15/08/2024
+++ INTER VISTA EXCLUSIVA +++
Scup dei nostri giornalisti da salto1!1 gabiamo scoverto che la ministrazione comunala dopra la intellighenzia artificijale per ha ministrare melio la nostra città per la gioia dei nostri cari anziani. Eco cosa gaviamo scoltato!1
Assessor Babudro: "chat gpt, dime come riqualificar Barcola dopo la mareggiata"
Chat gpt: "eh, xè sai lavor..."
Assessor Babudro: "eh sì"
Chat gpt: "come faremo?"
Assessor Babudro: "eh no so, per quel te go chiesto"
Chat gpt: "e a mi te me chiedi? No te podevi chiederghe a qualchidun del mestier?"
Assessor Babudro: "e a chi? Mi no conoso nisun"
Cht gpt: "Gnanche mi"
Assessor Babudro: "e a chi ghe chiedemo?"
Cht gpt: "bon, ma sarà un assessor ai lavori pubblici, no?"
Assessor Babudro: "ah sì?"
Chat gpt: "eh no so, vedi ti..."
Assessor Babudro: "e chi xè?"
Chat gpt: "a mi te me chiedi? Chiedighe al sindaco, o zerca su gughel"
Assessor Babudro: "te ga ragion"
Chat gpt: "grazie, so."
Assessor Babudro: "gughel disi che xè la Gliödi"
Chat gpt: "a posto semo"
Assessor Babudro: "eh"
Chat gpt: "Alora?"
Assessor Babudro: "no rispondi, sarà in ferie"
Chat gpt: "me par giusto"
Assessor Babudro: "eh sì con sto caldo, se suda de fermi, no se pol lavorar"
Chat gpt: "eh sì, col riscaldamento globale me sa che xè de novembre che quela ga le scalmane, ma a sto punto, tanto val spetar che la torni de le ferie"
Assessor Babudro: "eh sì"
Chat gpt: "sa cossa che ghe volessi?"
Assessor Babudro: "no, cossa?"
Chat gpt: "un spritz morbido"
Assessor Babudro: "te sa sì"
Chat gpt: "sì, so"
Assessor Babudro: "ciò, xè proprio vero che te son un'intelligenza artificiale"
Chat: "te ga capì"
Assessor Babudro: "ma ai nostri carissimi anziani cossa ghe digo?"
Chat gpt: "ma inventite qualche monada per insempiarli come che fe col tram de 10 anni, qualcossa che no i capissi, tipo un mistero della Fede"
Assessor Babudro: "te ga ragion!"
Chat gpt: "regolare"
Assessor Babudro: "tipo podessi dirghe che stago usando la intelighenzia artificiosa per far prima!"
Chat gpt: "intelligenza artificiale"
Assessor Babudro: "sì bon, quela roba la"
Chat gpt: "ecco"
Assessor Babudro: "e li minaccio che la dopreremo per risolver tutti i problemi della ministrazion _risparmiando risorse preziose e garantendo una risposta immediata alle sigienze dei citadini_"
Chat gpt: "mettessi _immediata_ in grassetto"
Assessor Babudro: "bela idea"
Chat gpt: "ma sto spritz?"
Assessor Babudro: "cossa tutto mi go de far?
Chat gpt:" te ga ragion, ghe chiederò alla Gliödi"
Assessor Babudro: "ecco, che mi stago lavorando per i citadini"
Chat gpt: "se no te ghe fossi ti..."
Assessor Babudro: "eh, fossimo persi come l'A."
Chat gpt: "eh sì"
?