ විධායක නිලධාරියෙකු වන ගෝල්ඩ් (George Jay Gould) 1923 දී ටූටන්කාමන් සොහොන් ගැබ නිරීක්ෂණයට සහභාගී වෙනවා, නොබෝ දිනකින්ම ඔහුද රෝගාතුර වූ අතර මාස කිහිපයකින් පසුව උග්‍ර නියුමෝනියා තත්ත්වයක් හේතුවෙන් මරණයට පත්වෙනවා.

• ටූටන්කාමන් ගවේෂණයට සහභාගී වූ තවත් පුරාවිද්‍යාඥයෙක් තමයි වූඑව්ලින්-වයිට් (Hugh Evelyn-White) කියන්නෙ ඔහු පසුව බ්‍රිතාන්‍ය ලීඩ්ස් සරසවියේ (𝙐𝙣𝙞𝙫𝙚𝙧𝙨𝙞𝙩𝙮 𝙤𝙛 𝙇𝙚𝙚𝙙𝙨, 𝗘𝗻𝗴𝗹𝗮𝗻𝗱) කථිකාචාර්යවරයකු ලෙස සේවය කළා. ඔහුද 1924 වසරේදී ගෙල වැලලාගෙන සිය දිවි හානි කරගන්නවා😌..

• රිචඩ් බෙතෙල් (𝙍𝙞𝙘𝙝𝙖𝙧𝙙 𝘽𝙚𝙩𝙝𝙚𝙡𝙡) කානවන් සාමිවරයාගේ ලේකම්වරයා මෙන්ම කාටර්ගේ පිටුපසින් ටූටන්කාමන්ගේ සොහොන් ගැබට පිවිසුනේද රිචඩ් බෙතෙල්. සමාජශාලාවක තිබූ ඔහුගේ කාමරය තුළ හුස්ම හුරවීමෙන් මරණයට පත්ව තිබූ ඔහුගේ මළසිරුර 1929 වසරේදී සොයාගන්නාවා. එම මරණයෙන් පසුව නොටිංග්හැම් පෝස්ට් (𝙉𝙤𝙩𝙩𝙞𝙣𝙜𝙝𝙖𝙢 𝙋𝙤𝙨𝙩) පුවත්පතේ
වාර්තාවක සඳහන් වූයේ ටූටන්කාමන්ගේ සොහොන් ගැබෙන් ගෙනා ඉතා වටිනා පුරාවස්තු සමහරක් තැන්පත් කර තිබූ බෙතෙල්ගේ නිවසේ ඔහුගේ මරණයට වසරකට පමණ පෙර සිට විවිධ අවස්ථාවල අභිරහස් ගිනි ගැනීම් ඇතිවී තිබූ බවයි.

• ගවේෂණ කණ්ඩායමේ තවත් සාමාජිකයෙකු වුණ ආතර් මේස් (𝘼𝙧𝙩𝙝𝙪𝙧 𝙈𝙖𝙘𝙚) නැමැත්තා ආසනික් විෂ වීමක් හේතුවෙන් 1928 වසරේදී මියයනවා.

~ හරි දැන්මේ ශාපයේ ඇත්ත නැත්ත ගැන කතාකරමු ~

🔖( කානවන් සාමිවරයා මරණය ගැන බැලුවෙත් මේ මරණය ප්‍රසිද්ධ වෙන්නෙ නම් මඳුරු දෂ්ටනයකින් මැරුණා කියලා. කොහොමත් කානවන් සාමි මේ ගවේශණයට එන්න අවු. 20කට එහා සිද්දවුන අනතුරක් හන්දා රෝගී බවකින් තමා ඉඳලා තියෙන්නෙ. )

📎 මේ කාළයේදීම මියදෙන්නට හේතුව ; ඊජිප්තුවෙ වියලි කාලගුණයයි මහන්සියයි හන්දා රෝගී බව වැඩි වීම නිසා කියලා හිතන්න පුලුවන්....

අනිත් කාරණෙ,

2000ට අවුරුද්දකට කලින් ජර්මනියේ විශ්වවිද්‍යාලයක ක්ෂුද්‍ර ජීවී විද්‍යාඥයන් කරපු පරීක්ෂණ වලින් ඔප්පු උනා මමී ගාව දිලීරයක් වර්ධනය වෙලා තියෙනවා කියලා. සොහොනෙ දොරවල් ඇරලා අවු. දහස් ගානකට පස්සෙ පිරිසිදු වාතය එකතු උනාට පස්සෙ මේ දිලීර වාතයට එකතු වෙනවා. ඊට පස්සෙ ඒ අවට හිටපු අයගෙ සෞඛ්‍ය තත්වය නරක අතට හැරන එක පුදුමයක් නෙමේ.

🔖( ලුවිස් බල්ගැරිනි කියන්නෙ න්‍යෂ්ටික විශේෂඥයා හොයාගත්තා මේ සොහොනෙ පින්තාරු කරපු රේඛා මත යුරේනියම් තියෙනවා කියලා. ඊජිප්තුවෙ පාෂාණ වලින් යුරෙර්නියම් හොයාගන්න පුලුවන්.
ඉතින් ගවේශණ කන්ඩායමට මේ දේත් බලපාන්න අැති. )

දැන් ඔය රජතුමාගෙ වස්තුව තියෙනවනේ. සොරුන්ගෙන් ආරක්ෂා කරගන්න පිරමීඩෙ අස්සෙ උගුල් අටවලා තියනවා මේ උගුල් වලින් සමහර ඒවා ජීව විද්‍යාත්මක උගුල්. භයානක ලෙඩ රෝග වලින් පෙළුණු සත්තුන්ගෙ මස් සහ රෝගකාරක දිලීර එහෙම වගාකරලා එවා ඔරු වල තැන්පත් කරලා තියෙනවා. පස්සෙ ඕවා අතපත ගාන එකාට සාපෙම තමයි🙂

• Evelyn-White , Lee Stack , Ali Kahmel මේ අයගැන නිශ්ෂිත මතයක් තාමත් පලවෙලා නෑ නමුත් එ් දවස් වල නිල නොලත් පුවත්පත් වල පළ වූයේ මේ සාපය හන්දා අවු. දහයක් ඇතුලත 26 දෙනෙක් මියගිය කියලා.

දැන් මේ ලිපිය පුරාවටම අප්‍රසිද්ධ රජෙකුගේ සොහොනක් සොයා ගැනීමට වෙරදැරූ මේ සොහොනෙ හැම බිම් අගලක් පාසාම ඇවිද්දෙ හොවාඩ් කාටර්ට මොකද වුනෙ?

" 1932 දී නිධන් සහ කෞතුක වස්තු කැණීමකටයුතු නිම කිරීමෙන් පසු කාටර් පුරාවිද්‍යාවෙන් විශ්‍රාම ලබාගන්නවා😌..සහ ඔහු සිය සැදෑසමය කෞතුකාගාරවල සේවය කළ අතර, ඊජිප්තුව සහ ටූටන්කාමන් පිළිබඳ දේශන පවත්වමින් එක්සත් ජනපදයේ සංචාරය කළා..."

" කාටර් 1939 දී එංගලන්තයේදී වයස අවුරුදු 64 දී ලිම්ෆෝමාව හේතුවෙන් මෙලොවින් සමුගන්නවා...ලන්ඩනයේ පුට්නි වේල් සුසාන භූමියේ ඔහුගේ නිසල දේහය තැන්පත් කරතිබෙනවා..."

============================
- අන්තර්ජාලයෙන් සහ මට හොයාගන්න පුලුවන් වුනු තොරතුරු අනුව උපුටාගෙන සකස් කරන ලද කෙටි සටහනකි, වැරදි තොරතුරු අැත්නම් මා නිවැරදි කරන ලෙස කාරුණිකව ඉල්ලා සිටිනවා -

- 𝑺𝒂𝒓𝒗𝒆𝒈𝒂.....✍️
============================

14/11/2021

විඝටිත අනන්‍යතා ආබාධය (DID)
| 𝗗𝗶𝘀𝘀𝗼𝗰𝗶𝗮𝘁𝗶𝘃𝗲 𝗜𝗱𝗲𝗻𝘁𝗶𝘁𝘆 𝗗𝗶𝘀𝗼𝗿𝗱𝗲𝗿

“සැබෑ ලෝකය වසා දැමීමෙන් අපට සාමකාමීව ජීවත් විය හැකිය. වේදනාවක් නැති ලෝකයක් යනු හැඟීමක් නැති ලෝකයක් බව අපි දනිමු… නමුත් හැඟීමක් නැති ලෝකයක් යනු වේදනාවක් නැති ලෝකයකි. ”

- ඩැනියෙල් කීස් -

ඔබ කවුදැයි ඔබ දන්නවාද? සැබෑ ඔබ කවුද? ඔබේ පෞරුෂය කුමක්ද?

ඔබ සමහර පුද්ගලයෝ දැකලා ඇති, ටික වෙලාවකට කලින් දැකපු කෙනා නෙමෙයි ඊට ටික වෙලාවකට පස්සේ ඉන්නේ.

හැසිරීමෙන් සම්පූර්ණයෙන්ම වෙනස් කෙනෙක් තමයි ඔබට දකින්න ලැබෙන්නේ.

තවත් වෙලාවක දකින කොට ඊටත් හාත්පසින්ම වෙනස් කෙනෙක් තමයි දකින්න ලැබෙන්නේ.

මේ පෞරුෂත්ව අතරින් එකක් හෝ කීපයක් සමහරවිට තමන්ගේ සැබෑ අනන්‍යතාවටත් වඩා ප්‍රභල වෙන්න පුලුවන්......

ඔබ නිකමටවත් හිතුවද සැරින් සැරේ මේ විදියට හැසිරීමේ හාත්පසින්ම වෙනස් ස්වරූපයන් ගන්නේ අතිශය දරුණු මානසික රෝගයක් නිසා බවට? ඔව්, MPD කියලා තමයි කෙටියෙන් මේ රෝගය හඳුවන්වන්නේ. ඒ කියන්නේ, 𝗠𝘂𝗹𝘁𝗶𝗽𝗹𝗲 𝗣𝗲𝗿𝘀𝗼𝗻𝗮𝗹𝗶𝘁𝘆 𝗗𝗶𝘀𝗼𝗿𝗱𝗲𝗿.
සිංහලෙන් කියනවා නම්, බහු පෞරුෂත්වය ආබාධය. Dissociative Identity Disorder (DID) හෙවත් විඝටිත අනන්‍යතා ආබාධය කියලා හඳුන්වන්නෙත් මේකම තමයි. මේ රෝගයේදී සිද්ධවෙන්නේ එක පුද්ගලයෙක් සතුව අනන්‍යතාවයන් හෝ පෞද්ගලිකත්ව තත්වයන් (Personality States) දෙකකට වඩා වැඩි ප්‍රමාණයක් තිබීමේ මානසික රෝගයයි. බොහෝ වෙලාවට, මේ තත්වයට පත්වෙච්ච පුද්ගලයින් පෙරදී විශාල මානසික පීඩාවකට පත්වෙච්ච පුද්ගලයින් වෙනවා.
(සරලවම කිවුවොත් පුද්ගලයන් කීප දෙනෙක් එකම ශරීරයක් තුල ජීවත් වීම වගෙයි..)

📎 මේ තත්වයට කෙනෙක් පත් වෙන්න විවිධ හේතු බලපානවා...

💊 යථාර්ථයෙන් බැහැර වීම (චිත්‍රපට,ඔන්ල්‍යින් ගේම්ස් ආදිය)
💊 සංවේදීකම
පරස්පර විරෝදී හැඟීම් /චිත්තවේගයන්
💊 තමන්ගේ අනන්‍යතාවයේ වෙන බිඳ වැටීම..
💊 පරන මතකයන් / වේදනාකාරී සිදුවීම්...
💊 ප්රචණ්ඩත්වය (ලිංගික, ශාරීරික, ආදිය)
💊 මුල් ළමාවිය තුළ දරුණු කම්පනය
💊 වෙනත් මානසික රෝග
💊 මත්ද්‍රව්‍ය භාවිතා කිරීම
💊 විකෘති මානසිකත්ව
💊 ආතතිය

🔖( රෝගයේ මූලිකම ලක්ශනය ලෙස ( 𝘼𝙢𝙚𝙣𝙨𝙞𝙖 ) ස්වයං දැනුවත් භාවයේ අවුල් වීම නැත්නම් "විනාඩි කීපයකට කලින් කතා කල වචන පවා රෝගියාට අමතක වෙන්න පුලුවන්" )

ලාංකිකයන් ආරූඪවීම ලෙස හඳුන්වන දෙයද මෙම DID රෝග තත්වයේම කොටසක් විදියට හඳුන්වාදීමේ වරදක් නැහැ🤔... මොකද DID වලදී පෞරුෂත්ව මාරු වීම ඕනෑම වෙලාවකදී වෙන්න පුලුවන් දෙයක්...මේකේ තියන විශේෂත්වය තමා විශේෂිත අවස්ථා අනුව, රෝගියාගෙන් විශේෂිත අනන්‍යතා මතුවෙන්න පුළුවන් වීම.

📎 දැනට ලෝකය පුරාම DID රෝගීන් 40000ක් පමණ වාර්තා වෙනවා..මෙතන සදහන් නම් වලින් බිලී මිලිගන් නම් පුද්ගලයාට
පෞරුෂත්ව 24ක් තිබිලා තියනවා, එයින් 10ක්ම ප්‍රබල පෞරුෂත්යන්😐

" බිලී මිලිගන් ගැන කෙටි සදහනක් කලොත්,, බිලී කියන්නෙ ඇමරිකාවේ ඔහායෝ ප්‍රාන්තයේ 1955 වැලන්ටයින් දවසෙ ඉපදුන කෙනෙක්. බිලී මේ අතිශය අමුතු හැසිරීම ගැන මුලින්ම දැනගන්න ලැබෙන්නෙ 1977දී ස්ත්‍රී දූෂණය සම්බන්ධයෙන් ඔහායෝ පොලීසිය වෙත එන පැමිණිලි තුනක් සමඟයි. පැමිණිලිකාරියන් තිදෙනාම කාන්තාවන් වන අතරේ පැමිණිල්ල දූෂණය සම්බන්ධව එල්ල වෙලා තිබුනා. කොහොම හරි බිලී නඩුවාරෙදී පාපොච්චාරණය කලේ , තමන් මෙය නොකල බවත් තමන්ගේ සිරුර තුල ඉන්නා " Adalana / ඇඩෙලානා " නම් කාන්තාව මෙය කල බවයි..😌 මේ පාපොච්චාරනයෙන් පස්සෙ බිලීව මානසික ප්‍රතිකාර වෙත යොමුවෙන්න සිදුවෙනවා පරේශණයන්ගෙන පසුව මනෝවෛද්‍යවරුන්ට පැහැදිළි වුනා බිලී Dissociative identity disorder නම් මානසික රෝගයෙන් පෙලෙන බව....අපි කලින් කතාකලා වගේ DID රෝගයට මූලිකවම හේතුව වෙන්නෙ මානසික තුවාල..මුල් ලමාවියේ කම්පන...දෙමව්පිය ගැටලු..ලමා අපචාර මූලිකව මනසේ නොමැකෙන අමිහිරි මතක...ඉතින් බිලී මේ තත්වයට ගොදුරු වෙන්න හේතුව වෙලා තියෙන්නෙ ඔහුගේ බාප්පා විසින් ඔහුට දුන් අධික වේදනාවන්.."

📎 වෛද්‍යවරුන් පවසන පරිදි බිලී මේ මානසික පීඩනය ඉවසාගනු නොහැකි තැන එම වේදනා තමා විසින් නොව තමන් තුලම සිටින තවත් අයෙක් විඳගන්නා බවත්,තමාට එය නොදැනෙන බවත් දිගින් දිගටම සිතීමෙන් මූලාරම්භය මෙය විය හැකි බවයි..."

🔖( DID වල මූලික ලක්ශනයක් තමයි නිදන්ගත මානසික පීඩනය...ඒවගේම රෝගීන්ගෙන් සීයට පනහක් දෙනාට රෝගයෙ මුල් අවස්තවේදී තමන්ගෙ හිතෙන් ආව තවත් හඩකට සවන් දෙන්න වෙලා තියනවා..😐)

බිලීගේ මනසේ වාසය කල පුද්ගලයන් වගකිය යුතු මංකොල්ලකෑම් සහ ස්ත්‍රී දූෂණ සම්බන්ධයෙන් සාක්ශි සහිතව ඔප්පු වී සිටියදිත්, දඩුවමෙන් නිදහස් වු ලොව පළමු පුද්ගලයා බිලී මිලිගන් බවට පත්වෙනවා..😌
මෙම චරිත හමුවේ ඔහු කිසිදා ඉගෙන නොගත් විශයපථයන්, භාශාවන් හා ක්ශේත්‍ර පිලිබඳ ඔහු දක්වන වෙනස් හැකියාවන් රෝගයක් නිසා උරුම නොවන බව දැඩි වාද විවාද වලට ලක් වු අතර 2014 දී ඔහු මරනයට පත්වන තෙක්ම ඒ කරුණ සදහා සාධනීය පිලිතුරක් ලබාගැනීමට අසමත් විය.

=====================================
අප සියලු දෙනාටම අවම වශයෙන් එක් විකල්ප පුද්ගලයෙක් වත් අපගේ හිසෙහි තිබේ නම් කුමක් කළ යුතුද? එය අපගේ චරිතයට, දෘෂ්ටිවාදයට සහ ස්වයං නිර්ණයට බලපාන්නේ කෙසේද? බහු පෞරුෂත්වය නැත්නම් විඝටිත අනන්‍යතා ආබාධය මිනිස් මනසෙහි ඇදහිය නොහැකි හරිහැටි පැහැදිලි කල නොහැකි සංසිද්ධියක් ලෙස ඉතිහාසයට එක්විය..

Credit :
https://www.facebook.com/groups/368577724048104/permalink/623286195243921/?app=fbl

13/11/2021

ග්‍රීක දේව මණ්ඩලයේ රජු "සියුස්"
| 𝗭𝗲𝘂𝘀

පුරාණ ග්‍රීකයන්ගේ ආගමික විශ්වාසයන්ටත් පුරාණ ග්‍රීක පුරාවෘත්තයන්ටත් අනුවත් සියුස් දෙවියන් හැදින්වෙන්නෙ අහසට,අකුණට අධිපති දෙවියන් වගේම සියලුම දෙවිවරුන්ටත් අධිපති දෙවියන් විදිහට.

ටයිටන් රජු වෙච්ච 𝘾𝙧𝙤𝙣𝙤𝙨 හා ඔහුගේ බිරිඳ වුණු 𝙍𝙝𝙚𝙖ගේ හයවෙනි දරුවා තමයි සියුස් කියන්නෙ. මේ ගොල්ලෝ ටයිටන්වරු. ටයිටන්වරු කියන්නේ මුලින්ම බිහිවෙච්ච දෙවිවරු වර්ග 12න් එක් කොට්ඨාශයක්. ක්‍රෝනෝස් කොහොමටත් ප්‍රසිද්ධ වෙලා හිටියේ ඉරිසියාකාර හා තණ්හාධික දෙවියෙක් විදිහට. කවදහරි දවසක තමන්ව යටත් කරලා කිරුල ගනී කියන බයට රියා ජීවය දුන්න හැම ළමයම ක්‍රෝනෝස් ගිලලා දැම්මා.

කොහොමහරි අන්තිමට රියාට ඉපදුනු ළමය තමයි සියුස්. ක්‍රෝනෝස්ගේ ඇස් වහලා කොහොමහරි රියා සියුස්ව බේර ගත්තා. රියාට මේකට් උදව් කලේ යුරේනස් හා ජීයා යන ටයිටන්වරු (දෙවිවරු ) දෙන්නා. රියා රෙදිවලින් ඔතපු ගලක් ළමයා වගේ පේන්න හදලා ක්‍රෝනෝස්ට දුන්න ගිලින්න. එහෙම කරලා ක්‍රෝනෝස්ව රවට්ටලා සියුස්ව යැව්වා ක්‍රීට් කියන ග්‍රීක දූපතට.

කාලයාගේ ඇවෑමෙන් සියුස් උස් මහත් වෙලා රාජ්‍ය ලබා ගන්න ක්‍රෝනෝස්ට විරුද්ධව යුධ ප්‍රකාශ කරා. මේ සටන ග්‍රීක ඉතිහාසයේ සදහන් වෙන්නේ "𝗧𝗶𝘁𝗮𝗻𝗼𝗺𝗮𝗰𝗵𝘆" නමින්.

යුද්ධයෙන් පස්සේ කව්ද දෙවියන්ගේ නායකයා වෙන්නේ කියලා තීරණය කරන්න සියුස් , එයාගේ සහෝදරන් වෙච්ච පොසයිඩන් හා හේඩීස් එක්ක තුණ්ඩු දැම්ම කියලා තමයි සදහන් වෙන්නේ, ඒකෙන් සියුස් දිනලා, දෙවියන්ගේ නායකයා වගේම , පෘථුවියේ , අහසේ පාලකයත් උනා. පොසයිඩන් මුහුදට අධිපති උනා. හේඩීස් පාතාලේ පාලකයා උනා.

" පොඩ්ඩක් ඉන්න පොසයිඩන් හා හේඩීස් කොහොමද අාවේ ක්‍රෝනෝස් ගිලලා දැම්මනෙ😅,, මේ දේ කලා කියන්නේ ක්‍රෝනෝස්ට මැජික් බේතක් වගේ දෙයක් දීලා වමාරවන්න සැලැස්වීමෙන්ලු. "

(හෙස්ටීයා,හේඩීස්,හීර,පොසෙයිඩන්,ඩිමීටර්,කයිරොන් සැලකෙන්නේ සියුස්ගේ සහෝදර සහෝදරියන් හැටියටයි.)

📎 ගෞරවයට හා සාධාරණයට අධිපති දෙවියන් වූ තෝර් විසින්, මිනිස් රජවරුන් විසින් පිළිපැදිය යුතු නීති පද්ධතිය සැකසූ බවයි පුරාවෘත්ත වල සඳහන් වෙන්නෙ.

📎 ඉතා බලසම්පන්න අකුණකින් සන්නද්ධව සිටි සියුස්, මිනිසුන් වෙතට අකුණු වලින් දමා ගැසීම සඳහාත් ප්‍රසිද්ධයි.

📎 ඔලිම්පස් කන්ද සිය වාසභවන බවට පත් කරගත් සියුස් සැලකෙන්නේ ග්‍රීක දේව මණ්ඩලයෙ බලවත්ම දෙවියන් විදිහට.

📎 රෝම පුරාවෘත්ත වලට අනිව ජුපිටර් හා නෝර්ස් පුරාවෘත්ත වලට අනුව ඔඩින් හා තෝර්, සියුස්ට සම ස්ථානයේ සිටින දෙවිවරුන් ලෙස සළකනවා.

31/10/2021

මළවුන්ගේ ලෝකය අතර ඇති බැමි ලිහිල් වන හැලොවින් රාත්‍රිය.
| 𝗛𝗮𝗹𝗹𝗼𝘄𝗲𝗲𝗻 𝗻𝗶𝗴𝗵𝘁 🎃

අද ඔක්තෝබර් මස තිස් එක්වෙනිදා. මේ ග්‍රීෂ්ම සෘතුවේ අවසාන දිනයයි.
වසර 2000කට පමණ පෙර බ්‍රිතාන්‍යය, අයර්ලන්තය හා ප්‍රංශයේ උතුරු කොටස්වල ජිවත් වූ "Celtic" සෙල්ටික් ජාතිකයන් අස්වනු නෙලන සමයේ අවසාන දිනයයි. මෙදිනෙන් පසු සිතල වැඩිවීමත් සමග භෝග මියයාම නිසා මේ රටවල වගා කළ නොහැකියි. මේ දිනයේදී මළවුන්ගේ ආත්මයන් මිනිස් ලෝකයට පැමිණෙන බව ඔවුන් විශ්වාස කළා.

🔖(" නොවැම්බර් පළමුවෙනිදාට පෙරදා එනම් ඔක්තෝබර් තිස් එක් වෙනිදා ග්‍රීෂ්ම සෘතුවේ අවසාන දිනය ලෙස සලකන අතර එදින තමන්ගේ ගොවිතැන් වල අස්වනු නෙළන අවසාන දිනය ලෙස මෙම සෙල්ටික් ජනයා සලකා තිබේ. අඳුරු වූ ශීත සෘතුවේ ආරම්භ දිනය එදින මධ්‍යම රාත්‍රිය වන විට උදාවන බව ඔවුන් විශ්වාස කලහ. තවද මරණයේ කාලවකවානුව ලෙසද ඔව්න්ගේ ප්‍රවාදයේ සඳහන්ය. ")

හැලොවීන් උත්සවයේ ආරම්භය වසර 2000ක් පමණ ඉතිහාසයේ අයර්ලන්තය තුළ වුණා කියල තමයි පිළිගන්නෙ. 📜පුරාණ අයර්ලන්ත 'කෙල්ටික්' (Celtic) වරුන්ගෙ කෘෂි අස්වැන්න ගෙට ගන්නා සමයෙහි පැවැත්වූ මෙම උත්සවය පසුකාලීනව කිතුනු දහම වැළඳගත් 'සම්හයින්' නම් ජන කණ්ඩායම විසින් සියළු සාන්තුවරුන්ගේ ආත්ම සැමරීමද මෙයට එක්කරමින් මේ චාරිත්‍රයට කිතුනු මුහුණුවරක් දුන් බව කියවෙනවා. මෙහි සාරාංශගත අදහස සියළු මළවුන්ගේ ආත්ම සිහි කිරීමයි.

නොවැම්බර් මස පලමුවෙනිදා මෙම සෙල්ටික් ජනයාගේ අලුත් අවුරුදු දිනය ලෙස සැලකෙ. ඔව්න්ගේ විශ්වාසට අනුව මෙම අලුත් අවුරුදු දිනය සහ ඊට පෙරදිනය අප ජීවත් වන සජීවී ලෝකය සහ මළඋන්ගේ ලෝකය වෙන්කරන බාධකයේ බිත්ති තුනී වීම සහ බොඳ වීම සිදුවන කාලය බවට සැලකේ. ඔක්තෝබර් තිස් එක්වෙනිදා රාත්‍රියේ මෙම තුනී වූ බාධකය හරහා මරණයේ ආත්මයන් නැවතත් ශීත වූ පොලොව කරා පැමිණෙන බවට විශ්වාසයේ විය. මෙම ආත්මයන් එදින රාත්‍රියේ මංමාවත් , ගම්මාන වල සැරිසරමින් ජනතාවටත් සහ ඔව්න්ගේ බවබෝග වලට හදි කරන බව ඔව්නගේ පිලිගැනීම විය..

එසේ මෙලොවට පැමිණෙන මළගිය ආත්ම සතුටු කිරීමට මිනිස්සු තමන්ට හැකි පමණින් ඔවුන් වෙත ප්‍රණීත ආහාර පාන සංග්‍රහ හෝ බවභෝග අස්වැන්නෙන් කොටසක් ඔවුන් වෙනුවෙන් වෙන්කොට ගෙන් පිටත ස්ථානයක තැබුවා. මෙම ආත්මයන්ට මිනිස්සු ගෞරවය දැක්වූවා මෙන්ම දැඩි බියකුත් දැක්වූවා. ඔවුන් සතුටු නොකළහොත් ශීත කාලයේදී ඔවුන්ගේ අස්වැන්න රැකගන්නට නොහැකි බවයි ඔවුන් විශ්වාස කළේ. එසේම මෙම මළවුන්ගේ ලෝකයෙන් යළිත් තමා සොයා එන ආත්මවලින් සිදුවියහැකි විපත්වලින් ආරක්ෂාව පතා ඔවුන් දෙවියන් ඇයදුවා.

📎 දිග ලෝගු වලින් සැරසී විවිධ වූ භයංකාර වෙස් මුහුණු වලින් සැරසී ඔව්න් මෙම උත්සවයට සහභාගි වී ඇත. මෙසේ සැරසීමට හේතුව ලෙස විවිධ අදහස් ඉදිරිපත් වී ඇත. එයින් එකක් වන්නේ මළඋන්ගේ ලෝකයෙන් සජීවී ලෝකයට පැමිණ සැරිසරන අඳුරු ආත්ම තමන්ට මුණගැසුණහොත් එම ආත්ම වලට තමන්ව මනුශ්‍යයෙක් ලෙස හඳුනාගැනීමට නොහැකි වීමට එලෙස වෙස් වලාගැනීම සිදුකර බවයි.👻

📎 මීට අමතරව මෙම කාල සීමාව තුළ ඔවුන්ගේ රාත්‍රී භෝජන මේසයේ ස්ථානයක්ද, පිටත ගිණිමැලයක් සහිත ස්ථානයක්ද මළගිය සහ, නැවත තමන් සොයා පැමිණිය හැකි නෑහිතවතුන් වෙනුවෙන් ඔවුන් වෙන්කොට තැබුවා. මෙම ගිණිමැලය 19 වන සියවස වෙනවිට ඉටිපන්දම් දැල්වීමකට වෙනස් වූ අවස්ථාත් දකින්නට පුළුවන්.🕯️

අද හැලොවින් සම්පූර්ණයෙන්ම වීනෝදකාමී රාත්‍රියකි. එහෙත් අතීතයේ වූ දේවල් නැවත සිදුවීමටද හැකිය. හැලොවින් යනු විනෝදයට එහා ගිය රාත්‍රියකි.! අන්ධකාරය රජයන රාත්‍රියකි..! මදකට වටපිටාව බලන්න, ඔබ ඉන්නේ තනියෙන් නොවෙන්නත් පුළුවන්!👻

🕯️

24/10/2021

හෙහෙ යාලුවනේ🙂

19/10/2021

රෑ සපුව රැක ගැනීමට ලේ පානය කල එලිසබෙත්😬

කාන්තාවන් සාමාන්‍යයෙන් තමන්ගේ රූමත් බව ගැන පිරිමින්ට වඩා වැඩියෙන් සිතයි. ඒ සදහා ඔවුන් නානාප්‍රකාර දෑ සිදු කරයි. 1561 හංගේරියාවේ උපන් එලිසබෙත් බැතොරි ද එවැනිම අයෙකි. මැයට අතිශයින්ම අලංකාර රෑ සපුවක් තිබුණි. එලිසබෙත් තමන්ගේ මෙම රූ සපුව ජීවිතකාලය පුරාවටම තබාගැනීමට තැත් කලාය. පුදුමයට කරුණ නම් මැය ඒ වෙනුවෙන් මිනිස් ජීවිත අති විශාල ප්‍රමාණයක් බිල්ලට දීමයි. මේ ඇයගේ කතාවයි.

එලිසබෙත් විවාහ වූයේ වයස අවුරුදු 15 දීය. ඒ උසස් රාජ්‍ය නිළදාරියෙක් සමඟය. මේ හේතුවෙන් ඇයට බොහෝ දෙනාගේ ගෞරවය හා රජ මාලිගයේ වාසය කිරීමටද අවස්ථාව හිමි විය. 1604 දී එලිසබෙත්ගේ ස්වාමිපුර්ෂයා අවාසනාවන්ත ලෙස මිය ගියේ ය. මේ වන විට එලිසබෙත්ගේ වයස අවුරුදු 43කි. වැන්දඹුවක් ලෙස එලිසබෙත් නැවත විවාහයක් ගැන ආසාවෙන් සිටියාය.

වයස අවුරුදු 43ක් වූ නිසා මැයගේ මුහුණ, අත්, පා රැලි වැටීමට පටන් ගත්තාය. මේ හේතුවෙන් එලිසබෙත් බොහෝ කනස්සල්ලට පත් විය. දිනක් එලිසබෙත් මාලිගාවේ සක්මන් කරමින් සිටියාය. ඒ අතරතුර මාලිගාවේ සේවිකාවක් ඇයගේ ඇඟේ ගැටුනාය. මෙයින් කෝපයට පත් එලිසබෙත් සේවිකාවට වැරෙන් පහර දුනි. සේවිකාවගේ නහයෙන් පිටවුනු ලේ එලිසබෙත්ගේ අතේ තැවරිණි. එසේ ලේ තැවරුණු විට තමන්ගේ අතේ රැලි ගැසී තිබීම පහව ගියාක් මෙන් ඇයට දැනෙන්නට වූවාය. ඈ මේ පිලිබඳව බොහෝ සතුටට පත්වී යන්ත්‍ර මන්ත්‍ර ගුරුකම් කරන පුද්ගලයින් හමුවීමට ගියාය.

එලිසබෙත් සමාජ චාරිත්‍ර වාරිත්‍ර ඉගැන්වීම මුල් කරගෙන අවිවාහක තරුණ කාන්තාවන් මාලිගයට ගෙන්වා ගත්තාය. 1604 දෙසැම්බර් මාසයේ දිනක් මෙසේ සිදුවිය. එලිසබෙත් පොලොව යට අදුරු කාමරයකට ගොස් පැය දෙකකට පමණ පසු උඩු මහලට නිරුවත් සිරුරින් පැමිණියා ය. ඇය උඩට පැමිණෙන විට මුලු සිරුර පුරාවටම මඩ වන් දෙයකින් නැහැවී තිබුණි. මේ සියල්ල සේවිකාවක් වූ වෙරෝනිකා දුටුවාය. මේ පිලිබඳ සැක කල වෙරෝනිකා එලිසබෙත්ගේ සිරුරේ තැවරී තිබූ මඩ වන් දෙය ස්වල්පයක් ඇඟිල්ලට ගෙන ආලෝකයට අල්ලා බැලුවාය. පුදුමයෙන් පුදුමයට පත් වූ ඇය ඒ ලේ බව පසක් කර ගත්තා ය. එලිසබෙත්ගේ පොලොව යට අදුරු කාමරයේ සිදුවන ක්‍රියාදාමය වෙරෝනිකාට සොයා ගැනීමට මාස හතරක කාලයක් ගත විය. එලිසබෙත් විසින් මිනිසුන්ගේ ලේ බී , ලේ වලින් පිරුණු බේසමක නානවා ඇය දුටුවේ ය. මාලිගාවේ සිටීම වඩා භයානක බව පසක් කරගත් වෙරෝනිකා තම සැමියා සමඟ හංගේරියාවෙන් පිටත් විය.

1609 වසරේදී හංගේරියාවේ කපාතියන් කඳුකරයේ සේජි මාළිගාවේ තාප්පය අසල තරුණ කාන්තා මළසිරුරු හතරක් සම්බවුණි. ඒ සිරුරු සියල්ලේම ලේ තිබුනේ නැත. මෙම කාන්තාවන් හතර දෙනාම එලිසබෙත්ගේ පන්ති වලට පැමිණි අය බව පසුව සොයා ගන්නා ලදි.

මෙයින් කෝපයට පත් රට වැසියන් හංගේරියාවේ දෙවන මෙතියස් රජ මාලිගය ඉදිරිපිට රැස්ව රජතුමාට මේ ගැන කන්නලව් කිරීමට පටන් ගත්තේ ය. එමනිසා රජතුමා මේ ගැන පරීක්ෂණයක් වහා ක්‍රියාත්මක කරන ලෙස අණ කලේ ය. එයින් අනාවරණය වූයේ එලිසබෙත්ගේ පොලොව යට අදුරු කාමරයේ තවත් තරුණ කාන්තා මළසිරුරු දහඅටක් තිබෙන බවයි. මේ කාන්තාවන් සියල්ල මියැදී තිබෙන්නේ අධික රුධිර වහනයෙන් බවද අනාවරණය කරගන්නා ලදි.

තම පන්ති වලට පැමිණෙන තරුණ කාන්තාවන්ගෙන් කෙනෙක් රාත්‍රියේ මේ අදුරු කාමරයට ගෙන්වා නිරුවත් කොට හිස පහලට වැටෙන සේ එල්ලා සෙබළෙක් ලවා පහර දී ඔවුන්ගෙන පිටවෙන ලේ බේසමකට රැස් කරගන්නා බව අනාවරණය විය. එමෙන්ම එවිට එලිසබෙත් එම ලේ බේසම තුලට බැස කෝප්පයකට ලේ අරගෙන එම ලේ බිව් බවද අනාවරණය විය. මෙසේ මරණය ලඟා කරගත් කාන්තාවන් ගණන 650 ද ඉක්මවිය.

🔖ජීවිතාන්තය තෙක් සිරගත වීම එලිසබෙත් බැතොරිට හිමි විය. ඇයගේ සිර කුටිය වූයේ පෙර කී පොලොව යට අඳුරු කාමරයයි. 1614 අගෝස්තු 21 වන දින එලිසබෙත් බැතොරි බොහෝ දුක්විද මිය ගියේ ය.

Copyright credit - unknown

මුල් හිමිකරුවා කරුදැයි නොදනී නමුත් මේ ලිපිය සම්පාදනය කල ඔහු/ඇයට මෙහි ගෞරවය හිමිවේ...

- 𝑠𝑎𝑟𝑣𝑒𝑔𝑎 -

11/08/2021

𝗥𝗮𝗳𝗶 𝗘𝗶𝘁𝗮𝗻 | රහස් ඔත්තුසේවයේ කිරුළු නොපලන් රජතුමා

රාෆි එයිතාන් කියන්නේ ලෝකයේ එතෙක් මෙතෙක් බිහිවුනු විශිශ්ටම ඔත්තුකරුවෙක් කීවොත් මා නිවැරදියි. අතිදක්ශ බුද්ධිඅංශ නිළධාරියෙක්" මොසාඩ් සංවිධානයේ සාර්ථකත්වය පිටිපස්සේ හිටපු ප්‍රධානම මැජික්කාරයන්ගෙන් එක්කෙනෙක්. එයිතාන්ගේ කියුම් කෙරුම් නිසා රහස් ඔත්තු සේවා ඇතුලේ ඔහුව හැඳින්වෙන්නේ පුරාවෘතයක් විදියට. චරපුරුෂයන් අතරේ කිරුළු නොපලන් රජතුමා ලෙස ඔහුව හඳුන්වන්න පුලුවන්.

1926 නොවැම්බර් 23 Ein Harodහීදි උපත ලබන රාෆි කරළියට එන්නේ "අවසන් විසඳුම නැමති යුදෙව් ජාතිය මහපොළොවෙන් අතුගාලා දාන්න අාරම්භකල ප්‍රධානම නිර්මාණයශිල්පියා විදියට සැලකෙන ඇඩොල්ෆ් අයික්මාන් අල්ලාගැනීමේ මෙහෙයුමෙන්.මේ අයික්මාන්ගේ ප්‍රජෙක්ට් එක බාරදෙන්නේ ඒ වෙනකොටත් මොසාඩ් එකේ නැගීගෙන එන තරුව වුනු රෆි එයිතාන්ට. රෆි බොහොම ඉවසීමෙන් අවුරුදු දෙකක් මේ මෙහෙයුමට අදාල තොරතුරු එක්රැස් කරීම සිදුකරමින් 1960 මැයි 10 වෙනිදා හැන්දෑවේ අයික්මාන්ව අල්ලාගෙ මේ විශිශ්ට මෙහෙයුම නිමාවෙනවා. 1962 මැයි 31 නඩු විභාගයකින් පස්සේ ඇඩොල්ෆ් අයික්මාන්ට මරණ දණ්ඩනය ලබා නියම වෙනවා. මේ සිදුවීම්න් පස්සේ රාෆිගේ මෙහෙයුම ලෝකප්‍රසිද්ධ වෙනවා. කොටින්ම කියනවානම් ඊශ්‍රායලයේ පාසැල් පෙළපොතට පවා රෆිගේ මේ මෙහෙයුම ඇතුලත් කරලා තියෙනවා. (මේ මෙහෙයුම ගැන දැනගන්නනම් 𝗢𝗽𝗲𝗿𝗮𝘁𝗶𝗼𝗻 𝗳𝗶𝗻𝗮𝗹 කියන චිත්‍රපටය හොයාගෙන බලන්න.)

📎 රාෆිගෙ හැසිරීම් රටාව 🤔

🏷️ රාෆි කිසිම රටකට, කිසිම වෙලාවක වෙලාවක තනි ගුවන් යානයකින් යන්නේ නෑ. ගුවන් තොටුපළ කීපයකටම ගිහින් ගුවන්‍ යානා කීපයකට මාරුවෙලා තමයි තමන්ගේ ගමනාන්තයට එන්නේ. ඔහු ඒ හැම ගමනකටම වෙන වෙන පාස්පෝට් පාවිච්චි කලා. ඒ හැම පාස්පෝට් එකක්ම වෙනම චරිතයක් රඟපෑවා. රාෆි එක දොරකින් ඇතුලට ගියොත් එලියට එන්නේ වෙන දොරකින්. එකම කාර් එක කීපසැරක් පාවිච්චි කලේ නැහැ. කිසිම කෙනෙක්ට රාෆිව ලුහුඹඳින්න බැහැ. ඒතරම්ම ඔහු පරික්ශාකාරීයි. ඒ වගේම සූක්ශමයි.

🏷️ රාෆි සාමාන්‍යයෙන් කිසිම මෙහෙයුමකට තුවක්කුවක් අරගෙන යන්නේ නෑ. රෆි කියන විදියට රාෆිට තියෙන හොඳම ආයුධය තමයි තමන්ගේ බුද්ධිය. වෙලාවේ හැටියට ඔළුව පාවිච්චි කරලා කරන්න ඕනිදේ තමයි රාෆි ඒ වෙලාවට කරන්නේ.

🏷️ එ්වගේම ඔනම කෙනෙක් හිතේ හන්ගන් ඉන්න රහස් තොරතුරක් සහ ඔනම කෙනෙක් රාෆිට ඔන විදියට නම්මගන්න රාෆිට විශේශ හැකියාවක් තියනවා.
අදාල කෙනා ළගට ගිහින් රාෆි මෙහෙම කියනවා

"ඔයා දන්නවද?? අවුරුදු දෙදාහක් තිස්සේ අපේ මිනිස්සු හීනයක් දැක්කා. යුදෙව්වන් විදියට අපි අපේ වහල්කමෙන් ගැලවීම වෙනුවෙන් අවුරුදු දෙදාහක් තිස්සේ හීන‍යක් දැක්කා. අපි අපේ සිංදු වල, අපේ කතාවල, අපේ කවි වල , අපේ හිත්වල අපේ හැම දේකම ඒ හීනය අවුදුරුදු දෙදාහක් තිස්සේ ජීවත් කෙරෙව්වා. ඒ වගේම ඒ හීන අපිව මේ වෙනකන් ජීවත් කරවලා තියෙනවා.ඔයා දන්නවද? අන්තිමේදී ඒ හීනේ කොහොමහරි ඇත්තක් වෙලා තියෙනවා. හැබැයි ඒ හීනයට දිගටම ජීවත් වෙන්නම් අපිට ඔයාලා වගේ මිනිස්සු ඉන්නම ඕනි"

රාෆි අතින් ඝාතනයට පත්වූවන් ගැන රාෆි මේවගේ අදහසක් කියන්නෙ😌

"මම කොයි වෙලාවක කාව මැරුවත්, මට උගේ ඇස් දෙක දිහා කෙලින් බලාගෙන ඉන්න ඕනි. මට උගේ ඇස් දෙකේ තියෙන සුදු පාට දිහා කෙළින් බලාගෙන ඉන්න ඕනි. ඊට පස්සේ මම ගොඩක් සන්සුන් වෙනවා.ඊට පස්සේ මම අවධානය දෙන්නේ මට කරන්න සිද්දවුනු දේ ගැන විතරයි. මට කරන්න තිබුනු දේ මම කලා. එච්චරයි."

රෆි තමන්ගේ අත් දෙකෙන් ඝාතනය කරපු ත්‍රස්තවාදීන් ගණන ගැන නිශ්චිත තොරතුරක් නැහැ. කොහොම වුනත් 2019 මාර්තු 23 වෙනිදා රෆායල් එයිතාන් අවුරුදු 92 ආයු විඳලා තමන්ගේ කාබන් ශරීරය හැර දාලා යනවා.

09/08/2021

𝗦𝘁𝗼𝗻𝗲𝗺𝗮𝗻 | ස්ටෝන්මෑන් (යාචකයින්ගේ මාරයා)

1985-89 දක්වා කාලය තුළ ඉන්දියාවේ කල්කටා හා බෝම්බෙයි ප්‍රාන්ත අාසන්න ප්‍රදේශයේ ඝාතන රැල්ලක් සිදුවෙනවා. මේ ඝාතනයන්ට ගොදුරු වෙන්නෙ නිවාස අහිමි වි පාරේ පදික වේදිකාවල තම ජීවිතය ගත කල අහිංසක පුද්ගලයින් 26 දෙනෙක්. ඉන් 13 දෙනෙකු 1989 වර්ෂයේදි කල්කටා ප්‍රාන්තයේදීත් තවත් 13 දෙනෙකු 1985-88 දක්වා කාලය තුල මුම්බායි ප්‍රදේශය තුලත් අවස්තා කිහිපයකදි ඝාතනය කොට තිබුනා.

📎සිදුකල ඝාතනයන්ගේ ස්රූපය.

මේ ඝාතන 26 ම රාත්‍රි කාලයේදි පාරේ තද නින්දේ පසුවු පුද්ගලයින් නින්දේදිම ඝාතනය කොට තිබුනේ එකම ස්වරූපයකටය. කලු ගලක් හෝ කොන්ක්‍රිට් කැබැලි හිස පොඩි පට්ටම් වන සේ ඔලුවටම අතහැර තැබුනා. කිසිම ඇසින් දුටු සාක්ෂියක් ඉතුරු කර තිබුනේ නැහැ. මිය ගිය පුද්ගලයින්ගේ අනන්‍යතාවය පවා පොලිසියට තහවුරු කර ගැනීමට නොහැකි වුයේ මියගිය පුද්ගලයින් මිය යන මොහොතේදි අදල තැන්වල තනි වී සිටිමයි.

📎හමුවූ සාක්ශි

බොම්බෙයි ප්‍රාන්තයේ පාරේ නින්දේදි පසු වු වේටර්වරයෙකු අදාල ප්‍රහාරයෙන් තුවාල ලැබිමෙන් පසු බේරා ගැනිමට පොලිසියට සමත් වුනා. මේ පුද්ගලයාගෙන් පොලිසිය ප්‍රශ්න කිරිමේදි ප්‍රහාරය එල්ල කල පුද්ගලයාගේ මුහුන දැඩි අඳුර නිසා නොපෙනි ගිය බවක් ඔහු පවසන ලදි. තවද 1987 වර්ෂයේදි මාතුංග නගරයේදී පාරේ වැටි සිටි මහලු පුද්ගලයෙකු කපා කොට ඝාතනය තිබියදි පොලිසියට හමු වුනා. මාධ්‍ය මඟින් මෙම ඝාතනය හා අනෙකුත් ඝාතන සම්බන්ධ කර පුවත් මවන්නට සමත් වු අතර මේ පිලිබද කිසිඳු හෝඩුවාවක් මේ දක්වා පොලිසියට හමු නොවිය. මේ අපරාධ සඳහා යොදා ගත් ගලේ බර 30 kg ට වැඩි වු එකම ආකාරයේ ස්වරූපයක් විය. එම නිසා මේ ඝාතකයා හොඳින් වැඩුණු උස සහිත පුද්ගලයෙකු විය යුතු යැයි පොලිසිය සැක කළා. මේ නිසාම නගරයේදි වෙස් වලා ගත් පොලිස් නිලධාරින් යෙදවීම හා විවිධ සෝදිසි කිරිම් සැකකටයුතු පුද්ගලයින්ගෙන් ප්‍රශ්න කිරීම් ආදිය පොලිසිය මුම්බයි හා කල්කටා ප්‍රාන්තවල සිදු කරමින් ආරක්ෂාව තර කිරිම නිසා මේ ඝාතන රැල්ල හිටි හැටියේම නිමාවට පත් වුයේ මේ ඝාතන 26 ට අදාල නඩු විභාගයන් සඳහා කිසිම චුදිතයෙකු ඉදිරිපත් කිරිමට අසමත් වෙමින් නොවිසිදුනු අභිරහසක් බවට පත්වෙනවා.

08/08/2021

𝗦𝗮𝗺𝘂𝗿𝗮𝗶 | සමුරායිවරුන් ගැන කෙටි හැදින්වීමක්"

"රනශූරයාගෙ මාර්ගය" නොහොත් 𝗕𝘂𝘀𝗵𝗶𝗱𝗼 යනුවෙන් හදුන්වන ලිඛිත චර්යාධර්ම පද්දතියක් අනුගමනය කරන මේ සමුරායිවරුන් ගේ ඉතිහාසය 𝗸𝗮𝗻𝗺𝘂 අදිරාජ්‍යායාගේ පාලනකාලය දක්කවා විහිදයයි ( 781-806) . එතැන් සිට වසර 700 පාලන තන්ත්‍රයේ රැදී සිටිමින් තමන්ගේ සේවය ඉටුකරයි.

මුලින් සදහන් කළ පරිදි Bushido චර්යාධර්ම පද්දතියේ අැතුලත් වන ස්වයං විනය, අණ පිළිපැදීම, දක්ෂතාවය ස්වයං කැප කිරීම, දෛර්ය හා පක්ශපාතීත්වය වැනි අංග ඇතුලත් වූ අතර සමුරායිවරුන්ගේ පරමාදර්ශය ලෙස ජීවිතයට වඩා නිර්භීත කම ,ගෞරවය හා පෞද්ගලික පක්ශපාතීත්වය රැකගැනීම ලෙස සලකා ඇත.

සමුරායිවරුන්ගේ යුද ඇදුම ගැන සැලකුවහොත් එය නමින් 𝗸𝗮𝗿𝘂𝘁𝗮 ලෙස හැදින් වේ. එය පෘතුගීසි වචනයකින් කැඩි ආ වචනයකි. මෙම ඇදුම පාවිච්චි කරන්නාට හැසිරවීමට පහසුවන පරිදි ඉතාමත් සුවිශේෂ විදිහට ශරීරයේ නැමෙනසුලු ස්ථාන සම් හා සිල්ක් ලේස් වලින් සකස් කර ඇති අතර අනෙක් ස්තාන lacquered තහඩු හා ලෝහ වලින් නිර්මාණය කර ඇත.

• "කටානා | katana" කඩුව සමුරායිවරුන් ගෙ ප්‍රදානම ආයුධය.

සමුරායිවරුන්ගේ විවිද ආයුධ අතරින් කඩුව ප්‍රදාන ආයුධය විය. මුල් කාලයේදී 𝗰𝗵𝗼𝗸𝘂𝘁𝗼 නම් කඩුව භාවිත වුවත් පසුව මොවුන් වක්‍ර කඩුවලට මාරු වූ අතර එහි ප්‍රතිඵලයක් ලෙස කටානා katana කඩුව සමුරායිවරුන් ගෙ ප්‍රදානම ආයුධය විය. සමුරායිවරුන් තමන්ගෙ කටානා වලට නම් යොදන අතර ඔවුන් පවසන්නේ සමුරායිවරුන්ගේ ආත්මය තම කටානාවල ගැබ්ව ඇති බවයි.

අවසාන වශෙයෙන් කියන්න තියෙන්නෙ සමුරායිවරුන් දක්ශ රණශූරයන්. පක්ශපාතීත්වය හා ගෞරවය වෙනුවෙන් තමන්ගෙ ජීවිතය උනත් කැපකරන්න මෙයාල පසුබට වෙන්නෙ නෑ.

අමතර කරුනක් එකතු කරන්නම් මේ කටානාවලට අැති ශාපයක් ගැන:)

" 14 - 16 ශතවර්ශය අතර කාලයේ ජපානයේ කුවානා නම් ප්‍රදේශයේ කටානා අසිපත් සෑදීමට ප්‍රවීනයෙක් ඉදලා තියනවා. ඔහු නමින් සෙන්ගෝ මුරමාසා මොහු සෑදු සෑම අසිපතක්ම ඉතාමත් විශේෂයි. 'නමුත් එක් අසිපතක් හැර' මෙම අසිපට යක්ෂ බලපෑමක් එල්ල වී අැතයි පැවසෙන්නෙ මෙය දරන්නා විසින් නිරායාසයෙන් ම ඝාතනයක් සිදුකිරීමට පෙලෙබෙන නිසා. ජනප්‍රවාදයකට අනුව නම් ජපානයේ පළමු ශෝගුන්වරයා වූ ටොකුගාවාගේ ශාපය නිසාබව කියැවෙනවා." මේ ශාපලත් කටානා අසිපත මේවන විට ජපානයේ ටෝකියෝ කෞතුකාගාරයේ සුරක්ෂිතව තියනවා.( පින්තූර Comment වලින් දාන්නම් )