Dawati La Michezo

14/06/2024

Michuano ya Kombe la Mataifa ya Ulaya(Kombe la Euro) ilianza kwa mara ya kwanza mwaka 1960 huku Urusi ikiwa nchi ya kwanza kushinda taji hilo baada ya kuifunga iliyokuwa Yugoslavia mabao 2-1 katika mechi ya fainali ya kwanza iliyocheswa Jijini Paris, Ufaransa.

31/05/2024

Ligi ya Taifa Daraja la Pili Kanda ya Mashariki ya Shirikisho la Kabumbu nchini Kenya FKF itaendelea Jumapili hii ya Juni 2, 2024 kwa kupigwa mechi saba. Utafiti FC wako nyumbani kuwasubiri Samwest Blackboots FC kwenye Uwanja wa Kari Muguga, Liberty Sports Academy FC watacheza ugenini dhidi ya wenyeji wao Thunderbirds FC katika Uwanja wa Laikipia Air Base.

Na kwenye Uwanja wa South B Band, wenyeji South B Allstars FC wanawaalika ASEC Huruma FC huku Royal Fresh FC wakicheza ugenini dhidi ya JYSA FC Uwanjani Gachororo.
Kibagare Slums FC wanacheza nyumbani dhidi ya wageni Githunguri Senior FC kwenye Uwanja wa Kibagare wakati Kayole Youngstars FC wanapambana na Limuru Olympic FC Uwanjani Kayole Calvary. Na katika Uwanja wa Segera Ranch, wenyeji Segera FC wanawakaribisha Waterworks FC.

31/05/2024

Jumla ya mechi sita za Ligi ya Kaunti ya Tana River ya Shirikisho la Soka nchini Kenya FKF zimeratibiwa kupepetwa wikendi hii. Jumamosi hii ya Juni 1, 2024 katika Kanda ya Hola E Ngajo FC inayok**ata nafasi ya pili kwa alama 10 baada ya kushuka dimbani mara 4 ni wenyeji wa Mission Boys FC kwenye Uwanja wa Handampia. Mission Boys FC wana alama 4 katika nafasi ya sita baada ya kucheza mechi tatu.
Nao vijana wa nyota za kijani Green Stars FC, walio kwenye nafasi ya saba bila alama, ni wageni wa vijana wa dhahabu Golden Boys FC katika mechi ambayo inachezwa Hola Stadium. Golden Boys FC wanavuta mkia bila alama huku timu hizo zikiwa zimeshacheza mechi tatu, kila mmoja.

Na kwenye Kanda ya Bungale, Eleven Brothers FC wenye alama 17 katika nafasi ya tano baada ya kucheza mechi 10 wanawaalika United Boys FC katika Uwanja wa shule ya msingi ya Bangale. United Boys FC wako katika nafasi ya tisa baada ya kukusanya alama 12 kutokana na mechi tisa.
Na siku ya Jumapili ya Juni 2, 2024 vinara wa ligi Kanda ya Hola E timu ya 004 FC wakiwa na alama 10 baada ya kucheza mechi nne, wanamalizana na timu inayok**ata nafasi ya tano kwa alama tano Dose FC katika mchezo utakafanyika ndani ya Hola Stadium. Dose FC imeshacheza mechi tatu.

Nao Iqra FC inayoshikilia nafasi ya tatu wakiwa na alama saba baada ya kushuka dimbani mara tatu wanawakaribisha ‘Tai weusi’ Black Eagles FC katika Uwanja wa shule ya Upili ya Hola. Black Eagles FC wako katika nafasi ya nane bila alama wakiwa wameshacheza mechi nne.
Na kwenye Uwanja wa shule ya msingi ya Bangale, kutakuwa na mechi ya Kanda ya Bungale ambapo Lyon FC inayoshikilia nafasi ya pili kwa alama 18 baada ya kucheza mechi 10 inamenyana na timu inayok**ata nafasi ya tatu Manazil FC yenye lama 17 kutokana na kushuka dimbani mara 9.
Mechi hizo zitaanza kwa pamoja alasiri saa kumi, kwa saa za Afrika Mashariki.

31/05/2024

Jumla ya mechi 10 Ligi ya Jimbo la Pwani(CRL) ya Kanda A ya Shirikisho la Kandanda nchini Kenya(FKF) zinatarajiwa kugaragazwa mwishoni mwa wikendi hii ambapo Jumamosi ya Juni 1, kunasakatwa mechi tano.
Kitivo FC wako nyumbani kuwavaa wageni Mombasa All Stars FC ktika Uwanja wa shule ya Upili ya Kenyatta huku Mwavumbo FC ya Kaunti ya Kilifi wakikipiga nyumbani dhidi ya Kingstone FC kwenye Uwanja wa Mariakani Polytechnic.

Nao Wananyuki FC na Mombasa Eagles FC wanajuliana hali katika Uwanja wa Bomani MTTI huku vijana wa Bandari Youth FC kutoka Mombasa wanawakaribisha wageni Vanga United FC kutoka Msambweni Kaunti ya Kwale kwenye Uwanja wa Mombasa Sports Club B. Mombasa Hamlets FC, wikendi hii wanacheza mechi mbili zote za ugenini katika Kaunti ya Taita Taveta, Jumamosi hii wanaanza na Eldoro Sports Villa FC katika Uwanja wa Eldoro Catholic Taveta kabla ya kumalizia kwa Real Gonga FC kwenye Uwanja wa shule ya msingi ya Mwatunge huko Mwatate Jumapili hii ya Juni 2, 2024.

Mechi nyingine zinazochezwa Jumapili hii, AIC Kongowea FC na Shimo Prison FC zinakutana Uwanjani Marianist Bombolulu huku New Hope FC ya Mikindani Mombasa wakiwa wageni wa Mdomo Warriors FC kutoka Samburu Kaunti ya Kwale katika Uwanja wa Kinangoni.
Nao maafande wa Voi Police FC wako Mombasa kuwakabili wenyeji wao vijana wa Good Hope FC katika Uwanja wa Marianist Bombolulu. Na kwenye Uwanja wa nyumba sita huko Msambweni Kaunti ya Kwale, wenyeji RWAFA FC wanawakaribisha wageni wao Legacy FC ya kutoka Jomvu Kaunti ya Mombasa.

30/04/2024

Kuna tukio la kustajabisha lililotokea wakati wa mechi pamoja na results ya kushangaza iliyotokea katika mechi ya Ligi ya FKF Division One - Zone A iliyochezwa Sunday April 28, 2024 kwenye Uwanja wa Mukinduri mjini Naivasha Nakuru County. Timu ya Fortune Sacco FC ambao walikuwa home walipata ushindi wa mabao 10-0 against Young Bulls FC ya Kilifi County.

Matokeo hayo yaliifanya Fortune Sacco FC kufikisha 58 points na kuongoza table ya league wakifukuzana na timu ya 3K FC ambayo ina 57 points katika nafasi ya pili, nao Young Bulls wana 34 points kwenye nafasi ya 9. Timu zote zimebakisha mechi moja kumaliza msimu wa ligi hiyo.
Lakini Jambo la kushangaza hapa ni kuwa badala ya ADMIN wa WhatsApp Group ya Young Bulls awe na uzuni kutokana na matokeo hayo mabovu, ADMIN huyo alijisahau na kufanya kitu ambacho hakijawahi kuonekana katika soka kwa kuipongeza Fortune Sacco FC kwa ushindi huo walioupata dhidi ya timu yake ya Young Bulls FC.
Je, kutokana na kitendo cha ADMIN huyu kuna uwezekano kulikuwa na ‘match fixing’ mbona akachukua hatua k**a hiyo? Kuna uvumi kwamba kila mchezaji wa Young Bulls FC aliahidiwa kiwango fulani cha pesa katika kila bao litakalofungwa na Fortune Sacco FC kwenye mechi hiyo.
Kumbuka hii ni mechi ya FKF Division One League ambapo timu zinafukuzia kupanda kwenda kucheza katika FKF National Super League (NSL).

26/04/2024

Mabingwa watetezi wa Ligi ya Mabingwa Afrika CAFCL klabu ya Al Ahly ya Misri watakutana na klabu ya Esperance Sportive de Tunis ya Tunisia katika mchezo wa fainali ya mwaka huu 2024 ya michuano hiyo mikubwa barani Afrika upande wa vilabu. Timu hizo zilifanikiwa kutinga fainali kwa kushinda mechi za marudiano za Hatua ya Nusu Fainali zilizofanyika usiku wa Ijumaa ya Aprili 26, 2024.
Esperance ndio waliokuwa wa kwanza kutinga fainali baada ya kuwazaba mabingwa wa taji hilo 2016 The Brazillians Mamelodi Sundowns ya Afrika Kusini bao 1-0 katika mechi ya kwanza ya nusu fainali iliyopigwa kwenye Uwanja wa Loftus Versfeld Jijini Pretoria nchini Afrika Kusini. Bao hilo liliwekwa wavuni na mshambuliaji mwenye umri wa miaka 20 Raed Bouchniba mnamo dakika ya 57. Esperance imefuzu kwa jumla ya mabao 2-0 baada ya kupata ushindi mwengine wa bao 1-0 nyumbani mjini Rades katika mchezo wa mkondo wa kwanza.
Mechi hiyo ilicheleweshwa kwa muda wa dakika 70 baada ya ngurumo za radi kutokea mjini Pretoria kufuatia mvua kubwa inayonyesha na kusababisha taa za uwanjani.
Nao Al Ahly waliwafuata Esperance baada ya kupata ushindi wa mabao 3-0 dhidi ya TP Mazembe ya Jamhuri ya Kidemorasia ya Congo DRC Jijini Cairo.
Bao la kwanza la Al Ahly lilifungwa na mlinzi Mohamed Abdel-Moneim dakika ya 68 kabla ya Wessam Abou Ali kuongeza bao la pili dakika ya 83 huku Akram Tawfiq akihitimisha ushindi huo kwa kupachika kimiani bao la tatu katika dakika ya nyongeza. Katika mechi ya mkondo wa kwanza timu hizo zilitoka suluhu Jijini Lubumbashi huku Al Ahly wakifuzu kucheza fainali kwa mara ya pili mfululizo kwa jumla ya mabao 3-0.
Fainali ya Ligi ya Mabingwa Afrika CAFCL itachezwa katika mtindo wa nyumbani na ugenini huku Esperance ikianza kuwa mwenyeji wa fainali ya mkondo wa kwanza Mei 18 kabla ya mabingwa wa Kihistoria wa taji hilo Al Ahly kuandaa fainali ya mkondo wa pili siku saba baadae Jijini Cairo.

07/04/2024

https://radiomabingwa5.webradiosite.com/news-view/1547398/watakaonogesha-nusu-fainali-ligi-ya-mabingwa-afrika-wameshafahamika

Watakaonogesha Nusu Fainali Ligi ya Mabingwa Afrika wameshafahamika Na Radio MABINGWA Jumapili, Aprili 7, 2024 Mabingwa watetezi wa Michuano ya ...

03/04/2024

Shirikisho la Soka Afrika CAF limemteuwa mwamuzi wa kati Alhadi Allaou Mahamat, mwenye umri wa miaka 37 raia wa Chad, kusimamia mchezo wa Mkondo wa Pili wa Robo Fainali ya Ligi ya Mabingwa Afrika kati ya klabu ya Al Ahly ya Misri na Simba Sports Club ya Tanzania itakayopigwa Ijumaa hii ya tarehe 5 Aprili Jijini Cairo, Misri.
Al Ahly ilipata ushindi wa bao 1-0 dhidi ya Simba SC katika mechi ya mkondo wa kwanza iliyochezwa Ijumaa ya tarehe 29 Machi, 2024 kwenye Uwanja wa Benjamin Mkapa, Jijini Dar es Salaam.

03/04/2024

Mchezo wa marudiano wa Robo Fainali ya Ligi ya Mabingwa Afrika kati ya wenyeji Mamelodi Sundowns ya Afrika Kusini na Yanga Sports Club ya Tanzania utachezeshwa na mwamuzi wa kati Dahane Beida kutoka nchini Mauritania. Mechi hiyo itafanyika usiku wa Ijumaa hii ya tarehe 5 Aprili kwenye Uwanja wa Loftus Versfeld jijini Pretoria, Afrika Kusini.
Refa huyo ameshachezesha mechi 16 za Kimataifa na kutoa jumla ya kadi za njano 78 na nyekundu ameshatoa mbili.

02/04/2024

Wawakilishi wa Tanzania katika Michuano ya Ligi ya Mabingwa Afrika(CAF CL) Wekundu wa Msimbazi mnyama Simba SC wanatarajiwa kuondoka Jijini Dar es Salaam alfajiri ya Jumatano hii ya tarehe 3 Aprili kwenda Jijini Cairo, Misri kuwafuata Al Ahly kwa ajili ya mpambano wa mkondo wa pili wa Robo Fainali.
Mechi hiyo itafanyika Ijumaa hii ya tarehe 5 Aprili na itaanza Saa 5:00 usiku, kwa majira ya Afrika Mashariki. Al Ahly iliifunga Simba SC bao 1-0 kwenye mchezo wa Kwanza uliochezwa Uwanjani Benjamín Mkapa Jijini Dar es Salaam.

02/04/2024

Kikosi cha mabingwa wa Ligi Kuu Tanzania Bara Wanajangwani Yanga SC kiliwasili salama nchini Afrika Kusini kwa ajili ya mechi ya marudiano ya Robo Fainali ya Michuano ya Ligi ya Mabingwa Afrika(CAF CL) dhidi ya wenyeji Mamelodi Sundowns itakayochezwa usiku wa Ijumaa hii ya tarehe 5 Aprili kwenye Uwanja wa Loftus Versfeld Jijini Pretoria. Mchezo huo utaanza Saa 3:00 usiku, kwa majira ya Afrika Mashariki.
Katika mchezo wa Mkondo wa kwanza, timu hizo zilitoka sare ya 0-0 Uwanjani Benjamin Mkapa Jijini Dar es Salaam JUmamosi ya tarehe 30 Machi, 2024.

29/03/2024

https://radiomabingwa5.webradiosite.com/news-view/1543131/fidel-amepania-kufuata-nyayo-zake-sergio-busquets

Fidel amepania kufuata nyayo zake Sergio Busquets Na Radio MABINGWA Ijumaa, Machi 29, 2024 Mwanzo kila mja hujipa matumaini ambapo huwa ni hali ...

26/03/2024

https://radiomabingwa5.webradiosite.com/news-view/1541275/idara-ya-uhamiaji-yawavurusha-raia-wa-kigeni-wanaotekeleza-uhalifu-kenya

Idara ya Uhamiaji yawavurusha raia wa kigeni wanaotekeleza uhalifu Kenya Na Radio MABINGWA Jumanne, Machi 26, 2024 Idara ya uhamiaji nchini Keny...