https://www.facebook.com/225678950629411/

ព័ត៌មាន ប៉ោយប៉ែត - Poipet News, Poipet, Banteay Mean Chey, Poipet (2025)

01/04/2024

(ក្រុងប៉ោយប៉ែត)៖ កាលពីរសៀលថ្ងៃទី៣០ ខែមីនា ឆ្នាំ២០២៤
មានភ្លៀងនិងខ្យល់ព្យុះយ៉ាងខ្លាំង បណ្ដាលឱ្យខូចខាតកញ្ចុះបងប្អូនលក់ដូរស្ទើរទាំងអស់នៅលេីទំនប់អូរកៃដន ។ ភ្លាមៗនោះ លោក គាត ហ៊ុល អភិបាលក្រុងប៉ប៉ែត បានដឹកនាំកម្លាំងគណៈបញ្ជាការឯកភាពក្រុង និងសង្កាត់ រួមជាមួយយុវជនស្រលាញ់សន្តិភាពក្រុងប៉ោយប៉ែត ចុះជួយប្រជាពលរដ្ឋដែលរងគ្រោះក្នុងហេតុការណ៍នេះផ្ទាល់ ដែលធ្វេីឱ្យប្រជាពលរដ្ឋមានភាពកក់ក្តៅចំពោះការយកចិត្តទុកដាក់របស់អាជ្ញាធរមូលដ្ឋាន។

29/03/2024

(ក្រុងប៉ោប៉ែត)៖ ព្រឹកថ្ងៃព្រហស្បតិ៍ ទី២៨ ខែមីនា ឆ្នាំ២០២៤ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត រួមជាមួយលោក យ៉ាង គីមហ៊ុយ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងមានការចូលរួមពីលោកចៅសង្កាត់ ចៅសង្កាត់រង អ្នកគ្រូនាយិកាសាលា បានចុះពិនិត្យទីតាំងត្រៀមសាងសង់អគារសិក្សាថ្មីជាជំនួយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដេីម្បីជំនួសអគារសិក្សាចាស់ទ្រុឌទ្រោមដែលសាងសង់តាំងពីឆ្នាំ១៩៩៨កន្លងមក។

28/03/2024

ឯកឧត្តមបណ្ឌិត ប៉ាន់ខែម ប៊ុនថន បានដឹកនាំបេីកកិច្ចប្រជុំរកដំណោះស្រាយតាមបែបឈ្នះឈ្នះលេីករណីវិវាទដីធ្លី ដែលជាប់ពាក់ព័ន្ធជាមួយក្រុមគ្រួសារលោក ទុយ សាមុត ព្រមទាំងបងប្អូនប្រជាពលរដ្ឋជិត៦០គ្រួសារ នៅក្រុងប៉ោយប៉ែត
=============

(ក្រុងប៉ោយប៉ែត) ៖ នៅរសៀលថ្ងៃពុធ ទី២៧ ខែមីនាឆ្នាំ ២០២៤ ឯកឧត្តម បណ្ឌិតប៉ាន់ខែម ប៊ុនថន រដ្ឋលេខាធិការទីស្ដីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានដឹកនាំបេីកកិច្ចប្រជុំរកដំណោះស្រាយតាមបែបឈ្នះឈ្នះលេីករណីវិវាទដីធ្លីរ៉ាំរ៉ៃនេះដែលជាប់ពាក់ព័ន្ធនឹងក្រុមគ្រួសារលោក ទុយ សាមុត ព្រមទាំងក្រុមគ្រួសារប្រជាពលដ្ឋផ្សេងទៀតសរុបជិត៦០គ្រួសារ ស្ថិតនៅចំណុចភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ក្នុងជំនួបបេីកកិច្ចប្រជុំរកដំណោះស្រាយលេីករណីវិវាទនេះ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានសំណូមពរឱ្យគូវិវាទសម្តែងការស្មោះត្រង់ និងប្រកាន់ជំហរចង់បញ្ចប់វិវាទទាំងអស់គ្នា ហេីយត្រូវត្រៀមឯកសារពាក់ព័ន្ធនានា ដេីម្បីចួបដោះស្រាយចំពោះមុខក្រុមការងារដែលមាន ឯកឧត្តមបណ្ឌិត ប៉ាន់ខែម ប៊ុនថន ដឹកនាំដោះស្រាយដោយផ្ទាល់។
ឆ្លេីយតបនឹងការយកចិត្តទុកដាក់របស់ ឯកឧត្តមបណ្ឌិត ប៉ាន់ខែម ប៊ុនថន និងក្រុមការងារ បងប្អូនប្រជាពលរដ្ឋ និងគូវិវាទដែលបានចូលរួមកិច្ចប្រជុំនេះ បានសម្តែងការសាទរចំពោះវត្តមានឯកឧត្តមបណ្ឌិត ប៉ាន់ខែម ប៊ុនថន ក្នុងការដឹកនាំរកដំណោះស្រាយតាមបែបឈ្នះឈ្នះសម្រាប់រឿងវិវាទដីធ្លីនេះ ព្រោះពួកគាត់ធ្លាប់បានដឹងអំពីសម្ថភាព និងលទ្ធផលដោះស្រាយបញ្ចប់វិវាទតាមបែបឈ្នះឈ្នះជូនប្រជាពលរដ្ឋជាង៥ពាន់គ្រួសារក្នុងខេត្តបន្ទាយមានជ័យនាពេលកន្លងមក៕

19/03/2024

(ក្រុងប៉ោយប៉ែត)៖ នៅព្រឹកថ្ងៃអង្គារទី ១៩ខែមីនាឆ្នាំ ២០២៤ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែតបានបន្តដឹកនាំក្រុមការងារ ចុះលាបថ្នាំគំនូសទទឹងផ្លូវសម្រាប់បងប្អូនប្រជាពលរដ្ឋអ្នកធ្វើដំណើរថ្មើជើងឆ្លងកាត់តាមបណ្ដោយផ្លូវជាតិលេខ ៥ ស្ថិតត្រង់ចំណុចស្តុបផ្សារកណ្តាល ភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ោយ ខេត្តបន្ទាយមានជ័យ។

17/03/2024

ប្រជាពលរដ្ឋ លោកគ្រូអ្នកគ្រូសិស្សានុសិស្សសាបឋមសិក្សាហ៊ុនសែនវត្តថ្មីក្រុងប៉ោយប៉ែតត្រេកអរសូមគោរពអរគុណសម្តេចតេជោ!!

សាលាបឋមសិក្សាហ៊ុន សែនវត្តថ្មី ដែលមានទីតាំងនៅសង្កាត់ប៉ោយប៉ែតក្រុងប៉ែតកសាងតាំងពីឆ្នាំ១៩៩៨មានសភាពចាស់ហើយនោះ ពេលនេះទទួលបានការសណ្តោសប្រោសប្រណីដោយសេចក្តីមេត្តានិងការអនុញ្ញាតដ៏ខ្ពង់ខ្ពស់ពីសំណាក់សម្តេចតេជោហ៊ុន សែនសាងសង់ថ្មីឡើងវិញ នូវអគាសិក្សាថ្មី១ខ្នងរួមជាមួយសំណង់ផ្សេងៗមួយចំនួនទៀតក្នុងបរិវេណនេះ ដើម្បីភាពកក់ក្តៅដល់ការបង្ហាត់បង្រៀននិងការសិក្សា🙏

14/03/2024

ក្នុងសប្តាហ៍នេះលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជឣាវុធហត្ថក្រុងប៉ោយប៉ែត បានដឹកនាំកម្លាំង ធ្វើប្រតិបត្តិការបង្ក្រាបករណីក្រុមក្មេងទំនើងប្រើប្រាស់ដោយខុសច្បាប់នូវសារធាតុញៀន និងឃាត់ខ្លួនបានចំនួន២៦នាក់ នៅចំណុចឣគារថ្មីនៅក្នុងក្រុងប៉ោយប៉ែត!

13/03/2024

ក្រុងប៉ោយប៉ែតកំពុងអភិវឌ្ឍន៍គម្រោង " ប៉ោយប៉ែតជាទីក្រុងដែលគួរឱ្យរស់នៅ"

13/03/2024

ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រងប៉ោយប៉ែត បានដឹកនាំកិច្ចប្រជុំជាមួយបញ្ជាការឯកភាពក្រុងប៉ោយប៉ែត អំពីការពង្រឹងសន្តិសុខសណ្តាប់ធ្នាប់ និងការបង្រ្កាបទប់ស្កាត់ក្មេងទំនេីង ក្នុងក្រុងប៉ោយប៉ែត។
===================
(ក្រុងប៉ោយប៉ែត)៖ ព្រឹកថ្ងៃពុធ ទី១៣ខែមីនាឆ្នាំ២០២៤ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានដឹកនាំកិច្ចប្រជុំជាមួយបញ្ជាការឯកភាពក្រុងប៉ោយប៉ែត អំពីការពង្រឹងប្រព័ន្ធការពារសន្តិសុខ សណ្តាប់ធ្នាប់ ការបង្រ្កាបទប់ស្កាត់ក្មេងទំនេីង និងការបង្ក្រាបបទល្មេីសនានា ក្នុងក្រុងប៉ោយប៉ែត ដេីម្បីផ្តល់ភាពកក់ក្តៅដល់ប្រជាពលរដ្ឋ និងលេីកកម្ពស់ការអនុវត្តគោលនយោបាយភូមិឃុំសុវត្ថិភាព សម្រាប់មូលដ្ឋានក្រុងប៉ោយប៉ែតផ្ទាល់។

ឯកឧត្តមបណ្ឌិត ប៉ាន់ខែម ប៊ុនថន ក្នុងនាមជាប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានថ្លែងកោតសរសេីរចំពោះបញ្ជាការឯកភាព និងសម្ថកិច្ចក្រុងប៉ោយប៉ែត ដែលបានយកចិត្តទុកដាក់ខ្ពស់ និងបានសហការគ្នាយ៉ាងល្អ ក្នុងការអនុវត្តការងារស្នូល និងការងារអន្តរាគមន៍នានា ពិសេសការងារបង្ក្រាបក្រុមក្មេងទំនេីង និងបទល្មេីសផ្សេងៗយ៉ាងមានប្រសិទ្ធភាពនាពេលកន្លងមក។ ឯកឧត្តមប្រធានក្រុមការងារបានស្នេីឱ្យបញ្ជាការឯកភាព និងកងកម្លាំងសមត្ថកិច្ចក្រុងប៉ោយប៉ែត ត្រូវបន្តទទួលខុសត្រូវលេីការងារការពារសន្តិសុខសង្គមនេះឱ្យបានល្អប្រសេីរ គ្រប់ពេល ដេីម្បីប្រជាពលរដ្ឋមូលដ្ឋានក្រុងប៉ោយប៉ែតយេីងមានសេចក្តីសុខសុវត្ថិភាព សប្បាយរីករាយ និងមានឱកាសប្រកបរបរចិញ្ចឹមជីវិតប្រកបដោយភាពកក់ក្តៅ និងស្នាមញញឹមគ្រប់ពេល " យេីងទាំងអស់គ្នារួមគ្នាធ្វេីការងារដេីម្បីប្រជាពលរដ្ឋក្រុងប៉ោយប៉ែត ព្រោះប្រជាពលរដ្ឋក្រុងប៉ោយប៉ែតគឺជាគ្រួសាររបស់យេីងទាំងអស់គ្នា" ៕

09/03/2024

ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត និងលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត សហការជាមួយលោកប្រធានមន្ទីរសាធារណៈការខេត្តបន្ទាយមានជ័យ បាននាំយកគ្រឿងចក្រចុះប្រតិបត្តិការសម្អាតទីធ្លាសងខាងបណ្ដោយផ្លូវជាតិលេខ៥ ឱ្យបានស្អាតល្អ ជាសោភ័ណភាពបរិស្ថាននៅក្នុងសង្កាត់ផ្សារកណ្តាល
==============
(បន្ទាយមានជ័យ)៖ នៅព្រឹកថ្ងៃសៅរ៍ ទី០៩ ខែមីនា ឆ្នាំ២០២៤នេះ បន្ទាប់ពីសង្កេតឃេីញទីធ្លានៅតាមសងខាផ្លូវជាតិលេខ៥ ចាប់ពីរង្វង់មូលផ្លូវ៥៨មកផ្សារកណ្តាលក្រុងប៉ោយប៉ែតដែលមានត្រែង ស្បូវ ស្មៅ កូនឈើដុះ និងការចោលសំរាម លាយឡំក្លិនមិនល្អផងនោះ ទេីបឯកឧត្តមបណ្ឌិត ប៉ាន់ខែម ប៊ុនថន រដ្ឋលេខាធិការ ទីស្តីការណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត រួមជាមួយលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត សហការជាមួយលោកប្រធានមន្ទីរសាធារណៈការខេត្តបន្ទាយមានជ័យ បាននាំយកគ្រឿងចក្រចុះប្រតិបត្តិការសម្អាតទីធ្លាសងខាងបណ្ដោយផ្លូវជាតិលេខ៥ ឱ្យបានស្អាតល្អ ជាសោភ័ណភាព និងបរិស្ថានល្អនៅក្នុងសង្កាត់ផ្សារកណ្តាល។

ជាមួយគ្នានេះ ឯកឧត្តមបណ្ឌិត ប៉ាន់ខែម ប៊ុនថន លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត និងលោកប្រធានមន្ទីរសាធារណការ និងដឹកជញ្ជូនខេត្តបន្ទាយមានជ័យ ព្រមទាំងក្រុមការងារក៏បានសំណូមពរដល់បងប្អូនប្រជាពលរដ្ឋទាំងអស់គ្នា សូមរួមគ្នាសម្អាតបរិស្ថានឲ្យស្អាតល្អ ហេីយសូមកុំយកសំរាមទៅចោលពាសវាលពាសកាលដូចមុនតទៅទៀត។ អនាម័យបរិស្ថានក្នុងមូលដ្ឋានអាចស្អាទល្អគ្រប់ពេល គឺអាស្រ័យលេីយេីងទាំងអស់គ្នាចេះស្រលាញ់បរិស្ថាន ចេះជួយសម្អាតទាំងអស់គ្នា និងចេះរួមគ្នាទុកដាក់សំរាមឱ្យបានត្រឹមត្រូវ « ព្រោះអ្នកសម្អាតមិនអាចធ្វេីឱ្យស្អាតបានទេ ប្រសិបបេីអ្នកពង្រាយច្រេីនជាងអ្នកសម្អាត ប៉ុន្តែពេលខ្លះមិនចាំបាច់ត្រូវការអ្នកសម្អាតនោះទេប្រសិនបេីគ្នាអ្នកពង្រាយ»!

ដូច្នេះចាប់ពីពេលនេះតទៅ សង្ឃឹមថាទាំងមន្ត្រីរាជការ ទាំងប្រជាពលរដ្ឋ ទាំងភ្ញៀទេសចរ ទាំងយុវជន យុវតី និងរួមទាំងអ្នកធ្វេីដំណេីរឆ្លងកាត់ក្រុងប៉ោយប៉ែតទាំងអស់ នឹងរួមគ្នាស្អាតបរិស្ថាន ចេះស្រលាញ់បរិស្ថាន និងរួមគ្នាទុកដាក់សំរាមឱ្យបនត្រឹមត្រូវ ដេីម្បីភ្នាក់ដឹកជញ្ជូនសំរាមងាយស្រួលប្រមូលដឹកជញ្ជូន៕

04/03/2024

(ប៉ោយប៉ែត) ៖ ព្រឹកថ្ងៃចន្ទ ទី០៤ ខែមីនា ឆ្នាំ២០២៤ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានដឹកនាំអភិបាលរងក្រុង ប្រធានកាល័យ មន្រ្តីរដ្ឋបាលក្រុង រួមជាមួយលោកវ៉ា ជឹមណារ៉េត ចៅសង្កាត់អូរជ្រៅ និងលោក ភោគ លន ចៅសង្កាត់ប៉ោយប៉ែត ចុះពិនិត្យការធ្វើផ្លូវថ្មើរជើងដែលមានប្រវែង540ម៉ែត្រ នៅតាមបណ្តោយផ្លូវជាតិលេខ៥ ចាប់ពីរង្វង់មូលច្រកទ្វារអន្តរជាតិប៉ោយប៉ែតដល់ខាងកេីតស្ថានីយ៍រថភ្លេីងក្រុងប៉ោយប៉ែត។

03/03/2024

ស្នងការនគរបាលខេត្តបន្ទាយមានជ័យបានបញ្ជាក់យ៉ាងច្បាស់ហេីយកាលពីថ្ងៃទី ០៣មីនាឆ្នាំ២០២៤នេះ ដូច្នេះសូមបងប្អូន
កុំយល់ច្រឡំ ឬចាញ់បោកព័ត៌ជូរផ្អូមនេះទៀត ព្រោះសមត្ថកិច្ច និងអាជ្ញាធរក្រុងប៉ោយប៉ែតកំពុងប្រឹងប្រែងសហការគ្នាយ៉ាងយកចិត្តទុកដាក់ដេីម្បីប្រជាជនសេចក្តីសុខ និងភាពរីកចម្រេីនរបស់បងប្អូនប្រជាជនក្រុងប៉ោយប៉ែតទាំងមូល។

25/02/2024

សេចក្តីប្រកាសរបស់គណៈកម្មាធិការជាតិរៀបចំការបោះឆ្នោត អំពីចំនួនអ្នកបានទៅបោះឆ្នោតជ្រើសតាំង សមាជិកព្រឹទ្ធសភា នីតិកាលទី៥ ។

24/02/2024

(ប៉ោយប៉ែត)៖ ព្រឹកថ្ងៃសៅរ៍ទី២៤កុម្ភៈ២០២៤
ឯកឧត្តមបណ្ឌិត ប៉ាន់ខែម ប៊ុនថន បានដឹកនាំក្រុមការងាររួមមាន ឯកឧត្តម វ៉ា ឈូដា លោក យ៉ាង គីមហ៊ុយ លោកម៉ុត ដារ៉ា លោក ប៉ាន់ ខែមវឌ្ឍនា លោកគ្រី សំណាង លោកភោគ លនចៅសង្កាត់ប៉ោយប៉ែត និង សហការី ចុះពិនិត្យសមិទ្ធិផលមួយចំនួនដែលត្រូវកែលម្អ និងពង្រីកបន្ថែម ជាក់ស្តែង ក្នុងនោះដូចជាសាលាបឋមសិក្សា ហ៊ុន សែន វត្តថ្មី ជាដើម។

23/02/2024

(ប៉ោយប៉ែត)៖ វេលាម៉ោង១៧:៤០នាទីល្ងាច ថ្ងៃទី២៣ ខែកុម្ភៈ ឆ្នាំ២០២៤នេះ នៅតាមបណ្តោយផ្លូវជាតិលេខ៥ ចំណុចខាងលិចក្លោងទ្វារវត្តអណ្តូងថ្មមាស មានករណីយុវតី ឈ្មោះ ថាត ស្រីណាត ភេទស្រី អាយុ ១៨ ឆ្នាំ រស់នៅភូមិ រស្មីសាមគ្គី សង្កាត់ និមិត្ត ក្រុងប៉ោយប៉ែត ខេត្តបន្ទាយមានជ័យ ជិះម៉ូតូដឹកជីដូនអាយុ៨៤ឆ្នាំ ចាប់ហ្វ្រាំងជ្រុលបណ្តាលឱ្យដួលសន្លប់បាត់ស្មារតី រីឯជីដូនរងរបួសស្រាលសេីរស្បែក ត្រូវបានលោក ជា គឹមសុង អនុប្រធានប្រតិបត្តិសម្ពន្ធយុវជនស្រលាញ់សន្តិភាព ខេត្តបន្ទាយមានជ័យ ប្រទះឃេីញ និងដឹកដោយរថយន្តផ្ទាល់ខ្លួនបញ្ជូនទៅមន្ទីរពេទ្យបង្អែកក្រុងប៉ោយប៉ែត។

បន្ទាប់ពីមានការយកចិត្តទុកដាក់ពីសំណាក់លោកវេជ្ជបណ្ឌិត ឱក ទីនណា ប្រធានមន្ទីរពេទ្យបង្អែកក្រុងប៉ោយប៉ែត រួមជាមួយក្រុមគ្រូពេទ្យប្រចាំការបានជួយសង្គ្រោះបន្ទាន់ដល់យុវតីដែលសន្លប់បាត់ស្មារតីឱ្យបានដឹងខ្លួនឡេីងវិញ ហេីយក្រុមគ្រូពេទ្យកំពុងឱ្យសម្រាកតាមដាន និងព្យាបាលបន្តនៅក្នុងមន្ទីរពេទ្យបង្អែកក្រុងប៉ោយប៉ែត ដោយឡែកជីដូនរងរបួសស្រាលត្រូវបានក្រុមគ្រូពេទ្យជួយលាង និងរុំរបួសជូន ហេីយអនុញ្ញាតឱ្យត្រឡប់ទៅសម្រាកនៅផ្ទះវិញ។

23/02/2024

ឯកឧត្តមបណ្ឌិត ប៉ាន់ខែម ប៊ុនថន ដឹកនាំក្រុមការងារ និងសមាជិក សមាជិកា គណបក្សប្រជាជនកម្ពុជា ក្រុងប៉ោយប៉ែត ចូលរួមពិធីបិទយុទ្ធនាការឃោសនាបោះឆ្នោតជ្រើស តាំងសមាជិកព្រឹទ្ធសភា នីតិកាលទី៥ នៅទីស្នាក់ការគណបក្សប្រជាជនម្ពុជាខេត្តបន្ទាយមានជ័យ
===============
(បន្ទាយមានជ័យ) ៖ នៅព្រឹកថ្ងៃសុក្រទី២៣ ខែកុម្ភៈ ឆ្នាំ២០២៤ ឯកឧត្តមបណ្ឌិត ប៉ាន់ខែម ប៊ុនថន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានក្រុងប៉ោយប៉ែត បានដឹកនាំឯកឧត្តម លោកជំទាវ លោក លោកស្រីជាអនុប្រធាន និងសមាជិក សមាជិកា គណបក្សប្រជាជនកម្ពុជា ក្រុងប៉ោយប៉ែត ចូលរួមពិធីបិទយុទ្ធនាការឃោសនាបោះឆ្នោតជ្រើស តាំងសមាជិកព្រឹទ្ធសភា នីតិកាលទី៥ ក្រោមអធិបតីភាព ឯកឧត្តម កែ គឹមយ៉ាន សមាជិកគណៈអចិន្ត្រៃយ៍គណៈកម្មាធិការកណ្តាល និងប្រធានក្រុមការងារគណបក្សចុះមូលដ្ឋានខេត្តបន្ទាយមានជ័យ នៅទីស្នាក់ការគណបក្សប្រជាជនកម្ពុជា ខេត្តបន្ទាយមានជ័យ។

22/02/2024

ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាល និងជាប្រធានក្រុមការងារបក្សចុះមូលដ្ឋានក្រុងប៉ោយប៉ែត រួមទាំងក្រុមការងារតែងតែយកចិត្តទុកដាក់ និងចូលរួមរាល់សុខទុក្ខរបស់ប្រជាពលរដ្ឋក្នុងក្រុងប៉ោយប៉ែត ទាំងយប់ទាំងថ្ងៃ!

21/02/2024

នៅវេលាម៉ោង៧និង៣០យប់នេះមានករណីភ្លើងឆេះរាលនៅភូមិទួលពង្រ សង្កាត់អូរប្ញស្សី ក្រុងប៉ោយប៉ែត ទទួលបានព័ត៌មាននេះ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះជួយក្រុងប៉ោយប៉ែត រួមជាមួយលោកអភិបាលក្រុងប៉ោយប៉ែត បានដឹកនាំកម្លាំងរួមមានអធិការដ្ឋាននគរបាលក្រុងប៉ោយប៉ោយប៉ែត នគរបាលវិរៈការពារព្រំដែន៩១១ កម្លាំងអាវុធហត្ថក្រុង ចុះធ្វើការទប់ស្កាត់ការាលឆេះដល់លំនៅដ្ឋានប្រជាពលរដ្ឋ និងប្រើប្រាស់រថយន្តបាញ់ទឹកចំនួន២.គ្រឿង ជាលទ្ធផលយើងគ្រប់គ្រងសភាពការណ៍បានទាំងស្រុងនិងរំលត់ជាស្ថាពរនៅវេលាម៉ោង៩និង១៥នាទីមុននេះ។