nóvember næstkomandi verður stuttmyndahátíðin Gullmolinn haldinn hátíðlegur í þriðja skipti. Hátíðin var stofnuð í Skapandi sumarstörfum Kópavogsbæjar árið 2014 og hefur fest sig í sessi sem árlegur menningarviðburður í Kópavogi. Gullmolinn miðar að því að vera vettvangur upprennandi kvikmyndagerðamanna og stuttmynda þeirra. Þar gefst þeim tækifæri á að prófa sig áfram og fá uppbyggilega gagnrýni.
Á Gullmolanum gefst tækifæri til að taka þátt í hátíð og sýna myndir sínar fyrir víðan hóp áhorfenda annarra kvikmyndagerðarmanna. Vill Gullmolinn þannig styðja við grasrótarsamfélag kvikmyndagerðarmanna sem geta rætt sín á milli og unnið saman í framtíðinni. Tónlistargrasrótin á Íslandi hefur sínar músíktilraunir, leiklistin hefur menntaskólaleikritin en kvikmyndagerðin hefur hingað til ekki haft slíkan vettvang. Að sjálfsögðu eru aðrar stuttmyndahátíðir á Íslandi en ekki einhver sem einblínir á grasrótina sjálfa. Gullmolinn styrkir þannig við þróun listamanna og hvetur upprennandi kvikmyndagerðarmenn á öllum aldri til að taka þátt. Allar stuttmyndir eru velkomnar svo lengi sem þær eru undir 15 mínútum. Forvalsdómnefnd mun sjá um að velja á hátíðina og afraksturinn verður settur í 90 mínútna prógram sem sýnt verður fimmtudagskvöldið 24. Síðan mun sérvalin dómnefnd skera úr um þrjár hlutskörpust stuttmyndirnar á kvöldinu sjálfu en dómarar verða Valdís Óskarsdóttir og Ragnar Bragason. Frekari upplýsingar veita þeir Birnir Jón Sigurðsson í síma 8571298 og Elmar Þórarinsson í 6599132.
