https://www.facebook.com/107538695313306/

Ruriri Kikuyu News.co.ke

Home
Kenya
Nairobi
Ruriri Kikuyu News.co.ke

A Kikuyu News Blog Disseminating Educative, Entertaining and Informative Content.
(2)

03/09/2024

"Ihinda rĩtarĩ kũraihu nĩngumbũra arĩa mendaga kũhagũra thirikari ya President Ruto." Mũmbunge Kimani Ichung'wa kuuga.

03/09/2024

Kĩeha thutha wa andũ kenda (9) gũte mĩoyo yao mĩaraho ya ũmũthĩ kũrũmĩrĩra mũtino wa barabara, mũtino ũrĩa wahanĩka mwena wa Koguta, junction ya Londiani gũthiĩ Muhoroni kauntĩ-inĩ ya Kericho, thutha wa ngari mũthemba wa matatũ ĩrĩa yuuma na athii kũgũthana kĩongo gwa kĩongo na rori. Ndeto ĩno yekĩrwo mũkonde nĩ Komanda wa borithi kauntĩ-inĩ ya Kericho Geoffrey Manyeki. Ndeto makĩria nĩtũgũkũmenyithia.

03/09/2024

Mũthaaki wa tene wa timu ya bũrũri ya mũbira wa magũrũ Harambee Stars nĩwe Collins Gattuso Okoth, nĩakanĩte ihĩtia rĩa kũraga kaana ka ũkũrũ wa mĩaka ĩtatũ, itũũra-inĩ rĩa Lucky Summer, Ruaraka Nairobi. Na Collins hamwe na mũrata wake mũirĩtu ũgwĩtwo Silvia Aoko, marerĩkana gũkorwo matabanirie gĩĩko gĩkĩ kũrĩ mweri-inĩ wa April mwaka ũyũ, hĩndĩ mami wa kaana gaka oimite nja na agĩtiga mwana ũyũ nyũmba. Ekũĩrwo aya eerĩ nĩmatanyĩtwo kũhingĩrwo ceceni ngũrani cia borithi rĩrĩ ũthuthuria wa ngero ĩno ũrathiĩ nambere.

03/09/2024

Kũrĩ na ngayũkano ya mĩario gatagatĩ-inĩ ga kĩama kĩa arimũ Kuppet thutha wa mũgomo wa arimũ a cekondarĩ kũninwo mũthenya wa ira. Na kũringana na arimũ kuuma matũũra-inĩ ngũrani bũrũri-inĩ, maugĩte mwandĩki mũnene wa kĩama gĩkĩ Akello Musori ndanarũmĩrĩra mĩtaratara ĩrĩa yagĩrĩire yagũkuruhania arimũ oothe gũkinyanĩria itua rĩa kũnina mũgomo ũyũ, makĩmwenda rĩu atige wĩra. Oho arimũ aya marauga mũgomo wao ndũthirĩte no ũrathiĩ nambere.

03/09/2024

Thĩiniĩ wa gĩikaro gatagatĩ-inĩ ga President wa China Xi Jinping na president wa Kenya William Ruto, mabũrũri maya meerĩ nĩmaiguanĩire kũnyitanĩra kĩwonjoria, arĩhamwe na China kũhingũra thoko ya irio iria cikũragio gũkũ bũrũri-inĩ, nayo China ĩteithĩrĩrie Kenya harĩ kwararamia reli ya SGR, hamwe na barabara ya Rironi gũthiĩ Mau-summit.

03/09/2024

Mĩĩto ya Raila Odinga gwetha ũtongoria wa kamĩtĩ ya AUC nĩũthiĩte nambere kũhũrĩtwo njeki, mũndũ wa ihinda inini ihĩtũku kwanĩrĩra kũnyiita mbaru Odinga arĩ President wa nahau gatene Uhuru Kenyatta. Na kũringana na ngathĩti ya Daily Nation, Uhuru kũgerera wabici yake augĩte arahũthĩra ũrata wake wa tene thĩiniĩ wa Africa gwĩkĩra Odinga kambĩinĩ.

03/09/2024

Mbaathi ya ũkuui wa mũingĩ ya kambuni ya Salama nĩĩtharĩkĩirwo nayahũrĩrĩrio rithathi ũtukũ wagũkĩa ũmũthĩ. Na tharĩka ĩno ĩrĩa ĩhanĩkĩire rĩrĩa mbathi ĩno yuuma thabarĩ-inĩ ya Moyale gũthiĩ Nairobi, ĩtigire andũ ana (4) marĩ na nguraro nanĩ marĩkirie kũhĩnyũkio thibitarĩ, gũkũ mũndũ ũmwe agĩte muoyo wake. Ndeto makĩria nĩtũgũkũmenyithia.

02/09/2024

Mathukuru mamwe nĩmekwanjĩtie gũtũma mũciĩ arutwo kuumana na mũgomo wa arutani ngwatanĩro-inĩ ya Kuppet. Mathaa manini thutha-inĩ arutani aya manĩrĩra gũcooka wĩra oona arutwo matarĩ marakinya mũciĩ. Arutwo aya rĩu nonginya macoke kĩrathi naihenya mũno mũthenya wa rũciũ.

02/09/2024

President William Ruto na Raila Odinga nĩmarĩkĩtie gũkinya bũrũri-inĩ wa China, nĩguo gwĩkinyia kĩgomano-inĩ gĩa 9 kĩrĩa kĩrehaga hamwe mabũrũri ma Africa na bũrũri wa China. Na thĩiniĩ wa kĩgomano gĩkĩ, Raila Odinga nĩatanyĩtwo kũheo mweke wakwĩyaria na kũhooya kura kuuma kũrĩ ma-president a Africa, nĩguo kũyiũkia ũtongoria wa kamĩtĩ ya AUC.

02/09/2024

Aikaria a itũũra rĩa Mutirithia Molo kauntĩ-inĩ ya Naikuru nĩmeyakĩire barabara thutha wa ũtongoria wa gĩcigo gĩkĩ kĩa ũmbunge kũmatiganĩria. Na aikari aya makĩaria na andĩki a mohoro, nĩmokĩrĩire ikinya rĩa mũmbunge wa gĩcigo gĩkĩ Kuria Kimani gũkorwo amatirikĩte, makiuga kuuma mamũthurire matimuonaga. Aikari aya maracanganire mbeca na gũthondeka barabara ĩno ĩrĩa marauga nĩĩmateithagia kũnyihia mũhatĩkano wa ngari barabara-inĩ ya Mau- summit.

02/09/2024

Kelvin Kang'ethe, ũrĩa nĩ mwĩkũĩrwo mũnene wa kũraga mwendwa wake, njũragano ĩrĩa amĩtabanĩirie bũrũri-inĩ wa America atanacoka gũũka gũkũ bũrũri-inĩ, rĩu nĩarutĩtwo gũkũ Kenya ana agatwarwo bũrũri-inĩ wa USA gũthiĩ gũthitangĩrwo thitango ĩno.

02/09/2024

Mĩhang'o ya wĩra kĩharo-inĩ kĩa ndege kĩa JKIA nĩyambĩte gũtharara, thutha wa aruti wĩra iharo-inĩ cia ndege bũrũri-inĩ kũrũrũngana kĩharo-inĩ gĩkĩ gĩa kĩmabũrũri , magĩtetia ikinya rĩa thirikari kwendekithia kũnengera kambuni ya Adani kuuma bũrũri-inĩ wa India kũramata kĩharo kĩa JKIA. Na kũringana na aruti wĩra aya, maugĩte ũndũ ũyũ waaya gũcũngĩrĩria aingĩ ao kũũrwo nĩ mawĩra. Kambuni ya Adani, ĩrendwo yoe ũramati wa kĩharo gĩkĩ nĩguo gũkĩambatĩria ikĩro.

02/09/2024

Mĩaka ĩtatũ mĩhĩtũku John Muthoni arutaga wĩra wa ũtereba na kambuni ya ũkuui ya 2NK kauntĩ-inĩ ya Nyeri. Rĩu hĩndĩ ĩmwe akuĩte arutwo a thukuru, arutwo aya makĩanjia kũgucĩria bangi ngari-inĩ ĩno, nawe John agĩtwarithia ngari ĩno nginyagia ceceni-inĩ ya borithi nĩguo gũthitanga arutwo aya, ĩndĩ kwĩrĩkanaga arutwo aya nĩmacomokeire ndirica-inĩ namakĩũra mbere ya kũingĩra ceceni-inĩ ya borithi. Thutha-inĩ ndereba ũyũ agĩbutwo wĩra, na mũmwandĩki akĩmũthitanga. Ciira ũyũ ũrĩa ũratirihirwo kiumia kĩhĩtũku, igooti rĩrakinyanĩirie itua atĩ nonginya John arĩhe mũmwandĩki ciringi 233,000 arĩ ta hathara.

02/09/2024

Rĩrĩ mũgomo wa arutani ngwataniro-inĩ ya KUPPET ĩrathiĩ nambere, hahu na kĩagago gĩa acaiari igũrũ rĩgiĩ ciana ciao iria cirĩ thukuru nĩcithiĩte nambere, kuumana na mĩgomo na ũthũkangia wa indo mathukuru-inĩ maya ũrĩa ũkoretwo ũgĩtabanio nĩ arutwo matiganĩte.

Na mũgomo wa ihinda inini ĩhĩtũku nĩ ũrĩa ũratũngirio thukuru wa imwana wa Kisasi ũrĩa ũrĩ mwena wa Kitui, mũgomo ũrĩa ũroimĩrire dagĩka niini thutha wa maabitha a KUPPET gũũkanĩrĩra na mwarimũ mũnene thukuru-inĩ ũyũ mbere ya arutwo mũthenya barigici,rĩrĩa maabitha aya marokĩte kuonana na amemba ao thukuru-inĩ ũyũ.

Dagĩka nini thutha-inĩ nyũmba ya gũkoma ya arutwo aya ĩramundio mwaki. Mwena wake mwarimũ mũnene nĩakanĩte ndeto ya mũgomo ũyũ gũkorwo ũraumanire na njũkanĩrĩro yake na maabitha aya.

Mũgomo wa arutani a Cekondarĩ ũraingĩra kiumia gĩa keerĩ, gũkũ arutani aya magĩkinyĩrĩria mũrũgamo wao wa gũtwarithia mũgomo wao nginya mateta mao marũmbũiyio.

01/09/2024

Mũnini wa President Rigathi Gachagua nĩorĩtie atongoria kuuma gĩtarũ-inĩ kĩa Mt Kenya kuunagĩra kanua ithĩgĩ na kwaragia ndeto njega cia kĩrĩma rĩrĩa marĩ ũgeni-inĩ. Na akĩaria arĩ igongona-inĩ rĩa kanitha mwena wa Meru, Gachagua augĩte tiwega gũthiaga kwaria ndeto njũru ciĩgiĩ mũciĩ ũgeni-inĩ, atĩ oona ũngĩkorwo ũrĩ na mũirĩtu mũthaka ũrenda kũhikia ndũngĩthiĩ kũmwĩra ndeto njũru ciĩgiĩ mami wanyu. Gachagua arĩtie ndeto ĩno thikũ niini tu thutha wake gũkĩrĩrwo kĩmĩario mũthenya barigici, gĩtarũ-inĩ kĩa Nyanza nĩ mũmbunge wa Kikuyu Kimani Ichung'wah.

01/09/2024

Akenya kuonia mũthekania Karwimbo Mukurino wendo mũnene, thutha wao kwĩyumĩria na njĩra nene kĩharo-inĩ gĩa Kamukunji, Nyeri, igongona-inĩ rĩa Kwarwimbo gũcookia ngatho.

01/09/2024

President Ruto hwainĩ wa ũmũthĩ nĩatanyĩtwo kuumagara nginyagia bũrũri-inĩ wa China, nĩguo gwĩkinyia kĩgomano-inĩ gĩa kwarĩrĩria ngwatanĩro ya wonjoria na ũiguano gatagatĩ-inĩ ga China na mabũrũri ma Africa. Na kĩgomano gĩkĩ kĩrĩa gĩtabanagio rĩmwe thĩiniĩ wa mwaka, kĩrehaga hamwe atongoria a mabũrũri ma Africa, China na ũtongoria wa Kamĩtĩ ya AUC.

01/09/2024

Akenya nĩmaiyũrĩtwo nĩ kĩeha thutha wa andũ 12, arĩ atumia, airĩtu na ciana 2 gũte mĩoyo yao mũthenya wa ira ũtukũ, kũrũmĩrĩra mũtino wa barabara. Na andũ aya arĩa nĩ ahũri biacara mwena wa Rongai, maroimaga igongona-inĩ rĩa ũmwe wao kũhooya kĩrathimo mwena wa Meru, rĩrĩa ngari ĩrĩa marakomborete mũthemba wa matatu ĩragũthanire na ngari ya gũkuua mĩraa ndaraca-inĩ ya Nithi. Aya 12 arĩhamwe na ciana igĩrĩ marakuire hauhau kũrũmĩrĩra mũtino ũyũ, gũkũ andũ eerĩ makĩhĩnyũkio thibitarĩ marĩ ahatĩrĩrĩku. Ĩno, arĩ mbica ya mũthia ĩrĩa marahũrĩtwo mbere ya gũtũngana na mũtino ũyũ.

31/08/2024

"Angĩkorwo Uhuru Kenyatta na William Ruto nĩmonire Raila Odinga nĩ mũndũ mwega-rĩ, niĩ ndĩũ njuge Baba nĩ mũndũ mũũru. Onaniĩ ndauga rĩu Raila nĩ mũndũ mwega." DP Gachagua kuumbũra.

31/08/2024

Mũndũ ũngĩ ũmwe nĩanyitĩkanĩte na mũrimũ wa monkey pox gũkũ bũrũri-inĩ. Na kũringana na mwandĩki mũkaru thĩiniĩ wa ministry ya ũgima wa mwĩrĩ Mary Muthoni, augĩte mũndũrũme ũyũ na ũrĩa nĩ ndereba wa marori, arakoretwo oima bũrũri-inĩ wa Rwanda, na aronanirie dariri cia mũrimũ ũyũ arĩ mwena wa Kikopey Gilgil, na athimwo aranyitĩkana na mũrimũ ũyũ wa monkey pox. Nginyagia thaici, andũ 4 nĩo mekĩrĩtwo mũkonde gũkorwo na mũrimũ ũyũ.

31/08/2024

Kĩeha itũũra-inĩ rĩa Kilera wodi-inĩ ya Ntunene, Igembe kauntĩ-inĩ ya Meru, thutha wa mũndũrũme ũrerĩkana gũkorwo arĩ na thĩĩna wa meciria kũhithũkĩra, gũtemanga na kũraga andũ ana (4) hamwe hamwe. Na agĩkĩra mũkonde ndeto ĩno mũkonde, munini wa komanda wa borithi mwena wa Laare nĩwe Mark Bitok augĩte mũndũrũme ũyũ nake nĩacokire kũhuthũkĩrwo nĩ mũingĩ uuma na marakara, ũrĩa ũmũrumirie nakũmũraga.

31/08/2024

"Wĩra ũcio wa mũng'ethanĩro tũkũhe andũ angĩ rĩu, ũtige gũkorwo wĩ wa andũ a Nyanza na kĩama kĩa ODM. Haarĩa 2027 tũkanyitana na ODM tũingĩre thirikari-inĩ." President Ruto kwĩrĩra aikari Nyanza.

30/08/2024

"Kũrĩ mũndũ ũreciria atĩ noaigĩre Raila Odinga mĩtego? Mũndũ ũngĩĩciria atĩ no atege Raila, we mũtegani ũyũ nĩwe ũkwĩnyita na mĩtego ĩno." Mũmbunge Kimani Ichung'wah kuuga.

30/08/2024

Mwonjoria ũmwe mwena wa Kisii aratara hathara thutha ngari yake gũcinwo nĩ andũ matoĩkaine. Na mũndũrũme ũyũ aroretwo agũra ngari ĩno mũthemba wa Probox ya mũigana wa ciringi mirioni 1.2 nĩguo kũmũteithĩrĩria harĩ biacara, ngari ĩno aramĩinũkia na aramĩiga gwake nja, ĩndĩ ũtukũ mũndũ kana andũ matoĩkaine maraingĩra mũciĩ gwake na maracina ngari ĩno. Rũciinĩ mwinjoria ũyũ atũngirwo nĩ kĩmako thutha wakuona ngari ya ĩcinĩtwo na kwanangwo.

30/08/2024

Bũrũri wa DR Congo nĩũrutĩte mũkaana wakwĩyeheria thĩiniĩ wa ngwatanĩro ya mabũrũri ma Africa ya Irathĩro (EAC), woona ngwatanĩro ĩno yaremwo nĩ gũkaania bũrũri wa Rwanda gũtiga ciĩko cia kũherithia Raiya a Congo, mũhaka-inĩ wa mabũrũri maya meerĩ, kuumana na ngũĩ iria cirathiĩ nambere na kwĩyumĩria.

Na mũkaana ũyũ ũrutĩtwo oro rĩrĩ igooti inene rĩa Africa ya irathĩro, rĩrekereirie itua rĩa gũthitanga bũrũri wa Rwanda kuumana na ngũĩ ici, bũrũri wa Rwanda ũkĩrĩkana nĩũkoretwo ũkinyita mbaru gĩkundi kĩa ũregani kĩa M23, kĩrĩa bũrũri wa Congo ũkoretwo ũkĩrũa nakĩo.

30/08/2024

Kimani Ichung'wah: Tũtikwenda ũteti wa "Share holding" na "Mlima".

30/08/2024

Ĩmwe cia andũ iria cithũkangirio nĩ arutwo a thukuru wa cekondarl wa imwana wa Othaya Boys, hĩndĩ ya mũgomo magĩtetia kũnyihĩrio irio mũthemba wa gĩtheri iria marĩaga thukuru-inĩ ũyũ.

30/08/2024

Tũkendithĩria mũmemerekia wa Inooro FM Wambui Wa Githongo ũkũngũĩri mwega wa mũthenya wake wagũciarwo. Happy Birthday Wambui Wa Gothongo.

30/08/2024

President Ruto: Woona Raila athurwo ta mũikarĩri gĩtĩ wa Komiconi ya AU, gũtirĩ Mũkenya ũrĩikagio ngono nĩ borithi cia Uganda mũhaka-inĩ Kenya na Uganda.

30/08/2024

Indo cia mũigana ũtoĩkaine nĩcithũkangĩtio thukuru-inĩ wa cekondarĩ wa ĩmwana wa Othaya Boys kauntĩ-inĩ ya Nyeri, thutha wa arutwo aya kumũrũrũka ũtukũ wa ũmũthĩ na kũgoma, magĩũkĩrĩra kũnyihio kwa irio mũthemba wa gĩtheri kĩrĩa marĩaga thukuru-inĩ ũyũ.

Address

Nairobi

Website

facebook.com

Alerts

Be the first to know and let us send you an email when Ruriri Kikuyu News.co.ke posts news and promotions. Your email address will not be used for any other purpose, and you can unsubscribe at any time.

Videos

Kimani Ichung'wah: Tũtikwenda ũteti wa "Share holding" na "Mlima".

President Ruto: Woona Raila athurwo ta mũikarĩri gĩtĩ wa Komiconi ya AU, gũtirĩ Mũkenya ũrĩikagio ngono nĩ borithi cia Uganda mũhaka-inĩ Kenya na Uganda.

"Raila Odinga nĩ ũmwe wa atongoria agĩrĩru thĩiniĩ wa Africa,arĩ gĩkĩro-inĩ kĩa Jomo Kenyatta." Dp Gachagua

Taigue ndũmĩrĩri ya Raila akĩitũrũra hĩndĩ ya kĩrugũrio gĩa kambĩni yake yagwetha ũikarĩri gĩtĩ wa Komiconi ya AU. #RailaOdingaNews

Raila Odinga: Ng'aragu, thĩna na waagi wa mawĩra kũrĩ mbeũ njĩthĩ a Africa, nĩmo maũndũ marĩa ngũhũrana namo woona ndathurwo ta mũikarĩri gĩtĩ wa komiconi ya AU. #RailaOdingaNews

Tarora ũrĩa mũnini wa president Rigathi Gachagua ekinyirie kĩrugũrio-inĩ gĩa kambĩ-inĩ cia Raila Odinga gwetha gĩturwa kĩa AUC.

DP Gachagua: Moses Kuria horera Ngai nĩegũkũhe wĩra ũngĩ ũhote kũrera ciana ciaku.

Gathoni Wa Muchomba: Mũndũ ũkũgeria kũruma mwana wiitũ Rigathi Gachagua ekuona ũrĩa atarĩ oona.

Martha Karua agĩbundithio gũthaaka mũthako wa "pool" nĩ gacũcũ gake. #marthakarua #MarthaKaruaNews #MarthaKaruaVideos #reelschallenge #MarthaKaruaPlayingPool

Maabitha atano a borithi arĩa marutaga wĩra ceceni-inĩ ya borithi ya Gigiri gũkinyio igooti-inĩ, thutha wa ekũĩrwo 13 arĩhamwe na mwĩkũĩrwo mũnene wa njũragano cia kware Collins Jumaisi, kũũra kuuma ceceni-inĩ ĩno ya borithi mũthenya wa ira. #NewsUpdate #CollinsJumaisi #KikuyuNews #NewsUpdate

"Uga mathĩna maku moothe!" Tarora ũrĩa mũmbunge Oscar Sudi arerutĩire gũteithia Nuru Okanga.

Mũtikamũnyamarie!! Tarora ũrĩa mũteti na mũhũri biacara Jimmy Wanjigi aikirio ngono.

"William Ruto ndarĩ akorwo arĩ thĩiniĩ wa Maternity Ward!" Mũmbunge Gathoni Wa Muchomba gũtharĩkĩra President Ruto na Mĩario mĩhiũ. #GathoniWaMuchombaNews

President Ruto: Eldoret ndĩnatuĩka mũciĩ mũnene nĩ ũndũ wakwa, kĩo kianyu nĩkĩo kĩamĩheithia gĩtĩo kĩu. #eldoretcity

Ndirooĩ mahenya nĩmarĩ mbeca nyingĩ ũguo. Nawe rĩrĩa ndaarĩ mũnini korwo nĩ ndooĩ ndeto ĩno, ĩngĩrĩ ndahotana thahabu. #KenyaOlympicsChampions #RigathiGachaguaNewsToday #FaithKipyegon #KikuyuNews ##RuririNews

Njorua cia mahenya ma Olympics kuuma gũkũ bũrũri-inĩ, rũciinĩ rwa ũmũthĩ nĩmatugwo nĩ President Ruto, igongona-inĩ rĩrĩa rĩatabanĩrio thingira-inĩ mũnini wa iregi mwena wa Eldoret. Na mũhotani wa thahabu agũtugagwo na ciringi mirioni ithatũ, mũhotani wa betha agatugwo na ciringi mrioni igĩrĩ, gũkũ mũhotani wa rũthuku kana bronze agĩtugwo na ciringi mirioni ĩmwe. #KenyaOlympicsChampions #PresidentRutoNewsToday #FaithKipyegon #KikuyuNews ##RuririNews

Mbunge ya bũrũri nĩyarĩkia kũhĩtũkia Dorcas Oduor gũtuĩka mũnene mwerũ wa waatho bũrũri-inĩ. Na rĩu Dorcas nĩaingĩra Historĩ-inĩ ya bũrũri ta mũtumia wa mbere gũtuĩka mũnene wa waatho. Ihinda-inĩ oro rĩu nake Beatrice Askul, nĩahĩtũkĩtio gũtuĩka Minista wa maũndũ megiĩ ngwatanĩro ya Kenya na mabũrũri mangĩ ma Africa ya irathĩro. #NewsKenya #DorcasOduor #KenyaAttorneyGeneral #KikuyuNews