جوانی كوردستان

20/10/2024

سەرۆك نێچیرڤان بارزانی دەنگی دا..

13/08/2024

سه‌رۆكى هه‌رێمى كوردستان سوپاسى كونسولى گشتيى هۆڵه‌ندا ده‌كات

پاشنيوه‌ڕۆى ئه‌مڕۆ سێشه‌ممه‌ 2024/8/13 به‌ڕێز نێچيرڤان بارزانى، سه‌رۆكى هه‌رێمى كوردستان، بۆ ماڵئاوايى و به‌كۆتاهاتنى ئه‌ركه‌كه‌ى، پێشوازى له‌ به‌ڕێز ياكۆ بيريندز كونسولى گشتيى شانشينى هۆڵه‌ندا له‌ هه‌رێمى كوردستان كرد.

له‌ ديداره‌كه‌دا، سه‌رۆك نێچيرڤان بارزانى سوپاس و پێزانينى بۆ ڕۆڵ و ئه‌ركى به‌ڕێز كونسولى گشتيى هۆڵه‌ندی له‌ ماوه‌ى كاركردنى له‌ هه‌رێمى كوردستان و هه‌وڵه‌كانى بۆ بره‌ودان به‌ په‌يوه‌ندييه‌كانى وڵاته‌كه‌ى له‌گه‌ڵ هه‌رێمى كوردستاندا ده‌ربڕى و هيواى سه‌ركه‌وتنى له‌ ئه‌ركى نوێيدا بۆ خواست.

لاى خۆيه‌وه‌ به‌ڕێز كونسولى گشتيى هۆڵه‌ندا وێڕاى ده‌ربڕينى خۆشحاڵى به‌ كاركردنى له‌ هه‌رێمى كوردستان، سوپاسى سه‌رۆك نێچيرڤان بارزانى و هاريكارى و پشتگيريى لايه‌نه‌ په‌يوه‌نديداره‌كانى هه‌رێمى كوردستانى بۆ سه‌رخستنى ئه‌ركه‌كه‌ی كرد، هه‌روه‌ها خواستى وڵاته‌كه‌ى بۆ بره‌ودان به‌ هاريكاريى هاوبه‌ش و په‌يوه‌ندييه‌كانى له‌گه‌ڵ هه‌رێمى كوردستان له‌ هه‌موو بواره‌كاندا، دووپات كرده‌وه‌.

هه‌ڵبژاردنی په‌رله‌مانی کوردستان، ته‌وه‌رێکی دیکه‌ی دیداره‌که‌ بوو، تیایدا سه‌رۆک نێچیرڤان بارزانی دووپاتی کرده‌وه‌ که‌ هه‌موو هه‌وڵێک ده‌ده‌ن و کار بۆ ئه‌وه‌ ده‌که‌ن پرۆسه‌ی ده‌نگدان و هه‌ڵبژاردن سه‌رکه‌وتووانه‌ به‌ڕێوه‌ بچن. به‌ڕێز کونسولی گشتیی هۆڵه‌ندیش ستایشی به‌ڕێز سه‌رۆکی هه‌رێمی کوردستان و هه‌وڵه‌کانی بۆ ئه‌نجامدان و سه‌رخستنی هه‌ڵبژاردن کرد.

27/04/2024

بەشداریی سەرۆک نێچیرڤان بارزانی لە کۆبوونەوەی هاوپەیمانیی بەڕێوەبردنی دەوڵەتدا

07/04/2024

نێچیرڤان بارزانیی خۆشەویست لە هەموو ئەو دۆسیە گرنگانە ئامادەیە کە پەیوەندییان بە بژێویی هاووڵاتییانەوە هەیە.

29/03/2024

20/03/2024

نه‌ورۆز، جه‌ژنى نه‌ته‌وه‌يى و سه‌رى ساڵى تازه‌ى كوردى، به‌ گه‌رمى له‌ خێزان و كه‌سوكارى سه‌ربه‌رزى شه‌هيدان، له‌ هه‌ر كوردێك و هه‌موو پێكهاته‌كانى گه‌لى كوردستان له‌ هه‌ركوێ بن‌، پيرۆز ده‌كه‌م. هيواى ساڵێكى تازه‌ى پڕ له‌ خۆشى و ته‌ندروستيى باش، ئارامى و ئاسووده‌يى و سه‌ركه‌وتن بۆ هه‌مووان ده‌خوازم.

ئه‌مڕۆ كه‌ به‌ دۆخێكى هه‌ستياردا تێده‌په‌ڕين، داوا له‌ لايه‌نه‌ سياسييه‌كانى كوردستان ده‌كه‌م، به‌ گيانى به‌رپرسياريه‌تيى نيشتمانى و به‌ لێكگه‌يشتن، ناكۆكييه‌كان چاره‌سه‌ر بكه‌ن تا بتوانين پێكه‌وه‌ ڕووبه‌ڕووى هه‌ڕه‌شه‌ و ئاڵنگارييه‌كان ببينه‌وه‌ و فيدراڵى و قه‌واره‌ى سياسى و ماف و ده‌سكه‌وته‌ ده‌ستوورييه‌كانمان بپارێزين. هه‌مووان له‌ هه‌مان كه‌شتيداین و ئه‌گه‌ر هاوهه‌ڵوێست و يه‌كڕيز باین، دۆخه‌كه‌ به‌ ئه‌مڕۆ نه‌ده‌گه‌يشت.

گه‌لى كوردستان هه‌رگيز واز له‌ ئازادى و مافه‌كانى ناهێنێت. مێژوو سه‌لماندوويه‌تى تا نكۆڵى له‌ كورد و كوردستان بكرێت و مافه‌كانى پێشێل بكرێت، عێراق خۆشى و سه‌قامگيرى به‌خۆيه‌وه‌ نابينێت. با هه‌موومان له‌ عێراق له‌ هه‌ڵه‌كانمانه‌وه‌ فێر ببين. جێبه‌جێنه‌كردنى ده‌ستوور و فيدراڵى و ڕێككه‌وتنه‌ سياسييه‌كان، ده‌ستيده‌ستيكردن به‌ شايسته‌كان و هه‌وڵى بچووككردنه‌وه‌ى هه‌رێمى كوردستان و پێشێلكردنى مافه‌ ده‌ستوورييه‌كانى، جگه‌ له‌ زيان هيچ سوودێكى بۆ عێراق نابێت.

له‌م جه‌ژنه‌ پيرۆزه‌دا جه‌خت له‌ بڕوا و سياسه‌تى نه‌گۆڕمان ده‌كه‌ينه‌وه‌ كه‌ هه‌رێمى كوردستان وه‌ك هه‌ميشه‌ له‌ ناوچه‌كه‌ فاكته‌رى ئارامى و سه‌قامگيرى ده‌بێت. خوازيارى په‌يوه‌نديى باش و دۆستانه‌ و دراوسێيه‌تيى باشه‌ له‌سه‌ر بنه‌ماى ڕێز و به‌رژه‌وه‌نديى هاوبه‌ش. هه‌ر له‌م بۆنه‌يه‌دا پيرۆزبايى له‌و گه‌لانه‌ش ده‌كه‌ين كه‌ جه‌ژنى نه‌ورۆز ده‌گێڕن و ئه‌م ياده‌ ده‌كه‌نه‌وه‌.

سوپاسى تێگه‌يشتن و گيانى به‌رپرسياريه‌تى و خۆڕاگريى فه‌رمانبه‌ران و خه‌ڵكى كوردستان ده‌كه‌م. له‌ نزيكه‌وه‌ ئاگادارى بارى ژيان و گوزه‌رانيانين. چاره‌سه‌ركردنى ئه‌م دۆخه‌، كارى له‌پێشينه‌ى هه‌موومان له‌ هه‌موو دامه‌زراوه‌كانى هه‌رێمى كوردستانه‌. دڵنيايان ده‌كه‌مه‌وه‌ كه‌ ئه‌م سه‌ختيانه‌ش تێده‌په‌ڕن و ده‌بنه‌ ڕابردوو. به‌ ئومێده‌وه‌ به‌ره‌و ژيان و داهاتوويه‌كى باشتر هه‌نگاو ده‌نێين و كوردستان بۆ هه‌ميشه‌ وڵاتى پێكه‌وه‌ژيان و لێبورده‌يى و فره‌يى ده‌مێنێته‌وه‌.

نه‌ورۆز و سه‌رى ساڵى تازه‌تان پيرۆز.

20/02/2024

سه‌رۆكايه‌تى و حكوومه‌تى هه‌رێمى كوردستان له‌گه‌ڵ کۆمسیۆنی باڵای سەربەخۆی هەڵبژاردنەکانى عێراق كۆبوونه‌وه‌

ئەمڕۆ سێشه‌ممه‌ 2024/2/20 لە سەرۆکایەتیی هەرێمی کوردستان، شاندی سەرۆکایەتیی هەرێمی کوردستان و حکوومەتی هەرێمی کوردستان بە ئامادەبوونی به‌ڕێز نوێنەری یۆنامی لەگەڵ کۆمسیۆنی باڵای سەربەخۆی هەڵبژاردنەکانى عێراق کۆ بوونەوە.
‌‎مەبەستی کۆبوونەوەکە، تاوتوێکردنی هەنگاوەکانی ئامادەکاریی هەڵبژاردنی پەرلەمانی کوردستان بوو. سەرۆکایەتیی هەرێمی کوردستان و حکوومەتی هەرێمی کوردستان، ئامادەیيی تەواویان بۆ ئاسانکاری و هاوکاریکردنی بەڕێوەچوونی پرۆسەکە بە شێوەیەکی شەفاف و پیشەییيانە دەربڕی.
‌‎لە کۆبوونەوەکەدا، کۆمسیۆن باسی ڕێکارە تەکنیکییەکان و دابەشکردنی کات بۆ هەنگاوەکانی ئەنجامدانی هەڵبژاردنیان لە چوارچێوەی کاتی بەردەستی یاسایيی تەمەنی کۆمسیۆندا خستە ڕوو، لە هەمان کاتدا نوێنەری یۆنامیش ئامادەیی نیشان دا کە هاوکاری هەموو هەنگاوەکان بن بۆ سەرکەوتنی پرۆسەی هەڵبژاردن.
‌‎له‌ كۆبوونه‌وه‌كه‌دا جه‌خت كرايه‌وه‌ كه‌ سەرۆکایەتیی هەرێمی کوردستان و حکوومەتی هەرێمی کوردستان وەک ئەوەی لە ڕابردوودا هەنگاوی جدییان بۆ بەڕێوەچوونی هەڵبژاردن لە هەرێمی کوردستان هه‌ڵناوه‌ و ئەرکی ياساييى خۆیان بەجێ گەیاندووە، ئێستاش بە هەمان پەرۆشی و ڕژدييه‌وه‌ هەموو کارێکی پێویست ئەنجام دەدەن بۆ ئەوەی هەڵبژاردنێکی سەرکەوتوو لە هەرێمی کوردستان ئەنجام بدرێت.

27/12/2023

نەخشە کێشێکی کارامە بۆ ئاوەدانی و پێکەوە ژیان