muan.la

ຕິດຕາມຂ່າວສານຄວາມຮູ້ສາລະບັນເທີງ ມ່ວນໆ ໄດ້ທີ່ນີ້! ມ່ວນແບບມີສາລະ ມ່ວນ - ບັນເທີງຄຸນນະພາບ ສ້າງສັນສັງຄົມ ອຸດົມປັນຍາ ພາການປ່ຽນແປງທາງບວກ

06/02/2024

ງານວາງສະແດງສິລະປະທີ່ໜ້າຮັກອົບອຸ່ນຂະໜາດນີ້ ເຂົ້າຟຣີເດີ 🥰
ພົບກັບສິລະປິນຈາກປະເທດໄທ WIFI. ແລະ Artgineer Studio ພ້ອມກັບເຫຼົ່າສິລະປິນ JACKSMIN, This is WRA. , AERI. , The Wille Style, W***y Hansana, SUNNY-ESA, FLOWER GIRL ແລະ HOONG ARTS. ເຊິ່ງຜົນງານຂອງພວກເຂົາຖືກລວບລວມຢູ່ທີ່ "ງານວາງສະແດງສິລະປະ ວິຟິນັກຮັກ"
ຄອນເຊັບຂອງງານສະແດງນີ້ແນ່ນອນວ່າແມ່ນ "ຄວາມຮັກ" ເພື່ອສະຫຼອງເດືອນແຫ່ງຄວາມຮັກ ສິລະປິນທັງ 10 ກໍໄດ້ລວບລວມຜົນງານທີ່ສະແດງເຖິງຄວາມຮັກໃນແບບຂອງພວກເຂົາເອງມາໃຫ້ທຸກຄົນໄດ້ເຂົ້າໄປຊົມແບບ ບໍ່ເສຍຄ່າໃຊ້ຈ່າຍ ແລະ ສົ່ງມອບຂໍ້ຄວາມດີໆຜ່ານຜົນງານສິລະປະຂອງພວກເຂົາ.
ໝູ່ເພື່ອນທຸກຄົນສາມາດເຂົ້າຊົມ 'ງານວາງສະແດງສິລະປະ ວິຟິນັກຮັກ' ໄດ້ຕັ້ງແຕ່ວັນທີ 2 ຫາ 25 ກຸມພາ 2024 ທີ່ Come Sook Cafe ເຊິ່ງຕັ້ງຢູ່ທີ່ ບ້ານ ໂພນປາເປົ້າ, ເມືອງໄຊເສດຖາ, ນະຄອນຫຼວງວຽງຈັນ ຫຼື ສາມາດເຂົ້າເບິ່ງສະຖານທີ່ໄດ້ໃນລິ້ງນີ້: https://maps.app.goo.gl/BULNefbRt34TFQfa9?g_st=ic
ຢ່າລືມຊວນໝູ່ໄປຖ່າຍຮູບ, ຊວນແຟນໄປເດດ ແລະ ພາຄອບຄົວໄປຊົມສິລະປະທີ່ໜ້າຮັກອົບອຸ່ນໃນງານວາງສະແດງຂອງ WIFI. ແລະ ໝູ່ໆຂອງລາວເດີ 🥰
ໂດຍ: ທີມຂ່າວບັນເທີງ Muan.la
#ມ່ວນ #ມ່ວນຊວນໄປ #ວິຟິນັກຮັກ

06/02/2024

"ພ້ອມສົ່ງມືເຈົ້າໃຫ້ເຂົາ ເພາະນີ້ຄົງເປັນສິ່ງສຸດທ້າຍ ທີ່ຂ້ອຍຈະເຮັດໃຫ້ເຈົ້າໄດ້"
ເມື່ອວົງ BLACK EYES ເປີດສະກິວເພງເສົ້າ, ຜູ້ຟັງກໍນໍ້າຕາແຕກນໍາກັນເປັນແຖວ! 'ປ່ອຍເຈົ້າໄປດີກວ່າ' ເພງໃໝ່ຫຼ້າສຸດຈາກວົງຣັອກຊື່ດັງຂອງປະເທດລາວ ທີ່ຫາກໍປ່ອຍໃນວັນທີ 5 ກຸມພາ ທີ່ຜ່ານມານີ້ ແລະ ເປັນຜົນງານເພງສຸດຊຶ້ງທີ່ພວກເຂົາຕັ້ງໃຈເຮັດອອກມາ.
ພິເສດກໍຄືເອັມວີນີ້ມີ N'noon Thidachanh ຜູ້ເປັນ ນາງສາວລາວປະຈໍາປີ 2021 ເປັນນາງເອກເອັມວີອີກດ້ວຍ! ນຸ້ນ ໄດ້ຮັບບົດເປັນຄົນຮັກຂອງ ໂອລ້າ ທີ່ເປັນພະເອກເອັມວີຜູ້ເຄາະຮ້າຍເຈິອຸບັດເຫດທີ່ພາໃຫ້ເປັນອໍາມະພາດ ຈົນຄົນຮັກຕ້ອງມາດູແລ, ແຕ່ດ້ວຍຄວາມຮັກລາວເລີຍຢາກປ່ອຍອີກຝ່າຍໄປເຈິຄົນທີ່ດີກວ່າລາວຈຶ່ງບໍ່ຕ້ອງທຸກທໍລະມານແບບນີ້.
ໃນບາງເທື່ອເຮົາກໍຢາກປ່ອຍໃຫ້ຄົນທີ່ເຮົາຮັກໄປເພື່ອໃຫ້ເຂົາມີຄວາມສຸກ ເຖິງວ່າມັນຈະຕ້ອງແລກດ້ວຍຄວາມທຸກຂອງເຮົາ... ເພງ 'ປ່ອຍເຈົ້າໄປດີກວ່າ' ສາມາດສື່ຄວາມຮູ້ສຶກນີ້ໄດ້ດີທີ່ສຸດເລີຍ 🥺
ສາມາດຕິດຕາມການເຄື່ອນໄຫວໄດ້ທີ່:
Facebook: Black Eyes Laos
YT: BLACK EYES LAOS
ໂດຍ: ທີມຂ່າວບັນເທີງ muan.la
#ມ່ວນ #ມ່ວນຊວນຟັງ

06/02/2024

ວົງນ້ອງໃໝ່ໂຕແມ່ທີ່ຖືກເວົ້າເຖິງຫຼາຍທີ່ສຸດກໍຕ້ອງແມ່ນວົງ Kiss Of Life, ເກີຣ໌ລກຣຸບທີ່ເດບິວມາພ້ອມກັບຄອນເຊັບສຸດເຊັກຊີ່ສວນກະແສວົງໄອດໍຍິງທັງໝົດໃນວົງການ KPop! ແລະ ໃນວັນທີ 17 ມີນາທີ່ໃກ້ຈະເຂົ້າມາພວກເຂົາກໍຈະມາພົບປະກັບແຟນຄລັບທີ່ປະເທດໄທເປັນຄັ້ງທໍາອິດອີກດ້ວຍ!
ແນ່ນອນວ່າຫາກແມ່ໆມາໄທ ແຟນຄລັບລາວກໍຫວານຈ໊ຽບ 😍 ໂອກາດດີໆແບບນີ້ບໍ່ໄດ້ມີມາງ່າຍໆ, ໃຜທີ່ເປັນແຟນຄລັບສາວໆສາມາດຈັບຈອງບັດໄດ້ຕັ້ງແຕ່ວັນທີ 24 ກຸມພາ ເປັນຕົ້ນໄປທາງເວັບໄຊ THAITICKETMAJOR, ຂໍບອກເລີຍວ່າລາຄາບັດຍ່ອມເຍົາຈັບຕ້ອງໄດ້ແນ່ນອນ.
ສໍາລັບໃຜທີ່ຍັງບໍ່ຮູ້ຈັກ Kiss Of Life, ພວກເຂົາເປັນເກີຣ໌ລກຣຸບນ້ອງໃໝ່ທີ່ເດບິວໃນເດືອນກໍລະກົດ 2023 ເຊິ່ງຜົນງານທີ່ເດັ່ນດັງກໍມີເພງ 쉿 (Shhh), Bad News ແລະ Nobody Knows ທີ່ເປັນກະແສໃນຕິກຕອກມາຕັ້ງແຕ່ປີກາຍ. ສະມາຊິກທັງສີ່ຄົນ ຈູລີ້, ນັດຕີ້, ເບວ ແລະ ຮານຶລ ໄດ້ຣັບວົງການເພງເຄປັອບໃຫ້ກັບມາມີສີສັນ ແລະ ຄວາມແຕກຕ່າງອີກຄັ້ງດ້ວຍຄວາມພິເສດຂອງພວກເຂົາ!
ໃຜທີ່ເປັນຕິ່ງວົງນີ້ຫ້າມພາດໂອກາດດີໆແບບນີ້ເດີ!
ໂດຍ: ທີມຂ່າວບັນເທີງ muan.la
#ມ່ວນ

06/02/2024

ອ່ານດວງລາຍວັນປະຈໍາວັນອັງຄານ ທີ 6 ກຸມພາ 2024 ຕາມແຕ່ລະວັນເກີດ

ຄົນເກີດວັນອາທິດ

ການງານ ລົງທຶນເຮັດທຸລະກິດຈະປະສົບຄວາມສຳເລັດ

ການເງິນ ເຮັດເລື່ອງຂໍເຄຣດິດຈະໄດ້ຮັບການອະນຸມັດ

ຄວາມຮັກ ໄດ້ພົບຮັກກັບຄົນຜິວສອງສີ ອາດຢູ່ໃນເກນທີ່ດີ

ເຄື່ອງມຸງຄຸນ ແຫວນຄໍາ

ສີມຸງຄຸນ ສີແດງ

ເລກນຳໂຊກ 6

.

ຄົນເກີດວັນຈັນ

ການງານ ເຮັດທຸລະກິດຜິດພາດສົ່ງຜົນຕໍ່ການສູນເສຍເງິນທຶນ

ການເງິນ ໄດ້ພົບຜູ້ອຸປະຖຳທາງການເງິນ ໃນໄລຍະນີ້

ຄວາມຮັກ ຕົກຢູ່ໃນສະຖານນະການຮັກຊ້ອນ ຕ້ອງເບິ່ງຮັກໄລຍະນີ້ໄປດົນໆ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີດໍາ

ເລກນຳໂຊກ 4

.

ຄົນເກີດວັນອັງຄານ

ການງານ ເລີ່ມລົງທຶນເຮັດທຸລະກິດດ້ວຍເງິນທຶນທີ່ມີຢູ່

ການເງິນ ມີລາຍຈ່າຍຫຼາຍເປັນພິເສດ

ຄວາມຮັກ ເກີດຄວາມເຫີນຫ່າງກັບຄົນຮັກຫຼາຍຂຶ້ນ

ເຄື່ອງມຸງຄຸນ ຄໍາຝຣັ່ງ

ສີມຸງຄຸນ ສີຟ້າ

ເລກນຳໂຊກ 6

.

ຄົນເກີດວັນພຸດ

ການງານ ລົງທຶນເຮັດທຸລະກິດໄດ້ຜົນກຳໄລດີ

ການເງິນ ຈະພົບຄ່າໃຊ້ຈ່າຍແບບບໍ່ຄາດຝັນໃນການເສຍເງິນ

ຄວາມຮັກ ໄດ້ພົບຮັກກັບຄົົນທີ່ມີຖານະດີໃນໄລຍະນີ້

ເຄື່ອງມຸງຄຸນ ແຫວນຄໍາ

ສີມຸງຄຸນ ສີສົ້ມ

ເລກນຳໂຊກ 5

.

ຄົນເກີດວັນພະຫັດ

ການງານ ເຮັດທຸລະກິດການຄ້າອາຫານໄດ້ຜົນກຳໄລດີ

ການເງິນ ມື້ນີ້ໂຊກດີຈະໄດ້ເງິນເຂົ້າມາໃນການໃຊ້ຈ່າຍ

ຄວາມຮັກ ເດີນທາງໄກຈະໄດ້ພົບຮັກ ອາດເປັນເນື້ອຄູ່ຂອງທ່ານ

ເຄື່ອງມຸງຄຸນ ຫິນນໍາໂຊກສີແດງ

ສີມຸງຄຸນ ສີຂຽວ

ເລກນຳໂຊກ 8

.

ຄົນເກີດວັນສຸກ

ການງານ ຮີບຟ້າວໃນການສ້າງຜົນງານກໍ່ໃຫ້ເກີດຄວາມຜິດພາດ

ການເງິນ ມື້ນີ້ໂຊກດີຈະໄດ້ຮັບເງິນເຂົ້າມາໃນການໃຊ້ຈ່າຍ

ຄວາມຮັກ ໄດ້ພົບຮັກກັບຄົນທີ່ມີຊື່ສຽງດີ

ເຄື່ອງມຸງຄຸນ ຕຸ້ມຫູຄໍາ

ສີມຸງຄຸນ ສີດໍາ

ເລກນຳໂຊກ 2

.

ຄົນເກີດວັນເສົາ

ການງານ ຈະເລີນຮຸ່ງເຮືອງກ້າວໜ້າໃນການເຮັດທຸລະກິດ

ການເງິນ ມີໂອກາດໄດ້ໂຊກກ້ອນໃຫຍ່

ຄວາມຮັກ ລະວັງເລື່ອງການມີປາກສຽງກັບຄົນຮັກຕ້ອງລະວັງເລື່ອງການໃຊ້ຄໍາເວົ້າໃຫ້ຫຼາຍ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີນໍ້າຕານ

ເລກນຳໂຊກ 7

05/02/2024

ໃຜຢາກເປັນໄອດໍຄົນໃໝ່ຫ້າມພາດ ໂອກາດດີໆມາຮອດແລ້ວ ເມື່ອ OISHI TEEN IDOL Season 2 ເຫັນຄວາມສາມາດໄວໜຸ່ມ ຈຶ່ງກັບມາສານຕໍ່ໃນປີທີ 2 ພ້ອມເຟັ້ນຫາໄວໜຸ່ມທີ່ມີຄວາມສາມາດຫຼາກຫຼາຍເພື່ອມາປະດັບວົງການບັນເທີງລາວ.
ລວມພາບງານຖະແຫຼງຂ່າວເປີດຕົວໂຄງການ OISHI TEEN IDOL Season 2 💚 ປີນີ້ມາພ້ອມການປ່ຽນແປງໃໝ່ຂອງລາຍງານແບບຈັດເຕັມ ແລະ ຄົບເຄື່ອງ ເພາະມີການເລືອກທີມ ທຸກຄົນຈະໄດ້ເຫັນຄວາມສາມາດ ແລະ ການພັດທະນາຂອງນ້ອງໆທຸກຄົນ.
ພ້ອມພົບກັບການເປີດຕົວ Coach ໃໝ່ ເຫຼົ່າອາຈານທີ່ມີຄວາມສາມາດ ແລະ ຄາແລັກເຕີຕ່າງກັນ ພ້ອມຖ່າຍທອດປະສົບການ ແລະ ຄວາມຮູ້ ແລະ ຂັດເກົານ້ອງໆຢ່າງດຸເດືອດຈາກທາງທີມ Oishi ແລະ ຜູ້ຄວບຄຸມການຜະລິດ Jojo Miracle.
ສຳລັບ OISHI TEEN IDOL ແມ່ນການປະກວດທີ່ຕາມຫາໄວໜຸ່ມທີ່ກ້າຈະສະແດງອອກ ບໍ່ມີພຽງແຕ່ຄວາມສາມາດ ແຕ່ມີຫຼາຍອົງປະກອບ ບໍ່ຈໍາເປັນຕ້ອງເກັ່ງທຸກຢ່າງ ບໍ່ຈໍາເປັນຕ້ອງມີຄວາມສາມາດເດັ່ນໃດໜຶ່ງ ຂໍພຽງກ້າສະແດງອອກມີຄວາມຮັບຜິດຊອບ, ຄວາມຕັ້ງໃຈທີ່ຈະເປັນ idol ແລະ ທີ່ສໍາຄັນພ້ອມທີ່ຈະພັດທະນາຮອບດ້ານ ນັ້ນຄືຄົນທີ່ຈະເປັນ OISHI TEEN IDOL Season 2 ຢ່າງໂດດເດັ່ນ ແລະ ເໝາະສົມທີ່ສຸດ.
ໝູ່ເພື່ອນຄົນໃດທີ່ມີຄວາມສາມາດຢ່າຫຸບໄວ້ ແລະ ຢ່າລັງເລທີ່ຈະມາສະໝັກໃນ Season 2! 🤩 ສາມາດຕິດຕາມການເຄື່ອນໄຫວ ແລະ ຂໍ້ມູນສົ່ງສະໝັກອອນລາຍໄດ້ທີ່ Page: Oishi Drink Station ແລະ ອີກຊ່ອງທາງໜຶ່ງແມ່ນ School Tour ເຊິ່ງທີມງານຈະລົງໄປຫາເຖິງ 16 ໂຮງຮຽນໃຫ້ສະໝັກ ແລະ ອໍດິຊັ່ນໄດ້ທີ່ໂຮງຮຽນຂອງໝູ່ເພື່ອນເອງເລີຍ.
ບໍ່ລອງບໍ່ຮູ້, ເພາະເພິ່ນອາດໄດ້ເປັນໄອດໍຄົນຕໍ່ໄປ 🥰
ໂດຍ: ທີມຂ່າວບັນເທີງ muan.la
#ມ່ວນ

05/02/2024

ຍິ່ງເຫງົາ ຍິ່ງໃຊ້ເງິນຫຼາຍ! ການເປັນໂສດໝາຍເຖິງເຮົາການມີອິດສະຫຼະໃນການເຮັດສິ່ງຕ່າງໆ, ແຕ່ໃນຍຸກນີ້ເປັນຍຸກທີ່ເຮົາຕ້ອງມີ 'ເງິນ' ໃນການເຮັດກິດຈະກໍາທີ່ໃຈຕ້ອງການ.
ທາງສໍານັກຂ່າວຊື່ດັງຢ່າງ BBC ໄດ້ສໍາຫຼວດພຶດຕິກໍາການໃຊ້ເງິນຂອງຄົນໂສດ ແລະ ໄດ້ສະຫຼຸບມາວ່າ ຄົນໂສດໃຊ້ເງິນຫຼາຍກວ່າຄົນທີ່ມີຄູ່ແທ້ໆເຊິ່ງມາຈາກ 4 ເຫດຜົນຄື:
1. ຄົນໂສດມັກຈະແກ້ເຫງົາດ້ວຍການອອກໄປເລາະຫຼິ້ນ.
ຍິ່ງເຫງົາສໍ່າໃດກໍອອກໄປຫຼິ້ນຫຼາຍສໍ່ານັ້ນ! ຍຸກນີ້ເປັນຍຸກທີ່ຄົນນິຍົມໄປຄາເຟ່, ໄປທ່ຽວກາງຄືນ, ໄປເລາະຫຼິ້ນຕາມຫ້າງຕ່າງໆເຊິ່ງສິ່ງເຫຼົ່ານີ້ແຫຼະເປັນຕົວດີໃນການດູດຊັບເຮົາເລີຍ.
2. ຄ່າໃຊ້ຈ່າຍໃນການໄປທ່ຽວຄົນດຽວນັ້ນສູງກວ່າເປັນຄູ່.
ການພັກຢູ່ບ້ານມິດໆໃນມື້ພັກອາດບໍ່ແມ່ນໄອເດຍທີ່ດີຂອງຄົນໂສດບາງຄົນ. ສະນັ້ນ, ການໄປທ່ຽວນີ້ແຫຼະທີ່ຈະເຮັດໃຫ້ຊີວິດຕື່ນເຕັ້ນຂຶ້ນແດ່ ແຕ່ກໍຕ້ອງແລກກັບການຈ່າຍຄ່າໂຮງແຮມຄົນດຽວ, ຈ່າຍຄ່າເຂົ້າຄົນດຽວ ແລະ ຄ່າເດີນທາງລະຫວ່າງການທ່ຽວຄົນດຽວ. ການເລືອກທີ່ພັກ ແລະ ການເດີນທາງຮ່ວມກັບຄົນອື່ນໆຈຶ່ງເປັນຕົວເລືອກທີ່ຊ່ວຍປະຢັດໄດ້.
3. ບໍ່ມີຄົນຫານຄ່າບ້ານຄ່າລົດ.
ຄົນໂສດທີ່ຢູ່ຄົນດຽວຈຸກເຕີບ... ເມື່ອຮອດໄວທີ່ຕ້ອງຈ່າຍຄ່ານໍ້າ, ຄ່າໄຟ, ຄ່າບ້ານ, ຄ່າລົດ, ຄ່າກິນຢູ່ຕ່າງໆເອງແລ້ວຈະຮູ້ເລີຍວ່າມັນດູດຊັບເຮົາໄປຫຼາຍສໍ່າໃດ. ສ່ວນຄົນມີຄູ່ທີ່ຢູ່ນໍາກັນນັ້ນສາມາດຫານກັນໄດ້ເລີຍໃຫ້ຄ່າໃຊ້ຈ່າຍຫຼຸດລົງ! ຖ້າການມີແຟນບໍ່ແມ່ນຕົວເລືອກກໍສາມາດມີໝູ່ຫານໄດ້ຄືກັນເດີ.
4. ກິດຈະກໍາທີ່ຫຼາກຫຼາຍພາເສຍເງິນຫຼາຍໄປນໍາ.
ບໍ່ວ່າຈະເປັນກິດຈະກໍາຍາມວ່າງຫຼືກິດຈະກໍາຫຍັງທີ່ຊ່ວຍໃຫ້ຕົວເອງມີຫຍັງເຮັດຂອງຄົນໂສດຈະຫຼາຍເປັນພິເສດ, ສິ່ງທີ່ນິຍົມທີ່ສຸດໃນຍຸກນີ້ກໍຈະແມ່ນການຫຼິ້ນເກມ, ການເຮັດກາເຟ ແລະ ອື່ນໆ.
ການເສຍເງິນຫຼາຍກັບສິ່ງເຫຼົ່ານີ້ບໍ່ແມ່ນເລື່ອງທີ່ບໍ່ດີ ແຕ່ຖ້າເສຍເງິນຫຼາຍຈົນຊັບຈາງແມ່ນເລີ່ມບໍດີແລ້ວ 🤣 ຫາກເຮົາຢາກເປັນຄົນໂສດທີ່ໃຊ້ຊີວິດຢ່າງເຕັມທີ່ກໍຄວນຫາເງິນ ແລະ ເກັບເງິນເພື່ອຕົວເອງຫຼາຍໆ, ສ່ວນໃຜທີ່ມີຄູ່ແລ້ວກໍສະບາຍໄປອີກທີ່ມີຄົນຊ່ວຍແບ່ງເບົາພາລະການເງິນໄປນໍາ ແຕ່ບາງຄູ່ພັດເສຍເງິນຫຼາຍຍ້ອນຄູ່ຮັກຍຸກໃໝ່ມັກໄປກິນອາຫານແຊບໆນໍາກັນຕະຫຼອດ!
ອີກກໍລະນີ, ເມື່ອອາຍຸຫຼາຍແລ້ວການເປັນໂສດຈະປະຢັດກວ່າການມີຄູ່ເນື່ອງຈາກວ່າຄູ່ຮັກກໍອາດມີລູກເຊິ່ງເຮັດໃຫ້ຄ່າໃຊ້ຈ່າຍເພີ່ມຂຶ້ນເປັນເທົ່າຕົວ, ເວົ້າໄດ້ວ່າຫາກຢູ່ເປັນໂສດຍາວໆເຮົາຈະໄດ້ຮັບຜິດຊອບພຽງຕົວເອງແຕ່ຄູ່ຮັກທີ່ແຕ່ງງານ ແລະ ມີລູກຈະມີຄ່າໃຊ້ຈ່າຍສູງກວ່າຄົນໂສດໃນຕອນປາຍຫຼາຍເທົ່າ!
ສະຫຼຸບ, ຈະໂສດຫຼືບໍ່ໂສດການໃຊ້ຈ່າຍກໍຂຶ້ນກັບເຮົາລ້ວນໆເລີຍ! ບໍ່ວ່າຈະຢູ່ສະຖານະໃດເຮົາກໍລະລາຍຊັບຕົວເອງໄດ້ ການຄຸມລາຍຈ່າຍ ແລະ ບໍລິຫານການເງິນຈຶ່ງເປັນສິ່ງທີ່ທຸກຄົນຕ້ອງຮຽນຮູ້ໃນຍຸກເສດຖະກິດທີ່ວຸ້ນວາຍນີ້. ຈະໂສດ ຫຼື ບໍ່ໂສດກໍຕ້ອງໃຊ້ເງິນໃຫ້ເປັນເດີຍິງ 😐
ແນ່ນອນວ່າທຸກຢ່າງກໍຂຶ້ນກັນການເລືອກຂອງເຮົານໍາ. ຢ່າລືມວ່າເຮົາເກີດມາພຽງແຕ່ເທື່ອດຽວ, ໃຊ້ຊີວິດໃຫ້ເຕັມທີ່ ແລະ ຢ່າລືມເກັບເງິນໄວ້ກໍລະນີສຸກເສີນນໍາເດີໝູ່ເພື່ອນ 🥰
ໂດຍ: ທີມບັນນາທິການ muan.la
#ມ່ວນ #ການເງິນ

05/02/2024

10 ສາຍທີ່ບໍ່ໄດ້ຮັບຈາກ HR 🥶
#ມ່ວນ #ມະນຸດເງິນເດືອນ

05/02/2024

ນ້ອງນອນບໍ່ຫຼັບ ຫົວໃຈມັນກະສັບກະສ່າຍ~... ຜິດເພງແລ້ວ! 🤣ຕ້ອງແມ່ນເພງ "ນອນບໍ່ຫຼັບ" ຈາກສິລະປິນຂວັນໃຈຊາວລາວຢ່າງ NUTDAO ຮ່ວມກັບ HEO-VVK
ເປີດມາກໍຕົກໃຈເລີຍ! ລຸກເຊັກຊີ່ແບບນີ້ນັດດາວໄດ້ມາແຕ່ໃສ 😳 ເປັນການປ່ຽນລຸກຕ້ອນຮັບປີ 2024 ສຸດໆ ເພາະເພງນີ້ເຮັດໃຫ້ຜູ້ເບິ່ງຜູ້ຟັງນອນບໍ່ຫຼັບແທ້ໆນິແຫຼະ, ຄວາມດີງາມຂອງເອັມວີ ແລະ ເພງມັນເໜືອຄວາມຄາດໝາຍສຸດໆເລີຍ.
ໃຜທີ່ຟັງເພງນີ້ແລ້ວນອນບໍ່ຫຼັບກໍຕ້ອງຫາຄົນມາກ່ອມນອນແລ້ວແຫຼະ 😝 ເພງນີ້ເປັນເພງທີ່ເຮົາສາມາດສົ່ງໄປອອດອ້ອນໃຫ້ຫວານໃຈມາບອກຝັນດີໄດ້ເລີຍແຫຼະ~ ຕ້ອນຮັບວັນວາເລນທາຍດ້ວຍເພງ "ນອນບໍ່ຫຼັບ" ຈາກນັດດາວແລ້ວຊີວິດຮັກຈະດີໄປອີກຂັ້ນ.
ຮູບພາບຈາກ: Family Studio
ສາມາດຕິດຕາມການເຄື່ອນໄຫວໄດ້ທີ່:
FB: Nutdao Thonebundit
PAGE: NUTDAO_thonebundit
YT: NUTDAO
ໂດຍ: ທີມຂ່າວບັນເທີງ muan.la
#ມ່ວນ #ມ່ວນຊວນຟັງ

05/02/2024

ນິສສັນ (Nissan) ຜູ້ຜະລິດລົດຍົນຊັ້ນນຳຈາກຍີ່ປຸ່ນ ເປີດຕົວລົດຮຸ່ນໃໝ່ຫຼ້າສຸດ Nissan X-Trail e-POWER ຢ່າງເປັນທາງການຢູ່ ສປປ ລາວ ທີ່ ບໍລິສັດ ຕັນຈົງ ມໍເຕີ ລາວ ເມື່ອວັນທີ 2 ມັງກອນ 2024. Nissan X-Trail e-POWER ເປັນລົດຍົນ SUV ລົດພະລັງງານໄຟຟ້າທີ່ມີເອກະລັກສະເພາະ ກໍຄືລົດທີ່ຂັບເຄື່ອນດ້ວຍມໍເຕີໄຟຟ້າ 100% ໂດຍບໍ່ຕ້ອງສຽບປລັ໊ກເພື່ອສາກຈາກພາຍນອກ, ປະສົມປະສານເຄື່ອງຈັກນໍ້າມັນເຂົ້າກັບມໍເຕີໄຟຟ້າ ມອບປະສິດທິພາບທີ່ດີທີ່ສຸດ ບໍ່ວ່າຈະເປັນສະມັດຖະພາບ ແລະ ຄວາມປະຢັດຂອງລົດຍົນໄຟຟ້າ ແລະ ໄລຍະທາງການໃຊ້ງານ ລວມເຖິງຄວາມສະດວກສະບາຍຂອງລົດຍົນທົ່ວໄປ.

ໃນພິທີເປີດຕົວໃນຄັ້ງນີ້ ໄດ້ຮັບກຽດຈາກທ່ານ ອິຊາໂອະ ເຊກິກຸຈິ ປະທານນິສສັນປະຈຳພາກພື້ນອາຊຽນ ແລະ ປະເທດໄທ. ທ່ານກ່າວວ່າ ນິດສັນຢຶດໝັ້ນໃນຄວາມມຸ່ງໝັ້ນທີ່ວ່າ “ກ້າທີ່ຈະເຮັດໃນສິ່ງທີ່ຄົນອື່ນບໍ່ກ້າເຮັດ” ມາຕັ້ງແຕ່ປີ 1933 ເປັນຕົ້ນມາ ແລະ ນິສສັນເອງກໍບໍ່ເຄີຍຢຸດທີ່ຈະນຳສະເໜີນະວັດຕະກຳ ແລະ ຄວາມຕື່ນເຕັ້ນໃໝ່ໆໃຫ້ກັບຜູ້ບໍລິໂພກ ແລະ Nissan X-Trail e-POWER ຖືເປັນບົດພິສູດວິໄສທັດດັ່ງກ່າວ.

ງານເປີດຕົວນີ້ຍັງໄດ້ເນັ້ນຢໍ້າເຖິງຄວາມມຸ່ງໝັ້ນຂອງນິສສັນໃນການມອບຕົວເລືອກທີ່ຫຼາກຫຼາຍໃຫ້ກັບຜູ້ບໍລິໂພກ ບໍ່ວ່າຈະເປັນລົດທີ່ໃຊ້ພະລັງງານນໍ້າມັນເຊື້ອໄຟ, ລົດໄຟຟ້າ ຫຼື e-POWER ທີ່ເປັນນະວັດຕະກຳດ້ານພະລັງງານຂັບເຄື່ອນໃໝ່ຫຼ້າສຸດຈາກນິສສັນ. ນິສສັນ ມີຜະລິດຕະພັນທີ່ຫຼາກຫຼາຍ ຕັ້ງແຕ່ Nissan Leaf ທີ່ເປັນລົດຍົນໄຟຟ້າຮຸ່ນຍອດນິຍົມຂອງນິສສັນ ໄປຈົນເຖິງ Nissan Navara ລົດກະບະອັດສະລິຍະທີ່ແຂງແກ່ນ. ນິສສັນເຊື່ອວ່າ ຜູ້ບໍລິໂພກຄວນມີອິດສະລະໃນການເລືອກຍານພາຫະນະທີ່ເໝາະສົມກັບໄລຟ໌ສໄຕລ໌ ແລະ ຄວາມຕ້ອງການຂອງຕົນເອງ.

ທັງນີ້, Nissan X-Trail e-POWER ເປັນລົດຍົນ SUV ທີ່ປະສົມປະສານເຄື່ອງຈັກນໍ້າມັນ ເທີໂບ 1.5 ລິດ ພ້ອມລະບົບເຄື່ອງກຳເນີດໄຟຟ້າເຮັດໜ້າທີ່ເປັນເຄື່ອງປັ່ນໄຟເພື່ອໄປສາກໄວ້ທີ່ແບັດເຕີຣີ່ ເຊິ່ງຈ່າຍໄຟໃຫ້ມໍເຕີໄຟຟ້າທີ່ເຮັດໜ້າທີ່ຂັບເຄື່ອນລົດ. ເມື່ອເຕີມນໍ້າມັນເຕັມຖັງ ຈະສາມາດແລ່ນໄດ້ໄກສູງສຸດຫຼາຍກວ່າ 948 ກິໂລແມັດ.

ສຳລັບ e-POWER ຈະແຕກຕ່າງຈາກລົດແບບໄຮບຣິດ ແລະ ລົດໄຟຟ້າ ຢູ່ບ່ອນວ່າ ບໍ່ໄດ້ໃຊ້ນໍ້າມັນຈາກເຄື່ອງຈັກໂດຍກົງ ແລະ ກໍບໍ່ໄດ້ສາກໄຟຈາກຕູ້ສາກໂດຍກົງ ແຕ່ຈະໃຊ້ນໍ້າມັນໃນການຜະລິດໄຟຟ້າສຳລັບແບັດເຕີຣີ່ ແລະ ມໍເຕີ ສົ່ງຜົນໃຫ້ເຄື່ອງຈັກເຮັດວຽກໄດ້ຢ່າງມີປະສິດທິພາບສູງສຸດ, ຊ່ວຍຫຼຸດການສິ້ນເປືອງນໍ້າມັນ ແລະ ຫຼຸດການປ່ອຍມົນລະພິດ. ນອກຈາກນີ້ X-Trail e-POWER ຍັງໃຊ້ລະບົບເບຣກແບບຟື້ນຟູພະລັງງານ ເພື່ອກູ້ຄືນພະລັງງານ ແລະ ຍືດອາຍຸການໃຊ້ງານຂອງແບັດເຕີຣີ່.

Nissan X-Trail e-POWER ມີຂໍ້ດີເຊັ່ນ: ມີອັດຕາເລັ່ງທີ່ນຸ້ມນວນ ແລະ ຊົງພະລັງ ດ້ວຍແຮງບິດທັນທີຂອງມໍເຕີໄຟຟ້າ ແລະ ການເຮັດວຽກທີ່ລ່ຽນໄຫຼຂອງລະບົບ, ການຂັບຂີ່ທີ່ງຽບ ແລະ ຜ່ອນຄາຍ ເນື່ອງຈາກສຽງເຄື່ອງຈັກທີ່ຫຼຸດລົງ ແລະ ມໍເຕີທີ່ເຮັດໃຫ້ການຂັບຂີ່ນຸ້ມນວນ, ປະຢັດນໍ້າມັນໂດຍບໍ່ສູນເສຍສະມັດຖະນະ ໂດຍລະບົບນີ້ບໍ່ຈຳເປັນຕ້ອງສຽບປັກໄຟ ເນື່ອງຈາກເຄື່ອງຈັກສາມາດສາກແບັດໄດ້ໃນຂະນະທີ່ໃຊ້ງານ ແລະ ໂດດເດັ່ນດ້ວຍຄວາມອະເນກປະສົງ ແລະ ໃຊ້ງານໄດ້ຈິງ ດ້ວຍຫ້ອງໂດຍສານທີ່ກວ້າງຂວາງ ແລະ ສະດວກສະບາຍ, ພື້ນທີ່ເກັບເຄື່ອງດ້ານຫຼັງຂະໜາດໃຫຍ່. ນອກຈາກນີ້ ລະບົບຂັບເຄື່ອນ 4 ລໍ້ໄຟຟ້າ e-4ORCE ຍັງຊ່ວຍເພີ່ມປະສິດທິພາບການຢຶດເກາະ ແລະ ການຊົງຕົວເທິງຖະໜົນທຸກຮູບແບບ.

Nissan X-Trail e-POWER ວາງຈຳໜ່າຍໃນ ສປປ ລາວ ແລ້ວ ສອບຖາມຂໍ້ມູນເພີ່ມເຕີມໄດ້ທີ່ Facebook ທາງການ Nissan Laos , ເວັບໄຊຢ່າງເປັນທາງການຂອງນິສສັນລາວ https://www.nissan-lao.la/ ຫຼື ຕິດຕໍ່ ຕັນຈົງ ມໍເຕີ ລາວ ໂທ 030-5603002.

ໂດຍ: ທີມບັນນາທິການ muan.la

05/02/2024

ອ່ານດວງລາຍວັນປະຈໍາວັນຈັນ ທີ 5 ກຸມພາ 2024 ຕາມແຕ່ລະວັນເກີດ

ຄົນເກີດວັນອາທິດ

ການງານ ຈະພົບຮຸ່ນສ່ວນທີ່ດີສາມາດຊ່ວຍງານທາງທຸລະກິດໄດ້ໃນໄລຍະນີ້

ການເງິນ ຄົນທີ່ທ່ານໄວ້ໃຈຈະເຂົ້າມາຊ່ວຍເຫຼືອອຸປະຖຳທາງດ້ານການເງິນ

ຄວາມຮັກ ເຖິງແມ່ນຈະພົບໃຜແລ້ວກໍຕາມ ແຕ່ກໍຍັງຕ້ອງປັບຕົວເຂົ້າຫາກັນ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີດໍາ

ເລກນຳໂຊກ 0

.

ຄົນເກີດວັນຈັນ

ການງານ ເຮັດທຸລະກິດດ້ານເປັນທີ່ປຶກສາ ຫຼື ວຽກງານດ້ານທະນາຍຄວາມແລະ ກົດຫມາຍຈະເຮັດໃຫ້ປະສົບຄວາມສຳເລັດ

ການເງິນ ມີຂ່າວດີທາງດ້ານການເງິນປະສົບຄວາມສຳເລັດ

ຄວາມຮັກ ການເດີນທາງຕິດຕໍ່ງານຈະເຮັດພົບຄົນຜິວສອງສີທີ່ມີສະເໜ່

ເຄື່ອງມຸງຄຸນ ເງິນ

ສີມຸງຄຸນ ສີນໍ້າຕານ

ເລກນຳໂຊກ 6

.

ຄົນເກີດວັນອັງຄານ

ການງານ ເຮັດທຸລະກິດດ້ານການຂົນສົ່ງຈະເຮັດໃຫ້ຕົນເອງນັ້ນປະສົບສຳເລັດ

ການເງິນ ຈະໄດ້ເງິນຈາກຜູ້ໃຫຍ່ເຂົ້າມາຊ່ວຍເຫຼືອທາງດ້ານການເງິນ

ຄວາມຮັກ ສຸກສົມຫວັງລົງຕົວໃນເລື່ອງຂອງຄວາມຮັກ

ເຄື່ອງມຸງຄຸນ ແຫວນຄໍາ

ສີມຸງຄຸນ ສີແດງ

ເລກນຳໂຊກ 4

.

ຄົນເກີດວັນພຸດ

ການງານ ການລົງນາມເອກະສານສັນຍາສົ່ງຜົນຕໍ່ຄວາມຫຼ້າຊ້າ

ການເງິນ ຈະໄດ້ເງິນເຂົ້າມາຫຼາຍເປັນເງິນພິເສດ

ຄວາມຮັກ ຄວາມສຳພັນບໍ່ລົງຕົວເພາະບໍ່ຄ່ອຍມີເວລາໃຫ້ກັບຄົນຮັກ

ເຄື່ອງມຸງຄຸນ ຕຸ້ມຫູຄໍາ

ສີມຸງຄຸນ ສີສົ້ມ

ເລກນຳໂຊກ 9

.

ຄົນເກີດວັນພະຫັດ

ການງານ ເຮັດທຸລະກິດຈະການຄ້າອະສັງຫາໃນໄລຍະນີ້ຈະເຮັດໃຫ້ໄດ້ຮັບຜົນກຳໄລທີ່ເພີ່ມຂຶ້ນ

ການເງິນ ໄດ້ເງິນເຂົ້າມາຢ່າງຕໍ່ເນື່ອງ ແລະ ມີຖານະດີຂຶ້ນຫຼາຍກວ່າແຕ່ກ່ອນ

ຄວາມຮັກ ສຸກສົມຫວັງໃນເລື່ອງຂອງຄວາມຮັກ ມີໂອກາດພັດທະນາຄວາມສຳພັນແບບຫວານ

ເຄື່ອງມຸງຄຸນ ຫິນນໍາໂຊກສີແດງ

ສີມຸງຄຸນ ສີບົວ

ເລກນຳໂຊກ 7

.

ຄົນເກີດວັນສຸກ

ການງານ ມີໂອກາດຈະໄດ້ປ່ຽນວຽກໃໝ່ແບບບໍ່ທັນຕັ້ງໂຕ

ການເງິນ ລາຍຈ່າຍຫຼາຍເປັນພິເສດໃນໄລຍະນີ້ ລະວັງຈະໝຸນເງິນບໍ່ທັນໃຊ້ຈ່າຍ

ຄວາມຮັກ ຄົນຜິວຂາວຍັງມີບົດບາດໃນຊີວິດໃນເລື່ອງຂອງຄວາມສຳພັນດ້ານຄວາມຮັກ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີເຫຼືອງ

ເລກນຳໂຊກ 1

.

ຄົນເກີດວັນເສົາ

ການງານ ທຸລະກິດຈະການງານທີ່ກ່ຽວຂ້ອງກັບເຍົາວະຊົນ ຫຼື ການເປີດສອນຕິວເຕີ້ດ້ານພາສາ ຈະໄດ້ຜົນກຳໄລທີ່ດີ

ການເງິນ ຫາໄດ້ຫຼາຍກໍໃຊ້ຈ່າຍອອກໄປຫຼາຍ ໃນໄລຍະນີ້ຈະບໍ່ມີເງິນເກັບ

ຄວາມຮັກ ຮູ້ສຶກວ່າຄວາມສຳພັນຄວາມຮັກໃນເທື່ອນີ້ຈະເກີດກຳແພງໃນໃຈລະຫວ່າງກັນ

ເຄື່ອງມຸງຄຸນ ເງິນ

ສີມຸງຄຸນ ສີດໍາ

ເລກນຳໂຊກ 1

02/02/2024

ຢາກເອົາຄືນຄົນທີ່ເຮັດບໍ່ດີກັບເຮົາໄວ້! ແຕ່ມັນຄຸ້ມບໍທີ່ຈະເຮັດແນວນັ້ນ?
ເມື່ອເຮົາເຈິກັບຄົນທີ່ເຮັດໃຫ້ເຮົາໃຈຮ້າຍ ແລະ ຜິດຫວັງ, ມັນກໍເປັນເລື່ອງທໍາມະດາທີ່ຈະຮູ້ສຶກຢາກໃຫ້ອີກຝ່າຍເຈິກັບສິ່ງທີ່ເຂົາໄດ້ເຮັດກັບເຮົາ ແຕ່ຖ້າມັນເກີດຂຶ້ນອີ່ຫຼີເຮົາຈະຮູ້ສຶກດີໃຈແທ້ບໍ? ຕາມການຄົ້ນຄວ້າແລ້ວຄົນທີ່ໄດ້ແກ້ແຄ້ນ ຫຼື ເອົາຄືນນັ້ນຈະຮູ້ສຶກບໍ່ດີ ແລະ ເສຍໃຈໃນສິ່ງທີ່ເຮັດໄປ.
ເມື່ອເຮົາມີຄວາມຮູ້ສຶກຢາກແກ້ແຄ້ນໃຜຈັກຄົນ, ຄວາມຄິດນັ້ນຈະຕິດຢູ່ໃນຫົວເຮົາ ແລະ ເຮົາຈະຄິດເລື່ອງການເອົາຄືນຊໍ້າໄປຊໍ້າມາບໍ່ຢຸດ. ແຕ່ຫຼັງຈາກທີ່ເຮົາໄດ້ລອງເອົາຄືນແລ້ວເຮົາຈະຈື່ຝັງໃຈວ່າເຮົາເຮັດສິ່ງທີ່ບໍ່ດີກັບຄົນອື່ນໄປ ເລີຍເຮັດໃຫ້ຮູ້ສຶກບໍ່ດີກວ່າເກົ່າ.
ຫາກເຮົາຢາກກໍາຈັດຄວາມຮູ້ສຶກທີ່ຢາກແກ້ແຄ້ນເຮົາສາມາດເຮັດໄດ້ດັ່ງນີ້:
1. ຕັ້ງສະຕິ ແລະ ຄວາມຄຸມອາລົມ
ຫຼັງຈາກເຈິເລື່ອງທີ່ທໍາຮ້າຍຈິດໃຈມັນຈະສົ່ງຜົນໃຫ້ເຮົາອາລົມຂຶ້ນງ່າຍ ເຮັດໃຫ້ເຮົາຂາດສະຕິໄດ້. ຢຸດຄິດຫາການເອົາຄືນແລ້ວມານັ່ງຕັ້ງສະຕິເພາະເຮົາເຮັດຫຍັງດ້ວຍອາລົມ ແລະ ຂາດເຫດຜົນ ມັນຈະອອກມາບໍ່ດີສະເໝີ.
2. ເວົ້າກັບອີກຝ່າຍຢ່າງມີເຫດຜົນ
ເຮົາຕ້ອງເຈິກັບບັນຫາເຮົາຈຶ່ງຈະແກ້ມັນໄດ້, ໃຜທີ່ເຮັດບໍ່ດີໃຫ້ເຮົາກໍເປັນບັນຫາໜຶ່ງທີ່ເຮົາຕ້ອງໄປເຄຍເພື່ອໃຫ້ຮູ້ວ່າເຂົາເຮັດແບບນີ້ກັບເຮົາຍ້ອນຫຍັງ? ຫາກເຂົາບໍ່ມັກເຮົາແມ່ນບໍ່ມັກຍ້ອນຫຍັງ?
3. ປ່ອຍວາງ ແລະ ໃຫ້ອະໄພ
ອີກຝ່າຍມີເຫດຜົນ ແລະ ຄິດວ່າເຮົາສົມຄວນເຈິແບບນີ້, ເຮົາກໍບໍ່ສາມາດແກ້ໄຂຫຍັງໄດ້ເພາະເຫດການບໍ່ດີໄດ້ເກີດຂຶ້ນໄປແລ້ວ. ຫາກບໍ່ຢາກໃຫ້ເລື່ອງມັນວຸ້ນວາຍກວ່ານີ້ກໍປ່ອຍມັນໄປແລ້ວໃຊ້ຊີວິດຕໍ່.
4. ບໍ່ເຂົ້າໄປຫຍຸ້ງກ່ຽວ
ໃນເມື່ອອີກຝ່າຍບໍ່ມັກເຮົາ ແລະ ເຮົາກໍບໍ່ມີເຫດຜົນທີ່ຕ້ອງໄປຫຍຸ້ງກ່ຽວກັບເຂົາ ກໍເຊົາຮູ້ຈັກກັນຈະດີກວ່າ, ເພື່ອສຸຂະພາບຈິດທີ່ດີເຮົາກໍຕ້ອງໜີຈາກບຸກຄົນທີ່ເປັນພິດຕໍ່ຄວາມຮູ້ສຶກເຮົາ.
ການແກ້ແຄ້ນບໍ່ແມ່ນຄໍາຕອບເດີໝູ່ເພື່ອນ ເພາະມັນຍິ່ງຈະເຮັດໃຫ້ຊີວິດຫຍຸ້ງຍາກຂຶ້ນ ແລະ ອາດເຮັດໃຫ້ເຮົາເປັນຄົນບໍ່ດີໄປນໍາ! ຕັ້ງສະຕິ ແລະ ຄິດກ່ອນເຮັດເດີໝູ່ເພື່ອນ 🥰
ໂດຍ: ທີມບັນນາທິການ muan.la
#ມ່ວນ #ສຸຂະພາບຈິດ

02/02/2024

ເພງໃໝ່ຖືກປ່ອຍມາແບບບໍ່ຢຸດ! ວົງການເພງລາວກໍາລັງພັດທະນາໄປເລື້ອຍໆ ເພງໃໝ່ກໍມີມາໃຫ້ຟັງຕະຫຼອດ 🤩 ຫຼ້າສຸດມ່ວນກໍໄປເຈິເພງໃໝ່ອີກເພງໜຶ່ງມາເຊິ່ງເປັນຂອງສອງສິລະປິນຢ່າງ K4PD (ກ້ອງ 4ພັນດອນ) ແລະ ອ້າຍມີ ບອຍແບນບໍ່ນາງົວ.
'ໜ້າສວຍໃຈເສືອ' ເປັນເພງໃໝ່ຫຼ້າສຸດທີ່ຫາກໍປ່ອຍໃນວັນທີ 26 ມັງກອນ 2024 ທີ່ຜ່ານມານີ້, ເພງນີ້ຢາກເລົ່າເລື່ອງລາວຂອງຄົນທີ່ເບິ່ງຄືຊື່ໆໃສໆຕາຮັກຕາແພງ, ແຕ່ເນື້ອແທ້ພັດເຈົ້າຊູ້ປານເສືອ! ຄົນເຮົາຮູ້ໜ້າບໍ່ໃຈ ສະນັ້ນບໍ່ຄວນຕັດສິນໃຜຈາກໜ້າຕາເດີ 😶
ໃຜທີ່ຍັງບໍ່ເຄີຍຟັງແລ້ວ! ເພງນີ້ມີທໍານອງຕິດຫູທີ່ຍັງຫຼອນຫູມ່ວນມາຮອດຕອນນີ້ເລີຍ!
ໂດຍ: ທີມຂ່າວບັນເທີງ muan.la
#ມ່ວນ #ມ່ວນຊວນຟັງ

02/02/2024

"ບໍ່ຕິເງິນນ້ອຍບໍ່ວ່າງານຫນັກອົດທົນພະຍາຍາມເທົ່ານັ້ນເພື່ອຜົນສໍາເລັດພາຍພາກໜ້າ"
ພາຮູ້ຈັກອິນຟລູໜ້າໃໝ່ຜູ້ເປັນເຈົ້າຂອງເພຈ Thip Talk Tour 🤩. ທິບສາຍໃຈ ນາທະວົງ (ທິບ) ອາຍຸ 21 ປີ, ຕອນນີ້ກໍາລັງສຶກສາຢູ່ University of Sydney 🇦🇺, ກິດຈະກໍາເວລາວ່າງເເມ່ນມັກເລາະກິນ, ກິນທຸກຢ່າງທີ່ຂວາງໜ້າ.
ທິບເປັນຄົນທີ່ເວລາເຮັດຫຍັງຈະຕັ້ງໃຈເຮັດໃຫ້ເຖິງທີ່ສຸດ, ຈະບໍ່ຖອຍຈົນກວ່າຈະເຮັດສິ່ງນັ້ນສໍາເລັດ. ອີກຢ່າງທີ່ຄົນອ້ອມຂ້າງຈະຮູ້ດີ ວ່າທິບເປັນຄົນປະຢັດ (ປລ: ປະຢັດນໍາໂຕເອງ ເເຕ່ມັກເປຄົນອື່ນ) ຕັ້ງເເຕ່ນ້ອຍເເຕ່ຈື່ຄວາມໄດ້ ພໍ່ເເມ່ໃຫ້ເງິນລາຍອາທິດ ທິດລະ 5 ເເສນເພື່ອໄປໃຊ້ກິນໃຊ້ຈ່າຍຢູ່ໂຮງຮຽນ ເເຕ່ທິບກະບໍ່ເຄີຍໃຊ້ກາຍ 150.000 ພໍເເຕ່ຈ່າຍກິນເຂົ້າສວາຍລະກະເເລ້ວD
ສ່ວນຕອນເເລງບໍ່ວ່າຈະຫິວຊໍ່າໃດກະອົດມາກິນເຂົ້າຢູ່ບ້ານ ຈົນມາຕອນນີ້ເເຕ່ນ້ອຍຈົນໃຫຍ່ບໍ່ເຄີຍຊື້ເຄື່ອງໃຫ້ໂຕເອງທີ່ເປັນ Brandname ເລີຍ ຫຼື ເບິ່ງຫຍັງເເລ້ວເເພງກະບໍ່ກ້າຊື້ ເເຕ່ມັກຊື້ໃຫ້ພໍ່ເເມ່, ໝູ່ ເເລະ ເເຟນ ເປັນຄົນສາຍເປເເຮງ ສະໂລເເກນໂຕເອງເເມ່ນເຮົາລໍາບາກໄດ້ເເຕ່ຄອບຄົວຕ້ອງສະບາຍ, ເຮົາກິນເຂົ້າຈໍ້າເກືອເເຕ່ພໍ່ເເມ່ຕ້ອງກິນອາຫານດີດີ.
ທິບເລີ່ມເຮັດເພຈ Thip Talk Tour ຕັ້ງເເຕ່ປີທ້າຍປີ 2021 ດ້ວຍການເລີ່ມລີວິວອາຫານ ເພາະໂຕເອງເປັນສາຍມັກເລາະມັກກິນຢູ່ເເລ້ວ, ຈົນໄດ້ບິນໄປຮຽນຕໍ່ຢູ່ປະເທດອົດສະຕຣາລີ ເລີຍໄດ້ເລີ່ມຂຽນເເຊຣ໌ປະສົບການໃຊ້ຊີວິດຕ່າງໆຢູ່ນັ້ນຈົນມີຜົນຕອບຮັບດີ ເລີຍເລີ່ມເຮັດວິດີໂອແບ່ງປັນເລື່ອງລາວໂຕເອງ, ວຽກທີ່ໂຕເອງເຮັດ ເເລະ ຂໍ້ມູນທີ່ເປັນປະໂຫຍດຫຼາຍຢ່າງກ່ຽວກັບການມາຮຽນ, ເຮັດວຽກຢູ່ນີ້.
ກ່ອນຈະມາສາຍບລັອກທິບເປັນຄົນທີ່ຂີ້ອາຍບໍ່ກ້າສະເເດງອອກ ວິດີໂອທໍາອິດທີ່ຖ່າຍຈື່ໄດ້ເລີຍວ່າກວ່າຈະໄດ້ເເມ່ນຖ່າຍຫຼາຍກວ່າ 20 ເທື່ອ ເເຕ່ຍ້ອນໂຕເອງມັກດ້ານນີ້ ມັກເເຊຣ໌ຄວາມຮູ້, ເເຊຣ໌ເລື່ອງລາວໃຫ້ຄົນອື່ນຟັງເພື່ອອາດຈະເປັນປະໂຫຍດ ເລີຍເຮັດມາເລື້ອຍໆ ລອງຜິດລອງຖືກມາຕະຫຼອດ.
ຈາກທີ່ໄປໃຊ້ຊີວິດຢູ່ອອສໄດ້ 2 ປີ ທິບເຮັດວຽກມາເເລ້ວ 8 ບ່ອນ: ເລີ່ມຈາກເປັນພະນັກງານເສີບຮ້ານອາຫານ, ພະນັກງານໃນຄົວ (ຕ້ອງລ້າງຈານ 10 ຊົ່ວໂມງໃນມື້ດຽວກະຜ່ານມາເເລ້ວ), ເປັນ Pet sitter, ພະນັກງານຕ້ອນຮັບຕາມງານອິເວັ້ນ, ພະນັກງານ all-rounder ຮ້ານອາຫານຈີນ, ເປັນຄົນ survey, ເປັນພະນັກງານສາຂາຈັດງານລ້ຽງຢູ່ໂຮງເເຮມ 5 ດາວ ເເລະ ກໍເປັນພະນັກງານຂາຍຢູ່ຮ້ານເຄື່ອງປະດັບ PANDORA.
ການທີ່ໄດ້ລອງເຮັດວຽກຫຼາຍບ່ອນເຮັດໃຫ້ທິບເກັບກ່ຽວປະສົບການເເລະມີຄວາມໝັ້ນໃຈໃນໂຕເອງຫຼາຍຂຶ້ນ ເຊິ່ງເເຕ່ລະວຽກກໍມີຂໍ້ດີ ເເລະ ໃຫ້ຄວາມຮູ້ທິບຫຼາຍຢ່າງເຮັດໃຫ້ໂຕທິບເອງພັດທະນາໃນຫຼາຍໆດ້ານ ຢ່າງເຊັ່ນ ເຮັດວຽກໂຮງເເຮມ ສາມາດໄດ້ສ່ວນຫຼຸດທີ່ພັກ ເເລະ ຮ້ານອາຫານໃນເຂື່ອຄ່າຍທົ່ວໂລກສູງສຸດ 60% ກັນເລີຍ, ພະນັກງານຂາຍ ທີ່ຫຼາຍໆຄົນຄິດວ່າງ່າຍເເຕ່ຄວາມເປັນຈິງຕ້ອງໝັ່ນຫາຄວາມຮູ້ເເລະຕ້ອງມັກເວົ້າ ຂໍ້ດີກະຄືເຮັດໃຫ້ເຮົາໄດ້ເຈິໂອ້ລົມນໍາລູກຄ້າເເລະ ຍັງໄດ້ເລດເຮັດວຽກທີ່ສູງພ້ອມເປັນວຽກທີ່ສະບາຍທີ່ສຸດທີ່ທິບເຄີຍເຮັດມາ .
ຕອນນີ້ທິບກໍາລັງຮຽນສາຍ Marketing (ການຕະຫຼາດ) ເເລະ Innovation and entrepreneurship. ສ່ວນໂຕທິບເອງເເມ່ນມັກໃນດ້ານການຂາຍ ເເລະ ຕັ້ງໃຈຢາກເຮັດທຸລະກິດໂຕເອງ ເລີຍມາສຶກສາດ້ານນີ້. ການມາຮຽນຢູ່ນີ້ຕ່າງຈາກຢູ່ລາວຫຼາຍ ເພາະເຮົາຈະຕ້ອງໄດ້ເເບ່ງເວລາໃຫ້ເປັນ ການທີ່ຈະເຮັດວຽກສົ່ງເເຕ່ລະເທື່ອບໍ່ເເມ່ນເລື່ອງງ່າຍ ຍ້ອນດ້ວຍມາດຕະຖານການຮຽນທີ່ສູງ ເຮົາກໍຕ້ອງໄດ້ຕັ້ງໃຈອີຫຼີ່ ຮຽນຍາກ ເເຕ່ກໍຕ້ອງໄດ້ເຮັດວຽກໄປນໍາເພາະຄ່າຄອງຊີບຄືສູງເເຮງ.
ສໍາລັບໂຕທິບເອງການໄດ້ມາຮຽນຕໍ່ເຮັດໃຫ້ຮຽນຮູ້ເເລະໄດ້ປະສົບການຫຼາຍຢ່າງ: ເຮັດໃຫ້ທິບຕ້ອງມີຄວາມຮັບຜິດຊອບ, ໄດ້ໃຊ້ຊີວິດຢູ່ດ້ວຍໂຕເອງ ເວລາມີບັນຫາຫຍັງກໍຕ້ອງໄດ້ເເກ້ມັນເອງ, ເປີດກວ້າງເເລະຮຽນຮູ້ໂລກພາຍນອກລາຍຂຶ້ນ, ໂອກາດໃນການເຮັດວຽກຫາປະສົບການ, ຫາເງິນໃຊ້ໄດ້ດ້ວຍໂຕເອງ, ໄດ້ປ່ຽນຄວາມຄິດເຮົາຫຼາຍໆຢ່າງ ເເລະ ເຮັດໃຫ້ຄວາມຄິດເປັນຜູ້ໃຫຍ່ຂຶ້ນ ບວກກັບພັດທະນາໂຕເອງໃນຫຼາຍໆດ້ານໃນເຂັ້ມເເຂງເເລະຕ້ອງຢືນໄດ້ດ້ວຍລໍາເເຂ້ງໂຕເອງ
ສໍາລັບໃຜທີ່ມີເເພລນຢາກໄປຮຽນຕໍ່ ເເຕ່ຢ້ານຫຼືບໍ່ກ້າ ທິບຢາກບອກວ່າ ບໍ່ລອງກະບໍ່ຮູ້ ບໍ່ມີຫຍັງງ່າຍໃນຊີວິດນີ້ ເຮົາຕ້ອງອອກຈາກ comfort zone ໂຕເອງ ເເລ້ວເຮົາຈະຄົ້ນພົບໂຕເອງໃນທີ່ສຸດ ເເລະ ຖ້າໃຜກັງວົນໃນເລື່ອງຄ່າໃຊ້ຈ່າຍຢູ່ ທິບຢາກບອກເລິຍວ່າ ໂຮງຮຽນ,ສະຖາບັນຢູ່ນີ້ມີຫຼາຍລາຄາຕາມງົບຂອງເຮົາເເລະມີຫຼາຍໂຮງຮຽນທີ່ມອບທຶນໃຫ້ ສ່ວນຄ່າໃຊ້ຈ່າຍອື່ນໆ ເເມ່ນຖ້າເຮົາເຮັດວຽກມາເເທ້ກໍສາມາດກຸ້ມຢູ່ກຸ້ມກິນໄດ້ (ເເຕ່ຕ້ອງບອກເລິຍວ່າ ເງິນທີ່ໄດ້ໃາຫຼາຍ ຄ່າໃຊ້ຈ່າຍກໍຫຼາຍຄືກັນ) ສະນັ້ນ, ໃຜທີ່ສົນໃຈ ກໍຕ້ອງກຽມໃຈມາໃຫ້ພ້ອມ ເພາະໂລກເເຫ່ງຄວາມເປັນຈິງບໍ່ໄດ້ສວຍງາມຄືໃນນິທານ.
ສາມາດຕິດຕາມການເຄື່ອນໄຫວໄດ້ທີ່:
Facebook: Thip Talk Tour
Tiktok: Thip Talk Tour
Instagram: Thip_Nathavong
YouTube: Thip Talk Tour
ໂດຍ: ທີມຂ່າວບັນເທີງ muan.la
#ມ່ວນ ິນເຕີວິວ

02/02/2024

ອ່ານດວງລາຍວັນປະຈໍາວັນສຸກ ທີ 2 ກຸມພາ 2024 ຕາມແຕ່ລະວັນເກີດ

ຄົນເກີດວັນອາທິດ

ການງານ ຈະພົບອຸປະສັກໃນເລື່ອງຂອງການປ່ຽນແປງທາງດ້ານວຽກງານທີ່ຈະຕ້ອງຫາແນວທາງວິທີການໃໝ່ໆ

ການເງິນ ມີໂຊກຈະໄດ້ຊື້ເຄື່ອງທີ່ຖືກໃຈຫລືຊັບສິນຂອງມີຄ່າບາງຢ່າງເຂົ້າມາ

ຄວາມຮັກ ບໍ່ຄ່ອຍມີເວລາທີ່ຈະສື່ສານກັບຄົນຮັກໃນໄລຍະນີ້

ເຄື່ອງມຸງຄຸນນ ຫິນນຳໂຊກສີແດງ

ສີມຸງຄຸນ ສີຟ້າ

ເລກນຳໂຊກ 7

.

ຄົນເກີດວັນຈັນ

ການງານ ຜູ້ໃຫຍ່ຈະໃຫ້ໂອກາດ ແລະ ມອບຫນ້າທີ່ເພື່ອໃຫ້ສ້າງຜົນງານທີ່ໂດດເດັ່ນ

ການເງິນ ລະວັງຄວາມເຄັ່ງຄຽດກ່ຽວກັບເລື່ອງຂອງການເງິນ ເພາະລາຍຈ່າຍຫຼາຍເກີນເງິນທີ່ໄດ້ຮັບມາ

ຄວາມຮັກ ຄົນຮັກຈະມີສ່ວນຊ່ວຍໃນເລື່ອງຂອງການເງິນ ຊ່ວຍເຫລືອດ້ານວຽກງານ

ເຄື່ອງມຸງຄຸນ ສາຍແຂນຄໍາ

ສີມຸງຄຸນ ສີບົວ

ເລກນຳໂຊກ 3

.

ຄົນເກີດວັນອັງຄານ

ການງານ ຈະພົບເລື່ອງການປ່ຽນແປງວຽກງານ ເພາະອາດສົມຫວັງດັ່ງທີ່ທ່ານຄາດຫວັງໄວ້

ການເງິນ ມີໝູ່ເພື່ອນຫລືໃຜບາງຄົນຢາກຈະໃຫ້ຕົນເອງນັ້ນໄປຊ່ວຍເຫລືອ

ຄວາມຮັກ ສຸກສົມຫວັງລົງຕົວໃນເລື່ອງຂອງຄວາມຮັກ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີຂຽວອ່ອນ

ເລກນຳໂຊກ 9

.

ຄົນເກີດວັນພຸດ

ການງານ ໃນຊ່ວງນີ້ດ້ານການການເຮັດທຸລະກິດອາຫານ, ແຟຊັ່ນ ທຸລະກິດດ້ານອາສັງຫາຈະປະສົບຄວາມສຳເລັດ

ການເງິນ ລາຍຈ່າຍມີຫລາຍເປັນພິເສດ ແຕ່ກໍຫາເຂົ້າມາໄດ້ເພີ່ມເຕີມເທົ່າທີ່ຈຳນວນທີ່ຈ່າຍອອກໄປ

ຄວາມຮັກ ບໍ່ຄ່ອຍມີເວລາໃຫ້ກັບຄົນຮັກປານໃດໃນໄລຍະນີ້ ແຕ່ກໍຍັງເຫັນອົກເຫັນໃຈ ແລະ ເຂົ້າໃຈກັນດີ

ເຄື່ອງມຸງຄຸນ ເພັດສີຂາວ

ສີມຸງຄຸນ ສີດໍາ

ເລກນຳໂຊກ 4

.

ຄົນເກີດວັນພະຫັດ

ການງານ ມີໂອກາດປ່ຽນແປງຍົກຍ້າຍວຽກງານໃໝ່ກໍເປັນໄປໄດ້

ການເງິນ ຈະໄດ້ເງິິນເຂົ້າມາເລື້ອຍໆ ແລະ ຕໍ່ເນື່ອງໃນໄລຍະນີ້ຄວນງົດການໃຊ້ຈ່າຍ

ຄວາມຮັກ ໝູ່ເພື່ອນຈະແນະນຳໃຫ້ຮູ້ຈັກໃຜບາງຄົນເຂົ້າມາໃນໄລຍະນີ້ກໍເປັນໄປໄດ້

ເຄື່ອງມຸງຄຸນ ຄໍາຝຣັ່ງ

ສີມຸງຄຸນ ສີນໍ້າຕານ

ເລກນຳໂຊກ 6

.

ຄົນເກີດວັນສຸກ

ການງານ ໄລຍະນີ້ຈະຫາຂໍ້ມູນ ເພື່ອສຶກສາແນວທາງວິທີການເຮັດທຸລະກິດໃນຮູບແບບໃໝ່

ການເງິນ ຄວນໃຊ້ເງິນຢ່າງປະຢັດໄວ້ກ່ອນຈະເປັນການດີທີ່ສຸດໃນໄລຍະນີ້

ຄວາມຮັກ ຄວນຢຸດຕິຄໍາເວົ້າທີ່ຮຸນແຮງກັບຄົນຮັກ ເພາະອາດເຮັດໃຫ້ຄົນຮັກມີການປ່ຽນແປງຈິດໃຈຂອງອີກຝ່າຍ

ເຄື່ອງມຸງຄຸນ ຫິນນໍາໂຊກສີຂາວ

ສີມຸງຄຸນ ສີເທົາ

ເລກນຳໂຊກ 5

.

ຄົນເກີດວັນເສົາ

ການງານ ຈະເຮັດທຸລະກິດທີ່ກ່ຽວຂ້ອງກັບແຟຊັ່ນ ແລະ ຄວາມສວຍງາມກໍຈະໄດ້ຮັບຜົນກຳໄລທີ່ດີ

ການເງິນ ວາງແຜນການໃຊ້ຈ່າຍຢ່າງຮອບຄອບໃຫ້ຫລາຍທີ່ສຸດ

ຄວາມຮັກ ໄລຍະນີ້ເປັນການເບິ່ງໆໃຈກັນໃຈຂອງທ່ານເອງກໍຍັງມີຄວາມລະແວງຕະຫຼອດເວລາ

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີບົວ

ເລກນຳໂຊກ 7

01/02/2024

ຢາກເພີ່ມທັກສະພາສາອັງກິດແຕ່ບໍ່ມີເວລາ! ບັນຫານີ້ຈະໝົດໄປຖ້າມາຮຽນທີ່ Wall Street English ເພາະເຮົາສາມາດເລືອກມື້ ແລະ ເວລາຮຽນໄດ້ຕາມໃຈເຮົາເລີຍ 🤩
ທີ່ສໍາຄັນທີ່ສຸດ Wall Street English ເປັນສະຖາບັນສອນພາສາອັງກິດລະດັບໂລກທີ່ໄດ້ມາຕັ້ງຢູ່ທີ່ປະເທດລາວ. ຂໍບອກເລີຍວ່າໃຜມາຮຽນແລ້ວຈະສາມາດພັດທະນາທັກສະພາສາອັງກິດໄດ້ໄວດ້ວຍການເຝິກພາສາອັງກິດແບບເຈົ້າຂອງພາສາ, ເພິ່ນກາຣັນຕີເລີຍວ່າສາມາດເວົ້າໄດ້ຢ່າງໝັ້ນໃຈພາຍໃນ 3 ເດືອນ!
ຫຼ້າສຸດມ່ວນກໍໄດ້ໄປສໍາຜັດການເປັນນັກຮຽນຂອງ Wall Street English ມາ, ຫຼັກສູດການຮຽນຈະຄັກສໍ່າໃດນັ້ນໝູ່ເພື່ອນສາມາດເບິ່ງໄດ້ໃນວິດີໂອເລີຍ 🥰
ສອບຖາມຂໍ້ມູນເພີ່ມເຕີມໄດ້ທີ່:
page: Wall Street English Laos
ໂທ: 020 23262656
ສະຖານທີ່: ວຽງຈັນເຊັນເຕີ ຊັ້ນ 4
#ມ່ວນ #ຮຽນພາສາອັງກິດ #ພາສາອັງກິດ

01/02/2024

ຮຸນໄດ ລາວ ເປີດຫ້ອງຂາຍໃໝ່ ພ້ອມເຊີນຊວນທຸກຄົນໄປສຳຜັດປະສົບການຂັບຂີ່ແຫ່ງອະນາຄົດ
ຮຸນໄດ ລາວ (Hyundai Laos) ພາຍໃຕ້ ບໍລິສັດ ໂຄລາວ ກຣຸບ ໄດ້ເປີດຫ້ອງຂາຍໃໝ່ ສາຂາ ດົງປ່າລານ ເມື່ອວັນທີ 1 ກຸມພາ 2024. ຫ້ອງຂາຍແຫ່ງນີ້ ໄດ້ຮັບການອອກແບບມາພາຍໃຕ້ແນວຄິດ “Hello Hyundai Hello Future” ເຊິ່ງສະທ້ອນໃຫ້ເຫັນເຖິງຄວາມເປັນຮຸນໄດ ຄື ນະວັດຕະກຳແຫ່ງໂລກອານາຄົດ ເນັ້ນຄວາມລຽບງ່າຍ (minimal), ຄວາມຫຼູຫຼາ ແລະ ເປັນມິດຕໍ່ສິ່ງແວດລ້ອມຫຼາຍຂຶ້ນ.
ໃນພິທີເປີດຫ້ອງຂາຍໃໝ່ແຫ່ງນີ້ ຍັງມີການເປີດໂຕລົດຮຸ່ນໃໝ່ຈາກ ຮຸນໄດ ປະກອບດ້ວຍ The New Hyundai Stargazer, Palisade, ແລະ IONIQ6 ເຊິ່ງລົດຮຸ່ນເຫຼົ່ານີ້ມາພ້ອມກັບເຕັກໂນໂລຊີທີ່ທັນສະໄໝ, ສະມັດຖະພາບ ແລະ ການອອກແບບໃໝ່ຫຼ້າສຸດ ທີ່ຈະຍົກລະດັບປະສົບການໃນການຂັບຂີ່ຂອງທຸກຄົນໄປສູ່ອີກລະດັບທີ່ເໜືອກວ່າ.
🔹The New Hyundai Stargazer ເປັນລົດ MPV ຂະໜາດກະທັດຮັດທີ່ຮອງຮັບຜູ້ໂດຍສານໄດ້ເຖິງ 7 ຄົນ ຢ່າງສະດວກສະບາຍ ແລະ ມີສະໄຕລ໌. ຕົວລົດມີຫ້ອງໂດຍສານທີ່ກວ້າງ, ຕັ່ງນັ່ງແຖວສອງແບບ captian seat ໃຫ້ຄວາມສະບາຍທຸກການເດີນທາງ, ແລະ ລະບົບອິນໂຟເທນເມັນທີ່ເຊື່ອມຕໍ່ຜ່ານ Apple CarPlay ແລະ Android Auto ມາພ້ອມກັບລຳໂພງພຣີມ້ຽມ Bose ທັງໝົດ 8 ຈຸດ.
🔹The New Hyundai Palisade ເປັນລົດ SUV ຂະໜາດໃຫຍ່ລະດັບພຣີມຽມ ທີ່ປະສົມປະສານຄວາມຫຼູຫຼາ, ຄວາມສະດວກສະບາຍ ແລະ ຄວາມປອດໄພ. ຮຸ່ນນີ້ໃຫ້ຫ້ອງໂດຍສານກວ້າງຂວາງກວ່າ ມີສິ່ງອຳນວຍຄວາມສະດວກທີ່ທັນສະໄໝ ລວມທັງການອອກແບບທີ່ເປັນເອກະລັກ ສ້າງຄວາມໝັ້ນໃຈທຸກການຂັບຂີ່ ດ້ວຍລະບົບຄວາມປອດໄພທີ່ທັນສະໄໝ ບໍ່ວ່າຈະເປັນຊ່ວຍໃນການຂັບຂີ່ ດ້ວຍຈໍສະແດງພາບມຸມອັບສາຍຕາ, ຈໍພາບມຸມມອງຮອບທິດທາງ 360 ອົງສາ ແລະ ລະບົບຊ່ວຍຫຼີກເວັ້ນການຕຳ ເປັນຕົ້ນ.
🔹 The New Hyundai IONIQ6 ເປັນລົດໄຟຟ້າ 100% ທີ່ໄດ້ຮັບລາງວັນ Car and Driver’s 2023 EV. ລົດຮຸ່ນນີ້ມີການອອກແບບພາຍນອກທີ່ສວຍງາມຫຼາຍ, ໜ້າຈໍສະແດງຜົນພານາໂລມິກລະບົບດິຈີຕໍຂະຫນາດ 12.3ນິ້ວ ແລະ ສາມາດຂັບຂີ່ໄດ້ໄກເຖິງ 614 ກິໂລແມັດ ຕໍ່ຊົ່ວໂມງ. ຮອງຮັບການສາກໄວ (ultra-fast charge) ທີ່ສາມາດສາກແບັດເຕີຣີໄດ້ຈາກ 10% ຫາ 80% ພາຍໃນເວລາພຽງ 18 ນາທີ. ນອກຈາກນີ້ ຍັງມີລະບົບ V2L ຕໍ່ແລະຊາກໄຟໃຫ້ກັບອຸປະກອນໄຟຟ້າໄດ້ອີກດ້ວຍ.
✨ເພື່ອສະເຫຼີມສະຫຼອງການເປີດຫ້ອງຂາຍໃໝ່ນີ້, ທາງຮຸນໄດ ໄດ້ມີຂໍ້ສະເໜີພິເສດເປັນສ່ວນຫຼຸດສູງສຸດ 500 ໂດລາ (ສະເພາະສາຂາດົງປ່າລານ) ສຳລັບລູກຄ້າທີ່ຈອງລົດຮຸ່ນຕ່າງໆຂ້າງເທິງນັ້ນພາຍໃນງານເທົ່ານັ້ນ. ນອກຈາກນັ້ນ ຜູ້ທີ່ເຂົ້າຮ່ວມງານຍັງຈະໄດ້ຮັບຂອງທີ່ລະນຶກເປັນຄັນຮົ່ມຮຸ່ນພິເສດຈາກຮຸນໄດອີກດ້ວຍ.
ຫ້ອງຂາຍໃໝ່ນີ້ ຈະເປີດໃຫ້ບໍລິການຢ່າງເປັນທາງການນັບຕັ້ງແຕ່ວັນທີ 1 ກຸມພາ 2024 ເປັນຕົ້ນໄປ ຕັ້ງແຕ່ເວລາ 9 ໂມງເຊົ້າ ຫາ 5 ໂມງແລງ. ຢ່າພາດໂອກາດທີ່ຈະໄດ້ມາສຳພັດອະນາຄົດຂອງການຂັບຂີ່ ແລະ ຮັບສິດທິພິເສດຕ່າງໆຈາກທາງຮຸນໄດ.
ໂດຍ: ທີມບັນນາທິການ muan.la

01/02/2024

ຕ້ອງໄປໃຫ້ໄດ້!!! ເທດສະການດົນຕີທີ່ແປກໃໝ່ທີ່ສຸດ ຈັດເຕັມ 3 ເວທີ 3 ຮູບແບບການສະແດງ ລາວ 🇱🇦 ໄທ 🇹🇭 ຫວຽດນາມ 🇻🇳 ຈີນ 🇨🇳 🔊ຄັກສຸດລະກ່າ...🎵
📌ທີ່ຫຼວງນ້ຳທາ ວັນທີ23-24ກຸມພາ2024
ໃນງານ Namtha Music Carnival🎶
✨ມາຮ່ວມມ່ວນມັນ.. ຕ້ອນຮັບປີທ່ອງທ່ຽວ.ລາວ2024 ດ້ວຍກັນ
✨ພາຍໃນງານຈະມີທັງຄອນເສີດ ໂດຍມີທັບສິລະປິນດັງ ຈາກ🇱🇦-🇹🇭- 🇨🇳
ພ້ອມກິດຈະກຳຢ່າງຫຼວງຫຼາຍ
ແລະ ຍິ່ງໃຫຍ່ແນ່ນອນ
ໃຜທີ່ຍັງບໍ່ທັນຈອງປີ້ຮີບຈອງດ່ວນ
👉ສາມາດຊື້ບັດເຂົ້າຮ່ວມງານ ແລະ ຕິດຕາມການອັບເດດກິດຈະກຳໄດ້ທີ່ເພຈ: Namtha Music Carnival
ແລະ ຮຸ່ງອາລຸນຂົນສົ່ງດ່ວນ
ຫຼື ຕິດຕໍ່ທີ່📲020 88728929
_________
#ຄັກສຸດລະກ່າ

#咔嗉啦嘎

01/02/2024

ເມື່ອ YUGYEOM ອອກເພງໃໝ່, ມ່ວນກໍຢາກມາອັບເດດໃຫ້ໝູ່ເພື່ອນໄດ້ເຫັນວ່າມັກເນ່ຍັກຂອງວົງ GOT7 ມາໄກສໍ່າໃດແລ້ວ!
ຢູກຢອມ ເລີ່ມຕົ້ນເສັ້ນທາງການເປັນສິລະປິນດ່ຽວມາຕັ້ງແຕ່ປີ 2021 ແລະ ຫຼ້າສຸດລາວກໍໄດ້ປ່ອຍເພງ LA SOL MI ມາມື້ວານນີ້ອີກດ້ວຍ 🥰 ນອກຈາກເພງໃໝ່ແລ້ວກໍຍັງມີອີກ 8 ເພງທີ່ຟັງໄດ້ແບບເພີນໆ ແລະ ຕິດຫູສຸດໆ.
ອາກາເຊ່ຄົນໃດຄິດຮອດ YUGYEOM ແດ່?
ໂດຍ: ທີມຂ່າວບັນເທີງ muan.la
#ມ່ວນ

01/02/2024

"ຂ້ອຍພຽງຈະບິນໄປ ບິນໄປສູ່ໂລກທີ່ກວ້າງໃຫຍ່ ເບື່ອສັງຄົມທີ່ວຸ້ນວາຍ ເບື່ອ…ບໍ່ຢາກສົນໃຈໃຜ"
ຖ້າໝູ່ເພື່ອນຢາກຟັງເພງດີໆຊິວໆ ຕ້ອງລອງມາຟັງເພງນີ້ແລ້ວ! ມ່ວນຢາກພາທຸກຄົນລ່ອງລອຍໄປກັບເພງ "ບິນ" ຈາກສອງໜຸ່ມ ALEX $MOKE ແລະ TA J ເຊິ່ງເປັນເພງໃໝ່ຫຼ້າສຸດຕອນຮັບປີ 2024 🤩
ເພງນີ້ເປັນເພງທີ່ໜຸ່ມແຣັບເປີອາເລັກໄດ້ຮ້ອງທ່ອນຮຸກແບບສົດໃສໃຈຟູສຸດໆ, ຄືກັບຄວາມໝາຍຂອງເພງທີ່ສື່ເຖິງການຢາກໜີອອກຈາກບັນຫາ ແລະ ຄວາມວຸ້ນວາຍເພື່ອໃຫ້ຕົນເອງໄດ້ມີອິດສະຫຼະຈາກຊີວິດໃນຕອນນີ້, ຖ້າເຮົາມີປີກ ຫຼື ພະລັງວິເສດທີ່ເຮັດໃຫ້ບິນກໍຄືຈະດີເນາະ!
ໃຜທີ່ກໍາລັງເມື່ອກັບການໃຊ້ຊີວິດ ລອງພັກມາຟັງເພງ 'ບິນ' ແລ້ວຈຶ່ງລຸຍຕໍ່ເດີ!
ສາມາດຕິດຕາມຜົນງານ ແລະ ການເຄື່ອນໄຫວຂອງ Alex $MOKE ໄດ້ທີ່:
TT: Alexsmoke420
IG: AlexSmoke420
PAGE FB: Alex Smoke
YT: ALEX SMOKE SLY Official
Spotify: ALEX $MOKE
ໂດຍ: ທີມຂ່າວບັນເທີງ muan.la
#ມ່ວນ ິນເຕີວິວ

01/02/2024

ອ່ານດວງລາຍວັນປະຈໍາວັນພະຫັດ ທີ 1 ກຸມພາ 2024 ຕາມແຕ່ລະວັນເກີດ

ຄົນເກີດວັນອາທິດ

ການງານ ຜູ້ໃຫຍ່ມາສະໜັບສະໜຸນຊ່ວຍເຫຼືອເລື່ອງເງິນທຶນ

ການເງິນ ມີການໃຊ້ຈ່າຍເງິນອອກໄປເປັນຈຳນວນຫຼາຍ

ຄວາມຮັກ ໄດ້ພົບຮັກກັບຄົນໃກ້ຕົວໂດຍບໍ່ທັນຕັ້ງໂຕ

ເຄື່ອງມຸງຄຸນ ຄໍາຝຣັ່ງ

ສີມຸງຄຸນ ເງິນ

ເລກນຳໂຊກ 9

.

ຄົນເກີດວັນຈັນ

ການງານ ຕັດສິນໃຈເລີ່ມເຮັດທຸລະກິດໃໝ່ວາງແຜນດ້ວຍຄວາມສະຫຼຽວສະຫຼາດປະສົບຄວາມສຳເລັດ

ການເງິນ ຜູ້ໃຫຍ່ຈະອຸປະຖຳດ້ານການເງິນ

ຄວາມຮັກ ມີໂອກາດພົບຮັກກັບຄົນຜິວສອງສີ

ເຄື່ອງມຸງຄຸນ ເງິນ

ສີມຸງຄຸນ ສີດໍາ

ເລກນຳໂຊກ 6

.

ຄົນເກີດວັນອັງຄານ

ການງານ ລົງນາມເອກະສານສັນຍາການລົງທຶນປະສົບຄວາມສຳເລັດ

ການເງິນ ມີໂອກາດໄດ້ເງິນກ້ອນໃຫຍ່

ຄວາມຮັກ ມີໂອກາດພົບຮັກກັບຄົນທີ່ເປັນຜູ້ໃຫຍ່

ເຄື່ອງມຸງຄຸນ ໄຂ່ມຸກ

ສີມຸງຄຸນ ສີແດງ

ເລກນຳໂຊກ 1

.

ຄົນເກີດວັນພຸດ

ການງານ ຕ້ອງຮັບຜິດຊອບໜ້າທີ່ການງານຫຼາຍເພີ່ມຂຶ້ນ

ການເງິນ ໄລຍະນີ້ໃຊ້ເງິນຫຼາຍເປັນພິເສດ

ຄວາມຮັກ ສຸກສົມຫວັງໃນເລື່ອງຮັກ ເຂົ້າມາເຮັດໃຫ້ທ່ານມີຊີວິດຊີວາ

ເຄື່ອງມຸງຄຸນ ຫິນນໍາໂຊກສີແດງ

ສີມຸງຄຸນ ສີນໍ້າຕານ

ເລກນຳໂຊກ 3

.

ຄົນເກີດວັນພະຫັດ

ການງານ ມີຄວາມສ້າງສັນໃນການສ້າງທຸລະກິດປະສົບຄວາມສຳເລັດ

ການເງິນ ມີໂອກາດເສຍເງິນຊ່ວຍເຫຼືອບໍລິວານ

ຄວາມຮັກ ມີໂອກາດພົບຮັກກັບຄົນຜິວຂາວ ອາດເປັນເນື້ອຄູ່ຂອງທ່ານ

ເຄື່ອງມຸງຄຸນ ຫິນນໍາໂຊກສີແດງ

ສີມຸງຄຸນ ສີຂາວ

ເລກນຳໂຊກ 1

.

ຄົນເກີດວັນສຸກ

ການງານ ມີການເດີນທາງໄກນັດເຈລະຈາກັບລູກຄ້າປະສົບຄວາມສຳເລັດ

ການເງິນ ເຂົ້າສູ່ສະພາວະເຄັ່ງຕຶງອາດມີບັນຫາເລື່ອງຂອງເງິນເຂົ້າມາໃຫ້ວຸ່ນວາຍ

ຄວາມຮັກ ມີໂອກາດພົບຮັກໂດຍບໍ່ທັນຕັ້ງໂຕກັບຄົນທີ່ມີສະເໜ່

ເຄື່ອງມຸງຄຸນ ຄໍາ

ສີມຸງຄຸນ ສີມ່ວງ

ເລກນຳໂຊກ 4

.

ຄົນເກີດວັນເສົາ

ການງານ ເດີນທາງຕິດຕໍ່ທຸລະກິດເກີດຜົນປະໂຫຍດທີ່ດີ

ການເງິນ ມີໂອກາດໄດ້ຮັບໂຊກຈາກຜູ້ໃຫຍ່ເພາະທ່ານຊ່ວຍອຸປະຖໍາ

ຄວາມຮັກ ມີໂອກາດພົບຮັກກັບຄົນຜິວສອງສີ

ເຄື່ອງມຸງຄຸນ ເງິນ

ສີມຸງຄຸນ ສີສົ້ມ

ເລກນຳໂຊກ 4

31/01/2024

Happy February!
🥳🥳🥳
ເດືອນມັງກອນຈົບລົງແລ້ວທຸກຄົນ
#ມ່ວນຊວນລົມ

31/01/2024

ຮູ້ສຶກວ່າ Buck ຈະບໍ່ເກັ່ງເລື່ອງສຸພາສິດບູຮານປານໃດ 🐿️

ເບິ່ງຄວາມໜ້າຮັກຂອງເຫຼົ່າສັດໂລກບູຮານໄດ້ໃນ Ice Age : Dawn of the Dinosaurs (2009)

#ມ່ວນຊວນເບິ່ງ #ຕາຕໍ່ຕາແຂ້ວຕໍ່ແຂ້ວ

31/01/2024

ມາທວາຍຄວາມໝາຍຂອງອີໂມຈິນີ້ກັນດີກວ່າ
👁🐝👁
🦷🐝🦷
#ມ່ວນຊວນລົມ

31/01/2024

ຕົກຂຸມຮັກພາຍໃນເວລາ 3 ວິນາທີ, ລົມກັນຄົບກັນແປບດຽວກໍບອກຮັກເລີຍ, ຫຼົງຮັກທຸກຄົນທີ່ເຂົ້າມາຫາ! ຫາກໝູ່ເພື່ອນ ຫຼື ໝູ່ເຮົາຄົນໃດເປັນແບບນີ້ອາດມີອາການ Emophilia ເຊິ່ງເປັນອາການຂອງ 'ຄົນໃຈງ່າຍ'
ການທີ່ເຮົາມີອາການນີ້ອາດມີອັນຕະລາຍຕໍ່ສຸຂະພາບຈິດເຮົາໄດ້ ເພາະມັນອາດນໍາພາເຮົາໄປເປັນຄົນທີ່ບໍ່ເຫັນຄຸນຄ່າໃນຕົວເອງ ແລະ ຕ້ອງການແຕ່ຄວາມຮັກຈາກຄົນອື່ນເພື່ອມາເຕີມເຕັມຊີວິດຂອງຕົນ, ເຮົາອາດສູນເສຍຄວາມເປັນຕົວເອງໄປໄດ້.
ຜູ້ທີ່ມີອາການ Emophilia ມີແນວໂນ້ມທີ່ຈະຕົກຂຸມຮັກຄົນ 3 ປະເພດນີ້ຢ່າງງ່າຍດາຍ ຄື: ຄົນທີ່ມັນບັງຄັບຄວາມຄິດຄົນອື່ນ, ຄົນທີ່ຫຼົງຕົວເອງ ແລະ ຄົນທີ່ຂາດຈິດສໍານຶກ ບໍ່ມີຄວາມເຫັນໃຈຄົນອື່ນ. ບຸກຄົນ 3 ປະເພດນີ້ຈະເຮັດໃຫ້ອີກຝ່າຍສູນເສຍຄວາມໝັ້ນໃຈໃນຕົວເອງຈຶ່ງເປັນຜົນເສຍຕໍ່ຄົນທີ່ຮັກງ່າຍ.
ແລ້ວເຮົາຈະແກ້ໄຂອາການຕົກຂຸມຮັກງ່າຍນີ້ແນວໃດ? ເຮົາສາມາດເລີ່ມຕົ້ນງ່າຍໆດ້ວຍ
1. ສ້າງມາດຕະຖານຂອງຄົນຮັກທີ່ເຮົາຕ້ອງການ
2. ເຫັນຄຸນຄ່າຂອງຕົວເອງໃຫ້ຫຼາຍຂຶ້ນ
3. ມີຄວາມສຸກກັບຕົວເອງ ແລະ ພະຍາຍາມບໍ່ເພິ່ງພາຄົນອື່ນ
4. ຢູ່ກັບໝູ່ເພື່ອນ ແລະ ຄອບຄົວທີ່ຮັກເຮົາ, ເປີດໃຈເວົ້າເລື່ອງຄວາມສໍາພັນກັບພວກເຂົາ
5. ປຶກສາຜູ້ຊ່ຽວຊານດ້ານຈິດຕະວິທະຍາເພື່ອນຄົ້ນຫາສາເຫດຂອງອາການ
Emophilia ອາດເກີດຈາກການບໍ່ໄດ້ຮັບຄວາມຮັກ ແລະ ຄວາມອົບອຸ່ນຢ່າງພຽງພໍໃນໄວເດັກ ຫຼື ອາດເກີດຈາກອະດີດຄວາມສໍາພັນທີ່ມີຄວາມຮຸນແຮງຕໍ່ສະພາບຈິດໃຈ ເລີຍເຮັດໃຫ້ຮັກຄົນອື່ນງ່າຍເພາະຈິດໃຈຮຽກຮ້ອງຕ້ອງການຄວາມຮັກຈາກບຸກຄົນອື່ນ.
ຄວາມສໍາຄັນຂອງການຮັກຕົວເອງມີບົດບາດໃນເວລານີ້ແຫຼະ, ເພາະມັນສາມາດເພີ່ມເກາະປ້ອງກັນໃນຈິດໃຈຂອງເຮົາ 🥰
ໂດຍ: ທີມບັນນາທິການ muan.la
#ມ່ວນ #ຄວາມສໍາພັນ

Address

7th Floor, Vientiane Plaza Hotel, Hatsady Village, Chanthabouly District
Vientiane
01000

Telephone

+8562078930292

Website

http://muan.la/

Alerts

Be the first to know and let us send you an email when muan.la posts news and promotions. Your email address will not be used for any other purpose, and you can unsubscribe at any time.

Contact The Business

Send a message to muan.la:

Videos

#ສາດບຸນ

ໂຄງການ "ສາດບຸນ" ນີ້ ເຮັດຂຶ້ນມາເພື່ອເປັນການລົນນະລົງໃຫ້ຄົນຫຼິ້ນນ້ຳຢ່າງມີສະຕິ ແລະ ຊ່ວຍກັນປັນນ້ຳໃຈເພື່ອຮ່ວມສົມທົບທຶນໃຫ້ກັບທີມອາສາກູ້ໄພໃນນະຄອນຫຼວງໂດຍມີບໍລິສັດ Lao Samsung ເປັນຜູ້ໃຫ້ການບໍລິຈາກເບື້ອງຕົ້ນໄປແລ້ວ ເປັນຈຳນວນເງິນ 16,000,000 ກີບ ເພື່ອເປັນທຶນໃນການຊື້ອຸປະກອນໃຫ້ທີມອາສາກູ້ໄພປະຕິບັດໜ້າທີ່ໃນໄລຍະບຸ້ນປີໃໝ່ລາວທີ່ໃກ້ຈະມາຮອດນີ້. ທັງນີ້ກໍເພື່ອຊ່ວຍຮັກສາຊີວິດ ແລະ ດູແລທຸກຄົນທີ່ເກີດຄວາມເດືອດຮ້ອນໂດຍບໍ່ຫວັງຜົນ. ທີ່ຜ່ານມາສັງເກດໄດ້ວ່າ ອຸບັດຕິເຫດຕ່າງໆຕາມທ້ອງຖະໜົນນັ້ນເກີດຂຶ້ນຫຼາຍ ຫຼັກໆເລີຍກໍແມ່ນລົດຈັກ ໂດຍສະເພາະຕອນທີ່ຖືກຫົດນ້ຳໃສ່ ເພາະບາງຄົນນັ້ນມັກທີ່ຈະເນັ້ນຫົດນ້ຳໃສ່ໜ້າກັນ. ຫຼາຍຄົນອາດຄິດວ່າມັນມ່ວນ ແຕ່ການຫຼິ້ນນ້ຳແບບນີ້ ອາດເຮັດໃຫ້ຜູ້ຂັບຂີ່ລົດເສຍສົມດຸນຈົນເກີດອຸບັດຕິເຫດໄດ້. ນີ້ກໍເປັນອີກປັດໄຈໜຶ່ງທີ່ເຮັດໃຫ້ຫຼາຍຄົນຕ້ອງບາດເຈັບໃນຊ່ວງງານເທດສະການປີໃໝ່ລາວ. ໃນກະແສການສາດນ້ຳໃສ່ໜ້າໂຕເອງ ແລະ ມີການທ້າຕໍ່ໆກັນເພື່ອຊ່ວຍກັນລົນນະລົງ ທີ່ຫຼາຍໆທ່ານກຳລັງໃຫ້ຄວາມສົນໃຈນີ້ ແມ່ນເຮັດຂຶ້ນມາເພື່ອໃຫ້ເຫັນເຖິງຄວາມຮູ້ສຶກຂອງໂຕເອງວ່າ ຖ້າຖືກສາດນ້ຳໃສ່ໜ້າແບບນີ້ ຈະເປັນແນວໃດ. ເບິ່ງຈາກພາບການຖືກສາດແບບ Super Slow-mo ທີ່ຖ່າຍທໍາຈາກ Galaxy S9+ ມັນຈະເຮັດໃຫ້ເຫັນໄດ້ເຖິງ ທຸກຄວາມຮູ້ສຶກທີ່ຫຼາຍໆທ່ານບໍ່ເຄີຍເຫັນມາກ່ອນ ເຖິງຄວາມຢ້ານເວລາທີ່ຈະຖືກສາດນໍ້າໃສ່ໜ້າ. ແລ້ວທ່ານເດ ພ້ອມທີ່ຈະຢຸດ ແລະ ຮ່ວມໃຈຊ່ວຍກັນສົມທົບທຶນເພື່ອທີມອາສາກູ້ໄພທີ່ຢູ່ໃນນະຄອນຫຼວງຂອງພວກເຮົາແລ້ວບໍ່? ພວກທ່ານທີ່ໄດ້ອ່ານຈົບຂ່າວນີ້ ມີເວລາ 48 ຊົ່ວໂມງ ໃນການຮ່ວມໂຄງການນີ້ ພ້ອມກັບບໍລິຈາກເງິນເຂົ້າ ທະນາຄານການຄ້າຕ່າງປະເທດລາວມະຫາຊົນ ເລກບັນຊີ: 010-12-00-01468242-001 ຊື່ບັນຊີ: VIENTIANE RESCUE #ສາດບຸນ #GalaxyS9Laos

ຂໍເຊີນທຸກທ່ານມາຫຼິ້ນນໍ້າ ດັບຄວາມຮ້ອນ ມ່ວນຊື່ນກັບເທດສະການຊັມເມີ້ OCEAN PARK DJ MUSIC PARTY ໃນວັນທີ 31ມີນາ – 1ເມສາ 2018. ຊື້ບັດເຂົ້າງານໄດ້ແລ້ວມື້ນີ້ ທີ່ສວນນໍ້າໄອເຕັກ ຫຼື ໂອຊ້ຽນປາກ ແລະ ເອັມພອຍມາກທຸກສາຂາ. ສອບຖາມຂໍ້ມູນເພີ່ມເຕີມໂທ: 030 5922789 ແລ້ວເຮົາມາມັນນໍາກັນເດີ້.

ຫຸ່ນຍົນເຮັດສວນຜັກ

ແອັດກະຢາກໄດ້ຫຸ່ນຍົນເຮັດສວນຜັກແນວນີ້ມາໄວ້ບ້ານເດ credit: Tech Insider

[ຢາກໄປກັບໃຜ ຢາກໃຫ້ໃຜພາໄປກໍ່ແທັກໄປເລີຍ] ທ່ຽວເກາະສະໝຸຍ ໄປງ່າຍ ມາສະບາຍ ລາຄາສະບາຍກະເປົ໋າ ບ່ອນທ່ຽວມີບໍ່ອັ້ນ ປີ້ຍົນໄປ-ກັບ ເລີ່ມຕົ້ນ $291 ເທົ່ານັ້ນ ອ່ານລາຍລະອຽດທີ່ນີ້ເລີຍ https://muan.sanook.com/26385/

ທ່ຽວເກາະສະໝຸຍ ໄປງ່າຍ ມາສະບາຍ ລາຄາສະບາຍກະເປົ໋າ ບ່ອນທ່ຽວມີບໍ່ອັ້ນ

ວິທີປ່ຽນຜ້າຂາວມ້າເປັນເສື້ອຜ້າງາມໆໃສ່

ຄວາມເປັນມາຂອງ "ວັນວາເລນທາຍ" ຫຼື "ວັນແຫ່ງຄວາມຮັກ"

ຮູ້ແຕ່ເຂົາເອີ້ນກັນວ່າ ວັນວາເລນທາຍ ຫຼື ວັນແຫ່ງຄວາມຮັກ ແຕ່ບໍ່ເຄີຍຮູ້ປະຫວັດຄວາມເປັນມາແນວໃດ ປລ. ມາເດິກແດ່ ແອັດຫາກໍກັບແຕ່ຊື້ດອກກຸຫຼາບຂາຍເລ

ສ. ສະອາດ

ຢ່າໃຫ້ບຸນຊ່ວງເຮືອປີນີ້ ເປັນຄືປີທີ່ຜ່ານໆມາ "ທຸກຢ່າງ ເລີ່ມຕົ້ນຈາກໂຕທ່ານ" ຊ່ວຍກັນແຊ ຮັກສາຄວາມສະອາດ ແລະ ສິ່ງແວດລ້ອມ

ຕົວຢ່າງເພງ ຄາດບໍ່ແມ່ນຄູ່ ໂດຍ ອາລູນາ ຖາວອນສຸກ

#ຄາດບໍ່ແມ່ນຄູ່ ຜົນງານໃໝ່ຈາກ ອາລູນາ ຖາວອນສຸກ ເພງທີ່ແຟນເພງມີສ່ວນຮ່ວມໃນການແຕ່ງ. ເວີຊັນເຕັມຈະແທງໃຈດຳສໍ່າໃດ ຖ້າຟັງພ້ອມກັນທົ່ວປະເທດ 5 ຕຸລາ 2017 ນີ້

ພົບຄວາມຜິດປົກກະຕິຂອງຖໍ່ລະບາຍນໍ້າ

10 ປະເທດທີ່ (ອາດ) ຈະປອດໄພທີ່ສຸດ ຫາກເກີດສົງຄາມໂລກຄັ້ງທີ 3

10 ປະເທດທີ່ (ອາດ)ຈະປອດໄພທີ່ສຸດ ຫາກເກີດສົງຄາມໂລກຄັ້ງທີ 3 - ຈະໄປປະເທດໃດບອກແອັດມາເລີຍ ຈະໄປນໍາ

Live ຈາກເມືອງ Seattle ຄອນເສີດ Slot Machine

ດ່ວນ!! ເກີດເຫດໄຟໄໝ້ທີ່ບ້ານທົ່ງຂັນຄຳ

ສໍາພັດໂຕເປັນໆກັບ SAMSUNG Galaxy S8 ແລະ S8+

ມາສຳພັດກັບພະລັງ ແຫ່ງຄວາມຮັກນຳພວກເຮົາ 7- 11 ເດືອນ 2 ນີ້ ທີ່ ວຽງຈັນ ເຊັນເຕີ້ , ແລະ ພົບກັບການເດີນແບບ "ເຄື່ອງປະດັບເພັດແທ້ ຈາກ JEWELLERY VIENGKHAM" YOU HOLD THE POWER TO CHOOSE LOVE #CHOOSELOVE #revlonlaos #revlonlao

SCG MUANGTHONG UNITED ASEAN TOUR 2017 @VIENTIANE, LAOS (--- THAI & ENGLISH TEXT -- SEE BELOW ---) ສະບາຍດີ ແຟນບານເຕະຊາວລາວທຸກທ່ານ ນີ້ຄື VTR ແນະນຳປະຫວັດຂອງສະໂມສອນ ເອັດສຊີຈີ ເມືອງທອງ ຍູໄນເຕັດ ເຊີ່ງພວກເຮົາພ້ອມແລ້ວສຳລັບການແຂ່ງຂັນກັບທີມ Lao Premier League All Stars ໃນວັນທີ 25 ມັງກອນ 2017 ແຂ່ງຂັນເວລາ 18:30ໂມງ ທີ່ສະໜາມກິລາເຈົ້າອານຸວົງ ນະຄອນຫຼວງວຽງຈັນ ປະເທດລາວ ປີ້ເຂົ້າຊົມການແຂ່ງຂັນ 20,000 ກີບ (80ບາດ) ຊອກຊື້ໄດ້ແລ້ວມື້ນີ້ທີ່ M-Point Mart . Jiffy. True Coffee ແລ້ວພົບກັນ ----------------------------------- VTR ประวัติสโมสรเอสซีจี เมืองทอง ยูไนเต็ด เวอร์ชั่นภาษาลาว เพื่อแฟนบอลชาว สปป ลาว ทุกท่าน ที่จะไปชมการแข่งขันฟุตบอลรายการพิเศษแห่งภูมิภาคอาเซียน “SCG MUANGTHONG UNITED ASEAN Tour 2017” ระหว่างเจ้าถิ่น ลาว พรีเมียร์ลีก ออลสตาร์ พบกับ “กิเลนผยอง” เอสซีจี เมืองทอง ยูไนเต็ด วันพุธที่ 25 มกราคม 2560 ที่สนามกีฬาเจ้าอนุวงศ์ นครหลวงเวียงจันทร์ สปป.ลาว แข่งขันเวลา 18.30 น. สามารถซื้อบัตรเข้าชมการแข่งขันได้ที่ ช็อปสินค้าชื่อดังใน สปป ลาว เช่น M-Point Mart, Jiffy, True Coffee ราคา 80 บาท (20,000 กีบ) ---------------------------------- MATCH TICKET INFORMATION Football fans wishing to attend the special friendly match -SCG MUANGTHONG UNITED ASEAN TOUR 2017, in which the Kirin will battle with the Lao Premier League All Stars, Wednesday January 25th, at the Chao Anouvong Stadium, Vientiane. Kick off 18:30. Tickets are available at the stadium, M-Point Mart, Jiffy, and True Coffee. The cost is 80 Baht (20,000 Kip).

SCG MTUTD ASEAN TOUR 2017 Lao Premier Leage All Stars vs SCG Muangthong United 25/1/2017 - ສະໜາມກິລາເຈົ້າອານຸວົງ, ນະຄອນຫຼວງວຽງຈັນ ຊື່ປີ້ເຂົ້າຊົມໄດ້ແລ້ວ ທີ່ຮ້ານ M-Point Mart, Jiffy, True Coffee ລາຂາ 20,000 ກີບ, ລາຍຮັບທັງໝົດມອບໃຫ້ການກຸສົນ ໃນວຽກງານການສຶກສາ.

ເດີນແບບ ຊຸດຄຳໃຫມ່ຈາກຮ້ານສຳລານ ແບບ 360 ອົງສາ ເອົາໄວ້ແອັດຈະເອົາຮູບງາມໆມາຝາກ

ສໍາພາດຄວາມຮູ້ສຶກ ສິລະປິນຮ່ວມງງານ Vang Vieng Music Festival 2

ສໍາພາດຄວາມຮູ້ສຶກ ສິລະປິນຮ່ວມງານ Vang Vieng Music Festival 2 ( TATTOO COLOUR, Leprozy, Skykick Ranger ແລະ Slot Machine )

ງານຖະແຫຼງຂ່າວ ເປີດໂຕເວັບໄຊ muan.la ຢ່າງເປັນທາງການ ທີ່ໂຮງແຮມດອນຈັນພາເລດຊ໌

ຖ່າຍທອດສົດງານພິທີເປີດນຳໃຊ້ແອັບກົດຫມາຍລາວ

ຖ່າຍທອດສົດງານພິທີເປີດນຳໃຊ້ ແອັບພລິເຄຊັນກົດຫມາຍລາວ

ໃຜກ໊ອບໃຜ? ມິຄໍາຕອບ ຊັດເຈນຈາກປາກຜູ້ຈັດ VangVieng Music Festival...

ໃຜກ໊ອບໃຜ? ມິຄໍາຕອບ ຊັດເຈນຈາກປາກຜູ້ຈັດ VangVieng Music Festival ຄັ້ງທີສອງ ລາຍລະອຽດເອກະສານງານຂອງປີ 2015 ທີ່ຜ່ານມາ ແລະ ເອກະສັນຍາກັບປະເທດສະວິສສະແລນ http://muan.sanook.com/2595/

ຖ່າຍທອດສົດງານຖະແຫຼງຂ່າວ ເທດສະການດົນຕີນານາຊາດວັງວຽງ Vangvieng Music Festival 23-24ທັນວາ 2016

ທະເລເມືອງລາວ ສະຫວັນເທິງດິນ ທີ່ ທ່າລາດ ແຂວງວຽງຈັນ

ທະເລເມືອງລາວ ສະຫວັນເທິງດິນ ທີ່ ທ່າລາດ ແຂວງວຽງຈັນ ບັນຍາກາດດີໆ ກິດຈະກໍາມັນໆ ບໍ່ຕ້ອງໄປໃສໄກ ບໍ່ຕ້ອງຈ່າຍຄ່າປີ້ຍົນ ແລະ ບ່ອນພັກແພງໆ ລາຍລະອຽດເພີ່ມເຕີມທີ່ http://muan.sanook.com/2170/